Tjinlung -20

THINLUNG.. (20)

Ziaktu: Toni Râlte

(Tun tum chu ka tih loh dan ang deuhin request a tam angreng si a, You tube lama chhiar chi loh, reader te chauhin an hriat chi ka rawn zep tel ang 😊😁

Kawngka a lo kalh lo. Keh hui chungin ka lut a. A room ka pan ding nghal nalh. Khumah a lo mu a, min rawn melh kar mai. Nui hmel a pu lo va, lawm lo hmel a pu hek lo. Room kawngka ka kalh ri rak a, ka zám lek lek mawle.. A va ho e aw. A bulah ka va thu a,"Chuan" ka'n ti ngawt a! Min rawn melh chho a. 

"Eng nge? Room lehlam saw a awl" a lo ti nghat. Ka nui hawk a, "I khum zau thu i sawi tawh" ka ti a. Ka inthawlh ve nghal sawk sawk. "Lalremruat, i va zak lo tak" a ti tak naa, a ngai haw lo tih hrethiam tur khawpin ka hrechiang ve tawh tlat. Ka kuah thawk a, ka lamah ka kuai her nghal lawih. Kan inhmatawn ran a, ka mita chiang taka en chungin, "Sex hi mipa tan game a ni em ni? " a ti sap a. 

Keia helhawlh tawh pheng chuan, "Ni lo ni lo.. Chutiang sawi a hun mi? " ka ti ţhawt. A nui hak a. 

Ka va fawp chawt. Thusawina hun ka pe dawn rih lo. Ka nghak rei tawh. A tawp ka thleng dawn hi a ni ringawt mai ni. Duhthawh zetin kan infawp mial mial a, ka nghawngah a rawn kuah ve thak, kei lah ka hmanhmawh lo lui ve deuh a, cool taka chet ka duh ve a ni. A samah na lo tea thamsakin ka hmui la sawnin a nghawng var hai leh a beng bul vel te chu ka fawp mawlh mawlh a, a za ti chu a mur ar ar mai. Ka inbengkang a, a kawrbah chu a ban bul lamah nam liamin ka tuai thla puat a, bra a hreng lo! A dam loh laia mit la lêk lo va ka lo thlir a hnute mum bial karh chu ka hmui nen ka chuktuah a, dimtê siin ka leiin ka hawl ta rak rak a. Ka tukhum leh ka hnungzáng a sawh nat danah ka thiltih mek chuan hna a thawk tha tih ka hre mai. A hnute hmur sen chek chu ka fawp dawk dawk a, ka fawh loh lam zawk ka hrual ne ne bawk. A kawr chu ka hlip ta law law a, ka kawr pawh ka phelh ve nghal bawk. Taksa lum innêk tawn chuan chhungril a ţham dan a dangdai khawp mai. A kawng fek râtah chuan ka vuan a, a hmui leh a hnute ka fawh chhawk sek.. Kan Isabella pawh awm mai mai a tum ta bik lo aniang, rawn inbengkang deuhin ka kekawr kawng a rawn dap ta that a.. Kei lahin ka dang der si lo. Ka kekawr a phelh lai chuan ka lo pui tak sawk sawk a! A boxer bul angreng tak pawh chu a hnawk ta. Ka kut veilamin awlsam zetin ka kek thla a, panty nen ka hnuaiah a mu ta zan mai le.. A bawp a chip chaih a, a mitmeng dava riai leh phurna avanga de sawr sawr melh chungin,"Ka ta i nih hi.. Bella" ka ti nghut a. 

Ka hnungzáng chul kualin a kut chu ka taksa hmalamah a rawn kal kualtir ta a. Hnuai lam a dap ta chat mai. Ka duata lah a thinrim nasa tawh a, han sawngbawl vak a ngai tawh lo. Bella kutzungtang sei sil sel chuan dim zet hian a chul kual a, engtin pawn ti se a nuam vek tho. Kei pawh ka awm mai mai bik lo, a panty chu ka pawtthla a, karei! He nu taksa nalhzia hi! Hmeichhe saruak vawi tam ka hmachhawn tawh,. Aruati kha nalh ka ti ber thin. Isabella erawh a famkim a ni ber e. Ka hmanhmawh ta thut bawk, hnuailam nawrna a nasa tawh bawk a ni. Mahse, a hriatreng theih tur sulhnu siamsak ka duhna chuan min la chet muan luihtir ve hram hram e. A hnute atanga fawp thlain a lai zawnah ka tawp chat a, tawlh thla leh hretin, a mawng bawr vawng lah vuan chung chuan ka tana inpeih ata siam tumin a taksa chu ka sawngbawl ta a. Ka lei hi ţawng nan chauh lo pawh a lo tangkai e.. Ka lu vuan chungin ka sam tam lo tak chu a kek nget nget a, a ngik feih feih bawk. 

Rei pawh kan insuasam hmain, "Remruat" a rawn ti thám ţiak a. A inpeih tih ka hmuthiam. Ka tho a, a mut dan chu ka siamrem deuh a, a bawp chip chu ka khupin ka kar kau a, khur deuh dar dar chungin a taksa chhunga lut tur chuan ka tintuah ta.. A hmel en ka duh vangin,"Bella, min en rawh" ka ti sup a. Phelh phang hian min rawn melh a, a biang a tai hlar mai. Ka taksa leh a taksa chu ka inbelhbawmtir ta a, a eu awrh mai. Ka chawl hlek a, ngai a awh hnuin ka che zui ta a ni. Duhthawhah hian duhthawh luat a awm thei lo vang tih tur khawpin a nia ka chet nat, min dawl zo tura siam a ni bawk a, min tiphur thiam kher mai. Uchuak tak nisi lo va ka mar deh a thiam thlawt e. "Maimichhing suh, ka mitah en rawh" ka ti hrâwk a, mitmeng de sawr sawr chungin min rawn melh a, a nui sak bawk. 

"A nuam tiraw? " ka ti leh a. 

"Umm.. Ka ta i ni.. I hria tiraw? " a ti a. Ka lawm veng veng. Ka hnungzang a sâwk tawn tawn a, a thle tawn sek bawk.. A zo dawn tih ka hai lo.. Ka'n uar leh deuh a, a rak deuh thawt a, a zawi ta hnawk mai.. Kei pawh puk lum nuam leh chep angreng tak siah chuan nawmna vawrtawp, ka hriatreng tawh tur chu ka tlingtla ve ta bawk. Kan zawh tawh hnuah pawh kan la inzawm reng a, a chungah ka bawk hle hle mai. Duat zetin min rawn chul a, ka bengte chu a khal niap niap mai. "Tunah chuan min phatsan thiang lo.. Ka ta i ni a, kei pawh i ta ka ni. Kan thiltih zawh chiah kha kan tan chuan thutiam a ni" a ti sep sep a. A thaw lum ham ham bawk. A hmuiah ka fawp zauh a, "Ka hmangaih che" ka ti ta thlawt mai. Ka bek tawn tawna vuanin min rawn melh chho a, "Sawi leh rawh" a ti halh a. 

"Bella, ka hmangaih che" ka ti leh nghut. Amah zawk chuan ka hmui chu rawn fâwpin, "Kei pawhin.. Tam takin" a ti sap a. 

Inkuah dun rial leh thawmhnaw tel hauh lo va taksa lawng inhne rengin kan zankhua ta thak a. Mut pawh a tui duh khawp mai. Zing kar mood chhia pawh a awm hlek lo. Rilru a nuam veng veng nia! Hmeichhe dang nena mutdun satliah nen leh kan duh leh it ngawih ngawihte nena hmangaihna chen dun inthlauhzia chu ka mipatpuite bawk hian an hrechiang ang. A nuam a ni tawp mai. Sawi vak ngaihna a awm lo. Ka mutpui avang khan ka hmusit ang maw?! Hehe.. A teuh lo mai. A lakah ka lawmin ka hmin hliah hliah zawk. Ka ta liau liau aanga ka hauh theihna hmanrua ka neih tawh vang pawhin ka lawm a ni. Hmeichhe thenkhat min rindan hi a pelhe ve fo, kan mipatpui, thinlung dik pu thiam lo te avangin an rilru a kal sual ve fo bawk. Mahse, hei erawh hre mawlh teh se. Kan hmeichhe hmangaih leh duh em em kan mutpui hian mipa te hi kan hlim veng veng a, kan inrintawkna a pun phahin kan ngaih a tha hliah hliah zawk tih hi.. 

"Chawlh kha i la nei tiraw" chokaa ka va phei chuan a ti a. 

"Tun kar ka la nei" ka lo ti vut. 

"Naktuk chu Mka naute inneihnaah chuan kal ang hmiang" a ti a. Ka va melh hráwk. 

"Ka peih lo" ka ti hmuk. Nui tet tet chungin ka nakah a rawn dêk a. 

"Nih chuan keimaha ka kal i remti tihna mi? " a ti a. 

"I kal dawn lo.i i kal lo reng reng ang. Ka bulah i awm dawn" ka lo ti hmiah. 

"Hm.. Va thu tan deuh ve" a ti nghat a. Mahse, lungawi lo hmel a pu lo. Kawngka an rawn kik dawt dawt. Kan inmelh rual thawt. Roomah ka tlan lut nghal. Ka bialnu hi tlangval riahpui ching anga miin an hmuh ka duh reng reng lo. Bella patea a lo nia. A zinna chungchang vel a lo sawipui a niang. A awm rei phian lehnghal a. 

Tukthuan kan ei laiin, "In chu naktuk atanga khawih tan mai ka duh. Hlawhfa hi vawiinah ka zawng ang a" a ti niah niah a. 

"A tha lawm. Engtin ber nge siam i tih tak? " ka tih chuan, "Dawr hi thiat ila, luah theihin siam ila, in chung ber khi pawn lam atangin a luh theih tho bawk a, luah theihin siam bawk ila. Ka awmna hi chu tihian a ni mai" a ti a. An in sak dan a rem lutuk lo bawk a, chu bak han tih vak ngaihna a awm lo bawk a ni. Mahse, a awmna tur hi a zau ve mah mah chu ka ti. A pate room thiatin choka cabinet a dah ang a, a room leh Muani room partition wall a thiat ang a, ama pualin a hmang ang. Mikhual room erawh la awm reng se.. Umm a tha vek mai e. Luah duh pawh an awm nualin ka ring. Mahse, tlangval tel lo se ka duh. Aa.. Ka thikthu hi a chhe thar riau. Hei zawng mipa bawkin an hrethiam leh ang chu.. 

Kei pawh chaw ei khamah ka inkhalh haw a. Tihtur em em ka nei si lo. Thiante in han tlawh dawn lahin hnaah an kal vek bawk si. Ka mu ta mai mai. Bella erawh hlawhfa a zawng dawn a niawm e. Ka lo muhil sek a, Phone call in min tiharh. Aruati a lo ni. Tho phang zetin ka la a. 

"I tha maw? " a rawn ti a. 

"Umm ka tha e. Eng nge inchanchin? Sanga eng nge a an? " ka ti a. 

"A la ngai. Kar leh tawp lamah phaia kal an tia.. " a rawn tih chuan, "I kalpui ve dawn em? " ka ti a. 

"A ngai maithei. Mama nen kan kal ka ring. Ka nu nerve tha lo a chhuak leh sia, ka pa lah a tihchi si loh" a ti a. An chhungkua chu ka lainat angreng. 

"Zia lo khawp mai. Engpawhnise, inzuk kal ang a, a tha leh maithei asin" ka ti ve luam a. 

"Lungleia rawn zin ve daih ka chak a nia.. "A ti sap a. 

"Nuam i ti lo vang. " ka ti ringawt. 

"Nia ka hnawk palh ang" a ti nghat. 

"Chu lam a ni lo.," ka ti leh ringawt. Sawi tur a vang thei sia a. 

"Ka ngai che.. Engmah tha tawh lo mah se, Aizawlah i awm ve tih hriat kha a nuam asin" a rawn ti a. 

"Sawi tur pawh ka hre lo.. aruat" ka ti leh tawp. Hetiang zawnga min biak hian awmdan leh sawi tur ka hre thlawt lo a ni. 

Tihtur nei anga insawiin kan inbiakna ka titawp ta ringawt. Bena nen kan inbe zui a, tlaiah Lucy te nen chaw an rawn ei dawn. Uisa an rawn keng dawn a niawm e. Khawhar an hnem deuh ang. Bella pawh sawm ve ka rilruk a. A duh lehpek ang e maw. 

Mamawii a rawn chhuk a, a sam a lo tan daih a, a inhmeh phian mai. Kekawrbul chhing teu teu nen a vei leh thuak thuak tawh. "Esi kha an ru daih a" a ti a. Ka nui huk. 

"A mak tawp, a cousin a la ni zui. A ni fapa mawle" a ti a. Vanlasanga ka hrechhuak zawk. A pu fanu a atchilh ve tak kha mawle. 

"Va mak ve. An innei dawn em? " ka tih chuan, "An la ko lo, khawlailungah an tlan daih alawm. An thinrim lutuk a, an ko duh rih lo" a ti a. 

"Nang? Eng nge Alexa vel te" ka tih chuan a thu hnawk a. A ngui nghal rawih thei mawle. 

"Min phatsan ta nge nge a nih kha" a tizawi sap a. 

"Engtin? " ka ti vat. 

"Ka nu te vang alawm. An duh lohna an lantir reng a, a awm lai pawn an insum duh si lo va, mipa inti ve ta chuan ngaihzawng a nei ta anih kha. Demna ka nei lo. Kei pawh ni ila ka ti tho ang, mahse, ka na tho.. " a ti charh charh a. Ka khawngaih reuh hle. 

"Tinge i nute hian an duh loh tlat a? " ka tih chuan, "Alexa hi a la puitling bik lo va, zu han in te a ching ve nen, bakah keini aiin an rethei a. Chuvang chu a ni deuh mai" a ti a. Dinhmun khawsak vang hian kan inhnawlin kan inhnar ta fo mai chu a nih hi a. Rilru hi a inang lo thin mang e. 

"Engpawhnise, I chhe lo va, fel deuhin awm la, bialpa tha deuh i nei leh mai ang" ka ti ta ringawt. A khi sak a, "Single hi a nuam ka ti rih. Mipa dang chu ka hmangaih thei rih dawn chuang lo va, tihnat ka duh lo. Taka Lateii kha eng nge a an zel! " a ti hliai a. Ehe! Lateii lam renh reng ka lo ngaihven tawh lo tih ka hrechhuak chiah. A va zia lo tak. 

"A tha tawh ang chu maw.. " ka ti puat a. 

"A atchilh ve mai che sia.. Chuan Isabella nen intha zel em? " a ti leh a. Kan inngaizawng tih ka la hrilh miah si lo va. Engtin nge maw a hriat ni. 

"Kan tha a ni mai e. Taka tlaiah chaw rawn ei ve rawh aw. Uisa i ei tiraw? " ka ti hlut a. 

"Ei lutuk, mahse, i thiante ka hre ve si lo" a ti a. "Ho tuk, i fel kha" ka ti liam puat. 

Isabella pawh hlawhfa a hmu ta a, tlai chaw eia ka sawm chuan a tang deuh naa, ka tilui ve deuh bawk nen, bakah ka thiante nen inhre ve hrim hrim se ka duh. Stationa a lo kal kha chu an hmu zeuh zeuh maithei. Hetia inhriat pawh hi ka duh dan a nia. Dar 3 rik hma deuhin Lucy leh a thiannu Saii te an lo thleng a. Saii chu ka vawikhat hmuhna a ni., Nula sang lam, ria deuh lam leh hmel keu ve tak a ni. Lucy nen eirawng an bawl a, Mamawii a rawn chhuk ta bawk. An fel tlang bawk a, an inkawm thei nghal mai. Bena te pawh ban rualin an rawn thleng a, Bena bakah Tluanga leh Zuia te an rawn tel. A nuam chho viau e. Bella pawh a rawn thleng ve hlawl. An han inhmelhriat chho a, Tumah han inlahrang leh intibik awm ta lo chu kan hlim tlang ve viau e. Bella leh Lucy phei chu an inpawh tha viau, Mamawii nen pawh lo inhre sa deuh an ni bawk a, Mamawii hi a nau hlek tih mai a ni. Saii leh Tluanga pawh an nui dun deuh har har reng mai. Bena'n a rawn keng bawk a, hmeichhe ho eirawngbawl laiin roomah kan lut dial. 

Zuia chuan, "Bella saw Mka nen khan an inzui rei ve asin aw. Amah saw chuan min hre lo ang a, Mka hi ka nute unau zinga upa ber ka pu fa a nia, Ka sawi ve mai mai.. " a rawn ti a. Bena'n, "A ho chutiang. Sawi hun pawh a nia mi? " a lo ti khauh. 

"A ho lutuk, engahmah ka ngai lo, ka hre vek tawh alawm. Mka khan nupui a neihsan a ni lawm ni? " ka ti a. Ka hre chiang chak ve deuh bawk nen. 

Zuia chuan, "Neihsan e mawle. Mahse, Mka sawi dan chuan amah Bella hian inneih a duh si lo va, ani lahin neih a duh tawh bawk si an inhnial thinrim kha tikhan a che ta mai niawm a ni.. " a ti a. 

"Tinge Mka te kha an inthen leh a? " ka ti leh a. 

"Kan Mka lerh lutuk vang mawle.. An dawra thawk tleirawl a lo fawrpui khanglang a, an nu khan a hre leh ta si.. An inthen zui ta ringawt a nih kha" a ti liam leh puat. 

"Kei chu Saii saw ka duh riau.. Nakinah chance min pe ang che u" Tluanga chuan a ti sur sur a. Mak kan ti vak lo naa,, "Thianpa, pa i nih tawh hi.. Tiang hian awm ziah suh" ka ti hmuk. Tluanga hian fa pawh pahnih a nei tawh, an nu lah a fel reuhin han len luh changte hian min titlangnel thiam em em thin. Tluanga hi a hmelchhe lo va, a zei bawk. Hei vang hian hmeichhe lamah pawh a tla na phian a, mi pawm lai a ni tih hre chunga kawp theihte pawh a nei. Tihian a lerh ziai ziai reng a, an nu pawn a hre thinin ka ring, an dinhmun avang chauhin a la then lo pawh ni maithei. An nute lam hi an baihvai ve deuh a, a pa a boral tawh a, a u lah addict a lo ni ve bawk nen. A lainatawm riau. 

"Aa.. A ho lutuk, ka kawpzui dawn chuang lo" a ti phar phar a. 

"Tikhan innu leh Saii i tina ringawt dawn asin. Sim tawh rawh, a hun tawh lo. Innu a khawngaihthlak lutuk, i fate pawh.. " ka ti leh duah. Ka farnu pawh an pain ngaihzawng a neihsan vanga inthen an nia, hetiang inuiresanna hi ka haw bur.. Ka tih ve loh tawp tur a ni. 

Bena pawh chuan, "Dik chiah, i kum pawh a naupang em em tawh lo. Patlin a hun tawh" a lo ti ve luam a. 

"A hmeichhe lamin min pawm theih a hnu, a ho em mai" a la ti hram.. 

"An pawm mai loh chein, an mualphoin an hmingchhe laklawh tawh a. I lo zei ve bawk nen, i zunah an uai a, pa i ni tih hre tawh mah se, an tan then nghal ringawt che kha a harsa ve tawh dawn a. Tikhan a rualin hmeichhe pahnih i tina zel tihna a nia.. a dik lo. Mi dang nun tichhe tawh suh. Saii phei saw chu a fel hmel sia, tibuai suh" ka ti ta mawlh mawlh a. A ngawi ran mai. 

Zuia chuan,"Mamawi saw ka bem ve dawn mawni.. Tun lai ka single lai ni bawk a. A chhia ka ti miah lo mai" a lo ti ham ham a. 

. "Ani pawh a single lai.. Bem rawh" ka lo ti zat. Nula tlangval an nia. A pawina a awm hleinem. 

Kawngka an rawn kik a, Zuia'n a va hawng. 

Bella a lo nia. 

"A mak! Rooma va in kher kha a ngai mawni le.. Kan hre vek tho. Lo chhuak ru.. Kan peih tep tawh" a ti lang lang a.

"Umm.. Lawk kan zo tep" Bena'n a lo ti. Saii leh Mamawii an rawn lut a, "Ka duh ve. " Mamawii'n a ti nghal sawt sawt. Kan lo sawm ve lo a ka ti rilru reng a. Zuia'n a lo thitsak vat a. A tlak pap. Tluanga'n Saii chu 'Kha lem ve rawh" tiin a pe a. Ka rin loh deuhin a lo a ve mai bawk a. Tui a ti lem lo tih erawh a hriat. Bella erawh a in ka remti dawn lo tih a hria ni maw a kalsawn leh daih. 

Mamawii leh Saii chu rin aiin an tithei phian a. Lucy pawh a rukin ka pe. Bena hian a remti vak lo va, mahse, Lucy hi chu a rui tih engmah a hriat ngai lem loh a, a in tam lo bawk. Titi nawm nana han lem ve sek ang kha a ni mai. Kan nawi tak tak hmain chaw ei kan rawt ta a. Ei chak viau e ti lo chuan kan ei thei hlawm vak lo. Ruih tawh hi chuan duh ang takin a ei theih tawh thin loh. Kan eina vel chu Lucy leh Bella ten kan sengfel sawk sawk a. Mamawii leh Saii erawh kan bulah an phusa ve nasa mai. Bella chu ka lo thlir leh vung vung zel a, Tluanga pek chuan, "I lung a va han dum awm hliah hliah tak.. Em em a che" tiin min nghawk sawk. Kan nui ham ham mai. An intihfel zawhah an rawn thu phei ve a. Zuia'n bur dang a rawn phawrh leh nulh. Puar lai lai a!

"In belh tawh suh" ka beng bulah a rawn ti sap a. A zahawm ru riau. Ka nuih tlawn ta vel a. In belh chu ka tum em em lo. 

"U Bella leh U Imma te hi innei vat se.. An inhmeh sia" Mamawii chuan a rawn ti ham ham a. Lucy chuan, "Dik chiah nupa niawm tak an ni. An te pawh an inang deuh" a lo ti a. Kan lai ve deuh nge kan nui put put ringawt. Tluanga kut hlei zet chuan ka mit a tikham lek lek, Saii chu a khal a khal mai a, min zah zo lo a ni ber mai. Saii tak pawh no hnih khat lem vanga chutia inhawng sa reng renga a awm nghal chu mak ka ti deuh. Saii kawr chhung zenin a hnute chu a khalhsak a, inngaizawng nghet tawh Bena leh Lucy te pawh an thu ve mai mai si.. An ninawm. Bena pawn a lo hmu ve reng niawm a ni, "Tluang, Mikhual roomah va phei teh u.. Hmuh inninawm" a ti ta nge nge a. Thian vek kan ni tho bawk a, an ngai haw bik lo a niang, nuih dun ker ker pahi room chu an pan ta a. Mamawii bulah Zuia a insawn ve thurh. 

Lucy chuan zawi sap hian, "Tluanga awmdan hi ka duh lo, Saii pawh nichin khan ka hrilh reng sia.. Mi pasal hi chu kawp loh a him asin" a ti a. 

Zuia chuan, "Aa.. Zanin bak an inkawp zui nang, kan Tluangzeia hi zawng khap a har a nih hi" a lo ti nuah nuah. 

Bella chuan, "A chet chhiat hun a la awm mai ang. An tluang ngai lo" a lo ti dam thlap. Mamawii chuan zu a thli karh karh a, puar pawh sawi loin a tlak leh pup. Zuia chuan a bekbawr ve deuhin ka hria. Hneh ve thei tak ang maw.. Guitar ka va la chhuak a, chhuatah pher phah duaiin kan thu niaih a, kan zai ta tleng tleng mai. A nuam ka ti tiang hi. Tluanga te thawm erawh a reh hmak. An hlim dun viau a nih ka ring. Dar 8 a ri dawn hnai tihin kawngka an rawn kik dawt dawt a, Mamawii'n, "Ka pa a ni lehpek ang. Ninawm" a lo ti hluk. Ka tho va, ka va hawng a. Ka rin loh lutukin Tluanga nupui leh Tluanga farnu an lo ni reng mai! Ka tawlhhnung dawrh nghe nghe. Tluanga nupui hi Seni tiin kan ko mai zel a, Seni chuan, "U Imma, U Tluanga hi khaw nge? Hetah chaw kan ei dawn a ti sia.. Tunah Bawihtea awmna chin kan hre lo va, " a ti khur dat dat a. A manganzia leh rilru hahzia chu a hmelah a lang. 

Ka aw ka thian nghek ringawt. Chhan dan tur a va vang em. Tluanga farnu Aremi chuan, "Call a a thei bawk si lo, mi dang kan la hrilh lo va, tihian chhungkuain kan zawng ringawt.. " a lo ti ve a. Bena a tho nalh, Mikhual room kawngka chu kik dat datin, "Thianpa, Thianpa, lo chhuak vat teh. In nute an lo kal a nia. I fapa a bo" a ti ta a. Kan lo thlir thap ringawt. Rei vak lo hnuah Tluanga chu pawr fup hian a rawn chhuak a, a mitmeng a phelh hle. An nute hmel a hmuh chuan, "He lai thleng thlenga min rawn zawn a ngai em ni? Min lo call mai ta che u, a mualphothlak lutuk" a ti hluk hluk a. 

Seni chuan, "Kan call nasa lutuk che. I la thei lo, a hnuah i switch off daih bawk sia" inthlahrung dai hian a lo ti a. Chutih lai tak chuan mikhual room atangin Saii uak thawm kan hre zui ta a, hmanhmawh zeta rawn tlan chhuakin bathroom a pan a, a va luak ta bawrh bawrh mai. Seni mitmenga natna inphum chu aw.. Hmuh a va hrehawm tehlul em.. A pasal chu a melh tlawk tlawk ringawt. Aremi chuan, "I va tenawm tak em.. Tihian hmeichhia nen nuam inlo chen a, keini kan mangang em em a. " a ti hlawih hlawih a. 

Tluanga chuan a khabe a tuai a tuai ringawt. Saii rawn chhuak chu Aremi chuan lo dinchilh rapin, "Nangnu hi i va zak lo ve, ka u hi mi pasal a nih hi i hre na nge? Tunah a fapa a bo a, kan mangang em em a.. " a ti ta sak sak mai. Saii chuan ruih hmel zeta lo melh letin, "A fapa boah chuan thiam lohna ka nei lo" a ti chhak a. Aremi tawng tum leh mek chu Seni chuan lo khapin, "Haw phawt ang u. Bawihtea chu khaw nge a awm ang? Tunah chuan thil dangah buai ka duh rih lo" a ti ţiau a. Ka va lainat tak e aw. 

Bella a rawn inrawlh a.. "Hei kan awm alawm.. Hawh u, i zawng ang u, insem darh ila" a rawn ti a. Kan pawm tlang hle. Tluanga chuan an nu melh khui chungin, "Engtin nge a bo theih? Nu i nia, vil ta che. Engtin nge i hloh theih a? " a ti khur khur a. Bena kut hum ruh chu Lucyin a lo chelh vat. Bena hi zawng tharum thawhna lamah kan hmakhalh hleithei ngai lo. 

Seni chuan inhnit faihin, "Kan chaw ei kham khan 'A pu te inah ka phei dawn' a tia. A chhuak zui daih a. Ni dangah pawh a pute inah chuan a kal fo a, zanah pawh. A hnuah hei Aremi dawr kal tur hian, 'Khaw nge bawiha, dawra kalpuiah sawm ka duh asin' a rawn ti a. An ina a phei thu ka sawi chuan, 'A lo phei renh reng lo' a ti sia. Kan ngaih a tha ta lo a ni" a ti a. Thiam lohna engmah a nei lo. Tluanga te in leh a pa te in inkarah hian in pathum a awm a, inhnaih tak an ni. Chumi kar lekah chuan a bo tihna ania. 

"Thenawmte leh a thiante inte in en tawh ang chu tiraw? " ka lo ti a. 

"En vek tawh, a awm lo.. " a ti a. A tap lek lek mai. Zuia chuan,"Kal ang u, Tluanga, nang pawh intiharh rawh. I nupui hi thiam loh chantir reng reng suh.. " a lo ti ve a. Kan insiam sawk sawk hlawm. Saii erawh, "Ka luak a chhuak em mai. Ka chau, ka lo kal ve lo mai ang" a tih vangin inah a lo awm dawn a ni. Mamawii pawh a nu te hrilhin a rawn kal ve dawn a ni. Tluanga te veng lamah kan tlan phawt a, Tluanga pa te lam pawh an lo buai viau tawh mai. Kan Tluangluliana lah chuan thinrimna hlir zuk zawng tang tang a! Ka va han thuai chak ëm.. Seni mangang, a fapa hming lam mawlh mawlh lah hmuh a hrehawm si. An veng chhung kil khawr lai kan fang thuak thuak a, thlanmual te pawh kan en. Hmeithai ina zang zawn ang mai a ni. A váng khawp mai. Ngaih a tha lo tan, ruk bo te hi a ni thei ang em? Lunglei khawpui kan suartluan a ni ber e. Kan rui pawh kan harh hru tawh. Tluanga pawh a mang a ang ve tak tak nge a ngui nghiai mai. Seni tap fap fap reng nen. Zan a rei telh telh mai si.. Police hnena report mai an titlu ta a. An chhung hnaite erawh chuan an la zawng kal tho. Tlaivar pawh inhuamin keini pawh Lunglei khaw chhehvel te kan hrut a, awm lo zawn ang mai a ni. 

"Ruk bo a nih ka ring" Bella chuan a ti sap a. 

Lucy pawn, "Ka lo tia kei pawn. Rukbo ni lo se, mipa naupang kum 12 mi chu hawn nachang hre tur a ni. Khawiah pawh awm se" a ti a. 

Zing dar 4 velah hawn zai kan rel ta rih a. A tuk lamah kan la inpui leh ang chu. Police ten chet kan han la ang a, himdamin kan hmu leh em ang chu maw. A pawi ngawt mai. Bella ka va thlah a, In chhung a luh dawn chuan, "I inah hmeichhe zu rui a mu tih ka hrereng tih hi theihnghilh suh ang che" a ti chang fak a. Saii a mu tih ka hre ve leh hnuhnawh. 

"Lucy khan a lam leh dawn maw ka tia" ka ti a. 

"An theihnghilh ve niin ka hria. Engpawhnise, ka ring tawk che aw.. " a ti leh lawi a. Kan infawp zauh a. A lut zui ta nghal. 

Saii chu a la mutui hle. Sofaah duhdah zetin a lo mu hnawk niaih a. Nula thapui a ni sia, Mi pasal kawih leh theiha a awm chu ka haw lek lek. Mahse, mi hi indem ngawt hleih theih a ni bik lo a, Saii pawh a hun hmasa lamah eng nge a tawn hriat va ni suh. Ka intifai a. Rit burin ka mu zui ve nghal. 

Dar 11 dawnah ka harh. Ka thaw rimchhiatzia chu! Ka uak lo chauh. Pentawng rim hi chu a chhe ve tawk a ni. Ka va thawh chhuah chuan Saii chuan artui a lo kang a. Mak ka ti deuh, a thawh veleh a haw ve mai dawn emaw ka tia.. Aa.. A tha tho mai. In hnawk vel lah chu a lo tifai mang si lo, ka han tifai zung zung a. Inbe lem lo chuan kan che dun mawlh mawlh a ni mai. 

"Ka siam dawn asin.. Chaw ei hi" a tih chuan, ka bu nghut. Ngawi rengin kan ei dun leh ta mual mual a. Mamawii a rawn lut, ",Ehe! saii chu i la haw na nge? " a rawn ti ve ta chiah. 

'Nia, zingkara haw kha ka peih chiah lo va. Eikhamah hian ka haw ang" a lo ti a. 

"Awii.. U Tluanga fapa bo kha ka mangphan nasa lutuk, engtin nge intih dawn.. U imma" tiin min rawn melh a. 

"Report kha an ziak lut a, Tuin nge case la dawn ka hre miah lo. Ka la chawl sia" ka ti a. 

"Hmu leh vat se ka ti em mai. An nu kha ka khawngaih lutuk" a ti a. 

Saii erawh a ngawi reng. Nuam a ti vak bik lo niin ka hria. 

Tluanga fapa hi Zonunsanga a ni a. Sangte tiin kan ko mai zel a. Naupang fel tawh tak, biak pawha tha taka min chhang thin a ni. An fa upa ber a ni bawk. Bena'n case la se ka ti rilru deuh, inpuih dan a awm dawn a. Naupang chungchang hi chu ngai serious tak ka ni ve. Chaw eikhamah Saii pawh a insiam a, a haw ve ta. Hmeichhe mak tak zawng a nih kha. Bella ngenna angin vawiin chu a in lamah ka va leng ve dawn a ni, a in siksawi dan velah engmah hre lo mah ila vilpui tur khan min duh ve si a. Ka phei pahin Tluanga te in ka tlawh kawi a. Police kutah an hlan tawh tho nain, chhungkhat te chuan zawn an la tum tho a, amah Tluanga tak pawh office a kal tawh. 

Seni'n inthlahrun hmel takin, "U Imma, nizan ami kha U tluanga bialnu em ni! " a tih chuan, "Ni lo e. An ck ve mai mai anih kha.. A thleng tawh lo vang" ka ti ta ringawt. 

"Bawihtea hi hmu leh ila, kei pawh ka chhuak ang ka tia. Ka tuar thei tawh ngang lo a ni e. Tunah lah Bawibtea bo chungchangah min la mawhpuh zui a.. A hrehawm em mai" a ti ta nghat nghat a. 

"Aa.. Chhuak mai lo ve. Beiseina nei phawt rawh. A fapa bona hian a tiharh ve mial maithei asin.. Engpawhnise, Pathian kan nei alawm" tiin ka hnem ve a. Mahse, a mitmenga tumruhna awm kha a langsar êm a, a sawi ang taka a awm ka ring tho. 

Bella te in ka thleng a, Dawr bungrua an lo thiar mek a, amah Bella erawh ka hmu lo. An hlawhfa pakhat chu,, "Khaw nge? " tiin ka zawt a. 

"Inleng a nei a. In chungah a awm" a ti mai a. Kei pawh in chung lam ka pan ve zat. Kawngka chu a inkhar phui lo deuh a, kik lem lo chuan ka hawng nghal rawp, sitting room lam ka va hawi ngjal bawk a. Ka thil hmuh avang chuan ka ding chawt. 

Chhuat lam melh ranin Mka hi inchei zetin a lo thu a. Bella erawh ka hmu lo. Ka aw ka thian kharh a. Min rawn melh vut.. 

"Khaw nge Bella" ka ti a. 

"A insiam mek.. " a ti hmuk a. 

"Engti turin? "

"Inneihnaa kal turin" a ti fak a. A hmelah chuan hnehtu inti hmel ka va hmu thei. Ka nghing lawih mai. Bella bulah kal lo turin ka ti vek si a. Eng sawi set set lo chuan Bella room ka hawng a, Puan a lo bih mek. "Eng nge a awmzia? " ka ti hriam hraih a. 

"I hmuh ang hian Mka naute inneihnaah ka kal dawn" a lo ti a. 

"I kal dawn maw? " ka ti leh ngat! Ka mitmeng pawh a hmuhnawm vak tawhin ka ring lo. 

Min rawn melh kiau a, "Aw ka kal a ngai a ni" a ti dam thlap. Ka nui lui suk a. 

"Aw le.. " ti nghutin ka chhuahsan nal nal. Motora ka thut lut hnu chuan ka thaw chauh niin ka hria. Ka thinrim nasatzia chu sawifiah theih a ni lo. Ka tawt vek. Ka thisen zám rawn pawn tawlh tawlh danah insum theih loh ka hnaih hle tih ka hria. Ka dam lo, ni e, ka dam hlawl lo. Chak zetin In lam ka pan a. Tlawm ka intihna te chuan chhungrilah min khei hlawk hlawk niin ka hria. Tin, Isabella ka lo duh thuk tawhzia ka hrechhuak bawk. In ka lut chiah tihin msg ka dawng a. En chaknain ka khat bawk a. Isabella msg ngei a ni. 

" Thil zawng zawng hi kan thunun theih loh chang a awm thin. Min ngaidam suh. Mahse, Englai pawhin engtik hunah pawh tunah leh damchhungin i ta ka ni reng ang" tih thu a ni. 

Ka hrethiam lo. Engmah ka hrethiam lo.. Isabella..

🙂🙂🙂🙂🙂🙂