Thinlung- 4

THINLUNG.. (4)

Ziaktu: Toni Râlte

(Adds kha.. Khawngaihin) 

Hunpui pawh a hnai leh ta kuar mai. Sawi hmaih loh tur chu Kuri a rai! Atea fa a ni tlat.. Amah zawkin mipa dang a kawp kha a ni sia, Atea a rawn puh leh daih bawk si. Atea rilru pawh a buai viau. Sawn man an pe a. Mahse, Atea pa hi pa thil thlir thui tak leh fahraha lo seilian ve tawh a ni si a, Atea fa chu pa tel lo va seilentir a remti ta chiah lo niawm tak a ni. Atea leh Thari lah an lo induh ve laklawh tawh si. A va khawlhkham thin em. Thari chuan engkim a hrethiam. Kuri chu Atea ex a ni tih hre tawhtu a ni a, an inngaihzawn laia thil thlengah chuan engmah a haw duh bawk si lo. Atea lah Kuri laka a thinrimna leh natna te kha hrerengin neih em chu a duh si lo. Kuri tak chuan inneih a hnial hran lo a niawm e. A fa pai pawh thla 3 lai a ni tawh. Ngaihbel tur tingin sex an lo hmang ve tumhrang bawk a. An buai kal reng laiin Zan khat chu Kuri'n min rawn be ta a ni. 

"Imma, dik tak chuan Atea hi ka duh lo a ni lo. Mi dang ka neihsan chhan pawh kha a thiam loh a awm ve tho. Kei kha ka lo inhrethiam lo, ka rai no ka thinchhia nen kan inhau fo a. Min ngaihsak zuina leh min han tihlawm tumna a nei ngai lo va, kei sawi tawh angin ka raino ka la na a, ka thinchhiain Atea kha ka haw bur ringawt mai a ni. Mi te pawh nupa pawh an pasal te haw tlat chi an awm thin, tiang kha ka ni aniang. Ka thi neih a mumal lo sa si a, inrinhlelh nachang ka hre bik si lo. Atea nen kan intihthiam loh laiin U Bawiha khan min lo bem ve reng bawk si, ka thinthawk thut khan ka lo chhang ve ta mai anih kha. Mahse, ka thinlung tak chuan Atea bak ka ngaihtuah ngai chuang lo. Thari nen an nih te khan ka na lutuk, mahse, min runluih ang ziazanga ka hmuh theih tura an han awm te kha ka ngei a. Engmah sawi loin ka ngawi ta reng a nih kha.. Ka awmdan mak tak vang chuan kan monu ngaih a tha lo va, intest turin min ti a. Ka lo positive ta si. U Bawiha nen vawikhatmah sex kan hmang lo. Atea bak ka puh lo thei ta lo a ni. A fa a ni miau si a" a rawn ti. Ni e, Atea hi a lerh vak lo va, zei pawh a zei hran lo. Hmeichhia han ngaihsaka han ti duam chi a ni lo va; Kuri pawn dawt a sawi ka ring hran lo. 

"A nih neih i duh em? " ka tih chuan, "Dik tak chuan hrehawm ka ti ve reng. Thari pawh zahawm ka ti. Mahse, kan chhungkaw dinhmun i hria ang a, kan khawsak a awlsam em em bik lo. Bakah ka u ten fa sen an pawm ve mek a, ka pa lah a hrisel si lo, nau pawm ila ka rethei ve hle dawn tih ka hria. Tin, pa tel lo va fa pawm chu a hautak dawn tih ka chiang. Atea pa te lam thutlukna ang ang ka pawm mai a ngai dawnin ka hria" a ti ta a. Neih a hreh lem lo tih ka hre thei. 

Atea pawh ka bia a, a la hel ve tlat! Lehlamah ka hrethiam em em tho. Kuri nen khan kum 1 an inzui hman a, an induhin buaina an nei ngai lo. Sex an hman atangin harsatna neuh neuh an nei ta chauh a ni. A hun lo va sex hman hi chuan thil tha a pawchhuak lo khawp mai. Mahse, Atea pa hi pa rorum leh a tih tawh chu kal tlangpui rap chi a ni a, Atea pawh hian a hnial ngamin ka ring chiah lo a ni. Atea nu lahin mo neih a chak thu a lo sawi ve sek bawk nen.. An hmabak a ko ve khawp mai. 

Keini erawh kan la tha tluang ve zel a. Vawi khatin vawi hnih a hring tih ang deuhin hun remchang apiangah kan inbawhbet fo mai. Lateii hian damdawi a ei mai zel a. Kan la mualpho lo mai mai zawk a ni. Damdawi a ei thin chu lehlamah ka tan a tlawmthlak hian ka hria a, mahse, rai rih lo se ka duh ve tho. Thawhchhuah kan la nei bawk si lo. An inah pawh ka tlangnel ve ta viau a, anu hi a fel riau a. A sawi duhzawng han sawipui fuh chuan kan tawp hleithei thin lo. A pa erawh a tawng tam lo va, pa sual erawh a ni lo thung. Lateii u mipa hi vawikhat chiah ka la hmu, Doctor niin inah a awm khat a, nupui a nei hnai tawh tih Lateii'n a sawi. Chumi nau chiah Lateii chhangtu hmeichhia erawh Phaiah hna a thawk a, ka la hmu lo. An upa ber mipa te chhungkua erawh Lateii te colony-ah tho an awm ve a. An fate pawh ka hmu tawh, an duhawm khawp mai. Lateii hi an naupangber a ni bawk a, an duat hliak hliak khawp mai. 

"Atea leh Thari te hi ka khawngaih" A ti sar sar a. A beng ka lo khalhsak niap niap thung. 

"Ni ngawt mai. Atea zawk hi ka khawngaih, a rilru a hah dawn si" ka ti ve a. 

"Keini chu ni ve lo ang aw.. I nih vaih chuan kei chu ka na ngawt ang" a'n ti ngawt a. 

"Nih ngaihna a awm loh hi.. I hma chiaha ka bialnu kha a rai ve hleinem" ka tih chuan, na lo te hian la biang a rawn piai a. 

"Kan nih reng lai hian sawn thlak ta la.. Ka nasa ve ngawt ang" a ti a. 

"I awm alawm.. Nangmah bak ka melh peih lo" ka lo ti thung. 

"Rai ve ta ila.. A nih? " cho zet hian min rawn melh a. 

"I rai lo vang, damdawi i ei ziah alawm" ka lo ti daih. A lungawi loh hmel angreng. A nui tho a, nuih chu. 

"Damdawi ei hi 100%in a him lo an ti ve tho.. Condom pawh" a ti a. 

"Nih chuan ei tawh lo mai la.. Bakah i taksa tan hian a that ka ring lo ee" ka ti a. Ka ti tak tak bawk. 

"Nia, hmanniah ka thiannu pawn a sawi. Kan thiannu ve tho hian a ei nasa lutuk a, nau a pai thei tawh lo an tia.. Khata tang khan ka awm a nuam lo" a ti a. 

"A niang.. Lehlamah kan ti ngam tho a, rai pawh ngam mai tur" ka ti nghut a. Rai ta se ka buai ru ve viau dawn tih erawh ka hria. 

"Hmm.. Tih loh a him ber.. Chuvang chuan insum tawh ang.. Umm". A ti a. Min melh kiau bawk. A duhawm thin mang e. 

"Ka thei mai turah ngai ang. " ka ti ve mai. Ni e, sawi tawp chuan ka nu leh pate hian he lam kawngah hian min zilh ve nasa thin a. Virgin ang riakah ka nu phei chuan min la ngai. Fate hi chu kan ring tha thin bawk a niang e. Ka pa thu min chah erawh, "Nupui atana i neih duh loh tur chu mutpui suh. " tih a ni thung. Ka zawm lem hlei lo va, ka rilru erawh chuan a hre reng thung. Lateii hi chu lo rai pawh nise a chhungten an phal phawt chuan ka nei ngam.. Ka lo tum ruk ve dan chuan hna te nei ve phawt ila, a hma lama neih daih ka duh. Ka nu lahin mo a awt ve tho si a. Tunah erawh ngaihngam lohna riau ka nei rih. Kum thar lamah Police te kha han dil ve ila, tlin ve hlauh chuan Lateii chhungte tan pawh ka iaiawm loh deuh ang chu. 

"Thianpa, rilru a va buai ve mawle.. Awmdan tur pawh ka hre tawh lo. Vawiin chu Kuri te inah ka va leng a. Amah ka hmuh khan ka khawngaih ta tlat a nih chu.. An khawsak a awlsam em em bawk si lo.. Ka pa lah chuan palai tirh a sawi sek bawk si" Atea rawn leng chuan a ti a. A mu tlem aniang, a hmel pawh a tla ve kuam mai. 

"Buaithlak khawp mai. Kha lam kha chu i duhthlannaah ka dah hmiah. Inrawlh ve dan pawh ka hre lo.. Thianpa" ka lo ti a. 

"Thari lah hian min duh ve bawk si. Amah a fel ka tia, ka zah bawk.. Mahse, lehlamah ka fa paitu rei tak ka bialnu lo ni ve tawh a awm bawk a.. Huiham.. Hur hi a pawi a nih hi" a'n ti ringawt a. Ka nuih a za deuh si, ka nui ngam chiah si lo. 

"Kuri hian fa nei se i ensan phal reng chu ka ring chuang lo" ka ti a. Ka rilru dik tak pawh a ni. Fate hmel han hmuh meuh chuan an danglam tlangpui zel. 

"Thari hi ka then mai dawn anih chuan" a ti a. 

"Nia, i thu thu. Mi â a ni lo va, a hrethiam em emin ka ring. " ka lo ti ve a. A ngawi vung vung mai. A hnu ni 2-ah Thari nen an inthen thu ka hre ta a. Lateii chuan a thiannu a ni bawk a, Thari thlavang a hauh hle. Mahse, kei chuan engmah ka sawi duh lo. Atea chuan tisual lo se ka duh ber mai. Palai an tir zui a, Kuri te lam tan pawh lo rem loh chi ni nghal lo chuan

… rai puar tawh a ni bawk a, holam tea inkutsuih an tithlu ta a. Kuri pawh a rilru a hahdam deuhin ka ring. Thari vangin Lateii lah chuan kei thleng thlengin min ngei phah a. Hmeichhe ho tak hi chu aw.. Thari pawh ka khawngaih lo a ni tawp si lo. A vanduai a ni ber zawk e. Lehlamah a hmel chhe lo a, a fingfel bawk nen, mipa dang tha tak a la tawng leh maiin ka ring. 

Ka pa te unau in Nu Puii an kawm a, an unaupa nupui a ni a, pasal dang nei tawh mah se, an la enhran lohzia a lang chiang hle. Patea khan eng thurochhiah mah a lo siam lem lo, a siam lo tihah dan anga kal dawn chuan In leh lo saw Hminga kuta awm tur a ni tawh. A chhan chu Nu Puii'n pasal a nei miau a. Chuta chhapah a pasal mitmu keh hmain a nei mai kha a ni a, ka pa te chhung lam hian sual chhuah nise chuan an hnawtchhuak thei reng. Mahse, khatiang em kha chu duh loin tihian a pasal a lalut a. Chuta karah a pasal chhungte lam an la huangtau zawmah a. Sawi lang bawng bawng lo mah se, Ka pate unau chuan Hminga te nupa lam an tang deuh tih ka hre ve thei. In leh lo chungchang chu an sawipui a. Nu Puii pawn ka pa te ho a zah ve bawk a, a sawi buai vak lo. Ka pa chuan, "In leh lo ro chungchangah in la buai rih lo naa, Rema chhungte lam hi hman ata tawh hetiang lama sawi kai an ni a, buai hun in la nei ngeiin ka ring. Chuvang chuan nangmah hian tun atangin rilru i siam a ngai. Hminga te nupa hi i thlauhthla thiang lo, in atangin i hnawtchhuak thei hek lo. Nang chu a hminga hna nei i ni a, in rethei dawn lo. Rema pawh a tihtheih tawk thawk ve reng a ni a. Nakinah buaina in la nei dawn awma a lan chuan i pasal khu i chhuahpui a la ngaih hmel.. A fate pawh in awmpui thei tawh ang a, in inrem zaw phian ang" a ti ta khawl khawl a. Nu Puii'n engmah a sawi ngam lo. Lehlamah, "Ka thawhchhuah vek alawm" tiin tan han khawh dawn se, Patea kha a that laia contract lian tham ve tak tak thawka in leh lo pawh khu chung atanga a din a ni ve miau si a. Nu puii tan tan chhan tur a váng ve rih ang. 

Ni 22, December thla a ni ta a. Boruak a nuamin kei khawvawt hi nuam ka ti a. Ka nu tih dan fo angin kan thawmhnaw hlui leh bazara a man tlawm deuh a lei khawmte chu kan singsa a. Kan veng chhunga mi harsa deuhte pek turin a chhep hrang thliah thliah a. Ka pa nen kan lo pui ve bawk. A hetih fo vang hian kan veng chhunga harsa deuhte chuan ka nu hi, "Mother India" an ti thin tih ka hre ve reng. An ngaisangin an zah em em a, chutih rualin khawi ilo kal nikhuain kan inah ngaihngam takin an rawn teilut fo a, berh ve tak tak ten lawiluh nana an hman fo chhan hi ka nu vang ka ti lo thei lo. A ruk tak chuan ka nu hi kan chhuang ve hle a ni. Thawmhnaw mai ni lo a sum fai ang pawn kumtir atang hian khawlbawm a siam a, a thlak thin. Chumi tlingkhawm chu a sem ve leh thin. Unau kan tlem a, kan hautak lo bawk nen, nikhua ka hriat theih atangin ka nu hian a kumtin tihdan hi a la sim ngai lo. Keini unau pawn a tur ve rengah ngaiin hunpui a nih tawh chuan ka nu puih nan kan lo inkhawl ru ve thin. Mami erawh a hnathawhna lamah Mas a hmang dawn a, pawisa erawh a rawn thawn leh hram. 

"Mama, Police chu i la rilruk reng em? " ka pa chuan a ti a. 

Ka nu va melh zauh chungin, "Tum ve chu a nia" ka ti a. Ka nu a ngawi reng thung. 

"Han ti ve phawt mai teh. Tun laiah hna a vâng tawh si a, I thawh awm chi ber niin ka hria. Zirtirna lam i tui bawk si lo. Office -a thu tur lahin i mizia hian a zo lo deuhin ka hre bawk nen.. I tlin ve hlauh chuan nakinah ASI i aim leh ang a, ta tang chuan SI emaw Inspector emaw te pawh i la thleng leh zel ang a. Teirei hi han peih phawt mai ila, hlawhtlin hun a awm nge nge e" a ti charh charh a. 

Ka nu chuan, "I u lah sumdawnna lamah a kal tawh a. Nang doctor tura ka lo beisei ber Police lama i kal leh daih si chuan, kan naute tal hian nurse la training ve teh se" a lo ti a. Lydia erawh a awm lo thung. 

"Nia, Doctor hi chu ka thawh chi a ni lo.. Thisuk ka nei" ka ti uang a. 

"Police thisuk nei pawh chu a va inhmeh lo si em" ka nu chuan a lo ti khauh. 

"Science ka la tawh lo va, Doctor chu nih ngaihna pawh a awm tawh loh hi, sawi ziah suh " ka ti hluk. A nui ve ringawt. 

Lydia rawn lut chu ka pain,,"Nang, eng nge i la nih dawn? Doctor nge nurse nge zirtirtu? " a lo ti vat a. 

A naute lem mit nuai chawt chawt pahin, "BA ka zir zawhah MA science ka zir ang" a ti ta pek a. Khawi atanga a hriat ni maw.. Kan vai chuan kan nui ta huk a. A tawngkam lah hi a felfai si, ka pain, "Chuan MA science i nih chuan eng nge i nih tak ang? " a tih chuan, "Prime minister ka ni dawn. Duata pawn Chief minister nih a tum" a ti leh khauh. A lu ka va tuai sak a, "Duata hi ti reng.. I bialpa ni chiang " ka tih chuan a ner nâng a. 

"Min ngam lo si.. Nichinah pawh ka vel tap" a ti a. Lydia hi a rualpui te aiin a huai riau a, a kawlh pawh a kawlh ve viau. Hotu en hian an en deuh a, a vun thim vang hian han deusawh deuh thin mah se; a toys nei tha ber ni ta chu an tlawn leh nge nge thin. 

Urlawkniah Lateii nen kan bazar ve a, Kamiz nalh zet leh nectie smart leh simple tak si min leisak a, kei pawn pheikhawk ka leisak ve. Mi an tam lutuk a, ka ning tep. 

"Jenny te inah peng ang" a tih vangin hawn hmain Bazar chhak lawka a thiannu te inah kan chawl a. Jenny bakah hmeichhe pahnih an lo awm bawk. Min han hmelhriattir a. Jenny nen chuan kan inbe tawh a, ka nel sa ve deuh mai. Thau lam, nelawm zet, nuih heh deuh mai a ni a. A hmel a tha lem lo. Ka zun chhuak tawh si chu ka va zung zuai a, ka chhuah hma deuh kawngka kalhna ka khawih lai takin, Hmeichhe pakhat zawkin, "Mike-a a dah nil tawp. A chhe lo ka ti.. " a tih chu ka hria a. Lateii awin, "Heyy, Mikea hming lamrik chi loh aw.. A thik teh mai nia" a tih zui zat chuan min tiphu deuh. A sawi danin Mike chu a naga thian, Muana a runluihna hmanrua kha a ni si a. Chutiang mai mai chu keiin ka dah nil a ngai em mawni le.. Awm chu a awm a ni. Ka va chhuah chuan thudang an sawi zui ta daih a. Thingpui kan in laiin, "Christmas leh kum thar inkarah zuk zin ang u.. Shillong chu.. " Hmuni chuan a ti a. Ani hi chu a cher deuh a, a hâng lek lek bawk. 

Jenny chuan, "Money awm lo. Ka inhmang da thak" a lo ti a. 

An zinga Lateii el pha ber tur, lian thelh thawlh, ngo su mai Nui chuan, "Kei pek, kan pa bike part ka tumsak ve bawk sia.. Da tak ka ni" a lo ti ve a. Awmhmunah ka lo nui ve ringawt. 

Jenny chuan, "Ima, zanin chu ar kang ve ila.. " a ti a. 

"Ka hre nang. In thu thu. Khalam chu" ka ti satliah a. Lateii nen kan pahnih chauha hman dun kan sawi vek tawh a, ka sawi thui vak duh lo. 

Lateii zawk chuan, "Nia a pawi miah lo. Khaw nge niang" a ti a. Ka hawihai deuh. Mahse, ka inthup leh vat. 

"Ka hria.. Lalawmi te inah ti ang u. A free alawm.. A nau nen chiah an awm a. " Nui chuan a ti a. Lalawmi pawh chu ka hre ve lo. 

"A haw na nge, he tah a hmang dawn law" Hmuni chuan a lo ti var a. 

"Umm.. Ka lo hrilh ang. A lawm viau ang. Kan va tleh phei huk dawn nia.. Mahse, kei chu kan break lai a ni sia.. Tu nge ka hruai ve ang" Jenny chuan a lo ti vat. 

Lateii'n, "Lungngai hmarchate, Dina a awm alawm.. Ka lo bia ang.. Lalawmi chu be ru aw.. Chanchin min lo hrilh vat ula.. Keiin ar ka tum ang a, a bak lo ngaihtuah ang che u" a ti a. 

Nui chuan min rawn melh a, "Lakna tur i hria em? " a ti sap. Zu a sawina a nih ka ring thiam ve mai. "Hre ve mai ang chu" ka lo ti a. 

Hmuni'n, "Sawma ka lo laktir ang. Chuan pawisa vel chu kan pe leh mai dawn nia.. " a lo ti bawk a. An rel fel chu a ni der mai. Ka lung erawh a awi chiah lo. Lateii nen kan pahniha an ina hman dun ka lo suangtuah ve vek sia. Chuti hut huta hman chu ka nuam tih zawng a ni ve vak lo. Tihah chuan ka thiante pawn hmanpui turin min sawm ve reng a, mipa hlanga hman ho a nawm thinzia pawh ka hria.. Ka lo hnar ve vek tawh a. Lateii thu sut zung zung chu ka ngei lek lek. Mahse, thiante nen chuan nuam a ti zawk dawn pawh a niang e. 

Lydia dawhthlak tur kan leisak leh hnuah kan haw ta nghal a. Ka lungawi lohna pawh ka sawi ta lem lo. A thiante ho nena han inhriat pawh a tha ve tho e ka tih vangin. 

Zan dar 8 velah Lateii chu ka va sawm a. An thenawmte ar a lo lei a, chu nen chuan Lalawmi an tihte in lam chu kan pan ta a. A bulah chuan ka phur ve leh thei mai zel e. He nu hian suai a nei a ni ngei ang. Lalawmi te chuan in mal ding an luah a, unau pathum awmna atan chuan a lian lam hret a ni. An ni hi Hnahlan khua niin, an khawsa thei phian a nih ka ring. An in luah reng a to hmel em mai. Lalawmi chu tarmit vuah, cher lam, nelawm vak lo a ni a. Mahse, kan han awmho takah chuan a hot ber ber a ni hlauh zawk. A mizia chu a mak ka tihzawng tak a ni. A phakar hmel ka ti. Ka sawi thiam danin. Thian dangte pawh an lo thleng ve tan a, mipa lam chu ka hriat tumah an awm lo. Kan han inhmelhriat chawp nawk nawk a, hmeichhia anga inei loh tih vel rilru pu ve lo nafam chu kan inkawm thei nghal mai. Zu pawh a rawn thleng ta a. Lalawmi nau mipa chu a thiante nen hmun dangah an hmang ve daih bawk a, kan free halh halh viau. 

"I awm tho a, zu pangngai ka in ve dawn. 

 nia aw" ka beng bulah a ti sar sar a. Ni ve reng, beer pawh in thei hi chuan a pangngai an in thei tlangpui. Ka awm tho bawk a, rui suau suar kara harhfim bik nih hrehawmzia ka hre tawh bawk nen, ka phalsak ve ta mai. Min rawn der hrim hrim pawh kha kei mi lungmawl tan chuan a lawmawm viau tho. Kan han kam nam chho a, boruak a sosang tan. Boney M ngei mai kan play bawk a, kan ri hut hut mai. Kei pawh ka su ve nghut nghut. Ar pawh kan puah tawh a. Kan mai theih turin kan chan bawk. Hmeichhe lamin an ti ve ang chu. Zu a tam si, kan khiat leh mawlh mawlh reng mai a, thlasik lai a ni hlauh zawk a, kan kai har mai mai. Lateii pawh a meng phelh phang tawh a. Kan ni chhû deuh vek tawh. Dar 1 pelhah chuan kan chhuak pheuh pheuh a, kan bo diak mai. Keini erawh Lateii'n, "Lut ang.. Inah awm zawk ang" a ti tlat a. Ka lo duh ve zawk tho bawk nen, kan lut leh ta daih. Lalawmi leh a bialpa a roomah an awm a. Keini a nau roomah. Mi khum tihbawrhban hi nuam ka ti vak lo nain a laklawh tawh si a, Lateii nen pawh kan che nasa ngiang mai. Hemi hunah hian alawm Lateii ka rin dan leh ngaihdan a danglam tak. A uar lutuk leh duhthawh chu thuhran, min sawngbawl dan chu vawi tam sex lo hmang tawh ang mai a ni tlat! Ka che ve meuh lo zawk. Nawmna nasa tak chu min hlui ngei mai a, mahse, ka chhungrilah erawh a tla vawn vawn ni maiin ka hria. Ka rui naa, ka rilru a harh telh telh niin ka hria. Sasa grey, mia khalifa te nen rank khata dah theih tur anga ka bialnu a khawsa chuan min vilh ngut ngut nia. Ka ngaihtuahnaah chuan chiang takin, "He hmeichhia hi ka hrechiang tawk lo a ni. Ka nupui ka nihtir ngam ang em? " tih chu a inlar zut zut mai. 

Ar pawh kan kang ta mai mai lo. Kan rui hlawm miau a. Ka nu chuan ka awmdan hmu se min zilh nasa ngawt ang chu. Christian te tana hlu lutuk kan hunpui ropui ber hetianga setana lawmzawng bera kan hmang thin hi engvang nge ni ang le tih ka ngaihtuah fo? Kan society in a kentel ve reng nge nu leh pa ten kan fate kan khuahkhirh leh lutuk a, hetiang hunpui an free ve hunah awmdan chintawk kan hre lo zawk ni ang? Ngaihtuahna a buai thei khawp mai. Christmas zing chu a thing rim nen phak lutukin ka inkhawm a. A va hrehawm tak. Sermon ngaihthlak that chu khawi lamah.. A ho duh khawp mai. 

Lateii chu ka ngaihsak ta mang lo va. Ka thian mipa te ho ka kawp ve leh tan tawh. Ruaithehniah pawh lenpuiah min sawm a, mahse, ka hnial fithla. A lungawi lo tih ka hria, mahse, ka rilruah hian eng emaw a awm tawh tlat! Sual ka inti a, ka inthiam lo ru tho. A nunhlui chu eng pawh nise ka laka zep a nei thin chu ka hua. Thudik hria ila mipa takin ka hmachhawn ang. Alexa nen an chungchang a sawi te kha ka awih ta lo riau. Mahse, kan la hre chho zel ang chu. Mas leh kumthar inkar chu Lydia nen kan inawm leh a ni mai. Ka nu te an zaikhawm thin nen, ka thiante an rawn leng thin bawk a. Zu an in duh chuan ka roomah ka intir mai. Lateii a titau char char a, ka thlem duh der si lo. 

Ni 30 zanah ka nu te pawh an chawl ve rih a, Msa leh Danny te nen in chungah guitar keng chhoin mei kan chhep a, kan zai mai mai. Dar 9 velah ka nuin min lo call a, "I thiante an lo kal " a rawn ti. Tu te tak ni ang maw. Ka zuk chhuk a, ka rin loh lutukin Lateii leh Jenny an lo nia! Ka hamhaih angreng viau. 

"Teh hlawl che u chuan.. " ka ti ringawt. Ka nu te bulah ka hmelhriattir ta bawk a. Ka nu chuan ka u kamtam luatah Lateii chu a lo hre tawh sa a, an inbe ve luam mai. 

"In vengah thil kan rawn dah a, a remchang em a kan tia.. Kan lo peng kawi.. I reh bawk sia" Jenny chuan a ti a. 

Ka nu chu thingpui lum turin chokaah a phei a. 

"In va fel ve.. Min lo call hmasak ve tur alawm.. " ka ti ve luam a. 

Lateii chuan, "Msg ka rawn thawn reng alawm i seen duh lo anih kha" a ti hmuk. Ka pa a awm ve kur sia, titau anga lan a hreh ve deuh a niang. Pangngai tak chuan an awm ve a. Ka nuin thingpui a rawn pek zawhah ka pa nen an roomah an lut ta daih. Nuam lo kan ti ang tih an hlau a niang. Lydia pawh a mu tawh. Msa te an lo chhuk ve bawk a. Lateii chu an hre sa tawh tho. Min si chetin a thu a, thiante titi lai chuan, "I mak ve thlawt" a ti sap a. 

"Hmm.. Nge ka makna? " ka ti hu a. 

"Ka titau tih pawh i hre ve reng a, min thlem pawh i tum lo. I rilru dik tak hi ka hrethiam lo" a ti hmarh hmarh a. 

"Titau tawh lo mai la" ka lo ti thung. 

"Naktuk zan chu Lalawmi'n hmang ho leh ang u a tia.. Ka lo aw ve ringawt asin. I thei ang tiraw? " a tih chuan, "Ka theih loh hmel, ka thiante nen hman ho kan lo tum tawh laklawh a" ka ti ta hmiah a. A ner nasa ngang mai. 

"A mak ee. Thiante chu an thei vek dawn a. Ka single bik dawn asin" a ti a. A tah a chhuah hmel tawp. 

"Kan bulah lo hmang ve mai la.. Single i duh loh chuan" ka ti a. A ngawi rauh rauh mai. Lehlamah min kai kual ve tawh bawk alawm.. Urlawk zan pawh kan pahnih programme kan cancel tawh a, 31st chu ka duhdan bakin ka hmang tawh dawn lo a ni tawp mai. 

Jennyin hawn a rawt ta si a, pawn thleng ka va thlah. 

"Naktuk zan chu ka ring che aw" a la ti hram. Ka chhang tawh lo. 

31st chhunah Ka nu hoin Thanpuii thlan kan va chei a, ka patea thlan pawh kan cheisak ve nghal. Hminga ten nau an nei ta si a, an tlawh hman meuh lo a niang. Hminga u te lah hi an nep ka ti mai, an ngaihtuah lo riau hian ka hria. Awmteii'n nau a vei te khan ka nu leh keimah chiahin kan tawiawm a ni mai. Awmteii chhungte lam an fel em zawk a. Hminga pawh a vui ve khawp mai. Fapa duhawm zet an nei a, tlemin an nupa rilru baihvai leh na pawh a kian phah deuh ang chu. 

"Nu, U sawmi leh U mala te hian Hminga hi an ngaihsak lo ka ti" patea thlan ka tihfai pah chuan ka ti a. 

"Aa.. An buai ve bawk a niang.. Sawmi tan chuan mi in atanga va ngaihsak vak kha a dik tawh lo alawm. Mala hi chu ka hre lo le.. An nu te lam hian an tlawhpawh nasa riau a" a ti mai a. Hminga hi chu ka lainat ve tlat atin ni. Lydia chu a nu thlan chunga fel âtin a thu a, lalipop hmuam chungin a zai rat rat bawk. A nu a ni tih a hre der si lo. Thanpuii kha la dam se aw a duat ve dawn asin le.. 

Zanriah ei khamah Atea te nen kan chhuak ho a. Ka nuin, "He tah hmang rawh u. In eitur pawh ka siamsak dawn che u nia.. Hmun danga in hman chuan ngaih a tha thin lo" a tih vangin kan ina hman kan titlu a. Mahse, a ruka peg zeuh tur kan mamawh ve miau si. Kan zuk lam leh te te a. Atea te hi kum thar lama inkutsuih tur an ni. Thari nen boruak an nei zui lo niin ka hria. Thian dangte nen in chungah kan zai leh ta hluah hluah mai. Hmeichhia an tel ve lo! Ngaihzawng kan nei ve deuh vek, mahse, hetiang hun puiah hian kan thianho hian vawikhat tal hman ho kan tum ve ngei ngei. A nuam ber bawk. Hmeichhia tel se a nuam tho ang a, mahse, mipa hlang pawn kan hlim thei tho tih sawi ka tum mai a nia. Kan titi pawh a phawkphawhraw tan viau. Kan nui leh huk huk bawk. Ka nu ten kan arsa ei tur an siam ve mek bawk. 

Lateii'n min lo call ta ngei a. "I va rei ve.. Min lo call chhen tawh a nia" a rawn ti hlak hlak a. 

"Ka sawi tawh kha.. Ka thiante nen kan hmang dawn ka tih kha" ka ti chang fak. 

"I va mak ve a. Ka lo ring ve vek tawh che a. Thiante pawn min nghak thap tawh" a ti leh a. 

"Ka thiante an tel ve bawk si lo va, nuam ka ti lo. I thian dang te sawm mai rawh. Hei kan inah kan hmang a. I duh leh i lo kal ve thei" ka ti leh hmiah. Ka pawisa ta vak lo chu ani pawn mak a tih ka ring. 

"I lo mak hle mai. A tha e. Bialnu te aia thiante thlang zawk chu.. Inchhir miah suh.. Mipa kan sawm ang e" a ti hmak a. A dah zui bawk. Pawi ka ti lo nasa. Thenna chance a ni mai. 

Zing dar 2-ah arsa kan ei a, a veilam a awm bawk. Urlawk zan ai khan ka rilru a nuam daih zawk. Lateii pawh a reh hmak mai. A tuk inkhawm awm leh nen kan tlaivar ta lo. Zing thawh pawh a nuam ta deuh e. 

Kum thar nilengin kan inbe lo va, a tuk tlai dar 4 velah Lateii chuan status a rawn up a. 

Kei aia upat hmel lek lek, sam buk zet, cher lam nen inkuah riala an thlalak a ni a. An hlim hmel viau. Captionah, "Cute couples ❤" tih a hmang a. A dawt chiah statusah, "Ka damdawi mum ka ngai.. Miss u J" tih a hmang leh bawk. Ka rilruah chuan eng emaw zawng a thawk ve. Mahse, nâ tih tur a ni hauh lo. Lateii hi ka lo hmangaih miah lo a ni mai thei e. A dp-ah pawh kha pa thlalak kha a hmang a. Kei aiin a hmelchhia.. A ho! 

Kei erawh ka ngawi char char. Status ka nei lo va, ka dp erawh Lydia, kum thar kawr nena a lak a nui ver ver lai ka hmang ta daih. Tihian ngawi ral thak ila a tha mai. Ka hrechiang tawk lo em mai. A hmel chu a tha, a bialpa nih pawh inchhuanna tham chu a tling ve ang, mahse, ka rilruah awm a awm tawh a. Ka dahbo thei mai bik lo a ni. 

Atea pawn min zawt ta chiah a, 31st zan ka hmanpui theih loh vanga min then angin ka sawi tawp. A chal a chuar nang nang a. 

"Tak taka Bawiha, ka thian i nia. Zep loh chuan ka sawi tawp ang. A tir pawh khan ka duhpui vak loh che avangin i tina ang e ka ti kual a. Mahse, i duh miau sia.. Then hlen la ka duhpui che.. A chanchin an sawi dan hi dawt vek a ni thei lo, ka cousin mah nise ka tan lo. Chuvang chuan, pa takin awm phawt mai rawh" a ti ta a. Zawhna dang ka zawt duh lo. Ka hriat tura tul ber a nih loh chuan hriat kher ka mamawh lo ve. Lateii chu hlim mawlh teh se. 

Kum thar chawlhni hmasa ber zingah Lydia chuan min rawn kai tho a, hmai ka phih mek laiin ka pa chuan call a dawng a. 

. "Eng a?! " a tih hluai takah chuan ka va melh hrâwk. Ka nu pawn a lo melh ve chiah. Ka pa hmel chu a dik lo. 

Phone a dah hnuah, "I Nupuii Pasal Rema fanu te zawk kha a boral a. Hminga rehhlum angin an sawi anih awm chu.. Police pawh an hrilh tawh" a ti ta nghut a. A mitmeng chu a rum ngeng ngawng hle. 

(Muah vek u 😘