Ka roommate - 2

KA ROOMMATE (Part- 2)

Ziaktu: Toni Râlte

Asangi'n zeppui tura min tih rih avangin Ruati leh U Muani bulah engmah ka sawi ta rih lo. Asangi chu a khua a la sik zeuh zeuh vangin hnaah pawh a kal ta lo a, kei erawh class ka la kal. Hun remchang kan la hmu hleithei lo nge Asangi inpuanna ka ngaihthlak chak tawh nen.. Room inpindanna plywood mai a ni si a, ţawng hi ngaihthlak kar chuan a hriat vek theih a, chu chu Asangi pawh a la inpuan loh chhan niin ka hria. Tin, zanamah a mu tha mang lo, Zan khat phei chu a rawn rum chhuak leh a, hlauhlawp hmel a pu bawk. A thlan te a tla hliam mai. Chumi tum chuan, "Min kawm a duh a. Hnar ka tum a, a thinrim a ni" a ti. A bak engmah a sawi zui duh lo thung. Tiang chuan ngaihtuahawm ru deuh, ngaihtuah hluak dawna serious em em ni si loin hun a hmang a, a khawngaihthlak viau mai. Mahse, hun remchang chu a rawn inher chhuak ta e. Holiday a ni a, Ruati leh Umuani te pawh parlour-ah an sam an va siamtir a. Mi dang ho chu venthawn em em an ngai lo, chhuak an awm nual bawk. Asangi pawh a zia ve tawh bawk a. A va inbual fai te te a. Khumah thu dunin a nun thuruk chu a sawi ţan ta a. 

He tiang hian.. "Kan khua chu i hriat tawh angin thingtlang, chhim tawpa awm kan ni a. Damdawiinah pawh ka piang lo. Thla 7-a piang ka nia, ka thih loh reng an ring lo nghe nghe. Mahse, vanneihthlaktakin ka dam chhuak a. Ka chak tha viau lehnghal. Ka hming hi ka nu nuţa ka puin Pathian hnen atanga ka dawn tiin, Lalramsangi a phuah a. Kan chhungkua hi pali chiah kan ni. Ka nu ka pa leh ka u mipa. Ka pa hi taima rumrut a ni a, ei sen loh buh kan thar kumtin zel. Ka nu erawh in lam enkawl thiam tak, faina leh thianghlimna ngaina tak a ni. Kan unau pawh kan bal ngai lo.Thingtlang kilkhawr tih takah kan khuaah Middle school bak a awm lo va, lehkha ka thiam thei a, pakhatna ka ni zar zar zel. Middle ka pass takah chuan kan khaw thenawmah High School chu ka va kal ta a. Ka nu nuteii te inah ka va khawsa a ni. Min duat ve tho nain an fanu nula senior thinchhe deuh vangin ka awm a nuam lo fô. High schoolah pawh a thiam pawl ka ni leh ta zel a. Ka lung a leng thin em zawk a, lehkha ka zir tam loh phah. Chawlh a nih hlek tawh chuan ka haw reng zel. Ka nu ka ngai ber zel a ni. Ka sawi hmaih loh tur chu ka u mipa kha middle school pawh zir chhuak lovin a bang daih a, ram lamah ka pa hnung a zui a ni. Kei chu ka pa te pawn min fuih ve nasain an innghahna ka nihzia an sawi reng thin. Kei pawh rilru ka nei chho a, Sawrkar hna tal thawh vea ka chhungte nuamsa taka siam chu ka zantin suangtuahna a ni. Pawl 10 ka zir lai hian thil mak deuh ka tawng chho ta a. Ka School luhna khaw thenawm tho ami hmeichhe pakhat lo kal thar hi a awm a. A hming chu Biteii a ni. Thian hi ka ngah thin, a hma chuan. Mipa leh hmeichhia ka kawm thei vek a, khatihlaia ka mizia tluka duhawm leh mawi kha ka nei leh tawhin ka ring lo. Tu pawi mah ka sawi ngai lo va, ka hlim theiin kan classah keimah leh keimah insawiin mi dang ka nuihtir thin. Min ngaina ve vek niin ka hria, Biteii rawn lut thar zakzum bawk si pawh chu ka lo welcome hmasa ber a. Ka bulah ka thuttir bawk. Ani mikhual ta ngang chuan min ngainain min zui ve ta det det reng a. Amah ze zawi chi, tawngtam lo ni mah se, mi a relin a sawisel ve ngai lo va, kawm a nuam viau tho mai. Tin, ka pi te in piah lawk a patea te inah a awm ve bawk nen, kan inzui kumtluan a ni mai e. Kum tawp lamah kan school chuan study camp kan nei ta a.. Kan ţang tlang bawk a ni. Biteii nen mutna pawh kan inphah ţawm vek a. Zan hmasa ber chu tui takin kan muhil a. A zan hnihnaah chuan zan lai ti ila zing lam a ni mah zawk ang chu.. Ka beng bulah hian a rawn thaw ham ham mai a, ka harh nghal zawk. Biteii chuan min lo kuah chial a, kei ka ngainatte pawh mut duna inkuaha inkhan vel hi ka ti hleithei lo va. Dim tein a kut chu ka lasawn ta a, mahse, a rawn harh a. Min kuah nghet zual ta sauh a. mak ka ti hle. A rawn meng a, ka hmui chu fawh a rawn tum ta mai a! Mak ti zetin ka lo thle sawn vat. A nui sen sen a. 

 Ka beng bulah, "Asang, ka duh che" a ti ta a. Ka chiái vek. A awmzia ka hre lo reng reng. Ngaihzawng hi pakhatmah ka la nei lo va, min ngaizawngtu chu an awm ve. Love letter pawh ka dawng ve nual. Mahse, Keimahah hian ngaihzawng hi an tla na hlawl lo a ni ber. Mipa thian ka ngah bawk si. Ngaihzawng anga han en kha ka thei lo niin ka hria. 

Biteii chu a tho a, a va zung a. Ka mu meng reng ringawt. A rawn lut a, a mut hnu chuan min rawn kuah leh a, ka hnute te chu a rawn dap thuak thuak mai. Hnute um har chi ka ni a, a pawn zawng a pawng ve par tho. A kut chu ka vai leng lawp a, ka thinrim ta deuh. Lehlam hawiin ka inlukhup ta daih a. Biteii awmdan chu ka rilrem zawng a ni lo hulhual. Khami zan atang khan ka hmumawh ka ti mai. Inlak hran dan ngawt ka zawng chho a. Amah lah chuan min zui zel bawk si. Lehkha pawh ka zir tha hleithei lo. Zirtawp zan a nia, mak deuh maiin ruah a rawn sur a. Current a thim bawk. Lehkha zir zui ngaihna awm hek lo. Kan mu ta dial a. Mahse, Biteii bawk chu a rawn che leh ta a. Ka beng bulah, "Nuam i ti viau ang.. Hlau suh" a ti a. A awmzia ka ngaihtuah mek laiin, ka kut a la a, a hnute min khawihtir ta a. Ka bangbo a. Ka hrilh a hai ngawih ngawih. Ka zak em em bawk. Amah chuan min rawn kuah bawk a. Ka hnute a sawk ta táwn táwn a. Engtin nge ka au chhuah loh theih ka hre lo. Min rawn fawp a. Miin min fawhna hmasa ber a ni. Min sawngbawl tak vakah chuan mak takin keimahah zauthauna leh phurhna a rawn awm chho a, ruah a sur nasa in kan thawm tuman an hre bawk si lo. Biteii hnute te chu ka khawih ve ta hrep a. Chutia kan awm chu tenawm ka tih rualin nuam ka ti tho bawk si! A mak a ni tawp mai a ni. Mahse.. A bak kan thleng lo. Hnute leh hmuiah kan tawp.. Khami atang khan kei chu ka piangsual ka ti dawn nge, ka piansual rukna kha a rawn lang ka ti zawk dawn. Biteii chu ka ngaizawng ta ngawih ngawih a. Huat a hnekin a bula awma a kut vawn reng te chu ka chak a. Ani lahin min lo thlahlel ve bawk si. Thian inkawm reng kan ni tho a, tuman kan rilru leh awmdanah rinhlelhna an nei lo. "Nangni pahnih hi chu aw.. In inkal hlatsan thei lo a nih hi" min ti fo reng a ni. Tin, ka thikthu a chhe chho ta em em a, ani pawh a ni tho. Thian hmeichhia pawh mipa pawh kan hmumawh chho a, kan pahnih chauha inzui chu kan duh a ni ber e. Christmas chawlh te kha kan va haw dun tak. Lungleng reng rengin hun kan hmang a ni ringawt e. Nuam pawh ka ti lo. School tan kha ka nghakhlel ngawih ngawih a ni ber e. Phone tih vel kan la nei pha ve bawk si lo va. Chanchin han inhrilhna pawh. Kum a thar a, kan han inhmu leh ta chu kan va hlim dun tak. Kan inkuah ngawih ngawih mai. Study camp kan nei leh nghal a. Kan tan chuan enjoyment a ni mai e. Zan mut hun te kha kan nghakhlel thei. Mahse, Study camp chhung zawng khan sex chu kan hmang lo. 

A tawi zawngin sawi ila… class x kan exam zo ta a. Kan tah a chhuak dun a ni ber e. Kan inthen rei dawn si. Chutihrualin kan pass chuan, Siaha-ah Higher chu kal dun turin thu kan intiam tawn a. Kei hi ka nu a damthat loh vangin kan khaw lamah ka haw hmasa dawn a. Ka haw hma zan chuan "Ka ngai dawn em mai che. Ka lo riahpui ang che" a ti a. Pawi ka ti lo nasa. Ka pi te hi an khawsa thei ve a, pindan pawh tetakte a hrangin min neihtir ve a ni. Tichuan, chumi zan chuan inthlahlel leh inngai em emin hun kan hmang dun ta a. A vawikhatna a tan sex pawh kan hmang ta a ni. Kan inkhawih tawn ve ve a, zahna a bo a, thinlungah inngaihna leh inmamawh tawnna chiah a awm. Mut erawh a tui lo. Biteii phei chu a ţap fap fap reng mai. A thlain ka upa zawk a, ka kawlhrawng deuh bawk a, min u en deuh.. A duat pawh ka duat zawk. 

Result chu ka nghak ta a. Kan veng tlangval ti ila, kei aia u awrh chauh hian tihtakzetin min ngaizawng a. Kan khaw pa hausa fapa a ni a, a hmel pawh a tha ber maithei. Ka thiante chuan min duhpui em em. Zan khat ka lungleng awmngaihna hre lo chuan chu pa chu ka be tha ve ta ngawt a, a awmzia chu ka chhang ve tihna a nih chu.. A lawm em em a. Min duh khawp mai. Mahse, kan awmdun reng reng hian ka hne ngawih ngawih zel; han ngaihna hi ka nei ngai miah lo. Chance kan neih ve tumin min kiss ve a. Feelings pakhatmah ka nei lo. Neih a hnekin ka ten hial mai. Tah khan ka dik ta vak lo tih ka hrethiam chho ta a. Chupa pawh chu ka then zui ta a ni. Biteii bak ka thinlungah an awm thei meuh lo. Hun a kal ve zel a; Result pawh a lo chhuak ta a. 2nd div ah ka pass a ni. Kan khua angah chuan ka titha ber tho. Ka tum angin Siaha lamah Higher chu kal turin kan inpuahchah ta a. Hostelah ka awm dawn a ni. Mahse, Biteii erawh hmuh tur reng reng a awm ta lo. A chanchin ka hre zui ta lo reng a. A hnuah School kan tan hnu feah Biteii te khaw mi ka hmu chhuak a. A chanchin ka zawt a, Biteii chuan sâwn a lo pai a nih chu! Khatia result nghaka khuaa a hawn lai khan tlangval a lo ngai a, naupangtèin nau a lo pai a nih chu! Mak ka tihzia leh na ka tihzia chu zan 2 tal tawp ka tlaivar hial a ni. Mahse, ka la naupang a, Ka awmna hmun leh ka school luhnaa thil thar awm ten min hnem ve a niang chu.. Mal tak chung chuan kum chanve chu School pawh ka kal ve leh ta reng mai. Kan hostelah thian tha han tih tur erawh ka nei lo, Schoolah lah kawm bik em em ka nei lo bawk. Ka maltlat deuh tawp. Mai a ni. Ka ze duhawm tak lah kha zawi zawiin a kiang chho bawk nen. Mahse, mal chu hrehawm ka ti em em lo. Ka khua erawh a har thin. 

Mahse, Ka mal rei leh ta lo e. Hostelah lo lut thar a awm a. Mami kan ti mai a. Ngo vang mai, te lam ze harhvang ve tak a ni. Kei chu min belbul leh ta chat pek a! Biteij vanga ka nun hrehawm leh vai ruai lak atangin min chhanchhuak ka ti mai. Ani nen chuan kan inkawm chho leh ta a. Mahse, itna leh ngaihzawng anga han enna ka pu nghal mai lo. Thil hi a thleng ve tawp zel. Zan khat thli a tleh vak a, kan hlau angreng hle. Thli tleh a reh hnuah ruahpui vanawn a rawn sur leh a, ţek nen a rawn thawk bawk si.. Mami hlau chuan ka bula mut min dil ta a. Kan mu dun ta a. Chutah chuan ka tum lawk em em pawh ni loin ka khawih ta a ni. Hnialna leh hnarna engmah min neih loh vangin ka ngampa ta sawt a. Inngaizawng angin kan awm chho leh ta chu a nia. Ani nen hian kum hnih tal tawp kha kan inzui awm e. Vawi tam kan intithinrim a, mahse, kan inthen thei lo. Thinlungah erawh Biteii a la nung fo mai. Class xii pawh harsatna awm em em lovin ka pass ve ta mial a. Mami erawh vanduaithlaktakin a fail hlauh mai,! Ka khawngaih khawp mai. Tichuan, kan kal hran a ngai ta si a, Kan inthathen zui chu a ni mai. Kan inzui rei ngaihtuahin Biteii aiin ka thutakpui lo zawk. Ka thinlungah a tla na lo zawk ka ti mai. Mahse, hriatreng erawh a ni tawh ang. College chu Lungleiah ka kal ta thung. Ka zirna kawnga harsatna neuh neuh ka tawh hi chu a pawimawh ber lo bawk a, ka sawi lo mai ang. Lungleiah chhungte kan nei bawk si lo va, hostelah bawk ka awm leh ta a. 

Hetah hian nasa takin ka nun a kalsual zual ta ka ti lo thei lo. Kan hostel neitute fanu, kan warden ni bawk. Ukimi nen kan inngaizawng chho leh ta a. Rapthlak khawpin kan che ka ti mai. Ka duh loh leh ka ten ngawih ngawih pawh amah vang hian ka ti ta vek. Tin, ruihhlo pawh ka khawih phah. Zirnaah ka tlakhniam phah nasa a, ka chhungte ka khawngaih thin ngawt mai. U kimi chu nula pangngai tak a ni a, bialpa pawh a nei. Mahse, a chhungril nun ruak hnawhkhah nan min hmang ti mai ila; ka lakah a inhrithla thin. A zei bakah sex-ah a sang em em a. Kei ngei pawn râp chang ka nei thin. Damdawi ka bar nasa hman a, ka â chhuih zel. Ka hmel hi a tha lutuk lo bawk a. Mipa lamah ka tla na em em lo nain min duh tawk erawh an awm ve tho a. Pakhat chu Ukimi lak atanga tal chhuah nan ka ngaizawng ve tawp tawh, mahse, awmzia a awm lo. Zep loin ka sawi ang, ka saltanna atanga chhuah ka duh em vangin risk ka la a, ka bialpa ngei pawh chu ka mutpui. Mahse, a nawmna pakhatmah ka hre lo va, ka hmeichhiatpui nen kan inhiptawmna ang kha a awm ve lo. Engkim chu a hul huk a ni ber e. Ka then leh tawp mai. College chu chhuah vat ka duh. U kimi lah a nasa telh telh a, a bialpa a then bawk si. Lehlamah hostel neitu an ni bawk a, fees ka chawi ngai lo a, sum pai ang zawngin min pe nasa bawk a, ka nei thei viau. Nuam erawh ka ti si lo. U Kimi zet kha chu ka zo lo a ni ber mai. Final year kan zir kumah ka tihtheih hlawl tawh loh vangin NGO pakhat ten hostel an siamah ka insuan lut ta rawih a. Intiamna neiin hmeichhia ngaizawng tawh lo turin leh ruihhlo thlah turin. Ka tum a, ka bei nasa a. Kum khat chhung kha thianghlim takin ka hmang ve a ni. Zirna lamah ka insawrbing nasa bawk a. Ka result pawh a tha thawkhat e. 

Ka graduate ve takah chuan ka pa chuan hna te zawng ve mai turin min ti a. Mahse, hna a vàn zia chu i hriat kha. IGNOU-ah MA zir pahin inhlawhna awm thei ka zawng a. Aizawl ka rawn phei ta a ni. Ka vanneih asiamin tuna ka hna hi ka hmu ta a. A tirah a hlawk lo naa kan teirei peihna in rah tha chhuahin tunah chuan ka chhungte ka chawm titih ve der tawh a.. Ka.. " a tih mek laiin, Ruati leh Umuani te thawm kan hre ta a. A ngawi zui ta daih. A laklawh ee.. Tlingi tak pawh a la sawi kai si lo. 

Zanah Ruati khua a sik nasa mai a, a tlun deuh bawk nen, kan buaipui nasa khawp mai. Malaria a ni maithei ni. Dar 11 velah a muhil ta chauh a. Kei pawh mu turin ka inpuahchah a. Asangi chu a mu tawh. Ka mutui viau. Mumang erawh a bo lo tawk vel a ni. Ka mumangah chuan, kan hostel panna stepah hian ka lo thu a. Nghah ka nei niawm tak a ni. Khua lah chu a thim em em lehnghal a. Rei vak loah hmeichhe pakhat, inkhaihli zeih zawih, sam sei hniang mai hi a rawn lang ta a. A hmel chu ka hmu chiang hleithei lo. A hlim vak lo tih erawh ka hria. "Asangi hi chhuahsan rawh. I chhuahsan lo anih chuan i tan thlengin a pawi thei a nia" a lo ti a. 

. "Tu nge i nih? " ka tih chuan, "Chu chu i tan a pawimawh lo. Ani hi ka ta a ni. Ka ta chauh. Nang hi lo inrawlh tawh suh.. I hrethiam em? " tih pah hian ka chalah hian a rawn kawk sawk mai a, ka bu dâwrh nghe nghe. Ka harh zui ta nghal. Ka chal chu ka khawih vat a, a hit mem mem mai. Ka tiril a khur der der a. Asangi erawh a hnar sák sâk mai. Zing dar 3:09 chiah chiah a ni. Mutthilh erawh a va harsa tawh èm.. Thil tam tak ka ngaihtuah a, mahse, a fim hleithei lo. Asangi chu eng emaw lak atanga chhanchhuah ngai niin ka hmu. A chanchin a sawi zawng zawngte ka ngaihtuah let a, Mizoin patil kan tih mai, hmeichhiatpui kawp thin a ni tih chu a chiang ta phawt. A sawi zo hman ta si lo va, a sawi zawh bak kha a pawimawh hle lawi si. A nuna Tlingi a pawimawhna leh tuna hetia mi â ang maia a awm chhante nen hian a inkaihhnawih vek tih a hriat a.. Tlingi nen chuan engtin chiah nge inzawmna an neih ang? Asangi inpuanna bawk a pawimawh ta a ni. 

A tukah Asangi pawh hnaah a kal ve ta bawk a. Kei pawh class ka kal. Vanneih asiamin kan bang hma ve hlauh mai a. Hostel ka thlen rual rualin Ruati roomah ka lut a, a lo zia viau tawh a, thisen a laktir thu leh engmah an hmuh loh thu a lo sawi a. Thudang pawh kan sawi leh hmain, "Tlingi thlalak i nei em? " ka ti ta tawp a. A hawihai lek lek.. 

"Ti nge" a ti hû a. 

"Ka hmu duh" ka ti a. 

"Ka la nei em le.. Lawk ka phoneah hian a la awm maithei.. " tiin a phone chu a hmet zung zung a. 

"Hei.. A la awm anih hi.. Kan block ho Lalsavunga park-a kan kalna.. Hei hi Tlingi chu" tiin a sir ber dawt, Asangi bula ding chu a kawk ta a. Ka melh ngawt ngawt ringawt. A hmel lam chu ka en lo, a pianzia chuan a ni ka mit la ni. Ka mumanga hmeichhe inkhaithli tak mai pian ang chiah kha a nei a ni. A thlalak pakhat Ruati nen an din dunnaah phei chuan nizan ka mumanga a kawr hak rawng ngei kha a ha tlat bawk! Ka tawng lawk loh vang chuan mak a ti deuh nge, "Ti nge i ngawih reng? " a ti a. Ka harh thut. 

"Ih.. Ka hmuh tawh hnu a ang ka tia" ka ti niah niah a. 

"Khawiah nge a awm tak kan hre lo. Asangi lahin a sawi ngai si lo. A chhuak ta ringawt kha a nia. Ka haw dawn a tia.. Khatiang kum laklawha a haw thut pawh kha a mak ve reng reng" a ti mawlh mawlh a. Ka ngawi reng. Keimahah hian nawm lohna mak takin min tuam mek a ni. Ka inbual lai te chuan ka hawi zuk zuk a, min uap runa min en rengtu awm ang tlata ka hriatna chuan min tihlau a ni. Bual pawh ka inbual rei lo. Ka tha lah a khur der der bawk si. Tlingi hi a la dam ang em? Engtin nge ka mumangah khan Asangi chhuahsan turin a rawn inlar theih? Engmah chu ka hrethiam lo. Asangi pawh a lo haw a. A chauh hmel hle. 

"I chauh hmel.. Chawlh rih mai tur alawm" ka lo ti khawmawi a. A ngawi leh hmuk tawh. Min hua emaw tih mai tur a ni. Ka be zui bik lo. Chaw pawh a ei lo. A chhan zawhin awmzia a awm lo, min chhang leh dawn chuang lo. Ka mu hma khawp mai. Ka chau nghulh mai si a. Asangi erawh lehkhabu chhiarin a meng leh reng a. Ka mutthilhsan daih. Thli thaw vuk vuk thawmin min kai harh a. Puan pho ka neih vangin seng tumin ka tho a, mahse, ka ding chawt. Thli a tleh lo, kan room kawngka a inhawng a, Asangi a awm hek lo. Ka chhungrila min nawrtu chak zet chuan Asangi enthlak chakna min neihtir a. Dim zeta penin, Kan awmna lam bathroom chu ka pan ta a. Kawngka pawh a lo inkalh lo chiah reng a. Thaw hawk chungin ka hawng a. Thli awzawng a tleh lo, arsi an pe tuar mai. Insut hraih thawm vangin ka ding leh rih a. Light in a va chhun phak loh, brite vel an hun ţeuhna kilah chuan Asangi chu a thu niin ka hria. Kun zauh zauh chungin ka pan phei leh ta a. Brite lian ber phenah chuan ka thu ta a. 

"Aih, min kalsan suh.. Khawngaihin.. Ka chhuahtir em em ang. Ka duh lo,. Min kalsan lo hram rawh" Asangi phun sep sep chu chiang takin ka hria. Ka chungchang a sawi ngei mai. 

"Ni lo, khatiang zawgin ngai suh. Ka hre lo.. Ka tihpalh a ni. Nang bak thian ka nei lo tih ka hria alawm.. " a ti leh a. Ka hriat lohin ka lo inhum ruh hle. 

"A chhuah theihna a nih chuan engpawh ka ti ang. A chhuak em em ang" a tih leh takah chuan eng ka hria ni maw.. Ka ding chhuak ta thut a! Asangi phu chiang lutuk leh meng phawk lutuk chu a rapawm lek lek mai. Mahse, a hamhaih rei lo. A mitmeng chu huatnain a rawn khat a, rum em ema min melh chungin, "Kal bo rawh" a ti vawt raih a. 

Ka sehhelna rilru a rawn chhuak ni maw.. Khawng zeta dinga amah melh ran ve chungin, "Ka chhuak dawn lo. " ka ti chang ve fak a. A rawn pen phei chhat chhat a. Min melh ngat ngat bawk. Ka inrin hmain ka hrawkah a kut pahnihin a rawn rek ta chawt a. Ka petek nawk, Bathlar hungna lamah min nawr pheiin min nem bet ta a. Ka rin aiin a chak! Mahse, khatih laia ka rilru fim lutuk kha Pathianin min pui ka ti lo thei lo, thawm siam hlek si loin kan inelh ngat ngat a, a kut chu ka lasawn thei ta hram.. Ka thaw erawh a hah ve hman. Ka din ngil hnuah, "Lut ang" ka ti a. Hlau awm tak ka nih vei nen, Asangi chu ka khawngaih tlat! Puitu mamawh leh chhanchhuah ngai niin ka hmu tlat a tin ni. 

"Thih i duh loh chuan chhuak rawh" a ti hriam hraih a. 

A kutah ka va chelh a, a thing thla thuai. Ka thinin a tuar ta lo va, ka va kuah a, luhpui ka tum a, ani a lo tal nasa si, kan inchaina lamah ka ban chu ka vai thuak a, bathlar lam hawia ka vai leh vak chuan, Asangi tal vak chu a tawp chawt.. Meng bial kawk kawk chungin a hmui a hup a. Ring leh fiak thak hian, "Tlingi" a ti ta tuar mai a! Kei pawh ka ding khawng nghal awt.. 

Bathlar atang chuan hnuai lam a zuk thlek a, "Tlingi" a ti leh nghek. Mi dang thawm kan hre zui ta nghal. Kan inchai thawm leh kan inbe thawm te kha an lo hre fur a. Mahse, min tihbuai an hreh vang nge an rawn tho lo a ni awm e. Mahse, Asangi au tuar tuar vangin an rawn tho lo thei ta lo a ni. Asangi chu a thu hnawk a, a hmai hupin a ţap khur tlawk tlawk. Hrilhhai zetin kan melh thap ringawt! Chutah a tap zo ta maw tihah mit sen râm leh huatnaa khata min rawn chhoh melh chungin, "I that a ni. Nang hian Tlingi kha i namthlu a ni. Tualthattu i nih hi" a ti ta a.. 

(A tawk leh rih aw.. Vawi khata tam deuh chu a har rih. Bakah nizan ka tlaivar deuhthaw a. Ka mu char char a 😁😆😄😂