Thutiams2 - 8

THUTIAM (S2)- 8

Ziaktu: Toni Râlte

(Adds kha aw.. Inpuitawn zel ang u aw 😍😊

Hnahthial an thleng a. A reh ruai maiin an hria. Nguri te in lam an pan nghal a, mi an lo tam tawh hle. Nguri te an nghah vangin vui hun pawh an lo titlai a. Remsanga'n a lo dawngsawng a, a meng sen ve râm mai. Nguri'n a nu ruang a va hmu chu a ţap hawk mai. A nun a sim a, a hlima a lawm ve tehlul nen. Tunah phei chuan Kohhranah nihna chanvo te hial a nei ve tawh a, amah a fing felin a zuan a zang bawk a, an hmang tangkai em em thin. Kohhran tak pawn an ui hle tih a lang reng mai. Nguri leh Nauteii chu an ţap hawm hawm a. Lawmsanga leh Mapuia erawh ruang kilin an thu ve ran a. Ţah êm zawng an ţap ve lo. Rinfela nupui Zoteii chuan, "Nu, hei Nguri te pawh an lo thleng asin. I ngaih em thin kha.. Nauteii pawh ka hmu chak i tih kha.. Lo meng leh rawh" a han tih phei chuan Nguri te nufa lungchhiat chu a zual takzet. Dini pawh rawn kal hnaiin, "Nu, nang bak neih ka nei lo asin. I tel lo chuan engtin nge ka awm ang. " a ti a. A ţap hlawp hlawp mai. Pi Sangi chu a vanglai chhoah han hmingchhiain han che pelhe ve viau mah se; a nun a sim tak atangin fak a hlawh êm a, uitu leh sûntu pawh a ngah khawp mai. Nguri te thlen hnu rei vak loah an vui ta a. Zai pawh a nuam viau e. Chhungkaw aiawhin Remsanga'n thu a sawi a. A nu thih dan a han sawi chuan, Nguri ngaih a tha thei tlat lo. 

"Zan tirah a rawn leng a, dar 8 velah a haw chho a. Engmah that lohna leh nawmsam loh thu a sawi awm kan hre lo. Zingah Fela'n min rawn bia a, a rawn thlabar viau mai. 'Ka nu hi kan kaitho zo miah lo a nia" a rawn tih takah chuan ka tlan chho nghal a. Ka han thlen chhoh chuan ka nu chu a kal tawh tih ka hrethiam nghal mai. Mahse, Rinfela tihbeidawn ka hreh em vangin damdawiina kalpui pawh chu ka hnial lo va, Damdawiin kan thlen pawh khan tihtheih engmah a awm tawh lo reng a ni. Postmortem chungchangah vanduaithlak takin kan damdawiina postmortem tu ber kha thihna avang thoin a zinchhuah lai a lo ni si a. Kan ti ta lo ringawt kha a nia. Rinfela sawi danin nizan khan dar 9 velah in a han thleng chho a niawm a. A mu nghal deuh mai a niawm e. Zingah hian a tho hma ber a ni thin a, mahse, tukin chu a reh rei tak em vangin a fanu Tekuri hi an va kaihthawhtir a. Mahse, a tho thei lo a rawn tih avangin amah Rinfela hian kaihthawh a va tum chu ti khan a va hmu ta mai a ni. Ka nu hi BP sang leh zunthlum nei a ni ve a, nasa tak chu a ni lem lo, mahse, ka rindanin a sugar a sang thut kha a zo lo em mawni aw ka ti.. Engpawh nise, Pathianin a hnena cheng tawh turin a duh a, a hnenah a la ta niah ka ngai a. Kei chu ka dam khawp mai.. " tiin a sawi a. Nguri ngaihtuahna a kal thui viau mai. Han sawi bawrh bawrh chi lah a ni mang si lo va. Tichuan, Pi Sangi chu ropui taka vuiliam a ni ta a. 

Nguri te erawh Remsanga te in lamah an innghat a. Mahse, inpuiah an chengkual tam zawk. Tlai lam zanriah ei hma si chuan, Rinfela, Dini leh Remsanga te nen an thu khawm a. Nguri chuan a vei ruk chu a sawi chhuak ta nge nge a. 

"Thawm engmah pawh in hre lo va, eng emaw dik lo hi chu a awm niin ka hria. Ka thinlungah ngaihthat lohna a awm tlat a ni.. Kei zawng" A ti charh charh a. 

Rinfela pawh chuan, "I ti ve maw? Kei pawh mak ka tih piahlamah eng emaw awm tlata hriatna ka nei a ni. Bakah Au Remsanga khan dar 8 velah an in atanga a hawn thu a sawi a, an in leh kan in inkar te chu 5 mins kal bak a ni lo va, dar 9 velah daih a lo thleng a, U dini te inah lah a kal bawk si lo. Khaw nge a kal ang le ka ti.. " a ti ve bawrh bawrh a. 

Dini chuan, "Putea te a tlawh bawk si lo. Ka nu kha mi ina leng kual dûm chi a ni lo hrim hrim" a lo ti ve bawk a. 

Remsanga chuan, "Ni e, a dik khawp mai. Postmortem chu nise eng emaw hriat chhuah te pawh kan nei maithei a. Mahse, a remchang si lo. Tih vak ngaihna pawh ka hre bik lo. " a lo ti ve a. 

"U Lalnuna kha a la awm em? Hetah" Nguri'n a tih chuan, Rinfela chuan, "Lungleiah a awmna a rei tawh. Kum 5 lai chu a liam tawh" a lo ti a. 

An rilru an kawm ta mawlh mawlh mai. Zanriah te an ei fel hnuah inleng te lo chhawn turin Nguri leh Lawmsanga pawh inpui lamah an chho ve leh a. Nauteii leh Mapuia te erawh Achawii hoin inah an awm a. An chau ve deuh bawk nen. Remsanga fanu upa zawk Seni leh a nau chiah Dina te erawh an chho ve a. Nauteii te nen hian an inhmu khât bawk nen, an inpawh lutuk lo. An te ber Mimi erawh â biang buang a ni ve a, Nauteii nen an inkawm thei viau. Rinfela fate nen pawh an inkawm thei viau mai. An inrual khat tlang bawk a. 

Mapuia chuan Rki a call a, "Eng nge chanchin? " a ti a. 

"Hei a rawn tha chak khawp mai. Chaw pawh ei an phal tawh a, buhhawp tlem a ei tawh. Rawn ngaihtuah suh" a rawn ti a. 

"Min zawng em? " Mapuia chuan a ti sup a. 

"Umm.. A rawn harh tirh khan a zawng deuh che a, mahse, ka hrilh vek a, engkim. A va pawi ve a tih kha.. Engtik nge rawn hawn intum?" a ti a. 

"Ka la hre lo le.. Ka nu te thu thu a ni mai. Sasa chu lo tha zel rawh se aw.. I fel lutuk nang pawh" a ti a. An dah ta nghal a. 

Nauteii pawn call a dawng lo bik lo. 

"I ţap em? " Sangpuia'n a tih chuan, "Ţap e. Ka mit pawh a bui vek " a ti a. 

"In cham rei ang em? Ka ngai nghal ringawt che" a rawn tih chuan, "Ka hre lo, Anu te thu thu a ni mai. Test tur kha aw.. Ka thiam vek asin le" a ti niah niah a. 

"I re-test mai dawn nia. Nangmah chauhin" a rawn tih chuan, "Naa.. Ka zâm dawn asin" a lo ti hlar a. 

"Miss Feli'n a veng dawn che nia" chimawm zetin a rawn ti a. 

"Hm.. Kha nu kha i sawi ve ziah. I duh anih kha"... Titau tih hriat zet hian a lo ti hlak. 

"I awm loh chhung ka lo kawm ang aw" a rawn tih leh phei chuan, "Hmela, be rawh. Kawm rawh.. I chhe lutuk" a ti hlak hlak. Sangpuia nuih a za thin. A thikthu a chhe chho tan ve ta chu nin a hnekin a lawm daih zawk. Thikthu tel lo chuan inngaihzawnna zinkawng hi nuam hek lo le. 

Mimi nen an titi a. Mimi pawn bialpa a lo nei ve ngei. An school ami a lo nia. Nauteii pawn zep nei loin an Sir nena an chungchangte chu a hrilh ve siam siam a. Room lehlama mu Mapuia a lo nui suk suk. A nau chu tihnatin a awm ang tih a hlau hle. A la naupang ropui si a. 

Mimi chuan, "Awi, ka chak ve e.. A subject-ah mark i hmu tha thin awm.. " a ti har har a. 

Nauteii chuan, "Awii teuh lo, min duhsak lo thei tawp. Mahse, fail chu ka fail ngai chuang lo. A zahthlak zia aw.. Miin an hria ang tih a hlauhawm si" a lo ti ve sar sar a. Sangpuia chanchin sawi chu nuam a ti ve barh barh hle. 

"Nih, mimi in inkiss tawh em? " a ti leh pek a. 

"Kiss zing mai. Ka hnute pawh a khawih tawh. Mahse, ka zak tawp" a lo ti awlsam êt a. 

"Awii.. Ka hnute chu a la khawih lo. Ka thi thei ang kei chu. Vawikhat chiah kan la infawp. Chu pawh ka fawp let ve thiam lo " a ti sep sep a. Mapuia insum zo tawh lo a nui huk. An hre pha si, an inmelh zuk zuk a. Lei an chhuah tet tet. 

Nauteii zahzel chuan, "Ani pawh saw engmah a ni lo. A bialnu nen an infawp zing lutuk. Ka hre vek" a'n ti ringawt a. Mapuia nuih a za telh telh. A nau rilru thianghlim lutuk chu a lawmin tihchhiat a ni ang tih a hlau hle bawk. 

Inriak an thahnem angreng a. Tun lai angah chuan a tam pawl an ni ngei ang. Rinfela fanu Remi chu Seni te rualin Remsanga te inah a chhuk ve a. Tleirawl te a ni si a, fimkhur thuhlaah tiin Remsanga te inah a riak dawn a ni. Dina erawh a riak chho dawn thung. Dina roomah Remi leh Mapuia leh Nauteii te an mu ang a, Seni roomah Nguri te nupa an mu thung ang. Mimi roomah Mimi leh Seni te an mu dawn a ni. Dina room chu a zau vak lo naa, khum a zauh vangin Nauteii te pawh an riak dawn a ni. Nauteii a laiah a mu kuk a, a kilah Remi, a sir berah Mapuia. Remi leh Nauteii te hi inrual khat vel an ni a, an inpawh lutuk lo naa, an inkawm thei ve tho mai. Mapuia erawh a tawng tam loh em vang hian an nel vak lo thin a, Seni leh Dina te nen erawh an inkawm thei fu thung. An chau deuh bawk a, an muhil hma viau. Zan lai dar 12 a pel vel tawh tihin Mapuia chu a harh hlawl mai a. A harh chhan erawh thil dang a ni. Nghet zeta kuaha rawn kherh chialtu an awm vang a ni. A nau hetiangin a mang a chhe ngai lo. A inleh chuan Nauteii chu a kilah a lo mu daih tawh a, Remi zawk chu a laiah muin Mapuia chu a lo kherh bet chial nia! A tirah chuan mak a ti deuh a. Mahse, a mut chhuak ve bawk a, unau kan nia ti rilru chungin a muhil zui leh ta mai a. Mahse, zing dar 3 bawr velah mangpui a lo mang a. Hmeichhe pakhat a la hmuh ngai loh nen an lo mu dun a, chu nu chuan zei zet hian a lo chul kualin a lo play vel a, a harh hlawl. A tak takin a taksa hnuailam chu sawngbawl mek a ni ta tlat! Mak ti zetin a meng kawk a. Remi chuan mu chungin a lo khawih mek a lo nia! A tho nghal vat. Remi erawh a muhil der tlat lawi si! Muhil derin a taksa a rawn sawngbawl ngawt lo vang tih a ring thiam nghal. A farnu Remi chu mak ti zetin a thlek ta vung vung a. A la muhil der zel bawk si, A pawm nawlh a, A nau nen an mutna chu a sawn sak ta a. A mut erawh a chhuak zui lo chiang kher mai. Nawmna kha bo bik hek lo, a va zung harh a. Remi awmdan mak tak chu a ngaihtuah zui ta neuh neuh a. 

Remi hi an puk lawk tawh avang khan Nauteii aiin a thlain a u hret a. Tleirawl duhawm leh khal zet mai a ni. Mahse, a vanduai asiamin pawl 9 a zir kumin bialpa a nei a, a bialpa lah hmeichhe cheng man zet mai, zei uchuak tak a lo ni si a. Hmun fala an awm tak foah chuan a virginity a hloh ta mai a. A bialpa chu a duh em em a, a engkim a hlan vek ti mai ang. Pawl sawm a zir kumin a rai ta hial reng a. A nu leh pa mangangin a rukin an tihtlaksak a. A bialpa pawh nupui dang ruin khaw dangah a awm ta bawk a. Remi hian tuar viau mah se, a nu leh pa a la hlauhna vangin zirna chu a chhunzawm ve ta zel a. Mahse, kha a chetsualna khan a nunah nghawng a lo nei thui tawh lutuk a, ngaihsamna leh sex palzamna chuan bu a khuar ta tlat mai. Ngaihzawng a neih leh pawn sex a hmanpui ta zel a. A nawmna a pawh tawh bawk si, ven sen chi ni hek lo. A khaw lo ru ta zêk mai a ni. Tin, mipa bem a huai em em a, tha a tihzawng chu hlah a tum ngai lo a ni ber. Amah a lo chhe bik lo nen, luck pawh a luck reng bawk. A cousin a niteii fapa Mapuia ngei pawh hi a hma atangin a lo ralkhat star tawh a; hetia an rawn zin takah phei chuan hlah a tum miah lo. A ngaihdanah chuan mipa sex a hmanpui tawh chuan an ni pawn kalsan thei tawh lo turah a ngai bur ringawt mai a ni. A piansualna hi a khawngaihthlak ngawt mai. A nu lah hi tha mawl ve tawp, fate zilha sex edn han hrilh melh melh chi a ni si lo, a pa lah thawk tawrh chi, nupui fanau te chungchang ngaihven em em lo a lo ni bawk nen. A pawi ngawt mai. 

Thlan nghah ni a ni bawk a, Mapuia te unau pawh thlan lamah an liam ve a. An han awmkhawm ta chu an thahnem ve riau, Dini fate lo ni bawk nen. An nula tangval ţhuau tawh si a, an zahawm tham ve reng mai. Nauteii pawh thingpui a sem ve zak zak mai. Thlan siam zinga rawlthar inti tlangval ve tan tawhte chuan an en duh kher mai. A vun a nalh si, a hmel that chu sawi loh a lum a nia. An han biak te lah chuan â zet zetin a chhang phawng phawng zel mai si a. Lawmsanga pawn a lo nuihpui ve huk huk mai. A ruk tak erawh chuan a fanu langsar bik larh chu a lo chhuang ru ve em em zawk. Remi pawh a kal ve a, Mapuia chuan a ngaihbel nge, a bula rawn awm dan ngawt a zawng ni hian a hria a, a tha dawn lo tawp mai a ti rilru hial. Dina bialnu pawh a rawn kal ve a, Dina sawi dan takah, "Hnahthial tleirawl chungnung" a tih kha a sawi Dik ve a ang khawp mai. A chhe lo zeih zawih riau. Seni te nen an inkawm ho vek a, a fel hmel viau bawk. 

"Naute, tui hi a zo a.. Han la lawk mai ta che u, i U dina nen khan" Lawmsanga'n a rawn tih chuan, Remi chuan, "Hei no an sil laklawh sia, U mapuia nen kan han la ang" a lo ti vat a. Mapuia a ner ru sawk. Han hnial chi ni hek lo le.. An inzui chho ta poh a. Mi dang chuan unau inpawh tak angah an ngai ngei ang le.. Bike chuan pawh a zei haih haih khawp mai. Thlanmual peng atanga an tlan chhuak chiah chu a rawn kuah deuh hnâp a. 

"U mapui, unau ni lo ila ka ti" a ti nghal zat. 

"Ngati maw" a ti ve mai. A. 

"Ka duh che a.. " a ti ngam nghal hmiah. Mapuia chuan nasa ti ru viau mah se; a nau a nihnaah mawhphurhna nei vein a inhre si a. A nihna takah chuan Remi te nen chuan thisenah inzawmna pakhatmah an nei tawh lo. Remsanga fate nen pawh, ani chu Lawmsanga fa bik a ni miau a. Nguri te leh Rinfela te lah pianghmun an ni der bawk si lo, Remsanga fate nen hi chuan Nguri leh Remsanga te inkar avangin an la inti unau thei mai zawk a. 

"U te an duh ngai hleinem" a ti a. Remi kut lah chu a hlei phian. Bike a khalh bawk si. 

"Mahse, ka duh che lawm.. Nizan te pawh kha" a ti dat a. 

"Remi, i awmdan hi a tha miah lo a nia. I la naupang si.. " a ti ta tawp. Remi lah chuan eng he huah a lo ngai miah lo zui. In an thleng a, tui chu an la a, Nguri'n a rawn hmuh chuan, "I nau kha veng deuh rawh aw. A â si, sawi loh tur tur te kha a sawi leh ang e" a va ti zauh. Fate ngaihtuah thin tih takah. Mapuia pawh chuan, " a fel ve lutuk, thingpui te a sem ve" a lo ti a. Rei awm loin thlanmual lam an pan lehnghal. Remi bawk chuan hmeltha leh pa a tihzia a hrilh leh char char, a chhang duh lo lui tawp. Thlan mual peng thlen hma hmun reh lai siah chuan Remi chuan a tui khai lai chu a thlauh ta a. An din a ngai. Mapuia chuan a chhar a, pakhat phei chu a pawp hman. A dah that mek lai chuan, Remi chuan a hnunglam atangin a rawn kuah ta a. A ding ngil nghal vat. 

"U Mapui, vawikhat chiah min mutpui la.. Ka tibuai tawh lo vang che" a ti nia! 

"Remi, eng nge i awmzia hi? I tet laiin an khawih tawh che em ni? Ti nge hetia i awm? " a ti ta zêk a. 

"Khawih lo, ka 1st love hian min khawih hmasa ber a. A Zei sia, ka sim thei tawh lo a niang" a lo ti mai. A frank mai bawk sia. 

"Hawh, kal ang. Khatin awm tawh suh. Putea te pawh ka hrilh ang. A dik lo" Mapuia chuan a ti ta nghut nghut a. Remi a ngawi reng. 

Nauteii'n sawhchiar a lo chawk vel mek a, thlan siam zinga rawlthar pathum chu chawlin Nauteii hnaiah chuan an rawn thu chawl ve a. 

"Naute, Nizanah i lo kal ve lo mi? Ka van hmu lo che" tlema phanchang deuh chuan a ti a. 

"Kal lo, ka chau ve deuh a,. Zaninah chuan ka kal ve ang" a lo ti ve mai a. 

An zinga samkir hmelchhe lo tak, zahzum hmel ve tak chuan, "Kan lo sawm che anga" a lo ti zauh. Nauteii chuan a va melh ralh a, "Anu in min hmu ang" a ti ta mai a. 

"Nu Nguri te chuan a phal vek ang. " phanchang ve tawh bawk khan a ti a. 

"Ee.. Anu te chu den strongi a lawm.. Apa pawn chhim keite a ti thin.. Insual pawh a thiam" a tih zuah zuah laiin a uin a hnungah a lo kheuh zauh. "Ih.. Mahse, a fel lutuk" a ti ve leh zaih. Mahse, a hre pha ho chu an nui ru ţhûm tawh. Lawmsanga pawh a keh hui ringawt. Tih vak ngaihna awm hek lo le. 

An thahnem bawk a, rin aiin an siam zo hma. Eitur te an han ei fela an senghawi fel hnuah hawn lam an hnaih ta a. Puitling deuhte an kal liam hnuah bungrua nen Nauteii te ho pawh an kal ve tan a. Tlangval thenkhatin an kenpui bawk. Remi erawh Mapuia hrulah zel a kal! Dina leh a bialnu chu bikein an hawng tawh a. Nauteii hnaiha kal samkir khan Nauteii chu a number a lo dil ve a. Chu pa chu ding meuha enin, "Min ngaihzawn dawn loh chuan" tiin a number chu a hrilh ve ta a. An hlimpui leh hle. Mapuia pawn a lo nuihpui ve tawp. A nau Hmangaihzuali kha a ni miau a. 

Hetih mek lai hian Ateii pawh ngui takin a hun a hmang ve zel a. College te chu nuam tihna a nei tawh lo. Shalomi khan Sasa leh Mapuia number kha a dil a, a lo pe ve mai kha a nia. Engtak thlentir ang maw.. Mapuia lah chu a vei telh telh bawk si, mi inkara tlakzeh lah chu nuam a ti bik si lo. Tin, Mapuia'n bialnu enin a en bawk si lo. Tihtheih a nei lo lutuk chuan a tina zual a ni ber e. Sports a tang khan hria an tam ve tan a, bemtu pawh a hmu chho zut mai. Mahse, Mapuia nen a compare zel a, tumah chu an tling tak tak thei si lo. 

Sasa pawh a harh chho ve ta zel a. Thil erawh a la ei tam thei meuh lo. Mapuia a ngai ru veng veng reng a, an chanchin te a hre ve bawk a, lehlamah an boruak a tha leh ta chuan a tihahdam ve tawh a, la tha lo nise chuan a nâ pawh a dam chak kherin a rinawm loh. Rki a fakawm hlawm tawp. A rawn riahpui deuh tawp a, an awmdun tawh chuan Mapuia chanchin bak sawi tur a hre lo. 

"Thingpui chu lo siam vat ta che mawle" Saii chuan a ti hlak hlak a. Candy lo tap ve bawk nen, Terini chuan Candy a buaipui lo thei si lo va. Candy kai chung chuan thingpui chu a siam vat vat a. 

"Candy hi eng nge ka eitir ang? " tim dai hian a ti a. 

"Ka hre nang. Biscuit va leisak la" a lo ti hmak. Candy pawm chung chuan a chhuak ta hnu hnu a. A awmtirh phat atangin Zira nupui ang tho kha a ni tih a hai lo. Muanpuia a zah em vang chauhin chhel a tum zawk a. Saii chuan kut em a la thawh ve lo naa, a tawngkam a nain a chhe thei viau. Tin, a hmusit tel bawk nen. Tawrh a har ve bawk a ni. Candy chu a hmelthain a duhawm si a, Terini chuan a ngaina nghal hle. Kar loah amah duattu na nâ na chu Candy pawn a ngaina ta viau a. Muanpuia chhuah hlanin Saii a leng a, inah an pahnihin an inawmdun thin. Saii awlthawng ta lutuk chuan awmdan a thiam meuh lo, a awmpui nula chuan a bual lo chauh a ni si a. A kekawrte te hi a dah hlawm tawp a. Terini'n a su leh vek zel. Chutiang em em te chu han suk ve bawk tur a nia. Saii nge nge.. Mi hnuaia rei tak lo thawk tawh, maid-a lo tang reng reng tawh si kha a chhawrtu dinhmuna din a thiam bik chai lo mai. Lehlamah chuan lehkhathiam leh thiam lo kar hi a lo hla ve det a nih hmel. Zira nupui pawh kha pawl 8 em pawh pass lo a ni ve bawk a, thil ningkhawng an hre vak lo a ang. 

Tin, Saii'n chin tha lo tak pakhat a neih belh chu social media a atchilh ta lutuk chu a ni. Nileng lengin groupah mo chungchang an khel a, fel leh tha ber niawm takin lawinate an rel zut zut a. An infuihpawrh khawlo a ni ber tawh. Taima inti hle chungin an online nileng thei a, chhuat vawikhat nawt se hah an inti in buai an inti leh viau thung a. Thenkhat fel leh fing tak tak an awm laiin Saii pawh a mawl pawlah a tang lehpek a. An indan hmaa a mopui sualzia leh a lawina ten an en hran bikzia te a sawi pung pung zel a, groupah mi chitin chitang an lo awm ve si, Muanpuia ni fanuin vawikhat phei chu na fakin a rawn chhanglet tawh hial a ni. Zahna chang a la hre chuang lo. 

Tlaia Muanpuia rawn haw chuan, "Terin, kha la rawh. I khua a har ve thin awm sia ka tia.. Ka thianpa ph hlui ka rawn leisak che" tiin phone la thar tha tak mai hi Terini a pe ta a. Saii a lo meng ling leh hlar tawh. 

"An ni tan eng nge phone neih ve a tulna? Bawihteii'n nei zawk rawh se.. Phone min chuhpui reng a. A buaithlak" a lo ti hmak a. 

"A awmin a ang lo em mai a. Naute a la nih hi. Tun atangin phone hmangin awmtlei i tum ania. Thatchhiat lutuk vang a nih hi.. Terin, tikhan sim card pawh ka rawn vuah nghal.. Hmang rawh" Muanpuia'n a ti hmiah. An nu chu a pawisa vak duh tawh lo. 

"Awii a zahthlak e, ka lawm bawk sia.. Tihian ka hlawhah in cut zawk mai dawn nia" Terini chuan a lo ti a. Saii'n tawng leh a tum lai takin, "Ka ril a tam.. Chaw ei ang u" Muanpuia'n a lo ti vat a. Titau bur chungin a ei leh nghek tho kha maw.. Muanpuia sawi kha a dik, Naupang phone kan khawihtir nasa lutuk hi chu nakinah an taksa leh rilru thlengin nghawng tha lo a la awm dawn chiang. Thil tha lam zir nana an hman chuan a tha reng, mahse, kan lo enpui reng hman lo va. Naupang te te games khel thiam em em, video mawi lem lo hmet chhuak thiam riau te hi uanpui chi a ni lo. Zaha lak ngam zawk tur.. Thenkhat lahin english zir nan an hmang a, mizo tawng pawn an tawng duh tawh lo tiin uang takin an lo sawi kawkalh a. English hi international language a nih angin thiam chu a tha, mahse, English leh mizo thiam ziktluak si lo, hnemhnanpuiawm si lo mi laklawh tam sawt zia te hi.. Hetiangah chuan Nguri bawk a fakawm. Nauteii tetlaia English medium-a an kaltir ve tum khan, vawi hnih lai pawisa an fine tir a. Vawi khat a kut phah leh a mawngtama an vaw bawk. A ngaihdan ni lo chu an principal a va hmu ta a. Nauteii an hrem chhan chu Mizo ţawnga a lo ţawng vang a lo nia. Naupang mai a nia, mother toungue ni lo na nâ na chu a lo hmang reng thei bik si lo va, an hrem phah ta ringawt. 

"In thahnemngaihna ka hria, mahse, in over mah mah. Hetiangte chuan kan fate hi an hnam ţawng in hlauhtir mai dawn asin. A, Aw, B aiin A, B, C an thiam hmasa a, english chu in va ngai ropui em em ve. Ka fanu hian a hnam tawng hi nal takin a hmang thei tur a ni, hnam dang tawng chu a va biaka ten an hriatthiam theih chuan a tawk. Tin, in lamah kan zirtir thei bawk. Tihian an thanglian ang a, mizo ţawng ngaihnepna leh english ngaih ropuina an thanlenpui ang a, an puitlin tawh hnuah pawh mahni hnam tawng ziak dik thiam lo leh sawi dik thiam lo an la ni mai ang. Chutiang mihring aia hmuhsitawm tur an awm chuang em ni? Mahni hnam tawng leh nunphung hnualsuata hnam dang tawng vawrh lar zawk tumna Schoolah hian ka kaltir thei lo ve" tiin a tawngkhum sak sak mai a. Tuman an chhang ngam lo. Kum laklawha Nauteii la chhuakin mizo medium-ah ngat a luhtir ta a. In lamah english chu a zirtir ta thung. Tunah Nauteii hian a thiante rual a pawl lohna a awm lo, awm loh a hnèkin English-ah mark hmu sang pawl a ni ziah zawk a ni. Hei hi ngaihtuah chian pawh a ngai ve fu mai. 

Khawhar ina kal thalai te an zai thiamin tumah phone khawih melh melh hmuh tur an awm lo. Nauteii pawh hla bu en chungin a zai ve nasa mai. A zaithiam lo em zawk a. A aw hi a lai tlat a, inah hian a zai peih ve thei sia, a zai apiangin a pu hian tukverha dakin, "Khua hi a dur tan riau mai. Ruah a sur hnai a niang. Kan naute a zai leh tlat a" a ti thin. 

Mapuia pawh Dina te nen thu hoin an zai ve nasa a. Remi erawh khaw nge a awm a hre lo. Chaw ei kham atangin a la hmu lo hrim hrim. An zai laklawh laiin call a dawng a. Number save loh atangin a ni. A pick up lo. Vawi 3 lai a rawn call hman. Banah a pawimawh aniang tiin a call back ta a. Hmeichhe aw tliang lam hian a rawn chhang a. 

"Miscall ka hmu a.. Eng nge ni ta? " a ti a. 

"Mapuia i ni em? " a rawn tih chuan a nih thu a sawi a. 

"E.. Ka van lawm.. Ih, min hre kher lo vang. Ka no hi lo save ve la aw.. Shalomi ka nia. " a rawn ti nem diai a. 

"Aw le.. Chuan eng nge pawimawh a awm em" a ti leh a. 

"Whatsappah ka rawn sawi ang. I buai palh ang. Bye " a ti zung zung a. A dah daih. Shalomi chu tu tak ni ang maw? A save sak ve ta poh a. 

Whatsapp a en chuan, Remi hnen atangin, "Min lo hruai teh. Ka kal thei tawh lo. Ka rui lutuk a. Thlanmual peng chhaka in relah khan ka awm" tih thu a hmu. A rawn thawn hun chu 10 mins vel a liam tawh ang. Engtia tih chi nge ni ang tih a ngaihtuah a, Dina'n a bialnu a thlah mek a, bike han khalh chhuah mai tur a hre si lo. Rinfela scooty lah a chian loh lai a ni bawk si. Mahse, apa motor a awm tak alawm tiin a pa chu chabi a va dil a. A lo pe ve mai. Seni hnenah, "Remi hruai a ngai a. Min va kalpui teh a" tiin a sawm a. 

"Naa.. Hei inriak ho hi puan phahsak an ngai asin. Nangmahin va hruai lawk mai rawh. Mimi leh Nauteii te pawn phahsak ve rawh se, nizanah kan mualpho tep alawm" a lo ti duah si. Nuam lo ti ru deuhin amahin a inkhalh chhuak ta a. Peng chhaka in rel kawtah chuan dingin a va thlek kual a. A thim vek bawk si. Remi chu a call ta a. In relah chuan a ri ta ral ral mai. 

A chhuk a, phone flashlight chu on in a en kual a. Thlang lam bathlar atang chuan Remi chuan, "Hetah ka awm" ruih hmel zet hian a lo ti a. A va pan vat. Cement chhuatah chuan a lo tlu sawp niaih a. A sam a thlah hnuang bawk. A kai tho a, a rim vang chuan a ner sawk. 

"Haw ang" a ti nghut a. 

"Min duh hleinem. Min duh ni la chuan ka rui lo vang. Mipa i ni lo anih kha.. Tuai i nih kha" ţap lek lek hian a lo ti a. Ngawi rengin na taka hmer chungin a kai chhuak dawt dawt. Motorah a nam lut a. An thut fel hnuah, "I nu te ka hrilh vek a ngai ang" a ti a. 

"Hrilh la tinia.. Tumah ka hlau leuh.. Ka pa fanu duat ka nih hi" a ti vei pang pang a. Mapuia chuan a melh vawng vawng ringawt. A farnu a nau hi hetiang hian awm ve se a thinlung nat dan tur a hria. Remi pawh a nau ang tho a ni a, chuvang chuan nunphung pangngai takin nung se a duh takzet a ni. 

A tlan haw pui a. Remsanga te inah a kuah lut chu Achawii chiah a lo awm hlauh a. A zia zia a awm. Achawii hi chuan Remi mizia leh nungchang a hai lo a, mak ti awm pawn a lang lem lo. Mahse, Mapuia intihfai lai chuan Rinfela nupui Zoteii leh Lawmsanga te nupa bakah Seni te ho an rawn lang hlawl a. Zoteii chu a thinrim hmel em em lehnghal. 

"Khaw nge Mateii chu.. Chuan khaw nge Mapuia pawh chu.. Ka lawm lo khawp mai. Hetianga ka fanu chunga thil a ti duh hi" a ti nghal hlawk hlawk a. Achawii a lo hawihai viau. 

Mapuia rawn chhuak phei chu, Zoteii chuan, "Tenawmpa, i nau pawh i khawih duh a nia. Eng mihring nge i nih? I nau dik tak ni lo mah se; ani chuan u angin a en che asin.. I lo va mak ve" a ti leh bawrh bawrh. Mapuia hrilhhai hmel chu hai rual a ni lo. 

Nguri chuan, "Ni e, Bawiha, ti nge hetianga in awm? Unau in ni a. Thil mawi a ni hleinem.. " a lo ti dam thlap. 

"Eng nge in sawi hi? Engmah ka hrethiam lo. " Mapuia chuan a ti nghek ringawt. Lawmsanga'n, "Ka fapa min tizak hle mai. Tiang tur i nih ka ring lo asin le" a lo ti hniam ruih a. Mapuia a thinrim ve ta thut. 

"Mai mai a.. In sawi awmzia engmah ka hre lo e.. " a ti nghut a. 

Zoteii chuan, "Ka fanu i lo hrai rui a, i tawmpui bawk a. Engmah ka hre lo i ti a maw? Remi hian dawt min la hrilh ngai lo. Khaw nge amah pawh chu" a ti ta a. Thil awmzia a hre ta kuar. A nuih lam a za ta. Insum miah loin a nui ta hawk hawk a. Maktih hmel zeta amah entu te chu melhin, "I fanu hrai ruia pawngsual angah min lo ngai a maw? Pite, hrilh che u ka la tum tho a, ka'n sawi nghal mai a nge. Remi hian min pawngsual lo chauh zawk a ni e. Mipa sual tak ni ila chuan nizanah pawh duhtawkin ka khawih theih. Niminah pawh thlanmual peng thlangah min nawr leh a, engmah ka ti lo. Zaninah khan msg in a ruih thu leh hruai turin min rawn ngen a, ka va hruai anih kha. I fanu hi i hrechiang lo zawk a ni. Remi chu Dina roomah a mu e.. Va kaitho rawh" a ti ta kalh kalh a. 

Seni chuan, "Nia, Mapuia hian kalpuiah min sawm reng.. Ka hman si lo va amahin a kal anih kha" a lo ti ve vat. Zoteii chu Dina roomah lutin a fanu chu a va kai tho a. 

"Thudik sawi rawh. Eng nge a awmzia? Msg-a i rawn sawi te kha dawt em ni? " a ti hlaih hlaih a. Remi rui la reh fel chiah bawk si lo chuan meng phâwt chungin, "Aw min sual alawm" a lo ti mai si. 

"Chu! Dawt a sawi loh tawp chu. Phat tum reng reng suh. Naktukah Police stationah kan kal ang" Zoteii chuan a ti a. Nguri a rawn inrawlh ve ta chiah, "A tha alawm.. Police an inrawlh hian thudik a lang nge nge zel. Chhungkaw mualphona mah nise, ka fapa hian dawt a sawi ngai lo tih hrechiangtu ka ni ve a. Engkim hailan ni rawh se" a ti ve ta hmak mai. 

Achawii pawh chuan, "Zote, i ti mah mah deuh e a. Remi khan dawt a sawi aniang. Tlai atangin kan hmu tawh hleinem. Mapuia te chu Dina nen an inkawm reng a, hrai ruiha pawngsualna hun a awm lo. Bakah Remi awmdan hi chhungkuaa sawiho a ngai. A dik lo. Mi pawn an sawi duh teh mai a nia.. A sihhnipzia leh zu a heh rukzia hi tlangkam titi a ni tawh.. " a lo ti ve ta hmiah hmiah a. Zoteii pawh chu a tîm ta deuh. 

Mapuia chuan, "Pite, Remi hi ka nau ang tak taka ena siamthat pawh ka duh hle zawk ania. Amah hi a sual pawh a ni lo. Piansual rukna a nei ni zawkin ka hria. Fim taka sawiho a tha zawk" a lo ti nghet charh a. Tumah reng Remi lamtang awm ta lo chu Zoteii chuan thinrim zetin Remi chu a kai dawr dawr a, "In inţan ţhâm a. Unau unau ti si hian eng emaw hlekah chuan in ţangho leh zel.. Remmuan, nang pawh he inah hian kal tawh ngai suh. Kal ang" tiin an in chu an chhuahsan ta a. Boruak a rit hle mai. Mapuia chuan a nu te bulah thil engkim zep nei loin a sawi ta vek a. Dina a lo haw a, thil awmzia a han hre ta chu, "Kan Remmuani mai mai chu aw.. Danny te nen anih kha zu an in ho, Danny te thianho rui phurin in rela an hnutchhiah ringawt thu an sawi tak alawm.. Pa Fela ka hrilh ang ka tia, a lo awm si lo a.. A va zahthlak thin tak. He nau hi chu a danglam a ni. " a ti ta a. Thudik chu a lang leh ta vek mai. 

"Ngur, ka tan hi chuan nu leh nupui nih i fâwm ka ti lo thei lo. Ka fapa i hmangaihzia ka hriat hian ka lungte hi a chhe lek lek zel.. Ka lo nei che hi chu mipa vannei ber ka va ni tak" Lawmsanga'n Nguri kuah chungin a ti sup sup a. 

"Engmah ka nih loh lai leh chhe theihtawpa ankhum ka nih lai te, sex vid ka neih vanga ka mualpho lai te khan tu nge ka kiangah ding thin kha.. Nangmah i ni lo em ni? Khatiang thu kha sawi tawh suh. Ka tan hian i hlu fe zawk aw" Nguri'n a lo ti ve sar sar a. An inhmangaihna meipui chu a alh hlep hlep a ni ber. Duhthawh taka infawpin thawm dim ru tak siin nupa nun chu nuamti zetin an hmang zui nghal a. Nupa an nihnaah hian chiang hle lo se chuan, Inbakkaih chang an va ngah dawn êm. 

Chutiang boruak neuh neuh avang chuan Nguri pawn chhungkaw inhmuh khawma sawi ho tha a ti viau. A tukah Rinfela te nupa an ko thla a, anni nupa leh Remsanga te nupa nen, Remi chungchang pawh chu an sawi ho ta a. Zoteii chu a hel deuh viau naa, An han sawi tak takah chuan a fanu a hriatchian tawk lohzia a hre chhawm ve zel a. A zak ru ve chem chem ngei ang. Nau hial a titla tawh tih erawh an sawi ngam lo. Remi chu zilha nunphung pangngaia khawsaktir a ngaihzia sawiin, Nguri chuan, "Keiman ka lo kawm phawt ange" a ti ta a. An remti tlang a nih hmel e. 

Khatia Mapuia'n a hnawl ta mai kha na a ti a, a nu leh pa te hrilhah a la vau zui bawk nen. Mapuia a ngei vang hrim hrimin Remi khan a nu hnenah Mapuian a hrai rui ang leh a khawih angin msg a lo thawn a lo nia! A ma mawng a hlim chauh zawk a ni. 

"Sasa i hre ngai em? " Shalomi inti khan a rawn ti a. 

. "hria e" a tih rual chuan.. 

"In inthen tawh tiraw? Hei hi nia ka lo biak chhan che chu. Ka nau hi Sasa vang khan a inawhhlum phah tawh a. Phuba hi lak ngei ka duh a ni. Nang pawh a tina ve che niin ka lo hria a, min pui thei ang em? " a rawn tih chuan, Mapuia a meng phawk kher mai. 

"Eng ang buaina nge ni ngai" tih a thawn a. 

Rei vak loah, "Nang pawh hi kha ramhuainu khan a lo hneh tawh che em ni? Engkim a chin chhuakin ka hrilh ang che..nakinah" a rawn ti a. A thaw hawk. Sasa vanga buaina neih a duh tawh lo asin le aw.. 

Shalomi erawh nui ver ver chungin a phone chu a melh a. 

"In pahnih hian in hlim rei dawn reng reng lo. " a ti sap a. Mapuia thlalak a lak khawm te chu a thlek leh thuak thuak a.. Sasa number a hmet chhuak ve leh ta thung… 

(Ka kut hi aw. A va kham thin em… 😢😢😢