Vansangpuia

VANSANGPUIA.. 

Ziaktu: Toni Râlte

Class room chhung chu a reh dúk a. Chuti ang taka ka thinrim chu an la hmu ngai lo a ni teh chèk ang chu.. Tim dai hian min melh kuau hlawm a. Ni e, nasa takin ka thinrim ve a ni. A chhan pawh mipa naupang nghal fal ho vin min lo chhaih khanglan vang a ni. Class Xii zirlai naupang lehnghal. An zak lo lutuk. 

Lehkha ka thiam ve theih em vangin kum 14 ka nihin matric ka pass a, kum 21 ka nihin MA (eng) ka passed a. Vanneih asiamin kan khuaa HSS-ah ka thawk zui ta nghal a. Ka batchmate te pawn vannei min ti khawp mai. Kan khua hi Khawpui atanga hla lutuk lo, khaw lian ve pangngai, boruak nuam tak a ni a. Kan khawtlang hruaitute an lo fel ve bawk nen, kan changkang ve tawh hle a ni. 

Kan school naupangte nen kan inpawh a, kei nen phei chuan campus pawn lamah chuan thian ang chiah kan ni. Ka la upa em em bik lo nen, a chang chuan ka lai lek lek thin. Thawktute kan inngeihin kan lungrual bawk a, a naupang ber ka nih vang ni maw min dawm thiamin a duat pwh min duat hle. Sawi tawh angin mihring kan tam ve tawh bawk a, naupang pawh kan ngah ve thei viau mai. 

"Class Xii, sec B-a Vansangpuia saw tu fa nge a? Ka va hre ngai lo ve" office-ah chuan ka ti a. 

Nu Rami chuan, "Pu Sanglura fapa anih saw, i hre lo vang, hmanni lawkah an rawn awm alawm. Apa hna avangin" Pu Sanglura chu kan BDO a ni tih ka hria. 

He pa Vansangpuia hi ania nichina ka thinrimna chhan bulpui chu. A lian uaih a, a la naupang tih eraeh a hriat. Khawpui rawlthar awm tha duh lo ang chiahin a inthlahdah reuh em em a, a thiante pawh a hruai khaw lo vek ni maiin ka hria. Zirna lamah erawh a laktlak fú roh thung a! Uniform a hak danah complaint kan nei ziah a, class lak laiin kan hau tlangpui bawk. A tawng tam lo naa thil dang lo tih daih te a ching thin a. Mi lem a ziak nasa thin. Tin, lang lo lam atang hian a thiante fuihpawrhin min chhaih fo tih ka hre bawk. A thiante lah hian an boss en ve deuh nge.. An hlau thiam nasa si a. 

Chawhnu lama an class ka va lut leh chu an ngawi dák tawh a. Ka hauh hrep vang kha a ni ngei ang. Lecture ka pe mawlh mawlh a, tumah ka hau hran tawh lo. 

"Huiham.." A rawn ti hawk a. Kan en nghal thup. Mitmeng zâm deuh taka min en chung hian, "Boring lo ber kan tih thin pawh a boring tan tawh" a ti hlawl a. Nia, ka class hi nuam an ti thin a, a nuam reng thei bik lo atin ni. 

"I awm peih loh chuan i chhuak thei" ka ti chang fal a. 

A bag a la a, a chhuak hmak! Ka hrilhhai letling. Ka thin a rim ngei mai. Mahse, ka insúm. 

Khami ni atang khan ka hmel huat tan a. Classah ka hauh ngun pawl a ni ta. Chhaih erawh ka tawk ngai ta lo. A mize ngeng reuh lutuk chu ka hua. An hausakna a chhuang ve zawk nge mawni. 

Zan khat ka inkhawm bang chu kan intawk a, amah chauhin. 

"Zanah te ti nge i len a? " ka ti a. 

"Min tir a, apain" a ti ve mai a. Ka kalsan zui nghal a. 

Ka mut dawnin, "Miss, apa hi zu a in nasa lutuk a, a hrehawm ka ti. Zaninah pawh khan ka zawng a, anu a mangang thei sia" tih thu hi a rawn thawn a. School group atangin ka number a lo nei a nih dawn hi. 

"A va zia lo ve aw. Engpawhnise, nang chu tha takin awm i tum dawn nia.. I nu tan pawh" ka ti ve mai a. Classa a ngui thei riau te, thil dang daih ngaihtuah hmel a pu thin te ka hrechhuak a. An chhungkaw boruak vang a ni ang tih rinna ka nei nghal a. 

"Nia, fel chu ka tum alawm.. Min lo tawngtaipui ve rawh aw" a rawn ti leh a. Kan inmangtha ta a. 

Kha ta tang kha chuan ka hau ta vak lo. Sports kan han nei a. A tithei em em a, a high jump han zuang te, race te, football engkimah mai chuan a ber a ni ta zel mai a. Mak deuh maiin ka star titih ringawt! Amah a lian ve tho si, a hmel hi tha em em tih tur a ni lo naa, a 'man' ve a. Hmeichhe ho pawn an star rawn reng bawk a. Mahse, a ngaihtuah ve vak hmel loh. Duhsak loh theih lohin lehkha a thiam tel leh zel bawk si. Ka thawhpui thenkhat te phei chuan an fak chamchi a. Kum tira a ze ngeiawm tak kha chu a phumbo ta hmiah a ni ngei ang. 

Kan kohhran a inan loh vangin a inkhawm ve thin em tih ka hre lo a, zan khat erawh pic min lo thawn a. Keima lem a lo ni! "Miss, ka inkhawm bang chiah.. Hei i lem ka ziah hi ka chhunzawm a. Ka zo a, ka lo thawn che" a rawn ti. Ka thlalak a ni mai, a ziak thiam kher asin. Lawmthu te ka va hrilh nel nual kha.. 

"Miss, u Sama nen sawn in ni ve tak tak a mi? " an class ami Tesena kan tih, ri phawng phawng chi chuan min zawt a. Thenkhat chu an lo nui thaw hlawm a. Titina hun a ni bawk a, an duh zawng zawng ka sawitir thin a, zawhna lah ka dawng zing thin. 

"Ni nang" ka ti mai a. Kan ni lo reng bawk a, min bem nasa a, ka duh chi a ni tlat lo. Ka hawi chhuak leh chiah chu Vansangpuia'n uluk mangkhenin min lo melh kar mai. Ka lai tep. Kan mit a intawng sak a, intizak lo luiin ka nui a. 

"Mahse, miss, in ni an ti vek sia" Vansangpuia a ni. 

"An ti ve mai mai nih chu" ka ti leh mai a. A bu nghut nghut a. 

An classa luh hi nuam ka ti thar riau a, a chang erawh chuan ka zak thin. College te chu nise ka la hrethiam, higher level anga lo instar kual vel chu a mawi chiah pawn ka hre lo. Mahse, keimaha ka awm lai te hian ka lo ngaihtuah leh vung vung thin a. Ani lahin chutiang zawng chuan min en ve pawn ka hre si lo. 

Poetry kan zir a, romantic a nih vangin ngaihzawng lamah ka kual lut a. Ngaihnawm an ti tih ka hria. 

"Entirnan, vansangpuia te pawh a bialnu nen an inthen ta a, ngai si, ngai lo anga awm a ngaih chang te, biak duh si, be lo tura inthunun a tul chang te a lo awm a.. Chuti khati" tiin ka sawi kual duh a. Amah ka mitmei pah bawk a. A ner náng a. Ka sawi zawhah, "Miss, kei chu a ruka star neih hi nuam ka ti.. Min duh ve maw tih tur ang deuha an awm te hian.. " a rawn ti a. An lo e dual a, kan thil zir nen inhmeh chiah lo mah se, kan tleirawl lai te kan sawi kai ta a. Nuam an ti hle. 

"Miss, vawiin khan bialnu min thentir ringawt a, ka then phal teuh lo" zanah a rawn ti a. Zan dar 10 hmalam zawng chu a ph a khawih ngai lo, weekend a nih loh chuan. Lehkha a zir thin. 

"Haha.. Entirna a nih kha"

"Chuan, ka thil sawi kha ka ti tak tak, a ruka mi ngaihzawn hi a nuam ka ti. Hmuh reng ka châk" tlemin min tingui deuh. 

"Kan school a mi maw? " 

"Umm.. Ni chiang e.. "

"Min hrilh ve la.. "

"Ka zak e a" a ti duh chauh a. A tlai ve tawh nen kan inmang tha ta a. 

Teacher's Day kan hmang dawn a. Thawmhnaw pawh lang zahawm tur ka thlang ve a. Ka dawhkanah chuan pangpar leh chocolate bakah box lian vak lo a lo let ve ram a. Ka nui sak mai. 

"Zirtirtu anih vang mai ni lova ka ngaihsan em em, hlim reng se, dam reng se ka ti.. " box pakhat chhunga lehkhathemah chuan a inziak a. A tawpah vansangpuia hming a chuang vang a. Bengbeh simple deuh, mawi zet si a lo awm ran a! Bengbeh ka ngaina tih a lo hre ve anih dawn hi. Mi dang min pek aiin a danglam zar mai.

Hun kan han hmang a, request programme-ah, zai turin min ti ta tlat. Min request tu ka hre mai. Ka zai thiam lohzia a hre ve a ni ngei ang. Naupangho hlim nan tiin ka va zai ve chiam a. An nui nasa ngei mai. Vansangpuia erawh chuan ka thla a la ngun hle tih ka chiang. 

Tlaiah kan hmaah an kal a, vawi hnih a rawn lehhawi. A lehhawi tih ka lo hre ve zel pawh chu a mak! 

"Miss, apa a piangthar asin" zanah a rawn ti a. Ka lo lawm ve tawp. Ani pawh a hlim tih a status atangin a lang mai. Ka status hi a view hmasa ber ziah, zing karah ka update thin vang hian. 

"Hlimna thuah hnih.. " tih ringawt a hmang a. A awmzia hriat tuma ka lo ngaihtuah ve leh chiam chu.. Ka â tawh kei hi. 

School kal a nuam a, chawlh ka ning. A rawn kal loh tum chuan engkim a ninawm thin. Mi dangin min hria ang tih ka hlau em em a, mahse, min rinhlelh ngawt ka ring bik lo. Amah pawh hian a hria ang tih ka hlau. A chang eraeh chuan min star ve tho mawni le tih theih tur hian a awm thin. Class min en reng phei chuan ka buai lek lek zel. Chhuanlamah a hminga koin zawhna ka'n zawt leh ngawt zel a. 

Kum 17 chauh a la nia! A ngaihna a awm lo. 

Ka u in nupui a nei dawn a, kan buai ve nek nek a, ni 2 lai ka chawl a. Ka lung a leng hman!  

"A nuam lo. Engmah.. Ka ngai" tih thu hi a lo update a. Ka inngaihbel ve tawp. Ka nui vur vur a, ka nuin min khak hlak kha.. 

"Miss, lo kal tawh rawh" a rawn ti ta thlâwt a! Ka khur dawt. 

"Lo kal thei tep. Min ngai tawh mi? " ka va ti vel. 

"Ka status kha i hriatthiam chuan" a ti a. Smiley a rawn dah a. A zak ve aniang. Ka zak ve tho. A nuam bawk si. 

"I star kha a lo kal lo mi? " 

"Kal lo a. Ka ngai tawh", 

"A lo kal ve tep ang"

"Miss, min gei em? Ka zak lo tiraw.. "

ka chhang ngam tawh lo. Ka zak ve tho sia. 

School ka kal leh ni chuan a lo kal lo thung! A va ho tak. Nilengin ka ngaihtuah. Zanriah ei hmain min lo text a. "Ka kal loh ni ber kherin i lo kal leh a. Ka ngei che" a rawn ti. Ka nui sak. 

Kum tawp a lo hnai tan a. Course kan zawh hlawm tawh avangin vawn tur te kan inpe mai mai tawh a. Vansangpuia chu ka vei telh telh bawk. Break lai te hian office opposite-a thutthleng kan siamah ngei hian a thu thin. Min hmu thei si a. Ka lai thei tawp. A nuam tho bawk sia. An zirtirtu ka nihna ang chuan min zah a, mahse, mipain hmeichhia a en dan ang chuan min naute chei mah zawkin ka hria. Kan inngaihzawn theih a rin loh vang nge inlaichina neia inzawm tur chuan min la nawr miah chuang lo va. Kei atan tak pawh student lo ngaihzawn ngawt chu a zahthlak ve tho bawk si. 

Exam an tan a, a thiam leh par par hle, kan infuih nasa bawk a. An exam chhung chu kan inbe mang lo. Phone a khawih tam tlat lo va. An exam zawh ni hma zanah, "Term examah chuan pakhatna ka ni anga, board-ah chuan ka fail lui tho vang. Kan school hi ka chhuahsan duh lo" zuk ti a! Ka va hau nghe nghe. 

Result puan ni chuan keimah ngeiin a report card ka pe a, kan inchibai pah chuan chiang fein kan inmelh a, ka kut chu a hum nghet kher mai. "Ka lawmpui che" ka ti sap a. Ka nui bawk a. A mitmeng de sawr sawra hlimna lo lang chuan min tihlim takzet. A hmel thatzia kha.. Mahse kum 17 chiah a la ni si.. 

Christmas rim a nam tan a, Shillongah ka putea te tlawh pah leh bazar pahin ka zin dawn a. Ka zin dawn tih a hriat rualin a chhungte a lo dil ve nghal a ni ngei ang. A u te nupa an awm ve bawk nen, zuk tlawh chhuanlamin zin a lo tum ve tawp. 

Night bus in kan kal a. Kan kal tep tihin hmanhmawh zetin a rawn lut a, a kal ve dawn tih ka hre miah lo. Ka phu zawk nghe nghe. Thutna awl a tam nen, ka bulah a rawn thu chat. Ka lo lai ru nghal em em lehnghal. Chutah chuan a chhungte hnenah zin a dil thu min hrilh chauh ni. Kawng tluanin kan thu dun a. Thil tam tak a thleng a ni. 

Mutthilh lai chuan engmah hre hek lo, a dar ka lo kham thul, ka mang a chhe ve bawk nen, vawi khat phei chu min lo pawm bet tawp. Kei lah ruih ka hlauh luatah damdawi ka lo hmawm khanglang si. Ka muhil bawrh bawrh reng mai. 

Thei thur te ka han ei a. Ka harh ta deuh. A vawh deuh tawh vangin ka intuam hlun bawk a. Ka kut a rawn hum a, ka lasawn ngam lo. A hum nget nget mai. A zak ve em em tih ka hriat vangin ka tawng ngam si lo. 

"Hawh.. Shawl hi sin ve rawh. A vawt sia" ka ti ta a. A lo remti ve mai. Shawl chu kan inzawn ta a. Kan inhnaih leh sawt. Mipa naupang mai a la ni naa ka thinlungah a lian si. Min rawn melh phei a. Hmalam ka en lui tlat. Ka kut pawh a la hum reng a. Ka khur titih ringawt lehnghal. 

"Miss" a ti sap a. A aw thukzia chu.. 

Loh theih loh avangin ka hawi phei ve a. Kan mit chu a intawng sawk. A hmela tihtakna zawng zawng leh a mutchhuak lek lek hmel zawng zawng chu a nung tawp. A tha bawn tawp a ni ber. Ka mita en kalh chung chuan chet a la ta a. Zawi muangin ka hmui a rawn hnaih ta a. Ka maimichhing tawp. Ka hmuiah chuan a tawp ta chat a, dimtein a fawp a. A zei bik lo. Ka chhanglet lo naa ka hnar hauh lo. Mi dang min hmu thei tur an awm lem lo bawk a. Pawi tihna ka nei lo. 

Kha hun a tang khan kei chu Vansangpuia bialnu ka lo ni ta anih chu! Kan infawp zing hman khawp mai. Min vei luat vanga lehkha a zir that theih loh laite, kan inkawta a thut reng thin thu te a sawi a. Ka duh ru ve reng tih a hriatna a rei tawh thu te, chet a lak ngam mai bik loh dan te a sawi ser ser a. Kan nui dun har har a. Kei pawn sawi ka nei ve. 

Tichuan, tluang takin kan thleng thla ta a. Ka putea te leh a u te chu veng khatah an lo awm lehzel bawk nen. Inhlat lo takah kan han awm leh ta chu a nuam zel e. Mahse, mi dangin an hriat ka duh miah lo. Amah pawn a hrethiam. Kum zawng ang chuan kum 7 in kan inthlau a, mi thenkhat ngaihtuah chuan a tam lua lo. Mahse, ka zirlai naupang a ni tlat. Kum a la tling lo bawk. A rawn leng thin a, putea te nen pawh an inhre tha viau. Naupang tih takah tirh chikah an nei a. Ka khawngaih thin. Mahse, phur takin a ti surh surh zel. 

Kan bazar dun a, tshirt leh zungbun kan inleisak ve ve a. A nuam dangdai hle. An miss ka nih angin min zah der thiam a, mahse, ka bialpa anihna ang chuan thu a nei thiam fu roh mai. A thikthu te chu chhe ve tak mai ania. Keipawn a naupan zawk vang maiin palzam tumna ka nei hran lo. 

Tluang takin kan haw dun leh ta phawt a. Veng chhungah chuan inhmuh tam vak a rem tawh lo ang. School tan leh hun a nghahhlelhawm ta hle mai. 

Urlawk zan leh 31st zan te chu zing dar 2 velah a rukin kan khaw daiah kan va hmang ve a. Eitur te kan keng ve bawk a. A nuam tho mai. Sex hman tumna kan nei ngai lo va, kan la thianghlim ve ve bawk. Awmdun ringawt pawh kan hlimpui a ni e. 

Kum a lo thar ta a. School te kan tan ta. Kan indet relh relh a, a ruk veka engkim tih ngai chu a hahthlak rualin a nuam tho si. Engtikah emaw chuan mi hriat hun a la awm ngei awm si a.. Hmalam hun chu ka ngaihtuah duh lo lui tlat. A pass ngei anga, khawpuiah college a kal anga.. Kei aia tha leh fel a hmu anga.. Tih vel ka ngaihtuah thlen thin avangin. 

Kan school naupang tho, Remruati hian tihtakzetin a ngaizawng thin a. Startu neuh neuh chu a nei nual tho naa Remruati hi chuan a atchilh bik zual a. A msg te hi min chhiartir thin. A nasa reuh khawp mai. Kum thar ruaitheh zan te khan kan school tlangah dar 1 thleng a lo han nghak mawle! Ani erawh ka bulah a awm daih si a. Remruati chuan ka pawi a sawi lo naa mil lohna ka nei tan a. Ka bialpa min chuhpui tumtu a ni miau si a. Class khatah an thu si, min hriatchhuah erawh ka hlau thin. Amah hi a inveng thiam èm reuh a. Kan him hram zel. 

Study camp kan nei ta a. Kei thalai awmchhun leh an class master ni bawk chuan ka riahpui a ngai dawn ta a. Pawi ka ti lo nasa. Room hranah riak mah ila, a rukin kan intext char char zel a. An mut reh vek hnuah school thlang zawlah kan chhuk chang a awm bawk thin. Kan induhna leh hiptawnna a nasa lutuk a, kan inveng hleithei meuh lo a ni e. 

"Ka awm tawh aw. Ka nghak che" a rawn ti a. Thawm ka'n ngaichang vang vang a, an muhil vek tawh nia ka hriat vangin ka tho them them a. Ka chhuak ta a. Ka zuk thlen chuan min lo nuih var var a. Kan inpawm leh chawt. 

"Lal miss, ka duhnu, ka lawm eee.. Min duh ve hi" a ti ham ham a. Min rawn fawp nawk nawk bawk a. 

"Het.. Ka hrem mai ang che aw. I hmanhmawh lutuk.. Thu phawt ang, " ka ti a. 

Ka thu thluang a, ka mal khamin a mu a. Arsi kan thlir leh veng veng mai. A ngaite bawkin hmalam hun kan sawi leh a, ani chuan pass loh a duh a keiin ka remti si lo. Min kalsan kha a duh lo bur a. Kei rerawh chuan ka thiam ang tawkin ka fuih ve a. Inhnial thin mah ila a tawpah kan nui leh zel thin. 

Kan chhoh dawn chuan duhthawh zetin kan infawp leh a. Kan inkai chho rial rial a. 

A tuk maia thil thleng erawh mumang atan pawha ka duh ngai loh tur a ni ta. 

Principalin min ko a. Thinrim meng sen rum chungin phone pakhat hi ka hmaah a rawn theh thla tawp a. Ka lo la ve mai a. Ka thil hmuh avang chuan ka ding khawng lah mai. 

Vansangpuia leh kei chu fiah vak lo vin kan lang a, hai theih kan ni miah lo. Kan infawp lai te, ka mal khama a mu te.. Engkim kha a rawn lang ta vek mai. Sawi tur reng ka hre ta lo. 

"Heti ang mihring hi i lo ni a. I zahpuiawm hle mai. Staff meeting ka ko dawn a, nang chu i haw thei ang" a ti a. Ka dang a ro huam huam. Ka khur hlawk hlawk bawk. Engmah ka sawi thei lo. 

Ka thawhpuiten min melh hrek hrekna chu haider lui hram chungin haw turin ka inbuatsaih a. Ka khua a rawn sik vut vut nghal. An class room atanga ngaihtuah hmel taka min lo en rengtu Vansangpuia pawh ka va hmu thei. Engmah ka hrilh thei si lo. 

Thil chu a kal zung zung a. Ka mualpho hle a ni. A zirlai naupang chunga mawi lo taka chet la, a zirlai naupang pawngsual tluk thawthangin ka hming chu a thang ta a. Thahnem ka ngaih ve em emna school chu ka chawlhsan a ngai ta bawk. Engtikah nge ka zawm leh ang tih erawh ka hre lo. Mak ka tih em em chu kei dem rawn ka ni a, Vansangpuia erawh chuan lainat a hlawh daih chu a ni. Ka hrethiam lo. Remruati khan kan che tla lai zawng zawng kha a lo la ru vek a lo ni a! Apa hnenah a lo pe thlap si. A pa chu kan principal a ni miau a! 

School ka kal tawh dawn lo tih a hriat ni chuan Vansangpuia pawh a bang ve nghal. Principal bulah, "Sir, miss hian ka chungah mawi lo takin engmah a ti lo. Keima bultan vek a ni. Ka hmangaih a, kan inngaizawng. Chu chu thil theih a nih si loh chuan kei pawh ka tel ve tho sia, ka rawn kal tawh bik lo ang e" a lo ti a. A rawn haw. Lehkha a thiam si a, kan school tihmingtha tura kan hual anih si avangin an ui hle a, vawi tam an lenchilh, a nu leh pate pawh an sawipui.. Mahse, amah berin a tum lo bur si a. Tihngaihna an hre ta lo. Keimah bawk min dem rawn leh ta vek a. Ka chhungte min ankhumna pawh a nat tawh tehlul nen.. Khawtlang sawi han nih meuh chu.. Hruihrual pawh a mawi lek lek alawm le.. 

Tuk khat chu Pu Sanglura a lo lut hlawl mai. Ka zak deuh a. Mahse, min be duh miau si a. Khawngaih min rawn ngen a ni ber. A fapa exam tir turin. Vansangpuia kawm tur chuan rilru ka siamfel ta a. Ph atang chuan kan inbe reng tho a, kan pahnih inkarah chuan buaina a awm lem lo naa exam tura ka tih pawn a hnial zel kha a nia, tunah apa min ngenna a zahawm em avangin ka bei leh dawn a ni. 

Kan inhmuh khat avangin kan inngai tawh a. Kan inkuah vawng vawng mai. Kei phei chu ka mittui te a tla hial. 

"Exam rawh aw. Min hmangaih chuan, theihtawp i chhuah bawk tur a ni",, ka ti a. A ner sawk a. 

"Hmingchhe taka hnawtchhuaktu che school saw ka tihmingtha duh hleinem"

"Kan pahnih tan alawm.. Engpawhnise, xii tal i pass a ngai alawm"

"Kan pahnih tan anih chuan ka ti ang e. Min nawr zing bawk a. Ka zah em che vangin ka exam ang.. Mahse, kan pahnih tan anih chu.. Chuan ka camp tawh lo bawk ang. Remruati ka hmuh chuan ka beng duh mai dawn sia" a ti a. Chu erawh ka pawmpui. 

Exam chu a hmachhawn ve leh ta a. Thil anih ang ang anih zawh tawh tho si vangin kan inah te pawh a rawn kal zeuh zeuh. Chhungte mitmei pawh ka veng buai peih tawh lo. Kan mualpho vek tawh tho si a.. An exam zawh ni chuan rawn kal a tum avangin noodles ka siamsak a. A rawn lang har si. Ka call ta a. Hmeichhiain a lo la..! 

"Khaw nge vansangpuia" ka ti tawng a. 

"Hei ka bulah a awm. A rui a.. "

"Tu nge i nih? Khaw nge in awm? "

"Remruati, miss, nangmah ni maw.. Ih englo ania.. Kan inru dawn a.. " 

Ka tliak hnâwp. Eng thil nge maw thleng le.. Ka pik mup mup a. Awmngaihna reng ka hre lo. 

Zanah kan thenawm tlangval in kuhva a rawn lei a. 

"Vansangpuia leh Remruati inruk thu kha i lo hre ve em? " a ti ta a. Ka mit sulh mai. 

A hnen atangin call leh msg engmah ka dawng lo. A va na ve. Min lo bum char char tihna em ni? A tuk nileng leh zankhua pawn a reh. Ka be duh bik si lo. A online lo hrim hrim bawk. 

A tuk leh zingah chuan, Kan kawt maiah thawm danglam tak a awm ta a. Kawngka atangin ka thlir a. Remruati leh vansangpuia te an ni. 

Remruati chu a rawn kai hlawk hlawk a, tap pur chungin Remruatin a zui lo thei si lo va, eng emaw a sawi zawt zawt bawk. Kan in lam an rawn pan lehnghal. Kan in kawtah chuan an ding chat a, ka va chhuak ta a. 

"Miss, He nu hian ngaihdam dil che a duh a. Ka rawn hruai anih hi" a ti bung nghut a. 

Ka ngawi reng. 

"Sawi ta che" Remruati chu Vansangpuia chuan a vin hrep a. Mak ka ti deuh. 

"Miss, min ngaidam rawh. Sangpuia hi ka duh em vangin khami zan khan in vid kha ka cover a, a thehdarhtu pawh keimah ka nia, chuan, vansangpuia duh lo chung tiluia khuaikhem ang chein ka sawi bawk che a.. Ka tihpalh vek a ni. Min ngaidam rawh" a tap pur a. Ka nuihte lam a za. A ho e, kan thiam loh a awm ve tho a, vid a lo la kha a tihsual a ni hran lo. Inphiar rukna a ni hran lo bawk. 

"In inru emaw ka lo tia" ka lo ti daih a. Vansangpuia chuan min din chilh a, "Hetiang hmeichhe lerh lutuk, zah hre si lo hi nang aia ka thlan zawk i ring reng reng mi? Phuba lak nan lem ka chang mai mai nih kha.. Sex pawh ka hmanpui duh teuh lo. Hetia tihnat ve hi ka tum ber a ni tlat a.. I rilru tur pawh ka hrethiam.. Min ngaidam rawh aw" a ti ta a. Rinhlelhna ka nei lo. Ka thaw huai mai. 

Remruati chhungte an rawn kal a, keimah min ankhum hrep hnuah an fanu chu an kai hrang ta a. Kan en liam tawp. 

In chhungah min rawn zui lut a. 

"Tunah chuan ka zir chhuah hun thleng min nghah theih tur thu chiah ka hre duh tawh. " a ti sap a. Ka chhungte an awm vek. Ka mitmei a. A danglam eih lo. 

"Ka tiam a che. Ka lo nghak ang che" ka ti zawi sap a. A nui sak a, a hmel tha sin aw. 

Ka chhungte leh a chhungte pawn tihngaihna min hre tawh lo a ni ber ang chu. Xii a pass a, college a kal a, min ngaih em vangin a rawn haw leh tawp. Apa ngenna leh keiin Khawpuiah hna ka lo hmuh ve bawk si vangin, Mawlmang takin Dan Thianghlimin kan innei ta a. 

Kan inuah zimtè, fel thlrh si-ah chuan nupa hlim tak kan la ni rih. Keiin hna ka thawk a, ani class a kal bawk. Ka thu zawk a, ka lal zawk bawk. Mahse, ka pasal a ni ve tlat!.. A chang chuan a hlauhawm ve thei rap.. Hehe.. Chimbuaitu nei ta lo chu khumlaizawlah pawh kan che na thei hrep.. Lol

(Tun kar atan a tawk rih aw. Mi chawhho 😂😂