U Sawmkima

U SAWMKIMA..

Ziaktu: Toni Râlte

Ani chu ka thiannu ú a ni a. Tlangval senior kum 38 mi a ni. KTP a over tep tawh anih chu. Nikum hmasa khan a bialnu U lindai nen innei turin thu an thlung fel vek tawh a. Mahse, tuman a chhan kan hre lo, an thulh leh daih. An inthen zui nghal bawk. Ka thiannu Tei pawn engmah a hre lo, a zèp pawh a ni mai thei. U sawmkima chu lian deuh, sang deuh mai hi ania. A smart thin hle. KTP, kan branch-ah Secretary ni lai a ni. Aizawl Govt Collegeah lecturer a ni a, startu a ngah thei hle. Mahse, Ulindai nen an inthen atang khan ngaihzawng a neih leh awm ka hre miah lo. Kei chuan ú enin ka en a. Ka ngaisang tel bawk. Ka thiannu Tei hi an naupangber a ni a, Usawmkima an upa ber, an inkarah mi pathum an la awm. Tihian kan kum inthlauh turzia chu in hrethiam mai ang chu. Nau duat takin min duat a, Tei nen min bazarpui chang chuan nuam kan tithei rap. Thil kan ei teuh zel. Kan inthenawm hnai bawk a, kan inlenpawh zung zung a. An chhungkua leh kan chhungkua chu chhungkhat ang chiah kan ni. 

Kei erawh Cl xii ka zir ve mèk a. Lehkha ka thiam vak lo, ka kum hnihna a ni nghe nghe. Tei nen kan inclass mate a, ani pawh thiam tia sawi tur a ni hran lo. A zir peih thung. 

Tei te huanah picnic turin kan kal a, kan chhungkaw hnihin. Nuam kan ti takzet. Tui kan chen lai chuan, Usawma chu a rawn kal ve a. Tui chen min zirtir a, ka ngaihmawh zawngin a awm deuh thin. Tul lem lo hian ka hnute a dek palh(?) Leh zauh thin a. Ka thinur hlur mai. Kan rilru a la thianghlim a, bialpa tih vel hian min la tibuai ngai lo. Chutihrualin kan taksa erawh a tituai ve tawh a, kei phei chu ka thang duh a, ka dawk zuah mai. Tin, ka nu ka chhun a, ka hmel chhe lem lo, ka vun a mam a, ka ngo bawk. Ka sam hi ka bengzeh phak tawk velin ka tan tawi hmiar a. Ka tan tirh hian Usawma hian min hau hrep lehnghal. 

Tui cheng tawh lo vin, an thei huanah kan kal ta daih a. Theitè rah hun a ni bawk a, duhtawkin kan ei a. Thil ho mai mai sawiin ni kan tumtawi ve mai. Kan haw lam chuan Usawma carah kan chuang a. Kan zai vak vak a. 

"Kimi, nang hi i lerh tan riauin ka hria ni"Usawma chuan a ti a. 

"A teuh vang" ka lo ti hmuk. 

"Hei nula in ni ve tan tawh dawn a, fimkhur hle ang che u. Bialpa inneih pawn hmun falah awm pui loh tur, virgin ngeiin pasal neih tum ang che u" a ti dam thlup a. 

Tei nen kan nui vak ringawt. Sex chungchang hi kan la ngaihtuah ngai lo hrim hrim. 

Exam chawlh lai anih vangin Tei nen kan inlenchhawk a. An ina ka riah chang leh a lo riah chang a awm bawk. An ina ka riah vawihnihnaah chuan ruah a sur bur bur a. Usawma'n malis turin min tir a. Hlawh min pe ngei dawn. Kan pahnihin a u chu kan malis a, Tei chu thingpui lum turin a tir a. Kan pahnih chauhin kan awm a. A hnung chu ka hmet kual a. A rawn zangthal thut a, min rawm pawm bet nghal. Ka au chhuak teuh hle. 

"Engtinmah ka ti dawn lo che. Tihian awm lawk ang" a ti a. A lungphu dup dup ri chuan min tihlau hial. Ka tah a chhuak ru hle. 

Khamizan atang khan Usawma chu ka pehhel zel tawh. Ka hlau tlat tawh. Min melh vung vung phei hi chuan ka mur thei. Bialpa ang zawngin ka en ngai si lo va. A hmeltha ka ti. Mahse, ka u a ni tlat. 

"Kimi, min hlau tawh suh. Ka rilru i Hriat loh vang anih kha. " a text msg a ni. 

"I hlauhawm alawm"

"Engtinmah ka ti dawn lo che"

"Tui kan chen lai pawn ka hnute i khawih kha"

Smiley nui uar uar kha a rawn dah a. 

"Vanlal cute" a rawn ti. Ka reply tawh lo. 

Class kan tan leh tawh a. Usawma pawh ka hmu khât leh tawh. Mahse zantin min lo be thin. Ka chhang vek ngai chuang lo. Tei pawh ka hrilh a. "U sawma hi a mak e" tiin engkim ka hrilh a. 

"A ngaizawng che aniang a tiraw? " a ti a. Kan bo dun ve khawp mai. 

Ni 28,Aug, thla a ni a. Chumini chuan kan chhungkaw chungah vanduaina rapthlak tak a lo thleng ta. Mumang atan pawha man ka duh loh, ka suangtuahna thleng pha ngai lo chuan min lo hual reng a lo ni a. 

Ka nu leh pate Haulawnga ka pi (ka nu nu) thihnaa an kal, an lo haw lam chu Truck nen insuin kawng thlangah a nawrliam a. Ka pawh chhawn lohin an boral ta! Ka bing mup mup a. Awmdan tur ka hre lo. Ka ringhlel tlat bawk. Unau pathum kan ni a, kan upa ber Umama hian nupui nei tawhin kan awmho lo va, ka u chiah mipa erawh MSW a zir ve mèk bawk. Kei hi ka fâl deuh a, duat rawn pawh ka hlawh ve thin. Ka nu leh pate hian a hmingin sawrkar hna an thawk ve ve a. Kan harsa lem lo. Mahse, hei tunah chuan sum leh pai ni lo vin nunna kan mamawh ta zawk a nih hi. 

Ka nu leh pate kan sún atanga reiloteah ka u mama te chhungkua chuan min rawn fin ta a. Lohtheih loh a ni miau a. Fa naupangte te pahnih an nei ve tawh a. Khawhar an hnem phian. Ka pa kha pa mawl a ni lem lo bawk a. Kan bank ac theuhah a theih ang angin pawisa a lo dah khawl thin a. Kei phei chu a tling tam ve tawh angreng. Ka chiah Upuia chu ka pa ai (Police) a lut thei hlauh mai a. Keimah chiah ngaihtuah ngai ka ni ta chu a ni mai. 

Umama chuan hardware dawr a nei a. A hlawk ve khat ang. An nu ULucy erawh RMSA hnuaiah zirtirtu hna a thawk ve mek thung. An inneih atanga thla hnihnaa indang nghal kha an nia a chhan pawh Lucy (u tih dah tel lo mai ang) hna vang ania. Mahse, an indan hnu rei vak loah an transfer ta mai a. Thil an tithei ve deuh bawk a. 

Lucy chu tituai nalh zet,induhtawk ve tak, class zet mai a ni a. Privacy ngaipawimawh deuh, vai zia a kai deuh em mawni tih tur hi a ni. A fate pawh a enkawl thiam khawpin ka hria. Kan awmho hnu chuan kan inhrechiang ve zel a. A tirah kha chuan min duat ve viau a. A rei a, min michuang en tial tial ni maiin ka hria. 

Hun a ral ve bek bek a, ka nu leh pate ngaia ka tahna hun pawh nuihnain a rawn thlak ve tan a. Lu kan sún chhung zawng khan Tei te chhungkua an fakawm lawtlak a ni. Usawma phei chu Umama ai a awh a ni ringawt. Engkim a chingfel ti mai ang. Kan inchhungkhatna pawh a thúk sauhin ka hria. 

College hial rap ve thei dinhmuna ka din laiin thil danglam thleng a awm leh ta tlat. Class kan la tan lem lo bawk a, inah ka awm vel mai mai a. Sunday chawhnu ka inkhawm peih lo ka mu chu, ka u te nupa rawn inhau lut thawmin min tiharh a. An roomah an lut nghal niin ka hria. Bengkhawn pawh tum lo ila a hriat loh theih si loh a. 

"Lemchan chu tum buai duh suh. I melh dan leh i mitmei dan atang hian ka man vek tawh" u mama chuan a ti lawng lawng a. Tu tak chu ni maw.. 

"I tenawm mai mai e a. Ani te chuan engahmah min ti nang. Ka duh lo hrim hrim bawk"

"Duh che nise i tlu nghal ang. I awm dan hi ka hai ring suh. Ka nu leh pa te boral hlim chhawn lai atang khan ka ringhlel tawh che u"

"Fiahna i nei em ni? Khatiang khan mi ti reng reng suh" 

"Tawng tawh suh. Ngawi hmak rawh"

"I chawm i hrai pawh ka ni lo. Tihian i unaute ka chawmpui zawk che a. Khatianga min tawngkhum ngam tur i ni lo"

"I va zak thei lo tak. Puia hi kan chawm awkawng lo. Kimi chu hna nei anih loh avangin kan kut a ni. Chutiang zawng chuan tawng tawh hlek suh. I lo huphurh viau anih chuan i chhuak nal nal thei e" Ka ú mama chu pa ka ti ngei mai. 

U puia a rawn haw hlauh a. An reh ve ta a. Tu nge Lucy nena rinhlelh chu ni ang le.. 

Zanah chuan Tei leh Usawma ten inkhawm turin min lo sawm a. Ka han inkhawm ve a. Ka u te inhauhna khan min uap reng a, ka awm a nuam hleithei lo. Inkhawm ban chuan Tei chu a chho tlang a. Usawma erawh thingpui háng a rawn in dawn a. Lucy chiah a lo awm. 

Ka inthlak a, ka va chhuak leh a. Lucy chu a nui deuh har har a. Thingpui pawh a mahin a lum. Kan thenawma a fate leng va hruai turin min tir bawk. Mak ka ti deuh. Tetea leh Dorisi te chu ka va hruai a. Usawma pawh a lo la awm a. Lucy chu usawma bulah Usawma ngheng deuh titihin a lo thu a. Umama awmna ka zawt a. "Ka hre lo" a ti. 

Usawma haw tur chu va thlah ka tum a. Lucyin min kal khalh! Teh chawng ana. 

"U Lucy nen in ni chiang" ka va ti thawr a. Ka mawl ve bawk lah taka. 

"Mawli" a rawn ti ta chiah. 

"Nge anih kha. I bulah a awm char char kha"

"I thik chiang"

" i zak lo em mai a" 

Nitin deuhthaw hi ka umama te nupa chu an inhau tihtheih ani ta. A hrehawm thin hle. Ka vahte chu ka duat a, min ngaina bawk. Zanah te hian ka bula an mut chang a awm thin. An nu leh pate inhau thawm chu hre tam lo se tih ka duh vanga ka lenpui daih chang pawh a awm thin. Umama thik chu Usawma. Ka ring dik. 

zan khat chu ka khua a rawn sik ringawt a. Dar 2 velah ka va luak chiam a. Ka khawsik a reh thei si lo, upuia a duty daih bawk si. Loh theih lohin umama te chu ka kai tho ta a. Umama chuan rang takin hospitalah min hruai nghal a. Lucy chu a rawn tho chhuak ve lo. 

Min lo admit ta mai bawk sia. Tei te an rawn lang nghal var. Umama dawr bumgrua a lo thleng dawn bawk si. Upuia a lo kal a, tun hnaiah a meng rim ve sia ka khawngaih si. Tei chuan min awmpui thei tho bawk a. Ka hawtir ta a. Tlaiah Lucy a rawn lang ve hlawl. Usawma nen. 

Eitur min rawn ken chu Tei nen kan ei tuam tuam a. Lucy leh usawma chu an awm rei lo. An chhuak leh nghal daih. Umama rilru tur ka ngaihtuah a, ka na vawng vawng mai. Usawma pawh ka ngei, umaman a thik tih a hre ve reng a, la chhuahpui ziah hi. An inngaizawng a ni maithei. 

Tei bawk chuan min riahpui leh a. In lamah eng nge thleng kan hre hauh lo. A tuk zinga Upuia rawn kalin Lucy tlan thu a rawn sawi ta a. Nimin khan Umaman a lo hmu dun leh pek a ni awm e. Zanah kut a thlak ve deuh a, a tlan haw ta a nih awm chu.. Umama ka khawngaih. 

"Nangmah vangin ka u te nupa an inthen hi" Usawma ka text. 

"Engmah i hre lo" a rawn ti teh tawp a. 

"I lo sual. Hle mai" ka va ti chu min reply tawh lo. 

Ni 3 hnuah ka chhuak a. In ka thleng chu a lo hnawk deuh niah a. A fate a hruai si lo va, kan buai ve deuh dawn anih hmel. 

"Mam, ko ila heti ringawt chu" upuian a tih chuan, 

"A duh hun hunah lo haw rwh se, chhuak rawh pawh ka ti hleinem" a ti hmuk. 

A fate ka enkawl tel avangin class ka kal mumal vak lo. Tei'n min puih chang pawh a awm. Usawma erawh ka hmu ngai lo. Ka hua. 

Lucy tlan atanga kar khatnaah bungrua la turin an lo kal! Hetiang em em a thlen hi chu ka ring lo asin le.. 

Umama'n engmah sawi duh hek lo. An inthen fel chu a ni ta der mai. Naupang an va khawngaihthlak em.. 

Khua a dur khuih khuih a. Tek a tla chuai chuai reng bawk a. Naupangho nen chiah kan awm si. Ka hlau ru viau mai. Kawngka kik thawm a lo awm a, lawm ru deuhin ka va hawng a. Usawm a lo ni. 

"I hlauh ka ring a. Ka lo kal"

Ka be duh miah lo. Whatsappah pawh ka block daih kha ania. Ka ute nupa inthen chhan vel hi Tei te chhungkua hian a kip akawiin an hre ve lem lo. Tei nen kan inhmangaihna pawh a la danglam chuang lo. Usawma erawh ka hua a ni. 

Naupangho an mutthilh hnu chuan, "Kimi min haw viau a ni maw" 

"Aw" ka ti hmiah. 

"Thudik i hriat loh vang anih kha. I u chu engkim ka hrilh tawh zawk asin. Lucy nen kan inkarah engmah a awm lo. Hei hi chhiar la, i chiang mai ang" tiin a phone min pe a. A whatsapp msg min entir ta a. 

Lucy'in a rawn biakna chu a khat dul mai. 

"Ka ngai che. Nangmah vangin hetiang hi ka thleng tawh. Ka pasal hi ka hmangaih lo. Ka rilru neitu chu nang i ni" tih te, wishna te, "ka lo nghak che ania" tih angreng.. A tam lutuk. Mahse, Usawma reply na erawh pakhat chiah.. 

"Lucy, mi nu i ni tawh a. Ka duh lo che. Min ngaihzawn theih nan hian eng nge tih ka neih tih ka ngaihtuah ngial pawhin ka hre lo. Beiseina ka lo siamsak hlauh che anih chuan pawi ka ti. Hmangaih ka nei a. Chu chu i pasal nau Kimi hi a ni. Kum eng emaw zat ka nghak tawh. Min lo tibuai tawh lo hram rawh" tih chu.. Ka meng kawk kawk mai. 

"Lucy nen hian a nulat lai atangin kan inhre tawh. Lehkha kan zirho thin. Min ngaizawng thin tih ka hria. Mahse, tikhan i u nen an innei a. Engkim a fel ta vek emaw ka tih laiin tiang hian thil a thleng leh sia.. Thiam lohna ka nei miah lo asin" a ti dam leh thlup a. Mak ka lo ti nasa. Lucy zahtheih lohzia kha.. 

"Chuan"

"Chuan ka hmangaih che. Kimi, mi dang ka ngaihtuah thei lo. I tetlai, i naupan lai zawng zawng pawh ka hria. Ka la nghak lian ang ka ti thin a. Mahse Lindai nen kan inzawm ta a. Inneih te hial kan tum a. Mahse, kan inneih dawn tak takah khan ka hmangaih lo va ka hmangaih chu nangmah i ni tih ka hrechhuak a. A bulah ka hlim tak tak dawn chuang lo tih ka hria. Chuvangin inneih kha kan thulh anih kha.. Ka nu leh pate chiahin an hria" 

"I â nih. Chu' ti bakin chhan ngaihna ka hre lo. A nui suk a. 

"Ka ta i nih hun zawng a la awm khawp ang"

Usawma chu ka zah thar tlat. Ka ngei bawk si. Ka awmdan chu ka duh lo. A lo leng zing telh telh lehnghal. Umama nen lah an inbe chhe chuang si lo. Lucy chuan umama a rawn hel leh tan tawh a. A duh ber nei thei hek lo. Umama rilru a let tawh thung si. Bialnu a nei ve tumhrang a. Kan veng thenawm a mi USiami nula senior a ni. Mahse, fel deuh, piangthar tha deuh kan tih ang kha ania. 

"Mate, sawmkima hi i duh ve mai lo mi? A duhzia che hi ka bulah pawh a zèp thei si lo a" chaw kan ei laiin Umama chuan a rawn ti a. Upuia a lo nui huk. Rum zeta melhin, "Duh lo" ka ti a. Ka kham daih. An nui dun huk huk a. Ka ngei ania. 

Kum tawp kan lo hnaih ve leh ta reng mai. Usawm pawh kohhran leh khawtlang thilah a inhambuai a, a rawn lang hman vak lo. A rawn lan loh hi chuan ka ngai ve deuh tho zel sia. Ka awmdan hi ka ning. Inkhawm leh fellowship vela nula dang nen an thudun ka hmuh te hian ka lo na ve ringawt zel. Ka duh ve tawh aniang. 

Christmas bazarin naupangho nen Tei te nen kan chhuak ve a. Nu ka ang tawp. Anu lahin a rawn ngaihsak der si lo. Kan vak nasa bawk a. Ka chau hle. Thil ei tura dawra kan lut chu Usawma leh nula pakhat hmeltha deuh hi an lo chawl ve a. 

"Eheh, ka naute an nih hi" tiin a thiannu nen chuan min inhmelhriattir nghal zung zung a. 

"Tei, i u tur anih hi aw" a tih lai chuan ka lo na zawk zawk thei mawle.. 

Zanah ka muhil thei ta lo. Usawma leh khanu hmel hlir kha ka hmu a. A hrehawm lutuk. 

"Ka awmdan hi ka duh lo" tiin status ka up a. Usawma'n a lo comment nghal. 

"Min duh ngang si lo va, nupui nei lo rual ka ni tawh si lo va, Mary kha ka nihpui ta mai anih kha.. Ka naute, hlim deuhin awm la, inenkawltha rawh aw" a rawn ti a. Ka mittui a hnam sawk thei. 

"Aw le. Duhsakna ka hlan a che" ka ti thei hram. Ka nat rukzia a hriat ka hlau a ni. 

A tuk atang kha chuan ka khawvel kha a danglam ti mai ang, usawma ngawr ngawr ka ngaihtuah a. Ka inhaw thul. Mi dang tan ka lo phal lohzia ka hrechhuak tlai chu pawi ka ti. 

Tlaiah eirawng ka Bawl laiin a lo kal a. Ka lung a phu dup dup mai. 

"Kimi, i hlim em? " a ti dam dap a. A mitmeng fiah kel kawl chu ka melh tha ngam lo. 

"Umm" ka ti tawp. 

"I hlim lo. Hun i la nei ania. Ka laka i rilru dik tak hi sawi rawh."

"Ih.. Ka hre lo. Ka hrethiam bik lo"

"Min duh tiraw? "

"Umm.. "

"Anih chuan kan inngaizawng thei tihna"

"U mary kha"

"Ka then mai ang"

"Keimah vangin tumah nat ka duh lo"

"A na lo vang, engkim a tha vek mai ang" 

"Mahse.. "

"Shhh.. Ka fâwp thei che ang em? Fawh che hi ka suangtuah thin" 

Ka khur der der mai. Min rawn fâwp a. Ka lo dawh tawp. Mipa ka fawh vawikhatna a ni. Upuia lo haw thawm kan hriat chuan kan in la hrang ta vat a. 

Zanah an meeting a. An. Ban veleh min lo call nghal. Mary chu a then fel tawh thu a rawn sawi. Nuam ka ti chiah lo nain ka duh ve tawh tho sia. 

Tei ka hrilh hmasa ber. A nui vak vak a. Ka zak ve lutuk. "In inneih hunah ka ú dawn miah lo che nia" te a ti vel. A zak thei lo. 

Usawma nen chuan tlang hriatin kan inzui nghal. Amahin a duh tlat a. Kei chu ka zak thei lutuk. Pa fa kan nih duh hmel thei tawp. Kan class kal min thlah thlap zel a. Naupang vangin lehkha ka zir tha hman lo tih hriaiin naupangho chhuahpui changte a nei thin. Zana a lo len pawn lehkha min zirpui thin a. Ka ning thei tawp. Infawh te chu min zirtir thiam vek tawh. Hnute a lawm hle, mahse, ka ning phal bik lo. Sex erawh min hmanpui a tum ngai lo hrim hrim. ka u te pawn min duhpui ve thoin ka hria. 

Ka pa ang deuha en chang ka nei a, ka pangchang a, ka tau hma em em bawk. Ka thikthu a chhiat tluk zetin ani pawh a chhia. Vawikhat phei chu kan kawm ve thin Zorina'n bikein min thlah a. Usawma ka nghak hman tawh lo, Tetea te an exam lai a ni sia, hruai leh hman hram ka duh vang ania. 

Min lo hmu a ni awm e. Tetea ka hruai haw, in kan thleng chiah tihin a rawn lut ve nghal a. A hmai a sen vek mawle. 

"Tu nge kha pa kha.. Sawi nghal rawh" tih pahin min sawi nawk nawk a. Ka hlau tawp. Zorina a nih thu te leh ka condition ka hrilh a. 

Aw dam deuh zawkin, "Buaina i neih chuan kei hi a hmasaber ka ni tur a ni. Ka pui thei lo che anih chuan mi dang i pun chauh ang. Hre reng tawh rawh" a ti a. Tlawn titihin a chhuah dawnah dingdihlipin a hmuiah ka han fawp a. A mitmenga hlimna kha ka hmuh hmaih bik lo. 

Kei pawh hi thikthuah chuan ka rapthlak ve khawp mai. A ph ka check ziah a. A call details engkim ka check fai kelh zel. Hmeichhia betu a neih chuan ka titau deuh tawp thin a. A lo clear lawk ve tawh thinin ka hria. Ka thinrim ai chuan tiin. Mahse, thinrimna tur tawk chu ka hmu reng tho. Min dawhtheih em vang pawh a niang e. 

Kan inzui atanga kum 2-naah kan innei. Ka u mama leh u siami inneih kan nghak pah a ni bawk. Tetea ten nu an nei ve ta bawk a. Ka bialpa a upa tawh si. Innghak khawtlai lo vin kan innei ta tawp mai a ni. Kan inneih nia ka nu leh pa ka ngaihzia chu aw.. 

Tei bawk thianah ka hmang a. Aniin Upuia. A tha vek mai. 

Inneih tuka bed sheeta thisen val kalh chuan a tilungawi nge faifuk hlurh hlurh chungin bathroomah a luh tak kha.. 

Part 2 te a awm anih ngai chuan, bialnu te kan neihtir ang nge.. Kan thihtir ang nge eng nge? 

Hmanhmawh deuha ziah, in tuihal zualpui tlemtè tal pawha a lo phuhruk nana ka tih anih hi.. 

Ka lo hmangaih em mai che u. 

In chawh aw..