Oh! Man

OH! MAN..! 

Ziaktu: Toni Râlte

Ka thil hmuh vanga ka din khurh zawih zawih lai chuan a rawn hawi a. Makti hmel pakhatmah pu lo vin min rawn pan a. Hmeichhia chu a kai bawk a. Ka mittui chu tlak tir loh hram tumin ka heh ka pet fan fan a, ka inhumruh hle bawk. 

"Sawi hmasa lo vin i rawn kal a, i duh loh thil i hmuh phah ta anih hi" a ti ta a.. Ka inrin hmain a biangah chuan ka beng thuai a! Ding sai hlawk hlawk chung leh ka bianga mittui luang chungin ka nui hak a. 

"A thawm ringawt ni lo, a tak ngeia ka hmuh tak avang hian ka kal ang e" ka ti a. Ka rin aiin ka aw a fiah fai. Hmeichhia va melh zauh chungin ka nui lui leh a. Ka chhuahsan ta a. 

Office kawtah chuan ka ding vang vang a. Eng nge ka tih ang tih ka hre hauh lo. Kum 3 chhung zet ka tana rinawma ka ta liau liau ni thin kha, thla hnih vel liamta atang khan a danglam a; man chhuah hleih theih si loh, ngaih titha lo tur tawk velin a ni a danglam. A chhuanlam erawh hnaah kan buai zual tih a ni thin. Kar khatah vawi hnih vel chauh min hmu turin a rawn kal tawh thin bawk. Kei pawh hnaah ka buai ve tho bawk a, min phatsanin a lo pelhè hle ang tih ka ring phal ngai lo. Engkim a tha leh vek ang tih chu ka inhnemna a ni. Kar liamtaah khan an office-a thawk ve tho ka thiannu Rinawmin a assistant nen sawi an kai deuh tih min hrilh anih kha. Awih vak ngaihna ka hre lo. Ka lo ring em em thin alawm. Ni e, kei pawn ka zawt leh a, a pha fel hmak. A assistant chu Cindy anih thu te, Bawngkawna an awm thu leh an chhungkaw dinhmun a chhiat ve deuh vanga a khawngaih thu nen lam min hrilh. Pahrawn a hrawn thu te, buaina a chhuah fo thu te.. A sawi thiam sia, ka lo awih deuh ringawt a. Mahse, chumi hnuah pawh sawi an kai thu bawk ka hre leh a. Fiah ngei ka duh vangin sawi lawk lo vin vawiinah khan an office-ah chuan ka va kal anih kha. 

A office kawngkhar pawh kik lem lovin ka lut thawr a! Nie, ka hmu asin. Hmeichhia nen an infawp lai kha. Kei chu ka kehchhe ta vek mai. A thleng rang lutuk a, awmngaihna reng reng ka hre ta lo. Hmeichhe chak tak ka ni thin, Zothanpuia ka tawn hma pawh hian bum ka lo ni tawh tho. Huaisen takin ka hmachhawn a, ka paltlang thlap. Ka thiante inbunruahna ka ni fô a, an buaina chinfelsaktu ka ni ziah bawk. Chuti anga hmeichhe chak leh huaisen kha Zothanpuia hian min hneh ta, a lakah ka tlawm ta hnèp mai. Cindy kha a hmel tha khawp mai. Kei aiin a naupang tih ka hre thei bawk. Mahse, a tan tih loh eng nge ka neih? Ka taksa ka thianghlimna erawh ka hlan thei hrih lo va, nghak turin a intiam kha mawle. Engtin nge heti mai hian min phatsan theih? A mak lutuk a ni. 

Ka phone ri chuan ka ngaihtuahna atangin min kai harh a. Zothanpuia nau Zomuanawma a ni. Psychiatrist a ni a, min rawn call hlauh chu ka lawm angreng. 

"Magie, i tha em? " a rawn ti puam tâlh a. 

"Ka hre lo" ka ti tawp. Ka hre miah lo alawm. 

Ka awmna min zawt a. Min rawn hruai dawn. Ka lo nghak a. 

A bialnu Dingpuii nen an rawn kal a, khaw nge min hruai dawn pawh ka hre lo. Ka ngawi tlat a, an ni pawn engmah an sawi lo. An farmah min hruai tih ka hria. Kan thleng a. Ka zui mawl tawp. 

"Ka u in min lo call a, be tur chein min ti a." A ti sup a. Ka chhing sawk, Zothanpuia chuan min la ngaihtuah ve tho anih dawn chu. 

"Magie, mi chak tak i nih kha. Bei let rawh. Ka sawi awmzia chu hmachhawn la, a inchhirpui tham hmeichhia ni rawh. Aw le, aw le.. Tap rawh. Tap bawrh bawrh rawh. A tha vek ania, kan awm alawm. I mal lo aw. I tan kan awm reng ania" min pawm a. Tihtakzetin ka tap hlawp hlawp mai. Naupangin thil a ngena a nuar ang mai hian ka tap! Sawi tur ka hre lo a ni. Tah mai loh chu. 

"Nia, magie, U Zothana hian a hmangaih loh vang che anih ka ring miah lo. A chesual ve palh aniang. A rawn let leh em em ang" Dingpuii chuan a lo ti ve a. 

Tlema ka ziaawm hnu chuan, "Min chelh lo va, kal turin min duh em em tih ka hria. Ka kal ang. Ka kir tawh bawk lo vang" ka ti a. Ka sam huichho pahin, "Good, tunah chuan i luhlulna kha hman tangkai a hun. I tithei tih ka hria" Zomuanawma chuan a ti a. Min naupang cheibawl riauin ka hria a, mahse, min hneh viau lawi si. Dingpui'n eitur a siam a. Tui ti lo chungin ka ei lui a. Eng chen nge mumal loa ka khawsak dawn ka hre lo va. Mahse, ka damkhawchhuak ang. Hei hi chu ka chiang. 

Kan hawn hnuah pawh Zomuanawma chuan a khat tawkin min rawn be zeuh zeuh a. An chhungkua nen kan inpawh tawh a, anu pawn min lo bia. Ngaihdam te min rawn dil! A thiam loh a awm ve hleinem. A fapa chauhin ka lakah tihsual a nei. Zothanpuia erawh a reh hmak. Ka block duh lo va, engkim hmu leh hre chunga survive ka tum ve tlat. A har zawng a har thlawt a ni. Dawrah pawh ka kal peih lo, ka inkhung chawrh chawrh mai. Ka chhungten thil engkim an hre bawk a. Min hrethiam khawp mai. 

Kan chhungkua hian sumdawnna chhete kan nei ve a, chu chu kan ei hmuh vena ber a ni. Kei man ka buaipui deuh bik a. Unau pali kan ni a, upa ber ka ni. Ka naute chu zirna lamah an la insawrbing ve a, ka nau chiah erawh Champhai lamah kan sumdawnna a han tilian ve a, nuam a ti khawp aniang. A rawn haw khât thin khawp mai. Ka pa hi chu ram lama tui deuh, huan tuichilh a nia. Sihphir lama kan ram zimtè enkawlin a hlim ve hle. Ka nu erawh puanthui zirna a hawng ve a, kan in bul maiah an inzirtir ve tlat tlat zel a. A hlawk viau lo naa an nuamtih zawng kha a tha ber mai e. 

Zothanpuia te chhungkaw dinhmun leh kan dinhmun chu a inthlau viau. Ka phu miah lo tih ka hria. Unau pathum ania, an te ber hmeichhia pawh designer lar tak niin Delhi lamah hun a hmang thin. An ni unau lah hna nghet leh zahawm tak neiin hmabak eng tak an nei a. Anu hi pangpar atchilh, pangpar buaipui reng renga hun hmang a ni a. Apa erawh ka pa ang tho va, an farm lamah liam ve reng a ni thung. A pension hlawh ringawt pawh a tam viau ang. Chuti ang chhungkua leh kan chhungkua chu insuihzawm rual kan ni lo aniang e. 

Zothanpuia nen hian love at first sight hi a dik a ni tih kan nemnghet ka ti mai. Kan vawi khat inhmuhnaah kan tek chhawk ve ve! Mipa zawk na nâ na chuan min rawn zawng chhuak a. Bul kan tan ta kha a nia. Inhauh leh inrinhlelh tih vel hi kan nei ngai mang lo. Kum 30 a pel tawh a, kei pawh 27na ka hmang ve mek bawk a. Palian tak, thahrui ngah hmel tak, gym kal thang tih hriat lutuk a ni a. A hmel pawh a tha thlawt. A ngo a, a changkang ngawih ngawih a ni ber mai. Amah aiin Zomuanawma hi a la palian ve lehchhawng a, unau ni bawk chu an innang viau. An mizia erawh lei leh van ang a ni. Zothanpuia hi chu thinchhe ve deuh tak, mi hmai eng pawh zah lem vak lo a nih laiin, Zomuanawma erawh a dam thlup a. A tawng tam lem lo naa a hna avang hian sawi tur chin a hre hle bawk. An mizia hre ve deuh vek tur khawpin kan inzui rei tawh a. Kan innel a, engkim kan inhrilh tawn vek tihtheih a ni. 

"Maggie, khatia tawmím reng lo khan vak harh ve rawh. Zaninah Dingpuii birthday kan lawm dawn a, kan farm house-ah. I rawn kal a ngai" Zomuanawma message. 

"Ka peih lo" teh tawp a. 

"I peih ang. Ka rawn hruai ang che. Lo intifai rawh"

"I ú a kal ve anga, k hmu peih hleinem"

"Kal ve dawn nise ka sawm che i ring mi? "

Kan inbiak reng laiin Dingpuii msg pawh a rawn thleng chawpchilh nghal a. Tihtakzetin min rawn sawm ve. Ka hui pap a. Min ngaihtuah ve bertu an ni bawk si. Tih hnual chu ka duh bik lo. Kal ve tur chuan ka intintuah ve ta a. Inchei erawh ka phur hran lo hle mai. 

Kan tam lem lo a, thenkhat chu ka la hriat ngai loh te pwh an ni. Mahse, kan inpawh hlawm viau. Zu hi vawi hnih chu ka in ve tawh a, tui ka ti lo turu lutuk a, bakah a ruih nawmna ka hre lo. Ka in leh ta miah lo kha a nia. Mahse, zanin chu min mawlhtu boruak vang nimaw ka in ve chak tlat. 

"Eng chi saw nge ka in ve theih ang. Tui ve deuh ber ka duh" Zomuanawma ka bekbawr a, a nui suk a. 

"Rui lutuk lo la, ka rawn la ang" a ti a. 

Ka'n in chuan tui ka ti leh si. Hmana ka in ve kha chu whisky leh Rum kha a nia. Tui lo ve em a ni,tuna min pek hi eng zu nge tih pawh ka hre chuang lo. Ka in ka in ta mai. 

"Hei Bena nen hian lo inkawm ru aw. Ka thianpa a nih hi. A fel ania" Dingpuii chuan a ti a. A bula mipa ding chu Zothanpuia nen an inchen velin ka ring. Engah nge maw Zothanpuia pawh chu ka hriatchhuah teivet! A hmel chu a nelawm kher mai. Kan inchibai a. Bathlarah kan inzui chhuak a. Ani pawn zu no a keng va a. 

"Ka hriatna che a rei tawh sin. Kei chuan" a ti sap a. 

"Tak tak maw.. Engtin"

"Aa.. Zothanpuia te nen khan kan inkawm ve zeuh zeuh alawm"

"Nih chu a.. Hehe"

"In inthen hi pawi ka tih rualin ka lawm angreng"

"Engvang chuan"

"In inthen tawh tho bawk a, sawi chhuak tawh chuang lo la, ih.. Tuna thil thleng hi a vawi khatna a ni hleinem. Nikum Nov-a Chennai-a an zuk training pawh khan a ex Sawmzuali flatah alawm a zuk chen ve"

Tihnat nawn fö tlak ka ni bik lo asin le. Zothanpuia mai mai chu. Khatihlai te khan a pangngai vek tho sia, min rawn ngaihsak hiam hiam tho sia. Min lo va bum hneh si em. Za lo zetin ka nui a. 

"Heti ang mi lerh ka lo nei hman lo chu keipwh ka lawm" ka ti ta ngawt a. 

"Chuan, in inthen ka lawm leh chhan chu chance ka nei ve thei dawnin ka hria a. Ka starna che hi a rei tawh viau asin" ka han melh zawk. A tih tak hmel viau bawk sia. 

"Ka.. Ih.. Ka hre lo. Ka lawm e" awmze nei lo zetin ka ti nawi nak a. 

"Tunah chuan a harsat ka ring. Mahse, ka duh che tih hi min lo hriatsak ve hrim hrim la" 

"Aw le.. Tehreng mai"

Ka kai viau tawh a ni. Ka la in belh zel bawk si. Ka thawveng riau a, ka tawng duh em em bawk. A nuih te pawh ka nuih ve kha. Rooma min pawh luh lai te khan ka tang der ve naa ka nem hle tho mai. Min fawp bawrh bawrh a. Ka bialpa a la ni tawp si lo. Thiante thawm pawh ka hre tawh lo. Min hawnsak vek mawni le.. Khumah chuan min nam mu a, eng nge maw tih a tum le.. A kekawr a phelh ta mai.. Lalpa leh.. Hei chu a thleng thei lo. Ni lo.. Min rawn bawh thuah zat a, na zet zetin min hrawm bawk a. Hlauhna hlirin ka khat tawh. Ka theihtawpin ka nam tang tang a. A chak ropui si. Ka bialpa pawh ni lo lakah hian ka thianghlimna ka hloh tur a ni lo. Ngawi rengin kan inelh ngat ngat mai. 

Ka ph a rawn ri hlauh! Rang zetin ka la a. Min chhuhsak a tum a. Chhuatah ka theh thla daih. Min lo call tu kha Zomuanawma a ni a, kan thawm a hria anga, min rawn chhan ka ring tho. 

"Ka duh lo. Min tilui miah suh. I bialnu pawh ka ni lo" ring zetin ka ti a. 

"Ka ta i ni tawh. Min hnar miah suh. Ka duh che ka tih kha"

"Ka duh ve hleinem che. Khawngaihin min tilui suh. Kan awmna hi khawi lai nge.. Khaw nge kan thian te" Zomuanawma'n a hriat phak loh hlauin a auin ka au a ni ber. 

"Bengchheng suh. An la awm vek.. "

A ph a rawn ri ve chiah. A ban lai takin ka tho nawlh a, ka ph ka la a. Rang lutukin ka chhuak zui nghal. Ka rui a reh vekin ka hria. A reh vek mawle. Farm house kha chu a la ni ngei sia. Min rawn umzui tih ka hria. Kawngkapui awmna ka hre ta tlat lo. A thim deuh bawk si. Ka pai leh khut khut bawk. 

Kawngkapui niawm tak chu a ri khap a. 

"Magie" a rawn ti a. Ka lawmzia chu. Ring uchuak tak maiin ka eih lauh lauh a. Light a on aniang, rawn eng ra khap mai. Ka mit a vai chum chum mai. Zomuanawma nen chuan kan inhmachhawn ta ran a. Ka hnung lawkah Bena kha a rawn ding ve bawk. Mahse, k hlau tawh lo. 

"Bena, engvangin nge he thil hi i tih? " a ti hriam hraih a. 

"Dingpuii ka hrilh kha. Rawn thlah ka tum lo a ni lo"

"I thlah daih tawh turah ka ngai a, tenawm taka chet i lak ka lo ring hleinem" a rawn pen pawk pawk a. Min kuah a, "Haw ang. Ka thlah ang che. Bena, nang pawh i chhuak thei e" a ti chang fak a. 

Thil awmzia engmah ka hre lo, a hnua ka hriat leh danin Bena khan Dingpuii te bulah min thlah haw tur thu a lo sawi a. Min lo han tlanpui hmasa a, an haw tawh hnuah min letpui leh anih chu. Motora ka chuan lai kha chu ka hre ruai ruai. Mahse, rooma kan luh lai kha ka chiang leh viau sia. Keimah chu ka inhua, engtin nge khati ang em ema ka ruih theih le.. Zomuanawma khan min lo call ta lo se.. Ka chan tur chu.. Ka mittui a rawn hnám nghal. 

"I nuin min lo bia a, i la haw loh thu leh i biak tlang theih loh thu a rawn sawi a. Ka rawn call anih kha. Call tlang i har hrep lehnghal" a aw chu a hlauhawm angreng. 

"Ka hre lo. Engmah. " ka lo ti hmuk thung. 

"I rui sia, i chhung ten an hau che ang em? I nu chu ka bia anga, farmah khan riak law law ta che. Naktukah ka rawn hruai leh mai ang che" 

"Engtin nge ka nu te chu i biak ang? "

A ngawi vang vang a. A ph a la chhuak a, "Nu Mawi, hei ka bulah a awm a. Hei ka duh aiin ka rui a, motor ka khalh ngam chiah lo deuh a, dingpuii te nen kan pathumin kan riak mai dawn mawni ka tia.. Naktukah ka rawn thlah ang. Lo ngaibtuah suh u. A tha ania, hei a hlim ve tawh khawp mai.. aw le aw le.. Muttui u le" a ti mial mial a. Ka lo melh reng ringawt. 

"A fel e. Tikha chuan i chhungte i hmu thei lo vang. An rilru a na dawn lutuk" a tih zawm zat a. Min letpui leh nghal. Bena motor khan min tlanpelhna a rei tawh a, a zak ve ngawtin ka ring. 

Bena nena kan inchai hrepna khum chu a siam tha mawlh mawlh a. Kei ka lo ding pai leh khut khut thung. Ka awmdan chuan ka nuih a tiza a, ka nui leh huk zel a, "A nuihzatthlak viau mawni le" a rawn ti sup a. Ka lo nui leh kiah kiah thung. 

"Le.. Mu rawh le.. " 

Eng nge ka hriat ka hre lo. Ka hmaa ding chu Zothanpuia hmuhin ka hmu tlat nia! Ka pan phei a, a nghawngah ka kuah a, "min fawp dawn lo mi? " ka ti ham ham mai. Mak tih hmel fahran hian min melh run a. Keimah zawk chuan dingdihlip ak ak in ka fawp ta a. A che eih lo. Ka fawp mial mial ringawt, a tawpah zawng a insum thei ta bik lo aniang, min rawn fawp let ve ta a. Min pawm nawlh a, khumah chuan dimtein min nghat a, ka lo kuah chial thung. 

"Zothanpui, misualpa" ka ti hrawk a. A rum nghut mai. Kal a tum a, ka pawt tlat si. Min rawn bawh uaih a. Min rawn fawp ta a. Zu hnathawh nge ka hre lo. Nuam hi kan ti mai mai khawp a, ka ka chhunga a lei a rawn rawlh luh lai te chuan ka lo za chuai chuai thei nia! A thaw a rang a, a kut pawh a hlei tan. Ka hnute chu a rawn hup chat a, a nuai ne ne a, kawr chhanah chuan a duhtawk lo nge a zen lut a, zei zet hian a khal kual a. Ka thawk ran zia chu ka inrâp zawk! Hmanhmawh zetin a kawr chu ka phelh a, ani pawh a hmanhmawh kher mai. Ka kekawr a phelh lai chuan ka lo pui tak tâwk tâwk a. Saruak ngalngata kan inbawh thuah hnuah chiang taka ka mita enin, "Margareth, keimah ka nih hi. Zomuanawma. I bialpa hlui nau.. Hei hi i duh maw? I duh takzet maw? " a ti ta a. 

Ka harh chiang kher mai. Mahse, ka tlai tawh. Min rawn fawh zui takah chuan engmah ka hre leh ta lo. Ka mamawh a ni. He pa hi.. Ka taksa chhunga a rawn luh lai chuan a nat èm vangin ka rak thawt a, ka mittui a hnam sawk thei. A rum hrâwk a. A chawl det bawk. 

"I la virgin maw? Eng pawi nge ka khawih tak? Ti nge i sawi loh? " a ti a. 

"Ka hre lo" tih bak chhan ngaihna ka hre leh ta lo. 

"Hmm.. Kan tlai tawh. Thleng tur a thleng vek tawh a, i hriatreng tur sulhnu ka hnutchhiah ang che." A ti a. Mipa dik dak anga ka taksa chunga han chet takah chuan a tira ná kha nuamin a rawn thlak a. Zomuanawm, i ropui e. Mipa chu i lo ni. 

Ni sain ka hmai a rawn chhun a, ka meng diar diar a. Saruak vekin ka lo la mu. Chhuikir tlak loh nizan kha ka chhui kir a. Inchhirna ka nei lo ka tih chuan dawt ka sawi a ni ang. Mahse, inchhir a sawt tawh lo tih ka hriat miau vangin thil thleng chu ka hmachhawn zel mai tur a ni. Ka inha sawk sawk a. Chokaa ka va luh chuan artui a lo kang a, ka ril a titam. 

"Kha hei hi in la, i zia ang" a ti a. Thei tui chu ka in a. Ka inphih harh a. Ka balh hmel ngawih ngawih. Ka ni chuap maiin ka hria. Chaw kan ei lai chuan,, "Nizanah khan engmah a thleng lo tihah chiang phawt ang" a ti a. 

Ka thinrim thut. "A thleng miau sia, thleng lo anga awmtir tum tlat te chu a. Ka virgin i hawn kha" ka ti vin hlar a. 

"Ka hria alawm.. Hrehawm i tih ka hlauh vang ania"

"Tuman an hre tur a ni lo"

"An hre lo vang. " 

Kan inthlah haw hnu chuan ka inbualfai a. Ka zawi nguai mai. Engtin mawni ka awm. Ka kap lah chu a na thúm bawk si. Ka zawngchhang loh hram ka beisei. Thil thlen dan mak chho ta lutuk chu ka ngaihtuah buai peih lo law law. 

Zothanpuia nen kan inthenna pawh thla khat a tling ve ta. Hnaah ka kal tawh bawk a. Engkim pangngai taka kalpui ka tum. Zothanpuia nen chuan vawi hnih kan inhmu tawh a, ka la ngaiin ka la thlahlel ngawih ngawih. Mahse, a nauin ka virgin a hawng tih hria se min ten dawn lutukin ka hria. Amah vang vek anih kha. A chawh. 

Zomuanawma nen pawh kan inbe zeuh zeuh. Sex kan hman vang khan danglamna em em a awm lo. Amah phei chu a danglam eih lo. Keimah zawk hian ngaih thut chang ka nei thin. Min hmusit ang em tih ka hre lo. Dingpuii hian a hriat ka hlau em em bawk. 

Champhai lamah ka nau han kan pahin ka zin a. Rilru a thawveng ve deuh. Nupui angreng a lo kawl reng lehnghal! Kan han inhau leh rih. Ka chhoh hma ni 2ah khan an lo inru a niawm a. Min hrilh ngam si lo vin an lo hlauthawng ve em em a. Ka khawngaih angreng zawk. Ka nu te ka zuk bia a, palai tirh te kan han sawi takah chuan ka nau pawh a hlim ve leh ta hle mai. Ka zin chauh vang nge ka lu a hai chhu reng a, ka luak lah a chhuak reng bawk. Ka nau nupui ruk Alawmi nen kan bazar a, a fel reuh khawp mai. A tawng duh sia. Chhungkaw pangngai tak atanga seilian a ni bawk a. Iaina chhan tur em em ka hre lo. A la naupan deuh vangin a chhungte erawh an thin a rim viau a, rawn lam pawh an tum hrih lem lo niawm tak a ni. Kan bazar zo in kan thleng chu ka insum hman lo. Bathroomah ka tlan lut a, ka va uak tuar tuar a. Ka pum hi a tha lo aniang, a hmain insawiselna ka nei ngai si lo va, tun hnaiah hian a hrehawm tawp. 

"U, i rai a ni lo maw? " Alawmi chuan a lo ti var a. Mama'n mitmeiin a lo khap vat. Nia, kei hi ka rai mawni le. Sex ka hmang sia. Ka inringhlel ta thut. Ka hlauhthawnna chuan min tikhur thei hial mai. 

Zanah thiante tlawh chhuanlama siamin ka chhuak a. Pregnancy kit ka lei. A test dan pawh ka hre si lo. Ka thiannu ve ber Masangi ka va zawt a, ka nau nupui kan test dawn ka ti zaih. A lo awih ve mai bawk a. Chipchiar takin min hrilh. 

Ka muhil hleithei lo. 

Zingah ka naute thawh hmain ka tho a. Ka zing zun chu ka dawh a, kitah chuan ka zuk thlawr ta a. Thinphu zawih zawihin ka thlir reng tawp. Pakhat a rawn inrin sen va a. Ka nui lek lek tawh tihin a bulah a rawn inrin leh anih chu! Ka thi.. Kei hi ka rai anih chu! Eng nge ka tih tak ang le.. Ka intihlum mai dawn mi aw tiin ka ngaihtuah hman. Ka tah pawh a chhuak lo. Ka mawl huih mai. Zothanpuia fa te chu nise tuman mak pawh an ti lo vang. A ni tlat si lo. A va pawi tak em.. 

Khur zawih zawih chungin Zomuanawma number ka hmet chhuak a. Mutchhuak aw deuhin min lo chhang a. Engmah dang ka sawi thei lo. 

"Ka rai" ka ti tlawng ringawt. 

"Eng a?! "

"Aw ka rai. Ka test a. Tunah khan" 

"Naktukah lo haw rawh. Kan sawi dun dawn nia" 

An rin aia hmaa hawn ka rawt chu an lawm vak lo va. Mahse, k hnial fithla thei hram. Aizawl pana kan tlan lai te chuan ka pum chu ka dawm vawng vawng a. Zomuanawma kutah ka innghat tawp mai. A fing a, tih dan a hre leh em em ang. 

Ka thlen zanah a rawn kal nghal. Kan chhuak dun a. 

"Eng nge tise min duh? " a ti a. 

"Ka hre bik lo. Tihtlak i tih pawn i thu thu.. Kei chuan engmah ka hrethiam lo" ka ti bah nuaih a. 

"Tih tlak a! Kan titla ang maw? " phawk zet hian a ti a. 

"I duh takin ka ti"

"A teuh lo. Kan piantir ngei tur a ni. "

"Miin mak an ti dawn asin"

"Chu aia mak chu an hre dawn. Kan innei ang" a ti ta mai. 

"Mawl suh"

"Mawl hi a thatna a awm"

"I ú vang pawn a theih loh"

"Kan thei"

"Zomuanawm"

"Thla lehah kan innei dawn nia. Chhungkua ka lo be rawn anga. Palai ka rawn tir ang"

"Dingpuii"

"Ngaihtuah suh. A tha mai ang"

"Thih daih mai ka duh"

"Ka fa kha hrisel takin min hrinsak rawh. Khawngaihin"

A mitmeng chu ka hrethiam lo. A thúk ngawih ngawih. Engpawh hmachhawn turin kan inthlah fel ta a. 

Thil chu a thleng chho leh ta mawlh mawlh mai. Khawvel hian min ensan ni maiin ka hria. Ka zah zia hi ka sawi thei lo zawk. Tumah ka hmu ngam lo. Ka chhungte pawh an zak tih ka hria. Mahse, min hmangaih em em, anni leh ka pumchhunga naute vang chauhin ka la nung ve hram hram a ni ber e. 

Zomuanawma chuan engkim a ti vek a, a sawi hunah chiah kan innei bawk. Sawm bik tlemte te nen. A ropui lem lo hle a ni. Ka suangtuahna leh duhthusam te kha chu khur thuk taka phumbo ang mai an ni ta. Zothanpuia mitmenga nâ ka hmuh vang erawh chuan ka la lawm tumhrang a. Ka nu leh pa ni ta, ka pasal nu leh pa te chu ka zah ngawih ngawih. Min hmusit dawn ni hian ka hria a. Mahse, nu fing pa fing an nia, danglamna an nei lem lo. Inneih zanah sex kan hmang lo. Mut erawh kan mu dun. 

Nitin Zothanpuia nena dawhkan khata chaw kil dun chu ngaiah ka nei thei ang em ka hre lo. Min be ngai lo va, ka be ngai hek lo. Ka pasal chuan min ngaihtuah a, mahse, Dingpuii nen an la inngaizawng reng tih ka hria. Hmangaihna tel lo inneihna a nih vangin chu pawh chu ka hrethiam. Ka mualphona min hliahkhuhpuia min dinpuitu a ni ringawt pawh chu ka lawmna a tling tawk tawh. 

Durtlanga an chhungte thihna vangin an chhuak vek a, kan awmpui lah an khaw lama a haw lai a lo ni ve bawk nen. Keimahin in ka nghak a, tihtur a vâng sia. Ka ning. 

Door bell a rawn ri tlang tlang a, ka va hawn chuan hmel ngui takin a lo ding a. 

"I lo haw law" ka ti satliah a. Mitthi vui turin a kal ve emaw ka tia. 

"Nia, chhuanlam siamin ka rawn haw leh. Tun aia hun tha ka hmuh leh ka ring tawh lo va" 

Kawngkhar a kalh a. Ka hmaah dingin chiang takin min en a. 

"Game i ni. Nang hi. Khelh mek i ni tih i in hria em? " a ti ta a. 

"Game ka ni lo" ka lo ti hlar a. 

"Ka nau thiltum puitlintirtu i ni.. Hehe.. Ni e, ani hian kei aia san a châk viau thin a. Kei aia thei leh chak zawk nih a duh luatah nang lehzel pawh a hnuklut ve ta che anih hi"

"Zothanpui"

"Dingpuii nen an la inkawp reng tih pawh i hria. Mahse, engmah i ti ngam lo. A chhan chu i tan chuan hero a ni a, a duh duhin a kai kual che anih hi"

"I sawi awmzia ka hre lo"

"Ni e, ka phatsan che. Ka chiang. Ka hmangaih lo che a ni lo, ka inthunun thei lo a, chuvanga phatsan che ka ni. Kan tette atanga min ela kei aia chak zawk nih tum reng thin ka nau chuan a target ta chat che a. Ka neih ve theih loh tur i taksa leh thianghlimna a neih mai piahlamah a fa hial i paisak ta ania. A uite i nih zel theih nan a nei che a. Mipa tan mualphona hi engmah a ni ve lo, a u bialnu hlui ngei mai chu rawn lalutin ka bulah a chentir che a. I chhuah hun tur erawh ka hrilh lawk ang che. Nau i nei ang, thla hnih a liam leh anga, chuan nangmahin i chhuak ang. Hnawhchhuah i ni dawn. Tichuan, Dingpuiin i ai a rawn awh ang" Zothanpuia chu ka melh tlawk tlawk ringawt. 

"He thu hi hrilh che ka duh vang ania ka lo hawn.. Ih maw.. Ka tan hian a harsa lutuk asin. Ka hmangaihna che kha a la dai si lo va.. Ka nau lakah hian ka inchhuang thei miah bawk si lo" 

Tihtakzetin Zothanpuia chu ka khawngaih. Roomah ka tlan chho a. Ka tap tawp. Hmeichhe fing tak ka ni lo va. Ka mawl em em tih ka hria. Mahse, Zomuanawma min treat dan chu rinhlelh harsa ka ti a, ka chhut vang vang erawh chuan a uite a min hmang anih rinnna ka nei. Amah ka be duh ang em.. Thinrim ta se.. A thinrim te ka hlau tawh chu ania. Ka lo ngaisang em em hman chu a mak! Zothanpuia zawk hian min nei tur kha a nia sin le. Amah vang veka thleng a ni. Mahse, ka khawngaih tho bawk si. 

Khata tang khan Zomuanawma nen kan inkar chu sawi thiam hleihtheih loh hian a hla ta viau a. Ka be tha duh si lo nen. Zothanpuia nen zawk kan inbe tam. Ka runluih ve duh deuh bawk a, an awm dun lai te hian ka be deuh sek thin. Ani chuan Dingpuii a nei alawm. 

Ka dul pawh a puar ve luah tawh a, min ngaihtuah tlang bawk a. Ka hriselna a tha viau mai. 

"Magie, vawiin chu in inlamah va leng phei ang hmiang" Zomuanawma chuan a ti a. 

"Aw" ka ti hmuk. 

In atanga kan chhuah hnu lawkah Dingpuii a rawn chuang ve. Danglamna awm miah lo vin min be bawrh bawrh. Chu tak chu ka rinhlelhna a ni. Min haw viau tur nisi kha min haw lo. Zomuanawma hian a thluak a su ve tawh a ni mahna. Kan in kan thleng a, "Magie, ka rawn lam leh ang che. Kalna tur kan nei sia" a ti a. 

"Aw le" ka ti ve hmak. Dingpuii a front seat-ah a insawn chho a. An tlan liam chu ka thlir tawp thak. Ka na vawng vawng mawle.. 

Hun a kal ve bek bek a, Zothanpuia nen kan inbe tam tial tial a, ka ngaihtuahna pawh a luah leh tan tawh. Ka tenawm ngawt mai. Mahse, ka pasal hi a hma ang a ni tlat tawh lo ve bawk a ni. Kan mit dun lohna pawh a rei ta fu. Fa nei vat vat ila, inthen thuai te chu ka châk tawh zawk. Fa pakhat na na na chu ka huphurh bik lo. A paitu ka ni bawk a. Min chhuhsak dawn lo bur.. K phal teuh lo. 

Ka pum a na riai riai a, sofaa mu ka pasal chu ka ko a, a muhil tui aniang, a harh thei lawk lo lehnghal. A na tak tak ta. Thei leh thei lo vin ka tho a, Ka va sawi harh a. Thawh phan awm miah lo vin a inperh tho vat a. A chhungte kaithoin hospital kan pan ta a. A kut chu ka hum ngawt ngawt mai. A na em a ni. 

Doctor Sangpuia'n, "Tang rawh.. Tang rawh.." A tih ri chu a hla tial tial a. A thim ta vek mai. 

"Magie, meg.. Margareth" min ko lawm lawm tu aw ri chu hla tak atangin ka hria a. Ka meng dawn a. Ka meng thei lo. 

Ka harh chhuah chuan Zomuanawma thlaphang hmel a vawi khat nan ka hmachhawn a ni. A mit chu a sen rám a. Ka kutah nghet takin a chelh bawk. 

"Mag, khawngwihin kal suh. I kal thei lo ania. Fapa kan nei asin. A mamawh che. "

Ani chuan min mamawh lo, a fapa vang chauha nungdama awm turin min duh. 

"Meng rawh. Meng tlat rawh aw" 

Kar hnih hnuah kan inla chhuak thei hram. Ka mut chhung khan ka fapa hmel ka hmu miah lo. Doctor te pawn min chhan theih tawh loh thu an lo sawi hman a, ka fapa kha ka hring chhuak thei lo va, min zai a lo ni. Thisen ka hloh hnem bawk si a, thi tawh turah min lo ngai vek. 

Ka fapa chu ka pawm thei ta. A hmel thatzia chu aw. Ka en ning thei thlawt lo. A hmingah apain duhtakin, Lawmsangpuia a phuah a. Ka hmangaih takzet. 

"Magie, Dingpuii khan pasal a nei dawn asin" Zomuanawma thusawi chuan min tiphu chiang hle. 

"Nangmah maw" ka lo ti hú a! 

"Mawl viau thin suh. Kei chu i pasal ka ni alawm. Bena nen khan an innei dawn. A lo rai ve a" a nui hawk a. Mak ka ti nasa. Mahse, kan mak zawk! 

"I tuar awm"

"Engvangin"

"I hmangaih sia"

"Kan inneih hma khan ka hre daih tawh. Bena nen secret takin an inkawp tih kha. Kan inneih hnua inngaizawng emaw tia min ngai thin kha sawifiah ka duh hle naa a tak ngeia hmuhtir che ka duh vangin ka sawi lo mai a ni. Hei tunah a rawn lang ta alawm. Vawikhatmah Dingpuii hi sex ka la hmanpui lo" 

"Mahse, keimah te hi i plan vek alawm"

"Ka u thusawi nge u rin keimah"

"I u sawi a ni tih engtin nge i hriat? "

"Amah ngeiin min hrilh alawm. Kan inthen theih nan hma a la dawn tih hi" 

Ka ngawi hmak. Engah nge hetia min kaihkual bik reng. Ka rilru a na. 

"In unau tan game ka nih hi. Ka chhuak anga, engkim a tha vek mai ang. Tumah an na tawh lo bawk ang" ka ti a. 

"I ti lo vang. Ka nupui i nih hi"

"Hmei alawm. "

"Englaimahin ka hmei i ni ngai lo"

Ka tawng leh hmain a chhuak vut. Bawihtea a lo tap ve chiah bawk nen.. Huiham.. 

Zanriah kan kil laiin kan nula chuan, "U zomuana hian u maggie a hmangaih e. Damdawiina i awm chhung te khan a tlaivar thak thak zel ania. A tap lai pawh ka hmu tawh" a rawn ti phawng phawng a. Zomuanawma a awm lo va, Zothanpuia erawh ka hmazawnah tak a thu. 

"Ni ngawt mai. Magie, i rin aiin Zomuana hian a hmangaih ang che.. " ka nu a ni. Zothanpuia erawh a ngawi tlat! Ka bialpa hlui a ni miau a. 

Bawihtea ka mutpui a, a muhil thaw sak sak chu ka thlir ngawih ngawih mai. Kei pawh ka dam tha tawh a, engmah hliam leh na ka nei tawh lo. Ka muhil siar siar tihin min rawn kuahtu a awm! Rang zetin ka inlet a. Ka pasal chuan min lo melh kiau a! 

"Nge i lo mut ve ngawt" ka ti bak hlar a. 

"Ka khum a lawm.. Ka mut ve lohin"

"Mu ngawi reng rawh. Tikhan" ka inlet leh thawk a. Min rawn kuah leh thawk. 

A kut laksawn ka tum lai chuan, "Khawngaihin.. Meg, bawihtea a harh ang e, ka kuah chak tawhzia che hi min khawngaih zawk ang"

Kan mu ngawi kar a. Dar 2 a ri ta. Hmana Zomuanawma khan chet a la a. Pasalin a nupui a sawngbawl mèk a ni. Kei hi ka tlawm leh mai dawn… 

"Ka ta i ni. Ka ta chauh i ni" a ti ham ham a. 

"Zothanpuia ta i ni ngai lo vang. Indona chu ka hneh ngei ngei ang. Zomuanawma ta liau liau i nih hi" a ti leh a. 

Ka han melh chho a, a mitmeng sexy lutuk mawlh chu…. Hmm.. A nupui ka ni a.. Bawihtea nau tur erawh pai ka duh hrih loh thu ka hrilh hram kha.. 

(Tawp mai teh se.. Awiii.. Ka nuin min tir reng a. Ka inthlahrung ve tawh. Lehpekah chuan pui deuh aw 😂