Escape 6

ESCAPE (6)

(Adds kha aw ka duatte u 😘😘

Ziaktu: Toni Râlte

"Ka nei duh hleinem" Zoi chuan a ti hlar a. 

Ephraime chu a ngawi run a. Biak a huphurhawm ta hle. Zoi pawh a inngaihtuah buai takzet. Hmingzuala ruang chu kil ve ngei a duh rualin a pa mizia hrechiang bertu a ni si a. Lawmsanga nen a inneihtir ngei dawn tih a chiang si. Awmdan a thiam meuh lo. Tin, Ephraime bula la awm châkna chu a nei tlat! A chhan a hre der lo thung. 

Ephraime chu a tho thurh a, "Thutlukna i siam fel hunah min hrilh dawn nia" a ti sup a. A pindan lamah a kal nghal. Zoi chuan a melh zui vawng vawng a. A thaw hak ringawt. Reivak loah a pindan lamah a lut ve ta nghal a. A han mu naa a mut a chhuak lo nasa. A awmdan tur a ngaihtuah a, a hui leh pap thin. Hmingzuala a ngaihtuah a, a ruang tal a hmu hman lo chu hrehawm a ti takzet a ni. A hriat loh karin a mittui a lo luang a. Hminga kher hi chu a unaupa tak tak ang a ni a, a thuruk engkim hre tu a ni. Tuna Lawmsanga chungchangah pawh hian neih a duh lohzia hretu a ni a, A tlanbo tur thu pawh a hrilh a nih kha.. Mahse, a kalna tur erawh a hrilh tel bik lo. A chhan chu a pa ten an zawt hmasa ber dawn tih a hai lo va, hrehawmna siamsak a duh lo a ni. A in let thawk a, "Hminga" a ti sap. A thu chhuak leh hlawl. Thla chu a eng khawp mai. A mutna bul tukverh parda atang chuan a rawn zam lut raih a. Hectora bauh that that thawm chuan a ngaihtuahna a rawn bawhbuai nghal. A hawi kual a, light chu a on nghal vat. Zan hmasa lama thil thleng ang bawk khan thli chu a rawn thaw leh ta vuk vuk mai. Tó intan tur pawh a ni maithei. Boruak erawh a vawh phah lem lo. A uap churh mai. A zun a chhuak deuh bawk nen, a roomah toilet a awm si lo va, Pindan atanga chhuakin choka toiletah chuan a va lut a. A zun lai reng chuan a hlau thut! Mak takin a tukhum chu a za mer mer mai.. A hawi let ngam der si lo. 

A panty pawh pawt chho lo chuan a tlan chhuak nghal. A ding chiang kher mai. Dawhkan bulah chuan Ephraime chu a lo ding run mai. Ani tawnzau leh boxer nen a awm si a, chuta karah a kekawrte a la pawt chho lo lehnghal. Ephraime chuan a taksa a hmu chiang dawn kher mai. A hlauhna chu zahnain a rawn thlak ta nghal vat. Rang lutukin a kekawr chu a pawt chho nghal. 

"Ka.. Ih.. Ti nge? " a ti bah nawk nawk a. 

A mitah pawh a en ngam lo. Ephraime chuan ngun zetin a rawn melh a, a mitmeng chu a thuk ruih mai. "Hector ka va en lawk a" a ti sup a. 

Thaw leh hapin, "Engmah ka hmu lo" a ti leh. Mahse, Zoi chuan a hmu tih a chiang ngang mai. 

"Ka mu dawn" tih leh kal pelh a rual nghal. Ephraime chuan a kut a rawn vuan chat. A ding chiang kher mai. 

"I hlau em? " a ti nghut a. 

A hlauhna kha a hrechhuak nghal. 

"Ka tha" a ti ringawt. 

"Mu ang" tih leh a pindan lama kaih luh a ru nghal a. Zoi chuan a zui ve dawt dawt ringawt. A hamhaih lek lek a ni. 

A khum zau zet bula ding dun chung chuan an inmelh ran a. 

"I tawrhna kha ka tihdamsak ang che" A hmai bul cheta rawn kun hniam chung chuan a ti leh sup. Zoi a maimichhing tawp. 

"Ka tha reng" a ti tak naa a aw khurh nasatzia chu mak a ti. 

"I tha miah lo" tih leh a hmuiah tak rawn fawh a rual nghal. A chet dan teh phut chuan a tihamhaih chiang kher mai. A lo nam let nghek a, Ephraime pawh a kiang mai. 

"I mikhual ka nih vang maiin hetianga chet theihna i nei lo" a ti vin thak. Mahse, Ephraime hmui nem thlup kha a hre rauh rauh thung. 

"A ţul tlat a ni" tiin a rawn kuah thawk. A palian nasa si a, te chem chemin a lo inhria. A nghawng leh beng bul vela thaw ham ham chung chuan, "I lusunna hi ka theihnghilhtir ang che" a ti sup sup a. Kuai dak lehin a vawi hnih nan a rawn fawp leh. A lo dawh tawp a, mahse,zei zeta a ka chhunga a lei a rawn rawlh takah chuan a chhang let lo thei ta lo. A inhriat loh karin a lo fawp duhthawh nasa ve mai a. A sam kir chiat karah te chuan a kutzungtangte chu rawlhin a lo ţham sak tawn tâwn a. Ephraime chuan zo zeta pawmin khumah chuan a nghat a, a thiltih lai erawh a chawlhsan eih lo. Rawn bawhthuah zatin a hrawm nghal nawk nawk a. Zoi a ngik faih faih a, zei lem lo takin a lo chhanglet ve ţawk ţâwk mai. Ephraime chuan zei zeta chet la zelin a tawnzau chu awlsam zetin a hlihsak a, Zoi chu a taksa ruak kâng avang chuan a lo ìp chawih! Mahse, nêk rûntu taksa lianpui chuan a thla a timuang riau.. Ephraime pawh chuan a kawr hlipin an taksa ruak ve ve a han innâwk takah chuan inmamawh tawnna nasa tak an nei dun ta tihtheih a ni. An hmanhmawh tak danah chuan.. Ephraime zet chu! 

"Zoi, i vawikhatna a ni nge ni lo? Sawi rawh" a rawn ti hrâwk a. Meng phelh chiai chungin, "Aw" a lo ti sap. Chutah Ephraime chu a tho thut. Khum bulah chuan a ding ta reng a. Zoi chu a lai chiang kher mai. A han melh chho ţâwk ţâwk a. 

Rizai nem tak chu rawn sintirin, "Kan tithei lo" a rawn ti sup a. Zoi chuan makti zetin a melh tlawk tlawk. Engtin nge hetiang mipa hi an la awm theih? A virgin hawngtu nih chaka fight tu hi a tawng ve tawh. A duh lo a ni tih a hrilh chung pawha tharuma nêk tu thlengin.

A thawmhnaw chu a ha sawk sawk a. "Ni e, i ît zawng hmeichhia ka ni lo alawm" a inrin hmain a ti ta a! A sawi zawh rualin a inchhir nghal. Ephraime rum nghut a hriat rualin, "Hmeichhe virgin ka mutpui ngai lo" a lo ti dam thlup a. 

Zoi chuan lai angreng takin, "Ka lawm e" a ti a. A lawm tehchiam lo tih a inhre ru kar, chu a rilru tenawm zet chu paihbo a chak kher mai. Zakthei lo a inti lutuk. Sex hi a ngaihlu a, virginity a ngaihlu lehzual. Engvanga a bialpa pawh ni lo a hriatchian loh mipa lakah a tlawm mai le.. A lu a thing nawk nawk a. 

"Ka tihpalh" te chu a ti leh ang lawi a! A che reng reng chu a lai huih mai. 

"Rem i tih chuan ka hreh hauh lo ania" Ephraime chuan a rawn ti leh a. Zoi chuan rang zetin, "Aih.. Ka.. Ka duh lo" a lo ti nghek. Epharime khi suk a hmuh chuan a ner sak. A chhan chu tunah mai pawh hian a taksa a khur der der, a thisen tilumtu khan a la kiansan hlek lo a ni. 

"Ka phei dwn" tih leh thawh a rual a. 

"Kal suh. I muhil dawn lo" a rawn ti leh hmuk. 

"Ka thei ang" a ti fan a. 

"Nichin khan mi pakhat ka hmu a. Kawtah sawn.. Ruang an chhar nen khan an inang khawp mai" a tih rual chuan Zoi chu khumah a lawn kai nghal. Phawk zeta melhin, "I hmu maw? I daw tiraw.. " a ti ta chiam a. 

"Ka hmuh vang alawm i zun lai khan ka rawn kal" a lo ti duh lek. 

"A nih lo mu rawh" Zoi chuan a ti ta hmiah. Ephraime bula zankhua hman chu a hreh lem lo. A khawih a ring tawh lo bawk a. Ephraime chu thuawih zetin a rawn mu thla ve a. A rawn kuah thlup lehnghal. Hnai taka inmelh chung chuan, "Hawh, titi ang" Zoi chuan a ti sap a. 

"Engtin" a lo ti ve mai a. 

"Kan chanchin ve ve inhrilh ang" a lo ti a. 

"I chanchin hriat ka ba lo va, hriat ka chak hek lo. Chuvang chuan ti lo zawk mai ang" a lo ti ta tlat! Zoi a hrilhhai hle mai. 

"Aw le" tiin lehlam a hawi tau ta hmak! Ephraime nui suk erawh a hmu ta lo. 

Hetih lai mek hian Inspector Sangliana chu a lo inngaihtuah ve nasa mai a. Tualthattu rinhlelhawm nia a hriatte a hmu vek tawh. Tuman tual an thah a ring lo.. Mahse, a rukin an chhui reng tho. A beidawng ru hle tawh a. He an mi chhui lai hi professional killer ngei a nih a ring nghet tlat a ni. Langsar tak anga langin mi a that a, mahse, amah chu chhui zui harsa tak a ni thung si! Tu tak that leh ang maw? Hmingzuala phei chu a thian tha tak amah pui nasa ber tu a ni a. A ui em em a ni. A thin pawh a rim. A thattu hi hre chhuak se chuan Hminga avang pawhin kutthlak hlak a chak viau a ni. 

Mitthi tawhte thlalak leh an bio-data theuh chu a han dah khawm a, a chhiar nawn leh vek. Pu Rosiama leh Pu Rinawma chuan inanna an nei. Mahse, Pu Rualkhuma leh Hmingzuala erawh an eizawnna pawh dang hlak, an inhre ngai em tih pawh hriat loh a ni. Engtin nge he case hi a khaikhawm ang aw tih a ngaihtuah vang vang mai. Phuba lakna a ni thei ang em tih a han chhut a, Pu Rosiama leh Pu Rinawma te chuan tute emaw pawi pawh an lo sawi maithei, chuvangin phuba lak nan an that pawh a ni thei. Mahse, mi a zawnga pawisawi lo leh Zoram tana thawhhlawk em em Pu Rualkhuma leh Hmingzuala hian thihna tur khawp tu pawi nge an sawi ve ang le? Hei tak hian a ngaihtuahna a tibuai a ni. 

Tin, Pu Liantawna fanu Zomuansangi bo chungchang report a rawn lut leh bawk nen. A hui pap pap a. Zoi hi Hmingzuala atanga a hmelhriat a ni. Nula hleitling ve tak, hmel chhe lem lo, vun nalh tak leh mi biangbiak thiam zet mai a ni a. A felin a tawng duh a, Hminga tel lo va an inhmuh pawn biak hmasak a chang ngai lo. A bo daih chhan chu a chhan pawh hriain a inhria. Zoi chu rukbo emaw bo ve tawp a ni lo ang tih a ring. Chutihrualin report a lo luh miau chuan; an chhui tho a ngai si a. Zoi number erawh a biak tlang theih loh. Zomuansangi bona leh Tualthahna hian inzawmna eng emaw a nei tih a hria ang em? 

"I mutthilh tawh chuan, Thil ka'n ngaihtuah ang e" Ephraime aw zawi sup chu Zoi chuan a hre reng. Han hawi let a, han tlawm vel chu tlawmah a la ve tawh si. Zep loh chuan hawileta Ephraime angchhunga awm a chak. He pa hi a duh ta em ni ang? A hre chiang lo ropui si! Mahse, mipa hmel tha ngawih ngawih chu ni lo mah se; mipa a ni tih a hriat ngawih ngawih.. Chu chu a ni Zoi hìptu ber chu.. 

Ephraime chu a zangthal zawngin a mu a. A chhing vang vang hnuah a thaw hawk a. A nu diaryah bawk a lut leh ta. 

Khatia court-a an inneih hnu khan Delhi-ah Abbas flat-ah an cheng dun ve a. An inneih zana an thu dawn erawh a khal ngeng ngawng hle. A sim card an roaming takah chuan a pa call an dawng ta. 

"Ka fanu i ni ta lo. Ka tan i thi tawh a. I phatsan tak i ram leh i chhungkua hnenah hian i damchhungin rawn kir leh tawh ngai suh ang che. Keini pawh mitthi angin min ngai la.. I duhthlanna lamah chuan ding takin kal ang che. Mang tha le" tih thu hi.. Chu chu a damchhunga a pa a biak hnuhnun ber a ni ta a ni. Inneih zan e ti lo chuan nupa nun pawh an hmang lo. A ţap zankhua a ni ber e. Mahse, mak deuhin a inchhir chuang hauh lo! A tah chhan zawk chu amah hmangaih em emtu a pa a timualpho leh a tina chu a ni. Hmangaihna hi mawhpuh tur a ni ngei ang le.. Kir leh chu a tum hauh lo naa, tuithlar nih erawh rapthlak a ti.. A phutawk a hmu tih a hria a, chuvang chuan inchhir hni hnea kawng laklawha kirsan erawh a tum hauh lo. 

Hun a kal a. Abbas nen an la hlim em em reng. Kum khat zet nupa hlim tak an nih hnuah Chhum dumin thla a rawn zar ţan ta a. Abbas chu an ram lama a chhungten an rawn be zing ta hle. A pa ngeiin a rawn tlawh ta rap bawk! Chutah chuan an tawpna ni a hnai ta a ni. Abbas nupui hual chuan a tihturte a tih zawh tak avangin an inneih a hun ta si a. Abbas lah a la chambang si, chuvang chuan a pa ngeiin a rawn kal chilh ta a ni. Mary chu chiâi tak a ni.. Abbas lakah chuan a thinrim lo. A chhan pawh an inneih hnuah Abbas chuan amah nen an intawn hmain nupui hual a neih tawh thu a lo hrilh tawh a, mahse chuti maia ranga a hun a rawn thleng chuan a ţhawng êm a ni. 

Abbas chuan a pa chu a theihtawpin a do naa.. An hnam dan chu a pensan thei si lo. Mary nen vawi tam inbe tawh mah se, thutlukna fel tak an siam thei chuang lo. A tawpa tawpah, "Ka haw ang a, kan innei ang a. Kan inneih atanga thla. 6-naah ka ţhen ang a. Ka rawn let leh ang. Thla., 6 tal kan inneih a ngai si a.. Amah (a nupui hual) pawhin min hrethiam em em ang" a ti ta ngawt mai! Mary tan erawh sawi ve tur a vâng ta hle. Abbas thutlukna a pawmpui mai loh chuan… harsa erawh a va ti si em.. 

Ephraime tho thut chu Zoi chuan makti deuh takin a va thlek a. A thu ngût a. A hma zawn a melh vawng vawng ringawt. 

"I tha em? " Zoi chuan a ti ta nge nge a. 

"Ka that ka beisei" a lo ti rum hak a. A awah chuan natna a inphumtel tlat! Zoi chuan ngam leh ngam lovin a darah a han vuan a. 

"I dik lo" a ti sap a. Amah pawh a thu chhuak ve nghal. 

A rawn en zauh a, a hawisawn leh thuai. 

"Muhil rawh. Ka dik ţêp" a lo ti sup a. 

"Aih.. Kan pahnihin muhil ang" a ti ve tlat. Ephraime chu zawi muangin a rawn mu ve ta a. A zangthal a, ceiling a melh leh ngat ngat. 

"Ngaihtuah vak vak tawh suh" Zoi chuan a rawn ti leh khauh. Zoi lam chu hawiin a inlet thawk a. 

"A nih min pui la" a ti tham ţuak a. Chutah tak chuan Zoi chuan Ephraime mitmengah natna thuk tak inphum chu a hmu thiam ta. A chhan a hre lo naa chhawksak a chak tlat! Ni e, hnema a natna chu tlem tala chhawk zangkhai a châk a ni. Ephraime biangah chuan a va chul a. 

"Muhil rawh" a ti dam thlap a. Amah pawn a inringtawk lutuk chu mak a ti. 

A kut chu a lo humsak a. A mitah tak rawn melhin, "Hmeichhe danglam tak ni reng ang che" a ti zawi raih a. A mitmeng chu a inthlak leh vek tawh.. 

"Ka haw dawn lo" Zoi chuan a ti leh hlawl. 

"Ni e" a lo ti mai a. 

"A chhan min zawt dawn lo mi? " 

"Ka bula chen i duh.. A dik em? " A rawn tih chuan Zoi chu a buai leh ta vek. 

"Aih chu chu a ni ber lo.. Ka.. Ih ka hrethiam lo" a tih mek laiin, "Mahse, ka bula i chen reng chuan min huatna tur a inchhek tam telh telh ang. Min hre ngai miah lo zawk la a tha tur" a lo tih khalh hmiah. 

"Eng nge a awmzia? " a lo ti vak a. 

Rizai sin that pah chuan, "Awmzia a awm lo. Muhil la, naktukah ka thlah ang che.. " a ti hmuk a. A awmdan danglam leh daih chu Zoi chuan a hrethiam chai lo. Lungawi vak lo chuan a insiam rem a. Ephraime lah a maimichhing hmiah bawk si. 

Chutah thawm reh lai takin an piah lawk ram ngaw atang chuan sihal a rawn û ruah ruah mai a! Zoi phu chiang lutuk chuan Ephraime chu a va kuah ta rawk rawk mai. 

"Ni e, ka hria.. Nang hian min hnaih i chak takzet a nih hi. I duh ang ngei chu ka pe ang che" tiin Ephraime chuan a rawn bawhbet ta mai. Zoi hawihai lutuk hmel chu a hmuhmawm kher mai. 

"Hei hi i duh a lawm.. Tiraw? I duh chu i hmu dawn e" tih pahin a rawn fawp nghal bawrh bawrh a. Zoi a harh chiang ngang mai. Ephraime taksa rit tak chu a nam nghek nghek a, "Ka duh lo.. I va zak lo ve.. Tho teh" a ti tuar tuar a

"A teuh lo.. Nuam takin ka siam dawn che.. Tuman an chhan thei hek lo che. Ngawi hmak rawh" tiin a tawnzau chu a rawn pawt nghek a, a ri ţhawt. A bahna chu a chat hlawk mai. Zoi chuan makti zetin Ephraime chu a han melh a, nichin maia Ephraime hmel reng a lang tawh lo. Ramsa koham tak hmel a pu daih.. A hlau ta em em a. 

"Khawngaihin ti suh. Ka duh lo… ti lui suh" a ti ţap ţiau a.. 

(Mut. A hun.. Ka chau)