D Rose 12

D' ROSE…. (12)

Ziaktu : Toni Râlte

Bena chu a bawraw sawt ta viau mai. A meng sen rûm reng a. A tawng duh miah lo bawk. Doctor te pawn enkawl ngaihna an hre mang tlat lo. Ramhuai lam kaihhnawih a nih ringa chuti ang zawnga lo sawi tawk an awm thul. Diteii chuan a lainat em em a, damdawiina an awm chhung zawng a school ban apiangin a kan ziah thin. Mahse, ani pawn tihtheih a nei lo. Bena chuan hria ang pawhin a awm lo va, a melh ngai a melh ngawt ngawt reng ringawt. A taksa lamah harsatna em em an tawk ta lo bawk a, enkawl vak ngaihna awm hek lo, an inlachhuak ta a. An chhuah tlai chuan Dinfela nen an va kal ve nghe nghe. Dinfela hian engkimah a support em em reng a. In lamah pawh Teteii leh Nunui vangin a buai chhe tawh ngai lo. A bula ding chu Dinfela a ni miau a! 

Puia pawh a thutlukna a hrilh tawh. Puia chuan pawi a ti ru hle naa nawr chiam kha a hreh ve bawk si. Teteii lahin a lo zar ve sek. Khatia sex an hman tak atang khan Teteii chuan a ta cheibawl deuh chawt a, khawi ilo chhuahnaah a sawm ziah bawk. Nunui nen erawh an reh hlen ta a ni mai awm e. An inngaihven tawn ta vak lo. A film-a chang tur chu a zawn hmuh vat a ngai. Tleirawl innocent tih hriat ngawih ngawih, hmel tha leh nalh bawk si a mamawh. Diteii tluk an awmin a hre si lo, Diteii lahin a hnar bawk si. Zan khat amah chauha zu no dawm chunga IG-ah tleirawl thlalak ho a collect laiin Teteii a rawn kal leh hlawl. Zu rim a nam naa a rui vak lo tih erawh a hriat. A bulah a rawn thu a. 

"Eng nge khang kha a awmzia? " a ti sar sar a. 

"Ka film-a chang tur ka chang ka zawng mek" Puia chuan a lo ti a. Teteii chuan a nek deuh salh salh a, "A mak, ka awm ve reng a. Mi dang i la zawng hram hram chu nia.. Eng hmuh mahin min lo hmu na nge? " a ti ngher ngher a. 

"Chu lam pawh a ni lo. Changtunu atan chuan i inhmeh lo deuh a ni, a character hi.. " a ti ta phawng mai. Teteii a tum ta hmak. 

"Edit la a ni mai lawm.. A script pawh nangma ziah tho a nia. Ka character milin ziak leh mai ta che. Mi dang zawn kual kha i chak ve hrim hrim anih kha" a ti hmak a. A tawlh sawn bawk. 

"Ka edit chuan a hmuhnawm tur angin a hmuhnawm thei dawn hleinem.. Romantic Horror a ni dawn a, i nau sawn a hnehsawh dawn asin le.. A inhmeh dawn nasa si" a lo ti leh hmiah. Puia hian a care tehchiam lo. Chu chu Teteii pawn a hai hlek lo va, chuvanga sex hmanpuia a thuhnuaia dah tum a ni reng a. A hlawhchham a chha chu a nih deuh ber hi. 

"Diteii chuan a chang thiam lo vang. A tih chi a ni lo" a ti ta hram a. Mahse, a nau thik anga lan erawh a duh lo. A thik ngawih ngawih tih erawh a hmelah a lang si! 

Chumi zan chuan rilru hmin zan lo chungin Puia inah a riak leh ringawt. Puia tan lah hnar phal chi ni nghal lo chuan. Mahse, Teteii mizia a hrechiang a, a thuhnuaia tluk luh a tum lo ve bur si. Sex hmanga salbeh a tumna chu a hrethiam ve kar a, chuvang chuan a inveng ve nasa.. 

Lawma leh Teremi chu thih ngam deuhthawin an inhau táwn tâwn mai. Amw ve dangte chuan ngawi rengin an lo thlir thap thung. Ni e, Ditei ac -ah a in hralhna atang khan tlem azawng a thun tih Teremi'n a hriat chuan a tek nasa teh e. 

"Pek nachhan tur i nei lo. Ani chu i nu bulah a awm a. Ngaihtuahawm pawh a ni hek lo. Unau zinga mipa awmchhun, ro luahtu i ni. I farnute sawn engmah an chuhpui thei lo che.. Engvangin nge ka phalna la miah lo va i lo pek ve ringawt a.. Zawnga" Teremi chuan a ti hlawih hlawih a. 

"Ka farnu pawisa pe tur hian i phalna ka lak kher a ngai lo ve. Tin, an in ve tho a ni, an phu ve bawk. Keimahni vanga in chhuahsan a nih saw.. " Lawma aw pawh a chang tha beng bawng khawp mai. 

Teremi chuan a ke a per dat dat a, a awm dan chu a nasa tawp. "Khang pawisa kha kan nupa pual a ni, kan ta liau liau aw. I pek nachhan tur ka hre lo.. Va dil leh ang che. Ka phal awzawng lo a nia. " a ti a. 

Lawma chuan  ngaipawimawh lo zet hian, "ka va dil awm lo e aw.. Ka pe tawh a. A ta a ni tawh. Chuan, bank-a ka dah chin pawh saw kan la chhuak tawh rih lo vang, ram lei nan ka hmang dawn" a lo ti a. Teremi chuan ben tumin a kut a rawn lek zuaih, Lawma chu a lo thle sawn hman. A kut chu paihthlaksak pahin, "Lalremruat, min va zah lo ve. I pasal ka nih hi hre rawh. I duh chuan min chhuahsan thei ang.. " Lawma chuan chutiang thu chu a sawi vawikhatna a ni. Teremi hi a duh ve tlak tlak èm a, then êm chu a ngam ngai lo. Mahse, mi in luaha veng tlabrih zeta an han khawsak takah chuan Teremi mize dik tak chu a hrethiam chho a, amah vanga a farnute nen an inthen darh dan te, a pa in rim taka a thawhna atanga a lo din ve, an in leh lo a hralh chhan pawh Teremi'n zu zawrh a support tlat vang a ni. An awm hran hnuah pawh a thatchhe si a, awmpui an la a, mahse, thla hnih chhung lekin awmpui 2 an nei hman nia!  Teremi chu an hrawn hleithei lo a ni ber mai. A ruih chuan a chapo si, a sual si, kutthlak a uar bawk si. A pasal hmasa nen an inthen chhan pawh kha hetiang mizia a neih vang hi a ni. Lawma chuan Teremi chu a mil thei ta der lo va, a tlai tawh tih hre mah se, siam that dan a zawng ve leh hnuhnawh a ni. 

Teremi zu rui lungpuam chuan a thawmhnaw a siam tau sawk sawk a, "Ka chhuak khawp ang. Khatiangtea min han tih.. Mahse, hei hi hre rawh. In i hralhna kha chu zat leh zatin kan insem ang.. " a ti tán tân a. Lawma chu a nui tawp. Chuti taka a nupui zak thei lo chuan a nuih a tiza lek lek zawk. 

"I thisen a sang mah mah. Ka pe awm lo che em mai" a ti a. Teremi chu a âng leh char char, Lawma chuan zu a insan ta daih a. Teremi chhuak leh ngam chiah si lo, tlawmla bawk si chu a tei sek a, Lawma lah chuan a ûksak der si lo. A chhuak ngam ta lo reng a. 

Zanriah an ei lai bawkin Teteii chuan, "Dite, U Puia film-a chang tur sawn amah U Puia i lo ngen ni maw? Vawiinah thian te ho nen kan awm laiin a sawi chhuak a, a nawm lohzia aw" thinrim awki ni miah lo hian a ti leh pek a!  Dik tak chuan Diteii chuan a chang ang tih a hlauh ngawih ngawih vang zawk a nia. Chutia a sawi chuan Diteii chu Puia'n sawm eltiang mah se, a hnar thak a ring a ni. 

"Aman alawm min ngen" a lo ti sam êt a. Teteii thusawi hi awih tur a hre thiam tawh lo. Puia pawh ngei viau nachhan tur neiin a inhre lo. 

Dinfela zawk chuan, "A chang dawn alawm.. Exam hi zo phawt se an zawh veleh atangin a chang dawn" a lo ti a. Diteii leh Teteii an meng phawk kher mai. A hmain chan a phal tawh lo kha a ni si a. Tun ataka chutia a sawi chu Diteii chuan mak a ti. Teteii lah a chaw ei tuina a bo duak, a kham ta nge nge a. Tun issue hi chu Nunui bula sawi vak chi a ni lem lo, Nunui thikthu chhiatzia leh rilru kawihzia a hre ve a, Puia nen an mu dun tih te hi hria se a rapthlak ngawt ang.. Chuvang chuan Nunui puihna tel lo va a chanvo ni tura a beisei chu chan ngei a tum ve tlat a ni. 

An ei khamah in chungah an chho va, Aizawl khawpui pe un chu thlirin, "U Puia vel kha ti nge khatia i sawi? " Diteii chuan a ti sap a. 

"Ka rilru ka thlak a. Dik tak chuan i lar vaka min theihnghilh ka hlau a. Mahse, lehkha hi i zir rei tawh dawn si lo va, chuvangin eizawnna pangngai tak i neih ka duh a ni" Dinfela chuan a ti a. 

"Enhvangin nge ka zir rei loh ngawt ang? "

"Ele, kan innei anga, raipuar chunga class kal i duh em ni? "

"Raipuar chungin film ka changin thla ka la thei tawh dawn chuang em ni? " 

"Thei tho ang. I rai puar lai phei chu hmuhnawm an ti ngawt ang.. Puia hmang hian sum i hailut ve zel dawn alawm.. " nui chungin a ti a. Diteii a tum bar thung. 

"Inneih vat vat kher ka duh lo.. Ka la nulat chian loh em hi" a ti ta a. Dinfela a nui hawk hawk. Diteii tawngkam thiam lo lutuk leh naupangchhia lutuk chu duhawm a ti bawk si. Lak kawih a duh ta a, "Nula chiang lo a?!  Chu! I lo patil ru reng tihna mi? " a ti zauh a. Diteii a teu hlar mai. A rawn chum dat dat a, mahse, thinrim tak taka ti pawh a ni bik lo. 

Dinfela chuan a hnuah thutak zawkin, "Puia nen kan inbia a, nangmah aia laktlak tur leh larpui thei tur a hmuh zawh ngang loh thu a sawi a. Mipa sual tak a lo ni lo bawk nen, ka khawngaih deuh a, rem ka ti ta mai a ni. A changtu tur i nia, i tih dawn leh dawn loh erawh i thu thu. ani e" tiin. 

Diteii pawh chuan, "Nia U puia hi a sual miah lo.. Nang tih lohah chuan mipaah ka nel ve ber a nia. Nau angin min en bawk si.. Ka hrethiam lo, exam chu zo phawt i la" a ti ve bawk a. Teteii runluih nana ti erawh an ni lo, Teteii ngaih danah erawh amah runluih leh rahbeh nana ti an ni tlat!  Phuba chu a la ngei ang. Pawisak a nei thiang lo. Dinfela ai chuan Diteii chu tihnat a awlsam zawk tih a hriat vangin ruahmanna a nei ta a. A nui sak mai. 

Kum tawp a ni ve ta. Boruak pawh a vawt vur mai. Dinfela chu a dawr bungrua lam khawm pahin a zin a, Nunui leh Teteii'n an zui ve. An ni hi chuan thawmhnaw lam bak an ngaihtuah loh hmel. Diteii pawh kal chak viau mah se, January-ah an exam mai dawn vangin kal ve loh mai a duh ta tlat a. Bakah an chawlh chhunga Bena hruai harh a duh bawk. Dinfela chu a lungawi lo hman thelh a, mahse, Diteii luhluh reuhzia a hria a, a nawr duh lo. An cham rei dawn pawh ni hlei lo.. Diteii thawmhnaw te chu a hawnsak dawn lutuk tho. An zin ni chuan a khua a har ve ruih mai. Anu te a hrilh hnuah Bena te in lamah a kal ta nghal a. Scooty chu an kawl naa kea kal hi a thlang fô thin. A hranpain a work out ve ngai lem lo. 

"Nu Ma, kan chawlh chhungin a tam thei ang ber lo len ka tum thin ang" tiin tui a in khawlh khawlh a. Bena nu chuan, "I fel ngawt mai. I thianpa hi i phatsan miah lo ania.. A dam hunah a lawm teh ang chu" a lo ti var a. Bena chu la tha lo mah se; ngaiah an nei deuh tawh a, a tira an lungngaih em em ang khan an awm tawh lem lo. Ven deuh erawh a la ngai zeuh zeuh. Amaha chhuah nulha thlanmual lam pan te a ching thin. A û hian a veng deuh chawt mai a ni. 

Bena roomah lutin "Bawiha, i tha em? " a ti zangkhai vah a. A chhang dawn lo tih a hre tho. Bena chuan a rawn melh rulh a, hnuailam a bih leh daih. A hmel te chu a bawrchhawr ve ta hle. Han tuaifai ve tho mah se, amah a pangngai tak loh vang nge a landan a bawrchhawr tho. A bulah chuan a thu ve a, a banah vuanin, "Inkawm ang vawiin chu aw.. Lehkhabu ka chhiarsak ang che aw" a ti sar sar a. A che chang eih lo. 

Bena ngainat em em, 'Hringnun" Tih Vanneihtluanga ziah chu a phawrh a. Bena hian lehkhabu dang a nei miah lo. Mipa a ni bawk a, thawnthubu tih vel a chhiar peih lo. Vanneihtluanga lehkhabu eraeh a chulnel ve tlat. Khum buIah dawhkan a hung phei a. Lehkhabu chhung thu chu a riin a chhiar ta lauh lauh a. Bena chuan a kut a ti che sek. Dawhkan ke te chu a sawi thul, a tikawm kual kawi vel a, a che neuh neuh a ni tawp. Diteii chuan, "I awm tha duh lo eee.. Tha deuhin awm rawh" a ti a. 

Bena chuan fiah zet hian a rawn melh. A mitmeng fimzia leh takzia chu a rápawm lek lek zawk. Mahse, a mitmeng fim chhung chu minute khat awrh a niang, mitmeng nu but a pu leh nghal daih. Diteii chuan a hrethiam lo kher mai. Bena hi thunun a ni em mawni le? Thlarau sual ten an luhchilh em ni dawn?! Pastor leh Evangelist speaker tam tak ten an tawngtai tawh, eng a ang thei hauh si lo va. Ramhuai pai ang chuan a lang chuang bawk si lo. Tki vanga a natna kal zel khan a nunah nghawng a nei chho ang a, a rilru a buai phah a ni thei ang em? Mahse, Tki nen an inthen hnu fèah a buai chauh bawk si.. A ngaihna reng a hrethiam tawh lo. Mahse, nileng deuhthaw chuan a awmpui ta tho va, thingpui te chu a in tir ve thei, Bena nu a lawm em em mai. 

Zanah Dinfela nen rei ngial an inbia a. Inhnial hlak hlak thin mah se; a tawpah an nui leh nge nge thin. Ngaihtha zetin a muhil ta a.

A lu rawn hai chiai chiai chu mak a ti ru viau. An zin atanga ni 2na chiah a ni. Bungrua pawh vawiin lamah a lei zo thawkhat a, a tukah Diteii thil tur lam khawm a tum a ni. Zanriah an ei kham atanga darkar hnih velah a lu a rawn hai ringawt mai. Wash roomah kalin a va inphih harh a, zu a in lo va, A bp pawh a pangngai. A roomah let lehin khumah chuan a thu hnawk a. A taksa chu a zawi tial tial niin a hria. Diteii phone call lo kal chu melhin,, zawi zetin, "Dite" a ti tham tuak a. 

"I va chauh hmel ve" a rawn ti a. 

"Ka.. Nia.. Ka tha" a ti zo awrh

.. Phone a thlauh a, khumah chuan a let tawp. Engmah a lek kang thei lo. Chunglam a melh ngawt ngawt a, a rilru pawh hruai boin a awm mek. A fim lo tial tial. A tawpah phei chuan a thim ta hmuk.. A rawn eng leh tial tial a, hmeichhe pakhat mut kawr pan tak ha hi fiah lo ruaiin a han hmu a.. A mit a khap fak fak, tu nge tih a la hre thei chuang lo. 

A rawn kun hniam a, bra a hreng lo. A hnute mawi zet chuan a rawn nawk a, a taksa zawi nguai chung chuan a lo khawng luah mai. Inhumruh tumin tan a han la a, eng a ang thei hlek lo. Chu hmeichhia chuan zei zetin a kekawr chu a phelsak ta a. A lo dawh tawp. Chutah a taksa peng chu chu nu chuan a lei hmangin an sawngbawl ta mai a!  A rak chhuak lo chauh. Nawmna nasatzia chuan a ti ä lek lek, Diteii reng reng a hrechang tawh lo. Saruak ngal ngata a awmtir hnuah a inphelh ve a, a taksa chu a nalh khawp mai. A chungah rawn lawnkaiin, a rawn thut ta hmiah mai. Chutah chiah chuan tu nge tih a hre thei ta.. Zomuanawmi ngei a ni. Mahse, kir leh thei an ni taeh si lo. Teteii plan chu a hlawhtling ta. 

A tukah lu na burin a tho va. Zan lama thil thleng chu chiang lo ruaiin a la hre thei. A ner sak. Tuisik chu a in nghek a, hai chhu chungin a va inbual harh ta a. Bazar tura an chhuah pawh chuan Teteii chu a danglam eih lo, zan lama thil thleng kha hre ve miah lo ang maiin a awm. Dinfela chuan a mumang mai mai anih te a ring rum rum hial. Diteii thawmhnaw tur pawh a lei nual tawh. A thiante ho pawh thil a hawnsak ve hlaem a, Diteii'n a chah ngun em vangin Bena thil tur pawh a leisak ve kha.. A tuk zanah chuan Diteii bulah a awm thei tawh ang. 

Mahse, an hawn dawn zanah pawh a ngaite bawkin Teteii chuan a rawn sawngbawl leh,Teteii room lama an inzui phei chu a hre ruai ruai,  zing dar 4 velah a roomah a phei chauh. Engtin nge a hrai ruih thin tih a hre lo. An zanriah ei turah damdawi eng emaw a pawlh aniang. A tuk an hawn kawngah Nunui mutthluk laiin, "Nizan khan ti nge ka roomah i lo kal" Teteii chuan a ti ta a. Dinfela a phu zawk. 

"Ka roomah i lo kal zawk a nih kha" a lo ti nghut. 

"Ni lo. Ka roomah khan riah ve i tum tlat si a, ka chhuak ringawt anih kha.. " a lo ti hlar. A dik maithei. Mahse, an pahnihihin an inzui phei zawk a ni reng sia. A hnial peih tawh lo. A chhungrilah nuam tih lohna lian tak a awm a. Diteii a hmu hreh thar thut bawk. Khang thil thlengte kha hre ve ta mai se.. Engtin nge a awm ang?! A insawifiahna a awihsak duh dawn hauh si lo. Teteii chu a hua, mahse, a huatna aiin a mak a ti. Engtin nge hetiang thil hi a tih fô le..! 

Chau zetin in an thleng a, an bungrua vel te chu an awmpuite kutah a dah tawp. Diteii thawmhnaw erawh a hranin a dah a, amah ngeiin pek a duh. A roomah a lut a. A lo awm lo. Khumah thawmhnawho chu a dah a. A chhuak leh nghal. 

"Khaw nge Diteii saw? " a nuhrawn lam a hawi a. 

"Ka hre lo, hei a rawn haw har ta riau, in rawn haw dawn tih a hre ve vek sia, kan chhuah hlanin a lo chhuak daih a" anu chuan a lo ti a. Ama roomah chhoin a han intifai ve a. Zanriah pawh ei lo, Zan dar 8 a rik hnu pawha rawn haw lo chu mak a ti. A call thin a switch off tlat si. Puia a call ta ngawt a. Puia lahin a lo kal loh thu a sawi si. Bena nu a call leh a, a rawn kal loh thu a sawi. A beidawng ta hle. Khaw nge a kal ang aw..a nuhrawn pawh chu a mangag ta deuh. An call tlang thei lo ber chu a buaithlak a ni. Chauh nak alaiin, Dinfela lung a dam lo kher mai. Dar 9 a rik takah chuan Diteii roomah a chhuk ta a. 

Almira a hawng. A lo ruak hiai!  A pheikhawk bawmah pawh pheikhawk tihtham a lo awm lo,!, chhei le!  Diteii hi a kal bo chiang! Dinfela a khur.. Diteii a kal bo.. Khumah a thu a, lukham a keu.. Lehkha phek hlai vak lo a lo awm. 

"U Dinfel, hlim takin awm ang che u. Kei chu ka tha. Min lo zawng miah suh. Teteii kha i lo enkawl tha dawn nia.. Mang tha" tih thu chu,!  Hmanhmawh zetin Teteii room lam a pan ta a. 

Kik khawmawi loin a hawng thuai. Nunui nen an thawmhnaw lei tharho chu an lo thingpharh mek a. An rawn hawi phawk hle.. 

"Khawiah tehlul nge i kalbo tir a? Sawi rawh" a aw ah chuan nelawmna pakhatmah a awm lo. 

"Eng nge a awmzia"? A lo ti hâ a. 

"Hre lo der suh. Min set up a, zan hnih ka bula i khawsak dan kha i hrilh tih a chiang reng. Tunah a kal bo asin.. Khaw nge a awm? " a aw pawh a ring ta kher mai. Pu Vanlala te pawh an rawn lut hial. 

"Engmah ka ti lo. Ka hrilh lo.. Engtin nge ka hrilh ngam bik ang" Teteii chuan a lo ti a. A aw erawh a khur deuh. 

"Eng nge thil awmzia? " Pu Vanlala chuan a ti a. Lehkha phek chu Dinfela chuan a pe hmiah. An zavai chuan an chhiar ta a. Teteii chu an melh ta thap mai. 

Pawisawi lo hmelpu deuh hian, "Ka.. Ih, ka nau a nia, ka khawngaih alawm. A. Bialpa nen sex kan hmang dun sia, hetia phatsan a ni hi ka duh bik hleinem. Chuvanng chuan ka hrilh ta mai a ni. A kal bo ang tih ka ring pha bik lo" a ti ta niah niah a. Makti zetin Dinfela nen chuan an melh hrek hrek mai. 

"Aw nia, min hrai rui a, ka roomah rawn lutin min rawn mutpui alawm.. Engkim hi a plan vek a ni. He nu hian min ngaizawng a, Diteii paihthlak dan a zawng ngat ngat alawm" Dinfela chuan thawpik fe hian a ti ta a. A thaw hawk mai. A mangang takzet a ni. A talbuai tlat si. 

Teteii chu a tap ta a

"Ka hnena i thutiam zawng zawng kha a lem vek maw ni a. Ka nei ang che i tih te kha.. Bakah sex kha kan pahnih duhthu ngeia hmang kan nih kha.. Innawrluihna engmah a awm lo.. " a ti a. A insut hlawp hlawp. Nunui'n a lo kuah vat. Dinfela chuan rum el awl hian, "Tunah chuan Diteii zawng turin ka chhuak dawn.. Ka hmuh hun hunah ka nupui ka nihtir ang" a ti a. A chhuak zui hmiah. 

"Kan chhungkaw buaina chu a lang chhuak dawn ta a nih hi" Pu Vanlala chuan a ti zawi ta sup a. 

(Hemi chin hi aw. Lehkha zir a hun leh tawh tlat.. Ih, zep miah lohin ka lo muthlu palh a.. 😁 a sei loh phah ta a nih hi.. Dah hram ka duh bawk sia.. 😊❤