Thuruk 9

THURÛK..!  (9)

Ziaktu: Toni Râlte

10:00 pm.. Secret Society:

Valtea leh Emy chu Zochhingpuii an dahna pindan bulah an ding dun ran a. Emy erawh a luh ve phalsak a ni lo. Huatna a nasat em vangin. Kawngka chu an hawng a, Valtea chu a pen lut ta a. Zoi chu khumah lehkhabu chhah pui pui nen a lo awm hnawk niaih a. A hmuh loh kar lekin a lo cher hman kâwk in Valtea chuan a hria. 

"Naute" a ti sup a. A rawn hawi zawk a, a thil chhiar lai chu a bihsan leh daih. Valtea chu a na zawk. A tunu hi a chang ta lo em ni ang.. Tu emawin a thluak an ruksak ta em ni dawn.. A bul chetah a va thu a. 

"Ka lakah i thinrim em ni? " a ti leh a. 

"Emy thurualpui zawng zawg chu ka hmelma an ni. I tel ve tlat" a lo ti chang fak a. Valtea a meng kâwk. A va pawi thui ta em.. 

"I duh thu ngeia i luhna hmunah chuan kei nangmah hmagaih vanga rei tak ramhnuaia vakvai tawh pawh min haw tura zirtirna pek i ni maw? " a ti ta nghut nghut a. Zoi mitmeng chu a buai ta deuh. 

"Mahse, Emy nen in plan vek a ni lawm ni? " a ti a. 

"Emy chu Zohlupuii, ka u, i nu nangmah hringtu a ni" Valtea awrawl chu a ring lek lek. 

. "mahse, chu chu dawt a lawm" a lo ti leh tlat. 

"Kei pawn ka rinngam chuan i ringngam tur a ni. I tan thil tam tak a ti asin. A nunna saw chân hial ngai dawn mah se; i tan din a inhuam reng asin. Engtin nge nangmah hringtunu chu i huat theih? " valtea chuan a ti a. 

"Ka nu a that zawk alawm" 

"Ni lo, i nu a la thi lo. Mahse, tunah chuan nangmah vangin dam reng chungin a thi mek.. Kha chen a lo beih tawhna kha a hlawhchham avangin" Valtea chuan a ti ta a. 

Zoi chu a ngawi rauh rauh mai. Ariana thusawi a bengah a rawn ri leh a. "Arianna khan dawt a hrilh che. A thusawi kha thudik a awm lo. An lamtanga siam an tum vang che anih kha" Valtea chuan a rilru hria niawm takin a lo ti a. Zoi a la ngawi. 

"Naute, he hmun hi chhuahsan zawk teh. Ka remti tawh lo. School te i kal ve anga, nun pangngai tak hmang zawk ang. Chu chu a ni lawm ni i duh ber thin kha" Valtea bawk chuan a ti leh a. 

"A ni thin. Mahse, tuna ka ngaihtuahna hi a buai em em a ni. Enh nge ka tih ang ka hrethiam lo, He pawla min hnukluttu chu ka nu a ni. Ka luh chhan erawh he pawl tihchhiat a ni. Mahse, tunah chuan eng nge ka tih ang engmah ka hre lo" Zochhingpuii chuan a ti ta kalh kalh a. A mitmeng pawh a buai riau. 

. "ka ngaihtuah che a ni. Ka bulah awm la i him ang. He pawl tihchhiat hi a tul ber em ni? Nang leh kei kan dam chhung chuan a nuam a ni mai" Valtea chuan a lo ti vat a. Zoi chu a ding hluai a, rilru hah hmel zetin a vei sek mai. 

"Bawihte, Ariana thlarau thusawi kha engmah awih taw lo la ka duh. A thih hnu thleng pawn i ngaihtuahna tihbuai a la tum ania. Mi tha a nih lohzia i hre thiam lo em ni? " Valtea chuan a tawngkam thiamna zawng zawngin a ti ta a. 

"Aw le, pute, i thu thu aw. Ka lo inngaibtuah ang. Min lo tawngtaipui la" a ti ta a. A rilru dik tak erawh hriat theih a ni chuang lo. Inhmuh hun a tawp tawh si a. Valtea chu an rawn  hruai chhuak ta a. Rilru pangkhing zetin a haw a ni. Emy erawh chairman nen an la thu khawtlai a. 

"Ka fapa hi hmu tawh lo la ka duh. Thil pawi a thleng dawn tlat" Chairman chuan a ti  a. 

"Ka tum alawm. Mahse, i fapa hi mi luhlul tak a lo la ni reng a, min umzui a bansan thei lo" a lo ti hmiah. 

Chairman chuan, "Thla khat chhung vel chu Bunkerah khawsa rih la a tha ang. Chumi chhung chuan, Zochhingpuii hi training pe ila, Dorothy pawh zawn zui zel a ngai bawk anh" a ti ta a. 

"Chuan, ka fanu chu ka enkawl dawn ta lo maw? ' Emy chuan a ti chang ta fak.. 

"Dr Zira leh a thuihhruaite kan hneh tlat lo a ni. Meetingah kan sawi a, vote hnihin kan phak lo.. Erica enkawl turin kan dah ta anih kha" Chairman chuan a lo ti chuai raih a. Emy mitmeng a ling hlar mai. Dawhkan chum bur pahin, "Saw Erica sawn engtin tehlul nge a enkawl ang a.. An duh ang tihpuitlin nan asin a hman dawn.. " a ti tuar a. 

Chairman chuan ngui zetin, "Theihtawp ka chhuah. Mahse, Zira hian kua a lo hreuh thuk mah mah tawh a ni. Kan mi leh sa tam zawk hian an zui tlat!  Kei pawh luahlan ka ni thuai dawn" a lo ti a. 

Emy chuan bang lam hawiin a ha chang a thial a"Aw le, tihtheih kan la nei alawm. Rinhlelh kai lo thei ang berin pakhat te tein ka dah tha ang.. An vaiin" a ti ta a. Chairman a meng kâwk!  

"I thei lo. Kan thei lo. Min tlankhalh zawk zel tawh. Tu emaw spy tur kan mamawh. Nang chu an ring tawh lo che. Sophia lah a chak lohna an hre si a" Chairman chuan a lo ti nghut. 

Emy chu a khi sak a. "Ka hria. Dory a awm alawm. Ani hian kan tan hna min thawhsak dawn a ni.. Ka lo bia ang." A ti ta a. 

A chhuah hmain, chairman chuan, "Emy, tak ana.. I fanu chu thla bial zanah a pa hmu tura hruai an tum asin" a ti a. Emy a ding chawt. 

Chairman lam hawi leh in, mitmeng thim raih hian, "Chumi hma chuan keimah ngeiin apa chu ka hmuhpui ang" a ti vawt ta raih a. Chairman pawh a tim sung sung mai. 

Dr Zira chuan dawhkana Zoliansanga nu file pek a chap darh chu a thliar fel mek a. Hmanrua tha tak an nei tawh bawk a. A kal tluang em ang chu maw. He pawl dintirha Chairman a luh ve khan thil dik lo tam tak a ti a. Khatih laia chairman ni lai Dr Fela kha phiarruin, an ruahmanna lehkha tipûtruah puhin a paihthla a. Amah zawk hian kha lehkha kha sawrkar lama hruaitu pakhat kutah a hlan zawk a ni reng si a. Tichuan, chairman dinhmun hi a luah theih phah ta a ni. Erica nen an ruahmanna tam tak chu ngaihtuahin a khi suk a. An tum anga thil a kal chuan Zoram an awp bet thei ngei ang chu. An tana hnawksak ber Emy pawh  Beiseia leh a hoten an dah tha vat turah a ngai. 

Zoliansanga leh Jonathana pawn ngawrh zawkin Dr Gosa thihna leh Dr Bta bo dan chu an chhui ve mek zel a. Hmasawn erawh a har angreng viau mai. Zoliansanga chuan Emy va tlawha heng thil va sawipui pawh a duh. Mahse, Emy chu a be tlang thei lo. Amah kha a buai riau a, nawr et et chu a hreh ve bawk si. 

Ni 2 zet Dr Bta a bo tawh. Sawrkar lu pawh a hai tan. Police lam lah an thawkrim. Hmeichhe pakhat nen an chhuak dun lai hmutu chu an awm a. Mahse, an kalna an hre zui tawj si lo chu a ni. Thenkhat mawl fe fe lahin an lo zeldin kual a, a bialnu nen an inru tih vel.. Hahthlak hlawm hian. A nupui leh fapa an khawngaihthlak khawp mai. Dr Gosa thihna pawh chhui zel chu a ni na a, han rinhlelh tur an la hre mai thei lo chu a buaithlak lai a ni ta a ni. 

Emy pawh inchei danglamin Valtea ina kal  turin a inkhalh chhuak leh a. Dorothy a biak a ngai. Tunah chuan a fanu chu a enkawl thei dawn lo tih a chiang tawh. Eng tactic pawh hmang mah se; Meeting thuchhuak a ni tlat. Chairman pawh a mawhpuh duh hran lo. 

Valtea chu chhuak turin a lo insiam mek a. Dory erawh chuan an chaw eina vel a lo sengfel a. Nupa te pawh an ang lek lek alawm le. Valtea pawh a tawi khawmuang ve leh ta a. 

"Dory, tunah chuan huaisen taka i awm a ngai tawh. Ariana a thi tawh a, Headquaterah rawn lutin rawn inpe leh la ka duh a ni. I pawimawh tlat si a" Emy chuan pehhel kual lo vin a ti ta a. 

Dory chu a ngawi rauh rauh a, Valtea zawk chuan, "Engvangin.. Hei amah zawn pawh an la bansan chuang si lo va' a lo ti a. 

"Eng ang pawn tlanbosan tum mah se, an zawng hmu dawn tho tho. Heta a awmna chhan ber chu Arianna vang a nia. Tunah chuan an that tawh dawn hleinem. Saw pawl atanga kan tal chhuah theih nan leh Zoram kan chhanhim theih nan kan tanrual a ngai alawm" Emy chuan a ti sar sar a. 

Dory chuan, "Eng nge ka tih ang? " a lo ti zawi raih a. 

Emy chuan lainat hmel angreng tak hian, "Dr Zira enthlak hna i thawk ang. A lam tang angin i awm anga, kei hi min hua ang. A chhan chu engpawh i sawi thei ang. Keiin Erica ka bitum anga, ka fanu an salbeh loh nan hma ka la ang.. " a ti ta a. 

Valtea chuan mitmeng tizim sanin, "Eng nge ka lo tih ve ang? " a lo ti thawp sup a. 

"Ka nau, inrawlh ve turin ka duh lo che. Mahse, Dory nen kan lo thi ta emaw kan hlawhchham ta anih chuan, Zoliansanga bulah thudik i hrilh vek ang.. Tichuan, zoram chu chhanhim a ni thei ang" Emy chuan a lo ti a. 

Din hluai pahin, "Kei chu ka hrethiam lo. Enhvangin nge police kan hrilh mai loh?  An man anga, an tichhe vek mai dawn a ni" Valtea chuan a ti ta a. 

"Manna chhan tur an nei reng reng hleinem. Tumah tihluihna hmangin an khungbet hleinem. Tin, fiahna a váng lutuk. Man an nih chuan an tangrual leh vek anga, an khing let zawk daih thei. Mi pawimawh hlir an nih saw.. Tin, chu aia la pawi tur chu ka fanu ka chân anga, i tunu i hloh ve bawk ang" Emy chuan chang fek fawk hian a ti ta a. 

An ngawi thap mai. 

Dr Bta chuan a mit a meng siar siar a. A eng lutuk chu a zo lo lam a ni. A khap sak sak a. A bulah tumah an awm lo. An roomah a mu emaw a ti hman a. Mahse, a han hawi kual chuan inzaina room niawm takah a lo mu a. A zawi kher mai. A lu lah a rit lûk bawk. Thil a ngaihtuah thiam vak lo. Kawngka chu a ri khap a. A hawi phei nghal. A hmuh tum loh lutuk a hmuh vang chuan a meng phawk hle. 

"Dr Zira teh daih chu.. Eng nge a awmzia? " a ti tham tuak a. De Zira chu a khi suk a. Nelawm zet hian, "Thil tam tak a thleng a ni. I hrethiam rih kher lo maithei" a ti a. 

Kawngka lam a hawi a, Hmeichhe pakhat, khal zet hi a lo lut ta a. A nelawm hle,  a nui sáng mai. Dr Bta chu a thu chhuak a. Chu nu chuan a darah lo vuanin a lo pui a. Dr Zira chuan, "Hei hi zonuni a nia. Lo inbe ru aw.. I hriat duh zawng zawng chu a hrilh thei ang che" a ti a. A chhuak zui nghal. Bta erawh a la hawihai viau mai. 

Zonuni chuan, "Pu Bt, mak i ti viau a ni maw.. Umm.. He lai hmunah hian kan pawlin kan mamawh em vang chein kan hruai lui ta che a ni. Kan pawl hi a la lar lo va, khawvel ram hrang hrangah erawh kan inzar pharh vek tawh thung. Khawtlang leh ram inrelbawlna dik lo leh felhlel lai siam that tum pawl kan ni a, sawrkar mi pawimawh thil dik lo titu te chhui rua, thuneitu sang zawk hnena thlen thin kan ni. Kan zoram chhiat tawhzia i hai lo vang a, Zoram thar din turin theihtawp kan chhuah zel a ni. Mahse, Mi thiam kan mamawh ve a, Hmanni lawka mi kut tuara thi Dr Gosa kha i hre ngei anga, kha kha kan pawl tana rinawm taka hnathawk a ni thin. A thih tak si ah chuan Dortor thiam leh mi tha tak kan mamawh ta a.. Nang ang hi. 

Tichuan, hetah kan hruai ta che a ni. Tunah hian an zawng mek che a. Police ten, i bo angah ngaiin, Kan pawl hi secret a nih vangin a ruk veka ruahmanna kan kalpui rih a la ngai si a, rukbo ang lek leka kan lantir che a ngai tlat si a ni. Heta kan hruai chhan ber che chu kan pawl doctor ni turin a ni. Kan offer hi i pawm anih phawt chuan, Doctor lar leh hmingtha tak i ni zel ang. Chu chu thla khat lekah a dikzia i hre mai ang.. " a ti ta dap dap a. Bta pawn a ngaithla uluk kher mai. Mahse, a rilru erawh a buai hmel viau. Mi mawl a ni bik lo va, chuti maia amah rubotu te ring tue khawpa pa ngaihsam a ni hek lo. A ngawih vang vang hnuah, "Rilru siam thiam a va har awm ve. Inngaihtuahna hun min pe ve phawt ula.. Bakah in pawl chu rinngam in ni em tih te pawh" a ti ta a. Zonuni chu a lo nui sak. An rindan sa a ni hrim hrim a. 

"Ni e, hun chu kan pe dawn che alawm.. Mahse, i hawn hunah pawh rukbo i nih thu hi i sawi loh a ngai dawn a" Zonuni chuan a ti a. 

"Engvangin.. " a lo ti kalh. 

"Ka sawi tawh kha.. A ruk thei ang bera kal kan nih vang a ni. Chuan, kan pawl hi i rawn zawm ve ngei ka beisei.. " Nem deuh hian a lo ti a. 

Zonuni chuan a chhuahsan leh phawt. Bta erawh a thu ngawi reng. Eng nge rin tura rin loh tur a hre thiam lo. 

Emy chuan a mithmul sei sangah mascara a hnawih mawlh mawlh a. A hnawih zawhah ngun taka inenin za miah lo vin a nui sak. Zaninah Erica inah a kal dawn. A tihtur pawh a hrechiang. He mihring lunglian zet, a thinrim erawh hlauhawm zet si hian a hma ang khan a lo dawngsawng leh thei ang em.. A fanu tana a thiltih zawng zawng hi a thlawn leh si anih chuan dam reng a tum lo bur. Ni e, hremhmunah a chatuan hun a hmang tawh mai ang chu. 

Kawngka a kawng chiah tihin Zoliansanga lo lut tur nen an intawk chiah. An ding chawt ve ve a. An lungphu a rang dun nghal hle. 

"Chhuah ka lo tum mek a" Emy chuan a ti sap a. 

"Ka call tlang thei si lo che a, ka rawn kal leh tawp a ni" Zoa chuan a lo ti a. 

"Hun dangah a ni mai lawm tiraw? " Emy chuan satliah zetin a lo ti a. Zoa a nûr hle, "Hlupui, min hmuh i hreh tih ka hria. I tan engmah ka ni ta lo pawh a ni thei. Mahse, harsatna i tawk niin ka hria, puih che ka duh a ni. I lakah engmah beisei ka nei hran lo. A nihna takah chuan min phatsan vang khan haw hle tur zawk che ka ni asin" a ti ta khawl khawl a. Emy pawh a chhing sawk. 

"Buaina ka nei lo va. Harsatna ka tawk hek lo. Min puih i duh chu ka lawm. Mahse, ka inchingfel thei. Chuan min hua la ka duh bawk" chang fal hian Emy chuan a lo ti a. A insangruh nasa hle tih erawh Zoa'n a hriat a hlau kher mai. 

"Ok.. Anih chuan a pawimawh tawp anih loh chuan ka rawn lang tawh lo vang. Mahse, Dr Gosa thihna erawh chhui chhuah ngei ka tum ang" Zoliansanga aw pa zet chuan a ti thum ve ta chhak chhak a. A rilru a na hle tih a awrawl atang pawn a hriat. Engmah sawi leh tawh lo vin Emy chu a kalsan ta nghal a. A hnung atanga thlir liamtu mita mittui tling piau chu hmu na se chuan a let leh duh hial ngei ang le.. Mahse, mipa kha a ni miau a. 

"Dorothy, Emy chuan i chungah eng thil chiah maw a lo tih? " Dr Zira chuan a ti a. A hmaa thu Dory chu a melh ran bawk. 

Hnuailam bih ngar chungin, "Thil tam.. Ih, ka bo zan khan min rawn ruchhuak a, hmun pakhatah min khung a, dik tak chuan hmanruaa min hman a tum a ni. Mahse, eng ber nge ka hre lo. Kei chuan ka rin em vangin a thu pawh a kawi a ngilin ka zawm thin. Mahse, a fanu him nan lek min lo hmang si a.. Tunah chuan Emy tihchhiat bak damchhan ka nei tawh lo" A ti a. A thinrim hmel kher mai. 

"A fanu a? " Dr zira chuan a ti hluai a. 

"Aw a fanu Zochhingpuii.. A fanu a nj lawm ni? " Dory chuan a lo ti khauh

"Anih ka ring" Dr Zira  chuan a ti bah niaih a. A tarmit chu siamthain, "Engoawh nise, i lo kir leh thu hi chairman pawh hrilh a ngai ang. Mahse, Emy laka i rilru erawh tuma bulah i sawi tur a ni lo" a ti zui nghal a. Dory a bu nghat. 

'Min pui thei anh chu tiraw.. Emy tichhe tur hian". Ngenngawl zet hian a ti a. 

"Ka hre lo le.. Kawng a awm maithei. Kan thu i awih phawt chuan, he society hi kan thunun vek thei dawn a ni. I tihtur erawh kan lo ngaihtuah tha leh ang" Dr Zira chuan a ti ta a. Dorothy chu a thaw huai mai.

Doctor rual thukhawm awrawl chu a ring angreng hle. Dr Ramhluna a rawn ding chhuak a, "kei chu he thil hi a darh zau a nih pawhin keini lam hian kan thup mawi turah ka ngai. Dr Bta aia kan Hospital tana thawh hlawk leh hmingtha hi an tam lo viau ania. A thlavang kan hauhsak ngei tur a ni. Tin, Investigation neiin he thil thlenh hi a dik ngei em tih pawh kan chhui chhuak ngei tur a ni" a ti ta dap dap a. Thenkhat chu an lo bu nghut. Thenkhat erawh an ner hle. Eng chungchang tak sawi ang maw.. 

Bta clinic changtlung tak chhunga a patient hmeichhe pakhat mawi lo taka a khawihna video chu a lar mek a ni. Hmeichhe hmel chu chiang takin a lang a, Bta erawh camera hnungchhawn zawnga a awm vangin a hmel tak chu a lang lo. Mahse, a pianziaah chuan Dr Bta ni ngeiin a lang. He video hi a bo atanga ni 3naah a rawn darh hluai mai a ni. Tu tihdarh nge tih chhui mek a ni bawk. Cctv atanga lak a ang mah zawk. Chu pawh lo ni ta tehreng se, Dr Bta tihmualpho duhtu thiltih ni ngeiin a lang tho. A darh lo thei tlat. Tidarhtu an awm tihna a ni mai. A nupui pawh a chiái viau mai. A doctorpui tam zawk chuan huai taka ti niawm hrimin Bta an er rukna chu an lanchhuahtir nasa a, mahse, Senior Doctor rualho erawh alamah an tang deuh vek. Chung zingah Dr Ramhluna hi a tang na hle. A chhan chu Bta thian tha tak  a nih vang a ni. Mi thiltithei tak a ni bawk a, mi dang rilru sukthlek pawh a hruai kawi hneh viau mai. An meeting zawhah hawn mai tumin a motor lam a pan a, Dr Zira leh Dr Lawma rawn inzui phei mek te a hmuh chuan a tawi khawmuang a. 

"I haw nghal dawn em ni? " Dr Lawma chuan a ti a. 

"Umm ka tum deuh, kan nu a tha rai lo va, tun lai chu.. Duty loh kar hi chuan duat ve deuh a ngai" tiin a nui huah huah a. 

Dr Dinga chuan, " Bta clinic an kharsak dawn si chuan, Pu Lawm, i luah duh mai lawm ni? " a lo ti fiamthu a. 

Dr Ramhluna chuan, "An khar hlen ka rinh chiah lo. Amah Bta hi kan hmuh phawt a ngai anih hi" a lo ti a. An inkalsan ta hlawm a. 

Erica chuan a artui kan lai chu dahin a kawngka chu a va hawng a. Tun ang zan dar 8 hnu lama Emy hmuh hi a inring miah lo asin le.. 

"Teh thut a.. Eng nge ni ta? " a ti a. Lut turin a sawm nghal a. Emy chu pheikhai zang vahin in chhungah chuan a lut nghal a. 

"Ka thawng viau che em ni? " ngaihnobei zet hian a ti a. A khi sáng bawk a. 

"Thawng angreng. A pawimahw viau anih ka ring" Eric chuan a lo ti a. 

"Chaw ei phawt la.. " a lo tihsan a. 

"Ka ei tawh. Ka uite chaw ei duh lo tan sa ka lei hman tawh si lo va, artui ka kansak tawp anih hi' a lo ti ve mai a. 

Uite chaw a pek hnuah Emy bulah a thu a. An insi deuhthawh. 

"Englo a nia. Ka hriatna bo tawh ka nei kir leh mek a. Nang hi ka tan mi pawimawh tak i lo ni tawh thin em tih ka hre duh a ni. A chhan chu ka rilruah i lang tam tlat… " Emy chuan a ti sar sar a. 

Eric chuan meng phawk lek lekin, "I hriatna a bo tih engtin nge i hriat? " a ti ta khauh a.. 

"Dr Gos khan a thih hma lawk khan min hrilh alawm.. Tu nge ka nih tih erawh ka la hre thei rih lo. Buai vak ka hlau a. Ka ngaihtuah vak vak duh lo va" nem thlap hian a lo ti a. Eric chu a rilru a buai hmel angreng. 

"Emy, i tan pawimawhna ka nei ngai lo. Kan thawhho vangin ka lang tam mai mai a niang" a ti ta a. Emy chu a hnual deuh rawih. Mahse, intiphur luiin, "Kawng tam takah inanna kan nei asin. Mahniin kan cheng a, chhungte kan nei lo ve ve. Kan pawl tan theihtawp kan chhuah ve ve bawk. Anihna takah chuan kan mal hle a ni lawm ni? " tiin Erica hmai bul chètah chuan a ti ta a. A mitmeng nung sar chu a sexy kher mai. Eric pawh a lai viau. 

"Nia.. Mahse, heti tehthut hi.. A mak" a lo ti halh a.. 

"A mak em ni?  Min en dan hi ka hai i ring em ni?  Nuam tawl turin hun ka nei lo em a.. Ka hai der mai mai alawm.. Tunah hian hahchawlh ka duh a. Ka thlahlel hle a ni" a ti no ngher ngher a. Erica chak lohna hre tawhtu a ni bawk a, beiseina a nei sang hle. 

"Mahse, Zaninah chuan tihtur pawimawh lutuk ka nei a ni. Zochhingpuii kha ka enkawl turin an dah a. Inbuatsaih ka mamawh a ni" a ti ta a. 

"Ka puih theih che ka va ring em.. Eric, hei hi hria la ka duh. Saw nau saw i hnaih lutuk ang e. Mi danglam a nih saw.  I lo ngaina ve hman ange.. Kei pawh hian ka ngaina lutuk asin" a ti duah a. Erica rilru hruai kual chu a tum bur a ni tawp. 

"Hmeichhia anga nèm ka nih ve loh hi" a lo ti hluk a. Emy chuan  nui hawk chungin Erica mal chungah a ke a hlang ar ar a. 

"Inbuatsaihnan hun i mamawh ka ring lo.. Keimah min ngaihtuah reng phei chuan" a ti thawp sat a. Cho zet hian Eric chu a melh kar bawk. Eric chu a insum zo ta thlawt lo nge.. A che ta a. Emy hmui sen hiamah chuan duhthawh zeta fawpin a hnute chu a sâwk nghal tâwn tâwn bawk a. A kawng fek rât chu tham pahin, "Bawihi, ka riltamzia i hre lo ni maw.. I duh ang ngeiin le" a ti tham tuak a. Zo zeta Emy pawmin bed roomah a luhpui ta a. Khumah dim vak lo va nghatin a thawmhnaw chu a hlihsak ngjal bawrh bawrh a. Emy lah Erica tiphur tawk lekin a lo rum nghar nghar bawk, erica thawmhnaw pawh phelh vein saruak ngalngatin khumah chuan dim lo baksakin an inchen tawn ta a. Emy chuan Zoliansanga hmel mitthla chung leh a fanu tan a ti anih tih inhrilh nawn chungin nawmna nasa tak chu hlimpui tumin a si hliam hliam a. Ni e, nuam zawng a ti alawm.. Erica nen an mutdun vawikhatna a ni. A zawngchhang ang tih pawh a ring thiam nghal.. 

Dr Zira chuan a phone chu melhin lungawi loh hmel zet hian, "A va mak.. Erica chu aw.. Buaina a tawk chu a nk em lo maw le" tiin a phun bal bal a. A call a la thei tlat lo. 

A tawp nan a call leh a, a lo la ta mial. Thaw deuh hluam chungin, "Umm' a rawn ti tham tuak a. "I muhil e lo" a lo ti bung nghut. 

Emy nui sâng melh chungin, "Zanin chauh chu min hrethiam ve teh. Hahchawlh ka mamawh " Eric chuan a ti ta a. Phone chu dahin a chau ve thei lo emaw tihturin Emy chu a va pawm leh ta thawk a. 

Chairman dawhkana Dr Bta thlalak leh file let ram chu melhin, Zonuni chuan, "Kan hneh mai ka beisei. He video a en hnuah phei chuan" a ti sap a. 

Chairman chuan, "Ni e.. I hna va thawk  rawh le". alo ti a. Zonuni chu a chhuak zui nghal. Chairman pawh tho vin Zochhingpuii an dahna pindan a pan a. Vengtu pahnihte chu a lu a buk khum zauh a. A lut ta a. 

"Bawihi, i tha zel em? " a ti nem duai a. 

Zoi chuan meng phelh deuh phang hian, "Khawngaihin Ariana thlarau hi dah bo rawh.. " a lo ti nghal thâwr a. A mitmeng atang chuan mut a hmu vak lo tih a lang reng mai. 

"Chuan ka haw duh tawh bawk. Ka putea bulah" a ti chang leh fak. 

Chairman chuan nelawm zet hian, "Chu chu kan ti ngei ang.. Erica enkawlna hnuaiah i awm dawn a. Mipa tha tak a ni a. I him ang. Ariana chungchang chu ka lo ngaihtuah ange" a ti a. 

"Emy eng nge a an? " Zoi thusawi chu a dik lo emaw tiin a va melh kâwk a. A lo melh kar si. 

"A tha in ka ring.. " a ti tawi tak a. 

"Tha rawh se.. Engkim ka hre tawh alawm.. Thudik.. Emy huatna ka nei tawh lo" a ti ta a. Chairman chuan hriatthiam loh a nei ta nual. 

"A that nasat chu. Ka lo hrilh ang. A lawm viau ang.. Chuan, ni 7 hnuah i chhuak thei tawh ang. I pa pawh i hre tawj ang' a ti a. Zoi chu a bu nghat ringawt. 

Chairman chu a chhuak a. Mahse, inhnuai lam a pan. Corridor thim zet a zawh hnuah pindan a lo awm a. A inkalh bur mai. Thawm a reh hle bawk. Code chu a hmet mawlh mawlh a. Thir kawngkhar chu a tawlh ruah ruah a. A ring hle. A inhawng ta. A thim viau bawk. Chairman chu kawngka bulah chuan dingin, "Biak che ka duh a ni" a ti ta a. 

Pindan kil thim atang chuan, rum nghut thawm a lo ri chhuak a. 

"Arianna thlarau hi chawl tawh se ka duh a ni…" a ti a. A chil a lem khawlh a. 

Zawi leh fiah tak si hian, "A chhan chu I fanu a tithlabar hle a ni.. " a ti ta a. 

(Hei assignment kan ziak tawh ange. Hmelthaho.. 😍😍