Thlarau thuchah 4

THLARAU THUCHAH..!  (4)

Ziaktu: Toni Ralte

Tukthuan  a ei kham chu a online ve zuai a,chawlh a ni bawk a, vawiin chu a room chinfel a tum nghe nghe.  An department goupah lutin  a chhia thla zel a; Nu Rami a tih mai thin chuan, hmeichhe tleiawl hmel chhe lo tak thlalak hi a awn up a. A hnuaiah, “Ka fanu thiannu a nia, nimin piah mai khan exam chawlh lai tiin bazaar pahin a awn zin ve a nia, tukinah a muhil an kai tho zo lo a nih chu! Amah hi Lunglei Bazarveng a nia, a ruang hi an phur phei ang. Ka lainat em mai. A hmel tha si” tih hi a ziak bawk a. Azeli pawh chuan thlalak chu a melh vang vang a, a la naupan hmel si, a uiawm a ti khawp mai. Mahse, hna a nei si a, phone chu dahin a room chingfel tur chuan a intintuah tan a. woofer-ah Rc Chhangte Run thawnthu chhiar ngaithla pahin thawmhnaw te chu a thlep fel mawlh mawlh a. chutia tui ti taka a hna a thawh mawlh mawlh lai chuan, a thil play lai chu a rawn tawp thut mai. A net chiankuan  loh vangah ngaiin a  in load leh hun a nghak a, mahse, thawm dang daih a rawn ri ta a.

Tui luang ri niawm tak a ri her her a, hah thaw hluam hluam in a pawlh bawk. Chutah fiah lo ruai hian, “Min pui rawh” a rawn ti ta a. Hmeichhe aw a ni. Azeli chuan a ngaichang ran a. Tui luang ri niawm tak chu a  reh a. Tanpui ngai em ema chiau vawn vawn thawm a rawn ri ta mai. Rang zetin a phone chu a la a, a youtube ngaihthlak lai video chu a var pup ringawt. Home button a hmeh rualin tukina Nu Rami thlalak rawn up ngei mai kha a wallpaper-ah a lo lang va mai nia! A phone a thlauh tawp. Ni e, ngaiah a nei thei dawn lo a nih hi. Thlarau hi a ngaina lo a ni.

A phone chu chhar tawh lovin choka lamah a luhsan daih. Tui a va in teh ngawt a! chutah a hnungah ding an awm ve tih a hre zui nghal. A maimichhing vang vang a. A tawngtai ru bawk. A in her a, “Eng nge i duh?” a ti  ta a.

Chu tleirawl hmel chu a dam lai hmel nen danglamna a awm lo. A ngui deuh tih mail oh chu! Chutah a ngik ta faih faih a.A mittui  pawh a lem  a ni lo.

“Ka thi tawh tih hi ka awih thei lo. Thih ka la duh lo asin. Hmabak tam tak ka la nei ve asin” a ti tap tuau a. Azeli chuan lainat zetin a lo thlir reng ringawt mai.

“Muhlum angin min la sawi zui. Ka muhlum lo, min that alawm” a ti leh a. A awah chuan ngenngawlna a lang chiang kher mai. 

“An that che maw”? tu ten?” a lo ti vat  a.

“Aw, ka nuteii ngeiin min that a ni” a ti ta mai.  Azeli a phu zawk.  A tiril a khur der der mai.

“Engvangin?” a ti sap a.

“Thikthu vang mai mai lehnghalin..a bialpa lakah min thik alawm” a ti a.

“Khawngaihin sawi chiang deuh teh” Azeli chuan a ti ta a.

Tleirawl chu a thu a, thu tihah cushion   leh a mawng pawh chu insi angin a lang lem lo.

“Lalnunpuii ka ni a, Nimin piah khan ka rawn zin a, ka nuteii te  hi an nufa nen chuah an awm a. Amah hi heta hna thawk a ni. A fanu hi kei aiin kum 3-in a naupang. An inah ka rawn thleng a; boruak danglam engmah a awm lo. Ka thlen zan paw’n a bialpa chu a lo leng ve reng, fb-ah kan lo inbe ve thin a  lo nia! Chutianga ngaihzawng lam pawn kan inbe lo. Amah hi chuan ka number te min dil a, mahse, ka pe lo. Ka nuteii mitmei ka ven vangin ka sawi chhuak lo hrim hrim. Amah zawk chuan kan inbe tawh tih chu a lo sawi a, mut tawh hnuah nuteii chuan  min zawt a. Anihna angin ka lo hrilh ve mai a. A huat pawh ka ring lo.

Chuan niminah kha chuan ka la cham rei dawn tho va tiin ka chhuak lo va, an in te ka tihfaipui. Chhunah a bialpa chu a lo kal leh a; thingpui ka lum laiin chokaah a lo lut ve a; “I nuteii sawn a thik che a” a rawn ti a. Puia nen hian goup pakhat atangin kan inhria ti ila chuta tanga inbox-a min lo bia a ni. A lerh ve reng reng niin ka hria. Chutia kan ding dun lai chu nuteii chuan min lo hmu fuh leh kher bawk nen, a tum ta bur reng a. Nuam lo ka ti khawp mai. Zanriah kan ei laiin, “Naktukah haw mai la a tha ang” a ti a.A fanu Mami nen a ngaihna kan hre lo kher mai. Mahse ,min thik vang a ni tih ka hrethiam ta  a. Mami awm loh laiin, “Nute, i rilru tihah duh suh. Bialpa ka nei ve reng alawm. U Puia nen chuan thian ang bakin kan inbe lo” ka ti a.

“I hrethiam lo anih kha, he pa lerhzia hi ..keimah ang hian i talawk ve ang tih ka hlau alawm” a ti a. ka lungawi lohna pawh a reh chawpchilh nghal. NUteii hi Mami pa nen hian an innei lo va, a sawn a nih mai chu..bialpa nghet deuh a nei thin a; inneih hial pawh an tum laiin chu a bialpa chuan  hmeichhe dang lakah sawn a lo thlaksan daih a. A tuar hle nhghe nghe. Chumi hnuah Aizawlah rawn awmin, Puia hi a tawng leh a, an inzui rei ve tawh viauin ka ring. Chuvang chuan a hauh na hle a niang. Engatanmah ka ti  tawp si lo.

Zanah Puia pawh a lo leng ve  leh a, kei erawh ka inthlahrun tawh avangin Mami nen roomah games kan khel daih. An inhnial thawm niawm tak pawh kan hria, keimah vang ni lo hram se ka ti  khawp mai. Puia chu zan hmasa aiina  haw hma nghe nghe. Kei hi Mami roomah khum ruak pakhat  awmah ka mu ve mai. Ka muhil hma angreng, mi harhvang tak ka ni lo va, ka mu nghet thei lutuk. Ka mumangah thimah hian ka lo awm a; ka thaw hi a lo ippik khawp mai. Mak deuh maiin ka thaw chu a chham titih  ta mai a. Mangang deuh hian ka invai vak vak mai, ka harh ta hlawl a! ka nuteii ngei mai chuan lukham hian ka hmaiah a lo nem ngat ngat mai. Ka au chhuak thei si lo, Mami khum lam chu ka va melh tawk tawk a; ear phone a vuah a, a mutthilhsan a niang, a harh thei der si lo. Ka ke ka leng vak vak a, ka tlin dawn ta lo tih ka hria; ka nuteii mitmeng huatnaa khat chu ka hmu hla tial tial a. ka nunna chu a tawp ta a ni.

Ka thlarau a chhuak zui nghal a; ka nuteii chuan ka mut dan te chu siamremin, damdawi mum var tam deuh hi ka mutna bula stool an dahah chuan a chap darh niaih a, chhuatah pawh a dah nuaih mai. Ka ban chu khum atangin a dah thla a, ka lan danah chuan over dose-a thi ka nih duh hmel  lutuk. A ngaihtuah kim khawpin ka hria. Chutia a chetna lamah khum banah a inchhuih palh a, a rik dawt a vangin mami pawh chu a che ta  hrut a, ka nuteii chu rang takin khum hnuaiah a tawlh lut nghal. Mahse, mami chu a tep chuap chuap a, a saisir thawk a, a muhil zui leh daih. Ka ruang chu kalsanina  va mutsan ta  a. Zingah min kaihthawh tum niawm takin a rawn lut a. Mangang deuhin a rak ta nghal a nih kha..

Thenawm khawvengte an lo lut khawm a, ka khum bula damdawi an hmuh vang chuan tuman thah ka ni tih an ring lo. Nuteii leh Mami an tap nghal a; ka thin hi a rim ngawih ngawih. Nuteii chuan tap tuau chungin ka nute a call ta a.

Ka thih thu chu a hrilh a, ka nu hrilhhai tur hmel ka mitthla phei chuan bang ka chum vak vak ringawt! Engmah ka khawih thei si lo. Thenawm bengvar deuh ten post-mortem an sawi rik chuan, “Ka fanu ang ve tho a nia, a mualphothlak em mai. Damdawi a tihna hi a lo rei tawh a niawm a, A OD tihah hian tawp mai rawh se,..” a ti a ni. Damdawi hi ka piantirh ata vawikhatmah ka la rui ngai lo, ruih tumna lah ka nei hek lo, damdawi OD ka nih chu ka nute pawn an ring ngam ta lo reng a. Mahse, ka nuteii fin kherekzia chu, “Ka u, in hre lo mai mai alawm, Nunpuii nen hian kan inbe nasa a; hman deuha a bialpa nen an inthen atang khan  a rui thin alawm. Ka thiam ang angin ka zilh ve thin, mahse, a zawm duh si lo va; in bula sawi hi ka tum fo; mahse, in rilru a nat dawn em vang leh a la sim ve mai ka beisei avangin ka ngawi ta zel a ni. A pawi ngawt mai” tiin a tlip leh thlap a ni..

Min ngai leh duat ber niawmin a tap reng a, ka ruangte chu a kuah vel thul. Min hmu thei ngat se chuan ka rapthlak  ngawt ang. Tunah ka ruang  an phur phei mek a, Thenzawl  an la thleng lo deuh.  Ka chhungten ka thihchhanah  damdawi OD anga an han ngai tur ka ngaihtuah hian na ka ti a, an zak dawn bawk si. Ka khawngaih em a ni. Khawngaihtakin thudik hi min fiahsak rawh” Thlarau chuan a ti   ta mawlh mawlh a.

Azeli chuan rapthlak a ti hle.

“Mahse, engtin nge hma ka lak ang?” a ti a.

“khawngaihtakin ka nu min biaksak  la, thil awmzia  hi min hrilh sak  rawh..” a ti  a.

“ Mahse, ka thusawi an awih dawn hauh lo a nia, thlarau ka hmu tih hi awih an awm mang hleinem” a lo ti  a.

“An awih theihna tur thil kan ti mai dawn nia” a ti  a.

Azeli  chuan a phone thlauh  kha a va la a, Nunpuii number sawiah chuan a call ta a. An buai deuh aniang, an la thei lawk lo. Mahse, a tawp atawpah Nunpuii pa zawkin a lo la ta  a.

“Hello, ka pu, Thu pawimawh tak sawipui che ka duh a . Nunpuii thih dan chungchangah” a ti  nghal tawng a.

“Aw, eng nge ni ta “ a rawn ti a. A awah chuan  biak a huphurhawm angreng. Mi chhiat tawh  lai laia va biak buai chu Azeli pawn  nuam a ti vak lo. Mhase, Nunpuii chuan a ngen sek sek si.

“Englo a nia, Azeli ka nia, i fanu Nunpuii  thlarau  ka bulah a awm mek a ni” a ti  hmiah. Nunpuii pa chu a ngawi  reng.

“Ka pu , i awih lo maithei, mahse, thlarau ka hmu thei a ni. I fanu hian a thih dan dik tak hre turin a duh che u a ni. Damdawi a ti ngai lo va; A OD  hek lo. Lukham hmanga up hlum a ni e, a thattu pawh a nuteii ngei a ni” a ti  ta zung zung a. An awih dawn lo tih  hre mah se, sawi zawh zung zung hi a duh dan a ni.

“Min lo hrethiam la, chutiang ka ngaihtuah hman lo tlat ..heti ang fiamthu hi tunah chuan ka nuihpui  chak lo ve” a tih  hnuah a dah hmak. Azeli ai mahin Nunpuii a lo hrilhhai zawk.

“Ka sawi kha, tuman min ring lo” Azeli  chuan a ti sap a.

“Ka u min call sak  leh hram rawh” Nunpuii chuan a ti a. Azeli pawn thuawih  takin a call ve leh  mai.

Mipa a ni a, a puitlin hmel viau ,apa bula a sawi bawk kha a sawi  leh a. Ani chuan a lo ngai thutak  ta  deuh.

“Thianpa, min hre ngai lo va, ka hre ngai bik lo che. Mahse, i nupui hual hming pawh Sangteii a nih kha tiraw? Sangteii chu zohnuai a mi a ni a, a pa pawh Pu  Dingliana...chuan nang pawh Agriculture department-ah i thawk bawk. Tikhan i  nau nen kan awmdun  tih i ring thei  tawh  em?” Azeli chuan a ti  ta bawrh bawrh a.

A rawn thaw hawk mai. Thil tam tak an sawi  dun ta a. A farnu ruang chu Lunglei lamah Postmortem tura a  pa te a lo sawipui tur thu a sawi thei  ta. 

Zanriah a ei khamah an thenawm lawka Library-ah lehkhabu a va hail eh a, a hawng a, snacks ei chungin lehkhabu chu a chhiar ta a. A ngaihtuahnah a lut thut nge, a phone phawrhin whatssappah a lut a. Nunpuii chungchang post chu a chhiar ta  hlawm a. Tuman a thih chhan  dik tak an sawi ngam lem lo, intihmualphona a nih ve deuh vang a ni mahna..A muhil an kaitho zo lo tih chu a ni mai e. Amah hria leh a thiante ni ngeia lang ten mak an tih  thu leh mi rin ruk dan Damdawi a bar nasat vang tih  erawh chu an awih loh thu leh damdawi a tih ngai loh thu an sawina  miin an ss , an post chhawn pawh a hmu. Khawvel chhiat tawhzia leh Tualthah kan hreh tawh lohzia ngaihtuahin a ngawi vang vang a. A phone  a rawn ri thut. A phu chiang ngang mai. Nunpuii u a ni.

“Kan buai a talangin ka lo be hman tawh lo che a, ka nau chu kan post-mortem ngei a, i sawi dik, a kawchhungah eng damdawi mah hmuh a ni lo, forensic report a  a landan chuan..engmah hmuh a ni tlat lo a ni. Ka pa  nen nichin khan kan sawi  dun a, rin che kan  duh khawp mai. Mahse, a thattu nia i sawi hi ka nuteii a ni miau si a! chhungkua kan inmualpho mai dawn chu a ni si a! ka nu erawh a rilru a nat kan hlauh  em vangin kan hrilh lo. Hmalak thiam a har hle mai” a rawn  ti  a.

Azeli chuan, “Nia, kha lam kha chu in thu a ni e, amah Nunpuii hian a thih chhan dik tak  hria ula a duh a, OD anga in hriat kha a duh lo bur a ni” A ti a.

“Ka nu mawlh  hi a ni. Engtia  han hrilh chi nge mawni  dawn le?” Nunpuii u  chuan a ti leh a. Azeli  tan pawh inrawlh ve vak kha nuam a ti chiah si lo. Sawi  tur em em pawh a hre lo.

Nunpuii pa leh a u erawh an buai  dun viau, an fanu leh  farnu chuan a dikna chanvo hmu se an ti  si, lehlamah an chhungkhat a ni bawk si. Amah lah a tap nasa ber berah a tang a. Rinhlelhawmin a  awm lo hrim hrim. A that ngei em tih fiahna an nei hauh lo lehnghal. Nunpuii nu hriat lohin chhungkhat chu an inrawn khawm ta  a. Report  thehluh  ve hrim hrim chu an fanu thlarau pawh a zahawm tiin an ti  tlu ta a ni. Report an thehluh  hnuah chauh anu chu an hrilh ta a. Anuteii vel chu engmah an hrilh chuang lo. Aizawl lam  Police ten investigation nei  tanin  anuteii te nufa pawh  thu an zawt  chho a. Zinga an kai tho tur thia an hmuh thu bak sawi  tur an  hre lo. Nunpuii Thlarau  pawh chawl hahdam thei lo vin  Azeli  chu a hmu leh  ta nge nge a. 

Azeli  chuan Police  ho hmaah Nunpuii thih  dan kimchang chu a puansak leh  ta a. Awihsaktu a nei leh  ta lo. Mahse, investigation kal lai a ni bawk nen, Anuteii bialpa Puia pawh chu an ko ve ta a, an inbiakna  te  bakah NUnpuii thih zana  a nuteii nen an inhauh chhan te an zawt  tan a. A tirah a tang naa an dawp  thiam bawk a, khamizan  khan Nunpuii nen inbox lama an  inbiakna  kha  Anuteii chuan a chhiar a, a thinrim chho ta a ni. A thik a, engmah Nunpuii nen inzawmna nei lo mah se, a fanu chu a hmumawh  tih pawh PUia chuan a sawi  ta  hmiah mai.

Nunpuii Nuteii ko lehin Nunpuii  khum bula  damdawi  kha  khaw nge a thehthang tih an zawh  chuan a meng buai  nghal a. A paih tawh  thu a sawi. Rang takina  bawlhhlawh  bawm an va en a, a lo awm lo. Anuteii chuan  bawlhhlawh  paih motorin a lak  tawh  thu a lo sawi a. Nunpuii  thih sarhu laia va leng lut ho an bekbawr  ta a. Ruang hmu hmasa pawl tak an thenawmpa  chuan damdawi chu a hmuh ve ngei  thu leh Nunpuii nuteii’n a ruhkhawm thu leh bathooma a luhpui  thu a sawi ta a. Comode-ah a thlak  a nih an ring ta. Kha damdawi kha  eng damdawi nge  anih hre  thei se chuan tih dan dan a la awm tur. A in dap phalna an la ta  nge nge a, roomah lutin Nunpuii ruang  mutna bul vel chu ngun takin an  han  dap a, a lo tihfai  vek tawh vangin  eng em em an hmu lo. 

Mahse, Police an beidawng  duh  tlat  lo. Khum hnuai  kil zawng  zawng an dap a, vanneihthlak  takin khum ban leh  bang  inkar  nihawichi khehna them pahnih khat  karah damdawi mum var  te  takte  chu an hmu  ta hlauh  mai le..mahse, Anuteii chuan  chu damdawi  chu Nunpuii ei ang a nih loh thu a lo sawi leh  tlat ! An thenawmpa an han hmuh vet hung a, ani chuan Nunpuii khum bula a hmuh nen a intiat  thu a lo sawi  thung. Anuteii chuan a kal damdawi a nih thu  leh a la kawl thu a sawi a, a damdawi kawlsa chu  phawhtirin a chanve aia  hniam a lo la awm a. Engtika a lei nge  tih leh a receipt an dil a. A che buai  chho  tan. Receipt –a a land an chuan Thla tir lam ni 4-a a lei a ni a, ni 15 velchu a liam tawh, mahse, a mum zat  chhutin ni khata  vawi khat ei tur  nisi  kha a bang  tllem  mah mah a ni. 

Police in Nunpuii Nuteii chu lain, dawp  tak takin an  dawp chho ta  a. Puia hming  an lam rik  tan  takah  chuan a insum  thei  ta lo va. A inpuang  ta a ni. Nunpuii chuan a dikna chanvo chu a hmu  thei  ta.

Nunpuii avangin Azeli  chu  mi nawlpui  hriat a lo nih phah ta  hial a! a lawm vak lo. Chutiang zawnga  lar  chu a zahthlak a ti  tlat! Mahse, a thunun  thei  miau si lo  va.

Zan khat phei  chu msg mak  deuh a dawng  nawlh, “Ka nupui thlarau hi min  koh chhuahsak  thei ang  em?” a rawn  ti  nia! Huiham..