Senpai

SENPAI…! 

Ziaktu: Toni Râlte

'"I thi emaw i dam emaw, ka hmuh phaka awmtir reng tur che hian theihtawp ka chhuah ang"... 

senpai.. 

HMINGTHANSÁNGI.. 

Kan in ka lut chiah chu ka ui duatlai, Jecky chuan min lo vir leh vut vut a. A eitur ka hawnsak chu ka pe nghal. 

"Nu, ka chau sia, ka inbual anga, ka mu mai dawn" tiin ka nu eirawngbawl lai chu ka bia a. 

"Chau ve thei siah, umm va mu hahdam rawh. Phone te kha khawih leh reng lo la" a ti a. 

Nia, vawiinah ka thiannu te insaknaah ka va inhlawh ve a, rora te ka va chhut ve hrep kha. Ka inbual pah chuan ka zai rát rât a. Hlawh ka lak veleh eitur tui tawk ka lei ang tih bak ka ngaihtuah lehpek lo. Ka inthlak fel hnuah chau zetin khumah ka mu a, ka mut a chhuak nghal nguai mai. Ka muhil ta bawrh bawrh a. 

Hmingthansangi ka ni a, Asang tiin min ko thin. Ka nu ho vin ka û mipa te nen kan hmeithai mèk a ni. Ka pa erawh nupui fanau neiin Venghluiah an khawsa a. An nu pawh a la naupang viau. Kan intlawhpawh vak lo naa kei hi chu min duat ve bawk a, eng emaw hi min la tihsak ve reng. An inthen khan kum 16 ka ni ve tawh a, ka hrethiam lo khawp mai. Ka pain sâwn a thlak miau si a, an office a thawk ve nula ngat lakah a la ni zui!  Ka nu tan khan a na viau ang. Ka pa in ngaihdam dil mah se, kha nu khan a rawn zar buai ve reng bawk nen, puitling takin an inthen ti mai ang, kan in erawh kan chang ta a. Ka pa leh a nupui chuan venghluiah mi in an luah a, hlawh nei ve ve an ni bawk a. In hmun te leiin tunah chuan in tha tak an nei tawh. Fa pawh pahnih an nei. Ka pa hlawh kan cut ta bawk a, rethei bakberh lutuk chu kan ni lo. Mahse, khawsak erawh kan tisang viau thei lo. Ka nu hian pasal dang melh tawh lem lo vin ka û nen min tulpui ta thak a. Ka zah a, ka ngaisang bawk. Ka û hian tunah Electric department-ah a nghet lo vin hna a nei ve mek a, kei erawh College ka la kal ve a, kumin hi ka final kum a ni. Holiday leh weekend-ah hi chuan ka inhlawh ve thin. Vawiin pawh a remchang em a tiin ka thiannu te in sakna lamah ka va inhlawh ve kha a nia. Ni a sa deuh bawk nen ka chau viau. 

Ka pa ka chhun a, ka  te lem lo. 5'5ft ka ni. Ka thau lem lo naa cher chhia ka ni lo bawk. Ka nu hian fitness hi a ngaipawimawh bawk a, zing dar 5ah min kai tho zat zat a, kan in hnuaiah ka work out thin. Ka kawng a fek a, ka mawng pawh a khal ve pangngai, ka hnute erawh a te lam hret. Ngo lutuk tia sawi theih ni lo mah ila, ka hang lem lo va, ka duhtawk viau. Make up ka hmang har a, a thiam pawh ka thiam vak lo. Ka hmai a tung lam a ni a, ka mitmeng a zau lem lo. Hmel tha tak ka ni hran lo naa nula ve apumpa chuan bemtu ka hmai bik lem lo. Mahse, ka mizia hi harh leh ninhlei chi, a phawvuaka lo chiau ve chul chi ka ni a. Ngaihzawng pawh pakhat bak ka la nei lo. Star kumhlun ka nei thin a, mahse, ka phu hlawl lo va, ka ngaihven duh lo lui. College ka kal atangin make up ka hmang ve tan a, nasa in ka hmang lo. Ka thiam lo ka tih tawh kha. Inchei ka thiam viau lo bawk. Ka nu ka la rawn reng thin. 

Au Mama hi keima letling chiah, ze zawi deuh, tawng tlem fahran, a pa an tih ang chi a ni a. A hmel pawh a chhe lo. Ka nu hi nu hmel tha tak a ni a, ka pa khan engtin nge a lerhsan theih zawk aw ka ti fó. Mahse, nèk rengtu nula lehnghal chu a hmu tai lo thei bik lo aniang e. An inngaizawng tia sawi thawm kan hriat rual deuhthawin a rai thu kan hre nghal a. Ka nu chu a pawr hluai lo naa na a ti tih ka hrethiam ve. Kha nu rai hnu thla hnih thleng kha chu kan la chengho, ka nu pawn zawl a dawh hram hram. Mahse, kha nu khan a rawn be reng a, office lamah a kar peih bawk si. Ka pa pawn khawngaih loh theih loh chin a nei ve a. Ka nu nen ngun taka sawi dunin inhauhna leh indeuna awm miah lo vin felfai takin an inthen tawp mai a ni. Vawiin thlengin ka nu hian ka pa a demna awka a la chhak chhuak miah lo. Nu mak tak zawng a tling ve e. Kan inah puanthui khawl a kawl ve a. A inthui thin. A hriselna atan a pawi theih dawn vangin kan phalsak ta vak lo va, mahse, in nghah pahin eitur a siam a. Chhunah a zuar thin. Kan vengah a hralh zo vek zel. A eisiam a tui thei bawk a. 

"Naute, harh teh, chaw ei dawn hnai ang u. I u inbual zo se" ka nu chuan min lo kaitho va. Phak chualin ka tho. Ka ban a râwl thûm mai. Ka u inbual zawhah zanriah kan ei ta a. Ka nu nen kan titi leh char char. 

"Asang, hmanhmawh teh" kawt atangin ka thiannu Rampuii chuan a lo ti lawng lawng a. Hmanhmawh zetin class kal turin kan chhuak ta a. Kan thianho hi pali kan nia, kei aiin an hausa vek, an hmel pawh a tha vekin ka hria. Rampuii scooty hi ka ta neih ve tawp! Ani hi chu higher atanga inkawm tawh kan nia. Kan veng a inang bawk nen, kan la inthlah lo hrim hrim. Ka thian dangte pahnih chu Rinsangi leh Linda te an nia. An veng a inang ve tho. Linda te hi an hausa zual a, a changin car a keng a, a changin scooty. A û hi Rinsangi leh Rampuii ten an star khat tlat!  Nia, a sexy! Mahse, tlangval senior a nia, Doctorate Degree nei pha ngat a ni. A hming chu Zodingliana a ni a. Chanmari-ah sawn veng hulum lai taka building lian fahranah a cheng a, Apa hian hna sang tak thawk turin a beisei a. Mahse, a tui zawng a ni tlat lo nge, a pa beisei loh dan deuhin a awm ta daih a. Linda sawi dan chuan, apa hian tuithlar lo mah se; an inbe thei lo achha a ni. Chuvang chuan tuna a awmnaah sawn kum 3 liamta khan a indang ta daih a. Saw building saw apa pa a pu in a tana a dah kha a ni hrim hrim bawk a. A duh dan ang ngeiin sumdawnna bul a tan ta a ni. 

Gym a nei a, a lûn thei mep mep viau. Body builder a rawih te lah professional thah an nia, a hman man pawh a tlawm hran lo. Hmanrua a nei chikim bawk nen. Gym room epah dancing hall a awm bawk. Lam zirna hmun chu zing leh tlaiah an hmang a, Dancer thiam tak ten an vil hneh viau. Chung room pahnih te chungah 'I tan' tih dawr a hawng leh a. He dawr hi a mak angreng, Mizoramah a la mikhual lek lek. Mahse, siam erawh an awm ve tho. Ani chuan a tichangtlung bik a. Nula tlangval inngaizawng, chance duhte tan cabin hawh tur a awm a. Hotel aiin a nuam a, a tlawm bawk. Thianho inkawmhlimna, hunawl hnawhkhahna tur hmun a awm leh a, Game khelh tur lah duhthusamin a tam. Mahni tea movie en duhte tan hmun a la awm chèu bawk, tin, depression nei emaw mahnia hun fianrial hmang duh te tan hmun thawveng, nuam si a awm lehzel a. Restaurant lian vak lo a awm bawk. Engtik lai pawn chu room chu a lûn reng mai. Thenkhat tan nupui pasal zawnna a ni pah fawm a, hman man a to uchuak si lo. An eitur siam a tui bawk si. Linda û hian thluak a nei tha ka ti tawp. Building chung ber erawh ama in a ni thung. Linda te nen vawi hnih chu kan kal ve tawh a. Mahse, a û awm loh lai a ni thung. 

"Saw a lo kal" Rampuiin a ti sap. Ka hawi chhuak a. Ka star ruk ngawih ngawih, ka chan phak si loh Michael a lo nia!  A hmel hi a va tha tak. Linda uang kual vel chuan Michaela hmaah tak min nam chhuak a, kan inhmachhawn ran mai. Ka zak lutuk chu ka sen vek ang ka ring. Engahmah min ngai lem lo tih hriat zetin min kal pel zui daih. Linda te an lo nui kur kur thung. Ka va ngei tak. Kum 3 ka star tawh. Ka star tih erawh a hre lo vang. Sawi ka phal tlat lo va. 

Ni dang aiin kan bang hma a, Rampuii ten an sawi leh reng vangin, Linda û dawrah kan kal leh dawn. Vawi khat chiah a û hi ka la hmu a, hmel tha ka ti tho naa ka star kumhlun a tluk lo tlat!  Bakah thiante star rawn lo star ve chiam kha ka chang dawn chuang lo va. Ka peih kual lo. Stepa kan tlan lawn chhoh zawt zawt lai chuan, A û lo chhuk mek nen kan intawk thut. Kan ding chawt hlawm a. 

"Bawihsuk, I va rawn kal khât ve" a  kekawr ipte zen chungin a ti sup a. A chhuak dawn anih hmel, a smart tlat. 

Rinsangi leh Rampuii te insik ru nawk nawk chu ka nuih tut tut. 

"Nia, hei ka thiante hian an hmu chak che a" Linda tehreng hi chu aw. A mawl siah. A phawk èm èm a, a frank ropui si. An hausak vang hian a chapo miah lo bawk. 

"Ka tel ve lo ania" ka lo ti thawt thawt. Zodingliana chuan min rawn melh zawk. A nui suk a. 

"Thil han ei ula, haw nghal ru, haw tlai loh tur aw. Ka chhuak lawk dawn" a ti a. A kal zui nghal. Sang ka intih ve nen a lakah chuan ka te rawih rawih mai. Ho em mai a. 

Thil kan ei leh nghek, mi vir ngang kha kan nia. Linda chu Rami leh Rini te chuan an hau char char. Ani lah chuan a thil ei hmuam tûn chungin, "Nge in hmu chak ni lawm ni? " a lo ti a. Ka ngawi reng thung. 

Zanriah kan ei laiin ka nu chuan ka u chu nupui nei turin a nawr a. Tu hmel hmuh a chak hian a nawr ve ziah. 

"Bialnu pawh a nei ngawt ngawt a mi? A zei awm lo si" ka lo ti a. Ka u a nui suk. 

"Nei ve maithei asin. Hmanniah Thartean a sawi zauh alawm" ka nu chuan a lo ti ve a. Thartea chu ka u bestfriend a ni. 

"Tu nge " ka lo ti vat. Ka u lai hmel chuan ka nuih a tiza tawp. A nui pût pût ringawt. Mawl siah. 

Lehkha ka zir zawhah groupah kan nawi leh chiam. Michaela number hi ka nei ve reng, ka be ngam ngang si lo. A dp hi ka en ka en ringawt zel. A chhe lo ve em a ni. 

"Asang, Michaelan sas a nei" Linda chuan a rawn ti a. Ka na ve zawk thei mawle.. 

A bialnu pic a rawn up nghal. Huizz, chhe lo tak a ni. Chhe lo tak. An inhmeh ngawt ang. Ka cho phak rual a ni si lo va, ka chantawkah lungawi tum mai teh ang. Ka mut pawh a tui teh hrep lo ve a. 

Class kal pawh ka phur lo. Ka zawi ve hnawk thei mawle.. Michaela baskket ball khel chu ka thlir ru reng ringawt. Chawhnuah Rampuii a damsam lo deuh a, a haw daih. Kei erawh class ka la nei si a, attend hram ka duh si. Ke in ka haw tawh mai ang chu. Kalpui pawh nei lem lo vin ka kal ngâwk ngâwk a. Ka kal chak thei lutuk hi min nuih thin. Ka fit èm alawm.. Haha.. 

Awiii, mahse, Michaela te ka tawk dawn. A bialnu nen khan an ni nghe nghe, ka star tih hre lo mah se, ka zah ru em em si. Ka va tawk hreh ta em.. Dawr hlir a intlar phei sia, penkawina mai tur ka hre si lo. Kun deuh dûkin ka kal phei a, kawng a chèp angreng sia, electric ban emawni a lo awm kher bawk nen. A bialnu nen kan insu chawrh mai. 

"Kawng en ta che.. Mawli" a ti nghal tuar a. "Ka tihpalh lutuk" ka lo ti vat. Rum zetin min melh rám rám a, a lungawi lo kher mai. 

"Mawl lutuk mai"a ti leh hlak a, ngaihdam ka dil nawn leh lai tak chuan ka darah kut dam zetin a rawn vuan a, "Bawih, titau tawh lo teh.. Ehe!  Michaela te chu.. Khaw nge in kal dawn" Ka meng phawk ngang mai. A rimtui zia chu. Zodingliana, Linda û ngei a ni. Ka khawng lo chauh. 

"Hei kan bazar a, kan haw dawn mèk.. He nu hi i hria law? " tiin Michaela chuan min rawn melh a. 'He nu' min ti chu ka la na tawp. 

"Ka bialnu thar a nih hi.. Hei i sas thar kha mi? " a ti zui zat. Hmela chu.. A va che masak e.. Michaela bialnu lah chuan mit tla lo chauhin a en mawle.. Michaela thung chuan min melh kual nasa. Ka ngawi reng, tawng tuma ka an lai takin, "Kal ang. Sawi tur kan ngah kha" tiin hmalamah min kal pui hmiah. Kan insan hleih ang reng sia, pafa niawm kan ni. 

ZODINGLIANA.. 

Ka thiannu Vasty te pangpar dawrah ka awm a. Ka dawra hun thar tur ka en kual mek a ni. Pangpar mawi ka hre ve lem lo naa, Vasty hian min thlansak mai zel. Ka dawr nena inchawih zet a thlan chu a man ka pe fel mek tihin pawn lam ka va hawi chhuak chu, nimina ka dawra ka nauin a rawn kalpui zinga ka mit la deuhtu kha ka va hmu a. A hmaah ka thianpa nau Michaela leh hmeichhe pakhat meng ling hlar an lo ding bawk. An hmel landanah eng emaw boruak tha lo a awm niin ka hria. Hmeichhe naupang hawihai leh inthiam lo hmel ka hmuah rual chuan rang taka va chhuakin puih ka va tum ta ngawt a!  Eng nge ka ngaihtuah pawh ka hre lo e a. 

"Ti nge khatia i rawn tih ngawt a, i mawl mi? " a ti vin thak a. Michaela te kal liam ka va hmu zuai. Kan dinna chu kal kawng a nih avangin mihring an lo kal ve reng sia, ka kai a, kan thlanga petrol pump bulah chuan ka dinpui ta a. 

"Ka pui che nih kha" ka ti ta ringawt a. 

"Ka lawm e" a ti ve mai. Ka kut a la thla a, a kal daih nia!  Hawi pawh a rawn hawilet lo.. A thawmhnaw hak chuan ka nuih a tiza, inchei a thiam vak lo anih hmel. Jean kekawr body fit a ha a, flat a bun!  Thing reuh lutuk. A kawr lah a par deuh chhak. A pian erawh a dik reuh thlup. A hnute kha a tè tèp tih mai loh chu. Nimina ka nau ruala an lo kala a tawngkam kha ka ngaihtuah leta ka nui suk. 

Ka pa hnen atanga ka inlak hran hnu hian tlangvala pumpa, ka free ta riau chu ka inthlahdah phah. Hmeichhe mamawh huam chi ka ni hran lo naa weekend-ah chuan tu emaw ka inah ka hruai lut ziah tih theih a ni. Mak deuh chu Aizawlah hian mipa bula riak duh mai hmeichhia, mipui nawlpuiin an hmuh class si, chhungrila easy ru riau an tam tlat!  Chutiang hmeichhia chu ka bestfriend Joela hian a hre hrep lehnghal. Amah deal vek a ni tlangpui. Kum 38na ka hmang mèk a, nupui neia fa pawh pahnih vel nei tawh awm ka ni. Mahse, nupui tur khawpa inlaichinna ka neih nghehpui an la awm tlat lo a tin ni. Eizawnna ngel nghet ka nei a, a hlawk chho ve tan ta bawk a. Sumah chuan harsatna em em ka tawh rih lo. Mahse, ka nun khua hi a har ngawih ngawih chang a awm thin. 

Ka pa nen lah kan inbe hleithei der bawk si lo. A beisei ang nih ka tum lo kha pawi ka ti ve tho, mahse, ka hlimna ber tur ka ngaihtuah a ngai si a. Ka nu nen erawh kan inbe chamchi, nu te na na na chuan min ngaihtuah deuh bawk a. Ka naute zingah Linda hi a naupang ber a ni bawk a, ka duat bik reng bawk. A û te pahnih chu an inngaihtuah thei a, ngaihtuah vak an ngaiin ka hre lo. 

Kha hmeichhe naupang pawisawi lo zet kha ka ngaihtuah chhuak leh a, eng emaw ti riau hian a nun kha a awhawm ka ti. Ka hrechiang teuh lo, ka hmuh vawihnihna chauh mah nise; amahah khan hahdamna a awm tlat. Ka naute nen an inkawm tak naa an khawsak a san vak ka ring lo, a inchei dan atangte pawn aniang chu. Ka hmai hma ngeiah min star ve loh thu a sawi hmiah kha a nia ka lawm em em. A rilru pawh a la thianghlim teh ang chu. Ka phone ri chuan min tiharh zawk, "A mak, i chhuak vut sia, i pangpar pawh i la hleinem" Vasty chuan a rawn ti lar lar a. Ni dawn tak. 

An dawrah ka va let leh a, pangpar ka la a, ka chhuak zui nghal. Gym roomah pawh an lo zi leh nak nak tawh a. Lam zir ho erawh an haw tawh nge an reh dák mai. Ka in ah ka chho va, mahnia eitur insiam hi nuam ka ti ve tlat pek a, ka siam leh sar sar. Zaninah Joela pekin a bialnu thar leh a thiannu rawn hruai a tum thu a sawi a. Zanin chu ka nghei dawn lo tih ka chiang. Sex hi nuam ka ti a, ka hman nasat tawh vang nge hardcore deuh  ka áwn tawh zawk. Ka inten ve zeuh thin. Mahse, mipa tam zawk hi chu an ni ve tho ang. Ka siam zo va. Ka inbual ta phawt. Ka inbual zawhah ka nu ka bia a, ka pa erawh a zin thu a sawi. Ka va tlawh ngai lo naa chanchin ka hre ve thei zel mai. Pa leh fa inkara khi awm hi tha zawng ka ti miah lo. Mahse, tu pawn duhzawng leh tuizawng kan nei miau si a. Ka pa pawn min hriatthiam ka la beisei. 

Dar 7ah zanriah ka ei a. Wine ka lem tel hlak. Zu heh ka ni lo va, mahse, ka in thei tho. Sex phei chu rui lo hai lo va hman ngei ka duh thin. Ka sex partner thenkhat zingah min beisei zuia ka bialnu nih tum an awm fô!  Mutpui nawn leh pawh ka nei. Mahse, inngaizawng hmasa si lo va ka keuh thluk ngawt theihte nena inlaichinna thuk zawk neih chu a harsa lam a ni. Ka hur ang aiin ka duhtui ve phian si a. Ka sual ngawt mai. Dar 9 rik dawnah Jo te an lo thleng a. Wow!  An nu thiannu chu a va khal tehreng em.. A hmel chu chuti tehlua a ni hran lo, a pian dik leh fuh lutuk chuan ka mit nghal zet a titlai leh hle. Kan han lem leh hlak hlawm a. Jo bialnu nen hi chuan kan inhre tawh sa a, Mami a ni. A thiannu erawh Puii a ni thung. An ni pawh an lem ve hlak vangin an titi nuam angreng. An riah dawn tho vangin kan hmanhmawh viau lo. 

Dar 11 rik dawnah ka mikhual roomah Joela te pahnih an inkuah phei. Kei pawn Puii chu ka kai zui ve zat a. Ka roomah ka luhpui nghal. Kan titi tui atalángin zu kha ka lem ka lem ve a. Ka hai ve chhalh mai. Ka che tha thei ange maw.. Khumah ka nem mu thlawp a, "Lo inhlip la" ka ti thâwr. Ani a kai phelhphawlh bawk a, a inhlip ve mai. A nalhzia chu!  Mizo model thenkhat ka mutpui fô a, ani aia nalh ka la hmu miah lo mawle. Modelling te luhchilh se a thleng sang viau ang. 

Ka zuk bawh rawk a, ka fawp nghal bawrh bawrh.. Ka kut dinglamin a hnute lian tha zet chu ka tham nawk nawk a, a nem nuak a, khawih a nuam chiang. A nghawng leh irno ka nul dan dan a, a thaw ham ham mai. A zei zèk a. Min han sawngbawl vel chu a vawikhatna a ni lo tih a chiang. A mawng tam khal zet chu ka sawk tâwn tâwn a, ka beng ri leh thlap thin. Rem zeta ka hmaa a bungbu târh mai chu hmuh a nuam zet mai. Ka mipatna khawng zet chu rem zeta chuktuahin dim baksak lo vin ka nawr lut pâwk.. A rum hak mai. A bak chu in ngaihtuahzui thiam tho ang ka ring. Vawi 3 lai a zo.. Min hriatreng tawh ka beisei ve ngawt.. Haha.. 

Khami zan atang khan ni 2 a liam leh tawh a, puii chuan min beisei zui tlat. Joela bulah ka sawi a. A kutah ka dah ta mai. Thiam takin a lo sawi ping leh mai ang chu. Mahse, Joela meuh pawn a hmin thei tlat lo. Hmeichhe tumruh leh luhlul zet a lo nia!  Amah mai pawn min rawn pan ngam tlat! Bawngkawnah daih an awm a, amah hi nuthlawi ti ila an ru ve zuai tawh a. Singapore lamah te a han awm ve zuai tawh a. He lamah rawn insawn thla lehin Dawrpuiah Mobile phone dawr a nghak ta a. A dawr nghahna pa nen pawh sawi an lo kai hat tawh a niawm e. Mahse, keimah nena khum pakhat kan intawm atang khan ka hmeichhia bik nih tumin theihtawpin tan a la ta a nih hmel. A zei zawng a zei a, nawmna pawh min siamsak thiam. Mahse, ka ngaihzawng ni turin ka duh tlat lo. 

Ka inbual zo ka inthlak laiin ka nuin min rawn bia a. Ka nau Linda nikhaw hre lo va a tluk thu chu!  Ka inthlak sawk sawk a, hmanhmwh zetin Damdawiin lam ka pan ta a. Linda hi a hrisel lo a, a BP a normal ngai mang lo. Tin, kum 16 vel a nih atang khan phungzawl ni chiah si lo va han khawng vak te hi a ching riau mai a. Mipui huhang te a zo lo fô. Mualpho a hlauh vang hian a fimkhur ve a, tu khaw khain an la hre  vak lo. Damdawiin ka va thlen chuan ka nu leh ka nau chiah Zawma te ka hmu nghal a. Zawma hian nupui fanau a a nei tawh. Linda u hmeichhia hi China lamah hnathawkin a awm thung. Ka pa erawh a zin a la haw lo a niang, ka hmu ve lo. 

Ka nu te nen ka nau awmna ah chuan kan lut nghal a. Ka thu ve deuh chiah tihin Linda thianteho an lo lang ve nghal zat. Kha naupangte pawh kha a tel ve. Ka nu chuan a lo be nghal luam a. An thiannu lah a la harh thei si lo. Mahse, chutianga hlauhthawnawm lutuk chu a ni hran lo. 

"Kan lo riahpui dawn mi kan tia" Rinsangi chuan a ti a. Ani hi chu a tet lai atanga ka hriat tawh a ni. 

"Aa.. In hah lutuk ang. Bakah ka riahpui thei tho lawm. In fel thei sia aw" ka nu chuan a lo ti vat a. 

"Vawiin khan a nui nasa ka ti reng a, a chau vek aniang" Naupangte khan a rawn ti sap. A bula thu a thiannuin a nghawk salh chu ka hmu hman. A tawng dan teh phawng zel hi a lawmawm thei,. 2nd thought chu a hmang hman vak bik lo a nih hmel. 

"Eng nge in nuih? " ka ti a. Ka chimawm chak tlat. Min rawn melh hlawm a. Amah chuan, "Ih,.. Bialpa vel kan sawi a.. A chetchhiatna vek te. Kan nui nasa lutuk, nuih hi a tha tho nain nuih nasat hian kan chau ve thin alawm" a lo ti. Ka nu pawh a nui ve tawp. Dar 9 a ri dawn hnai a, an riahpui dawn loh vangin hawn mai an tum ta a. Kei pawh ka tho. Ka nu pawn haw mai rawh ka lo be mai ang che a ti a. Naktuk lamah hna ka nei ve tho bawk nen, ka chhuahsan ve ta nghal a. Damdawiin kawtah chuan an lo ding khawm laih a, Rinsangi hnenah, "Ka va thlah dawn che u mi? ' ka ti a. 

"Kei chu ka nau ka call a, min lo hruai dawn. Hei Rampuii scooty hi a nung thei lo reng reng" a lo ti vat a. Kan ensak ve a, a nung hleithei tlat lo. A hlui ve lam a ni bawk nen, motor chinchang ka hre vak bik si lo. 

"Tah hian hnutchhiah mai ula,ka va thlah dawn che u nia, saw sawlai lawk saw workshop ania, naktukah in va dah nghal mai dawn nia" tiin rem ka ruat ta a. Pawm lo thei an ni bik lo nge an remti ve ta mai. A hnungah an pahnihin an thu a. Sawi tur ka hre vak lo. 

A hming ka hre tawh. Hmingthansangi. A mawi riau mai. An chhuk dawnah lawmthu min hrilh. Chubak kan inbe lo. Han biak lumlam vak ngaihna hre hek lo i.. Ka nau chu a ngaibtuahawm em lovang chu maw. 

ASANGI.. 

Linda u cara chuan nawmzia kha. Khatiang car changkanga ka chuan vawi khatna. A hawn dan pawh ka thiam si lo va, Rampuii rualin ka chhuk ve ringawt. Ka phei hlau leh roh sia, min va thlah leh. Rampuii lah chuan nuam a ti hep hep khawp mai. A star carah kan chuang miau si a. Linda chu a tha leh hram ang chu maw. A awm loh chuan boruak a reh. Kan hlimna a kim lo. A tukah Rampuii scooty chu workshopah kan nawrlut a, taxi kan hmang ta ringawt. Linda awm lo chu a reh tak tak. Michaela pawh ka hmu, mahse, mak deuhin a hma ang em em khan ka star thei tawh miah lo mawle. A bialnu chapo hmel zet kha ka ngei vang aniang. 

Rinsangi nen kan zung a, toilet kan chhuahsan chiah tihin Michaela leh a thianpa an rawn kal phei a, ka lai vak tawh lo. "Nangmah hi tiraw U Zodinga bialnu kha.. " Michaela chuan a rawn ti teh ngawt!  Ka lo hawi â hman deuh a, mahse, hmannia thil thleng kha ka hrechhuak leh vat. "A ti ve mai mai anih kha" ka lo ti niah niah a. 

"Ka ring renga" a la ti zui!  Hmela mai mai chu. Rinsangin zawhna a nei nghal, Rampuii te nen kan awmho hnuah thil thlen dan kha ka sawi ta vek a. Min awt ngei mai. Michaela sas chu an lo ralkhat ngei ve nghal ngawt bawk. "Awii.. Ni daih ula, a nuam ngawt ang.. Mahse, Linda thian i nih vanga chutiang a ti ringawt pawh chu a fel tih a lang" Rampuii chuan a ti sar sar a. An star viau naa ni mah ila pawi an ti vak chuang lo a nih hmel. Rilru tha tak vek kha an nia. Mahse, kan ni nguar ang. Ka hlau tlat, kha pa kha. A huhang a na si. 

Banah Linda kan tlawh kawi a. Cabinah an lo insawn tawh a. A zia. A û kha a lo thu ve leh tawh. Ninawm. A nau chu duat hmel deuhin a ban vel chu a lo hmehsak a. Linda nu erawh a haw ve zuai aniawm e. Zodinga ti ve tawp mai ang, ka ko ngam chuang lo.. A tawng duh angreng hle. Min lo be nghal bawrh bawrh a, Linda nen an zia a inang tawp. Mahse, a polite kual vel pawh a ni ve maithei. 

"Bawihsuk, i thiante hian nang aiin bialpa an nei tha zawk lo maw? Nang chu i nei chhe thei e" a ti a. Linda a tûm nghal hmak. "Ka duh chhe awzawng lo. Kimkima phei chu an star theih mahnak alai a" a lo ti a. Kan nui dar dar. An inpawh hmel sia, a nuam ngawt ang. 

" E taka, Lin, kan house leaderin kan thianho hi lam turin min ti tak aw.. Week Closing ah" Rinsangi chuan a rawn ti chhuak hluai a. Kan lo theihnghilh alawm le aw. Kan sawi ve nghal nak nak a. Naktuk atangin week kan tan dawn a, kan phur leh viau. Kan hman tawpna tur. ani bawk nen. 

"Hmm.. Engtin nge kan lam anga? " Linda chuan a lo ti a. Kan thianho hi Red house ah kan awm vek a, kan leader khan Linda û in lam zirna a nei tih a hriat vang aniang, lam tura min tih ve ngawt. 

"Ka sawi sa ang. Kei chu ka lam dawn lo" ka ti a. Zodinga'n min rawn melh reng chu ka va melh ve zauh. 

"I lam loh chuan ka lam dawn bik lo" Rampuii. 

"In â mi?  Min ruat lai te khan sawi ta che u, min ziak fel vek tawh. " Rinsangi thung. 

"Ka sawi reng kha, kei te chuan. In pahnih khan in chák tlat anih kha. In lam endiktuah ka lo tang mai ang" ka ti a. Rum zeta min melhin, "Nang khan i endik thiam awzawng lo vang. U Zoding, i hall saw kan lo hmang ve anga.. I phal chuan" Rinsangi chuan inthlahrun hmel fahran hian a ti a. 

Zodinga chuan, "Tehreng mai. Lam thiam deuh ka lo biaksak dawn che u nia, in tlai banah in rawn zir thin anga.. " a ti a. Linda lah dam lo ber e ti lo chuan a phur ber berah a tang zui. Ka lo mangang lawk. Ka zei lo nasa si. Tel ve loh dan zawn char char a ngai. Khua a tlai lam ta bawk a, kan haw san ve ta a. 

Ni 2 hnuah Linda pawh a chhuak ve leh ta mai. Week pawh chu kan tan chho mawp mawp a, senior most nih tawhnaah kan zak vak tawh lo bawk a. Mahni house tan a na si, kan au nasa thei teh e. Vawiin tlai atangin lam kan zir dawn. Chhuanlam siamin haw ka tum a, min chelhbet tlat. An sual siah. 

Hall zau ve takah chuan kan ding thám a. Lam dan tur pawh kan hre chuang lo, tumah chu lam thiam kan awm lo hrim hrim a, Rinsangi hi a tleirawl lai velin a lo lam ve thin tawh a, mahse, a lam lohna a rei ve tawj angreng a. A thiam tawh lo. Rami hian cultural dance chu a thiam nual. Kei leh Linda chu bo tak kan ni. Zodinga min rawihsak Dancer chu you tube lamah a lam te kan lo en fo tawh thin a. A thiam viau. Nula hleitling tak, hmel pawh tha tak a ni a. Mahse, a thinchhiat hmel angreng. Kan zah ru deuh nge kan tim dui mai. Amah chu a han lam ziai ziai phawt a, thiam kan ti kher mai. Zawi muangin step by stepin min han zirtir tan ta a. 

Ka kekawr tlang ka thlep sauh sauh a, thil tih ve tawha ningnel deuha tih hi ka duh bik lo va, theihtawp chhuah ka tum ve tlat. Step khatna chu a har vak lo. Step hnihna pawh awlsam te chuan kan thiam ve mai. Step thumna mawlh chu mawng shake tur a ni a. Linda leh Rini chuan an thei mai. Rami nen kan buai tlat. Ka mawng chu ka han tiche ve thin, a dik thei der lo mai. Min nuih nasa mai. 

"Hei tihian.. Tihian" tiin U Saii chuan a ti a. Rami pawn a thiam ta. Kei chu ka mal din. U Saii chuan a dawhthei ta vak lo nge, "Nui lo khan ka tih ang hian ti rawh" a ti vin thak a. Ka thiante pawh an nui tawp nghal. Kan reh ta dûk a. Nui ngam tawh si lo vin a mawng shake en chung chuan ka han inherh ve a. Huizz, a har eee… 

"I thiam lo der aniang, ka awih em em lo. Nang ang inti thiam lo der ho hi zirtir in hahthlak. Bang mai rawh" min ti ta zèk a. Ka na zawk. Linda tawng tuma a an ziau lai chuan, "Lam zirtir turin ka ruai che. Vina hrawk tur ni lo vin"a rawn ti hriam hraih a.  Kawngka bula Zodinga lo ding lam chu kan va hawi rual thawt. A kekawr ipte zen chung bawkin muangchangin a rawn phei a, "Muanpuia hnenah i hlawh la la, naktuk atang chuan i rawn kal a ngai tawh lo vang" a ti chang leh fak. Saii chuan, "Ka tihpalh a ni. A thiam thei lo em a.. a tilui emw ka tia, khawngaihin" a ti tham tiak a. Ka lo khawngaih lek lek zawk. 

"Zirtirtu ni tur chuan dawhtheih a ngai reng asin" a ti sup. A mitmeng a rum sia, Saii pawh ngawi rengin a chhuak ta hna hna a. Kan la ngawi thap. 

Min rawn en a, "Naktukah chuan i thiam tawh em em ang" a ti a. Biak zui hman lohin a chhuak leh daih. A chhuah hnuah kan tawng chauh. 

"Awiii i u fel dan hi aw.. A van hmel tha tak" Rini chuan a ti ham ham a. Linda erawh chuan min rawn melh a, a nui sen sen ringawt. Kei ka lo hawi á hû.. 

A tuk tlaiah chuan Mipa lam thiam zet Bonny ho vin kan zir leh ta. Mawng shake vel kha kan telh ta lo va, style dangin kan kal daih. Ka lawm ru viau. Bonny chu a zaidam bakah a nelawm a, kan vawikhat zir hona mahnise kan innel nghal mai. Keini aiin a û awrh chauh maithei. A lam hi chu kan hmu ve fô tawh. A fit lutuk hi kan ngaisang tawp. Zodinga lo haw pawh a lungawi hmel viau, a hnunga rawn zuitu hmeichhia pawh a chhe lo. Bialnu nghet hi a nei lo mawni le.. 

"Asang, tihian ti lawk teh.. Aw tikhan" tiin ka kut dinglam chu min phartir a, ka taksa che leih leih chu a rawn dawm a. Ka kawngah tak a rawn chelh a. Ka lo îp chawih. Mipa hian min khawih khât ve èm a.. Haha.. Ka nák bawr vel a dawm leh chuan ka nui hawk. A za lutuk a. Min nuih ve leh chhawng a. Kan nuih dar dar lai chuan Zodinga a lo lut a, awmhmun thawmhnaw a ha tawh a, a simple tawp. 

"Vawiin tlai atan chuan duhtawk phawt ru.. In thiam chak khawp kha" a rawn ti a. Kan inthlak nghal sap sap. Amah vek hian lam thiam pawh min rawihsak a, lawmthu sawi kan ba khawp mai. Mahse, a hranpain kan be vak ngam bawk si lo hi a buaithlak. 

A tuk kan class kal tur chu Saii leh a thiante pathum nen kan intawk a, min melh rum angreng. "He nu vang hian lawm BOSS khan min ban.. Hmel chhe ropui sia" tiin min kawk nia!  Ka va zak rapthlak tak em.. Rampuii ngaihdan a ni lo nasa, "I thinchhiat vang anih kha a ban che.. I inla class ve sia, i chawh" a ti ta zèk a! Rami hi chu a kawlh ve hrim a. 

"Ve tak che u hian, thleng sang lo tur tih hriat ngawih ngawih, zei lo bawk si.. Hmelin zir bawk si lo" a ti leh kher a. Ka ngei ve ta deuh a, "I hmel a tha hle mai. Hmelthanu,.. Wow! A hmelthatzia hi.. " tiin a hmaiah ka kawk a, ka nui vak vak. Rami'n min rawn zawm zat. An hrilhhai letling a, an hawi phawk hrâ ringawt. Ka mize ngeiawm zet chu a haw teh ang chu. Hmingthansangi hian mi runluih chu a thiam ve lutuk alawm.. Kan kal ta daih a. Collega kan thlen veleh Linda te kan hrilh ve a, an sa rap. Kan inhrosa vak vak ringawt. Kan la puitling lo tlang bawk a ni. Kan ban hma deuhin ka nuhrawnin min lo be hlawl.. "I pa kha a lung tha lo a chhuak thut a, Damdawiinah kan awm a. I nu leh i u te kha lo hrilh ve ta che" a rawn ti a. Nuhrawn mahnise, kan awm ho lo a ni bawk a, kan chungah a sualna sawi tur ka hre hran lo. Han len luh chang pawn a lo polite phian zel a. Mahse, ka nu luahlantu. ani miau a, mil erawh a har ve. Lam pawh ka zir ve ta lo mai, ka thiante chuan min zui an tum a. Mahse, lam zir a tha zawk ka ti tlat. Ka nuhrawn kha hmu ve lo se ka duh bawk sia. 

Ka nu leh ka u pawh ka hrilh ve nghal. Ka hlauthawng em em hran lo, a hma pawn a lung tha lo hi a chhuak fô a. Eng em ti lo vin a tha ve leh mai zel. Damdawiin ka va thlen chuan Ka nuhrawn chuan a mo thutpui ran a. A hmel chu a thlabar hmel riau. Ka pa chu a lo muhil a. A office-a a awm laiin a tlu a niawm a. A zia lo khawp mai. Ka thu ve ta reng ringawt a. A harh thei bawk. si lo, ka nuhrawn Ruati nen lah kan inbe tam vak bawk si lo, a hrehawm phian. Ka nu chu chanchin ka hrilh ve a. A rawn kal ta lo mai. Kei pawh khaw thim thet thetah ka haw thla ve ta a. Chanchin erawh min rawn hrilh ve turin ka chah ve ngial a. 

Motor a tleh dul dul a, ngawi rengin ka kal mawp mawp. Vanapa Hall bul ka kal lai chuan Bonny ka hmu thut. Nui sáng chungin min rawn pan a, "I awm lo va, kan khua a har tawp" a ti nghal a. Kan chanchin a lo hre tawh tho a, ka hrilh hranpa lo. Min thlah a tum a, a tlai ve tawh bawk nen, a bike sang zetah chuan zei lo zetin lawn ka tum a. Awiii, a sang er ur lutuk a, ka kar pha chiah lo. 

"Tihniam deuh teh" ka ti ta tawp a. A nui hak a, a tihniam ta deuh a. Ka zak lo lui ve tawp. Ka chuan vawikhatna a nia. Ka chelh nghet ngang mai. "I hlau law? " a ti a. 

"Ka vawikhat chuanna anih hi, tiang bike sang lutukah ka chuang ngai lo" ka lo ti. Min nuihzat ngawt ang. A dik miau sia lawm.. Kan in kawt thleng min thlah thlap. "Lo len i phal em? Zaninah kher lo" a ti a. "Phal e" ka lo ti ve mai. Kan inmang tha ta a. 

Zanah ka u chu damdawiinah a han chho ve zuai a. Ka pa erawh a mu chawrh chawrh ringawt a niawm e. Tihtheih vak a awm chuang lo. Tawngtaisak mai loh chu. Ka nu chu ka chîk deuh chuan a zám lek lek em aw ka ti. Mahse, engmah ka sawipui duh lo. A fate pa a pasal ni tawh thin kha a ni miau a. 

"Ka number save teh i dp ka hmu duh" a rawn ti teh ngawt a. Ka'n en chiang a, Bonny a lo ni. Ka save ve mai a. Kan inbe char char. Thu hote te bak kan sawi lo. Min kawm ve duh chu ka lawm ru viau, a luck dawn sia. A tuk inrinni anih vangin nilenga lam zir kan tum a. Kan thiam tam hman deuh ang chu. 

"Kan lam nia kan inthuam dan turin inthuam nghal ang u" an ti tlat a. Linda leh Riniin kan hak tur chu an rawn keng. Awiii, ka duh hlawl lo. Kekawrbul chhing lutuk leh lai lang kawr a nih chu ka hak dawn.. Ka va duh hlei lo em.. Va inthlak rawh an ti chhen si. Tui lo zetin ka va inthlak. Ka va chhuah leh chuan min lo en thap, "Lal Asang, i pian a va nalh em em. I dress khan a pholang chiang tawp.. Awii ka va awt che e" Rinsangin a lo ti hluah. Ka lei ka chhuah khum ringawt. Bonny pawh chuan min melh ngun viau mai. Ka confi hlawl lo thung. 

Kan han lam ta a, kan thiam rual ve ta viau. Lam thiam ve tak tak pawh kan ang. Chhunah eitur kan han lam a, kan ei tuam tuam. kan thil ei te hi a thlawn vek. Zodinga zarah kan va tlai tak. Kan in eipuar hnuah kan chawl leh zuai a, kan tan leh ta a. Kan lam laklawh laiin Zodinga a lo lut thut. Kan lai nghal vek mawle. Min thlir ngun mai siah. Kan lam zawhah, "Asangi khan i thawmhnaw thlak rawh. Kekawr tlawn ha la a dik zawk ang. Rini nen inhak thleng ru" a ti a. Kan en thap. 

"Ti sawn a inhmeh em saw" Linda chuan a ti nghar nghar a. 

"Hmeh lo. A confi bawk si lo va, kekawr tlawn saw ha se a confi sawt ang" a lo ti hmak si. Ka lawm ru viau naa inhmeh lo min ti chu ka na riau. A chhan erawh ka hre lo. Inhmeh ka intih ruk ve nen. Rinsangi nen chuan kan inhak thleng ta a. 

"Umm a dik ta" a lo ti leh sup. A hmaah chuan kan han lam leh ta nghawng nghawng a. Kan zo va, kan inthlak lai chuan, "Min lo nghak la, ka thlah leh ang che" Bonny chuan a ti a. Rami mitmei ka veng deuh si. Ka chhan hmain, Zodinga a lo kal a, "Bonny, nang chu la haw ve lo teh aw, thil min tihsak la ka duh" a rawn ti a. Hnial ngam hek lo, kan hawnsan ta a. 

ZODINGA… 

Saii'n ka sava bu hual mèk a lo vin tuar lai chu ka hmu hlei thei lo. Saii ka ban phah ringawt. A hrilhhai hmel kha hmuh reng harsa ka ti tlat!  Engtin maw.. Khitah khian ka sava bu hual tiin ka sawi em ni? Aw ni e.. A mak mang e. Tleirawl satliah, naran ve tak, inchei thiam lo, che buai thei tak, mawl mang zet saw ka lo ngaihtuah leh vung vung zel!  Ani lah hian ngaihzawng lam a ngaihsak loh hmel nasa si. Chhaih kual mai mai tur atan chuan ka phal hlek lo. Mahse, ka inngaihtuah a, ngaihzawng nghet nei tur chuan ka la hur deuh. Ka hmeichhe mutpui thin te angin min siam nuam ngam ve dawn si lo… aaa.. Ve teh hrep a!  Aman min duh dawn leh dawn loh pawh ka hre tawp si lo. 

Linda leh a thiante pahnih rawn luh lai chuan hrilhhai ru deuhin pakhati kha ka lo zawng a, a pa dam loh vangin a lo kal ve thei lo tih an sawi chuan ka hnual rawih mai. Ka hmuh chak vangin ka chhuahna tur te ka lo cancel khanglang a. A va ho reuh tak. Khaw thim dawn ruaiah Thianpa Hriata dawrah mamawh ka va lam lawk a, a tuka a zin dawn vang a ni. Dawra ka awm mek laiin Asangi kal phei ka hmu vuai. Rang zetin ka va chhuak. A mahin chak zetin a kal leh hmawk hmawk a. Thlah tuma ka va chhuah phei lai takin Bonny nen an inbia ka hmu leh si. Ka tawi ta hrat hrat a. Bonny bike-a a lawn tur chu chiang zetin ka va hmu, a sang sia, a lawn thei lo chu eng emawni a sawi sep a. Bonnyan a bike a tihhniam lai tak chuan a lawn a. An tlan daih!  Ka hnîm nghal vek thei mawle.. Bonny hian min chet khalh vaih chuan aw.. 

Zanah puii a rawn kal!  Hmeichhe huaisar tak zawng a ni e. Kei lah Asangi leh Bonny vanga ka mood chhiat lai a lo ni chhap nen. Inhrikthlakna tur ka mamawh lai taka a lo lang chu ka hnar duh ta lo. Ka khumah a riah ve leh tak ngawt kha. Zingah a haw. A chhungte hian an hau ngai lo em mawni dawn le. A confi phian bawk si. Sex kan hman nasat chuan ka la talbuai ang tih ka hlau deuh. Ka nupui atan ka iai miau si a. Ka tenawm riau. 

Ka chhuak a. Bungraw thenkhat ka buaipui. Chawhnuah ka haw chauh. Hall-a ka va luh chuan an lo lam mèk a. Kareiii!  Hmingthansangi nalhzia chu. A lam hah vanga a biang tai tèk te, a sam a zial chhoh vanga a tukhum var hai te chu.. Mahse, a thawmhnaw hak chuan ka lung a tiawi hlawl lo. A taksa a lang tam lutuk. Bonny mit râwpzet ka hmuh hmaih lo nasa. A pian nalhzia pholang viau mah se; mi dangin an hmuh ve ka phal lo bur. Rinsangi nen an dress inthleng turin ka va ti ta ngawt kha a nia. Engmah a sawi lo naa a lungawi chiah lo em mawni aw ka tia. Mahse, a taksa saw mi tam tak hmuha phochhuak turin ka phal lo bur.. An hawn dawnah Bonnyan a bekbawr sur sur a. Ka lo hah. Bonny chu ka hreng khawtlai tawp. A bike sang zeta mawng er tàna a chuang leh tur kha ka ngaingam lo. An haw diak hnuah Bonny chu eng nge ka tihtir ang tih ka ngaibtuah thei chauh. Ka va che buai teuh em.. Mahse, vanneihthlak takin ka cousin in min biakna ka hrechhuak a. "Lam zir duh an awm a" ka ti ta ngawt a. 

"Boss chu phone atang pawn a sawi theih reng sia" a ti niah niah. Ka nuih a za angreng. Mahse, ka sava no saw a khawih thei lo bur. 

A tuk sunday a nia. Ka tho tlai angreng. Ka va inkhawm ve leh hram kha. A theih. Chinah tal hi chuan fel tum tur. Asangi a inkhawm ve ang em?  Ka ning.. He nu hi ti nge maw ka lo ngaihtuah ziah ni. Mi dang aia a satliah zia ka hre chiang ropui si. Mahse, a rilru thianghlim leh tlang lutuk khan min hîp a ni maithei. A hmel te chu Puii ai pawn a tha zawk lo maithei. Mahse, ka mit hian hmel tha ringawt a zawng lo a ni mahna le.. 

Zanah Lindain min lo bia a, "Au mam, Asangi pa kha a boral a! " a rawn ti. Khai aw!  Ka nghing ve lawih nia. Asangi hmel ka mitthlaah a lang nghal. Ka khawngaih reuh lutuk. Engtin nge chet ka lak ang tih ka hre lo. Linda chu ka call nghal a, "Ka kal ve duh a, engtin nge niang" ka ti a. 

Tah aw tiau hian, "Au Zawma'n i dawr thleng min lo thlah se, kan kal mai dawn nia" a rawn ti a. An thianho hi an inkawmngeihin an inhmangaih hle tih ka hria. Khang kum kalta zawng zawngah khan ti nge Asangi hi ka la hriat ngai loh le.. A mak mang e. Ka enliam mai mai thin a nih ka ring. Linda te chu ka lo nghak ta a. Tlaivar ve mai pawh ka hnial lo. An lo thleng a, Asangi te in lam kan pan dawn emaw ka tih laiin Venghlui lamah kan kal daih!  Mahse, Linda chuan a nu leh pa inthen thu leh nuhrawn a neih thu te a sawi takah chuan ka hrethiam ta a. Ka khawngaih sawt. A nu hoin an hmeithai a niawm sia. Kan thleng ta a. Mi pawh an lo awm nual tawh mai. Ka naute chuan lut ve turin min ti tlat si a. Kan zu lut ve ta poh a. 

Asangi chu a pa ruang kilin mit sen rámin a lo thu a. A sam chu a vial chho leh a, a chauh hmel angreng. Anu niawm tak a bulah a thu bawk. Anu aia naupang deuh hlek apa ruang bawha tap mek chu a nuhrawn anih ka ring. Linda te a hmuh rual chuan a rawn ding a, an inpawm khawm a, an tap ta hliam hliam a. Kei erawh lai zetin ruang bula thutthlengah chuan ka thu ve tawp. Min en duh riauin ka hre bawk sia, a nuam miah lo. 

Ka naute pawh ka bulah an rawn thu ve a. A nuhrawn niawm tak chu a tap bang hleithei lo. Apa chu Asangi hian a chhun hle tih ka hrethei. A la upat hmel vak loh. Zai pawh a nuam chho tan viau. Asangi chu a tap leh ta miah lo va, a bula thu a nu erawh a mittui a hru zauh zauh reng a. A hrehawm duh viau ang. A pasal a ni tawh bawk. Si lo, langsar taka tah vak kha a ngamawm chiah si lo. Mahse, tap vak pawh nise ka thiam viau ang. Fate pa anih bakah an innei reng tawh tho si a. 

Zan lai kan thleng ve ta der mai. Mawng a kham tan, Meizial zuk lah ka chak angreng viau. Ka nau chu chhuah lawk ka duh thu ka hrilh a. A thiante a bekbawr sur sur a. Asangi pawh a va hrilh ru sur sur. An vai chuan an ding suau a, an chhuak ve dawn anih awm chu. Kan chhuak ta dial a. 

"I lo kal ve a. I van fel" a ti sap a. 

"Ka nau ve tho i nia lawm" ka lo ti ve mai. 

"Hawh u, Au Mama inah kal lawk ila, va inhnawh puar ila, kan let leh anga.. Tiraw.. U" tiin Linda chuan min rawn en a. An ril a tam tih ka hre mai. Ka in lam chu ka panpui ta a. An titi chu ka ngaithla mai mai, lusun a ni bawk a, Asangi chu a tawng ve vak lo. In kan thleng a, anmahniin eitur an insiam a, an siam tui phian mai. Asangi bulah chuan ka thu a, min en lem lo. 

"Bonny kha a lo kal ve lo mi? " Rampuii chuan a ti a. 

"Lo kal a duh a, mahse, a pi a thi ve tep a. Naktukah ka lo kal mai ang a tia" Asangi chuan a lo ti a. Ka lo tûm ve ringawt. 

"In ni chiang" insum ru deuhin ka ti thut. 

"Teuh lo" a ti bul hmak. Ka lo lawm tumhrang. 

Dar 2 bawr velah kan phei leh ta a. Kei erawh ruang bulah ka thu duh tawh lo. Hmelhriat an lo awm ve nial a, an bulah ka awm daih. Tum loh deuhin ka tlaivar ve ta ngawt chu a nia. Hmeichhe naupang vang lehnghalin… 

ASANGI.. 

Sunday chawhnu inkhawm lo vin ka u nen ka pa kan han kan a, a lo tha viau mai. Biak erawh a la biak theih loh. Nu Ruati pawn min lo be siam siam a, ka khawngaih ve deuh. Khaw thim hmain kan haw thla ta a. Ka nu rilru chu a nuam chiah lo em mawni aw ka ti. Ka pa that thu te chu ka hrilh ve a. 

Ka inkhawm ta lo mai. Ka nu erawh a inkhawm. Ka u a lengchhuak thung. Dar 8 rik hma hretin Nu Ruatin min lo call, a rawn tap!  Tap chungin ka pa boral thu a rawn sawi.. Ka ding hluai a. Ka khur dawt dawt. Ka rin loh lutuk thil a ni. Kan hawnsan dawn pawn a tha reng sia, enggin nge chuti teh thuta a kal mai theih.. Ka hamhaih vek. Ka nu a lo haw ve mek a. Makti deuhin ka hmel chu a rawn melh a. Ka tap nghal,"Ni, apa a thi" ka ti tawp. Ka nu tan khan a va na dawn tak. Ka thluaithlum thiam bawk si lo. 

Ka nu erawh a insum thei viau. A tap miah lo. Ka u a call nghal a, kan nufain rang takin an in lam kan pan ta nghal. A ruang han hmuh takah phei chuan ka insum thei tawh lo, nupui dang min neihsan mah se; ka pa a ni miau a. Ka nu pawh a insum zo ta ngang lo aniang. A tap ve ta hawm hawm a. Ka pa fate pahnih Bawihpuia leh Hruaia te pawh an tap ve nasa. An ni hi kum 6 leh kum 4 an ni a, an la naupang si. Ka va lainat reuh tak em.. 

Ka beisei phak miah lo vin ka thiante an rawn kal nia!  Chu aia mak zawk chu Zodinga a rawn tel ve. Ka pa ruang kilin an thu ve thap. Ka thla a muan phah viau. Zan laiah kan chhuak harh a, Zodinga inah kan kal. Kan va in eipuar a, Bonny min lo textna pawh ka hmu. Min ngaihtuah ve hle a nih hmel. Zodinga hmel tak ngun chu mak ka ti deuh. A lo tel ve kher a ngai lo sin le. Misual tak a ni lo tih ka hre ve thei. 

Ka pa chu kan vuiliam ta chu a nia. Ka nu chu a haw nghal a, a tan awm ve reng kha a mawi em em si lo. Keini unau erawh kan chambang ve a. Nu Ruati lahin ka u chu engkimah a rawn. Ka pi leh pute an dam tawh bawk si lo va, Nu Ruati chhungte lam hian ka pa a neih vang khan an tuithlar titih bawk nen, keini unau chu a tan kan hlu ve tlat. Bakah ka naute pawh kuah khawm an ngai ve bawk a. Rilru sual tak put hun niin ka hre lo a ni. A ruang thlak zanah ka thiante an rawn lang lo, ka dem lo. An chau viau ang. A vui lai lahin ka bulah an awm tluan thak bawk si. An chau dawn em mai. Kei pawh ka chau angreng. Thalai lenkhawm hlanin ka muhil daih. 

Ka u pawh a hna lamah kal a ngai si a, a haw ve leh phawt. Kei erawh ka la awm ta reng a. Ka naute lahin min ngaina viau. Ka pa thisen an ni ve tho a, kei pawn ka ngaina. Ka duat ve viau bawk. Ka pa ralna sum tlingkhawm bakah a ac-a a sum dah te chu an nufa damkhawchhuah nan a tawk thei maithei. Ka pa kha a â lo ve bawk nen, a hna erawh a aiawh ngaihna a awm lo thung. Nu Ruatin sawrkar hna a la thawk tho a, ka pa tel lo pawn an khawsa thei viau thoin ka ring. 

Week closingah pawh ka lam ve ta lo. Ka thiante pawn min phut lui duh ta bik lo va. A zia e.. Ka pa thih atanga kar hnihna velah kan in lamah ka haw ve leh ta a. Ka nu pawh ka ngai tawh reng reng. A lung a leng ve ngawtin ka ring. Bonny nen kan inbe fô a!  Min ngaizawng tih ka hria. Mahse, ka type a ni lo. Thian anga ka en theih tur chi. Ngaihzawng lam hian ka rilru a len vak tawh lo bawk nen. Michaela vang hian ka na ve em em ringawt. 

Ka pa an boral takah chuan Nu Ruati chhungte rilru a lang tan. A thih sarhu laia rawn dikdak duh si lo kha an kal ta zut a niawm e. In leh lo a hnutchhiah tha si a, an it aniang. Thla khat a ral meuh chuan Nu Ruati chuan ka pa nena an sak an in chu a hralh ta mai a. A chhungte hnenah a kir leh ta a ni. Mawl ka ti, fapa pahnih lai a nei a, nakinah an la mamawh dawn asin le. Kan sawi ve phak awm. Hek lo, ka lo ralkhat ngei ve em em ringawt. Mahse, a hnua ka hriat danin a chhungte lamin buaina an tawk a, sum an mamawh si. In kha hralh mai turin an nawr chhen a niawm e. A ni lah a chavai ta si a, belh tur a nei si lo, a chhungte lo chu. An thu a awih lo ngam tawh lo a ni maithei. A fate nen an inpui lamah an phei ta dial a ni. Ka naute chu ka ngaihtuah mang e. 

Bonny a lo leng zeuh zeuh. Ka nu nen pawh an innel ve tawh. Mipa fel tak a ni a. Ka ngaina. Mahse, bialpa atan chuan amahah kim lo awm hian ka hre tlat zel. Ka phu loh tehlul nen. Class pawh ka zawm ve leh tawh a. Engkim a pangngai ang in a awm leh tawh ti mai ang. Zodinga inah erawh kan kal ngai mang lo. Kan kal ve chhunah a lo awm ngai lo bawk. A nuam daih zawk. A awm ve khan min dîp!  A uap a na si. 

Mahse, zan khat kan thianho leh Bonny te nen kan dine out tumin Zodinga leh a bialnu niawm tak kan hmu. An ni pawn min hmu. A chhan chu kei mimawl hi ka che chhe leh pek a! Dawhkan kan kil thap tawh hnuah ka zun a chhuak leh pek a, toilet ka va pan. Ka let leh lam chuan kan dawhkan thlen hmaa dawhkan lo kil mek hmeichhia leh mipa te zawn ka thlen chuan, ka pheikawk a lek thut a, sneakers pawh bun lek thei khawpa tlaw ni miau hek.. Hmeichhia zawk chu ka zuk bawh rawk a. A thil in lai chu a kawrah a baw ta vek. A rak tuar a. A ding nghal hluai. Mipa hmel ka'n en nak chuan Zodinga lek.. 

"Mi mawlnu, i va fimkhur lo ve" Hmeichhia chuan a ti tuar a. Ka hmuh tawh hnu a ang. Ka hrechhuak thei si lo. 

"Ka tihpalh takzet a ni. Min ngaidam rawh" tiin dawhkana tissue paper chuan a kawr chu ka va hru thuak thuak a. Ka kut a paihsawn dawrh, meng ling hlar chungin, "I kut bawlhhlawh khan ka thawmhnaw manto lutuk hi khawih suh. Mawl lutuk,.. " a ti vin hlar a. Ka thiante an rawn lang ve nghal. Zodinga an hmuh chuan an tim ve leh aniang, an ngawi ta reng a. 

"Hawh, ka va thlah mai ang che" Zodinga chuan a ti a. Min melh lo hrim hrim. 

"Kan boruak i tichhe vek anih hi.. " hmeichhia chuan a ti a. A bag chu a la nghal. 

"Ka tihpalh a tih mawlh mawlh kha.. A tilui bik lo' Bonny chuan ka kut a rawn vuan a. Ka lo thaw huai. 

"I bialnu hi fimkhur turin i lo hrilh dawn nia.. " Zodinga chuan mitmeng hriam zet in Bonny a melh. Linda tawng tum lai chu ka va sik vâwt a. Zodinga te pawh an chhuak ve ta a. 

Ka chaw ei pawh a tui tawh lo. Ti nge maw mi pawi ka khawih fo ni. Ka tlaw leh zei loh lutuk vang a ni. Bonnyam min thlah a, engahmah ngai lo turin min hrilh char char. Ka ngaina sawt. Bakah ka duh ve tan in ka hria. A haw tur chuan ka chalah a fawp zauh a. Ka haw miah lo. 

Mut dawnah kan intext zui leh nghal a. Kan inngaizawng ta mai. Min bem rei ve tawh tho sia, bakah zanin a chetdan khan ka tleirawl rilru a hneh ka ti mai. A romantic tlat. 

Class kan kal ngawrh ta viau. Exam a hnai chho tan ta bawk nen. Lehkha zir hi ka taima vak lo naa ka zir ve chinah ka thiam bel thung. Bonny a lo lenh zeuh zeuh. Ka nu pawn a hre vek tawh. Engmah a sawi lo. Kan infawh hmasak ber chuan ka lai ngang mai. Ka zei lo si. Ani pawh a nuih a za in ka hria. Ka thiante pawn min duhpui ve bawk a. A nuam. Zodinga hnuaiah a la thawk reng a, ka class bang hi ka peng ve zeuh thin. Chuan kan haw rual thin. Zodinga bialnu pawh kha ka hmu zeuh zeuh, hmel tha vur chu a ni lo va, mahse,  a pian a nalh tawp. Min hmuh chang chuan a meng rum thei tawp. Engahmah ka ngai lo lui ve hmiah zel. 

"Ruati chu a timak ka ti khawp mai" ka nuin ka u bula a tih lai tak chuan ka class bang chu ka va lut a. 

"Eng chu maw? " ka va ti tâwng. 

"Ruati khan pasal a um anih awm chu!  I pa mitmu èm pawh a la keh lo ania. A fate pawh a ngaihtuah miah lo mawni le ka ti.. " ka nu chuan a ti ta bawrh bawrh a. Ka pa a lainat zawk tih ka hria. A thlarau a zahawm ve bawk a ni. Ka nauteho ka khawngaih ve lehchhawng. An la te sia, Nu Ruati chhungte nen an intlawhpawh lo rei si, hrehawm an tih ka ring. Bonny a lo leng a. Tv kan en mai mai. 

Bonny chuan, "Vawiin U Zodinga leh a bialnu kha an inhau a" a ti satliah a. Kei mi bengvir tih takah ka lo hre chak leh hman. 

"A bialnu kha a roomah a han chho va, hmeichhe dang a lo awmpui aniang. A rawn ang thla bawrh bawrh mai. Chuan a hnungah U Zodinga a lo chhuk ve a. An inhau deuh. Inhau ti ila, kha nu khan a ankhum a ni mah zawk ang chu.. 

'Tenawmpa, mi hurpa, duhtawk nei lo reng reng, hmeichhia te hi infiamna atan hmang tawh suh. I la tlu chhe vat ang" tih velin a tia. 

U Zodinga chuan, 'Puii,  min hawnsan la, rawn kal tawh suh. Ka bialnu i ni lo. Ka bialnu anga awm tum hi bansan rawh." A ti. Chubak engmah a sawi lo. Kan en thup mai.. " Bonny chuan a ti a. Mak ka lo ti tawp! A bialnu a ni lo a maw?! An inhmeh nen nen. Kha nu khan a hauh hmel bawk sia. 

"Zodinga chu a lerh aniang" ka ti a. 

"Hmm.. I va chal tak. Û ve em em la. Keini pawn kan u a nia. Nia, lerh chu a lerh ve aniang, hmeichhe chi hrang hrang a rawn hruai luh an tam tawh em mai" a ti a. 

Ka kut a rawn vuan. Ka nu a mu tawh a, kan inkiss, tv volume a san a, a che ninhlei sawt riau. A zei bawk sia. Ka hnute pawh a khal. Mahse, ka kawng hnuailam erawh khawihtir loh hram ka tum. Virgina pasal neih hi ka tum ve tlat. Ngaihzawng ka la ngah loh vang pawh aniang ka la hum ve thei zel chu a nia. Ka nu aw thian kharh thawm a hriat chuan a tawp ve ta hram a. Kan innuih ringawt. 

Ka mumangah Zodinga leh a bialnu ka lo mangphan vel. Huizz.. A bialnu kha ka khawngaih vang aniang. A tuk inrinni a nih vangin Rami te in sakah ka va inhlawh leh. Rora kan chhu tawh lo va, hlawhfate eitur kan siam. Ka nu hian min zirtir nasa bawk a, eisiam lam chu ka thiam ve phian. Ka peih lo em zawk a. 

Kan bang tlai angreng, an sulhnu kan chingfel leh bawk nen. Rami pa Pa chawian hlawh min pe nghal. An fanu vang pawh hian min duhsak vein an fanu ang deuh thoin min en ve a. Ka hah loh nen 500 lai min pe. Lawm deuhin ka haw ta hnak hnak a. In ka va lut chu ka phu zawk. Ka naute pahnih lo thu te chuan min hmuh rualin min rawn pawm chuk chuk mai. Nu Ruati nu leh tu nge ka hriat loh patling an lo thu bawk a. A ngaihna ka hre lo hle mai. 

"Hei, i naute hi an ni hian enkawl theih an inring lo va, i pa fa an nihnaah kan enkawl tura rawn dah an tum anih hi' Ka nu chuan awki hniam angreng tak hian a ti sap a. A awki a hniam hi chuan a lungawi chiah lo tihna  a ni thin. 

"Nia, Asang, i naute hian an ngai bawk. Che sia. An nu lah in pasal a umsan daih bawk si. A inhralhna lah kha a pumbilh vek a, kan khawsak a harsa angreng sia, tihngaihna kan hre lo a ni" Nu Ruati nu chuan a lo ti ve bawk a. Ka bo map. Ka hamhaih hle. Ka u a lo haw a. An sawi khawm laih laih a. Kan rilru chu a hmin lo tlang a ni. Mahse, an retheihzia an sawi chamchi a, an zirna senso pawh neiin an inhre si lo, Nu Ruati lah a pasal um kha vai a lo nia. Vai ramah an awm daih thu an sawi a. Ka ngei takzet. Ka naute chu ka han en thin, pawisawi lo, rilru thianghlim tak an la nia. Ka pa fate tho an ni. An nu lerhkawh vanga an hmalam hun a chhiat vek chu ka ngaingam si lo. Enkawl dawn ta ila kan khawsak a harsa ve tho bawk si.. Ka nu thu thu ni teh se. 

"In enkawl theih loh chuan home-ah dah luh mai loh chu tihtheih kan nei lo" an tih takah chuan ka nu chu a ding ta hluai a. "Aw le, kan enkawl ange. Homea dah ngawt ai chuan. Kan hausa bik lo naa ka pasal fate ve tho an nihna angin ka tlanchhe lo vang.. Kan kutah chuan in dah thei ang. Mahse, lehkha te pawh fel takin awm se la, nakin hnuah min rawn chuhpui tawh lo turin.. " a ti ta dap dap a. Ka nu ka ngaihsanna a pung sawt. Ka u pawn a lo pawmpui ta bawk a. Lehkhaah fel fai taka ziakin, Bawihpuia te unau chu kan ta, kan chhungkaw zing ami an ni ta a ni. Thil kal dan chu a mak hle mai. Ka pa khan a dam lai pawn ka nu tan phurrit a siamsak a, a thih hnuah lehzel pawh a la hahdamtir thei lo anih hi maw.. 

Bawihpuia te chu kan zingah an cheng ve ta poh chu a nia. Hruaitea hi a la naupang bawk nen ka nu bulah a mu a, keiin Bawihpuia ka mutpui thung. Ka u pawn rin aiin a ngaina a. A duat ve ta hle. Naupang harh tak an ni naa thu an awih viau. School pawh an kal chhunzawm a, Mama hian a hna a kal dawnin a hruai nghal thin. Kan kum a inthlau sia, kei chu min û thei mai a. Mama erawh Ate an ti daih!  Ka nu chu Api an ti thung. Kan khawharna erawh an dahbo chiang kher mai. Hulhar rei tawh tak kan nia, naupang chhawnchhaih tur an lo awm ve ta chu a nuam angreng. Mahse, ka nu hi a hah zualin ka hria. Ka u hlawh ngawr ngawr bak rin tur kan nei ta vak si lo va. Ka nu in a eisiam atanga a lakluh lah chawhmeh leh engilo ah a ral nghal zel si. Kei pawh a hma ngawt ai chuan ka inren a ngai dawn tih ka hrethiam ve. 

Ka thiante leh Bonny te pawn an hre ve a, an duat ve phian. Mak erawh an ti viau. Nu Ruati an dem hle. Ni e, a demawm thlawt. Mi nu a luahlan a hnu hmanah a pasal a boral chauh a, a fate thlahthlama a zui daih chu tu mihring tan mah han fak chiam chi ni nghal lo chuan… 

Zodinga ka hmu zeuh zeuh. Min be ngai lo reng reng!  Hmelhriat loh ang chiahin min en thin. A hmelhriat atan min zahpui emaw a bialnu kawr ka tihhuh vang khan min ngei a niang. Ka be lem bik lo. Bonny hian tlem lai khan ban a tum a, a chhan pawh Zodinga chuan a hua anga a inhriat vangin. Vawikhat an lam zir laiin Zodinga cousin khan an lam dan style chu sawiselin style thar neih a rawt a. Bonny chuan a kam khat ve a niawm e. Chu chu Zodinga chuan a roomah ko chhoin a duh chuan a bansan thei tih a lo hrilh a niawm a. Bonny inla pa ve tak chuan ban a tum thut thut a, mahse, hlawh a tha sia, a ui ve leh ta deuh a. Tihian a la thawk ta zel a ni. 

Exam kan tan chho a, Bonny nen kan inbe tlem ta deuh. Ka zir ve nasa bawk a, ka cher kâwkin ka hria. Ka thiante hi ka hrilh ve thin. Kar hnih lai kan exam bawk si. A ninawm ve angreng. Subject khat chiah kan nei tawh tihin, number hriat loh atangin Bonny leh hmeichhe pakhat infawp lai ka dawng ta a. Ka tek ve chhawk mai. Min lo thawntu chu tu nge anih ka hre zui nghal bawk. Zodinga a ni. Mak ka ti hle. 

"Engtin nge? " ka va ti ringawt. 

"I hmuh hi a that ka ring a. Kawp i ni" a rawn ti teh khawl!  Ka na ve khawp mai. Bonny ka be nghal. A pha nasa ngang mai. A thiannu annih thu leh a bialpa elsen nana an infawh thu a sawi. Mahse, ka awih si lo. An inkissna hmun kha Zodinga dawr cabin pakhatah a ni a. Engtin nge an thla kha an lak theih. Tu lak nge ni ta ang? Chu chubka buaina a ni ve deuh. Bonny pawh ka dem chiam chiam duh rih lo. Zodinga ka be zui lo bawk. Lehkhazir erawh a har ta talh mai. Mahse, ka tum lui nasa a. Ka thiam sa a tam bawk a, ka ziaawm ta hlauh. Kan exam zawh tlaiah Zodinga dawrah thil ei turin kan kal. Lamna hmunah kan va peng zuai a, chutah chuan thudik tak ka va hre ta a ni. 

Bonny chuan fet zetin a kuah a, a dul thuar vel chu a tham nghet hlein ka hria, hmeichhia pawh chuan lam chung chuan a han nuih leh saih thin a. An inhrethiam tawn hle tih chu a hriat ngawih ngawih. Mahse, Lini te chuan Bonny chu an va ko va. Min hmuh ruala a laihzia leh a hlauhthawnzia kha.. Tha deuhin ka thiante chuan an bia a. Chimawm ka duh ve tlat, kei nen kan inthen anih rau rau chuan saw nu nen pawh sawn an intithiam lo ve ngei tur a ni. 

"Zanah i rawn kal ang tiraw.. Kan zo tawh sia" ka va ti a. Ka theihtawpin ka nui lui bawk. Hmel pha dai hian, "Nia, umm.. Ka lo tum ang" a ti nawk nawk a. Hmeichhia kha a lo meng ráng nghal. 

"Asang, inpa hi treat ve la.. " Linda chuan min hrethiam. zetin a rawn ti ve zat. 

"Nia, lo kal la, bawih.. I chau tawh ang.. " ka lo ti. Bonny hmel chu hmuhnawm tak a ni. Chu ai mah chuan hmeichhia chu a hmuhnawm. A tûm bûr a, a meng no lo ve chiang. 

"Wow!  Bialpa kan lo intawm chiang. A zia lo hle mai. Tihian ti ang.. Kha pa kha nei zawk mai rawh. Rinawmna tlachham deuh chu an man a to thei lo va, inchuh buai atan chuan an hlu lem lo.. Nei daih rawh. Kei. Chu ka bang.. Tikhan engkim a tawp" ka ti ta hmawk hmawk a. Ka chhuahsan nghal. Kawngka bula Zodinga lo ding khur chu ka va su thawi thuak a. Mahse, ngaihdam pawh dil lo vin ka chhuak daih. Tuman min rawn umzui lo. Ka thiante chu an thinrim teh ang chu. 

Zep loh chuan Michaela ka star hnua bialpa ka neih leh hmasak ber a nia. Kan inmil bawk a. Ka lo duh ve hman lutuk, na ka ti ve reng. Khatianga cheap deuha awm pawh kha ka tum hran lo. Mahse, thutawp sawi paha tihnat ve ve ka duh ve si anih kha.. Zanah min rawn hnem liai liai hlawm a. Zodinga msg pawh a rawn thleng ve nawlh, "I awih duh lo va" tih te hi. Ka ner sak ringawt. Ka chhang lem hlei lo va. Ka thiante nen nawi ka chak rih tlat. Na lo ang takin ka insangphek a, ka uang vak vak, mahse, ka chhungrilah min tur ut ut. 

"Khatia sawi kual chiam kha a ngai hleinem. Ka bialnu nghet ania, kan intihthiam loh chhungin ka play ve mai mai che anih kha.. Ka bialnu ni tur chuan i hniam mah. Mah" Bonny hnen atanga ka han dawng leh zet chu ka puakkeh lo chauh. Ka chhang lo. Block erawh ka block duh ta èm lo va. Min hmusit tu ka lo fawp ve thin anih chu. Sex ka lo hmanpui ang tih ka hlau hnuhnawh. Mite anga hausa leh changkang ni ve lo mah ila; ka hlimin ka dinhmunah ka lungawi thin. Ka thiante vang pawn tumah ka awt ngai bik lo. Mahse, chung ka lungawipui thil te chu mi dang tan a nuihzatthlain a hmuhsitawm ani mahna.. Hnawl ka ni ta rup chu a nia. Mipa chu ngaihsak buai tawh lo law law mai ang. 

Zodinga msg a lo thleng ve nawlh zel.. "i tha em? " tih te, "I va tuar na awm. Ve " tih te. Ka reply vek lo naa reply chang chu ka nei. A nau thiannu ka ni a, min ngaihtuah ve aniang. Misual tak a ni lo ka tih tawh kha.. 

Kum tawp a hnai tan a, kan exam zo ta bawk nen, christmas bazarna tur intuak ka duh hle. Rami te lah chuan ka thawh awm chi an nei tawh si lo. Linda te ho ka hrilh chuan a u a lo biak tur thu a sawi ta a. A dawrah sawn inhlawhna a awm nual tak ang. Kei chuan ka dil ngam chiah lo. Linda chuan a lo sawi ni ngei tur a ni. Zanah, "Eng nge i thiam ve? " a rawn ti a. 

"Eisiam te, thil tihfai te" ka ti a. 

"Waitress chu kan indaih a. Eisiam lam chu i ti dawn mi aw. Kan eisiam pakhat hi anu damlohna vangin hawn a tum a" a rawn ti. Ka va lawm tak. Hlawh a pe tha tih ka hre ve kur sia. Chumizan chuan kan sawifel nghal ta vek. A awlsam phian. Linda chungah pawh ka lawm takzet. ani. 

A tukah dawrah ka va kal ta nghal a, englai pawn a lun reng mai a nih hi. Choka lamah an chef chuan min hruai nghal a, ka tana hriat tur pawimawhte a sawi a. Min kawhhmuh bawk. A bulah nilengin ka che, ei pawh ka la siam ta lo. Thawk kumhlun tur treatin min treat ka ti mai. Mahse, a pawi lo. Hlawh ka nei dawn tihah chiang ila a tha. 

Bawihpuia leh Hruaitea te pawh an exam zo hnai a. An awm loh hlek chuan kan lam chul tawh. Ka nu ber ber hi a awm thei tawh lo. Anmahni vang pawh hian sum tlem azawng ka thawhchhuah a ngai tih ka hria. Hrehawm ka ti hran lo bawk. Ka vanneihna chu mi hlim thei tak ka nihna hi a ni. 

ZODINGA…. 

Puii kawra soup a tihbuak zana Bonnyan a thlavang a rawn hauh atang khan hlat ka tum ta mai. Ka tan chuan a la sen ve deuh bawk a ni. Ani lah hian min hawi lo ropui bawk sia. Puii teh chhen hi ka ning zozai ta. Amah hnar nan ka cousin Ruatpuii ka rawih tak tawp kha.. Tikhan a reh ve tawh ang chu maw.. A zahtheih lohna chu ka ten tlat tawh. Ani zawng ka bialnu a ni ngai lo kumkhua ang. Bonny leh Asangi chu an inngaizawng chiang ta. Ka hnuaia thawkin duh duh huna a fawp thei tur chu ka la na viau. Chuvang chuan ka ta ni lo tur angah ngaiin pawm thiam ka tum ta a. A number pawh ka nei. Mahse, ka be duh lo. A tul lo ve. Bialnu erawh ka la nei lo tluang zel. 

Ka nu min lo biak angin ka pa ka va hmu a. A lo la ngeng hle. Mahse, ka hlawhtlinna a hmu chho ve ta deuh bawk a, ka chhuahsan lai ai chuan min be tha ta deuh. Haw turin min ti a. Mahse, nakinah nupui pawh nei ila ka la indan tho a ngai dawn tih ka hria.. Keimahin ka awm rei tawh a, chenho dul dul kha ka tlin ka ring tawh lo. Kan veng chhungah ka pa nen kan inkar boruak hre lo an tam lo, inthup. Vak pawh tulin ka hre lo. Mahse, kan boruak a ziaawm tih tal an hriat beiseiin ka tlawh ta zeuh zeuh a. Ka pa pawh a nem ve tial tial e. 

Bonny bialnu nghet thin Thansangin lam a rawn zir leh tih ka hriat chuan engtin emaw ka awm. Ka lawm nge ka ngui ka hre lo. An inthen ve zawk vangin a rawn kal ta ngai lo kha. ania. Tuna a rawn inlan leh takah chuan an tha leh anih ka ring ve tawp. He Thansangi hian vawitam min beisei thin, mahse, Bonny ka khawngaih vang chauhin ka hnar. Bakah a mizia her hawrh hi ka mil lo. Mi attention seek tum tih hriat ngawih ngawih hian a che vel a, mil an tam vak lo reng a ni. Bonny nen an infawp lai thlalak ka nei thei ta hlauh. Min petu erawh ka sawi lo mai ang e. Asangi ka thawn dawn khan ngaihtuahna ka seng nasa viau. A cheap ka ti a, Bonnyan a lo hriat phei chuan min en dan a dik dawn lo tih ka hria. Mahse, he mihring hian Asangi a bum reng ka phal ngang si lo. Ka va thawn ta tawp kha a nia. Vanneih asiamin Asangi chuan ka hming a sawi ri lo hlauh. A zia e. An exam. zawhnia Thansangi leh Bonny a tawngkhum dan ka hmuh khan a lawmawm ka tihna a zual. Chimawm si, nghal bawk si. A va duhawm tak.. Mahse, a tuar na ve riauin ka hria a. Ka hnem thiam lo va, hnem ka duh ve bawk si. A hnu deuhah ka nauin Asangi tan hna min rawn dil khan ka chhungril hlimzia a hriat ka hlau. A langah chuan khauh tak angin ka lang naa, he sava no hian min hnaih ve hret hret dawn tih ka chiang a, chuvang chuan ka hlim. Chef Ramtea chuan a lo dawngsawng a. Ramtea hian nupui nei tawhin fa pawh pahnih a nei ve tawh a, Ramtea bula chettlattir pawh pawi ka ti ta lo. Ka ta ni lopui la lo hauh ve em em Hi ka innuihzat lek lek zel. Uniform a han ha te chu a inhmeh bik ngawih ngawih. A eisiam ka ei hmasak ber ni chuan ka lei ka lem tel lo chauh. A tui takzet. Nupui tlak a ni tih ka chiang. 

Hnaih duh si, hnaih anga lan hreh siin ni 3 vel chhung chu ka inkháp a. A thian anga awm nge tha anga a boss angin.. Tih te. A boss anga awm chuan thu a awih anga, min zah bawk anga.. Tih ka ngaihtuah. Tichuan, a boss angin ka awm ta a. Zan thlenga riahtir dan kawng ka dap nasatzia hi hria se min va ten dawn tak. Remchang ka hmuh ngei a ngai. Ka roomah ka ko chho ta tawp a. Ka hmaah a ding zum reng mai. 

"In khawsak dinhmun te ka lo hria a, i naute chungchang pawh. Tihian ka ngaihtuah a, ka nau thiantha i nia. Puih che ka duh sia. Zan lamah hian dawr chu hawng tawh lo mah ila, keimah hian eitur siam hi ka ning in ka hman lo ve bawk nen, Christmas hma chu min chenchilh mai la, hlawh pawh i duh anga tam i lak theih ka ring" ka ti ta a. 

Pawisawi lo zetin min melh kiau a. A ngaihtuahna chu a buai ve deuh tih ka hre thei. "Anu ka lo rawn ang aw" a ti ta a. 

"Ka nu ti zawk la.. " ka lo ti fiamthu. A ner sak a, "Mi bulah chuan ka nu ka ti ve reng e a" a ti nghat. 

A tukah a thutlukna chu min hrilh dawn a, a sawi hmain, "Lo awm ta ila khaw nge ka mut ang? " a ti! 

"Mikhual room a awm" ka ti a. 

A bu nghat, "Umm, Ka nu pawn a remti a, chuan hlawh tam deuh min pe la" a ti sap a. Ka nui. Sum a mamawh ve hle tih ka hria. Pek tam pawh ka tum. Chumi tlai atang chuan ka inah a rawn inchheihrawkhah lut ve ta a. Zanriah tui tak ka ei nghal pang. An chhungkaw chanchin tlem azawngte ka zawt ve a, vawikhatmah min la ko miah lo mawle.. Mikhual roomah a riak ta a. Kei erawh amah ngaihtuahin zan hun ka hmang ral. Heta a awm chhung ngeia ka taa siam ka tum nghet bur. Tin, nupuia neih hial pawh ka pawiti lo. Hmeichhe tha tak a ni miau a. Mahse, amah tereuh hian min zah nge min hlau pawh ka hre lo, min pawh viau lo. Hei zawng ka la tidanglam khawp ang. 

Ni 4 lai a awm tling ta, thlasik khaw vawt pawh a na chho tan a. Ka dawr pawh a lun ngaiin a la lun reng. Chhunah dawrah a che bawk sia, a chau thei ngawtin ka ring. A nu nen an inbe awl lo va, a naute thil tur a thawn zeuh zeuh bawk. Kei pawn hmeichhia ka riahpui ta lo phawt. Ka bem dawn chuan min rinngam dan tura awm a ngai miau si a. Ka pa nen kan inbe fô a, vawi khat phei chu a lo leng ve nghe nghe. Chhungkua kan insuihzawm leh tan ta bawk a, enghelh tehchiam ka nei lo. Hmingthansangi chauh lo chu.. 

Zan khat chu Rama ten oder an hmuh vangin an bei rei deuh a. Asangi erawh an in lamah a haw zawk a, zanah a lo kal leh dawn a ni. Dar 6 velah a lo thleng a, zanriah tur a siam nghal sar sar. A zai rat rat bawk a. Kei erawh lehkha chinfel ngai ka chingfel. A lo chhoh lai khan Rama te chu dawr choka tepen lehchhawngah zu an lo in daih a, an awm tih a hre lo. Rama te hi an riak nghal law law dawn a. Zanriah kan ei a, a titi siam siam mai. 

"Asang, min mawl biak tawh suh. Min ko hreh viau mi? " ka ti a. A chaw bar a tawp chat, "Koh dan tur che ka hre hleinem" a ti a. 

"Min u mai la, min u duh loh pawn a pawi lo" ka ti a. 

"Umm.. Ih, maw U Zoding, ka û in nupui a ru asin" a ti a. Ka nui. Ka va melh a, min lo melh kar. Min ko nghal hmak chu ania ka nuih tizatu. A û te inruk thu chu a sawi zui leh a, an veng thenawm ami a nih thu te, a fel hmel a tih thu te a sawi a. Ka lo ngaithla ve mai. Thleng a sil zo va, kei ka chhuah lawk a ngai nen ka chhuak zui nghal mai. Ka haw leh chuan a lo mu tawh aniang, hmuh tur a awm lo. Kei pawh ka intifai a. Ka mu ti ila, ka mut a chhuak hlawl lo va movie te ka en ta vel mai mai. 

Dar 12 a ri tep tihin ka room kawngka a rawn kik dat dat a. Ka kalh lo bawk a. Lo lut turin ka hrilh a. Thlabar hmel zet hian a lo lut a, a kut chu a hum ruh tlat bawk. 

"U Zoding, i in hi a hráng" a ti ta mai a. Ka pháwk ve deuh. 

"A ni tak tak, ka muhil a, in hnuai lamah khuan thawm a awm. Bungrua vel khu an khawih aniang, a ri a ri mai. Chuan, tawng thawm pawh ka hria"a ti ta a. Rama te an ni tih ka hre nghal. An ni zurui hian thawm an dim vak lo pawh aniang. 

"Ka mu ngam tawh lo ania" a ti tuau a. A banah ka kai a, k khumah ka thuttir. "Ka bulah mu mai rawh" ka ti ta a. Min rawn melh hâw. 

"Ih, i room chhuatah hian ka mu mai ang" a ti niah niah a. 

"A tul lo, ka khawih lo vang che. Khum a zau alawm.. Va mu rawh. Hei ka la en laklawh" ka ti satliah a. Duhthlan tur dang nei hek lo, a kil lamah chuan a mu ta a. Lehlam a hawi nghal hmak. Ka nui tawp. Zaninah hian ka duh thu ka hrilh ang. Ka mu ve ta a. A muhil bik lo vin ka hria, ka va khawih de de a, ka chet dan kha a thing tawp. 

"Hei.. Hur suh" a ti thawt. A rawn hawi nghal a. 

"Thil hrilh tur che ka nei a. " ka ti a. 

"Sawi la"

"Ka bialnu i ni duh ang em? " 

"I â mi?  Linda û i nih hi" 

"Chu chu eng nge a pawimawhna?"

"Thiante u ngaihzawnte chu a.. Bakah kan inupat hleih si.. " a ti ta tlat! Hmeichhia ngen tlut tlut chi ka ni lo va, bakah a rilru tur chu ka hrethiam tho. Mahse, hnawl ka ni chu na ka ti ta tlat!  Hmeichhiain min hnawl vawikhatna a ni hial ang. Chupawh hmeichhe naranin. Lehlam a hawi a, ka hawisan ve hmak. Ka muhil mang lo. Insi miah lo vin zan kan tumtawi ta kha a nia. Ka thawh chuan a lo tho tawh. Danglamna awm miah lo vin min lo wish a. Coffee a rawn chhawp nghal zat bawk. Engahmah min ngai miah lo anga a awm chuan ka mipa rilru a kai chhuak. Anihna takah chuan ka chapo ve tawh si, khatianga min hnawl kha ka tlawmla a ni zawk mah e. Ka bialpa nih chaka min tlawn hiam hiam thinte aiin a hmel tha miah lo lehnghal. Mai mai a.. 

Nilengin ka chhuak a. Zanah Saii te chaw eiah ka sawm bawk. Runluih chu thil atthlak tak a ni tih ka hria. Mahse, ka laka a rilru putdan a thlak te pawh ka beisei deuh. Saii leh a thiannu chu ka hruai lut a. Ka call lawk tawh vangin zanriah tur a lo peih diam tawh. Saiin a hmel an hmu chu, "Eheu!  Chhiahhlawh ah i tlahniam ta law? ' a ti chang fak a. Asangi chuan a mitah a lo melh ve kalh. "Aw. anih hi" a ti mai a. A ngaihpawimawh hmel vak loh. 

"I ei siam ka ei duh dawn mawni le.. Tuitang lo lutuk" a ti zui hlak a. 

"I thu thu lawm" a lo ti ve hmak. Saii thiannu a â lo va, a lo khap dai vat. Thudang kan sawi ta daih a. Asangi eisiam chu rin aiin a lo tui ta sia, Saii chu a ngawi hmak. Ka thinlung chuan chawh ti mah se;Asangi runluih ka chak tlat. Chaw eikhamah Saii thiannu chu ka va drop a. Saii nen chuan engtin tak lo inkawm ang maw.. Mahse, ka hawn chuan Asangi chu a lo mu nge a lo awm lo. Zu kan in dun a, ka hnena a thawh lai ata tawh min star tawhtu kha a ni bawk a. A hnip teh e. Sofaah chuan ka phelhruak ta mai. A hmanhmawh phian sia. Kan inchentawn laiin Asangi tui la tur a rawn chhuak thut a. A rak nghal tuar… 

Ka tawp duh thak lo. A roomah a lut zui nghal bawk nen. Mahse, nuam tihna pakhatmah ka nei tawh lo. Saii pawh chuan a feel vak tawh lo in ka hria. Chumizan chuan a riak ve ta a. Ka muhil tlem angreng. 

A tukah Saii chu zingah a haw. Asangi chuan min be miah lo. Ka be bik hek lo. Biak chu ka chak, ka ngam tlat lo. Nizan avang khan.. Ka lo che na deuh a ni. A pawi khawp mai. Ka chhuah dawn chuan, "Min duh ta bawk si lo va, nizan ang kha i hmu fo ang" ka ti a. 

"Ni e, khatianga i awm tlat vang khan lawm ka hlauh che" a ti hmak. A lungawi fahran loh hmel hle. 

Joela  a bialnu nen an inthen khanglang sia, Chaw eikhawm a rawt. Hmeichhia pawh a lo ngaihtuah leh mai ang chu. Asangi call ka tum lai takin a rawn call, "U Zoding, ka haw thei ang em?  Jecky a bo va" a rawn ti. 

"Tu jecky maw? " ka lo ti hu. 

"Ka ui mawle.. A bo sia, ka zawng duh.. Ka haw dawn aw" a ti a. A aw ah chuan a mangan hmel. Mahse, chaw eikhwm kan lo titlu tawh si. 

"Chaw kan eikhawm dawn a, i haw theih loh hmel. Mi paruk tan zanriah lo buatsaih rawh aw" ka ti ta a. Phone a dah hmak. 

ASANGI… 

Ka thin a va rim tak em.. Jecky a bo a, hawn a phal lo chu a nia. Zawnga mai mai chu. Nizanah an eikhawm tawh reng sia!  Saii nen an inti lai ka hmuh khan ka luak a chhuak ut ut a, ka thinlung hi engtin emaw a na dawt. Ka hrethiam lo. Mahse, he Zodingliana hi ka ten hle. Hmeichhia a mutpui hmiah hmiah ania. Saii phei kha chuan min hmuhsit zia a hre ve reng a. Min bem ve em em a, min tan leh tawp si lo. Min bem tuk zanah hmeichhia a mutpui leh thei nghal ania. Tenawm lutuk. Duh ve dawn pawn a rinngam awm loh em mai a. 

Jecky mawlh chu a ni. Engtin nge maw a bo theih le.. Khaw nge a kal ang le.. Ka rilru a hah takzet. Kan vulh rei tawh a, ka thian ka unau ang a ni tawh. Ka thiante pawh ka hrilh a, an lo mangang ve tawp. Phur lo zetin zanriah tur ka buatsaih a. Ka thin a rim tûn mai. Dar 6 velah an lo thleng a. U Joela chu ka hmu tawh. A bak chu ka hre lo. Hmeichhe pahnih leh mipa pathum an nia. Hmeichhia te chu an fel phian, min be siam siam mai. Dar 7 ah chaw an ei a. Kei erawh ka ei hleithei lo. Jecky bak ka ngaibtuah thei si lo va. 

Thleng te ka sil zo va, Ka nu ka be nghal. Balconyah ka chhuak a, tap tuau chungin ka bia. Ka rilru a na em a ni. Kan inbiak zawh hnu pawh chuan ka ding ta reng a. Ral lehlama veng pe uar te chu ka thlir mai mai. Ka mittui te a rawn tla mawle… 

"I lung a va leng awm ve" ka hnung lam chu ka hawi vat. U Zodinga thiante zinga min be peih ber kha a ni. A hming pawh Sawma a ni tain ka hria. 

"Leng lo ve"ka ti ve mai a. 

Beer cane a keng a, a in zauh zauh. "Boruak a nuam hle mai" a ti sup a. Ka chhang lo. 

"I rilru a hah hmel tlat.. Kha hei in rawh.. A chhwk ang che" a ti a. A beer ken lai chu min pe a. Ka lu ka thing. Beer chu ka in ve fo. Mahse, ka rui em em ngai lo. 

"kha in ve rawh.. I rui lo vang" a ti leh a. Jecky ka ngaihtuah a, ka lungpuam chuan ka ban ve ta ngawt. A tui phian sia, ka in zo vek. A va lut leh a, a dang a rawn la, a cocktail a ni ngei ang, a hma aiin a kha zawk. Mahse, ka in laklawh tawh a, ka in zui ta zel. Ka rui ta viau mai. Min rawn ngheng talh talh a, ka ngaih a lo sam tawh nen, ka lo hnar lem lo. 

"I duhawm takzet" tiin min fawh a tum a, ka lo thle sawn. Min nawr char char. Chuti maia infawhtir chu ka duh bik si lo. Tawng miah lo vin kan innawr ngat ngat. 

"A nuam awm hle mai" U Zodinga hmel rum ûl chu ka va hmu nghal. Sawma pawh chuan min thlah nghal a. 

"Nuam chen turin hetah ka awmtir lo che. Sawma, nang pawh i chet dan a mawi lo hle mai" a ti chang fak. 

"Engtinmah ka ti lo.. Bakah a ho ee, ka duh leh ka khawih anga.. I bialnu a nih loh hi" Sawma chuan seh chilh deuh nak hian a ti a. A sawi zawh rualin a bek a ri chawrh. A tlu thal nghal huang. Ka rak nghal thawt. Zodinga hmel chu rapthlak tak a ni. A mitmeng te chu a de sar sar mai. Midang an lo kal a, Sawma chu an kai tho va, khawih let ve a tum lem lo nge an hruai sawn ta a. Min rawn melh, "Naktukah i chhuak ang" a ti hriam hraih a. Ka zu in in hna a thawk chho tan ta bawk si nen ka thinrim a kai chhuak a. Pawr zetin, "Zaninah ka chhuak ang" ka ti a. Ka inrin hmain ka mittui a luang. Mipa tumahin min vin in min la hrâwk ngai lo. Ka chhungril nozia a hre lo he pa hian. Bakah Sawma nen khan engtinmah kan awm hek lo. 

Roomah ka lut a, mittui hru chungin ka thawmhnaw ka siam. Min rawn ngaihven ka beisei a,  a rawn lang eih lo. Chu chuan min tino zual. Ka haw lutuk. Ka bag chu akin ka chhuak a, stepa ka chhuk thlak lai chuan min rawn phih dawrh. 

"Khawiah tehlul nge kal i tum.. Tun ang zan laiah hian" a ti vin tuar a. 

"Kan inah.. Minnthlah rawh. Tenawmpa" ka lo ti. 

A kut chu ka  dah sawn a. Umzui hman lohin chak zetin ka tlan thla ta a. Zan a rei tawh angreng a, kea kan in pan chu ka hlau ve reng. Mahse, ka va kir tawh awm lo.. 

Bazar ka thleng phei dawn tihin mipa rualkhat ho an lo awm khawm laih a, ka tawlh hrat hrat. Min rawn en thap hlawm. Ka rui ve tho sia, minnzuam dawn tih ka chiang. 

. "ehh.. Thiannu, hawh kan lo thlah ang che" an ti a. An rawn kal nghal. Ka let leh, ka kal chak leh an kal chak ve zel si. Ka hlau takzet a ni. Ka phone ka phawrh lai tak chuan, "Chhelote, hawh.. Min hlau suh",  tiin pakhat chuan min rawn pawm thuak a. Ka au nghal chul. Ka ka a rawn hup phui nghal hmak. 

Mi dang pawh chuan min rawn khawih deuh nghal mai. Ka tap pur a, ka rui a la reh si lo. Ka va mangang tak em… "Thlah vat rawh u" fiak thak hian a rawn ti a. Kut kuangkuahin a ding khawng lah. A mitmeng erawh a rum ngang mai. 

"Ka ta a nih hi.. Ka ta liau liau.. "Tiin min chelh tute kut chu a paih thla dawrh dawrh a, min rawn kai lawp. Min kalpui a tum chiah chu mipa pakhat chuan a rawn tlawh a. A pai nawk mai. An insual nghal chu a ni ta mai a. A sirah khur zawih zawih chungin ka lo thlir, Zodinga kamsir chu a kak a, a thi nghal. Mahse, ani pawn a khawih. Na ve hlawm tho, kan thawm a rin tak em vangin veng chhung duty ten an lo thlelh ta hram. Zodinga chu an hmelhriat a nih vang leh a thiam zawk a nih vangin an kaltir ta a. A motorah chuangin a in lam kan pan ta a ni. 

Kan inbe lo. In kan thleng a, a hliam chu buaipui ka tum. A ngawi reng. Damdawi ka hnawihsak a, a mitkoa damdawi ka bel lai chuan, "Tikhan min ring tawh em? " a ti daih,!  

"Chutiang sawi hun a ni lo" ka lo ti. Min pawm bet a, min thlah leh, ka biang tawn tawna vuan chungin, "khatiang zan thim hnuaia nangmaha kaltir che kha ka hlauhthawn loh i ring em ni?  Tuman an khawih che hi ka phal hleinem. Tun atang chuan ka ta i ni tawh.. I hria em? " a ti hrâwk a. Ka chalah a a rawn fawp. 

"Sawma nen khan engtinmah kan awm lo va, tikhan min rawn ti vak anih kha.. Bakah Jecky zawn pawh i phal lo va" ka tap leh ringawt. 

Zaidam zetin min rawn kuah a, "Sawma khan khawih che a tum tih ka hria lawm. Ka hlauthawng em a ni. Chuan i ui chu an hmu tawh. Ka zawntir alawm.. Naktukah i va hmu thei ang" a ti a. Hlim zetin ka melh.. Ka tan chuan a tha mah mah a ni. 

"I khumah nge ka khumah kan mut dawn? " a ti a. 

"I va zak lo tak.. " ka ti hmuk. Ka roomah ka luhsan daih. Ka zak. Ka khur. A laka ka rilru hi a danglam tawh lutuk. Ni e, ka duh.. Ka duh tih ka inhre ngai lo mai zawk a ni. He pa hian hmeichhe dang a mutpui tawh dawn loh chuan ka bialpa ka nihtir ang. 

ZODINGA.. 

Zan thim hnuaia mahni chauha a chhuak chuan min tithinur takzet a ni. Ka thiante chu ka hnar haw a, ka chhuak zui ve nghal. Bazar bulah an lo tibuai ta reng a. Mai mai a… ka thu awih nise buaina a tawk lo tur. 

A rilru ka luah ve tan tih ka hria a. Ka hlim. A tukah pawh a haw zawk a, a rawn let leh vat. Jecky a rawn hruai thung. Ni e, ka ngaibtuah alawm.. Pawisa hlawhin Jecky kha ka zawntir tih a hre lo. Lawmthu min hrilh a, a lawm takzet tih ka hai lo. Zanah pawh ka chhuak lo. Movie kan en dun a. Ramhuai film ka enpui a. Mit hup chungin a en zauh zauh, ka nuih a tiza. Hmeichhe dang aia a danglamna hi ka hre nitin a nih hi. 

Kan film en vang nge min hnaih viau. Ka kuah a. A lo hnar bik lo. A teu leh hlar ang tih kha ka hlau deuh a. Mahse, a ngawinreng. 

"Savate, kan inngaizawng tawh em? " ka ti a. A mitah ka en. Zám lek lek hian, "I hur em mai" a ti a. 

"Sex hman i duh lo mi? "

"Inneih hunah bak ka duh lo"

"Kan hmang lo mai ang chu. Mahse, kan inneih vat a ngai dawn nih chu"

"Mahse, ka u te saw an innei dawn a. Nakumah.. "

"A pawi mi? "

"Chhungkuaa lut leh chhuak an awm hian a tha lo an ti lawm"

"Hmm.. Nih chuan, min duh a.. Inneih erawh nghah. ala ngai i tihna mi? "

Min rawn melh rum kher mai. Ka lo nui thung. 

"I chhe siah" a ti ringawt a. Ka insum zo ngang tawh lo. Ka va fawp chawt. A lo meng phar deuh a, mahse, ka fawp lui zel. A nem ve tial tial. Kan shawl bah dun chu ka hlim a, a awmbawr ka dap rawk rawk. A îp chawih mai. Mahse, hnuailam erawh khawih a phal lo bur.. Ka tilui lo vang. 

A thaw ham ham a, "Ka thaw. a chham tep alawm le.. Ih, kan inngaihzawn dawn chuan, thil min tiam la" a ti a. A mitmeng chu a de sawr sawr mai. 

A va mawi em. 

"Sawi la" ka ti a. 

"Inneih hmain sex kan hmang lo vang tih leh hmeichhia tumah i hmu tawh tur a ni lo tih hi" a ti ta a. 

"A hmasa zawk hi a harsa ee.. " ka ti a. A ner sak., "anih chuan kan ni thei lo vang" a ti hmak. Nui chungin a sam chu a bengah ka zep a. 

"Ka tiam a che.. " ka ti sup a. Ka fawp leh. 

"Naktuk atangin ka thawk tawh lo vang..,, " a heh liak zauh chungin a ti a. A chhan ka zawt. 

"Kan inti palh ang. I zei si" a ti!  Haha.. A luhlul reuh sia, ka pawmsak leh mai loh chuan.. 

A tukah a hlawh nen a haw tak kha. Ka ngai ngawt ang. A hlawh kha tam a ti lutuk a, "Kan inngaihzawn vang mi?  A ngai em em lo.. " te kha a tia. Mahse, ka ngaithla duh si lo. Lawm taka a la ka hmuh chuan ka hlim veng veng. Ka savate a ni miau a. 

Mahse, Hmingthansangi hian ka puihna vang khan ka lakah ba anga inhriaiin min hnar ngam lo a ni thei ang em?  Chu pawhnise, ka nei lui tho vang. Min la hmangaih chawp ve mai ang chu. 

Zanah ka ngai ngang aniang, ka va call, "Ka awm thei lo ania" ka ti nghal thâwr! A thaw hak a. 

"Min lo hruai la" a ti zawi sap. Mak tiin ka meng awk. 

"Tak tak em? " ka ti hlut a. 

"Ka ngai che a" a ti nia! 

Rang lutukin car chabi ka la nghal…. 

THE END..