Mala..

MALA…! 

Ziaktu: Toni Rälte

"Valpui, khawngaihin duhtawk teh. A na a nia, khawngaihin" ka ti tâwk tâwk a. Bang kilah chuan ka tawm kâk a, min rawn pan zel si. A kawng hren chu a phelh a, hlauthawng zetin ka lo melh tawp. 

"Nupui angin vawi khatmah awm tum ve tawh ngai suh ang che. Hmei i nih hi, hmei" tiin a kawnghren chuan min rawn vaw ta a. Ka rak thawt. A mi benna leh hnekna pawh a nat tawh tehlul nen, a kawnghrena min han vaw zet chu a nat dan a ril khawp.. Tah pawh ka tap thei tawh lo. 

Room kawngka chu a rawn inhawng thuai a, "Duhtawk rawh.. "A rawn ti vawt raih a. Mittui kar atangin ka va melh tâwk tâwk a. Amah a lo ni..! 

VALPUIA.. 

Ka college ni hmasa berah chuan ka zûm em em hran lo. Thiante nen kan ni miau a. Thari leh Teteii te nen kan inzuk a, tleirawl nalh vanglai, lerh ve har lai kha a ni bawk a. Mipa chhe lo deuh chu kan melh nasa viau. Kei ngat phei chu kan veng chhungah pawh lerh thana thang tawh kha ka ni a. Anihna takah chuan ka luck ve vang a ni pakhat. Ngaihzawng ka nei rei thei meuh lo va, a rei ber thla thum a ni tlawng. Mahse, ka vanneih asiamin ka zirna hi a tibuai pha meuh lo. Mi min sawina hliah khuh nan zirna lamah ka hming tha viau lawi a!  Ka zia hi a mak ve reng reng a ni ange. 

"Saw pa saw ka hauh" ka ti a. Ka khi sak bawk. Basket ball an lo khel a, a lian ber a, kan senior an nih hmel. A hmel that dan chu a tuai tep. Mahse, ka duh tlat. A che zia a tuai chuang lo. Bakah a lar hmel tlat!  Chu chu Valpuia ka hmuh vawikhatna a ni. Ani chuan min hre ve lem lo vang. College pawh chu a nuam chho tan viau mai. English ka core a, tlemin english ho hi chu kan inla ve deuh bawk. Valpuia chu senior most a ni a, Geography a la thung. Remchang ka hmu hleithei lo va, mahse, Fresher social kan hman niin lam turin min ti miau si a, ka lam a. Khata tang khan min lo hre ve a ni ngei ang. Ka biak hmasak ngai lo vin amah zawkin min lo bia. A nuam zel e. Ni 2 lek kan inbiak hnuah kan inngaizawng ta mai kha a nia. Kan awlsam ve khawp mai. Lerh hle e ti lo hian ka hur lo ve tlat thut. Tisa châkna hi ka nei ngai mang lo. Mipain min han khalh a, min han chul ve deuh te pawh hian ka engahmah a thawk mang tlat lo nia!  Hnute khawih tih vel phei chu engahmah ka ngai lo. Ka bialpa te hian mak an ti thin reng a ni. Ka la virgin ve thlap. 

Valpuia nen chuan zak map lovin kan inzui nghal a. Kan collegeah kan ni tih hre lo an awm mang lo vang. Amah lo startu te leh min lo hope deuh te pawh an kiang ta diak a. Tuma tihbuai lohin kan inzui ve ta rak rak mai. Fapa mal a ni a, u leh nau hmeichhia a nei. A pa hi Doctor a ni a. Anu pawh Health worker a ni. An rethei lem lo hle a ni. Keini pawh an ni ang èm a hausa ni lo mah ila; a vantlang chin kan ni ve a. Ka pa hi High  Zirtirtu a ni a, a senior tawh angreng. A hlawh pawh a tam ve tawh viau. Ka nu eraeh chuan kan kawt maiah eichawp dawr a nghak thung. Unau pali kan ni a, kan upa ber mipa chuan nupui a nei tawh. Kan la awm ho va, a nau chiah hmeichhia erawh Dubai-ah a awm thung. Kei ka ni leh a, ka nau mipa erawh Class Xii a la kal ve a ni. Kan doctor a nia! Kei aiin lehkha a thiam zawk. 

Valpuia chu ka bialpa dangte ang lo takin ka duh ngawih ngawih mai. Min care thiam si, min duh huam bawk si lo. A tawk chin a hre tawp. Kan inphur nitin ve a, chance pawh kan nei nasa. Mahse, ka duh èm vang ngawtin a laka ka virginity hloh chu ka la duh bik lo va, ka la inveng ve zel. A zei viau mai a, ka châkna pawh a tichhuak ve ta zauh zauh. Kei ai mahin a serious zawk in ka hre thin. Kan inbe awl lo bawk. Ka pasal a nih theih nan ka tawngtai hial thin. 

"Nakkumah ka chhuak tawh dawn sia, i rinawm pawh ka ring lo" a ti thin. 

"Min lo thlir la mawle" confi zetin ka lo ti thung. 

A ruk tak chuan a chhuah hun ka lo huphurh ve em em thin. Ka khua a har lawk. Apa in Pune-lama dah a tum bawk si. Min lerhsan mai ka ring fô, ka hlauthawng thin. Kan inthendarh hun chu a lo thleng ta nge nge a. A pass tha bawk si, apa hian a fapa mal a ni bawk nen alakah beiseina sang tak a nei ve a. Pune-ah a patea te an awm a, chuta zuk awm tir chu a tum hle. Mizorama kal a ngen ve ngat ngat thung. A remti si lo. 

Inngai tak chungin kan inthlah ta a. Ka ruak vek. Chumini chuan ka tap hial mawle. Ka ngai lutuk. Kan inzui nasa si. A tak leh a mei ang chiah kha kan ni a. Kan chhungte ve vein an hre tawh bawk nen.. Amah pawh a thleng thla chiah tihin min rawn be nghal. A lunglen thu bak sawi tur a hre lo. Keini pawh class kan tan ve leh a. Lehkha zir a har thin khawp mai. 

Thla khat erh awrh a awm tihin, "Ka lo haw mai dawn.. Ka peih tawh lo" a rawn ti a. Ka hma chu sial viau ila, "Lo haw mai rawh" ka tih mai ka ring. Mahse, "I ti laklawh tawh. Kum 2 bak a ngai lo va, kum tawpah i lo haw dawn tho alawm" ka ti ta zawk a. Ka theihtawpin ka fuih bawk. 

Mahse, chumi hnu ni 3 velah a rawn haw ta mai a!  A va hahthlak tak. A rawn hawn zanah a rawn leng nghal a. Kan inhau char char. A haw hma phah. Ka inthiam lo leh deuh, min ngaih vangin a rawn haw ve em em a, ka lo be tha duh lo kual vel kha. 

"Tihpalh.. Dik tak chuan, i chhungten an beisei sang si che a. Khatia awm kha a fuh lo em a ni" ka va ti nghal a. 

"Ka tel lo va nun hman chu nuam i ti viau a ni maw? " a rawn ti thung. Kan inhnial leh ngat ngat. 

"Aw.. Ka ning, inru mai ang. I rawn chhuak lo anih chuan kan inthen ang" a rawn ti ta hmak mai. Ka thinrim bawk si, inthen ka ngaingam bawk si lo. 

"I â em mai a. Ka la naupan em hi" ma ti a. 

"Nula i ni tawh tho. I naupang tawh em em lo.. Chuan kan innei anga, ka zir tha leh mai ang" a ti a. Ngaihtuahna a buai. Ka thlahlel ve tho si, a lo len lai lahin ka be tha duh lo kual vel kha a ni a. Mahde, pasal neih chu ka la hreh si a ni. 

"Inneih nan chuan a la hma em mai.. Tha deuhin awm ang. Naktukah kan inhmu dawn nia" ka ti ta a. Min rawn chhang tawh lo. Ka call a, a la duh lo. Rilru buai zetin ka mu ta a. A tukah pawh min rawn be chuang lo, a thinrim ngai mang lo va, vawi khat kan college kal dunnaah mipa rual khat hian min chhaih a, chungho nen chuan an intibuai zui a, mahse, ka va thelh vat a. "Keimah vangin tumah intibuai suh u"ka tih chu ka thlavang pawh hauh ngam lo tiin a vui a, a tau nghal a. Kar khat chhung zet a inlahrang a ni. Kha bak kha tihtakzeta a thinrim ka la hre mang lo. Hei tunah a thinrim tih a hriat.

Mahse, ka ngawi ve rih. A rawn lan leh tho beisei chungin. Tlaiah ka thiannu Thari a rawn leng a, ka nuteii dam lo ka awmpui vangin class ka kal lo va. 

"Kim, Valpuia nen in inthen mi? " a ti a. 

"Then pawh awm lo, a titau a" ka lo ti a. 

Thari chuan, "Awii a van mak. Kan class ban khan kha.. Sawmi kha i hria em?  Pol. Sc a mi kha.. Kha kha a lo nghak a, an inphur chhuak daih asin. Min rawn hmu reng a, mahse, min hria ang pawn a awm miah lo" a ti ta a. Ka tek chhawk niin ka hria. Zan khat lek a thinrim a, chuan mi dang a nei nghal a a maw?! 

Ka call a, a pick up duh si lo. "I lo mak ngei mai. Mi dang i duh vang in thinrimna tur i zawng tih a chiang e. I duh ang ngei chuan awm ang che" ka va ti ve ta ngat a. Ka rilru erawh a na nget nget, mi dang tan ka phal hek lo. 

"Ka ngenna i ngaipawimawh hleinem" a rawn ti ta a. 

"Kan dinhmun i hre vek alawm.. Inneih ringawt khan engkim a fel dawn lo" ka ti a. 

"Kei chuan i bula awm reng ka duh tawh a, mi te pawh kum tlin hmain an innei fö.. " a rawn ti. 

"Mi dang i nei tawh alawm" ka ti thung. Ka rilru erawh a buai viau. 

"Zanah ka rawn lam ang che. Mi dang ka neih tak tak i ring mi?  Ka hmangaih che a. Ka nei dawn che. Lo chhuak rawh aw" a rawn ti ta a. 

Ka chaw ei pawh a tui nek lo e a. Kum 19 chauh ka la ni a, ngaihtuahna puitling ka la nei thiam vak lo. Innei ta ila engtin nge ei kan zawn anga hmalam kan pan ang tih lam ai chuan, nei duh lo ta ila, mi dang nei ta si se tih ngawt ka rilruah a awm tawh si. Ka chhungte ka hlau bawk si. Huizzz, Zonunsanga min tihbuaizia hi… dar 9 velah min rawn call ta a. Ka la lo hreh si. A rawn thinur hlur lehnghal. Dar 11 velah ka rawn chhuak ang ka ti ta tawp anih kha. Hmangaih chán ai chuan tiin thih leh thih ka ti tawp!  Ka chhungte an muhil tawh ang tih velah ka tho ta them them a; Thawmhnaw tlem azawng ka keng bawk. Kan in piah deuhah min lo nghak a. Chak zetin a thianpa te in lam kan pan ta a. 

A thianpa khumah inneih zan hmangin ka virgin a hawng ta a. Ka la hriat ngai miah loh zu rim a nam bawk. Mahse, ka sawi ta lo mai. Virgin hawnna a ni bawka a, a nawmna ka hre lo. Mut pawh ka mutui vak lo. Ka mumangah ka pa ten min lo hruai an tum a, Valpuian min lo pawt ve tlat bawk. Ka lo hah hle. 

Tichuan, kan chhungten an lo hre ta a. Keini pawh an in lamah kan phei ta bawk. Ka leng ve zeuh zeuh tawh a, ka zak lutuk lo. Mahse, apa te chuan min zilh hrep. Naupang min la ti ve em a ni. A dik chiah reng a. An fapa hi mi eng emaw taka chher an tum tehlul nen. Kan la â duh si. "Amah hian min sawm lui tlat alawm, ka duh loh chuan mi dang neih a tum sia" ka ti hmiah. Anu a lo nui tawp. 

"Pa, nakkumah ka zir tha leh mai dawn alawm. Ka la naupang tho a, ka zir tha thei zawk ang" a ti ve bawk. Apa te pawn tihngaihna min hre lo. A û hmeichhia khan pasal a nei tawh a, a nau Rosy erawh a la awm a. A fel reuh tawp. Kan innel sa bawk a, a û chu a lo tan ve táng táng. An ina  zan 2 kan riah tukah ka pa te an lo kal ta a. Ka zak ngei mai. 

"In lo inru mualpho ve tawh si a, tihngaihna a awm lo chu a ni mai a. Palai hmel kan lo beisei mai aniang chu" an ti tain ka hria. 

Inah erawh min hau hrep. Au Mama phei chuan min beng lek lek, an nuin a lo chelh hram hram a. Ka nu tak chuan min hau vak lo. Ka u Dubaia awm pawn min rawn hau hrep. A chhan chu lehkha ka thiam ve sia, min ui a ni ber. Mai. Ka hrethiam ve reng. Mahse, nu leh pa hmangaihna leh an thil thlir dan zawng zanwg kha kan la hrethiam ve vak si lo va, Valpuia angchhunga nawmzia chauh ka lo hria a. Min hauhna te chu ka beng arawngah a lut vak lo. A tawi zawngin sawi ila, palai an lo kal a, kan insawirem ta a. 

Dan thianghlimin innei thei lo mah ila; kan khawsak a lo hniam lutuk lo dun bawk a. Kan inneihna pawh a ropui ve viau mai. Valpuia phur hurh reng chuan ka nuih a tiza. Tichuan, kei Malsawmkimi chu nula ni tawh lo vin pawmlai nei ka lo ni ta a ni. Valpuia hi kan inneih khan kum 22 chiah a la ni ve bawk. Naupang dun tak kan ni. Hman lai ang hunah kha chuan an nula tlangval tawh viau maithei a, tun lai hun angah chuan tleirawl tak tak ang kan la ni tlat. Mahse, kan innei ve miau si a!  

A zirna a laklawh kual vek tawh avangin a kum leha chhunzawm mai chu an thutlukna a ni ta a. Kan hman dun em em mai si a, awmpui an neih vangin kei lah ka hah em em si lo. Ka pa chuan ram a lei ta a, huan puitling sa a ni a. A lei to angreng. Chu chu sihphir lam daih ami a ni a, 'In nupain enkawl rawh u" a ti ta a. In lamah engmah tih tur kan nei si lo chu a ngaimawh ve deuh anih ka ring. Ka zirna kha chhunzawm ka duh leh duh loh min zawt reng tho naa kan pa in a phal miau si lo va. Ka lerhsan a hlau tlat pek!  Ka tan pawh pasal neih hnua va zawm leh kha a nuam bik lo va, rai ta ila raipuar chunga class kal te kha ka lo huphurh tumhrang bawk nen. Ka kal zawm ta lo ringawt kha a ni a. 

An fel em em, Rosy nen phei chuan unau tak tak ang chiah kan ni. Kan lo inrual chiah bawk nen. Ka nu nen lah nufa ang tak tak, ka pa erawh a tawngtam lem lo va, inah a awm tam lo bawk nen, ka zah ru riau a. A sualna phei chu ka hre lem lo. Ka nun chu a nuam viau. Kan in lamah ka leng phei ngai lo tluk a ni. "I tlei mah mah" min ti fô reng a, Valpuia nen kan va leng ta zeuh zeuh zawk a. Ka in thar chu nuam ka ti hle a ni mahna. 

Ka pa duhdanin Huan lamah chuan kan zuk feh ve thin a. Ram hna thawk ngai reng reng lo kan ni si, kan va tlaw dun tak. Mahse, hlawhfa min rawihsak a, an eitur te kan lo siam vel ta mai mai a. Huanah chuan kan riak ta zeuh zeuh. Khawi hmun pawh nuam kan ti. Kan inchen tawn nasa ngang bawk. A fit si a, kan inneih atang khan ka period lai anih loh chuan zan khatah vawi khat tal chu min bawhbet tihtheih a ni. Min hne thei lo aniang, kei chuan han nin chang ka nei zeuh zeuh. 

October thala innei kha kan ni a, December kan chuangkai tan tihah nau ka pai ta mai a!  Kan pahnihin kan zuang vak vak. Inneih ve tak rawihah kha chuan fa kha kan beisei nghal rûn bawk a. Fa enkawl lama bil em em tur khan fa kha kan awt ve hle ringawt anih chu. Ka pa te pawh an lawm ve khawp mai. Valpuia u U Mimi khan fa pakhat a nei tawh a, an rawn leng zeuh zeuh nain in chhung khata awm lo na na na chu tu hmel hmuh an lo chak ve tawh hle aniang. An duat ngawtin ka ring. 

Christmas te chu kan hmang nuam viau, huanah te kan zuk riak thul. Khawi kipah kan inzui a ni ber. "In in nupa ber mai" min titu pawh kan tawng fó. Nupa chu inngaih tur a ni reng a ni. Kum thar kan chuangkai ta a, ka raino in huat ka nei chho tan. Chaw rim ka ti thei lo va, ka uak nghal zel mai. Thei lam ka ei nasa, ka pa Doctor. alo ni bawk a, min enkawl dan a hre bawk a. A zia tak a awm. Ka nu Health Worker a ni lehzel a, raipuar laia ei tur leh damdawi te pawh keiman ka rawn ngai miah lo vin min hrilh lam khawmsak zung zung a, ka vannei ber awm e. Ka nun kha a hlim thin asin aw. 

Ka cher dâwk a, ka mitkhur te chu a tla ve dâk mai. Rai haw mi ka lo ni ve kher bawk nen. Mahse, min duat hlawm em vangin ka hrehwm hran lo. Kan pa lahin ka ei chak zawng ka sawi tawh chu zanah pawh nise a va lei ngat ngat zel a. Ka chhungte pawh ka pur buai ngai lo. Ka dul pawh a lo thanglian ve zel a, ka rai len tak tak hnuah chuan sex pawh kan hmang ngai ta lo. Ka dul zûtin duhthu a sam thin. Keiin nui chungin ka lo ngaithla a, kan va hlim nupa thin tak. Thla 7 a rawn ni chho a, ka rit ve tan ta hle. Ka dul lah a lian em em a, "Phir i pai a ni lo maw? " an ti fiamthu fó thin. 

"I patea (Valpuia pa nau)  te hian fapa phir an nei a, mahse, a naupang zawk chu kum 7 anih in a boral tawh a,  pakhat chu a la dam.. Inthlahchhawn ve theih a nia" tiin ka nu chuan a sawi. Phir ka pai a ring ve a nih ka ring. 

"Chutia sawi takah chuan Ánu (ka nu ka tih chuan valpuia nu, Ánu ka tih chuan keima nu tak tak aw)  û pawn fanu phir a nei asin.. Ehe, ka chhun aniang.. " ka ti hlut a. 

"Mahse, in la naupang dun sia, fa phir pawm tur chuan inngaihtuahawm deuh ka ti" ka nu chuan a ti a. 

"Ni ve reng, naupang khawih vel hi ka zei bawk si lo va' ka lo ti ve mai. 

Mahse, kan rin ang ngeiin phir ka lo pai tak tak, mipa nge hmeichhia tih erawh an sawi duh lo. Nau puan pawh kan inlei âm ta a, Rosy a lo phur leh hle. Pakhat zawk chu ka ta tur a lo ti ve sek. Min puih chu a ngai khawp ang. Hetih lai hian kan pa pawh MZU-ah admission a la ve mek a, class an tan tep tawh. Kan inneih hlim ang em em khan min lawm hiam tawh lo naa min ngaihsakna a bo lo. A inla patling ve tan pawh anniang e. 

Ka neih hun tura an sawiah ka vei mai si lo va, ka inzo angreng phian a. Ka raino laia ka taksa chhe tak te kha a bo hmiah tawh. Rai a ngeih tih turin ka thau leh hmân tawh a. Ei ka duh em em bawk. Valpuia hian min nuih tet tet zel, chaw te hi heh tak ka ni. Ka zak zawk hial thin. Mahse, "Fa phir pai i ni a, i mamawh. I ei theih chhung ei rawh" ka pa in a ti thin a. Ka inthlahrung lo deuh. Valpuia hian min fiam zuk zuk zel bawk si. Ka ning. 

Ka vei ta. A na ngang mai. Ka vial ka vial a. Valpuia a chhuak daih si, thei leh thei lo vin room atangin ka chhuak a, kan awmpuinu nen chiah kan awm si. Ka nu te a phone a, a lo haw ta vat a, mahse, ka che hleithei tawh lo a ni ber. Ka thlan fimin min bual huh vek tawh. Ka tawng peih lo, ka tap peih hlawl bawk lo. Valpuia kan nghah chuan kan tlai zel dawn si, thenawmte motorin kan tlan chho ta a. Ánu te pawh an rawn lang ve nghal zat a. Thla a muang ta deuh. Min veitir mai dawn emaw tih nak alaiin, min zen a. "A la hnai lo" an la ti si. Nau veina ward-ah pawh min la luhtir duh si lo. Ka thu tlawk tlawk a,  achangin ka bungbu thul. Valpuia a lo thleng, tihtheih a nei em em bik si lo. Amah te chu ka haw hlur a, nurse ho lah ka hmel huat vek tawh. 

"Ka pa va ko mai rawh. Ka nei tawh dawn ang. Min veitir tawh mai rawh se" ka ti thul. Ka pa hi Medicine Specialist a ni a. An lo nui ringawt zel a. Min rawn khawiha ka pum zût a tum te khan ka lo teu hlar a, "Nangmah vang anih hi.. Nge sex min hmanpui.. Khawih pawh min khawih suh" ka lo ti!  Ka nu te an lo nui char char te chu ka melh rum thul. Nau vei meuh chu huatthu pawh a lo chhia a nih hi.. 

A tawpa tawpah min hruai lut ta hram a. Kan sang tak tak mai a!  Pahnih an ni miau si a, a harsa thlawt. Ka vei rei khawp mai. A û zawk chu ka hring chhuak thei hram. Mipa a ni. Mahse, a nau zawk a la táng si. Min fuihin ka dulte chu han nem viau mah se, chakna ka nei tawh lo. Thahrui ka nei tawh lo a ni tawp. Mangang takin Doctor an pun a. Zai turin min buatsaih leh ta a ni. Min zai lai chu ka hre tawh lo hrim hrim. Min ko reng nain mumang ang vek a ni. 

"Kim, hei.. Kimpui, harh teh, fapa leh fanu i nei ania" Ânu chuan a lo ti a. Ka hmu phe ruai. Mangan hmel zetin min lo kil tuau hlawm a. Valpuian ka kut a lo chelh ran mai. Ka harh theih lawk loh vangin an lo mangang a lo ni. Ka chau em bawk a ni. Kar khat lai damdawiina kan awm hnuin kan chhuak ve ta hram a. Ka la che tha thei lutuk lo, ka fate chu ka en ning thei mawlh lo. A û zawk mipa a nia, a nau zawk hmeichhia. 

"Phir mipa leh hmeichhia hi an damrei duh lo an ti asin"Thari chuan a ti a. Mami'n a lo nghawk sawk. Thari chu sawi awm leh awm loh a hre vak lo, mahse, ka haw hran lo. Ka fate hi an damrei tur. ani ringawt. 

Ánuten chaw an lo ei dawn a, ka fate hming an phuah dawn bawk. A û zawk hi Ápa in a phuah anga, a nau zawk hi ka pain. Rosy a tangkai khawp mai. Kei ai mahin nau khawih a zei zawk. Ka tlaw roh si a, ka inthlahrung letling. 

Ka fapa chuan hming a nei ta, "Vanropuia" a ni a. Ka fanu erawh, "Lalchhanhimi " a ni thung. Tuman an hming tak taka kan koh pawh ka ring chuang lo. 

Mampuia leh Bawihteii te pawn thla khat an tling ve ta. Buai ve thei tak ka ni. Ka nu in a bual zel zawk a, tihnat ka hlauh luatah ka bual ngam meuh lo. An la sen ve bawk si. Mampuia hnute lak hi a na reuh sia, ka tla nghal kuam mai. Anu ten eitur min rawn thawn fô a, ka nu te lamin min chhawp ve reng bawk. Demna tur ka hre lo. An fel a ni tawp. Mahse, phir pawm nafam chu hun awl ka nei mang lo, zan tah an vei lai phei kha chuan ka tah. achhuak ngawih ngawih zel. Valpuia lah hi mut a duh si, nau khawih a zei vak lo nen, a mu lui thei hi ka ti thin tawp. 

"I mak em mai, heti khawp hian ka buai a. Bawihteii tal hi chu lo pawm ve la" ka tih changte hian a teu hlar zel a. Ka ngei thei lutuk. Rosy hi a rawn thawh chang a awm thin. Ka tan a hlu ngawt mai. Lung delh loh thing delh loh na na na chu an rawn lian ve zel a. Nau ka neih atanga ka pasal danglamna erawh a nasa ve deuh deuh bawk. Ni e, nupa nun kan hmang ngai ta meuh lo kha a nia. Kei ka lo inhliam ve bawk nen. Zanah fate vangin ka buai si a, ka chau ve thin nen, ka thurualpui thei ta meuh si lo va, a danglam tih hi ka hre thei. Mahse, siam that leh theih beiseiin ka ngawi reng. A chhungte an fel em a, nuam ka la ti thei hram hram. A phone ka check theih lohna pawh a rei tawh. Zan rei tak tak thleng a online a, nau a tah in nau buaipui ai chuan phone khawih a thlang zawk thin. Vawi khat ka inbual hlanin tu emaw a bia a, "Inneih hlim lai ang ngawt kha a ni thei lo alawm.. ka chhang kham a ni ber mai" a tih chu ka hre thei. Ka na zawk zawk. A tira min duh hiam hiam lai kha chu phumbo ang hmak a ni tawh. Min chhang kham tak tak aniang, melh pawh min melh peih meuh lo. Ka pasal berin min hne ta ngawih ngawih chu a nia, chhangchhenu ka ni bawk si. Han intuaimam ve thin mah ila; nau nen chuan ka pawr chhap lo thei lo thin. Kan fate an leikan deuh hunah a zia mai beiseiin ka tuar ve ta tawp mai a ni. Hmeichhia chu an sawi ang deuhin fa te han neih hi chuan kan rilru hi a lo puitling deuh tak tak a lo nia. Kei pawh kum 20 chauh ka la ni naa, kan pa aiin ka puitling zawk. 

Kan nupa inkar boruak chu an hai bik lo naa zawhna min zawt vak chuang lo. Ka fate an duat em em a, a tha a ni mai e. Christmas pawh pasal tel lo vin ka fate nen kan hmang tluan a ni deuh mai. Ka chhuak vak ve lem lo va, Ánu te erawh ka va tlawh ve zeuh. Min lo ngai ve thin si a, a chang chuan riah daih te ka chak thin. Mahse, an remti lo chung ti mai ang pasal nei ka ni bawk si a, ka inthlahrung a. Phur lo deuhin ka haw thin. 

Kum a lo thar a, ka pasal pawh a danglam ve beiseina ka nei lian hle. February thlaah kan pa u Mimi chu a rawn tlan a, a tuk tuk lehah bungrua an va la nghal. Sawi tur a hre zet mai. A pasal farnu te a dem ngawih ngawih a ni mai. Senior ve deuh pakhat a awm a. Chu nu chu a lal si a, a tawrhhlelhawm si, ka peih tawh lo a ti tawp mai a ni. Fapa pakhat an nei hman. A rawn hruai nghe nghe. Tichuan, kan han awmho ta dal dal a, a tirah chuan boruak engmah a awm hran lo. Ka fate pawh a duat ve hle. Keiin a fapa ka en hrang hek lo. 

Mahse, thla khat pawh a awm tlin hmain a ze dik tak ka ti mai, chu chu a rawn chhuak tan ta a. Upa ber a ni a, a nu leh pa ten an dah lal si, a lal ham ham hle. A fapa chu kum 4 a ni ve tawh a, school an kaltir ve tawh. A hruai nitin a, nileng deuhthaw a va leng a, tlaiah a fapa nen an lo haw thin. Eng nge a va tih thin tuman an zawt ngai lo. Kan room bul chiahah an room a awm si a, an pa kha a la duh si, a va be nasa thin a. A rawl a ring ve deuh bawk a, ka hre pha thin. A kheuh char char a, a farnu te a relsak char char bawk. Rosy nen chuan danglam tak an ni. 

"Kimi, ka kawr suk tura ka dah kha i lo su na nge? " Tlaia an rawn hawn chuan a ti a. A mitmeng a ling hlar mai. 

"Ka lo hmu miah lo va, naktukah ka lo su mai dawn nia" ka ti a. 

"Insuk dawn chuan room tinah luh kual thin tur alawm.. Mo neih man awm lo lutuk' a ti kher a. Ka chhang zui tawh lo. Mo kan nei ve tho, kan thawmhnaw pawh suk chang nei mah se, kan su tam zawk. Mahni thawmhnaw em em su hman lo khawpa buai a nih ka hre hek lo. Kei ka buai a, a room ka lut hman lo a ni mai. 

"Tlingi, nang lah hi i tawp ropui si, choka toilet saw sil thin rawh ka tih kha.. Comode te saw a lo bal hman ziag" kan awmpuinu a vin leh hlak hlak a. Tlingi aia awmpui zuanzang hi kan neih ka rinh tawh lo.

"Nilengin inah in awm a, lo haw ila, sawisel tur a awm ziah mai. Nep dun lutuk.. " a ti leh hlawih hlawih a. A mood a fuh lo khawp mai. Kan ngawi reng, ka nu te lah hian an hlau nge engmah an sawi ngai lo. 

Chawhmeh a sawisel leh zut zut bawk. Tlingi inthlahrung hmel chu ka lo khawngaih, a thlavang ka hauh ngam bik si lo. Mimi chu a nasa telh telh mai. Kan in chhungah chuan a thu ber ni hialin ka hre tawh. A sualzia chu a room kan tihfai lohin a áng a, kan tihfai lahin a awm loh laia a rooma lut ru angah min puh bawk si. Inah a awm tlem si a, a buaithlak. A awm tlem hi a zia tho mai. A awm ve chhunah a ang reng si a. 

Ka fate pawh an leikang chho ve zel a. Ka nu lakah erawh ka vui ta deuh. Mimi fapa Papuia ngawt chu a ngaihsak tawh a, ka fate chu ka buai fe a nih loh chuan min lak chhawk ngai tawh lo. Rosy lah class a kal ve thin si a, a hman reng si lo. Tlingi hian min pui thei zeuh zeuh a, a hah si a, ka khawngaih ve bawk si. Ka ko a rit ve ta hle mai. 

"I patea te an lo haw dawn a, Naktukah an in saw va tihfai sak a ngai dawn. Hlawhfa lo zawng mai teh" Ka pa chuan Valpuia chu a hrilh a,. 

"Hlawhfa lak lak a ngai mi?  Tlingi leh Kimi an awm reng alawm" Mimi chuan a lo ti leh hmak. 

"Ka hman ka ring lo, ka u a lo hawng sia, naktuk chu va len phei ve ka lo tum a " ka ti ve hmak. Leng dawn lo mah ila, nau nen engtin nge ka hman ang. A awmamg lo lutuk. 

"Pasal te tel lo va mahni in lama kal kal hi a mawi lo asin" Mimi bawk chuh! A pasal neih laia anpa tel lo va a lo kal zin nen. Engmah ka sawi tawh lo thung. 

Mut dawnah, "Ka u sawi kha a dik chiah, ka tel lo va i len phei ziah hi a tha lo" Valpuia chuan a ti a. A lungawi loh hmel angreng. 

"Awii i tel lo hian vawi hnih chiah ka la kal, chupawh i peih hleinem. I peih loh vangin lawm keimahin ka len.. I peih leh lo kal ve la, i duh leh ka rin loh vang anih kha' ka lo ti a. 

"Len len pawh a ngai lo, in lamah tihtur a tam.. " a ti leh hmuk. Ka sa zak, "Ni e, tihtur a tam. Ka ti lo ngai chuang a mi?  Engmah i hre lo nang hian, i leng reng rinhawt a. Min ngaihtuahna i nei hleinem.. Ka fate buaipui ringawt pawh hi hna pakhat a ni ve asin" ka ti ve ta hrep a. Ka insum peih tawh lo. 

"Kan in aia nawmsakna tur i nei lo ve a. Phun lo mai teh.. Khanglang che hian" a ti a. Hmuhsit hmel fahran hian min melh a, ka chhan hmain Bawihteii a tap a, ka buaipui ta daih a. Lungawi lo zetin ka mut tak kha. A tukah chuan kan in lamah hma tawkah ka phei daih. Mampuia te pawh sawtah ka bual mai ang tiin. Ka bual pawh a ngai lo,Ánuin a bual vek. Au mama nupui Ununuin a fate thawmhnaw hak hlui min pe bawk. Neih chu an nei ve tho naa, a lawmawm hrim hrim. Ka u nen kan titi char char, Dubai lam ai mah chuan a bialpa chung chang kan sawi tam zawk. A zei lo ve sia, a hahthlak. Tlingi leh ka nu ka bia a, chaw ka ei nghal tur thu. Ka nu te lawmah a lo tla. 

"Kimpui, inpa nen hian in tha zel maw.. Hmanniah hmeichhe pakhat nen an inzui ka hmu a, min hmu ve lem lo bawk a, ka be ta lo mai kha a nia. An inkai rial mai a, thian tha ringawt an ang lo" Au mama Lo haw chuan  a ti bawrh bawrh a. Ka lo îp chawih. Bialnu hi chu a neih ka ring ru tho naa, kut man a awm lem lo va, ka ngaih ka titha chawp ngawt kha a nia. 

"Kan tha reng alawm.. A thiante a niang, thian hi a ngah ve a" ka ti a. Chîk zeta min melh rengtu ka nu chu ka melh ngam meuh lo. Chaw pawh ka ei tam lo hle mai. Chaw ei khamah Au mama'n min va thlah a. Zanriah an lo ei mek. 

"Chhungte in lama kal avanga chaw ei nghal ngawt zel mai. Inthlahrung lo lutuk" Mimi chuan a lo ti hmuk a. 

"Nia, min sawm nasa ve sia, Tlingi leh ka nu ka lo hrilh kha" ka ti tha ve mai a. Kan pa eraeh a ngawi reng. En pawh min en duh lo. Roomah ka chho va, ka inbual tawh bawk a, nau ka timu anga, ka mu hma ve daih ang ka ti rilru a. 

"Va awm hlen law law tha tur" kan pa rawn lut chuan a ti a. Ka na zawk. 

"Inthen i duh tihna mi? " ka ti a. Ka tawng ring ngam lo, nau an muhil tep si a. 

Valpuia chuan, "Ka duh tih ka sawi mi?  Ka fate enkawl tu tur an awm nang" a ti a. Ka ter at.. Mahse, Mampuia a rawn tap ta tlat a, ka chhang leh ta lo. Ka va thinrim tak, a fate enkawl tur ringawt in maw min lo la neih. 

Ka la naupang si, kan society-a nuthlawi te dinhmun ka hre ve kur si, inthen em em chu ka ngam rih lo. Mahse, pasal in eng atanmah a tih tawh loh nupui nih chu a nuam fahran lo hle. Engtin nge heti em ema a danglam theih le?!  A mak ka van ti tak. 

Mimi a hráng telh telh a, kan pa in min hlat telh telh bawk. Sex hi a rim ara pawh ka hre tawh lo. Ka chák hran lo va, mahse, nupa min tinupatu ber. ani a, kei pawn ka hlat phah viau tih ka zep lo. Inah awm lai a nei mang lo. 

Ka pa nau ka patea te chhungkua, Mizoram lamah an rawn inbengbel tawj dawn a, kan colony ah tho an rawn awm dawn a ni. Ka pa pawn hlawhfa a rawihsak kha. Kum 20 dawn Pune-ah hna avangin an awm tawh a, kei phei chuan ka la hmu lo hrim hrim. An lo thlen ni chuan Mampuia khuh reh thei lo ka va entir a, Bawihteii eraw a ni Rosyin a lo awm thung. Inentir an tam ve sia, ka haw tlai angreng. Ina ka zuk luh chuan an lo thleng tawh a, zanin chu kan inah chaw an ei daen aniawm e. 

"Kimpui, hei i patea chu a nih hi, ani hi i nuteii… khaw nge Zorini leh Mala te hi" tiin ka pa chuan ka patea te nupa chu min hmelhriattir a. An hmel tha dun hle. An lian si. Nuteii pawh a fel hmel khawp mai. 

"Rosy roomah an awm a ni maithei,. "ka nu chuan a lo ti a. Kei pawh roomah ka chho zui nghal. 

Mampuia a la muhil a, ka inbual sawk sawk. Valpuia a rawn hawng a, "Kimi, hei ka cousin Mala a nih hi, patea fapa.. " tiin a hnunga rawn lut chu min hmelhriattir a. Chu chu Malsawmkima nen kan inhmuh hmasakna ber a ni. 

A sang hle a, Valpuia pawn a chen lo, a ngo lam aiin a hang lam a pawl mah a, mahse, hang beh a ni lo. Valpuia hian a hming a sawi fo tawh naa a thlalak takngial pawh ka la hmu lo a ni. Ka ngaihven zawng a ni lo bawk a. Mimi nen an inrual chiah, Ka sawi thiam danin a pa tawp. A mitmeng chu hmeichheho tawrh zawh loh tur chi niin ka lo hre ve. Kan inchibai lai chuan ka mitah tak a melh. Kei pawn. 

An rualin chaw ka ei ve hman leh pek lo, Bawihteii a suakbak leh tlat si a. An ei khamah Tlingi nen kan ei ve leh ta mai. 

"Nau, zanin chu leng chhuak lo la, kan unauin games khel ang u" Mala chuan kan pa chhuak tur chu a au a. Chhuanlam a siam leh tho. A bialnu a hmu chak tawh aniang. 

A lo haw lai chuan ka lo la meng a, "I unaute pawn an ngai em em che a, chhuah loh ve mai tur a nia.. "Ka lo ti a. Thinrim pawn ka sawi lo. 

"A ho em mai, an awm reng tawh dawn tho lawm" a ti tha ve mai. 

"Tu nge i bialnu chu.. " ka ti thut. 

A phâwk deuh a, "Tu nge sawi a? " a ti hû. 

Kei chuan, "Sawi a ngai mi?  I awm danah a hriat vek alawm.. "Ka ti hmak. 

"I la hre ve mai ang. Ka chhungte i hrilh chuan i chák lo vang" a ti a. Ka na ngawih ngawih. Inthen ka sawi ngam si lo. Ka fate vang hian. 

Ka pasal tlangval kham lo, lerhkawh lutuk chu kan nufa chuan kan tuar ta zel chu a nia!  Mampuia dam tha thei miah lo te hi a pa lerh vang niin ka hria. Vawi khat phei chu a chhungte awm laiin, "I lerh a tuar anih hi. An pa te sualna an tuar thin.. " ka ti khawl tawh. Rum zetin min melh, mahse, a chhungte chuan engmah zuk sawi lo va! 

Mala te pawh kan inhnaih bawk a, an rawn leng lut zeuh zeuh. Software engineer a ni a, hna a hmu nghal mai. Zorini erawh chuan dawr a hawng a, hmeichhe thawmhnaw. An khawsak a tha, tin, chhungkaw inpawh leh hlim tak an niin ka hria. Zorini erawh mimi nen an zia a inang lek lek. Mala nen tak hi chuan kan inbe meuh lo. 

BUAINA.. 

Ka zing tho chu Mimi ang thawm ka hre nghal zat. Tlingi nen an lo indinchilh ran a, "Ka ru lo. Ruk ka ru ngai lo, i roomah pawh i awm loh chuan ka lut ngai lo" Tlingi chuan khur hlak hlakin a lo ti a. 

"Nangin i ruk lohin Kimi sawn ami ru ang?  Khawi rawn la vat rawh" Mimi chuan a ti hlawih hlawih a. 

"Eng nge a? " ka ti hû. 

"A rangkachak thi a bo pek anih kha" Rosy chuan a lo ti sap. 

"Nang lah hi mo ve si, tho tlai thei lutuk, zah pawh i zak lawm ni" Mimi chuan a lo ti leh hmarh hmarh. Min khei hi a sim ngai dawn lo anih hi. Nizan lamah ka fate vangin ka mu mang lo va, ka tho tlai ve deuh a ni mai. Min thawh khalh ve tuma a intithei viau chu ka ngei lutuk. Tlingi lah chuan a ruk loh thu bak sawi tur a hre si lo, a ankhum phiar phiar a. Kan ngawi thap. A tawpah phei chuan a hnawtchhuak ta hial a!  Ka pa a awm lo va, ka nu tal chuan a khap ka ring ania. A ngawi hmak mai si. Mak ka ti hle. An fanu hi an hlau aniang. 

Tlingi chu tap pur chungin a insiam a, ka tawng chuan buaina nasa zawk a chhuak dawn si. Ka lung chu a awi thlawt lo. Mimi lo awm china kan chhungkaw hlim loh tawhzia hi. Tlingi aia fel leh taima hi chu kan hmu tawh lo kumkhua ang. Ka nu chuan a dan ve ka ring a, a dang eih lo. Hrep taka.. Roomah ka chho a, "Tlingi khu zu dang rawh. Ani aia fel kan hmu tawh lo vang" kan pa chu ka ti a. 

"A fel lo a ni mai lawm, hnawhchhuah ngai te chu" a lo ti hmak. Ka rinsa tho chu ania, mahse, mipa a nia, a rilru a zau deuh ka lo beisei kha ania. Beidawng takin ka chhuk leh. Tlingi chu a lo chhuak tawh. Ka va khawngaih tak em.. Tukthuan kan ei laiin, Rosy chuan, "A û chu Tlingi i hnawtchhuak ringawt a, ani aia fel kan hmu tawh awm tawp si lo" a ti a. Rosy hi a tawng tlem a, thu leh hla a nei vak ngai lo. A fel fel hian a fel ve tawp. 

"Awmpui lak a ngai tawh hleinem, Hei mo kan nei reng alawm" Mimi chuan a lo ti! 

Ka nu pawh chuan, "Ni e, awmpui neih hi chu neuh neuh a awm thin a, Kimi a awm tho bawk a, Mampuia te an leikang ve deuh tawh bawk a, awmpui chu la tawh rih lo phawt ang u" a lo ti ve a. Ka sa zawk zawk a ni ber. Ka thatchhiat lam ni lo vin awmpui kan nei chung pawha ka buaizia hretu ten engkim ka ko va an nghat thei chu mak ka ti a ni. Fa phir pawm ka ni tih an hrereng si a. Ka mo tirh lai kha ka ka ngai ngawih ngawih. Mimi hian kan chhungkua min pal darh dawn a ang hle mai. Ka pasal ve tehchai lah hian ka thlavang hauh chu sawi loh, a hmei tlukin min en chauh tawh a ni si a. Kum 21 ka pum ve awrh a, ka ko a va rit em.. 

Eirawngbawl hi chu ka nu hian ka tleirawl chhuah tirhin min tihtir vek tawh a, ka buai lem lo. In chhung sekrek khawih pawh ka hman chuan harsa ka ti hran lo, zanriah ei khamah nau paw chunga chet a ngai thin hi hrehawm ka ti. Rosy hian min puih chang nei mah se, a fel ang aiin a taima bik lo va. A rooma tawm tlat chang a nei thin. Nau lakchhawktu tal nei ila chuan a zia tur. Ka hah ve ta hle mai. Thil bal lah hi an hmu thei nufa riau lehnghal. Ka ti vek seng lo a ni e. 

"Kimpui, in pa a awm na nge? " Mala lo luh lai pawh ka lo hre lo, tukverh darthlalang ka nawh lai a ni a. Vawiinah class an chawlh vangin a awm turah a ngai a ni ngei ang. 

"Awm lo, lo thu rawh" ka ti a. A thu ve mai. Mi dang an chhuak leh vek. 

"Naute an muhil mi? " a ti satliah a. "Umm" ka ti mawl tawp. 

"I buai thei siah, i chau thei ngawt ang" 

"Chau lo ve. Kan tihtur alawm" inla fel takin ka lo ti ve a. 

Ka nawt zo ta bawk a, thingpui ka lumsak a, Mampuia te unau an tap!  Hmanhmawh takin ka tlan chho va, an tah rual hian a buaithlak thin. Hnute chu ka pe rual a, Mala pawh ka ngaihsak hman lo. An hnek zawhah ka pawm thla a, Mampuia a lo la vat. Mampuia hi a fel reuh a, duh loh pawh a nei mang lo, Mala nu Nuteii hian a hman changin a rawn la zawk thin a, ka lo awl phah ve deuh thin. Mahse, ani pawh chhuah neuh neuh a nei thin a, a hman reng bik si lo. Bawiteii erawh keimah leh a ni Rosy bak duh a nei meuh lo, a pa pawn a pawm thei der lo. 

"Mampuia hi chuan a chhun che ka ti.. " a ti sap a. A lawm pah a. Ni e, min chhun tih ka hria. Ka vun a ngo a, ka te chhe lem lo, ka hmel pawh chhe zawk zawk a ni bik lem lo. 

"I hnaah i kal lo mi" ka ti hluai a. 

"Vawiin chu ka chawl, ina awm ka chak a"

"Kan pa chu ngatan nge i tih? "

"Ka hau duh a" a ti ta a. 

"Ngati maw? " ka lo ti. Ka lo hlauthawng ringawt. 

"Kimpui, engkim i hre vek tih ka hria, i hai der lui mai mai tiraw? In pa hian ngaihzawng a nei tih hi" ka mitah a rawn melh a. Ka kun daih. 

"Hre deuh.. Mahse, tu nge ka hre lo va"

"A tha lo em mai, ka nau ania, hauh ka duh. Papuia pawh ka hrilh tawh sia, a hau lo mawni.. " 

"Hauh a sawt vak pawh ka ring lo. A lutthuk tawh em mai" ka lo ti chuai raih. Ka beidawn hmel hle a ni. 

"Beidawng suh, kimpui, theihtawp chhuah hun lai tak annih hi. I pasal hi i la nei let leh thei. I la naupang a, fa i pawm avang khan inhmu hniam ngawt suh. Nakinah ka hrilh ang che tih dan tur" a ti leh a. 

Mimi a lo hawng a, thu dang kan sawi daih. Mala awm lai chuan Mampuia chu a duat ve hmel tawp. "Tak ana, Mal, ka thiannu khan a star tak tak che nia aw.. Ni ru, an hausa si, a fel bawk si" a ti har har a. Bawihteii paw chungin maian ka hîk mek. 

"Ka duhzawng a ni lo.. A hur hmel ka ti" Mala chuan a ti phawng mai. Ka lo nui ru.. A tih dan teh tawp chu.. 

Zanah Mala chuan msg min lo thawn a. Ka pasal laka awmdan tur step 1na chu.. Ka nuih te a za deuh. Mahse, try ve hrim hrim chu ka tum. A leng leh daih a, naupang mut hnuah ka inthlak a, ka intuai mam bawk. Kawngka a ri rak a, a rawn lut ta. A rui tih ka hre mai. Ka hnual nghal rawih. Mahse, ka ti ta sa sa.. 

"Khawi ka lo thlak ang che" tiin a pheikhawk chu ka phelh sak a, mak a tih hmel kher mai. A kawr ka hlip leh, tawnzau ka haktir thlap, a kekawr pawh ka hlip. A hamhaih atalangin min en ngur ringawt. Ka tih ang ang chuan a awm. 

"Valpui, nupa kan ni a, ka thlahlel che a, hmana min duat lai kha ka ngai thin. Khawngaihin bul tan thar leh ang" ka ti sap a. Khur dar dar chungin ka fáwp!  A lo ruih vang nge ka hre lo, min dawngsawng tha tlat. Hmeichhia zawkin chet lak a ngai miau sia lawm le.. A nghawng leh dar vel te chu ka fawp kual dan dan a, a kap ka chul pah a. Zahtheih loh chhuaha ka beihna chuan rah tha a chhuah ve dawn a ni maithei, ani pawh a rawn che tan ta a. Hman anga thlum ni lo mah se; nupa nun chu nuamti takin kan hmang dun leh ta. Kan hman lohna rei tawhzia ka ngaibtuahin ka hnuk a ulh lek lek. Tui takin ka muhil ve ta sák sák a. 

A tukah nilengin ka buai naa, kan pa chu ka text zeuh zeuh "Ka hmangaih che. Lo haw vat rawh aw. Ka ngai che" tih vel chu. Min reply lem hlei lo va. Keimah chu ka inzahpui tèp. Mipa chunga leng angin ka nulat chhung zawng intivei takin ka lo khawsa tawh thin si a.. Zanriah atan Valpuia tui tih ber Vawksa rep ka chhum a, Alu ka kang ro bawk. Bai erawh ka phuahchawp a. Tui an tih ve tho ka ring. A class bang chu ka zui chho nghal a, a inbual zawha a inthlakna tur a thawmhnaw ka lak chhuahsak. Zanriah pawh a eitui viau chuan ka hria. Mimi erawh phunna tur a zawng leh a, tuman kan chhan loh vang nge a ngawi ral ve mai. A fapa hrit hret lah hi a nu a chhun aniang, a chimawm reuh tlat. Mampuia duh lo chung te hi a kai kual a, a tina leh nge nge thin. Pen lawlh ka chak thin ania. Hmelchhe ropui si. 

Kan pa bulah chuan, "Zanin chu chhuak lo la, i fate pawn an ngai che sin" ka ti a. Perfume a inkap leh mawlh mawlh tawh. "Ka rei lo vang, chhuah lawk ka ngai" a ti a. Ka ngui rawih. 

Mala nen kan intext, nizan boruak vel kha ka sawi a, dawhthei hrsm hram tur leh ani pawn a hauh tawh thu a sawi a. Min fuihna ang chuan beiseina nen han try leh phawt mai ila… A rawn haw har ta si a. Ka lo muhil daih. Pawi tawh lo mai. 

Ka nu te in lamah ka va leng phei ve a, ka va mu der der.. Mahse, kan in chhung boruak ka sawi duh lo. Rèl ka duh loh vang ni lo vin min khawngaih ka hlau. A bul chu keimah tho ka ni si a. Chawhnuah Au mama a awm si lo va, taxi kan chang a. Mala a rawn tlan hlauh. A va tihzia tak. Kan inphur haw ta a. 

"I la naupan nen i fel reuh ngawt mai' a ti sup a. 

"Hmm.. Awihawm loh" ka lo ti. Nuam eraeh ka ti ru. Fakna chu tu tan pawh nuam hek. Bakah Mala hi ka û lem lo naa ka û en viau, min duhsak ve tak tak anga ka hriat vangin. A rilru a tha ang tih pawh ka ring. 

Kan pa chu a thiante nen chaw an ei khawm dawn a, a la rawn haw lo. Chaw ei laiin, "Nu, Valpuia hi hau ve teh u, ngaihzawng a nei ania. " ka ti tawp. Ka insûm thei tawh ngang lo a ni. 

"I chiang maw? " ka nu chuan a ti!  

"Chiang e. Amah pawn a pha hleinem" ka ti hmiah. 

"Chute chu kan hauh chi pawh anih loh chu. Nangmah khan siamthat tum rawh.kei chu ka pasal khan ngaihzawng nei se ka zak ngawt ang. Pasalin a duhkhawp loh nupui nih chu a zahthlak" Mimi tawngkam chuan ka chaw ei a titawp hmak. Ka kham nghal. Engmah ka sawi tawh lo. 

Ka pain, "Amah Valpuia hi alawm dik lo, zilh hrep a ngai anih hi. A fate pawh ngaihtuah reng reng lo mai. Lo haw teh se.. Ka'n khak a nge" A tih lai mekin Valpuia chu a rawn haw a. Kan lo melh thap. Ka pa chuan a hau ta a, min rawn melh rum ngang mai. 

"He nu dawt sawi hi in awih a maw?  Ka nei awzawng lo, thiante nen kan inkawm a, chu zawng chu.. " a ti buan buan a. A thinrim ber berah a tang. 

"Aa.. Mi dang pawn an sawi tlat. A tha lo, zu in te i ching a, i fate hi ngaihtuah rawh.. " ka pa lah hian a hau nèp si. 

"Engtinmah awm lo ka tih chuan ka awm lo a ni mai.. Amah hian zir hek lo, pasal tihlawm dan pawh a hre hleinem.. " tiin kan pa chuan min rawn kawk a, mak ka ti. Ka beih ve nasat nen. 

"Ka tih reng kha, nupui ten an zir ve a ngai.. Valpuia ringawt dem suh u" Zawng Mimi tehchai lah hi a. 

"Ka theihtawp chu ka chhuah ve bawk, ka buai a, ka hman bik lo. Ka fate vangin hun awl pawh ka nei thei ngai lo va, amah hi tihlawm ve dawn pawn inah a awm ngai hek lo. Eng nge tise min duh a? " ka ti ve ta hmak hmak a. 

"Chu.. Awmpui kan lak loh vang hian i vui deuh mi? " ka nu chuan a lo ti daih!  

"Ka vui thu ka sawi mi? .. " ka ti ve. 

"Khatin ka nu chhang suh. Rawn kal teh.. I chák lo vang" tiin ka kut a rawn la a, roomah min kai chho. Room kan lut chiah min beng nghal pawp!  Mak ka ti lutuk chu ka melh tlawk tlawk. Vawikhatmah kut min thlak ngai lo. 

"Eng nge ka tihsual a? " ka ti hman tâwk, ka bekah a rawn hnek leh chawrh. Ka awp rawk a, na ka ti hle. 

"Ka ngaihzawng neih thu te kha i lo sawi a ngai lo. I dinhmunah hian lungawi takin awm mai mai rawh. Kan in aia nawmsakna i hmu dawn chuang lo.. Chuan, ka fate hi tha takin enkawl la a tawk" a ti ram hmak hmak a. Ka tap lo chauh. 

"Theihtawp ka chhuah ve sin. Engvangin nge hetia i danglam em em a.. Min hmangaih tawh lo mi? " ka ti tham chhal.. Ka hrawkah hnawhtu a awm. 

"Ka hre lo, aniang, hmangaihna te hi a dai ve thei alawm.. I itawm tawh bawk si lo, naute rim i nam thul, in enkawl uluk ve ta che" a ti. Hei zawng dawt chiang bang a ni. Englaimahin ka tawpin ka rimchhe ngai lo. A chhuanlam mai a ni e. 

"Aw le, min hmangaih tawh miau loh chuan ka chhuak ang. Hetia inrahbeh reng hi ka ning tawh e" ka ti ta a. Ka tho va, ka thawmhnaw ka pack. Ka rilru kha a let but a ni ber mai. A hawihai deuh a, mahse, "Chhuak rawh.. I thu thu lawm" a ti ve ta a. A ngam sak sak bawk a. Ka va chhuak dawn tak.. 

Au Mama ka call a, ka tap deuh. Thil awmzia a hai bik lo aniang, engmah min zawt lem lo. Mampuia ka pua a, Bawihteii ka pawm bawk. Ka bag khai ngai bawk. A va bawr theih tak. In hnuaiah an lo awm thap. 

"Kimpui, ngah nge khawiah nge kal i tum? " ka pa chuan a lo ti a. 

"Ka chhuak dawn. Ka pasalin min duh tawh hleinem" ka ti a. Kan pa chu ka hnungah a rawn kal ve bawk, "Amah hian chhuah a duh a, ka dang lo. A duh chuan chhuak rawh se" a lo ti. Ka nu chuan engmah a sawi lo, ka pa chuan min dang nasa. Rosy pawn Bawihteii a pawm tlat. Au Mama a lo thleng a, ka pa chuan zaidawh deuhin kan boruak a lo hrilh a, ka zah ngawih ngawih. 

"A chhuah hi kan phal lo hrim hrim. An pa thiam loh zawk ania. Theihtawp chhuahin siam that kan lo tum ange" tiin ka pa chuan Au mama chu a thlah a. Au mama tan lah han tihluih vak kha a nuam si lo. Chanchin min lo hrilh leh rawh aw tiin a chhuak leh ta kha a nia. Kei erawh roomah ka chho leh. Ka tah a chhuak. Ka chhungten engkim an hre tawh dawn bawk si. 

Ka bek a hnekna chu a na viau mai. Saisir pawh ka saisir ngam meuh lo. Ani erawh a chhuak leh daih tawh. Chhuah hun zawng ka la nei tho vang. 

Ka pa leh Patea ten Valpuia chu an zilh ta hrep a. A zia  chu a zawi ve ta deuh. Inah a awm tam ta bawk a. Keiin inthen hlen ngawt ka ngaingam bik lo bawk a, theihtawpin tihlawm ka tum ve bawk a. Hma pawh ka sawn angreng. Biak ruk erawh a la nei reng.

Mampuia te pawh an rawn lian ve zel a, an kum khatna chu pui deuha lawm ka duh ve bawk a. Apuin a lo remti bawk nen.. Chhung leh khat sawmin chawhlui kan kil ho va, zan lamah cake zaiin thenawm naupang te kan sawm bawk. A fate birthday a ni bawk. a, Valpuia pawh a phur surh surh hle. Nupa nun pawh kan hman ve leh tak kha. Beiseina pawh ka nei leh ta deuh. Fa erawh pai ka duh tawh rih lo va, damdawi ka ei. Mala nen kan inbe fo a, thurawn min pe chamchi, ka tan a va hlu tak. 

Zan khat erawh, "Mal, bialnu te hi i nei ve em?  A thlalak min lo thawn teh". Ka va ti a. 

"Huizz.. Ka nei lo.. " a ti. 

"Ka awih lo. I luck dawn si, nge pune lamah khan i la hung zawk"

"Bialnu pathum chiah ka la nei, chu pawh vai 😂😂"

"Hmm.. Tha deuh zawng rawh. Mizo ngei aw"

"Duh chu ka nei, mahse, ka tlai a.. 😢"

"Awii tu nge.. Engtia tlaiin"

"A ho em mai. I hre chuang lo vang. "

"I sual e a… "

"Nakinah ka la hrilh ang che" 

Bawihteii a harh avangin ka dah ta rih a. Phone pawh hi ka khawih hman meuh lo a ni e. Mampuia te unau an chak bawk a, an kal turh turh tawh mai. An tlei dun viau bawk. Ánu te hian an rawn la zeuh zeuh, Bawihteii mawlh hi a buaithlak, min ngheng chawt si a. Mahse, an. La lui an lui a, a zia chho ve viau. Mala te lamin an rawn la fô bawk. Tin, ka ni fate hian an lawm bawk a. Ka leh awl ve ta phian mai. Chungte chu Mimii chuan a thîk nge.. A sawisel ve ziah. 'Mi dang kuta naupang dah tam hi a tha lo ania. I awm peih loh chuan sawi mai la" te hi a tia. A fapa mi kuta a dah tam nen aw.. Ve a.. 

Valpuia nen pawh a hma ang kha pha chiah lo mah ila, han inhauh vak vak ang kha kan nei ta vak lo. Zu erawh a in reng thung. A khat tawkin nupa nun pawh kan hmang. Beiseina nei zel phawt mai ang. Ka awlthawng ve ta deuh bawk a, ka intuaihnûm chho tan a. Ka birthdayah Mala'n, Korean Product full set min present a! Ka va lawm ber tak. Kan pa eraeh chuan chocolate.. Hmm.. A tha tho mai. Rosy chu zirna vangin Bangalore lamah a liam thla ta a. Ka ngai ve reuh. Ka lamtang awmchhun anihna chen kha  a awm ve a. Mala min fuih angin Mimii chu ka en liam tawh, a duh duh sawi se ka engto peih tawh lo. A fapa erawh ka ngei, Mampuia a tiduhdah thin tlat. 

Mampuia tap rawng rawng thawm avang chuan ka bawkbawn chan lai ka dah a, an toys roomah chuan ka va lut a, Mimi fapa chuan Mampuia chu sakawra hman phet a lo tum a, ka sa zak mai. Amah aia te daih, kal thei sawlh sawlh kha a nia. A va zak thei lo tak. Ka nam per dawrh a, "Hei.. Nang te hi i va zak lo ve.  Vawi khatmah hetiang hian ti tawh suh ang che" ka ti a. Ka thinrim kher mai. A tap bai bai a, a nu bulah min hek ngei dawn tih ka hria. Pawi ka ti lo. 

Mimii a lo hawn rualin a fapa chuan a lo sawi ta ngei a. A rang arangin a rawn chhuak, nasa theihtawpin min an khum ta a. Valpuia a rawn haw, thu chiang hre hlei lo vin min rawn dem nghal ngawt! 

"Bena hian Mampuia hi a sakawra hman a lo tum a, mampuia a tap nasa si, khatiang kha thil tih chi a ni hleinem. Kum khat chauh a la nih hi" ka ti ve ta vak a. Engpawh ka ngam. Mai mai a na. 

"Awii chutiangin ka fapa hian a ti hlawl lo vang, a naute chu a duat mah nak alaia.. Ka fapa hi i kut hmawr pawn lo khawih tawh suh. Kut i thlak leh tih ka hriat chuan a pawi viau ang.. " tiin min kawk khur ngawt ngawt. 

"Kut ka thlak awzawng lo mai. Ka nam sawn ringawt. Ka fapa hi a tina leh anih chuan kut chu ka thlak em em ang" ka ti ve hmiah. Ka hlau therte tawh lo. 

Valpuia chuan min rawn beng pawp!  "Zothankim, i va zak lo ve. Ka u kha khatianga chhang ngam tur i ni mi?  Mawh.. " min kek nawk nawk mai. Chhuatah min paih thlu hnawk. A fapa thlavang hauh ai chuan a farnu thlavang hauh a thlang a nih chu!  Ka nu chuan kam khat mah a sawi lo. He mihring hian eng nge maw. ahriat ni. Nu mak tak a ni e. Ka pa chu awm se min chhan ka ring. Mala leh Zorini an rawn lut hlauh. Kan boruak a dai ta a. Mahse, Valpuia min benna lamah ka kamsir a thi ser ser, chu chu an hmuh hmaih lo. 

Thil dang an sawi ta daih a. Mala erawh chuan min rawn en zauh zauh. Ka ngawi reng thung. Zanriah kan ei lai pawn tumah kan tawng lo. Zanah a leng chhuak leh a. Ka dang peih tawh lo. He tiang mipa nep lutuk, nupuite thlavang pawh hauh ngam lo ka lo nei hi ka inchhir ngawih ngawih. 

"Kut a thlak che em ni" Mala msg chu ka melh reng a. Thudik sawi vek mai ka duh ta a. A tir atangin engkim ka hrilh ta a. 

"Mimi hi chu a nasa deuh chu a ni. Valpuia lah a hruaikawi thiam si.. A tha lo hle mai.. " a ti a. 

"Mahse, engmah sawi suh aw. Hauh pawh a ngai tawh lo. Tihian ka enliam tawp tawh dawn. Bawihteii te hian kum 2 tling se, eng a an theih loh chuan ka chhuahsan ang" ka ti tawp. Ka rilru dik tak a ni. 

"Inthen ringawt chu a tha lo asin. Mampuia te an khawngaihthlak"

"A ho em mai. Pa an nei tih pawh an hriat tawh loh hi a" 

"Ka lo tawngtaipui ang che" a ti a. Ka hnuk a ulh. Ka chhang tawh lo. Kan ineih loh hlaua Valpuia chetndan te ka chhui kir a, heti em ema a danglam ta hi a mak tih loh rual a ni lo. Mi te chu kum 10 dawn an inneih hnuah te an intithiam lo ve chauh a nia. Fa ka nei dek dek a, a danglam nghal daih hi ka hrethiam thlawt lo. Mi pa ten an fate an kai a, an lenpui ka hmuh te hian ka tah a chhuak thin, ka awt ngawih ngawih zel. Phir kan nei a, min puih a hnekin min chhuahsan reng chu a ni si a!  Kan pahnihin kan fate chu han awmin han lawm ve thin ila… duhthusam mai a ni si. Naupangtein kan innei a, tlangval a kham lo anih ber hi. A pawi vawng vawng teh e. 

"Valpui, harh teh.. Bawihteii thawk dan hi a dik tlat lo.. " tiin ka pasal chu ka sawi nawk nawk a. Riat nuah nuah chungin a rawn meng a, "Ninawm" a ti hluk. Ka chek hlak a, Bawihteii chu ka pawm a, zing dar 2 bawr vel a ni. Ka va zung zo Mampuia te mutdan ka siam rem chu Bawihteii thaw chu a sak riauin ka hria a, ka ngaichang vang vang phawt a, a dik tlat lo a ni. A pang ka dek a, a lo sa deuh. Tlai lamah khan a tlei lo riau a, a chhungril khawsik intham a nih ka ring. 

"Nu, pa, lo tho teh u. Bawihteii hi" tiin ka nute room kawngka chu ka kik dat dat a. Ka pa a lo tho va. A tunu chu a han enkual a, "Valpuia va kaitho rawh. Chhohpui nghal ang u" a ti ta mai. Ka nu pawh a rawn tho ve. Valpuia chu ka va kai tho leh a, phun hluk hluk chungin a rawn tho. Eng ang pa nge maw a nih le.. 

Ka pa te nen valpuia nen Damdawiin chu kan pan ta a. Doctor te chuan an lo ngai serious viau mai. An che sawk sawk mai. Khawsikpui a lo ni a. A thluakah a lut tawh lehnghal!  Ka va mangang tak. Kan tlaivar ta zak a. Bawihteii chu a harh hleithei lo, a kaih reng bawk. Zingah chhungkhat an rawn lang ve bawk a, thla a muang ta deuh. Keima nu te pawh an rawn thleng. Mimii leh ka nu erawh an rawn lang lo. 

Dar 9 bawr velah Bawihteii chu a kaih leh chiam mai a, ka mangang takzet a ni. Valpuia lah inah a zuk inthlak daih bawk si. Mala leh Zorini te nen kan buai hle mai. Keima nu te lah tukthuan ei turin an haw ve leh rih bawk si. Doctor ten theihtawp chhuahin an han bawihsawm a. Ka en ngam lo. Ka fanu taksa te takte an sawi nawk nawk te, a mar an dek te chu khur hlawk hlawk chungin ka lo thlir. 

"A pawi khawp mai. Mihringah kan inchan zo ta lo a ni" Doctor Siamtea chuan a tarmit siamtha chungin a rawn ti ta a. Ka thu hnawk. Mala'n min lo kuah vat. Ka tap thei lo, ka khawng vek. Mumalin engmah ka hre zui lo. Kan inah mi tam tak an thu a, an zai tih te chu ka hria. Ka hriat chhun chu ka fanu taksa chu ka ngheng chial a, ka kuah bet tlat tih chauh a ni. Valpuian engtin nge a hmachhawn ka hre lo. Thla 9 chhung ka pai, harsa taka ka hrin ka fanu chuan a unaupa leh kei a nu amah thlahlel ngawih ngawihtu hi min kalsan ta daih anih chu!  Thih ve daih ka va chak tak em. Mampuia chu tu ten nge buaipui ka hre lo. A kuang an zawn a, an kal pui dawn laia zui ve ka tum min pawt laih laih chu ka hre ruai ruai. A bak chu engmah ka hre ta lo. Ka harh chuan khumah ka lo mu a, keima nu leh Valpuia leh Mala ten min lo kil bial taih. Bawihteii chu an phum tawh. Thawh ka tum, ka chau lutuk a, ka tlu leh hnawk.. 

Ni 3 a liam thleng pawn ka mumal hleithei lo. Ka ngaibtuahna te chu a tawi tûk a, ka mang vek tawp. Chaw ka ei ngai lo va, drip min khaisak tawp. Keima nuin min vil deuh chawt. Mampuia erawh a fel bawk a, a ni zorini te leh ka û ten an buaipui a. Valpuia erawh ka hmu khât hle. Ka mamawh ngawih ngawih asin le… 

Ni 4na tang vel chuan ka intiharh ve tan a. Ka inbual a, ka inbual lai chuan mipa thinrim ang thawm ka hre ta a. Kan roomah chuan mi pahnih an inhau ni ngeiin ka hria. 

"A mamawh ber lai che a nia, hetia i awm san hi a dik lo. Ngaihtuah chiang rawh. Ka nau i nih angin i awm dan dik lo hi ka sawi mai a ni.. . " Mala aw a ang hle mai. 

Kan pa chuan, pawr zet hian, "Amah vanga chán alawm kan nih. Bawihteii kha a hma daih atangin a khua sik tawh tih a lang reng. A ngaihsak lo a ni mai alawm" a ti a. Ka meng phak kâwk!  An chhuah hma chu ka tawm ta tawp. Ka pasal chuan min hnem chu khawi lamah, keimah min burbun leh vek anih chu! Ka hmangaihna pawh hi a dal zo ve ta ni maiin ka hria. Heti em em zawng. 

Inriak te an inputchhuah hnuah leh inleng kan ngah vak tawh loh hnuah a sawi chhuak ta chiah a. Ka pa in a khak a, mahse, a ngawi duh lo. Hmangaih ber awm fahranin a fanu thihna chu ka thiam lohah a ngai tlat!  Ka nu leh mimiin an lo pui bawk, ka luak a chhuak. Ka insum thei ta ngang lo va, "I fanu kha i hmangaih hlawl lo, hmangaih awm takin awm kual suh. Hetia min tih hi i bansan dawn lo tih ka hria e. Ka chhuak dawn. Ka hne tawh. I nu leh i farnu rilru chhe lutuk pawh hian ka khua a tisik hluah hluah tawh e. Eng ang pawn min ankhumin kut hial pawh min thlak leh mah la, min dang bet tawh dawn chuang lo, ka chhuak vang vang dawn" Tap teuh chungin ka ti ve ta phiar phiar a. A tawk em em tawh e. Thihna meuh zawng a na asin. Ka fanu kha ka thiam ang tawk chuan ka ngaihsak ve bawk e. A tlei em em a, ngaihthat lohna tur ka hre lo.. Theih nise a thih ai kha ka thi ngam asin.. Ve mai mai a.. 

Roomah ka chho a, ka thawmhnaw leh Mampuia thawmhnaw tlem ka pack a, Mampuia erawh Zorini ten an la phei a, ka lam nghal mai ang ka ti a. Ka pa chuan min lo dang naa, "Pa, ka zah lutuk che. Mahse, ka peih twh lo a ni e" ka ti ta tawl a. Ka chhuak ta. Mala te inah chuan ka va lut a, an lo kim thap. Ka hmel dik lo chu an lo hrethiam thuai a, zawhna min zawt lem lo. 

"Kimpui, ka va thlah ang che u" Mala chuan a ti ta var a. Ka hnial duh lo. 

"Mampuia avang pawh hian inthen chu ka la support chuang lo e.. Mahse, ka khawngaih bawk si che a" a ti sap a. Mampuia banah ka hmer ngawt ngawt ringawt. Ka mittui chu a tla lek lek tih ka hria. 

In kan thleng a, Mala chuan a kum phu loha puitlingin, "Bawihteii thih sarhu lai nen an pa nen an inrem vak lo deuh a, inthen hlen kan remti lo ania. A rawn hahdam ve lawk angah lo ngai hram rawh u" a ti thliam a. Ka chhungte pawn an lo hrethiam hle. Mala chu puitling ka ti kher mai. 

MALA… 

Kan inah chuan mampuia nen chuan ni 4 lai kan awm ve ta a. Sum chhuah ka duh a, la turin kan va kal a, mahse, ka pain khawngaih min ngen a, ngaichang hram tur leh Bawihteii thlarau pawh a zahawm thu te sawiin ka pa te rilru a hneh a. Kan la ta lo phawt. Kan pa chu ka ngai miah lo. A rui nasa thei hle tih ka hria. Ka ngaihven peih lo. Kan monu U nunui hi a sual hran lo naa kherkhiap ve deuh hi a nia. Mahse, ka nute vangin ka hrehaem hran lo. Ka u erawh Dubaiah a chhuk leh tawh a. Au mama faten Mampuia an lawm bawk a, ka leh awl phian. Ununui ka pui ve thin a. Bungrua la lo mah ila, inthen angah ka inngai tawh. Ka awm loh veleh awmpui an han la ngei ah!  Ka ei thlawt lo. Bawihteii ka sûn vanga ka natna hian min kiansan thei bawk si lo, thinrim leh rilru natna nen, zantin ka la tap ziah. Ka ngai bang thei in ka ring lo. Fa sûn natzia chu kum naupangtein ka hre ve ta mai chu a ni si a! 

Kar hnih dawn kan awm hnuah Valpuia chuan min lo ko!  Ngaihdam min dil nasa mai. Mak ka ti tawp. Ka chhungte awm lai vekin mittui tla chungin ngaihdam min dil a, lo haw hram rawh tiin. Sawi tur pawh ka hre lo. 

"Kim, ka nun ka sim vek tawh dawn. Kan kohhranah Crusade an nei a, ka chhim ve thin a, ka dik lohzia ka hre tawh. Khawngaihin lo haw leh hram rawh. Ka ngai tawh che u" a ti. Chutianga tawngkam nem chu a lak atanga ka dawn khât tawh èm vangin ka lo nèm thliam a!  Ka lo la hmangaih reng tih pawh ka hria. Karah fa kan nei tawh bawk si a, inthen ringawt chu a dik ber lo ve bawk a ni. Tichuan, a tukah min lo hruai leh ta a. Pasal ka nei leh ta chu a nia! Ka lai tût lehnghal. Ka hawn zanah chuan duhthawh takin nupa nun pawh kan hmang. Hmana valpuia kha a ni leh tawhin ka hria a, ka hlim veng veng mai. 

Ka nu leh Mimi pawh an la tha duam duam hle. Mahse, thinlung taka pawh erawh harsa ka ti laklawh tawh. Valpuia chuan MA a zo ve ta bawk a, hna te a zawng ve tan a. Eng em em a thawk rih lo.

Khua a rawn dur khuih khuih a, khawpui a ri dur dur bawk. Kan awmpuinu Sangi a buai si. Hmanhmawh deuhin in chungah ka tlan chho va, puan pho seng turin, ka seng zo tep tihin rod lo lawrah ka inchhuih palh a, ka tlu bawk khup thlawrh mai. Ka ke rek chu a na nghal ut ut. Engtin emaw ka tiulh a nih ka ring. Ka tho hleithei miah lo. Ka inbeng kang tang tang a, din chu ka ding thei mai. Mahse, ka rap tha ngam miah lo. 

"A va zia lo ve. Aw.. Khawi ka lo kuah ang che" Mala ka hmuh chuan ka thaw huai. Ka chhungte ho an chhuak vek si a, Ani lo awm hlauh chu ka lawm tak tak. Puanpho ho chu a kokiah a bat khawm a, min kuah ta a. Step kal erawh a hahthlak ngat ngat hle. Min pawm ta lawp a, in chhungah kan lut a, "Sangi, hei i u a tlu palh sia, puanpho hi lo enfel mai ta che" tiin puanpho ho chu thutthlengah a dah a. Kei chu min pawm leh lawp. A palian roh si, min zo lap lap khawp mai. Roomah min luhpui a, khumah min nghatin damdawi a zawng nghal. 

"Engtin nge ka tlu tih i hriat? " ka ti a. 

"Kei pawn puan pho ka seng ve tho a, i tlan chho lai kha ka rawn hmu che a, i tlu lai pawh.. " a nui a. Ka posi kha a thing ngawt ang. A ho em mai. 

"Hnaah i kal leh na na nge, " ka ti a. 

"Kan office bulah mitthi an awm a.. Khawi hei hi hnawih ila, kan tuam lum nghal dawn nia" a ti zung zung a. 

Ka ke chu a zut kual a, a na reuh hle. A vûng tan nghal lehnghal. Damdawi a hnawih a, a sa hat hat mai. Dimtein a tuamzui ta nghal a. Ka lo en reng ringawt. Ka pasal nise tih chu ka ngaihtuah thut. Ka lu ka thing nawk. Ka zak lutuk. 

"Valpuia chuan a thiam ve vak lo vang. Inla pa chi a ni ve a. " ka ngaihtuahna a hria mawni le. Ka sen ap ap in ka ring. 

"Tikhan thu tawp mai rawh. Kal sawn chi pawh i nih loh kha.. " a ti leh a. 

Ka ngawi kur. Ka ngaihtuahna tuihnai lo zet avang khan ka la zak aniang e. A chhuah dawn chuan ka chhipah a lo tuai zauh a, mitmeng zim san hian, "I tha vat mai ang.. Indim rawh aw" a ti thawp sat a. Ka melh reng ringawt.. A chhuak ta nghal a. Ka ruak huaia ka hriat ve ngawt chu.

Engmah han ti chi ka ni ta si lo va, Bawihteii thlalak ka en leh ta mai mai. Tah èm chu ka hreh tawh a, mahse, ka mitthlain nui sen sen chunga, "Maa" a tih ri leh a hmel hmai zawng zawngte kha ka hmu zut zut reng a. Ka hah. Ka tâwt. Ka ngai takzet a ni. Mampuia erawh a la mutui hle. 

Ka phone ka phawrh a, whatsapp status ho ka view kual a, Mala status, "Kum 7 hmalamah khan let ta ila, a hma mah mah ang nge ka tlai tho vang? " tih thu chu. Ni tak, hmanah khan a tlai thu a sawintak kha. Tu tak ni ang maw.. Lawmthu pawh ka hrilh miah lo tih ka hrechhuak a. Ka va text ta a, "Ka lawm lutuk ania. Lawmthu ka sawi theihnghilh daih a" ka va ti. 

"I ho e a" a rawn ti ringawt. 

"Awm lo la chuan in chungah ka bawk reng dawn sin 😂"

"I posi thinzia kha 😢😁" 

"I chawh nih chu 😎"

"I duhawm.. 😑" 

Engtin emaw tak ka awm. Ka sawi thiam vak lo. Reply dan ka va hre lo tak. "Nang pawh" ka ti ta ringawt. Ka u a ni tho tiin ka inthiam chawp. 

An lo haw khawm tan a, mimi hi Zorini Dawrah a thawk ve tawh a ni. Ka ke ka tina chu pawi an tih ve hmel khawp mai. Valpuia inbual hlan chuan a phone a ri tlang tlang a, ka va ensak a, "Babe' tih ringawt a lo ni a. Ka phu deuh zawk. Mahse, babie pawh a ni thei tiin ka ngaih ka titha chawp. Ka pick up ta lo. Mahse, a msg check sak chaknain ka khat ta a. A patern ka hre si lo. Mahse, ka risk ta chiam a. Ka tidik ta hlauh. Hlauthawng zetin a whatsappah chuan ka lut ta a. 

"Bawih, zanin chu aw.. Ka ngai tawh che.. Love u.. " tih te, a tam mai. Babe tih hnen atanga a dawn vek a ni. Inngaizawng an ni tih a chiang, a dp chu ka en a, ka hriat ngai a ni lo. A number chu ka chhinchhiah a, hmanhmawh zetin ka dah leh ta a. Ani pawh a rawn chhuak ve mek. Ka chhungril. Na thup chungin ka lo nui.. A ngaite ang bawkin maw.. A va na thin ve le.. 

A tukah Valpuia nen ka ke chu entir ve hrim hrim turin kan kal a, damdawi min chawh a, min tuamsak nghal bawk. Damdawiin kawta kan din laiin, a phone a rawn ri a. Babe tih kha a ni. Ka zu hmu vuai. "Aw.. " a ti a. Lehlam tawng erawh ka hre thei lo. 

"Umm.. Ka lo kal dawn nia. Damdawiinah ka awm mek a.. Umm ka lo kal nghal" a ti sawk sawk a. 

"Kimi, ka chhuah lawk a ngai, ka thiannuin buaina a tawk a. Khulai lawk khu Mala te office a nia. Va inthlahtir lawk mai rawh" a ti a. Ka sa pup pup. A nupui ka awm ve reng a, kal pawh kal hleithei lo vin. Kei aiin kha nu kha a ngaipawimawh zawk chu a ni sia. 

"A ngai lo, taxi ka la mai ang" ka ti nghat a. A kal zui a ni mai. Ka va tè ta em. Thei leh thei lo vin ka chhuk a, step kal a harsa nasa si. Ka tah a chhuak. Footpath-ah ka ding ran a, taxi lah a lo tlan duh malèk a!  An full zel bawk si. Ka darah dam thlupin a rawn khawih a, ka lehhawi chuan, Mala a lo ni. 

"Taxi i chang mi? ". a ti satliah a. Ka lo bu nghat. Ka mood a hrethiam aniang, a motor a va lachhuak vat a. Min thlah leh dawn ta nge nge anih hi. Vantirhkoh ang mai a ni, ka mamawh apiangin a rawn lang ve ziah. Kan ina min hawnpui ta mai lo vin Aizawl daiah min tlanpui ta daih a, Sialsuk kan va thleng tep. Mampuia chu keima nu ten zingah khan an rawn la daih a, a ngaihtuahawm lem loh. Ni chu a sa vak lo va, khua a dul angreng. Kawng pengah tlan lutin, hmun zawl ve deuh laiah a ding a, a car kawngkhar chu kan hawng ve ve a. Chhuk erawh kan chhuk lo. 

"Kimi, i beidawng em? " a ti ta thlawt a!  Min khawngaih takzet tih a tawngkam a tang chuan a hriat. 

"Beiseina nei chi ka ni em ni? " ka lo ti let hâw. 

"Ka hre lo. A intihpianthar èm vang khan ka lo ring ngawt mai a. Mahse, a ngaihzawng a thlah chuang si lo" a chal a chuar náng a. 

"Then se min duh em ni? " ka lo ti a. Engvanga sawi nge ka nih pawh ka hre lo. 

"Inthen hi ka support ngai lo tih i hriat kha. Mahse, a chang chuan i kal mai hi. atha zawk angem aw tiin ka ngaihtuah fô" a ti sup a. Ka tah a chhuak ut ut, chutianga min lainat em ema a tawng chuan min chhun ná ka ti mai. 

"A pawi em a ni, tleirawl at laiin ka nei ringawt a. Min hmangaih emaw ka lo ti a. Nawmchen nan ringawt min lo nei aniang.. Awmdan tur pawh ka hre tawh lo, Bawihteii boral atang phei kha chuan ka awmdan hi ka hre lo tawp tawp zel. Ka â vek tawh" ka ti a. Ka tap nghal. Ka tah chhuak em em chu a ngaihna ka hrethiam lo. Ka hmai ka hup tlawk tlawk a, min lo kuah a, zawitein a lamah min pawt phei a, a awm nghengin ka tap ta zawih zawih a. 

"Tap bawrh bawrh rawh. I tawrh hi a namai lo em a ni" tiin ka lu-ah a chul a. Ka thawl hawk mai. Mala angchhungah chuan ka thla a muang tawp. Hmanni ang chiah khan ani hi ka pasal ni zawk se tih ka ngaihtuah leh tawh. Ka harh káwk. Ka inlahrang nghal vat. Ka ngaihtuahna tenawm zet chu dahbo ka duh. Min rawn melh a, a mitmeng thûk lutuk chuan min hmu tlang vek niin ka hria. 

"Ka… Englo, ih, mal, kal tawh ang" ka û lo laklawh tawh a. Ka ko ve ta lawl lawl zel chu a nia. 

"Aw le.. " a ti dam thlap a. Muangchangin kan haw ta a. Kan inbe mang lo. Kan ngaihtuahna kan kawm dun melh melh ringawt. Mampuia kan lam haw nghal a. In ka thlen chuan, Sangi chiah a lo awm. Ka pui hleithei si lo va, a hrehawm. Mahse, a fel ve bawk a, Tlingi chu taimak lamah tluk lo deuh mah se, a tawngkam a tha a, kawm a nuam phian. 

"Naktuk tuk lehah Rosy zu tlawh pahin leh i nu entir pahin kan zu zin dawn a. Valpui, i nupui leh fapa hi lo ngaihsak tha ang che" Ka pa chuan zanriah kan ei laiin a ti a. Mimi pawh a kal ve dawn. Amahin dawr hawn a tum ve a, bungrua a la dawn a ni. Ka pasal chuan nuam a ti lehzual ngawt ang. A free zual dawn si a. 

"Valpui, bialnu i la nei reng sia. Ti nge min lo koh leh? " mut hmunah ka ti sap a. 

"Ka nei lo" hram hram zel chuan. 

"Zep a ngai lo ka hre vek alawm.. "

"Ka then chuan intihhlum a tum zel a" a ti ta a. Ka nui hawk. 

"Mi pasal zuna uai chu a na dawn hle anih chu" ka ti nghat a. Lehlam ka hawi a. Ka maimichhing daih. Sawngsawhlawt awm lova sawi chiam ka peih tawh lo. Pathianin a rawn siamtha mial mahna tih chauh ka innghahna a ni. 

Ka nu te chu an zin ta a. Kei pawh ka ke chu a zia chho a, ka rap ngam tawh. An zin tlaiah Valpuia chuan min lo bia a, "Ka thian mi pathum ten chaw an lo ei dawn, chaw lo chhum kep ru.. Vawksa rep leh sangha lo lei bawk ula" a rawn ti. Ka nu te awm lo chu a hriat nghal hle mai. 

"Kimi, hei ka thiante chu an nih hi.. Hei hi Zosangi, Puia leh Rody" tiin a kawk kual a. Zosangi ka hmuh chuan Babe tia a save kha a ni tih ka hre nghal. A hmel chu a tha, mahse, mi pasal a ngaizawng!  Tlangval pawh a hmuh zawh dawn tehlul nen. Tawng pawh ka tawng peih lo. Sangi nen chaw kan ei hmasa a. Kan ei khamah an ei ve. An ei hma khan kan roomah zu an in. Ka la ngawi reng. Puahkeh thut ka hlau khawp mai. 

Mala a rawn lut a, hmanni ka tah khum atang khan kan la inbe leh miah lo. Zosangi chu a en duh hle mai. Mitmeiin ka lo khap thung. A thu ve ta reng a. 

"Bro, bialnu tha deuh ka hualsak che nia" Valpuia chuan chaw hmuam tûn chungin a ti lung lung a. 

"I ho e a" a ti satliah. Min rawn melh zawk a. Ka lo en ve chiah. A mak e.. Engtin maw ni hian ka awm ziah. Ka duh lo he feelings hi. 

An eikham a, Sangi nen kan ti fel leh vek. Mampuia a lo harh a, Valpuia rui phur chuan a han pawm thla a, mampuia mutho hlim lah a tap rawng rawng si. Va laksak ka tum a, a lo phal si. Ka fapa chu kan inchuh titih a. 

"A tap nasa si, khawi hnute ka lo pe ang' ka ti a. 

"Apa ka nia, ka titlei ve thei tho ang" a ti tlat. Ka va ngei tak. 

"Ka fapa duat, hmelthate, hei anu Zosangi inpawmtir rawh aw.. " tiin Zosangi chu a zuk pawmtir nia!  Ka insum zo tawh lo. Ka va chhuh ta dawrh a, Valpuia meng rum zet pawh ka pawisa zo tawh lo. Roomah ka chhohpui ta daih a. 

Darkar chanve hnu velah ka zuk chhuk leh a, Mala kha a la awm ve bawk sia. Sitting roomah chuan langsar takin zu an lo in nia!  Hmeichhe pahnih lah chuan an tlak pap pap lehnghal. Sangi pawn a en duh kher mai. 

"Zu zuar kan ni lo. Khawngaihin pawn lamah va in mai ta che u. A zahawm lo em mai" ka ti ta hmiah a. An rawn hawi hâw hlawm. 

"Khanglang che chuan, ka in anih hi. Kan duh duhin kan awm ang. Engmah i lo sawi ve a ngai lo. Han mu vang vang rawh" Valpuia chuan min dinchilh ran a. Ka zám duh bik lo, "mi te pawh rawn leng lut se a mawi hleinem. Ka in a ni ve tho, hetah in tawh suh u. " ka ti ram hmak. Ka inrin hmain min namthlu thlawrh. Mampuia a tap nghal. A thianpa Puia leh Mala an rawn ding ve nghal zat. An chelh bet a. 

"Zawngi, i va zak lo ve. Ka thiante awm laia min tihzah kher a.. I thu lo berrr.. Ka nupui angin awm tum suh. Ka hmei i nih kha.. Ka hmei" a ti ta bawrh bawrh a. Mampuia chu Mala'n a lo pawm a, ka tho va, dak vahin, "I hmei chu Hei Zosangi zawk hi aw.. I nupui ka ni a, ka ni reng bawk ang. In pahnih nun tibuai tur hrim hrim pawh hian he inah hian ka awm tlat dawn… ramsa bawlhhlawhpa.. " ka ti ve ta hrep a. Ka hlau eih lo. Mala kut atangin Mampuia ka la a, roomah ka chho daih. Min rawn umzui a tum chu Malan a chelh a, "A tawk.. Duhtawk teh, i rui tawh anih kha. Thiante u, nangni pawn hawnsan tawh ru" a ti chang khak.  A bak ka hre zui tawh lo. Tumruhna thar ka nei a, ka hlen ngei pawh ka ring. 

Ni e, ka sawi ang khan ka chamchilh tlat dawn. Zosangi hmela hnehna chang inti khan min run lutuk. Ka pasal chu a ta a ni thei, mahse, a pasal ka nihtir dawn hauh lo. Eng ang pawhin min tiduhdah se, ka tuar anga, ka haw miah lo vang. Tin, thil tam tak ka ngaihtuah ve. Mimii rawn let lehin kan chhungkaw boruak a thlak danglam hnehzia ka hria, va haw ve ta ngawt ila, Ununi lah mi khermei chi a ni a, ka pa a pension tep tawh a, Au Mama thawhchhuah kan rin hun a la awm dawn. Va sual lo mah ila, eng emaw chenah chenho dual dual chuan boruak eng emaw a awm palh thei. Ka nu te lahin fanu zawk na na na chu min tan zawk lo thei bik si lo anga, ka duh vang ni miah lo vin kan chhungkaw boruak tha sa saw ka tichhe palh ang tih ka hlau ve bawk a ni. 

Umm he inah hian ka theih chen chen ka awm ang. 

Valpuia chatthla hnar bur bur chu ka ten ngawih ngawih. Engtin nge hetiang mipa tenawm lutuk hi ka lo hmangaih em em theih?  Ka rilru hi a lèt thawk ni maiin ka hria. A tukah a chhuak leh vang vang. Kei pawh ka nute inah ka va leng a, engmah ka sawi lo thung. Tlaiah pawh a la rawn haw lo va, ka call ve ngat. Vawi hnih a ring quit hnuah a la ve hram. "Eng nge" a rawn ti hmuk. 

"Chaw ei turin kan nghak che"

"Lo ei mai ru. Ka rawn haw dawn lo. Hetah ka riak dawn" a ti a. 

"Aw le" ka ti hmak. Hetah a tih chu a bialnu te in a ni turah ka ngai. A ho. Riak se, inti bawrh bawrh rawh se. Ka engahmah a thawk tawh lo ve a. Zanah chuan ruah a tla sep sep a, boruak pawh a dai deuh. Roomah Mampuia ka timu a, Sangi pawh a roomah ka laptop ah movie a en daih. Mampuia a muhil ta a. Ka intleuh fai thuak thuak, Almira ka hawng chu zu um ka hmu ta a. Nimina an in bang kha a ni maithei. Royal stag a ni a, beer chu ka in ve fô, zu tak hi ka la in ngai lo. Engin nge min mawlh ka hre lo, ka in chak ta tlat a nih chu!  No kan inchhawp sa a, ka thli a, a sehhmeh ka zu dap. Tlaia bawngsa roast kha a lo la awm nual, hrang li ka la a, ka chho leh ta a. Ka in thei phian. No 3 ka in chuan ka tha tawh angreng, ruih chu nuam ka ti phian. Ngaihtuah a tawi a, ngaih a sam tan ta hle. Door bell ri tlangntlang chu ka hria. Reivak lohah Mala a rawn lut hlawl. Kei ka lo la inchhwp ram mai si. Mak a tih hmel kher mai. Ka lo nuih tlawn vel. 

"Pendrive ka rawn la dawn a.. " a ti sup a. Dawhkana pendrive chu a la a, a chhuak leh nghal daih. Mahse, 5 mins velah a rawn lut leh. 

. "i haw maw ka tia" ka lo ti a. 

"Haw e. Ka rawn  kal leh. Ti nge zu i in? " a ti sup a. 

"Ka chak a ni mai lawm" ka lo ti hmuk. Ka bulah a rawn thu a. A rim tui zia chu. 

"Zu hmanga hneh chi a ni hleinem" a ti a. 

"Ka hria' ka ti sap. Khumah chuan ka tlu zangthal a. Mahse, ka tho leh vat. Ngawi rengin zu um chu a la a, no-ah chuan chhah zetin a thli a,  a thawk khat ve ta piap mai. A la duhtaek mai lo. A in belh leh. 

. "I in zo law.. Ka la duh sin" ka lo ti a. 

"No khat vel tur a la awm… " tiin min thlitsak nghal a. Ka lo in. A tawlhpanal ka thleng tawh a, in a harsa tawh lo. Zun tumin ka tho va, ka pai khet khet. Thing lutuk. Min lo dawm a. "I va nawi reuh tak" a ti hmuk. Ka va zung a, ka thu te chu ka bu lawp. Lawp mai. Ka innuihzat tawp. Ka let leh chu khumah a lo thu a, a ke ka pal palh a, ka petek nawk nawk, min rawn chelh vat a, khumah chuan kan tlu dun ta rial a. Min bawhbet titih deuh. 

Kan hmai chu a insi lek lek, a mitah chiang takin ka en a, min lo melh let ve chiah, a hmel tha ka ti lutuk, a pa si. A hmui ka melh thla leh a, fawh cho zetin ka dak vah. Ka awmzia ka hre hauh lo. Mala chu ka duh ta em em pawh a ni lo, mahse, zu hnathawh nge fawh ka chak tlat!   

"Kim" zawi sap hian a ti a. Ka lo maimichhing tawp. Ka hmui chu a rawn fawp ta a. A nem thlep mai. Duhthawh zetin ka lo fawp let, a tukhum ka vuan a, a dar ka chul thul. A ni pawh insiamrem pah hret hretin min fawp kal reng. A zei takzet. A tawp thut a, ka lo kuah ngawng ngawng, a rawn tan tha leh a. A kut a hlei tan, ka hnute chu a dap rak rak a, kawr chhanah a tham nawk nawk. Kan pa nen sex kan hman lohna a rei leh tawh a. Ka lo râwp ta viau em mawni dawn.. Ka duhthawh em em tlat. Ka kawr a hlim a, a rum nghat. Ka hnute chu a hne ta dâwk dâwk a. Ka lo eu ngawng ngawng. Ka nulat lai atanga tisa châkna tho har zet kha ka ni a, Mala min khawihna erawh a danglam zak. A za chuai chuai ni maiin ka hria. Ka ir leh nghawng vel a rawn thawk khum ham ham a, a rawn fawh kual dan dan phei chuan ka rum chhuak hial. A mak hle mai. Sex chu ka mamawh hle ni maiin ka hria.. Ka kap pawh a huh hlap tih ka hre thei. A mipatna khawng zet chuan min do ûl bawk. 

"Kimi, hei kim, i harh em.. Hei hi i hrechiang maw.. Kan ti ang maw? " a rawn ti tham tuak a, ani pawh a insum thei lo achha a ni ber e. Chutia a rawn tih chuan ka harh nghal kâwk!  Kareiii! Eng thil chiah nge maw ka tih le.. Ka nam sawn a, ka thu chhuak nghal. Ka khur hlak hlak mai. Khum bula Mampuia mutna chu ka va en a, ka tah a chhuak. Ka va uire teuh em.. Uire ang mai niin ka inhria. Ka zak ngawih ngawih. 

"Mal, ka tihpalh. Ka hre lo.. Engmah" ka ti bah nuaih. Ka sam hnawk niah chu a rawn huih mam a, chian taka min melhin, "Hmeichhe thianghlim tak i ni. Engmah a thleng lo.. Engmah kan hre hek lo. A tha em? " a ti fiah kák a. Ka melh ngam meuh lo. Ka chalah a rawn fâwp a. Nui suk chungin min chhuahsan ta. Khumah chuan engtia rei nge ka thut pawh ka hre lo. Ka harh chuan a kham phei zawngin ka lo mu. Ka tui lah a hal huam huam mai. 

Tukthuan kan ei khamah kan pa chu a rawn haw ve hlawl. En pawh ka lo en ngam lo. Uire lo mah ila, ka inten. Mampuia ka bual zo a, ka thlak mek laiin a rawn lut a. Almira chu a hawng a, "Ehe.. Khaw nge stag kha.. "A ti ta a. Ka ngawi reng. 

"Zothankim, i in a mi? Khaw nge? " a rawn ti leh. 

"Aw nizanah ka in zo" ka lo ti sap. Thinrim lutukin min rawn pan a, Mampuia pawh ngaihsak chang lo vin min rawn beng pawp. Ka beng a hit mup mai. A la duhtawk lo, ka bekah a hnek leh, ka biangah a hnek bawk. Min sawisa nasa ta mai a. Mampuia a tap nasa bawk si, Sangi a rawn lut a, a rak chul mai. A thelh ngam si lo. Mala te a va ko a ni ngei a, Mala leh Nuteii an rawn lut a. An rawn thlelh ta a. 

"Zawgi zah lohzia hi, ka zu thuhruk a lo in zo vek anih chu.. Hmeli, khawi nge kan sawisa hlum law law teh ang che" tiin min rawn pan leh a tum a, Malan a lo pawm bet tlat. Mala a lian bawk a, a hneh chai chai khawp mai. 

Nuteii chuan a zilh malh malh a. Keipawh min zilh tel tho. Ka biang dinglam chu a vung tan deuh a, a na at at hle mai. Malan tui khal a zuk siam a, chu chuan ka dep ta a. A duk em lo vang chu maw. Ka hnar te a thi bawk nen, bathroomah ka va intifai a. Ka chhuah leh chuan Mampuia chu Sangin a lo pua a, Mala leh Valpuia chu an inthutchilh ran mai. 

"Hei chu a dik lo. Ka nau, i ti mah mah a ni. I thiltih hi bansan rawh" Mala chuan a ti a. 

"He nu hi tan ziah tawh suh. Zu pawh in ngam a nia, a dik bik lo" a ti páwng pâwng thung. Ka ngaithla peih lo va. Ka chhuksan daih. Nilengin kan inbe ta lo. Min sawisakna lah chu a na riuu a, nachhawkna ka ei a. Ka mu daih. Mampuia erawh Nuteiin a rawn la a, ka fapa pawh ka enkawl hleithei lo chu anih hi. Ka vanduai em mai. Mimi te an awm lo hlauh zawk a. Min diriamtur an awm lo va, a zia tak a awm. Malan min lo text, "Chhuahsan mai rawh" tiin. 

"Aih, Zosangi nen hian ka tibuai ve hrim hrim dawn" ka ti tlat. 

"Kimi, lo lan fo pawh hi ka duh tawh lo. I hriatthiam kha.. Mahse, chhan ngaiin i awm zel si a" a rawn ti. A dik ka hria. 

"Nia, Mal, ka hrethiam alawm.. Rilru nuam deuhin awm rawh. Engmah a thleng tawh lo vang" ka ti a. 

"Bialnu neih ka tum ve a.. Hei a pic" tiin pic min lo thawn. Ka na zawk. A mak ka ti. Eng nge ka lo nat ve ringawt. A hmel tha hle mai, a bialnu chu. Ka hriat loh laiin ka mittui a tling. Mala chu mi dang ta ni tur in ka phal lo tihna em ni?  Pasal ka nei reng si. Nge min buaipui hman tawh lo anga a bialnu a pawimawh zawk tawh dawn si a, chu chu ka phal lo zawk.. 

"A hmel that hi" tih ringawt ka comment. 

"Nia, nei lo thei lo niin ka inhre tawh a" a rawn ti. A sawi awmzia ka hre lo. 

"Ka ngai ngawt ang che" ka tum lawk ni miah lo vin ka va thawn nia. A seen hmain ka delete leh vat. 

"Ka hmu hman.. Sawi leh teh" a rawn ti. 

"I hmuh hman tho chu"

"Ka chhiar leh chak alawm"

"Ka thawnsual anih kha"

"Tak tak maw? "

"Umm tak tak" 

A reh daih. Kei pawh ka lo muhil a. Ka harh chuan a lo tlai rawh viau. Ka sim thûm mai. Zanah kan pa chu a rawn haw leh ta lo. Mampuia nen kan mu ran mai a. Inngaihtuah lungpuam ka duh tawh lo. Ka phone ka hmet eng a, ka ngaihtuahna lakpen tumin story chhiar tur ka zawng. Mahse, ka rilruah Mala hlir a awm. A mak eee.. Ti nge ka ngaihtuah tlat. A. Fawh nawmzia leh ka taksa a tihdanglam theihzia kha ka la theihnghilh lo. Mipa dik tak a ni. A pianzia leh a tawngdan engkim chu. Ka tan a awm reng thin a, mahse, a nau nupui ka nih vang chauhin min pui.. Mahse, ka ngaihtuah vak vak a, ti nge ka mamawh hunah a rawn lan zel le.. Min duh ve aniang a.. Ti ten.. Nizanah khan kan chesual tep anih kha. A nawmzia ka ngaihtuah zawng chuan ka zauthau thei nia!  Khatiang hun kha tawn leh ka châk. Ni e, Valpuia nupui Kimi hi a thinlung a uire.. Uiretu pawh a pasal cousin Malsawmzuala ngei a ni.. 

Ka nute lah an lo la haw dawn loh thu an rawn sawi sek. Ka nu hi hman deuh atang khan a insawisel fo a. A kawng leh tai na te chu a sawintam ber. An inentir nghal dawn kha a nia. Lo haw malèk ang hmiang. Ka ngai vak lo em mai. Mala erawh a reh hle. Whatsappah pawh a reh. Status pawh a nei lo. A bialnu nen an hlim dun em em ang tih ka ring. Kei pawh ka thiante nen groupah kan nawi tan a, an nawi fo a, ka tel ve ngai lo. Mahse, mahni intihhlim chu tha ka ti a, ka siamchawp hmangin ka intihlim lui ve thin. 

Mala nen ni 2 kan inhmu tawh lo. Valpuia a ngai reng. A chhuak reng a, khum khatah kan mu dun hman lo a ni ber. Pawi ka ti em em lo. Sangi nen darthlalang kan nawt a. Mampuia a leng leh daih. Kan titi dun siam siam a, Zosangi a ngeizia te a sawi ve a, kan nui hawk hawk. Chhun thingpui kan in laiin, "Mampuia hi rawn la la" Malan msg min lo thawn. Kan in zawhah an in lamah ka va kal ta a. Nuteiin cake a lo ur mek a, "Khaw nge mampuia chu' ka ti a. 

"Bawiha roomah an in awm anih kha.. " a lo ti a. Ka va lut ve. Khumah toys hrang hrang nen an lo inlawm a. Mampuia hi a tawng thei ve tan a, fiah vak lo hian a rak ve ruai ruai thin. Mala chuan tawng a lo zirtir pah a. Ka thlir reng. Ka hnuk a ulh leh ringawt. Valpuia nen ni zawk se te ka ti, apa hian a fapa hi a pawm khát em a ni. Ka aw ka thian a, a lo hawi vat. 

"Ama, Apa Mala bulah ka riak dawn.. Ti rawh le" tiin Mampuia chu a bia a. Mampuia chuan thiam leh thiam lo vin a sawi nawk nawk a, ka nui nasa. 

"Hawh le.. Thingpui pawh i la in si lo" ka ti a. A duh tlat lo. A pa Mala a kuah tlat. "I fuihpawrh chiang" ka ti a. 

"Duattu an hria lawm.. " a ti. A dik ang, Mampuia hian a ngaina em mai. 

Nuteii a lo dak a, "Thingpui in ve rawh aw.. Kimpui" a ti a. Ka in tawh thu ka lo sawi a. 

"Anih ngati nge min rawn koh" tiin Mala chu ka melh a. 

"Ka hmu chak che" a ti. Naupangchhia zetin a kiai sak bawk. 

"Phakar e" ka lo ti hmuk. 

"Ka ngai tawh che a" a ti leh sup. Ka melh hrâwk. Zaidam zetin min lo en thung. Mampuia erawh Mala leisak guitar te takte tumin a buai hle thung. 

'Nih ka phei leh mai dawn.. Sangi a buai ang" ka ti a. Ka ding nghal. Rang zetin a rawn tho va, min kuai her lawp. Ka hmuiah a rawn fawp chat, ka kawngah a vuan nghal a. Min fawp rei hran lo. Ka hamhaih vek. "Kal rawh… tikha chuan ka hlim tawh" a ti a. Confi zetin Mampuia a va lawm leh daih. Lai ru zetin ka chhuak a, nuteii min biakna pawh ka chhang mumal lo. Mala mai mai chuh. 

"Kim" tih ringawt a rawn thawn nghal. 

"Umm"

"Min hua em? "

"Haw lo"

"Ka lawm e.. Ka insum thei tawh lo"

"Eng nge awmzia.. Mal"

"Ka duh che"

Ka phone ka thlauh lo chauh. Ka lo beisei ruk, ka beisei ngam si loh kha… huizzz, a va khawlhkham tak. 

"Nang pawn min ngaihtuah thin.. A dik em? " a la rawn ti deuh deuh. 

"I hria.. Kan dinhmun" a zawhna pehhelin ka ti daih. 

"Ka zawhna chhang rawh. A dik em? " a rawn ti nawn sak. 

"Aw" ka ti tawi tak. Ka va easy tak em.. 

"Keiman ka chingfel vek ang. I pasal kha lo mutpui tawh lo la a tha a ni mai" a rawn ti. Ka chhang tawh lo. 

Zan dar 8 velah Valpuia leh Zosangi an rawn inkai lut hlawl mai. Mampuian puak a ngen tlat vangin ka lo paw mek a, Sangi erawh chuan tv a a en thung. 

"Kimi, i chhuah a ngai" a ti pawr huar a. A ding bu lûk lûk bawk. Ka hamhaih viau. A tawpa tawpah chuan an tuar thei ta ngang lo anga, an rawn inhruai lut tawpah ka ngai mai. Mampuia a muhil tawh a, ngawinrengin roomah ka han mut. Ka chhuk leh a. 

"Chuan, nupui i rawn hruai lut tihna em ni? " ka ti chang fal a. Zâm angin ka awm duh lo. 

"Anih hi.. I thawmhnaw la la, chhuak rawh" a ti a. Zosangi erawh a thu fel thán thung. 

"Ka chhuak dawn lo" ka ti tlat. 

"Tikhawpa a duh loh na a lantir tawh hnuah che pawh i la awm ve tlat chu a nia. Eng ang hmeichhia nge maw i nih le? " Zosangi a ni. 

"Nangmah anga hmeichhe cheap, hurherh ka ni ve lo.. Chu zawng chu" ka ti hmak. A ding hluai a, Valpuia zawkin min rawn phih dawrh. Ka pasal chu ka hmangaih vang lam ni lo vin chimawm chhuah ka duh tlat. 

"Ka sawi dik lo mi?  Mi pasal tawmpui ngam hmeichhia chuan min hmusit ve ngam ang maw? Khanglang a" ka ti vin thak. Valpuiaan min beng thlu leh tawp. Thutthleng bánah ka lu ka sawh a, a na viau. Sangi a rak thawt a, a tlanchhuak nghal. Ka inrin hmain Valpuia chuan min khawih char char, mipa a nia, a chak si, thahruiah chuan ka hneh ngang lo a ni ber. 

A kawnghren phelhin min vuak a tum a, mahse, Mala a rawn lut.. "Duhtawk rawh" a ti vawt raih a. Valpuia pawh a ding chawt. Zosangi erawh chuan hmuhnawm tih hmel zetin min lo thlir, Sangai chuan hmai hup chungin. 

"Lo inrawlh suh. Nang hi i inrawlh tam mah mah. Ka nupui a ni a, ka duh duhin ka ti thei" Valpuia chuan a ti a. Patea te nupa an lo lut ve chiah. 

"I va han sual tak em, Nupui dang i rawn hruai lut pawh tih nak alaiin In nu kut i thlak leh a maw?  Ani hian eng nge thiam lohna a neih a? Ngawi tak rawh. I pate kan bia ange.. I chák lo vang" Patea chuan a ti bawrh bawrh a. A phone a phawrh nghal. 

Valpuia chuan, "I duhtawkin be rawh.. Ka hlau chhete lo. Kan in chhung buaina a nih hi. Lo inrawlh suh u" a ti tuar a. Mahse, patea chuan a be tho. 

"A duh dan ang khan lo awmtir phawt rawh u.. " tih chu ka pa thutlukna a ni. Zosangi khi sáwng chuan mi run hle mai. Sangin min rawn kaitho va, ka hliamah chuan damdawi a hnawih a. Patea ten kan awmdan tur an sawi. Mala chuan min melh ngawih ngawih, a thinrimzia ka hai lo. Valpuia chu khawih a chak takzet tih ka hria. Mitmeiin ka khap tlat thung. Ka thawmhnaw leh Mampuia thawmhnaw tlem nen in chu ka chhuahsan leh ta. Hei zawng a tawpna a ni tawh ngei ang le… 

Mala bawkin min thlah. Ka tawng lo. Ka rilru pawh a na hek lo. Ani pawh a tawng miah lo. Ka chhuk dawnah erawh, "Kim, min ring rawh aw" a ti. 

Ka nu te an lo haw hma chu bungrua kan la rih lo va. An lo haw a, a tukah kan va kal ta nghal. Min dan pawh an lo tum tawh lem lo. Ngawi rengin ka bungrua chu kan la mawlh mawlh ringawt. Zosangi pawh a lo la awm. Inchei hlar reng mai. Mimi nen an inhrawn thei em ang chu.. Kei erawh ka zalen. Mahse, kan monu mitmei ka veng tha leh dawn chu a nia. Ka hlim vak chuang lo. Mala nen kan inbe fo a. Inngaihzawnna lam sawi si lo hian kan nghet ve em em tawp. Ka sawi thiam lo. Langsar taka inkawp a rem si lo va, phone kan hmang tangkai viau. 

Mampuia chhuanlama rawn teiluh a ching zeuh zeuh a, ka chhungte pawn an fak khawp mai. Fel an ti. Ununui nen pawh kan boruak a la tha a, mahse, ka sawi thiam si loh hian min mawlhtu a awm thin. Mampuia a lian chho ve zel si a. Nakinah a la hautak ve anga, ka phur a rit dawn tih ka hria. 

"Naktuk chu inhmuh ka duh.. Khawngaihin" Mala chuan a rawn ti tawl mai. Inhmuhfalna hun kan la nei miah lo va, a awm ve reng. Keimah hi ka la tîm em a, ka zak a, ka hlau bawk. 

"Ka lo tum ang" ka ti ve ta a. Inhmuhna hmun tur leh hun sawiin kan dah ta a. Mampuia chu ka nu kutah ka dah a, ka thiante tlawh tur anga insawiin ka chhuak ta. 

A hmaa ka tah khumna hmunah khan kan kal leh a. Kan ngawi vang vang. 

"Mal, i bialnu kha" ka ti a. Ka rilru a kap ve tlat a ni. 

"Kan ni leh ta lo alawm.. Ka thei ngang lo a ni. Nangmah a ni si lo va". 

"Anih engtij atangin nge min duh? "Ka hre chak em a ni. 

"Valpuian i thlalak min lo thawn atang khan a intan tawh. Hmaichhana ka hmuh chiah che khan a chiang lehzual a. Ka vei che a, ka tlai tih ka hria"

"Mahse, Valpuia a lerh reng lai pawh khan then kha i phal ngai si lo va"

"Ka inthup tum luatah khatiang zawng khan ka infiah ta mai a nih kha.. A hrehawm thei lutuk, i pasalin a tihnat ngawih ngawih lai che khan ka lo na ve thin si a. Valpuia hnek ka chak theihzia kha" a insehruh a. Ka lo nuih. 

"Mahse, Tunah pawh a khirh tho sia lawm.. Nang leh kei chu a theih chuang loh" ka ti ta a. 

Mitmeng sexy lutukin min rawn melh a, ka kut a la, "Chiah maw.. Min ring lo em ni? " a ti thawp sap a. 

"Ngaibtuah la, Nuteii ten min pawm dawn lo. Valpuia te chhungkua nen inbuai vek dawn bawk. Tin, Valpuia lamtang ten Valpuia lerh chhanah an ngai daih thei"ka ti a. 

"Ka hre vek, chung zawng zawng chu ka ngaihtuah loh ring suh. Venhim che ka tum luatah in nupa inkarah pawh ka inrawlh tam mah mah tih ka hria.. Mahse, tunah chuan tu nupui mah i ni tawh lo va, ka zalen tawh alawm.. Tlemte mualpho erawh kan huam ve a ngai" 

"Engtia hmalak nge i tum"

"Ka la hre mai lo. Hun hi kan nghak ve deuh anga, kum 2 hnu velah kan innei ang. Helama i awm duh loh pawn Pune-ah kan chhuk thei" 

Huiizz.. Engmah ka ngaihtuah thiam tawh lo e a. Ka inrin hmain a lamah min pawt dawrh. 

"Fawh che ka duh. Lo hnai teh" a ti sup a. Amah zawk chuan min pawt hnai salh. Min rawn fawp nghal a, a lei hawlkuak zei zia ka ngaihtuah hian sex a hman nasat tawh ka ring. Keipawn ka lo thlahlel taawh bawk a, ka lo kuah ve chial. Hmuiah chauh chuan duhkhawp a ngah lo nge ka awm a zen a, ka hnute a hrual ner ner. Ka lo za leh chiai tawh. He pa lakah hian ti nge maw ka sihhnip em em ni. Motor chhungah chuan duh angin a chet theih si loh a, kn duhtawk ta a. A meng si sat mai. Kei pawh eng teh ual ka ni bik lo. 

Kan inzawm nghet ta bawk a, mahse, tihsual leh ka hlauh tawh em vangin ka fimkhur ve khawp mai. Tleirawl inngaizawng ang maia a ruk arala inhmuh reng chu a ning a, keiin puanzar ka phal si lo. Kan inhau ngai lo va, hnial erawh kan inhnial ve fo. Valpuia laka ka beidawnna leh natna te kha a lakah ka hrithla a, anin dawhthei takin min lo dawngsawng thin. Min dawhtheih em vangin ka pangchang bawk. A luck zia ka hria a, ka hlauthawng thin. Mahse, "Ka nau nupui anih lai atanga ka vei tawh chu tu nula mahin an bawhbet lo vang. Rinna nei la a tawk" a ti mai thin. 

Hun a liam ve zel a. Kum tharah ka pa remruat anga computer zirthat leh ka tum a, eng hna emaw te pawh ka hmu ve maithei asin. Mampuia chuan chhungkua min chawknhlim hle. Ani Zorini te zawk hian an rawn la zeuh zeuh, Valpuia te erawh chuan an rawn ngaihven ngai lo. An hmuh fuh eraeh chuan duat ber niawminn an lawm thin. Ten rilru takin ka lo thlir thin thung. 

Christmas vuakvet pawh Mala nen kan hmang vak lo. A rukin kan inhmu zeuh zeuh chauh. A ning thin a, pa taka lantir a duh thin. Ka phal der si lo. Inhauhna awm lo vin kum hlui kan thlah a, kum thar kan chuangkai ta. Computer chu Mala te institutionah ka zir dawn. Amah hian ka pa a sawihmuh kha a ni reng a. 

Ka phur ve viau. Ka pasal hlui chu la hmu zeuh zeuh mah ila, ka thengthawngah a thawk ta meuh lo. Hmangaihna kha huatnain a thlak miau a. Zosangi nen an insawirem a, an tâwng nupa dun ngei mai. Zu an rui deuh reng a niawm e. An thak thakin lo thak mai teh se. 

Mampuia pawh Nurserry  a kal ve ta a, An school chu ka zirna tanga hla lo teah Mala remruatna thoin a awm a. Ka hruai pah thei dawn a. A zia khawp mai. Ka pain Scooty min leisak bawk. Ununui mitmei veng viau mah ila, ka mamawh ve tlat si. Zirna ka tan hmasak. Ber ni chuan Mala nen kan inhmu lo. Mahse, a tuk atang chuan a rawn tei ve zeuh zeuh a, mitmeiin kan inbe nasa thei rap. 

Kar khat vel ka kal hnuah, "Ka office-ah lo kal teh" a rawn ti a. Ka la zir laklawh si. Kan instructor in min vil reng bawk nen. Chhan pawh ka chhang lem lo. Rei vak loah, "Kimi, kha kha in zawh hunah ka office-ah lo lut ta lawk che. Thil sawi ngai a awm a" tiin amah ngei a rawn kal. Ka va ngei tak. 

"Sir, may i come in" A kawngka ka kik a. "Nghal lo mai teh" a ti nghut a. Ka lut a. Aniin a room kawngka a kalh nghal. 

"Eng nge " ka ti a. 

"Ka ngai tawh che" a ti leh tawp. Eng sawi set set lo vin min pawm kang a, a dawhkanah min thuttir a, min rawn fawp nghal. Kei pawn ka lo thlahlel ve tawh  bawk a, ka hnar miah lo. Duhthawh zetin kan inkeih mial mial. Ka kawr a hlim, ka hnute a tham tâwn tâwn a. Kei pawn a kamiz chu ka lo phelh ve mek. 

"Hetah hian a tawp thleng ang" a ti tuak a. Ka beng bulah a thaw ham ham. Pawi tihna ka nei hran lo. Ka kekawr kawng a phelh a, keiin ka pheikhawk ka lo thing thla, a kamzia pawh ka phelhsak tawh bawk.. Ka kekawr chu a hlip a, panty nen a hmaah ka thu ran mai. "I va nalh tak' a ti nghut a. A kekawr a phelh zui ve nghal. 

Min siam rem a, kan tui dun hlao hlap tawh a ni ber mai. Dim tein a nawr lut a, ka lo rum hawk. 

"Nuthlawi tharlam si, a va tight ve" ka beng bulah a rawn ti sup a, a tukhum samah ka kek.. A nui hak a, a hna chu a tan ta mial mial a, a rem lo deuh nge min chawi nawlh a, chhuatah chuan min mut ta a. A duhthawh ngei mai. Keipawn hnuailam atangin ka lo pui ve bawk. 

"Zo rual ang" a ti a. A tawp kan thlen chuan ka khur ngawt ngawt. A ni pawh a thaw ham ham mai. 

Kan inhak that hnuah Mampuia lam turin kan chhuak ta nghal a. Inchhir loh hram ka tum. 

Hun a kal zel a, inthup theih loh lek lek chang kan ngah ta mai. Min koh zut a sim thei si lo. Min thlahlel lutuk chu mak ka ti thin. Sex kan hmang tawh si, chu chuan min inzawm nghehzualtir ka ti mai. Kan inngai hiam hiam reng mai. Kan inah pawh ka duh aiin a lo kal zing mah mah. Au mama ngaih a tha lo ta reng a, minnzawt. Ka la pha thei hram. Ka hlauthawng tlat. A lo kal khât ta deuh. 

"Eheu, kan nu hlui chu i va nalh ve.. Kha" Valpuia a ni. Mampuia ka va thlah zo ka let leh lam a ni. Zosangi erawh ka hmu ve lo. 

"Ka lawm e" ka ti a. Kal pelh mai ka tum a, "Ding teh.. Ka fapa a dam maw? " zu rim a nam hak. 

"A dam e.. "

"Min va huat hmel ve"

"Huat tham i ni hleinem" 

"Haha.. Min la hmangaih reng chiang mai. Min huat danah" 

Ka ner nawk. Ka kal ta hmawk hmawk a. Chhun chawlh laiin, Mala'n, "Kha mihring kha hmu tawh suh" a ti sup a. Min lo hmu ru reng anih dawn kha. 

"Ka hmu hleinem, minnlo bia anih kha" 

"Biak pawh a ngai lo" a lo t hlur a. Ka nuih a za thut. A thikthu mai mai chu. 

Kan batch ho in chaw kan ei khawm dawn a, Hotelah. Kei pawh nalh taka incheiin ka chhuak ve a. Mala a tel ve dawn bawk a. Ka phur. Ka hma chiahah a thu a, kan titi mam mam mai. 

"Kimpui, nangmah ang deuh hi ka hmu tawh a ni. Khaw nge ka hmuh kha le" Duati chuan a ti vang vang a, "Ani hi chu a tam ve a, amah tho aniang" Mala zet zawt chu. Ka va chhiatkhum a. Rum deuhin min lo melh. 

Chaw an rawn dah a, kan ei tan chiah tihin ka ke chu a rawn tlawh a. Ka chaw ei lai ka tawp chawt. A ke chuan ka chawn vel chu a tlawh chho zel a, a kezungtangin min hmer thul. Ka va ngei tak. A tawp duh malèk lehnghal. 

"Ehe, Mala te chu.. Eng nge inntih? " tih thawm a lo ri a. A thlalak min lo thawn ngei kha a ni. A hmel tha ngei mai. 

"Nia, hei chaw kan ei khawm anih hi.. Eng nge in tih zawk? " nelawm zetin a lo chhang a. 

"Ka cousin te an lo zin a, ka dine out pui ve zuai anih hi. Zanin chu lo leng la" a nui saih a. 

. "aw.. Nia, a.. Ka lo tum dawn nia" a tih lai chuan a ngalah ka va chhuih ve chawrh a. "Aiiahh' a ti tuar. An en thup. A nui sáng a, "A.. Ih, ka khup ka tina a, a lo chhuak leh thut anih kha" a ti nawi nak a. Ka lo nui. 

Zanah kan leng daih. Dar 9 velah ka haw. A chang chuan Mampuia hi ka zah thin. Ka ngaihsak tha vaknlo niin ka hria. An duat em vang hian ka lo inthlahdah ve deuh bawk a. Mahse, a tan nu tha ber nih eraeh ka la tum reng. Hun chu a kal ve bek bek zel a. 

Muthi-ah ka thiannu te inneihna hmang turin Mala nen kan kal a. Kan kal dun tih erawh ka chhung ten an hre lo. Mampuia hruai ve ka tum a, ka nuin a phal tlat lo. A hla play chu ka zaipui vak vak a, ka nui hmel chu hmuhnawm a ti nge min lo melh leh reng zel a. 

"Malsawmzual, hmalam en rawh. " ka ti. 

"Kim, keima Kimpui, hetianga i hlim hmel hi ka hmu ngai lo va, a mawi danglam em a ni" a ti ta a. Ka hnuk a lo ulh letling. Inneihna pawh a ropui viau mai. Ka rin loh daihin Valpuia leh Zosangi ka hmu nia!  An inchei nalh ve hle lehnghal. Min hmuh hlauin ka biru deuh a, Mala pawh ka hrilh. Eng he huah a ngai lem lo. Chaw kan ei kham a, hawn mai kan tum. Car-a kan lut tur chu Valpuia ngei mai chuan, "Ka rinhlelh thin kha a dik ta ni maw.. In pahnih hian in lo inngaizawng ngei e" a rawn ti a. A tawng ring angreng si. An lo hawi thup nia. 

"Thiante u, he nu hi ka nupui hlui ania. He pa hi ka patea fapa a ni thung. Tihian an innngaizawng.. A mak inti ve em? " a ti ta lung lung mai. Tawng ka tum lai takin, "I hre ta chu kan lawm hle mai. I duh loha i hnawl hnu ka lo tuamhlawm chu i lawm si na nge? " Mala chuan a ti hriam hraih a. 

"In lo tenawm dun hle mai. Zothankim, vawi engzatnge he pa lakah hian i uire hman sawi rawh" tiin min ben a tum a, a kutah Mala'n a lo vuan chat, "I duh duha kut i thlaka i tihnawmnah theih emaw i la ti anih chuan a ni tawh lo tih ka hrilh che. Min kalsan la i him ang" a ti nghut. A mitmeng a nelawm tawh loh kher mai. 

"Min lo dang leh ta maw?  Haha.. Engtikblai pawn kan inneih lai khan he nu tan hian i ding thin a, ka ringhlel thin reng che a ni" a ti zuah zuah a. 

"I rin ang erawh a ni hauh lo. I nupui hlui Zothankimi hi vawiin thlengin ka lakah a la thianghlim, hetiang hmeichhe tha lutuk i phatsan thei kha a mak ngawt mai. Ka tan erawh a lawmawm thung. Ka lawm e" tih pahin a kut chu a phih dawrh a. Min rawn melh a, "Lut rawh" a ti sup a. A car kawngkhar hawnah chuan ngawi rengin ka lut ta a. 

Kan haw kawngah chuan ka ngawi reng. Ka zak em a ni. 

"Engmah hi thuhruk theih a ni lo reng a ni. Tunah chuan khawvel kan hmachhawn dun tawh ang. Mi ten engpawh sawi se ka bulah i him tih hi hrereng la ka duh" a ti a. Ka va han duh hluah hluah tak em.. 

Valpuia chu a kamtam hrep. An hre ta vek. Mimiin min rawn deusawh nghal, ka nu pawn min lo call a, ngeiawm tak takin min tawngkhum. Nuteii thung chuan inhmuh a duh. Ka va zám tak em.. 

"Ka fanu ang hialin ka lo en thin che a. I thlavang pawh ka hauh ve thin. Mahse, i unaupa nen hetiang thil in tih hi awih harsa ka ti a ni. In la kal thui ka ring lo bawk a, khawngaihin nangmah zawk hian bansan tum hram teh. Ani chu mi luhlul a ni a, engtikawng zawng pawn neih che a tum dawn. Mahse, kimpui, han ngaihtuah ve mah teh, ka pasal u te monu kha ka monu a ni ve leh ang maw?  Thil ni thei a ni lo. Kan chhungkaw zahawmna a chhe vek ang.. Ka vau che ni lo vin khawngaih ka ngen zawk che a ni" Nuteii chuan a ti dap dap mai. Ka ngawi reng thung. A sawi chu a dik vek. A zahthlak. A mawi lo, miin an sawi dan tur zawng zawng piahlamah Valpuia te chhungkua nen an inlaichinna a chhe vek thei. Hei hi zan tam ka ngaihtuah fo tawh a ni a, Mala bulah ka la hlim em vangin bansan a tulzia hre mah ila, ka la ui a, ka la phal lo mai a ni. Pasal sual tak ka neih lai pawha ka lamtangte ngenna chu tihhlawhtlinsak a tha ka ti.. Mala erawh chuan a phal hauh lo vang. 

Ka chhungte lam pawn min zilh liam liam mai. Ka pa aiin ka nu a thinrim, "Sawtiang chhungkua nena inzawmna neih leh hi a duhin ka duh tawh lo hrim hrim.. I hmu leh anih chuan a pawi viau ang" a ti hmak. Computer ka zir ta lo va, Mampuia pawh ka nauin a school kal pahin a hruai thin. Thla khat zet ka chhhuak ta lo. Mahse, Mala msg erawh chhiar tur a awm reng. Mipa zawk a ni a, a huaisen zawk. Mahse, a thlen chin ka thleng ve ngam ta lo a niang e. Valpuia min phatsanna ai chuan Mala nen pawh then kan ni chu na ka ti zawk a, ka tuar zawk bawk. Ka muhil thei lo va, engmah ka ei thei hek lo. Mi te anga inzui rei kan la ni lo nachungin engkimah min thurualpuia min duat famkimtu kha a ni miau a. A duatna leh ngaihsakna ka dawng ta lo ringawt pawh chu a hrehawm èm a ni. Ka tan a harsat em vangin ka block fai ta vek a. A va na vawng vawng em. Kan pahnih induh loh vang ni miah lo va, then tum chu.. 

"Kim, khawngaihin phone dah suh. Khawngaihin" Number dang atangin minnlo call a ni. Rang takin roomah ka tlan lut nghal. Ka ngai tawh lutuk a, ka dah phal bik lo. 

"Ka rawn ru chhuak dawn che u, mampuia nen.. Zaninah dar 11ah in inchhak kawng kualah khan lo awm ang che u.. I hria em? " a rawn ti. Ka hamhaih vek. 

A dah khep a. Ka ding tlawn reng. Ka rilru chu insual nasa tak a ni. Ka kal ang nge kal lo vang. Kal ta ila kan chhungkaw zahna ka thlen anga, ka nu leh pa ten min tuithlar hial maithei. Kal ta lo ila, ka hmangaih leh ka himna chu ka chân hlen maithei. A luhlul si a, a rilru a lèt vaih chuan ka chhe vek ang. Mahse, bansan ka tum a ni lawm ni kha.. Engah nge a tawngkam khat vang leka ka beidawn ang. Ka kal tur a ni lo tiin ka insangmar a. Chaw ka ei tam lo kher mai. Roomah ka tawm tlawk tlawk. Mampuia muhil thaw sák sák chu ka thlir reng a. Hunbi chu ka chhiar kauh kauh a ni ber e. Dar 11 a ri ta.. Ka let tawn sek a, ka thu leh thul. Sana ka bih sek, ka va zung thul. Awmngaihna ka hre ta mang lo. Ka hui pap pap mai. Dar 12 a ri ta hial a. Min la nghak reng ang em?  Beidawng taka a hawi kual tur ka mitthla a, ka insum thei lo, Mampuia ka pawm lawk a, ka chhuak. Engmah leh tumah an lo awm tawh lo. Ka let leh ta hnak hnak a. Ngaihtuahna fim reng ka hmang thei ta lo. 

Min rawn be tawh lo va, a reh tlawk tlawk mai. Ka thu hriat thar leh hmasak ber erawh chuan min deng na kher mai. "Malsawmzuala'n nupui a nei dawn" tih thu chu.. Ka chau rawih rawih mai. Ka tana inhuam em em, min venghim thintu kha ka lakah beidawngin nupui a nei dawn ta hial mai. Na ka ti a, ka chantawk a ni bawk si. Engah nge khamizan khan ka kal loh tehreng ni.. 

Ka cher kâwk kâwk thei nia!  A ruka tah keuh keuh ka ching chho bawk. Pasal laktlak loh zet ka nei a, chuminhnuah hmangaihtu dik ka tawng a. Chupawh a liam leh dawn ta si. Ti nge maw ka lo pian ve kher kher ni. Ka fapa nen khawhar taka khawvel kan hmachhawn dun tur chu tawrh a va harsa em.. Mahse, Zothankimi hi a beidawng tur a ni lo. A kal zel ang.. Keimah leh keimah ka infuihna te chuan awmzia a nei mawh hle mai. Mala te inneihna lah a hnai tial tial mai si. Kei ka chhuak ngai bawk si lo. 

Ka unblock ta a. A status ka view nghal.. "Ka tum ang" tih chauh a hmang. Ni e, ka lakah a beidawng tawh. Nupui tha tak a nei dawn. Kei nuthlawi satliah, a cousin nupui hlui hi chuan ka la tizak fo dawn si a. 

"Inneihnaah i rawn kal dawn em? " ka unblock tih a hriat nghal danah a thinlungah ka la thi bik lo tihna. 

"Ka hre lo" tiin ka chhang. 

"Lo kal suh. Ka tuar zo lo vang" thlawt a na..neih chu a tum tak tak anih si hi. Beiseina tereuhte ka la neih pawh a chuai ta rawih rawih mai. 

Ka be ta lo. A last seen erawh ka check kal reng. Ka va ngai tak em.. Kar hnih hun a la awm. Vawikhat tal hmuh leh ka chak. A fawh vawikhat tal pawh.. Mahse, ka dil ngam si lo. 

Chhung inkhawm kan nei zo chiah tihin kawngka an rawn kik, Ka nuin a va hawng a, Mala leh a nupui hual an lo ding. 

"In lo dam maw? " a ti dam thlap. Ka nu a hawihai deuh. Ka pain a lo chhang vat a. An thu. Kei erawh Mampuia ka melh lui tlat. 

"Kimi, Khawi maw.. Mampuia chu ka va ngai tawh reuh ee" tiin a rawn la. A rim kha a la ngai reng. Mampuia lah chuan a lo la hria. A nui iar iar a. 

"Aaa.. Kan lo kal chhan chu, kan inneihna kha min rawn hmanpui ve ula kan tia, chhungkhat te kan rawnn tlawh anih hi.. " a ti leh a. Chhun anga na ka thinlung, ka hmela lang chhuak hi i hmu thei lul lo em ni?  Malsawmzual… 

"Ni e, kan lo hria a, a lawmawm hle mai. Lo kal kan tum dawn nia.. Kimbawih, thingpui va lum ta che" Ka pa chuan min rawn en a. 

"A ngai lo, kan rawn in tawh a, awm rei pawh kan tum hran lo" Saii chuan a lo ti vat. A nelawm kher mai. 

"A la hla deuh naa intlawh kual chhung hi a rei ve em a, kan rawn vak thuak thuak a nih hi" Mala chuan awlsam takin a ti leh zung zung. Ka va melh a, Mampuia kut kar atangin min rawn melh ve chiah. A mitmeng ka hrethiam lo. Rei awm lo vin an chhuak ta nghal a, ka nu bawkinna thlah leh. Roomah ka lut nghal, tumah ka zahpah peih tawh lo. Khum bawhin ka tap ta hliam hliam a. Lalpa, a va hrehawm ve le.. 

"Zothankim, intichak rawh" tih thu ka update a. Lo hmu ve se ka duh hrim hrim bawk. Ka dinhmun khirhzia a hria a, khami zana ka chhuah theih loh vanga min phatsan nghal mai hi ka tuarthiam thei thlawt lo a ni. Ka cho chhuah a ni tih chu ka hria. Mahse, min hmangaih ta lo anga a awm thei hi mak ka ti ve em a ni. 

"Tuhrah seng" tih thu a update ve zat. A va nunrawng tak. Ka insum thei ta ngang lo, "Aw.. Ni e, ka tuhrah a ni. ka tuhrah ka seng. Min diriam a tul lo ve" ka va ti ta a. Smiley a rawn dah tuar. 

"Min lo hmusit hle mai. Hmuhsitawm tawk lek ka ni reng a ni. In chhungkua kha anchhia in nih kha, midang tihnat bak thiam in nei lo" ka va ti leh. 

"Chuan… " a rawn ti a. 

"A tawk. Ka damchhungin ka be leh tawh ngai lo vang che" ka ti a. Ka block zui nghal. 

Mahse, a tuka ka thu hriat chuan min thawng hle. Malsawmzuala nupui tur Saii chuan inneih a thulh thu sawiin inneih an thulh! 

Number dang atangin, "min zui tawh dawn em? " a rawn ti. Ka hamhaih vek. Eng nge maw a hriat le.. 

Unblock leh ta nge nge a. Saii khan kan inkar a hre vek a, Mala chu duh hle mah se, an hlim dawn chuang lo nia a hriat avangin inneih a thulh. alo nia!  Tin, Mala thu hmu miah lo vin Nuteii ten palai kha an va tir niawm tak a ni. 

"Inneih dawn last minute ah pawh nise, nang hi ka la beisei reng tho ang che" tih thu chuan min tilawm aniang, ka nem leh suai suai mai. Tunah chuan engkim ka ngam tawh ang. 

An inneih ni tura an ruatah kan tlan dun ta daih. Mampuia pawh kan hruai ve. A thianpa, East Lungdar ami te bulah kan kal daih. Kan chhangchhe angreng si. A va hahthlak tak. Ka nuten min lo call reng a, ka awmna erawh ka sawi duh lo. Amah Mala'n a bia a, boruak a zangkhai hunah kan lo haw ang tiin. A thianpa te chu awm thei ve tho mah se, nau nen kan nih vangin kan inthlahrung a, an leilet thlamah kan kal ta daih a. A nuam phian. 

Eitur leh mamawh kan keng lawk vek a, motor erawh a tlan lut thei lo. Thlam chu a lian hran lo naa, a thianghlim a. A thawveng bawk. Bela chaw chhum ngai ber chu kan buaina. A tirah a hel a, a dawt lehah a nem leh em em bawk. Mahse, kan nuihpui thei zel mai. Mampuia pawh a tlei hrut hrut viau. Tihtur vak a awm si lo; chawhmeh te kan zawng leh lawp lawp a. Vai rama awm tam zawk si kha a ramvachal phian a, mahse, a zei em em bik lo. Mei ka chhem alh ve hleithei lo va, aman eirawng a bawl tam mah zawk. Zanah Mampuia ka timu te te a, tiharh lo zawngin kan che ta thin a. Ka rai har pawh ka ring lo. Damdawi ka ei bawk si lo. Min kham thei lo aniang, Valpuia nen kan inneih tirh lai ang chiah kha a ni mai. Mahse, nuam ka ti zawk. Min dawhthei èm a.. 

"Saii kha i kiss tiraw? " namthlakah min karkalak a, Mampuia erawh chhemthei khalhin a buai hle. 

"Kiss e" a ti thum dût. 

"Hmm.. I va tenawm"

"Nang aiin kiss a nuam zawk" 

"Hmela, "

"Mahse, ka duh zawk tho che lawm" 

Ka chum taih taih a, thlam chhuatah min bawhbet, kan inbuan thial thial mai. Mampuian a ngaihna hriat loh hmel zetin min lo en.. 

"Ka fapa, i mit kha lo chhing teh. I nu hi ka fawp lawk dawn" a ti a. Ka hmai ka lo hup. Mampuian a chhemthei kenin a hnungah a lo vaw taih taih, "Vawikhat chiah.. " tiin ka kut a rawn phelh a, a rawn fawp zauh. Ka fapa a pawm a, " I nu hian amah in eirawng bawl ve tawh teh se.. Ka thaibawih dawn tlat.. A tha lo. Leng daih ang" a ti a. A chhuahpui daih. 

Rum zetin an pafa chu ka thlir a. Ka chhungril erawh a hlim veng veng mai… 

Mal, ka pasal ni ngei ngei rawh aw.. Ka hmangaih che.. 

The End…