Evil boss

EVIL BOSS..! 

Ziaktu: Toni Râlte

"Bawiha, fel takin va awm la, khawiah pawh rinawm takin aw" ti chungin tiffin min pe a. "Umm.. Min ngaihtuah suh, i fapa hi ka fel alawm" tiin ka nui a. A nui ve hawk hawk. Ka nu hmai zur lek lek tawha hlimna inmung mek chu lungawi taka thlir chungin kan in te takte chu ka chhuahsan ta a. Ni e, ka hlim, ka ke pen te chu a zang haih mai. A chhan chu taxi driver atangin hna thar dang, thlabi hlawh tha tak hmuh theihna tur ka hmu thar ve tlat a ni. Kar hmasa khan ka thianpa thurawn angin he hna hi ka dil ve rawih kha a ni a, qualification sang tak a ngai hranpa lo bawk a, mistiri ka zui ve zeuh zeuhna kha ka hmang tangkai ta mai. A chhan chu kan hnathawh tur hi in sakna lam a ni tlat a!  Khawpui chhunga in hlui deuh tawh te chu thiatin a thar kan din dawn a, tin, mi insa tur hrim hrim pawn chhawr theih kan ni dawn a ni. He eizawnna hi mizoramah chuan a la lar tehchiam lo va, hotu pakhat hnuaiah team khat kan awm tihna a nih chu. Kan team chu engzat nge kan nih chiah erawh ka hre lo. Kan hotu chuan hotu a nei ve lehchhawng a, chu chu a lû ber a ni. Ani chuan sum a manage a, in hlui leiin thawm that ngai lai thawm that tur a zawng a, manto takin a hralh leh thin. Ka va interview ve khan kan hotu leh mipa pahnih an lo thu a, thu tam min zawt lem lo. Ka hnathawh leh eizawnna lam min zawt a, an hna chu ka thawh theih tur chi nia ka hriat leh hriat loh leh tawnhriat ka nei tawh em tih min zawt a, inringtawk takin ka zuam thu ka sawi anih kha. 

Mipa sa tha ve tawk tak, sek phiar fat ka ni ve a. Mizo mipa vantlang chen ka ni bawk. Gym tih vel ka kal ngai lo naa, zing tin ka workout ve thin. Ka tho hma thei bawk a. Taksa hriselna lam hi ka ngaipawimawh ve bawk a ni. Ka nu leh ka farnu te nen Vaivakawnah kan khawsa ve mèk a ni. Ka pa hi nikum hmasa khan a boral tawh a; kan upa ber hmeichhia hian Chaltlangah pasal a nei tawh bawk. Ka farnu hian vanduaithlak takin sáwn a pawm ve hlauh mai a. A fa pawh kum 2 lai a ni ve tawh, kan kawmchhaka eichawp dawrah a inhlawh thin a, a fapa chu ka nuin a lo awm thin. Kei erawh kan in luahna te taxi ka khalh thin a, an fel a, min khawngaih bawk. Hlawh tam le lu lo mah se; lak luh a lo awm ve zel chuan a zia ve a. Khawsak erawh a sang thei lem lo. Kan in chung ten an taxi an hralh ta si a, ka eizawnna a tawp titih ta mai si. Ka thianpa ve ber  Sena'n tuna ka hna thawh tur hi min kawhmuh ta a ni. Ihè lo vin ka dil a, tlin pawh ka inring chiah lo na chungin ka taksa pianphung vang ni maw min la ve hlauh chu a nia. Ka hlim veng veng. Zirna lamah ka bil angreng a,BA ka kum hnih zirnaah ka bansan daih. Ka nu innghahna ka ni tih ka hria, theihtawp chhuah ve pawh ka tum. 

Kan office chu ka va thleng a, mi dang pawh an lo awm ve nak nak mai. Kan team room tur bikah chuan zûm angrengn takin ka lut a. 

"Zirsangliana i ni ang maw..?  Tiin kan hotupa chuan a lo ti var a. Ka bu nghat. 

"Lo kal rawh. Hei kan la innghak khawm.. Hall lamah nakinah kan phei dawn nia" nelawm zetin a lo ti sur sur a. Kei ai chuan a û deuh ang, tin, pa a nih tawh ka ring. 

Chair lo awmah chuan ka thu ve ngawt ngawt ringawt. Darkar chanve hnu velah "Hall-ah phei tur" an ti a. Mi dang ho chu ka zui ve tawp. Hall awmna pawh ka hre si lo. Hall chu a zau angreng. Chair an lo dah thap a, kan thu ta hlawm a. Team 3 kan awm a. Team khat zelah mi 12 kan awm. Mipa thah kan ni bawk. Thenkhat chu pa tling tak te pawh an ni, keimah ang rual vel tur chu an awm ve nual. Ka hawi nasa ngang mai. 

"Eng nge kan tih dawn?" Ka bula thu bulah chuan ka ti tawp a. A ngaihna ka hre vak lo. 

"Kan pi a lo kal dawn a, kan hna tur a rawn sem dawn anih hmel" a ti sar sar a. Zu thing rim a nam hak. Dar 10 a ri chiah tihin kawngka a inhawng a. Kan pi ni ngei tur chu. alo lut ta zán zán mai. 

Ka sawi thiam danin kekawr lose hek hawk, vutbuak rawng a ha a, a kawr dum chu mawltea thui niin a tight lek lek, pheikhawk flat dum a bun bawk. A nghawng var haiah chuan rangkachak thi sin te locket awm lo a awrh a, a kutzunglaiah rangkachak tho anih ka ring, zungbun sin tak a bun bawk. Sana a chain gold rawng a bun. Chu zawng chu tlereuh a inbel chhun a niawm e. Kum 30-35 bawr vel a nih hmel, a sam chu a dum a, sang takah a tawn kawh vah, a vun chu a nem hmel hle, a ngo hle bawk. Ka dar thleng vel a ni maithei, a san zawng chu. A mawng chu a er deuh tán a, a lian over lo, a kawng fek rát chuan a tilang lian deuh ni maiin ka hria. A hnute pawh a lian falua lo, a kawh lah thung. Tlar hmasa ber dawttuah ka thu bawk a, ka hmu chiang ngang mai. A mitmeng chu a nelawm lem loh, a tak ran a, a mitmu a dum tha hle bawk. Make up chu a inhnawih ve tho anga, a nasa vak loin ka ring. A hnar ngul chu tribal hnar ang tho a ni naa, tlem chuan a bang a sang deuh, a hmui a lian lo va, a kareh a zau lek lek. Hmeichhe hmel tha em em tia sawi theih ni lo mah se; a zahawm a, a felfai bawk. Lecturn bulah a ding a. Na nervous eih loh tih a lang. 

"Thiante u, chibai u le.. Vawiin hi kumina kan hna thar bultanna a ni dawn a. Mi thar te lawmluhna a ni pah fawm bawk. Khawngaihin mi tharte kha lo ding teh u" a ti a. A aw chu a fiah kher mai. 

Kan ding ta hlawm a, kan vaiin mi 10 kan ni. Kan thut leh hnuah, "Tun tuma kan hna tur hi tha a heh deuh dawn a. Mi thiam aiin mi chak kan mamawh rih maithei. Bawngkawna Building pakhat sawshopping mall-a kan thlak a ngai dawn a. Hun a duh rei dawn bawk. Khawngaihin in hna tha takin thawk ang che u.. Nakinah in team leader te theuh khan hna an rawn sem ang" a ti leh dap dap a. Kan ngawi thap. 

"Vawiin chu a nelawm ve hle mai. A mood a fuh aniang" ka bula thu bawk khan zawitein a ti sup a. Hmeichhe tawhkhirh vak hmel a pu pawn ka hre lo asin le.. 

Kan team leader te nen meeting tenau an neih chhungin keini ho chu kan lo thu mai mai a. 

"Hlawh hi engtin nge an pek dan le? " zu thing rim nama bawk kha ka zawt leh a. Kei aiin a senior bawk a. Bakah a nelawm riau. 

"I la hre ve pek lo ni maw.. Kan in sak a zir a ni mai. Cement work a to deuh a, Assam type ang hi chu kan khawih duh vak tawh lo zawk. I hriatthiam dan turin thing hmanga sak hi a to ber thung. Kan sak hnuhnun ber kha cement work a tel a, 27000 ka la a" a ti ta a. Tam ka lo ti hle. Kan boss hming chu ka zawt leh a, "June tih bak ka hre bik lo, mizo hming zawng a nei ve ngei ang" a ti leh mai a. Amah chu Zuia a lo ni a, kan team a lo inang bawk a. Kan inkawm thei phianin ka ring. 

Team leader te an lo kal a, naktuk atanga hna tan tur a nih thu an rawn sawi a. Vawiin chu kan kal thlawn a ni ringawt. A va ho tak e aw. Kei pawh ka haw nghal. Ka tiffin pawh inah ka ei.. Haha.. Ka farnu fa Bawihteii chuan puak a ngen leh tlat a, anu a buai si. Ka'n paw leh hnûp hnûp a. Kan duat bawk a, a pangchang ve khawp mai. Ka nu chu kan hna kal dan tur vel ka hrilh pah a, min fuih leh char char. Ka nu anga fate zilh nasa hi an tam ka ring lo. Ka tleirawl tirh khan ka pa a la dam a ni bawk a, han petek zeuh chu ka nei ve.,zu pawh ka in ve zeuh zeuh hman. Mahse, rui buai chi ka ni lem lo va, chhungte pawisa ka dil ngai lem lo bawk. Kan han puitling chho ve tan a, college ka bansan hnu atang khan tlemin ka zia chho ta deuh a, han inhlawh lawp lawp changte ka nei a,ka pa a han boral ta a. Mipa awmchhun ka nih tak si ah chuan ka mawhphurhna sanzia ka hai bik lo va, ka nu ka khawngaih zual sauh bawk a. Theihtawpin tan ka la ve ta a ni. Tlangval kum 28 mi ka ni a, ngaihzawng pawh pali lai ka nei ve tawh. Ka khawsak mil te te an ni a, thenkhat in min lo kawp a, pakhat phei chu kan nih lai rengin an lo ru daih!  Ka vanduai ve ani maithei. Mahse, ka tuar na em em hran lo. Suangtuahna ka nei ve thiam tawh a. Theihtawp chhuaha hna thawha "Hei hi ka in" tih ve theih ngeina tur in hmun neiha in sak chu ka dream a ni. Nupui neih lam pawh a la lang lem lo. 

Zan lamah pawh ka leng chhuak meuh lo. Ka thianpa Sena hi a lo leng hrut hrut zel a, ka farnu mami hi a rim ve pah niin ka hria. Ani hi ka pa boral hnu atanga ka kawm ber a ni a, keini ai chuan an khawsak dinhmun a tha deuh zawk. Mahse, a felin fiamthu a duh a, a bula awm a nuam takzet a ni. 

A tukah chuan phur takin ka chhuak leh ta thauh thauh a. Bawngkawn lamah kan in trip phei ta hlawm a. Kan thiah tur chu a lian uchuak hran lo va, a huphurhawm vak loh. Boss erawh ka la hmu miah lo. Kan team chuan hmar lam kan thiat ta a. Kan leader  Pu Ramte chuan hna a thiam kher mai. Zuia nen kan inkawp chawt a, fiamthu a thawh pah a, kan nui dar dar reng mai. A thing rim a nam leh ham ham. Ka pawisa lem lo. Hna hahthlak lutuk a ni hran lo va, ni 2 chhungin kan thiat zo der mai. Kan tam tham a ni bawk a. 

Ni 3na atangin a sak hna kan tan ta a. Kan team lam chuan ban khur hlui kan laih belh a. Zuia fiamthu kan nuihpui leh dar dar zel a; kan boss chu a awm lem lo bawk a, "Boss hi chu aw.. Ngam ila chuan ka luhkhung hmak ang, a la virgin dawn chiang bawk sia" a ti nuah nuah a, Pu Ramtea'n,  "A hria nge aw.. Nikum ang khan i hmanrua nen i haw ve hnak hnak a nge" a lo ti sup a. Nikum lama thilthleng zawh chian ka tum lai takin Chhun chawlh a hun a. Thil ei turin kan chho ta dial a. 

Eitur pawh a chhe lem lo ve, Boss chu a rawn lang ve hlawl mai. Leader te nen an kawk kual vel a. Kan piah lawka thu mi thar ve tho chuan an hriat phak chiah si lohin a lo hisap kual vel a. Kan nui kan nui ringawt. An rawn let leh hnu pawh chuan a tawngkar a insum zui duh der lo. 

"A mawngbawr saw tlemin hlai hlek se, model satliah ai chuan a lar daih ang. Amah chauhin a awm an ti lehnghal a, keini ang mipa chak hi a mamawh ru riau lawng maw.. Body guard atan pawh" a ti su su a. Boss chu a ding chat. Boss hriat tur ngeia sawi a nih hmel. A bula thu chuan a nghawk sawk sawk naa a la tawng nuam phian. 

"Tu nge i hming? " Boss chuan a ti sap a. 

"Lalrempui, miss… oh!  Boss.. " tiin a kun zauh a. A ngeiawm angreng. Mahse, a rukin a chetdan nuihzatthlak zet chu kan lo nuih tet tet. 

"Rempui, ni 3 hlawh, in leader hnenah lo lam la, naktuk atang chuan i lo kal a ngai tawh lo vang aw.. " Boss aw chu a chang rát mai. Tupawh chu kan ngawi ta thap. Kan phawk hrû mai. 

"Ka tihpalh. Ka fiamthu mai mai ania. Ih.. Tiang hna kan thawh te chuan kan pu te pawh kan fiam fo va. Tiang tur kha maw ka tia. Ka tihpalh takzet.. " Rempuia chuan a ti mawlh mawlh a. 

"Tumah warning ka pe ngai lo.. Kei chu keimah ka ni" a ti vawt raih a. A thutlukna chu sawhsawn a tum loh hmel kher mai. A kal sawn nghal daih. Rempuia te team leader chuan pawisa a chhiar a, Rempuia chu a pe a; lunghnur taka Rempuia haw hnak hnak chu lung zing takin kan thlir thap. Khatiang infiamna kha a dawngsawngtu tan chuan a ngeiawm em em tho anga, mahse, boss dinhmuna din chuan rilru tihzau ve te a ngai asin le.. Kan boss chu'h!! 

"Zirsang, tikhan i hre thiam tawh em?  Boss danglam bikzia chu" hna kan thawh leh hnuah Zuia chuan a ti a. Ka lo nui ringawt. Ka rilru te te chuan Boss chu ka hmumawh a, ka ngei rilru. Rempuia kha keimah ang bawka dinhmun harsa taka ding a ni ve maithei asin le.. 

Zanah kan thenawm lawka an pi thihnaah ka va kal ve a, Sena a damsam meuh lo va, keimahin ka kal a. Ka thleng tep tihin "Zirsang, min lo nghak ve teh. Kalpui ka nei lo va" kan in piah lawk ami Jenny chuan a rawn ti a. A lo lang nghal zat. Ani hi sumdawng thin a nia, inah a awm tam vak lo. Pasal a nei zuai a, fa an la neih hmain an inthen leh kha a nia. Tihian a sumdawng a, a nei viau ang. A felin mi biangbiak a thiam a, a hmel chu tha em em tih tur a ni hran lo. 

"Kha zarda hi ei ve rawh" tih pahin min pe a. Kan inkawm vak ngai lo naa kan inhre tha ve ti mai ang. Amah a awm tam loh em vang leh ka tuallim loh vangin kan inhmu vak ngai lo a ni. 

"Tlaivar dawn em? " ka ti a. 

"Ka hre lo, ka awm khát sia, tlaivar chu ka duh ve reng" a ti a. Kan thleng chawpchilh nghal. Tlar hnung lam kan pan nghal a. Mi an la tam vak lo. Zai a nuam pangngai. Jenny chuan phone a khawih ru zeuh zeuh. 

"Awii hepa ka ninzia hi chu aw.. " a ti sap a. Ka lo nui ringawt. A zai chhunzawm ve leh mai. 

A tuk lamah hnathawh tur ka nei si, tlaivar loh kha ka tum ve tak naa, Jenny chuan "Tlaivarpui tur ka nei lo" a ti tlat si a. Tum loh deuha ka tlaivar a ngaih hmel. Zing lam dar 2 bawr velah zunram thiar pahin kan chhuak a, "Hawh, kan inah thingpui va in ang, an thil siam kha ka ei mang lo. " a ti a. Kawng a kham ve tawh bawk a, ka zui ve mai. Thingpui chu a lum rak rak a. An in leh lo pawh a felfai khawp mai. 

"I hna thar chu a nuam maw? " engtin nge maw a lo hriat ve ni. 

"Nuam ve ni mai. Nang i zin leh rih lo mi? "

"Zin tawh rih lo vang. Ka bungraw lakna te an khaihlak rih a.. Ka chawl ve lawk dawn" 

Thingpui chu a rawn la a, a hmeh a rawn chhawp nghal zat. A lum tui kher mai. 

"Tui khawp mai" ka ti a. Sawi tur ka hre ve vak lo. 

"Khawi i number min lo pe teh" a ti daih a. Ka pe ve mai. Eng atan chuan ti ni maw.. Kan in zawhah kan inzui chhuak leh a. Zai a nawm angreng avangin khua pawh a var har hran lo ve. 

"Zirsang, naktuk atangin Boss in lamah hna kan thawk dawn.. Kan team chu" Zuia chuan a lo ti var a. Ka mut a chhuak angreng. Mahse, mipa hrisel ve pangngai ka ni a, ka zawi phah em em lo. 

"Ti nge " ka lo ti tawp a. 

"A tuikhuah tur kan lai dawn.. A duh uluk dawn sia, phurawm vak loh" a ti zui zat a. 

"Boss hi khawi vengah nge a awm" ka lo ti hû! 

"Tanhril daiah.. Vawi khat chiah ka la kal.. Nula awmna atan chuan a fal deuh chu a ni" 

"A van mak tehdaih ve"

"Nia.. A huai reuh angreng"

"Chhungte a nei lo mi? " ka lo ti vat. 

"Nupa tuak khat a awm pui a. Chu zawg chu"... 

Mak ka ti angreng. Boss hi ka lo rindan chuan khawpui veng lailiah in lianpuiah a chhungkua te nen an chengho turah ka lo ngai a. Tanhril daiah daih daih te chuan… 

Zanriah ka ei a, Jennyin min lo call a, khawhar in kalpuiah min lo sawm. Kan kal dun leh ta ral ral mai. Thian a nei vak bik lo a nih hmel. Ban veleh ka mu nghal. Ka mut a chhuak ve tawh bawk a. Ka mutui kher mai. Jenny chuan min rawn text ta zeuh zeuh a, min ngaizawng tih theih tur ni chiah si lo hian, min hauh ang lek lek hian a awm thiam. Ka sawi thiam lo. Ka duhzawng a ni hran lo va, mahse, fel erawh ka ti. A bula awm a nuam bawk. 

Tanhril lam panin kan tlan thla boh boh a. Mizorama zirna sang ber nisi hi a kawng hi a tha rei thei ngai lo tlat mai a. A zia lo deuh chu a ni. Mzu thlen hma siah kawng peng a lo awm a. Kan chhuk leh a, black top vek a ni a, a,a zia. Thui angreng tak kan tlan hnuah Boss In chu kan thleng ta hlawl mai. Ka hawi nasa ngang mai. 

Thinga sak, ngheh hmel zet mawi danglam fahran a ni a. A lian thawkhat. A kawt zawl zau laiah chuan pangpar nalh tak tak hi a inhung dul bawk a. A sir dinglamah green house a awm bawk. A hmun chu a zawl bawk a, nuam tak a ni. Ka sawi thiam vak lo zawk. In atang chuan nu pakhat kum 60 bawr vel tur a rawn chhuak a, hlim hmel takin min lo welcome a. In chhungah kan lut a. A pawn lam lan dan aiin ropui tak a ni. Engkim chu a faiin a thianghlim ngawih ngawih. Chhungte dang chu a nei lo tak tak a nih hmel. Nu leh pa, unaute pawh?!  Lei atanga rawn chawr chhuak ngawt chu a ni awm bik si lo. 

In chung atang chuan a rawn chhuk thla hnalh hnalh a, Awmhmun kawr a ha a, a lang nu ve deuh. 

"Pu Ramte, saw lai green house piah zawl laiah sawn a nia tuikhuah chu dah ka duh. Ni engzat nge in mamawh ang? " a ti a. 

"Ka hre thiam chiah lo. A lei saw a chan hmel riauin ka hria.. " Pu Ramtea chuan a lo ti a. 

"In inpeih chuan va en nghal mai ang u hmiang" a ti a. A tho nghal a. Kan zui ve nghal. 

Ni a sa angreng sia, a hahthlak angreng. Lei laih hi thil nuam tak a ni ngai lo hrim hrim bawk a. Lei laihna khawl awm tho mah se; kuta laih a ngaihna chin a lo awm bawk si. Chhun chawlh a lo hun a, kan chawl ta rih a. A in kawt ni hlim laiah chuan eitur kan ei a. A tui leh khawp mai. A awmpuinu leh Pu Ramtea chu an inkawm thei phian. An innel tawh a ni ngei ang. A awmpuinu a kal hnuah, "Anu chu a ni lo maw? " ka lo ti a. 

"Ni lo ve, Pi Buangi a nih kha. An pa pawh a awm ang, kawmthlangah khuan huan a nei a, chu chu a enkawlsak thin. An ni chauh hi an cheng anih hmel" Pu Ramtea chuan a ti a. A hawi valh valh a. 

"Nu leh pa a nei taeh lo a ni maw? " Ka bula mi chuan a lo ti ve a. 

"Ka hre lo. Boss hian a chanchin a sawi ngai lo. An thi tawh pawh a ni maithei. Hmeichhe mak tak chu a ni" Pu Ramtea bawk chuan a ti ve mai a. Boss a lo chhuah vangin kan ngawi ta a. 

"In thawh sawt viau khu mawle.. Naktuk atang chuan khi lam nen in sem darh tawh u la a pawi lo vang. " a ti a. 

Pu Ramtea chuan, "Nia a pawi lo vang. Kan tithei mai ang" a lo ti a. 

Boss chuan a sam a vial chho a, ni engin a hmai a rawn chhun a, a lang duhawm angreng. Tin, a mood a chhe vak lo aniang, a tûm bur lem lo. Kei aiin a upat ka ring a, mahse, hmeichhia a ni tlat!  Ka lo en vung vung nge min betu an awm tih pawh ka lo hre lo. Ka hmai bulah a kut a rawn vai a, "Heyy… i mit kha a tla ange" Boss chuan a rawn ti fiak thak a. Ka phu zuk. Ka va zak tak. 

"Cement work lam i khawih ve thei em? Ka zawhna che a nih chu" a ti zui nghal a. "Aa.. Ka.. Ih.. Aw ti ve thei mai ". Ka lo ti bah nuai. 

"Mawl lutuk" a ti sup a. A lut daih. Min fiam nghal sap sap mai. Boss chu ka star pawh a ni lo, ka ngaihtuahna ka lo kawm tui deuh a ni. 

Zanah Jennyin min lo call leh a, "Khawngaihtakin ka bungrua min va en pui lawk teh a. Kalpui ka nei si lo va" a rawn ti a. Tihtur em em ka nei lo bawk a. Ka lo remti ve mai. Ka chhuah dawnah, Mami'n, "Û, U jenny nen khian in ni chiang. A fel a, mahse, a nasa ve an ti a nia aw" a lo ti zauh a. 

"I ho e a" ka ti duh chauh. Ka chhuak zui nghal. Min lo nghak reng tawh a. A scooty in kan in phur chhuak leh ta vawn vawn mai. Keiman ka khalh thung. Min kuah fet thiam phian, a titi pah a. A sawi pawh ka hre mang lo. A sawina hmunah ka ding a. Ka side tha nghal. 

A thiannu te in a lo ni a. A bungraw mamawh ho chu a thlang dan dan a. "Kan pa thar a nih hi, Zirsanga" tiin a tirah khan min hmelhriattir ngawt kha a ni a. Ka ngawi reng ringawt. A bungrua a thlan zawhah kan chhuak leh nghal mai. 

"In pa ka ni mi? " ka ti fiamthu a. 

A nui sak a, "Ni tawh mai " a ti a. A nui hmel chu hmuh a nuam riau. Ka single lai a lo ni bawk nen ka hmu tai tan riau. Kan haw leh ta a, an inah ka leng zui nghal. A nu lah hian min be tha thei phian. Ka hawn dawnah, "Lo leng ziah tawh rawh aw" a ti sap a. Ka kut a rawn vuan deuh ngei. Ka lai lek lek. Mahse, a hmeichhia zawk pawn a ngam chuan ka tia, a kut chu ka vuan ve a, a hmuiah ka muah zeuh. Huizz.. Nui vur vur chungin ka haw kha. Ka duhzawng ni pawn ka hre si lo va.. Mahse, ka hrethiam tawh lo e a.. 

Pu Ramtea'n Tanhril lama thawk turin min lo select ve si a, kan kal leh ta phawt. Boss chu nimin thil thleng vang khan ka zah ru ringawt. Melh pawh ka melh tha ngam lo. Hna ka thawk miah miah mai. Kan vaiin paruk kan ni a, kan inkawm ngeih tlang tawh bawk a, a nuam angreng. 

"Chawl ve tawh rawh. I thawkrim mah mah a nih kha" Chu aw lo chhuahna lam chu ka melh a, Boss chu a lo ding teu mai. Khai a!  Ka thiante ho chu thingbuk hnuaiah an lo thu thap. Ti nge engmah min hrilh ve loh. Zak ru deuhin ka tho a. Ka va thu ve a. 

"Kan ko kan ko che lawm.. I la thawk chak a niang chu kan ti mai" Pu Ramtea chuan a lo ti sup a. 

"Boss saw i star ve a ni lo maw? " Zuia a ni. 

"Awihawm loh lutuk" ka lo ti nghut. Sawtiang hmeichhe vawt lutuk saw ka star lul lo vang. Pi Buangi pawn a siam tui leh pek e. Hlim hmel a pu reng a, nu fel tak chu a ni e.

Jenny chuan min kuah nghet angreng hle. Zanriah ka ei laiin a lo call a, leng turin min rawn sawm anih kha.. A mak zung zung mang e. A nu leh pa an lo chhuak daih a, a naute erawh an roomah lehkha an zir a. A roomah kan awm daih. Inngaizawng treata min treat tawh miah vangin ka ni awm ve hmiah hmiah. 

"Ka starna che a rei tawh lutuk.. Mahse, min hre duh ngai si lo va" a ti sar sar a. 

"Hmm.. Awihawm loh ee' ka lo ti tawp. Sawi tur ka hre lo. 

"Eng nge ka laka i rilru? " a ti dam thliam a. Boruak a ngam angreng ka tia. Mahse, mipa ka nia, thisen lum nei ve ka ni tlat. 

"Sawi vak a ngaih loh hi" tih pahin ka kuah hnai a. Fawh cho zetin a rawn dak ha a. Ka lo fawp hmiah. Kan duhthawh tawn kher mai. Ka lo nghei rei ve deuh bawk nen.. A hnute lian zet chu ka tham táwn tâwn a. A thaw ham ham mai. Mahse, a naute thawm kan hre ve tho sia, a tawp thlenpui èm chu ka ngam lo. Chumizan chuan ka mutui phian mai. Bialnu ka nei leh ta chu a nia! 

Hna pawh kan thawk ngawrh zel e. Vawiin erawh boss a rawn lang hauh lo. 

Chhun chawlh laiin, Pu Ramtea'n Pi Buangi chu a zawt satliah a. "A pa thih cham a ni a, a thlanah a kal anih kha.. A tih dan ziah a nia" a ti sap. Helhkam nei hmel a pu deuh. 

"A pa chu a thihna a rei tawh mi? " Tluanga'n a lo ti var a. 

"Kum 17 a nih kumin a thi.. "

"A nu ve thung hi"

"Kum 5 a nih laiin a thi tawh alawm"

"Ehe.. Boss chu a va khawngaihthlak ve.."Zuia chuan a lo ti vat a. 

"Khawngaihthlak e. Mahse, hei a hlawhtling tawh alawm" a lo ti ve mai a. 

Kan rilru chuan Boss chu kan ngaihtuah tlang theuh niin a lang. Eng ang takin nge tun dinhmun thleng tura a beih ang le.. Tuman kan hre der si lo. Kan hawn dawnah a rawn haw ve chiah. A hmel a dul raih a, biak a chakawm lem loh. 

Zan lam hun hi chu Jenny hian a chang a ni ber. Kan inhmu ngun ve telh telh a, ka duh chawp chho ve mai zel. Amah a zei angreng bawk si. Apa hi chuan min be tha tehchiam lo. Ka nel zawng a ni bik lo bawk. 

Zingah Pu Ramtean min lo bia a, "Zirsang, motor khalh kha i thiam tho tiraw? " a rawn ti a. Ka thiam thuin ka lo chhang a. 

"Vawiinah Tachhip lamah kan in sak leh tur hmunhma va en a ngai a, boss hian a kut a tina tlat mai a, a hranpain driver a nei si lo va, i va hruai mai dawn mawni le.. A hmanhmawhthlak ve deuh si a" a ti a. Ka phur tehchiam lo hle mai. Hmeichhe vawt lutuk nena nileng hun va hman dun ngawt chu. Hnial thei dinhmunah ka ding si lo va.  Chaw ei khamah Taxi lain Boss chu ka zuk hruai ta a. A motor Wagon R chu khalh a nuam lo hran lo. Mahse, min uap run a, ka zalen lo va, ka hah. A tawng lo va, hmalam a bih ngur ringawt. A ban chu a tuam hlán a. Engtia a tihnat nge mawni dawn ni. Ka zawt ngam teuh lo. 

Tachhip kan thleng a, tlang lamah chho vin min lo welcom tu te inah kan lut a. An ni chuan kan piah lawka hmun awih tlan lek leka, building chhe tawh angreng tak chu min kawh hmuh a. Boss nen chuan kan va pan ta a. In chu ngun takin a thlir kual a, pawisa sen ngai tur zat a chhut a ni maithei ni. A chal a chuar leh nàng náng zel a. 

"Zirsang, eng nge ang i tih deuh" a ti thut. Ka lo hamhaih. 

"A tha reng alawm" ka ti thei hram. Ngaihnep hmel zetin min rawn melh káwk a. "I thluak chu i seng tam lo hle a nih kha' a ti sap a. Ka ngawi reng. 

"Offer tha tak a ni hran lo, a hmunin a zir loh chu thuhran, a ren hlui hi hman ngaihna awm tawh mang lo an nia. Buaina dang zawk chu sa pum thei mah ila, kan senso rul thei tur khawpa lei duh an awm kher lo maithei.. " a ti a. 

"Nia, i thu thu alawm… kha chu'

"Anih chuan kal ang" a ti hmak. Ka ning he nu hi. Jenny nen an danglam zet mai. 

Boss chuan a hnawl ta a. A thutlukna hi a dik maithei. Ngaihtuahna ka sèng ve peih lo e a. 

"Ka ban nat chhung chu ka driverah i tan rih mai a ngai dawn anih hmel" a ti a. 

"A pawi hleinem " ka lo ti ve mai a. 

"I hlawh pawh kan san deuh mai dawn nia" 

"A ngai chuang hleinem. A hahthlak loh zawk daih alawm"

"Hahthlak i ti zawk anih hmel. I insangmar tûng reng si a" a ti ta a. A dik maithei. Ka zalen tlat lo va, a duh loh zawng sawi leh tih hlau reng rengin ka awm a. Ka hah tlat. 

"Hahthlak loh" ka la ti tálh tho a. 

"Tihian, a la hma tho bawk a, Bawngkawnah va kal leh zuai mai ang. Va enpui lawk ka duh" a ti a. Nagwi rengin kan tlan leh ngat ngat. 

Boss chu a vei vel a. An thawk chak bawk a, hma an sawn kher mai. Mipa thinrim ang thawm ka hriat rual chuan ka va phei ve a. Pu Siama team a mi Davida chu a lo mengsen rûm mai. A hmaa ding Boss kawk sawk sawk chungin, "I inla boss mah mah a ni.. Kei anga hna thiam chu i hmu kher lo vang" a lo ti a. 

"Nang ang mi thiam hi ka mamawh ber chuang hleinem. I hmanrua la la, i hlawh la bawk la.. Min lo va hawnsan mai rawh" Boss chuan a ti chang fal a. Eng buaina nge ni leh ta ni. 

Thinrim zeta Davida kal thlir pahin, Pu Siama chuan, "Davida kha hna thiam leh Enginneer tha tak a ni asin" a ni nuah nuah a. 

Boss chuan nelawm loh zetin, "Hna thiam leh engineer sang tak Zu rui chunga hna thawk ai chuan, mawl mang taka rinawm taka hnathawk ka duh zawk. I duh chuan i zui ve thei ania" Pu Siama chu a melh kâwk. Engmah a sawi ngam tawh lo chiang kher mai. Boss em em thin hi chu aw. 

Tanhrila ka zuk thlah chuan, "Zu hi ka hua. Nang pawh zu nam chungin steering hi i vuan tur a ni lo vang" a ti chang khak. Warning a ni tih hrethiam lo tur khawpa mawl ka ni bik lo e. 

Zanah Jenny nen kan in ngheng leh ar ae tawh. Call a danwg reng a, ka ning ta deuh a, "Be mai rawh. Ka zuk haw mai ang" ka ti a. A phal lo nasa. Kan in chelh aih aih laiin kawngka an lo kik a, a va hawng a. Keimah ang rual vel tur mipa pahnih an lo lut a. An tlangnel hmian phian. Jenny pawh chuan a lo be chhe lem lo khawp mai. 

. "Kan thenawmpa a nih hi.. zirsnga.. Chuan, Zir, hei hi ka thianpa te Puia leh Msa te an nih hi" a ti a. An thenawmpa mai chauh ka ni a nih chu. A ho em mai. Kan inkawm tam vak lo. Tv chu ka en daih. An titi erawh ka bengkhawn pah reng. An inhriatna a rei tawh hmel angreng. Puia nen phei chuan an innel mah mah. An inbiak dan vel chuan ka beng a tikham ta deuh a, ka ding hluai. Ka haw ta daih. Mut dawnah min rawn text a, ka reply lo. Ka duh em em hran lo bawk a, ka ngaipawimawh tehchiam lo. 

Boss nen bawk Sihphir lamah kan inkhalh chhuak leh a. Kal kawngah rora chhuho lo awmnaah chuan mi an lo ding khawm taih a. Mi hawkdak tih takah ka ding deuh a, "Eng nge thleng a.. " tiin ka hnaih bera lo ding chu ka zawt satliah a. 

"Hei pa fa an intibuai deuh a" a lo ti a. Boss chu ka va melh a. "Ding rawh" a lo ti sap. A chhuk nghal vat. 

Pa upa lam lek lek chuan din pawh ding ngil tha hlei thei lo vin a fanu niawm tak, zah hmel taka lo ding zum zát chu a lo kawk sawk sawk a. Pawisa a dil niin ka hria. 

"Rawn la vat rawh. Khawi.. Mai mai che hian.. Ka chawm ka hrai i nih hi" a ti a. Tawng pawh a tawng tha hleithei lo. "Ka nei lo tak tak, vawiinah ka hralh anga, ka nei chiah an" a fanu chuan tap teuh chungin a lo chhang a. Engtik laiin nge Boss chu a lo va kal hman ka hre lo, Putara hmaah chuan a va ding a, "Putar, nanga zu man atan i fanuin rim taka a thawh chhuah sa chu i hmang ang maw? I zak na nge" a ti a. 

"Lo inrawlh suh. Kal teh. Ka fanu a nih hi.. A chungah thu ka nei" a lo ti ve a. 

"Kha hei hi la rawh. Vawi khatmah i fanu hi tibuai tawh suh. Nang pawh hei hi la rawh. Chuan, i pa tenghneng lutuk hi i tlanbosan duh anih chuan min lo be dawn nia" a ti zung zung a. Putara chu cheng 2000 a pe. Lo awm ve ten engmah an sawi hmain min rawn melh zawk a. Motorah a lut nghal. Kei pawh ka lut zui a, kan kal leh daih. 

"A mak hle mai" ka ti ringawt. 

"Eng nge mak" a lo ti vat a. 

"I chet dan kha.. Kha tleirawl kha i khawngaih hle a niang maw? " 

"Ka khawngaih piah lamah khatiang pa kha ka hua. Thi law law se tu tan pawh a tha" a lo ti hmak. 

Mak ka ti telh telh. Zu rui a huatzia te ka lo hre tawh a. Apa hi khatiang mi te kha a lo ni tawh tihna a ni thei ang em?  Mahse, a thih cham apiangin a thlanah kalin hun a va hmang nileng deuhthaw bawk si. Zawhna zawh vak chi a ni bawk si lo. 

In sak tur chu a enkual a, a duhthu a sam ta aniang, Bawngkawn ami sak zawha sak turin an inremsiam tak kha.. 

"I ril a tam em? " a ti a. 

"Tam tep.. Nang"

"Khu lai lawkah khuan dawr a awm kha maw.. Kan chwwl dawn nia" a ti a. Tlemin biak a nuam ta deuh. 

Dawrah chuan kan lut a, eitur an lo nei vak lo. Thingpui leh chhang kan ei a. Kan ei chhung zawng kan ngawi leh char char. Kan kal dawnah kan ei man chu pek ka tum a, "In nu khan a pe tawh" a lo ti!  Ka nui ringawt. 

"In nu te a ti vel.. Ti nge i lo pek.. " motora kan luh hnu chuan ka ti a. 

"Nang aiin ka hausa zawk alawm" a lo ti. 

Kei chuan, "Ka hre tho a. Mipa zawk ka nia" ka ti a. 

"Mipa i ni a, mahse, ka hnuaia thawk i ni. Mipain hmeichhia a en angin min en suh" a ti vawt raih. 

"Tu chuan nge maw hmeichhia anga en duh ang che le" ka hriat thawm lekin ka sawi emaw ka tia, a lo hre pha. 

"Sawi nawn leh teh" a ti chang fak a. 

"Ka sawi ve mai mai anih kha" ka ti liam puat. Tawng tawh miah lo vin kan inkhalh haw leh ta phawt. 

Jenny lah hian min lo be reng. Ka chho leh ta nge nge. 

"I thirim mi.. Ka msg i chhang duh bawk si lo" a lo ti sar sar a. 

"Rim lo ve. Ka buai ve deuh a ni" ka ti tha ve mai. 

"Puia te kha i thîk mi? Ka thiante ka tih kha".. A ti leh ngher ngher a. 

"Thik lo ve.. Aho lutuk" tiin ka va kuah a, Tumah kan bulah an awm lem lo bawk a. Ka fawp a. Inhnial hi ka peih vak lo. Jenny hi ka bialnu ang deuhah ka ngai ve tak tak tawh a ni maithei. Mahse, amah duhkhawp loh riauna erawh ka la nei tho. Min ngam sarh sarh èm a, ka tlanchhe duh bik lo a ni ve mai. 

A tuka boss te ina ka zuk chhuak chuan Pi Buangi khan min lo be var a. "Vawiin chu a chhuak dawn lo aniang, a lo la tho chhuak lo" a ti a. 

"A dam tha lo mi le" ka lo ti vat a. 

"A ni maithei. Nizan khan a khuh khek khek a,  a awm a na ni maithei. Lo thu rih la,.. Tihtur i nei chuang hleinem" a ti a. Thingpui a va lum a. Boss tukhuah pawh an zo lek lek tawh a, vawiin erawh engvang nge ka hre lo. An chawl a. Pi Buangi thingpui lum hlan chuan in chhung chu ka melh kual vak vak a. Bang thlanglamah frame lian vak lo hian Boss tleirawl lai a ni maithei, apa niawm tak nena an thlalak dun a intar a, chu bak thlalak hmuh tur a awm lo. 

"Hei thingpui aw" Pi Buangi tih ri chuan min ti phu zawk. 

Ani pawh chuan a in ve a. "June hi chuan hetia awm hi a nei ve thin hrim hrim a. Nimin lamah eng nge in va tawn? " a ti zawi sap a. 

Kan thil tawn kha ka hrilh ve mai a. A lo bu nghat nghat a. "Ka rin dan chiah a nih chu.. A zia lo hle mai" a ti sap a. 

"Nu Buang, Boss hi i awmpuina a rei tawh em? " ka ti a. 

"Kum 5 chu a ni ve tawh. Mahse, kum 5 hma lamah pawh khan ka hre daih tawh" 

"Hmeichhe mak tak chu a ni tiraw" ka ti tawp. Sawi tur a váng èm a. 

"Nia.. Mahse, mi fel leh tha tak a ni" a ti a. In chung atanga boss lo chhuk thla thawm kan hriat rual chuan thudang kan sawi daih. 

"Vawiin chu chhuah ka lo tum lo va, i number ka nei si lo va. Ka rawn hrilh thei lo che a ni" a hmel chu a dul hnak a. A chauh hmel riau. 

"I dam that loh hmel em mai. Chawl hahdam rawh. Anih Bawngkawnah ka han thawk ve mai dawn mi? " ka ti a. 

"Ni lo ve. Vawiin chu i awl ve ni a ni mai.. Taxi lak mai tur a awm dawn si lo va, ka motor saw hawn mai rawh. Naktukah i lo chhuk leh mai dawn nia" a ti a. Mak ka lo ti viau. 

Tihtur ka nei ta mang si lo va, kan in chungte carpet ka han phah pui a, Jenny a chhuak daih bawk si. Ka awm mai mai ta ringawt. Boss chu ka lo ngaihtuah leh vung vung thin. A mize vawt raih leh a changa tha viau lawi si te, a nelawm lo em em te, eng emaw tak zawng a nunah a tawng ve nual tawh a nih ka ring. Zanah Jenny ka rim leh. Eng em em a thleng lo, a pa mitmeng a tur deuh tih mai loh chu.. 

A tukah Boss chu ka zuk lam a. A lo thar leh vák tawh. Ngawi rengin Reiek lamah kan kal leh ta a. 

"Zirsang, pa i la nei em? " a ti sap a. 

"Nei tawh lo. Ka nu ho vin kan awm a"

"Nu i la nei a. I vannei hle mai" 

"Nia, ka vannei ve reng mai. Nnag i nei tawh lo em ni?" Inthlahrung angreng takin ka zawt a. 

"Nu maw.. Hehe.. Nei lo. Ka nu khan min hring lo law law se tih chang ka nei thin".. 

"Engvangin maw? "

"A chhan chu nu hmangaihna ka hre ve hman tlat lo va.. Zirsang, hmalam en rawh" a ti tuar. Amah ka lo en nasat luatah Bolero rawn tlan nen kan insu chawrh mai. Ka chal chu a na zawk. Mahse, ka intiharh vat. Boss chu hmalam bawhin a lo kun reng mai. Ka va kuah vat a, a chal atanga thisen rawn chhuak nguai nguai chu ka hup a, ka ko mawlh mawlh mai. 

Bolero lama chuangte pawh an rawn chhuk sap sap a.. 

"Side ka la reng, kawng i en lo nge a mak hle mai" A khalhtu chuan a ti a. Boss pawh a rawn harh tawh a. "Ka thiam loh a ni. Ka tihpalh" ka ti mawlh mawlh mai. An thinrim lem lo va, an pangngai hmel viau. Kan motor chu tlem a chhe deuh a, mahse, "Khawngaihin min kalsan ru.. Engmah chawi anngai lo, kan tih dik loh a nia. Kan lo inbuaipui ang" Boss chuan a ti a. An kal liam hnuah motor chu ka'n check chiang a, chhe nasa over chu a ni lo. Ka inthlahrung ngawih ngawih. 

"Ka hmel kha a hmuhnawm viau mi?  Kawng alawm i en tur" nelawm vak lo hian a ti a. Ka ngawi reng. 

"Driver ni tlak chu i ni lo anih kha.. Naktuk atang chuan ka khalh tawh ang"

"I ban a la dam chian loh kha.. Khawi maw i chal kha ka lo tuam ang" ka ti ta ngawt a. First aid box chu ka va hai a, bandage leh damdawi ka va la a, hnawihsak ka tum chuan a lo thle deuh sawk a. "Min buaipui a ngai lo" a ti ram hmak. 

"Kha a thi zel ania. Khawi dawh mai rawh" ka ti vin thak. A ho em mai, a driver ka ni tawh dawn chuang lo. Duh leh hna atang pawn min ban mai rawh se. Keimah vangin a chal a thi si a, ka buaipui a ngai a ni. 

"Min vin suh" a ti tuar. Ka pawisa lo. Ka va hnawih a, a thip deuh nge a ner sawk. Thiam lem lo vin ka tuamsak a, nachhawkna ka ei luihtir bawk. 

"Kan la kal dawn tho em? Let mai ila" ka ti a. 

"Thuneitu zawk angin tawng suh. Ka tih apiang ti tur i ni. Hmalam pan rawh" a ti nghat. A táu bûr chu a naupangchhia riau hian ka hre pek a, ka nuih a za deuh tlat. Ka lo khi leh sak thin chu a hmu nge, "A eng chu nge i nuihzat a.. Mawl lutuk" a ti a. 

"I tûm bûr khan i naupangchhia em a' ka ti ve mai. 

"Nang aiin ka upa aw"

"Ka hre ve"

"Min chhang tawh suh"

"Aw le".. 

Kan ngawi dun ta vang vang a. 

"Nuteii khan eng nge a hrilh che.. Niminah khan" a ti a. Ka ngawi tlat. Thîp zetin min rawn melh rám rám a, "Zirsang, ka biak che chuuu" a ti tuar. 

"Min chhang tawh suh i ti sia lawm" ka lo ti hmak. Ka duh chuan ka chimawm ve thiam. 

"I chimawm a nih chu" a ti ta reng a. 

"Engmah min hrilh lo.. Hrilh tur min nei in i hria em ni? " ka ti a. 

"Chu lam a ni lo.. Engmah a sawi loh chuan a that chu.. Sawtah sawn ding rawh" a ti a. 

Hawn lamah zai kan play leh a, a hla neih ho hi ka ngaina ve chai si lo. Ka phone nen ka connect sauh sauh a, ka hla duhzawng ka play hmiah. A meng ráng teh e. 

"Min zah lo tu ka hriat tam tak te zingah i la nasa ber" A ti a. Zai a off hmak. Ngeiawm zetin ka lo nui ve, "I driver ka ni tawh dawn chuang lo va. Ka nuam tih danin ka khawsa ve lawk anih kha" ka ti a. 

"I hna atang pawn bang ang che. Nang ang hi ka mamawh lo" a ti ram hmak. Ka lo rin dan sa a nih vangin mak ka ti lo. 

"Ka hria lawm.. Mipa i mamawh lo. Nang hian.. Nang ang hmeichhe vawt lutuk, sual leh chapo lutuk hi tu mipa mahin an mamawh bik lo che" ka ti ve hmak a. Chak zetin ka tlan bawk. 

. "Zirsang, tlan muang rawh.. Eng nge i hriat a.. " a rawn ti. A hlauh hmel angreng. Nuam ka ti telh telh si.  A thinrim tawh takzet tih a lang, a biangte chu a tai tèk a, a mitmeng a ling hlar bawk. 

"I thinrim hian i lo hmel tha a nih hi" ka la ti zui. Keimah ngei pawh chu ka inhrethiam lo e a. 

"Tenawmpa, ding rawh. " a ti hrâwk. Ka ding dawt. Khawpuiah kan la tlan lut lo va. A thaw hawk. Min rawn en a. 

"I hre viau ang. Hmela" a ti sap. 

"Min haw viau a ni maw? " ka ti ve a. 

"Hua e. " a ti. Motor ka tinung a. Muangchangin ka khalh ta a. Ka tawng leh tawh lo. Engmah ka ngaihtuah hran lo. 

Zanah ka chhuak lo. Jenny chuan min rawn be naa, ka chho peih lo. Chhun lama ka thil tawn khan min tinguai ve deuh a ni maithei. Hna atanga ka ban chuan hna dang ka zawn vat a ngai dawn tih ka hai lo. A chang leh ka dinhmun ngaihtuah chang lo lèka ka lo chapo ve ringawt chu ka inchhir deuh a, mahse, khatiang hmeichhe nasa lutuk kha chuan khatia tih kha a phû ve rengah ka ngaihsak bawk. Zan khuain amah ka la ngaihtuah zui. Hrep taka..! 

Tukthuan ka ei kham a, ka nu leh ka nau chuan ka la chhuak lo chu mak an ti deuh a. Mahse, engmah ka la hrilh duh lo. Ka phone a ri tlang tlang a, number ka hriat ngai loh a ni. 

"Hello" ka ti a. 

"Hmanhmawh ta che.. " a rawn ti ringawt. Boss aw ngei a ni. 

"Eng ti turin maw" ka ti hû. 

"Saitualah kan kal a ngaih kha" a rawn ti. Ka khi sak. Min ban lo anih chu. Ka insiam sawk sawk a. Ka chhuak ta nghal a. 

"Vawiinah chuan tha takin kan indawr tawh ang. " a ti a. 

"Tehreng mai" ka lo ti. 

"Ka ban loh chhan che min zawt dawn em? "... 

"Eng ati nge min ban loh? "

"Deal lian tak ka siampui dawn che a ni" 

"Eng deal maw..? "

"Ka pasal i ni duh ang em? " a ti ta a. Ka ding chawt. Ka va melh. A thutak ngang mai si. 

"Tupawh hian ka chanchin an ngaihven tan tawh a. Inphenna tur mipa ka mamawh a ni. Chu chu a chhan pakhatna a ni a, pakhat leh chu phai lama ka sumdawnpui pakhat in in sak tur lian tham leh ka hming chherna tur min hmuhsak a. Mahse, puithuna a vangin hmeichhe khawihn an remti tlat lo va, mipa signature ka mamawh a, ka pasal signature anih a ngai. A bak tihtur erawh ka chanpual a ni.. Hun ka nei tam lo va, thla khat erh awrh hun ka nei, mipa ka neih loh chuan mi dang an pe dawn a, a hmun hma a tha a, sawrkar lam pawn an dawr ve reng bawk si a. Chan ngei ka duh a ni" a ti ta a. Boss chu mak ka ti, ka bo hû. Ti nge kei kher? 

"Ka hre lo. Engmah.. " ka ti ringawt. 

"Ka hnathawk te zingah i laktlak ber a,i hmel pawh a zahpuiawm loh ber ka tia. Ka thlang ta che. ani. Lawm hle zawk rawh. Contract mai chauh a alwm.. In ka sak zawhah divorce paper nen kan inhmachhawn leh mai dawn a ni" a ti a. A inrintawk hmel kher mai. 

Ka nei anih chuan pawisa lamah buaina tur ka nei dawn lo va, ka nu te pawh a ngaihtuah vek thei dawn bawk. Tanhrila an awm ve duh loh pawn an awmna tur ngaihtuahsak a tum thu a sawi. Ka rilru a buai. Saituala kan in sak tur kan en kual chhung pawn eng dang mah ka ngaihtuah thei lo. Boss chu ka lo en leh vung vung zel. 

"Thutlukna siam harsa ve tak tur a ni a. Ka nawr et et hran lo vang che. Zaninah lo inngaihtuah la, naktukah i thutlukna min hrilh dawn nia.. " tiin thu min chah. 

Zanriah kan ei laiin ka nu te ka hrilh ta a. An phawk angreng. Boss chu an lo hre deuh tawh tho a, a ngenna erawh mak an ti ve tho mai. Mami chuan pawi a ti lo nasa. Ka nu erawh chuan, tlawmthlak a ti ve tlat. Ka ngaihdan chiah a ni. Mipa ka ni a, ka ngaihzawng pawh ni lo hmeichhia chu a dera neiin a hmanruaah ka tang dawn tihna a nia. Chu chu mipa inti ve tan chuan a tlawmthlak viau tlat. Mi ngaihah chuan tlangval vannei ka ni mahna. Mahse, keimah ka inhrechiang dawn si. Ka hlim ka ring lo va, ka inngaihhlut leh theih pawh ka ring hek lo. 

Jenny sawmna nasa tak vangin leh intihharh nan ka han leng a. Tumah an lo awm lo. Inneihnaah an lo kal vek a lo nia. Chance tha tak a ni e. A roomah kan tawm leh a, vawi khat chiah sex kan la hmang. Chu pawh rem leh rem lo vin ania. Zanin chu ka rilru a hah bawk nen, hahdam ka duh. A rin aiin ka lo duhthawh aniang, mak a tih hmel angreng. Mahse, a phur sárh thung. Thawm dang ngaichang lek lo va kan inchentawn lai tak chuan, "Malsawmtluang" a pa in a room kawngka kik paha a rawn ti vin tuar chu kan hre ta. Kan tawp chiang kher mai. 

Thil mak tak a lo thleng ta. Jenny chu a inha tha sawk sawk a, "Pa, min chhan ru… min khawih a tum ania.  Hei.. "Tiin a tap nia! Ka chhaw hûih mai. A chet dan chuan min tibuai vek. 

"Min khawih suh.. Kal rawh.. Zawnga, ka duh lo che ka ti a ni lawm ni" a ti a. A tap pur bawk. Kawngka chu a va hawng a, apa chu a va kuah chawt. A pa bula lo ding ve Puia chu a ban leh nghal chat a. "Pui, engmah a thleng lo a nia aw. Saw mihring tenawm lutuk sawn min rawn luhchilh a, kawngka a kalh a, min sual lui alawm.. In thawm a hriat khan ka ka a hup tlat a, ka au thei lo a ni. Mahse,  a kut ka seh vak a, min thlah ta hram a ni" a ti hlawp hlawp a. Tawng nachang ka hre lo reng reng. Makti em emin ka melh tlawk tlawk ringawt. Jenny chuan verther zetin a mittui kar atangin min rawn melh.

"Police call nghal rawh. Puia" Jenny pa chuan a ti a. Ka la harh chuang lo. Ka ding tlawn reng tho. Ka hamhaih em a tin ni. 

Thana lam pana min hruai lai te chuan ka ngawi reng. Ka nuih te a za lek lek. Ka nu te erawh ka ngaihtuah angreng. Jenny pa khan a mualphothlak tiin tumah sawi darh lo turin a ti a. An chhungkua leh Puia bakin an hre lo maithei. Ka nu te erawh police station atangin thil awmzia ka hrilh a. A mang a ang viau ngei ang. Mahse, ka mangang ve lo. 

Police ho chuan a thuphungin zawhna minnzawt a. Thil thlen dan dik tak ka sawi fak fak mai. Dik tak chuan nula thankin, thlawi tawh lehnghal pawngsuala a roomah hial ka lo awmpui kha an awih bik lo niin ka hria. Lockupah erawh zan khatna chu ka hmang ve ta phawt. 

Zingah min rawn kai tho a, ka va chhuah chuan ka nu leh Boss an lo ding ran mai. Mak ka ti deuh. 

"Engtin nge? " ka ti a. 

"Ka mangang em a, in hotunu hi ka zuk pun tawp mai a ni" ka nu chuan a lo ti sawk sawk a. A va tul lo tak. Min puih ka mamawh lo asin le.. 

"Jenny pa te pawh an lo thleng tep" ka nu chuan a ti leh sap a. Boss erawh a ngawi hmak. 

Jenny pa te an rawn thleng a, Jenny pawh a rawn tel ve. Nula virgin ang maiin a awm. Ka ten khawp mai. Police ho chuan bail min phalsak a. Mahse, ka lung a awi thei lo. 

"Sir, ka pasal hual hetia an tihmualpho man hi an rulh a la ngai dawn a. Defamation case ka file ve dawn asin" Boss aw chu a ring lo naa a fiah kher mai. Jenny te ho lo meng phawk hra chu ka va hmu. 

"Tul i tih leh tih loh a ni mai" Officer chuan a lo ti a. 

"Ngaihtuah la, tihian criminal case a nei tawh tihna a ni ringawt dawn a. Ka duh hleinem. A record thai chhe tur hian engpawh ka ti ang.. A pawngsual lo tih hretu ka ni bawk. Amah Jenny ngei pawh sawn a pawngsual lohzia a inhria alawm" boss chuan inringtawk zetin a ti leh a. 

"Min pawngsual lo se, min pawngsual ka ti dawn em ni? Tu nge i nih?  I va zak lo ve. Ka pasal hual te i tia law.. Ka bialpa a nih saw" Jenny chuan a ti tán tân a. 

"Bialpa a?!  Huh.. Chu i bialpa chuan i roomah a pawngsual che a ni maw.. Wow!  Nula thianghlim i ni em ni? " Elsen rawngkaiin a lo ti leh hmiah. 

"Nupui te pawh an pawngsual fo alawm.. Ka duh lo chung min sual a. Chu baka pawngsual.. "

"Anih chuan in duhdanin kal ula, ka duh danin ka kal ang. Case ka file dawn a. Court-ah kan inhmu dawn nia, Zirsang, kal ang. I bialnu lem lem hi duh aiin a lo easy a, i inpalhnawk ta a nih hi. Hetiang hmeichhe nasa, hur herh lutuk, natna eng nge. akai ang tih pawh hriat loh i lo be tha ve hi a pawi a ni. A hmaa sex in hman pawh khan insum turin ka hrilh che kha" Boss chuan eng game maw a khelh le.. 

"Ka fanu hi chutiang chuan i ti thei lo vang.. Nang hmeichhia hian" Jenny pa a ni. 

"Zirsanga nupui hual ka nia, inthup ka la duh vangin Jenny hi inthup nan ka ngaihzawntir a. Sex pawh Jenny hian a nawr luih deuh vangin a lo hmanpui tawh a ni.. "... 

"I zak em?  Zawngi, Zirsanga hi ka nawrlui ngai lo, kan pahnih duhthu ngeiin kan hmang aw.. Ve vak vak a che' Jenny chu a auin a au a ni ber. 

"Officer i lo hria maw.. Kha an pahnih duhthu ngeiin sex chu an lo hmang reng a lo nih kha.. Chuan Zirsanga case hi a close theih mai lawm ni? " Boss chuan a ti ta var a. Jenny te lam an lo hrilhhai. Mahse, chutimaia close ngawt chi a ni bik si lo. 

Boruak a sosang zel a, Boss chu hmeichhe naran a ni lo bawk a, a fing si, a daikhalh zung zung mai. A tawpah phei chuan Jenny zawk chuan min pawngsual a ang ta ber mai. Police ho pawh an nui tawp. Defamation case file a tum bur si a, Jenny te lam chuan an ngaingam ta ngang lo aniang e. Case chu an lakir ta a. Kei chu ka zalen, mi innocent ka lo ni leh ta a ni. 

Kha hun atang khan Boss chu deal ka siampui a ngai ta tih ka hai lo. Min tlankhalh hneh khawp mai. Ka nu lahin a nawrin min nawr tawh zawk. Boss kha a ngaisang miau a. Kei pawh chuan bat neiin ka inhre ve ta deuh tlat a. A rei dawn chuang lo tiin Boss pasala tan der chu ka remti ve ta. 

Amahin engkim a ngaihtuah vek. Min hretu te mak tih erawh a tling. Chanchinbumi te lam lahin min zui ve deuh chhen a, Social media lamah kan lar viau bawk. Ka ngaihven loh a leiah Boss hi Media lama a larzia ka lo hre ngai lo va. Amah hi intarlang duh lo mi a lo ni bawk nen. Mahse, pasal a neih tur thu chu a tlangaupui hmiah hmiah. Ka thawhpuite hlei hlei hian mak an ti. An awih lo lek lek tih ka hria. Ka zak zawk. A tak tak a ni der si lo. Ka nu duhthlannain Dawrpuiah Boss in sak zawh tawh kan luah a. A hnuaiah dawr a siam nghal. Dawr erawh hi chu Boss in a bul atansak a ni mah zawk. "Zirsanga nen kan inthen hunah pawh he in leh dawr hi chu in ta a ni zel tawh ang" a ti. Agreement pawh an sign thlap. Ka nu chu ka han hau dawn thin a, "Mama, kan tana Pathian remruat a ni maithei asin. Sum ka duh vang lam a ni lo. He hmeichhia ka hmuh hian a pawn lam landan aiin a chhungrilah a nem a, venghimtu a mamawh tih ka hre thei tlat a ni. Tanpui a dil che a. I pui mai tur a ni. Pawngsualtu tia mi ten an hriat loh chhan che a ni tih hi theihnghilh suh" a ti thin. A dikna chen a awm tlat si a. 

Inbuatsaih vak dan pawh ka hre ve lem lo. Bossin a ngaihtuah vek tho. Sawm bik te nen inneihna lem lem chu kan tlingtla thei ta hram. Mi an tam lo angreng khawp mai. Boss  duhdan a ni miau a. A inah kan innei nghe nghe. Kei chu a inah ka cheng ve nghal dawn anih chu. Chutak chu mi dangte hriatthiam loh tur a ni. Mahse, media lamah chuan, amah maia a awm avangin keimah zawkin a ina awm duh angin a lar daih. Ni mai mai teh se. Chimbuai a duh loh vangin kan inneih tukah Shillongah kan chhuk daih. Hotelah room hran ve ve bookin kar khat kan zuk tlingtla ngawt. Khawih pawh khawih theih loh nupui hannneih chu. Ka hre sa tho naa ka nuih a za tep.ka dinhmun hi hmeichhe dinhmun te pawh a ang zawk mah e a. 

Kan hawn dawn zanah min rawn ko va, ka va luh chuan khumah a lo thu a. 

"I ning tawh em? " a ti a. 

"Zep loh chuan ning khawp mai" ka ti. Chhun lamah chuan hmun pawimawh te kan tlawh ve zeuh zeuh a, bazarah te.. Zan lam ber hi a hrehawm. Tv en loh leh phone khawih a ni mai. Zu ka in zeuh zeuh. Tihtur a vang em a tin ni. 

"Kan haw tawh dawn alawm' 

"Nia, a lawmawm. Ka ning tawh em a. Chuan, engtik nge Hyderabad-a i insak tur chu i ngaihven dawn" ka ti a. 

"Min rawn call hunah a ni mai. A rei ka ring lo. Chuan, thu dang sawipui che ka duh a.. " a ti sap. A. 

"Sawi la" 

"Ih.. A hmingin nupa kan ni a. Ngaihzawng neih te i duh chuan ka dang lo che ania. Mahse, a mualpho lo zawnga chetlak i tum dawn nia" a ti a. 

"Ngaihzawng nei turin min duh tihna mi? " ka lo ti. Ka chimawm leh dawn tlat. 

"Ka duh ni lo vin nakinah kan inthen hunah te pawh zawn buai ngai lo vin i nei thei alawm"

"I pasal ka ni tih an hre vek tawh a. Tu in nge min ngaizawng ngam ang? 

"An ngam leh tho van"

"Pawm lai nei ngaizawng ngam hmeichhia chu ka va nei duh awm chuang lo ve"

"I hnial hrat siah" a ti hlak. 

"Anih nangin i nei ve dawn em? "

. "mipa ka mamawh lo"

"Min mamawh hi"

"Ka mamawh dan che i hria lawm"

"June.. " a hminga ka koh vawikhatna.. Min rawn melh kâwk a. 

"I mizo hming kha a mawi ka ti. Zothansiami..Siampui tiin ko ta che ila" ka ti leh a. 

"I boss ka la ni reng tih theihnghilh suh" a ti ram hmak. 

"Inhnial buai ai chuan ka va mu ang e" tih leh thawh ka rual a, a rawn ding ve zawt. A inrin hmain a hmuiah ka va chuk zauh. Min hauh hmain rang tawkin ka chhuak nghal. Ka khi vur vur mai. A thinrim leh ang chu aw… 

A tuka kan haw kawngah a tûm kawngtluan. Ka tawng duh bik der lo. 

Nu Buangi leh a pasal Pa Hmaa te chu an felin min zah thiam khawp mai. Boss chuan engmah a hrilh lo nge a pasal tak tak angin min ngai niin ka hria. In chungah ka thawmhnaw ka dah ve a, mahse, zanah erawh a room pawna sofaah ka mu thin. Ka nupui chu ka suangtuah ngai lo naa khawih ve chakna ka nei thin. Mipa ka ni miau a!  

"June, i tha em?  Hei.. Eng nge thleng? " tiin ka kuah bet a. A rak tuar tuar kha chu a reh tawh a, a khur zawih zawih thung. A mumang a tha lo anih ka ring, a rak tuar tuar vangin a room kawngka ka nek hawng a, ka va lut ta kha a nia. 

"Min kalsan suh.. Min kalsan suh" a ti khur dat dat a. Ka awmah chuan a bei nghet kher mai. 

" A tha vek e.. Ka kalsan lo vang che" ka ti a. A lu chu ka chul heuh heuh a. Tlema a that deuh hnu chuan a rawn dak chhuak a, ka la hmuh ngai reng reng loh a biangah mittui a luang nia!  Kha ta a hmel lan dan Khawngaihthlakzia kha ka theihnghilh tawh lo vang. Ka nu sawi kha a dik chiah a ni. A chhungril nun chu a nèm hle tih ka hre thei. 

"A lo lang leh a" a ti sap a. 

"Tu maw? " ka lo ti dam thlap. 

"Ka pa" a ti ta a. A ngawi vang vang, sawi tur reng ka hre lo. 

"Ka pa kha ka hua a ni. Ka haw takzet a ni" a thaw hap a. 

"Ka ngaithla thei ania" ka ti a. A inlahrang a. Min hnungchhawn zawgin a thu a. 

"La dam ve se tih chang erawh ka nei fö!  A chhan chu a fanu hlawhtlinna hi hmu se, hrehawm ti ngawih ngawihin thi se ka duh vangin la dam se ka duh thin" A aw chu a chang tawh hle. 

"Mahse, i pa a ni alawm" ka lo ti ngawt. Engmah a pa nen an inkar ka hre tlat si lo a ni. 

"Va mu tawh rawh. Ka tha.. Mang tha le" a ti hmak a. Mutthilh a har ta hle mai. 

A tukah amahin a chhuak a, kei erawh an tuikhuah siama tui hawna tur tuikawng ka siam a. Ruah a rawn sur thut si a, ka chawl ta rih. Ka thil hriat duh hriat theihna remchang tak niin ka hre ta a. Nu buangi bulah chuan ka tawlh hrat hrat reng a. June chungchang a hriat zawng zawng chu sawi turin ka nawr tan ta a. A tirah chuan a tîm deuh a, mahse, "A pasal ka ni a, ka hriat ve a tul a ni.. Pasal tha tak ka nih i duh chuan min hrilh rawh' ka ti ta a. A aw a thian kharh kharh a. A sawi tan ta a. 

"Kum 5 lek anih laiin a nu khan a thihsan a. A thih chhan kha June chiah hian a hria, keiin ka hre ve leh a. Apa kha zu ngawlvei, bawraw tak a ni a, anu kha a sawisa nasa thin. Apa sawisakna kha a tuar zo ta lo a ni ber. Mahse, tuman a thihchhanah a pasal an mawhpuh lem lo. Tichuan, apa nen an cheng dun ta rak rak a. Venghluiah sawn mi in hnuai luahin an khawsa a ni. Apa hi mistiri a ni a, hna a thiam em em a, zu ngawlvei mah nise, mi hian an chhawr duh ve tlat zel. A fanu kha hnawk a ti a, a enkawl peih lo a ni ber. Chutih lai chuan an thenawmah kan khawsa ve a, kan pa nen hian fa kan nei thei lo thung. June hi kan lainat em em thin. Apa zu ruiin bang den nan a hman chang te a awm a, vawikhat phei chu a thaw chhuak thei lo va, kan buaipui rei hman khawp mai. Apa lah a bawraw telh telh si. Hmeichhe chi hrang hrang a hruai lut thul. Pawisa tlem azawng a neih chuan a hmanna tur a ngaihtuah vat zel si a. Chaw an nghei chang pawh a awm fô. Kan rethei ve tho nain June chu kan inah kan la phei fo va, kan ina chaw a ei chang hi a tam mah zawk ang. 

A lo lian ve zel a. Apa chu kan ngensak a, school a kaltir ve ta hram. Chu pawh sikul chhe takah. Mahse, lehkha a thiam thei em em thung. A nun kha hremhmun ang mai a ni naa apa tihlungawi loh kha thih hlauhin a hlau a ni ber. Apain chhuak suh a tih chuan chaw ngheinthak pawn a lo nghak a, zan a riahbosan pawn amahin a riak mai thin. 

"I nu kha lo zui ve law law la a tha tur, anchhia i nih hi anchhia. Phurrit mai i ni" apain a tih chang te hian rilru na em emin ka lo thlir thin.  Hun a kal zel a, Mi hausa huanah awmchilh tu an mamawh tih kan lo hria a, kan nupa chuan huan lamah kan awm ta daih a. Chutih lai chuan June hi kum 12  a ni ve tawh. Engkim a hrethiam ve vek tawh a ni. 

Huan atanga kan hawn leh meuh chuan an lo insawn daih tawh a. Kan inhmu ta ngai lo. Khaw nge an insawn ka hre si lo. Tun hnua amahin a sawi leh danin An in luahna ten an hnawtchhuak a lo ni a, tichuan, Salem vengah insawnin apa chuan zu a zuar ta a. Nupui a nei ta bawk. June chu school an kaltir ta lo va, apa mistiri bungrua chu a infiampui thin tiin a sawi.A nuhrawn leh apa tihduhdahna chu a tuar zel a, anchhia niin a inngai ve tak tak hial!  Mahse, apa chu tihlungawi a la tum tang tang tho va, eirawng a bawlsak a, a ei chak a sawi ang chu siamsak hram hram a tum thin. A nuhrawn lah chu nu nasa zet a lo ni si a, an inleng te hmuh laia a kawr pawhthlersak te a ching fô! Saruak deuhthawa a inleng te hmaa a dintir chang te chuan apa chuan kam khat mahin a fanu thlavang a hauh ngai lo. 

Kum 15 a nih kumah an inah vai palian deuh a lo thleng a. Chupa hnenah chuan apa chuan a hralh ta a ni. Mutthilhna hmanga chiuin phai ah a hruai thla a. Khata tang khan June hringnun pawh a danglam chho ta a ni. Chu vaipa chuan mi dang kutah a hlan chhawng ve leh a, tihluihna hmanga nawhchi zawrh tir a ni ta a ni. An nawhchi zawrhna hmunah chuan lehkha a zir tha leh a. "Ka pa vang chauhin ka inzuar a, ka pa hmel mitthla chungin mipa ka mutpui thin" tiin June hian a sawi thin. A puitling chho a, rilru a nei chho tial tial a. Kum 5 zet nawhchizawrhna hmuna a chen chhung khan lehkha a thiam hman a, tum a nei ta ran bawk. Tichuan, chu lai hmun atang chuan harsa takin a tlanchhuak a, a thiannu nen an ni nghe nghe. 

Vanneihthlak takin an rawn umzui lo nge an rawn man ta lo. Pawisa tlem a zawng an neih chu eitur lei nan an hmang zo titih tawh si a. A thiannu chu an khaw lamah a haw a. Ani erawh mizoramah lo haw dawn se belh tur a nei dawn lo tih a hria. Apa a hlau bawk. Hotel pakhat tawp zetah inhlawhna a hmu ta hlauh a, pawisa tlem tlem hlawhin a awm ve ta ohawt. Tichuan, a hriselna te a han titha deuh a, a kál (kidney)  a hralh ta a. Chu a sum hmang chuan sumdawnpui tur a zawng a, bultanpui tur a dap ta a. 

Tanpuitu a hmu nghal lo. Hmeichhia a ni a, a tumna chu hnawl a ni zel si. A tawpa tawpah bank- lama an hotu pakhat in risk a lakpui ta tawp a. Tuna a eizawnna hi risk takmeuhin an ti dun ta a ni. A vawikhatnaah an hlawhchham titih a, mahse,  abeidawng duh lo. Hnathqwktu atan slum area ami te a huikhawm a, a vawi hnihna atan bul an tan leh a. Chutah chuan hlawkna an chhar tam ve ta deuh. 

Tichuan, tha thlah miah lo vin a ti ta zel a, sum a nei lo, risk a la zel. Mahse, a inpeipung ve hret hret a. Mi thenkhatin an lo hre ve tan ta bawk a. A kum tel fe phaia hna a thawh hnuin Mizoram a rawn chuang chhuak ta a. A eizawnna bul chu a rawn tan leh  a ni. 

Keini hi min rawn zawng chhuak leh ngat anih hi.. Min lo la hria chu mak ka ti. Keini chuan kan lo hre tawh lo. Apa erawh a lo thi tawh a. Anuhrawn pawh a tar tawh angreng.. Tuma hnenah a nunhlui hi sawi a phal ngai lo va, mahse, a pasal i nih vangin ka hrilh ta mai che. ani.. " Nu Buangi thusawi chu ngaihnawm ka ti kher mai. Ka chil pawh ka lem tha ngam lo tihtheih a ni. 

June chu a va namai lo si em. Ka khawngaih bawk si, a tumruhna leh a beih dan zawng zawng chu ka ngaisang a, chipchiar zawka hriat ka chak et et bawk. Khata tang khan amah ka lo ngaih dan chu a dang ta deuh. Zu a lo haw em em kha ka hrethiam. Apa kha zu ngawlvei a ni tlat. Tin, a nunrawng viau kan tih leh mi dang hriatthiamna a nei lo nia ka hriatna pawh apain a tetlaia tharum hmanga a nghaisakna effect a nih ka ring. Mahse, a nuna mipa lakluh a tum lo bur erawh ka hrethiam lo. Nawhchizuara rei tak a lo vahvaih tawh vang a ni maithei. 

Zanah chuan lehkha thenkhat a buaipui a. Amah hmu phak rengin  movie ka en thung. Nizan lama nula derthawng tak ang kha a ni leh tawh lo. Sangha ang maia vawt a ni leh tawh. 

"June, naktuk chu ka nu te tlawh ka duh a' ka ti a. A lo hawi zawk a, " A tha alawm.. Kei erawh ka hman loh hmel. Bawngkawna kan in sak kha a hmawr kan bawk dawn a" an va sa chak tak. 

Kan inbe zui ta lo. A nelawm leh tawh si lo va. A tukah ka nute chu ka han tlawh a, Bawihteii pawn min lo ngai tawh aniang, min bel reng mai. Mami pawh a intuaihnum chho a, Senan a lenchilh deuh reng tih ka hre tho. Innei mah se pawi ka ti lo. Mahse, ka nu hi kan awmpui a ngai dawn a ni. Bawngkawnah chuan ka va phei leh zuai a. 

"Hei hi ka sawi dan a ni lo tlat. In thiah leh mai a ngai dawn a ni.. A pawi khawp mai" June chuan a lo ti bawrh bawrh a. A thinrim hmel em em lehnghal. In chung panna kailawn chu a duh ang a lo ni lo a nih hmel. Pu Siamtea chuan, "Mahse, hei kan ti laklawh tawh si a, pawm ve thei hram la kan va ti ve" a lo ti a. 

"Duhdan ka nei a, ka sawi a, in zawm. Thei lo anih chuan eng nge hetah in thawh reng ang. In bang thei.. In siamtha thei lo anih chuan mi dang ka ruai mai ang" Kan nu chu.. A ze ngai bawk. 

"Pu Siam, a harsa nang, lo thiat leh mai ula.. Kei pawn ka rawn pui ang che u" ka va ti ve thluam a. June meng ráng chu ka hmu lo der. 

Zanah, "Ka pasal i ni a, pasal angin awm rawh. Hnathawktu i ni lo" a ti hmak a. Muangchangin a lam ka pan, ka kekawr ipte ka zen tat bawk a. Ka nui deuh bawk. Bamgah. Ka nem bet a, makti zetin min melh, "Eng nge i tih hi? " a ti tuar. 

"Pasal angin awm rawh min ti sia.. Ka awm mèk" ka ti nghut a. A hmuiah ka zuk fawp. Min chhang let lo chiang kher mai. 

"Zirsang, i nupui lem ka nih hi hre reng rawh.. Kal bo rawh" a ti hlak hlak a. 

"I pasal ka nihna angin thil pakhat ka sawi ve ang. I hnathawkte i treat dan hi a nunrawng deuh, boss i nih angin zahawm tak siin nelawm chhuah ve rawh. In thianthatna atang hian hnathawh pawh a chak a, phur taka hna an thawh theih nan boss fel leh zau tak i nih ve a ngai, an hlawh i pek rinhawt kha a ni lo.. Bawihi" ka tawngkam chu  a ten leh ngawt ang. Mahse, ka sawi duh tlat a ni. 

"A tawk.. Ka thu thu" a ti nghat. Ka chhuahsan ta a. 

A tukah hnathawk turin ka insiam a, min melh zauh zauh. Ka pawisa duh lo. Ina tawm sen reng ka ning. Tui kawng lah Pa Hmaan a lo siam thei dawn tho. 

"Zirsang, thu i va awih lo ve mawle" ka chhuah dawn chuan a ti a. 

"Thaibawih nih ka duh hleinem" ka lo ti. A án hrep hmainn ka inkhalh chhuak daih. 

Min be duh lo char char, phai lam a dawr bawk a. A zin tep tawh ang. Ka kal ve a ngai dawn lehnghal. Ka peih lo hle. 

"Takzet chuan.. Hmanhmawh tawh nen chuan aw" tiin phone chu a be mawlh mawlh a. A lungawi vak lo tih a lang. 

"Kan hna tur kha sawrkar lamin an lo biak ve reng vangin an cancel rih a, boruak a reh deuh hnuah kan inbe tha dawn anih chu" phone a dah hnu chuan a ti a. 

"Kan inneihna an pawtsei a nih chu" ka lo ti mai a. 

"Zirsang, tun hnai i awmdan hi eng nge awmzia?  Kei hi i nupui takntak angah min ngai nge.. Min duh tawh zawk. A theih loh bur aw.. Nang leh kei chu kan khawvel a danglam.. Ka pasal ni tur chuan… " a ti a. A sawi zawm lo. 

"Sawi zawm rawh" ka ti a. A mitah ka en kar. A hawisawn a, "Ka mu dawn.. Mang tha" a ti hmak a. A roomah a lut daih. 

Min mamawh tih a hriat theih nan eng emaw chu ka tih ve a ngai a ni. Kei chuan ka iai miah lo. Ka nupui tak tak nise, a nun siamthata khalh ngil ka chak. Mahse, a sum ka duh vanga nawr angah min ngai ang tih erawh ka hlau. Chu ka hlauhna chuan min hmetmit ka ti lo thei lo. Mahni tawkah kan chapo ve theuh si a! 

"Aw.. Bawih, vawiinah ka lo chho ang.. Aw.. Nih phawt.. Kan nu a lo kal" tiin phone chu ka dah a. Inthlahrun hmel deuhin ka lo melh. 

"Tu maw i hmuh dawn? " a ti sap a. A mut tlem hmel tawp. 

"Ka bialnu" ka ti tawi tak. A mitmeng danglam zawk chu ka hmu hman. Mahse, a insiamrem leh thuai. 

"A tha lawm.. Fimkhur la" a ti sap a. A kalsawn nghal. 

Nalh takin ka inchei a, ka chhuak ve ta nghal. Min thlir zui reng tih ka hria. Hmuh tur tak tak ka nei hran lo. A rilru ka en duh a ni mai. 

"Zira, lo haw vat teh, Nuteii a tlu a.. Hei.. " June aw-ah chuan thlabarna ka hre thei. Hmanhmawh zetin ka hawng a. Nu buangi chu a lo mu a, a ke chu a vûng lâk mai. A bulah June chu a lo thu a. Pa Hmaa eraeh chuan tui a lo lum thung. 

"Damdawiina hruai i ti lo mi? " ka ti satliah a. 

"Amah hian a duh tlat lo va" a ti ve mai a. 

A ke chu a tliak lo niin ka hria, a upa ve tawh a, a ruh chu a khaw lo hma viau ang. A ulh satliah a nih ka ring. Ka'n hmet vel a, na a ti hle. Tuilumin kan zut a, kan tuam lum ta a. 

"Pa Hmaa hian choka sekrek a khawih thiam lo va, keiin ka khawih ngai lo bawk. I tih a ngai dawn a" mut dawnah a ti a. 

"Ka thiam alawm" ka lo ti a. 

"I bialnu nen chuan in inhmu tha thei maw? "

"Umm.. Tha a ni mai. Min lo call sia, ka rawn hawnsan ta mai"

"Pawi khawp mai. Ka mangang deuh a"

"A ho lutuk. Hun dang pawh a tam alawm" tiin engahmah ngai lo niawm takin ka mutsan ta a. 

.

Zingah ka tho va. Eirawng ka bawl nghal. Eisiam hi ka nu khan min tihtir hma a, ka thiam ve reng. Arsa chu ka fry a, bawkbawn ka bai bawk. 

"Ka eitui phian" June chuan a ti a. Ka lo lawm ve tawp. 

A hmuh laiin phone ka hmang der fô va, msg ka type lem fo bawk. Bialnu nei tak tak anga min ngaih theih nan. Mahse, ka rin ang a ni lo. A inla hrang hmak. Ahma aiin kan inzawmna a hla tawh a, inbe mang lo va ni kan vuiliam chang a tam khawp mai. 

Phai lam lah an la reh vung vung si. Sihphir lamah kan kal zeuh zeuh, an sa leh mek bawk a. 

"Naute hi han pai ve tawh ula aw.. Nau awm tur te hi nei ila, ka khua a har lo deuh ang" Nu Buangin a tih tum chuan kan inmelh zawk. Engmah kan sawi lo. 

Khua a dur khup khup a, tek a tla chuai chuai bawk. Thli a thaw vuk vuk a, ruah mal hraw zet zet a rawn tla bawk. A room kawngka a rawn inhawng a, "Zirsang, pawi i tih loh chuan.. Lo mu ve mai teh" a ti tawp. Nu Buangi min hrilh pakhat, "Vawi khat chu a pa zurui hian a nu thlanah a hruai a, zan khuain thli leh ruah karah a va hnutchhiah.. A tuka kan va kal chuan a lo duk vek a, a thi emaw kan ti hial, mahse, a thidang zawk a lo nia" a tih kha ka hrechhuak zawk. Thli leh ruah a hlau ang tih chu ka hrethiam. Phur hmel vak lohin ka lut a. Puan hran sinin a vawi khat nan khum khatah kan mu dun ve ta. 

" i hlau em ni? " ka ti a. 

"Aih.. A nuam lo ve a"/hram hram zel hian. 

Tek a rawn tla chuai, a ring bawk, kei pawh ka phu dawrh. A ke chu ka mal chungah rawn hlangin min rawn kuah chial mai. A rimtui zet chu ka lo hîp vang vang. Ka lo kuah ve mai a. A lungphu dup dup chu ka ngaithla. 

"Ka.. Ih, ngaih loh lamah ngai suh aw' a ti tham tiak a. 

"Aho luruk. Ka hrethiam che lawm.. " ka ti a. Engmah kan sawi zui lo. Ka harh chuan min lo la kuah chial a, ka lo pawm ve hlûn bawk. Thim zingah chuan ka chul a, tum loh deuhin a hnute ka zuk dap. Ka la let vat. 

"Zirsang.. " a rawn ti sap. Ka phu deuh zuk lehnghal. A muhil emaw ka tia. 

"Hmmm" 

"Inthen i duh em? " a ti ta a. 

"Duh lo"

"Ti nge? Bialnu i nei sia"

"I phalnain alawm ka neih"

"Kan inthen hun i nghak em ni? " 

"Ka hre thiam lo. Ti nge min zawh" ka ti sap a. 

"Ka hre lo" a ti. 

Ka che zui hmiah. A khabeah ka dâwm a. Ka fawp lui, min hnar lo va, min chhanglet hek lo. Ka fawp lui zel bawk. A tawpah a insum zo ta ngang bik lo aniang. Min rawn chhang ve. Ka phur sauh. Ka hrawm nawk nawk a, a awm ka dap, a kawr chhanah a hnute ka tham a, ka hum tawk vel lek. A kawr ka hlim, a îp deuh zawk mai. Mahse, ka pawisa lo, a hnute chu thim thamah ka fawp dan dan a, a dul thuar vel te pawh. Ka mipatna chu a rawn insangmar nasa ta mai a. Ka insum thei lo, insum lah ka tum buai hek lo. A kekawr chu ka kek thla nawk nawk, "Zirsang" tia min koh pawh chu ka hre lo der tawp. Kei pawh ka inphelh ve.. 

"June, ka ti dawn… i inpeih em? " ka ti a. Ka châkna sosang lutuk chu min dan zawh a ring bik lo nge a ngawi ta reng a. A remti niah ka ngai. Ka chezui ta a. Nuam danglam tak a ni. Duhthusamin a che ngam ve lo mai pawh a! 

Kan inkar chu a dang tan ta. Keiin ka thlahlel a, mahse,  a inlahrang lui. Zep loh chuan rei tak kan lo cheng dun tawh a, min huat hi ka ring lo. A zak emaw. ala chapo rih a nih ka ring. Ka la tlawm khawp ang. 

Sihphirah a kal a, kei min tirhna angin Chawlhmunah ram ruak an sawi ka va thlithlai. A zim naa bultan nan a tha thoin ka hria. 

Thlalak ka dawng.. June leh vai pa pakhat, induh hmel deuha an lak dunna.. A lo thawntu number chu ka call nghal, a off tlat. Eng nge a awmzia ni ta ang le.. Chu thlalak chuan ka thin a khei zak. Ka inthup hram hram a. Ka mood chu chhe tak a ni. 

Zanah thlalak chu ka hmuh a, "Sawi fiah rawh" ka ti ta a. Ka nelawm tehchiam loh. 

"Sawifiah a ngaihna ka hre lo e.. " a ti hmak. 

"I pasal ka ni a, i uire a maw? "Ka ti tuar. 

A nui sak a, "Zirsang, ka pasal i ni maw.. Kha thlalak kha tu rawn thawn nge ka hre miah lo. Mahse, lo thawn eng ang mah se, ka sawifiah a ngaihna ka hre lo. A chhan chu ka pasal tak tak i ni tlat lo va" a ti a. 

"Chuan, nang pawn ngaigzawng i lo nei reng tihna ni maw"

"Umm.. Bialnu i neih ang chiah khan" 

"Bialnu kha ka nei tak tak awzawng lo ve… ka fiahna che a nih kha. Kei chuan i pasal tak tak nih hi ka hreh lo asin.. Nang erawh vaipa lakah i uire a nia" ka ti a. Ka tawt khawp mai. 

"Ka thu thu. Bialnu i nei emaw nei lo emaw ka nun chu ka duh danin ka hmang thei. Sex min hmanpui tawh avang khan ka lakah thei hle emaw inti suh. Khatiang mai mai.. A ho lutuk. Ka pasal ni turin i tling tawk lo. A chiang em? " a ti ta fak fak a. Ka na takzet. Mipa ka ni naa chutiang inhmuhsitna chu ka tawrh theih piahlam a ni ve tlat. Ni e, ka hausa lo, aman min chawm a, ka chhungte pawh a chawm miau si a. 

"Ka lo hre reng tawh ang e" ka ti sap a. Mu turin ka kalsan ta a. Ka tlaivar titih. Heti em ema min hmuhsit hi ka lo ring ngai lo va, min duh ru ve tho turah ka lo ngai a, mahse, a lo ni lo chiang hle. A mize chapo leh ngeng em em chu a bo thei ngai dawn lo a nih hmel. Nie, a pasal lem ang chuan ka awm ngei tawh ang. Tin, inneihna lem chu zo vat vat se ka duh bawk. 

Ka be ngai lo va, min biak erawh ka chhang. Hna ka thawk anih loh chuan ka chhuak ngai lo. Ka nute bulah ka riak zeuh zeuh bawk. Engmah ka hrilh duh lo. An nat ka hlau. Kan inneihna a tawp hunah he in pawh hi kan chhuahsan ang tih chu ka thurolum a ni. In luah tur ka melh kual pah bawk. June pawh inah a awm khat angreng, a bialpa Nen an inhmu thin a ni mahna le.. 

"Mam, ka nu thawhah a chhuak a, hei damdawiinah kan chho mek.. Khawngaihin lo chho ve mai ta che" Mami chu a mangan hmel kher mai. Rang takin ka insiam a, June chuan min lo zawt vat. Ka sawi a. Ka chhuak nghal. Ka nu chu oxygen an lo hip tir mek a, a thaw hah hi a chhuak khat tawh asin le.. 

June a rawn lang ve hlawl, "I u hian min kalsan daih alawm.. Mawl lutuk" tiin Mami chu a bia a. A lemchanna chu ka ten. Ka be lo. Ka nu chu zan khuain ka awmpui a, zing lamah a rawn harh ta hram. 

Ni 3 hnuah kan chhuak ta hram a. June chuan Bill pek a tum a, a pawisa chu ka pe let hmak. "Ka nei ve alawm.. Ka nu anih hi" ka ti a. A mitah chiang takin ka melh bawk. 

Chumizan chuan ka nute bulah ka riak nghal daih. A tuka ka zuk haw chuan a lo tûm bur a. 'Ka pasal nu a ni a. Ka pek kha a pawina a awm lo. Min tizak hle a ni" a ti bawrh bawrh a. 

" I laka bat neih hi ka duh lo. Tin, ka nupui i ni hek lo" ka ti ram hmak a. In hnnuaiah ka chhuksan. Kan boruak chu tu khaw kha hriat lohin a alh hlep hlep ni maiin ka hria. Ka rilru a hel laklawh tawh tlat. Ani lah a induhtawk nasa si. 

"Phai lam pawn min rawn be pawp tawh a. Karleh lamah kan zin thlak a ngaih hmel" Zanriah ei lai chuan a ti a. Engmah ka sawi lo. 

In chunga kan awm hnuah, "A lawmawm ka ti. Kan inneihna pawh a zo tep tawh a. " ka ti a. Tukverhah ka dak vang vang. 

"Inthen chu i va chak tawh awm ve" a ti nghat a. 

"Chak tawh angreng. Zalen taka ka nupui ni tak tak tur ka zawng ve chak tawh a" ka ti. 

"Anih tak chu.. Hmu mawlh ang che.. Mahse, sum vang chuan tumah hmanruaah hmang tawh lo la" a ti chang fak. 

Ka lo nui hawk.. "Sum. a.. Sum vangin tumah ka ngaizawng ngai lo. Nang pawn ka puihna i ngen a, i lakah ka ba bawk a. Ka remti anih kha. Kan inthen chuan i in pawh khi kan chhuahsan ang. I sum hi ka mamawh lo ve" ka ti kha ve fak. Ka zam duhntawh bik lo. 

"Zirsang, khi in khi i nu hmingin a awm tawh. I duh leh hralh mai rawh". 

"Ka duh lo ve. "

"Inthen i duh te chuan tunah pawh min then thei reng alawm.. Duh leh ka sumdawnna chu ka chán mai ang.. I duh phawt chuan i kal thei e"

"Ka tangkai leh tawh na nge.. Oh.. Kha vaipa khan i pasal aiawhin a sign sak thei dawn ta che. ani maw.. Ka lawmpui che. Aw le, naktukah inthenna chu kan tifel dawn nia" ka ti a. Mu turin ka kalsan ta a. Ka tawt up up, ka na em em bawk. Tlawm ka inti lutuk chuan min chhun na ngawih ngawih a ni ber. Mipa ka inti ve si a. Hmeichhe hmanrua mai mai ka ni chu ka zak. Ka nu vang vek. Ni lo, jemny phiangsen vang kha a ni. Ani lah khan sâwn a pawm per tawh a. A hmel chhe tawh tawp. 

Ka mu mang lo. Zing a lo ni a. Ka insiam a. Meng bui lákin a rawn tho chhuak ve a. 

"Media hmaah kan inthen chhan hi engtin nge kan sawi ang" a ti a. 

"Chu zawng i duh duh sawi rawh. Kei chu ka lo ngawi hmak ang " ka ti. 

Eng emaw sawi duh hmel a pu. Mahse, a sawi lo. Mi chaponu hi.. 

Nu Buangi te bulah erawh ka nu dam that loh vanga haw lawk tur angin ka insawi a. Nakinah Junein a la hrilhfiah ang chu. Lehkha tihfel ve te pawh a la ngai dawn a. 

Ka mutna bul maia a room awm ta lo erawh a danglam deuh. Ka riak chho fo a. Mahse, haw leh tur kha ka ni thin a. Tunah erawh ka haw tawh dawn si lo. In hnaih viau lo mah ila, eng emaw ti deuh hian ka awm. Ka hnîm ruai mai. Ka nu te bulah engmah ka la sawi bik lo. Sawi dan tur ka la ngaihtuah lo. Kan insawn chhuah dawnah ka hrilh ang ka ti a ni. 

"Zirsang.. "A msg chu ka chhiar a. Ka reply lo. Ka rilru erawh a va luah tak. Mahse, uirenu a ni a, min hmusittu a ni. 

Chhunah dawra bungrua ka dah fel laiin Nu Buangin min lo call a, "Zirbawih, in nu hi a roomah a tawm tlat a. Hei ka mangang riau. In inhau nge.. Tuk thuan pawh kha a ei ta si lo va, a roomah a la tawm ngat ngat" a rawnnti a. 

"A buai aniang. A rawn chhuak ve mai ang " ka ti a. Ngaihtuah loh ka duh.mahse, ka hlawhchham. 

Zan dar 7 velah Nu buangi bawkin min rawn call,  a la chhuah duh loh thu bawk a rawn sawi leh. Ka mangang ta deuh. 

Ka zuk chhuk ta nge nge a. A room bulah an lo ding a. Ka kik, a reh vang vang. 

'June, keimah Zirsanga, lo hawng teh" 

A reh vang vang hnuah, tap thawm niawm tak ka hria. 

"Tumah ka mamawh lo. Tumah" a ti tuar tuar a. A tap bawk. Room kawngka chu ka nem sawk sawk a, a nghet si. Hreipui ka zuk la lawk a, ka chek chhe hmiah. Khum nghengin a lo thu a, a sam a tuai thur vek, a mittui a luang ngiah ngiah a. A melh ngai a lo melh reng. 

"June" ka ti sap a. 

"Kal bo rawh" a lo ti thawt. Nu Buangi te chu eitur tilum turin ka hrilh a. 

"Ka kal bosan tawh lo vang che.. Min mamawh tih ka lo hre lo a ni" ka ti a. A sam ka tuai mam a. 

"Min mamawh ve hleinem" a ti a. A tap nghal. Ka lo kuah thlawp. 

"Ka tihpalh. I rilru ka lo hre lo va, i luhlul em a tin ni.. "Ka ti a. 

"I hrethiam reng. Vaipa ka ngaihzawnsan phal che i ring em ni?  Ka fiahna che kha nang chuan chhe deuhin i lo dawngsawng bik anih kha.. Misual tak i ni" a ti a. Ka awmah a chum a. Ka sam te chu a kek ang nawk nawk a. 

"Ka hmangaih che.. " ka ti nghet charh. Fim kákin min rawn melh kiau a. 

"Inneih that ka duh a ni.. June" ka ti leh a. 

"Zirsang, i sual lutuk" a ti sap a. Ka lo nui.. Hmeichhe dik tak a nih hi. 

"Misual nupui i ni duh em? "Ka ti a. 

"Min kalsan leh ang em? " 

"A teuh lo. Mahse, i luhlul lutuk hi i sim a ngai"

"Pasal angin min thunun la"

"Lutuk.. Sawi ve teh.. Tuna i rilrua awm kha"

"Zirsang, misualpa, ka hmangaih che" a ti ta a… 

The end..