Phuba

PHUBA…! 

Ziaktu: Toni Râlte

"Nang.. Nang hi maw tual that thintu hi, i thi tawh sia.. I thih tawh kha..? " tiin a rak nawk nawk a. A hmaa ding chuan nelawmna tel miah lo vin a nuih sak a. A mitmenga huatna nasa lutuk chuan chu râpawm zetin a melh ngawt ngawt bawk. A kut veilama a hreite ken chu a vaivir a, Chu pa malpui thler duai tawh lai chu zuk chhhuih zawt a. A rak tuar.. 

"A na thei lo ang bera tlingtlak kan tum dawn nia.. " a ti sap a. Vawi leh khatah a hreite ken chuan a bek dinglamah a rawn chek nghek a. Che zui tur a awm ta lo. 

"Pakhat chiah a ngai ta" a ti ta sap a. 

Khua chu a thiang nuam kher mai. Ruthi te thianho pawh picnic turin an kal mek a ni. An vaiin mi 6 an ni. Ruthi leh a bialpa Sangtea chu an inphur a, an hnungah Johna carin, johna leh a bialnu kimi, Puia leh Tei te an chuang a ni. Puia leh Tei te hi an la ni chiah lo naa, ni ang thawthang an ni. 

Spot an thleng a, eitur vel te chu an han hlang thla a, eirawng bawl fel phawta intihhlim chu an tum a ni. Zu lah a tam, an lem sek hlawm a. Hmeichhia te pawh an kai phât hlawm mai. A then an lo lam bawk a,. Ruthi te erawh a thlanga inah chuan lutin an inkeih mial mial a. An thaw ham ham mai. An thil in khan a fan hneh tawh bawk a, pawisak an nei tawh lo kher mai. A vawi tam takna atan sex chu an hmang leh ta. Ruthi chuan damdawi a hmawm zauh hnuah," Kha nu khan a lo la bia che em? " a ti a. Zu chu a lem nghal zat a. 

"Be tawh nang, min ngaizawng pawh a ni lo. Thian ang bakin min be lo" Sangtea chuan a lo ti a. Ruthi chu a ner sak. 

An vai hian master degree zirlai vek an ni a. An department erawh a inang vek lem lo, khawsak phungah pawh an harsa lo tlang a, Ruthi te leh Tei te hi an hausa deuh bik. A bak chu an inang tlang viau. Ruthi chuan a kekawrte ha chunga thlang lam tukverh a zuk melh chuan a rak ta chul a, "Miin min enthla a nia". ati hlut a. Sangtea chu tukverhah a va dak nghal. Tumah a hmu lo. 

"Ka hmu chiang, mihring ngei chu a ni. Lukhum a khum a, ka zuk hawi rual khan a tlum nghal daih alawm.. Awii kan intih lai te khan min hmu reng awm sia" a ti sar sar a. A ruih tawh vangin chuti taka hlauthawng hmel erawh a pu lem lo. A ngaihsam tawk lekin a rui bawk a. 

Tui pawh an cheng tha peih meuh lo, an duh aiin an kai. Zanriah pawh an ei tlem kher mai. An sir ramhnuai, thing phen atanga rawn thlir rengtu erawh tuman an hmu lo. Ruthi khan a hmu hman zuai naa, an rui tawh nen an sawi zui tawh lem lo. Khua a thim thet thet tawh tihin an haw ve ta hlawm a. 

"Awii ka duh thei lo. Hei lo en teh" Sangtea chuan Ruthi msg chu chhiarin a hnuaia video a lo thawn chu a download nghal a. Khai leh!  Kha thlam chhunga Ruthi nen an chetla lai zawng zawng kha fiah zetin a rawn lang uar mai. A ner sawk. Ruthi khan dawt a lo sawi lo anih hmel. Tu emaw chuan a veh chiang. Ruthi hnenah a rawn thawntu number a va dil a, chu number chu a dial a, a tlang lo chiang ngang mai. 

Ruthi chu a mangang takzet. An vengah nula fel leh nungchang thaa sawi a ni ve si a!  Kha video kha a darh vaih chuan a chhe vek a ni mai. A mualpho dawn lutuk. Mahse, Video rawn thawntu khan engmah phût a nei miah lo. 

"He thil hi ka kawl tih hre reng rawh" tih thu chiah a thawn. 

A tukah Sangtea nen kha a lo thawnna number kha tu hminga book nge hriat tumin Airtel office lam an pan a.  A booktu chu an hre thei ta a. Mahse, an han inbiak chuan sim card dang pawh a book nual thu leh a black-a a hralh thin thu a lo sawi si. Tin, pa upa lam a ni a, mi sual hmel a pu mawlh si lo. Kha number lah kha an call tlang thei tawh der si lo. 

"Engpawhnise, hei a la tlangzarh chuang lo bawk a. A lo blackmail che chuan min hrilh vat la, hma kan la dawn nia. Ngaihtha deuhin awm phawt rawh" Sangtea chuan a ti a. Ruthi hmel erawh a ngui ngang mai. 

Hetih lai mek hian John-a chuan a bialnu kimi a lo lerhsan mèk thung. Hun rei tak atanga a ruka a biak thin hmeichhe pakhat nen inhmu turin hotel a pan mek a ni. He nu Rose inti nen hian thla 4 vel kal tawhah khan an inbepawp tan a, a thlalakah a hmel tha khawp mai. A takah an la inhmu lo naa, an inbe rei telh telh a, john a thutak tial tial. Kimi nen hian college an kal lai atanga ni tawh an ni a, Then tumna rilru erawh a pu hran lo. Mahse, Rose hi hmuh ngei chu a tum. Mipa a ni a, hrisel tha pangngai ve tak a ni bawk. Rose hian a ngam huai thei zèk a, a pic sexy tak tak a lo thawn fô danah keuhthluk theih mai a inbeisei a ni. 

Room no. 012 chu a kik karh karh a, a rawn inhawng ta. Thlalaka a hmuh ang chiah hmeichhe hmel tha leh pian nalh zet chuan a lo nuih ta sang mai. An lai dun ve deuh a, mahse, mipa zawk na na na chu a rawn tawng chhuak hmasa ta a. An inkawm zui bawrh bawrh nghal. Rose chuan whisky a thlir karh karh a, a zei thlarh mai. 

"Bialnu i nei lo tak tak maw?!  " tiin a melh de sawr sawr a. John a lo tuiral. "Nei lo. Nangmah bak" a ti thám tuak. Zu chu no 2 vel an in hnuah an dah ta rih a. An inpawm chawt a, an inkeih ta buan buan mai. Rei tak a lo mangphan leh suangtuah fo kha a ni bawk a, John chuah hlah a tum lo chiang kher mai. A hnute bial mum karh, kawh lah chu a hne dáwk dawk a, Rose chu nuamti. Zetin a lo si hlarh hlarh bawk. A thawmhnaw a phelhsak a, a nalhzia chu mak a ti zawk. Kimi te chu henu lakah chuan uitè tluk lek a ni. A bawh ruak ruak nghal a, zei leh rem zetin a lo insiamrem nghal vat. Ngawi rengin an tihtur chu an ti dun mawlh mawlh. 

A vawrtawp thleng turin John chuan a han nawr salh salh a, a thleng ta. A thaw hlawi hlawi mai. Manhla a va ti tehreng em.. 

Ni khat a liam tihah Kimi leh Johna inhau thawm chu an thiante pawn an hre ta. Ruthi roomah a ni nghe nghe. Kimi chuan a phone lek pahin, "En la, en rawh. Zawnga, min lo bum a maw? Tenawmpa" a ti hlawih hlawih a. John chuan phone chu a han en a, a chek hlak. Rose nen ruak kengkunga an thlalak a lo ni. Ni e, zu an in ruih tawh hnu a vawihnih nana chet lak a tum dawn khan Rose khan click zuai a duh thu a sawi a, ani lah a za tawh si a, a lo remti mai kha. ania. Rose hmel erawh a rawn thawntu hian a cut daih lawi a!  

"Tu lo thwwn che nge? " a ti vin thak a. A lo thawntu number chu a han call a, a tawp hmuk. An thianho chu an inmelh hrek hrek mai. 

"Keini pawh Ruth nen kan chetla lai video kha min lo thawn alawm.. Tu emaw hian min veh mek niin ka hria" Sangtea chuan a ti a. Johna te thlalak lo thawntu number pawh kha chhui chhuah theih a nih leh chuan a ring lo. 

"John, inzep a ngai tawh chuang lo va, Kha nu i ck pui nu kha a ni ve thei tho a, i hrechiang em kha nu kha" Sangtea bawk chuan a ti a. 

"Hre chiang ti ila, Shillonga awm char char thin a nia, hmanni deuh lawk khan a rawn zin a, a nu te a rawn tlawh aniawm e.. A bak ka hre bik lo" inthlahrun hmel zetin a ti a. Kimi erawh a tum hmak mai. 

"Be leh la, zawt chiang chhin teh"  a ti a. 

John chuan Rose number, Vanlala tia a save chu a hmet chhuak a, a call ta a. A ring quit tep tihin a rawn la a, "E.. Rose, enteh, nimin piaha hotela kan awm dun lai thlalak kha ka dawng a. I dawng ve em? " John chuan a aw khur chu thup hram a tum a. 

"Dawng ve nang. Awii a van zia lo ve. Ka van zak. Tu nge niang" a rawn ti he haw a. John ngaih pawh a tha ta deuh. 

"Hotelah khan va kal a, an manager te va zawh mai a thain ka hria" Ruthi chuan a lo ti a. 

"A tul lo, a mualphothlak mai mai. Miin hria se keimah min en dan tur ka duh lo. He mihring hian a sim tawh dawn chuan ngawi ral mai ang u" Kimi chuan a lo ti chang fak a. Johna an melh thap. 

"Kim, min ngaidam rawh. Ka ti tawh miah lo vang. Ka tiam a che" a rilru kil khata Rose hrereng chung chuan Johna chuan a ti ta a. Kimi pawh dam chiang lo mah se; Johna hi a duh ve èm a, han then èm chu a ngaingam bik lo aniang. An inngaidam thei ta hram a. 

Tei chu zanriah ei tura an rawn koh vangin a chhuk thla chhat chhat a, an ni zawng an neinung bawk a, eirawngbawl pawh a ti ve ngai lem lo. 

"Hei hi a van tui eee.. Tu siam nge" Tei chuan a ti a. Bai tui chu a hawp hraih bawk a, "Saw Mazuali saw.. A che peih sia, a fel reuh khawp mai. " an awmpui lak thar, ni 3 liamtaa rawn awm thar chu a nu chuan a kawk va a. Mazuali chu nula lian lam, hmel pawisawi lo zet a ni a. A tawngtam lo viau bawk. Zanah Puia'n Tei chu a rawn rim a, in chung lamah an chho daih. Mi hausa ho hi chu an lo zalen ve hrim hrim anih dawn hi. Puia haw hnu lawk chuan a lum deuh vangin a intleuh fai zuai a, mut kawr a inbel lai chuan, a room thlanglam tukverh inhawng chu a hmu a, a hawng miah si lo. A room hi in chung berah a awm a, a nuta pa nen an luah a nih deuh ber chu. A room lehlamah a nau room a awm a, an room hual hian balcony a awm vek bawk. Tukverh chu a zu khar a, a taksa pawh a dai deuh ta bawk a, khumah mu chungin phone a khawih mai mai. Current a thim khap a. Inverter a rawn eng mai turah ngaiin an nghak ren rawn a, a rawn eng mai si lo, a phone flashlight on in, in hnuaia inverter lam chu a pan a. Thim hi a ngaina vak lo bawk a. A pa a lo chhuak ve chiah a, mahse, an inverter chu a eng thei tlat lo. A chhia a ni maithei ni. Bati chhit mai tur a awm si lo, lunghnur ru angreng takin a chho leh a, an solar ve lah a u ten an la phei daih a, a thar an la lei si lo. Phone flashlight on vû chung chuan mutthilh a tum a, a let sek mai. A lo muhil sek a ni maithei, thlang lam tukverh in theh hawng thuai chuan a rawn tiharh leh zawk a. A phu chiang kher mai. Tukverh chu zuk chhun eng chungin khar tumin a thu chhuak a, mahse.. 

A flashlight-a a zuk chhun rual chuan tukverh atanga thla eng lo lut zawng zawng nen, tukverh zawn taka lo ding mihring hmel a hmuh chuan a phone a thlauh ta a. A rak nghal tuar bawk. A bak engmah a hre tawh lo. A harh chuan a khumah a lo mu a, a lo eng uar tawh. A nau leh anu leh paten an lo hual taih a. A thil hmuh kha a mitthlaah a rawn lang leh nghal, a tim sawk mai. 

"Ti nge eng nge i hmuh?  Hlauhlawpin i lo tlu reng si a" apa chuan a ti chuar chuar a. 

"Engmah.. Ka mumang a chhe lutuk a" a ti bah niai a. A thlan fim erawh a la bawl tek tek mai. Khua a la var chiah si lo va, a nau chuan a riahpui ta ngawt mai. 

Tei chuan a thil hmuh chu tumah a hrilh hran lo, a mumang te pawh a ni thei. Bakah kha mihring kha chu a thi daih tawh. A chhing vang vang a, tawngtai te pawh a ang deuh. 

Ruthi leh Sangtea chu Ruthi te sofaah an inngheng ar ar a, an video kha chu a rawn thawntu khan engmah a rawn sawi leh ta lem si lo va, an sawi zui ta vak lo. Mahse, a leak ang tih erawh an hlau zek zek thung. Ruthi nu te meeting an lo bang a, Sangtea pawh chu haw turin a intihtuah tan a. An veranda-ah an in muah zeuh a, an inmangtha ta a. Sangtea tlan haw chu an in thlen hma kawng kawi laiah a tlu thal huang mai. A bike khalh chak vang nge thil dang vang… dar 9 vel bawr chiah a la ni a, veivak pawh an la awm nek nek, an rawn pui ta thuai a. A inbeng fai mawlh mawlh a, a rui hauh lo. A thil hmuh kha… kawng kawi a kual lai tak, in leh in inkara ram awl laiah khan Tei hmuh ang chiah mihring lo ding kha a hmu tlat a ni. A inthunun zo ta lo va, a tluk phah ta hial kha a nia. A rawn thawh kana a hawi kual vel pawn a hmu zui leh tawh lo. A tiril a khur der der mai. Mahse, tumah a hrilh duh bik lo. Mitthi tawh hmuh ngawt chu tuman an awihsak a ring lo a niang e. 

A hmaa darthlalangah chuan uluk zetin a inen a, a nui sak. 

"Kan tan tak tak ang" a ti sap a. Amah ko ri a hriat avangin a inthlak sawk sawk a, a chhuak ta a. 

"Khawi maw.. I be leh ni maw? Hei i delete a, in inbe leh tih a hriat reng" kimi chuan Johna ph en chung chuan a ti hlak hlak a. Kha nu rawn lan atang khan an inkar chu a fuh lo chho vek tawh. Johna lah hian Rose zeizia leh a tihnawmzia kha a hai si lo, Rose lahin a rawn be thiam si, a chhang let lo thei thlawt lo a ni. Kimi pawh chu then mai pawi a ti lo hial tawh. A hne ve ta pawh aniang e. 

"He nu hi ka be khawp ang.. " Kimi chuan a ti leh hmarh hmarh a. Kimi pawh hi a hmel chhe lo, duh aiin a cher deuh tih mai a ni. Rose angin a itawm ve vak lo aniang. 

"Kimi, ti miah suh. Biak a ngai lo. Ka be mai ang" 

"Ka be dawn.. Khawi min lo khawih suh. Hmela.. I lerhzia hi" a tap lek lek mai. John hi a duh ve èm bawk a ni. 

"Hello.. ' hmeichhe aw tliang ral hian a rawn ti a. Kimi chuan, "Nang hmeichhe lerh lutuk hian ka bialpa hi rawn be tawh suh aw. Ka bialpa a nih hi.. " a ti nghal tâwn tâwn a. Johna erawh chuan a lu a lo dawm vung vung ringawt. 

"Ni maw.. Hehe.. A duh zawk kan thlantir mai dawn em ni?  Ka bansan thei tawh hleinem" a rawn ti. Kimi chu ter at at tak a ni. 

. " Zawngi, i va zak lo ve. Ka bialpa min tawmpui pawh tih nak alaiin… " 

"Speaker kha on teh" a rawn ti a. Makti deuh chungin a on ve mai a. 

"John.. Hmannia kan inhmuhna hmunah khan ka lo nghak ang che. Kha nu nge keimah.. I thu aw" a rawn ti a. A ri khep a. A dah nghal daih. Kimi thinur lutuk chu a sen vek thei. 

John chu a ding hluai. "Kim, ka kal aw. Min hrethiam rawh. Pawi ka ti lutuk" a ti!  Kimi chu a tap ta. 

"Min hmangaih ve emaw ka lo ti asin. He tiang hi chu ti suh.. Duat.. " a ti tuau a. John chuan pawttu a nei tlat tawh. Kha hmeichhe angchhunga awm nawmzia a hre tawh tlat.. Kimi mittui chuan a hneh zo tlat tawh lo. Pawi erawh a tih ve hmel deuh. Ngawi rengin Kimi chu a kalsan ta a. 

"Min lo nghak rei tawh em? " Johna mitmenga phurna lo lang chu hai rual a ni lo. A hmaa hmeichhe duhawm lutuk chu a melh ngawih ngawih mai. 

"Rei angreng. Ka nghahhlelh vang che aniang.. " a lo ti sap a. 

Rei an titi vak lo. Zu tlem an in a. Nawmna nasa tak tuar dun leh turin nawmna lipui an luhchilh leh ta pap pap mai. Johna thahnemngaihzia chu a rapthlak lek lek zawk. Rose lah chuan zo zetin a lo dawl zel mai bawk a. Hmeichhe danglam tak chu a ni. 

"Rose, kimi kha ka then ta asin. Neih che ka duh a ni. Ka nupui ni rawh" John chuan a ti thàm tuak a. 

"Takzet em? " a mitmeng chu a verther lek lek. 

"Takzet e.. Ka hmangaih che" tiin a hmui sen siah chu a rawn fawp nghal hiam a. 

Mahse, a awm thip zawk chu a zuk melh a, makti zetin a hmaa hmeichhia chu a melh. A awma chemte bur vû chu a zuk melh leh, thisen a rawn chhuak tiam tiam a, a rawn na ta khawp mai. Khumah chuan a let hawl hawl a,. 

"Min en rawh. Min hria em?  John" Rose chuan a ti vawt raih a. John chuan mitmeng sen rûm chungin a han melh. A khur nghal hlawk hlawk bawk. Hmeichhia chu a lo nui sâng thung. 

"Naa.. Nangmah maw.. " a ti hrâwk a. A thaw hrawih hrawih mai. 

"Chiang e.. Keimah mawle.. " tiin Johna awma chemte bur chu a phawi zawk a, Johna a lo rak thawt. Chemtea thisen chu a zut dan dan a, "Ka khawngaih ang che. A hmasa ber i ni bawk a. A awlsam thei ang berin kan ti ang" a tih rual chuan Johna hrawkah chuan a chemte ken chu a zuk vai hrâwk a. Johna hrawk chu a ri nghal bawrh bawrh. Rei a daih ta lo. Thisen nena inchiahpiah nuaiin a nunna a thlah ta. Rose chu a thaw hap a. Bathroomah lutin tui a va herh haw a. Room chhung bungrua te chu a paih darh nuaih a. Darthlalang hmaah a inthlak leh sat sat a. Johna zuk melh leh zawkin room chu a chhuahsan ta a. 

Johna thih dan rapthlak tak chuan Aizawl khawpui a luah hneh rang kher mai. Police pawh an che nghal zung zung a, inrawkna a nih an ring. Mahse, chhui zui ngaihna a vâng hle. Manager chuan, hmeichhe pakhatin room a rawn book a, Johna chu chunu room booka a chhoh thu a sawi a. Inngaizawng an nia a hriat thu pawh a sawi. Hmeichhia chu khawiah nge a kal tak ang?! 

An ru bo a ni thei ang em?  Cctv atanga a lan danin Johna thih lai bawr velah veivak an awm lo va, Zing lam dar 3 velah inchung atanga hmeichhe pakhat rawn chhuk thla chu an hmu thei ta. Mahse, chu nu chu Johna bialnu kha a nih loh thu Manager in a sawi bawk si. A hmel erawh an chhinchhiah a. Rinhlelh a kai lo thei ta chuang lo a ni. 

"Kimi, insum rawh. Johna chu a pawi khawp mai. A mak ka ti eee.. Kha nu khan a that tih a chiang reng.. " tiin Sangtea chu a vei nghut nghut a. Johna ruangthlak zan a ni. Kimi chu a inhnit faih faih reng mai. Rose chu call an tum a, a tlang thei thak lo. Police ho bulah pawh an sawi a, a number pawh an pe. Mahse, A number chu a hmang tawh lo aniang, chhui zui ngaihna a awm thak lo. Mahse, zawn zel erawh an tum. 

Johna thihna chuan a thiante pawh a deng na viau a, Kimi ngat phei chu hnem hleihtheih pawh a ni lo. Johna thih atanga ni 4naah chiah Ruthi leh Sangtea video chu a darh ta hak mai. Ruthi zak lutuk chu a tap reng ringawt. A nu leh pa te lah an zak, a pa phei chuan a beng hial nghe nghe. Sangtea erawh mipa a ni bawk a, Ruthi ang em em chuan a kimki lem lo. 

"Ruth, kan mualpho tho tawh bawk sia, inru mai ang hmiang" tiin a va text ngawt a. 

"Ka pain khawiahmah chhuah a phal lo. Nang phei chu rawn lang rih suh. A haw lutuk che" a rawn ti si. A hui pap mai. 

"Ruth chu a fel ve tehreng nen, SS zirtirtu te kha a ni ve sia. A nasa ee.. A zei zia kha.. Haha" tih te, "Tun lai nula te chu virgin an awm tawh hleinem.. Ruthi phei chu a vawi khat dawhthlakna a nih lohzia kha.. A nei mawi hrep lehnghal" tih te chu veng chhung titi a ni. Ruthi tan chuan khawvel a thim a ni ber. Class pawh a kal ta rih lo. Roomah a tawm tlawk tlawk mai. He thil titu hi tu tak ni ang maw.. Mahse, tumah dem thei niin a inhre lo. 

Puia chu faifuk rût rût chungin a inbual sar sar a. Tei nen an lengchhuak dawn a, a phur viau. Tei hian a dik tak chuan a iai deuh thin tih a hria, mahse, a bulah a tawlh a tawlh bawk a, hmeichhhia leh uite tih ang deuhin tunah chuan a ngaina ve viau tawh tih a hria. A thianpa Johna thihna khan a pawt hnai zual bawk a. Johna a ngaihtuah chuan a lungchhe thut, Johna kha a lerh ve deuh tih lohah chuan mipa tha tak leh thiante tana inpe zo tak a ni asin le.. 

"Te, hei Puia'n a nghak che.. " Anuin a rawn tih chuan, Tei chuan phur takin a kawr chu a ha sawk sawk a. A inchei sawk sawk. A zuk chhuk a. Puia chu mazuali'n thingpui a lo pe mek a, Mazuali hi a fel in a bengvar tlat. 

"U te, thawmhnaw suk tur i nei em?  Ka insu dawn a" a lo ti a. A zakzum tih erawh a hriat. 

"Nei ang, han en lawk mai ta che" a lo ti ve mai a. Tei roomah chuan a chho ta a. 

"Awmpui thar lah hi in nei reng mai a, in sual aniang, awmpui nei rei thei lo chu an sual an ti' Puia chuan a ti fiamthu a. 

"A hma mi khan kutkem a lo nei alawm.. Tuna mi hi chu a fel hmel tawp" a lo ti ve mai a. Thingpui a in zawh chuan an chhuak ta a. 

"Ruthi te chu ka khawngaih ngawt mai. Chung zanwg ai chuan tu nge lo cover tu kha ni ang le" Tei chuan Puia ngheng chung chuan a ti sap a. 

"Ni e,  a mak ka ti. A hma khan Sangtea khan a sawi zauh kha. Johna thih sarhu lai kherin a rawn tlangzarh leh bawk sia, he thil titu hi ka hre chak khawp mai" Puia pawh chuan a lo ti ve a. Thil dang sawi pah zelin an in hnaih hrat hrat a, "Inngaizawng nghet ni tawh ila ka duh" Puia chuan a ti hlawl a. Tei a lo nui. 

"Ania lawm..hetia ni leh ni lo inkara awm reng hi ka ning" a ti leh a. Tei chuan Puia hmuia han muah zauh pahin, "Tikhan" a ti sap a. Puia chu a hlim kher mai. Tei chu a fawp a, duhthawh takin. Mahsw, sex erawh an hmang lo. 

"John, ka va ngai che em.. Khami zan khan lo zui ve che ila chuan tunah pawh i la dam tur.. Kei chuan ka ngaidam vek che sin.. " Kimi chuan lukhama hmai phumin a ti sep sep a. A mit a sen râm mai. Rose number kha a la dial ngat ngat thin. Mahse, a tlang thei lo. Man vat se, a hmaia ben thuai tluka chak a nei lo. Johna nena an hlim dun lai te a ngaihtuah kir a,a tawpah a tap leh dawn tih hre mah se, chu chu nuam a tih ber a ni rih si a. 

Tei rak tuar tuar thawm chu hriain a nau chuan a u room chu a va kik vak vak a, a kal tlat si a. 

"Tu nge i nih?  Nangmah i ni lo.. I thi tawh.. Min lo hnaih suh" Tei chu a au tuar tuar mai. 

"U, kawngka hi lo hawng rawh.. U.. " tiin a nau chu a lo au ve bawk a. A nute pawh an rawn chho ve. Room kawngka chu an tichhe ta tawp a. An va luh nak chuan, Tei chu chhuatah a lo thingthi a, thlanglam tukverh inhawng chu a lo melh ngawt ngawt a. A hmel lan dan chu a rapawm lek lek, a meng sen rûm a. A sam lah a hai thur vek bawk si. A pa chuan a kuah tho a, a khur zawih zawih mai. Tukverh chu a nau chuan a va khar a, tun hnaia a u awmdan hi a hlau riau. A ti ve hru mai. Mahse, mipa a nia, hlau anga lan chu a hreh ve si. 

. "Bawihi, i harh em?  Hei.. Min en teh.. I harh em? " anu chuan a be mawlh mawlh a. A meng kuau naa, tumah a hmu miah lo niawm takin a mit a khap eih lo va, a melh ngai a melh ngawt ngawt ringawt. Damdawiinah an hruai ta ngawt kha a nia. A tukah a thiante an rawn lang nghal sap sap. Ruthu erawh a la tawmîm rih. Chanchin erawh a hre ve tho a, Tei chu a ngaihtuah ve hle. Mahse,  achhuak ngam ngang si lo. Tei pawh a rawn harh ta deuh a. A la tawng duh chuang lo. Cabinah an dah lut a, a thianten an kil thap. 

"Eng nge maw tak hlauh a nei a, a hlauhna sawn a thluak a fan hial anih saw.. Awm hahdam se, a tha leh mai ang" tih chu Doctor thusawi a ni. Hlauhna… ni e, nasa taka hlauhna.. Chu hlauhna chu eng nge ni ta ang?  

"Te, tawng teh. Eng nge i hmuh? " tiin Kimi chuan a thiannu a han bia a. A mit a khap fak fak ringawt. Chawhnu her a ni dawn tawh a, An awmpuinu Mazuali chuan thawmhnaw leh puan sin tur te a rawn keng a, Tei thiante pawn hawn an tum hnai tawh a. An dam lo kan lah a ngawi reng si, Puia rilru erawh a hah uchuak bik. Nimin lawkah hlim takin an leng dun kha a ni sia. An hlim ve tan dawn chiah a, hetia Tei a awm hi a ngaithiam vak lo. 

"U te, bawnhnute ka lo ken che a, in rawh aw" Mazuali chuan a ti a. Tei chu a zuk kuah a. 

"Mazual, nizan khan i hmu ve tiraw? Kha nu kha" a rawn ti chhuak ta hlawl mai. A thiante leh mazuali te chu an phawk kher mai. 

"Tu maw.. Tu chu maw" Mazuali chuan a lo ti vat a. 

"Ka room thlanglam tukverh atanga a rawn luh lai kha i hmu ve lo maw.. A va mak tak. I hmu ang" Tei aw chu a fiah viau naa, a thusawi chu a buh deuh. 

"Tu nge le.. U te, sawi chiang teh, tu nge i roomah khan lo lut.. Mawh" Mazuali chuan a ti mawlh mawlh a. 

"Movie ka en a, ka va zun zawk hlanin tukverh a lo inhawng a, ka room light a off a, a rawn lut anih kha.. Kha nu kha.. A thi daih tawh sia, mahse,  amah ngei a ni. Hman zanah pawh ka hmu tawh. Min rawn pan a, ka rak vak vak a. Ka hmai bul chetah a rawn thu a, min melh kuau a.. Chuan.. A thim vek.. Engmah ka hre tawh lo" Tei chu a khur hlawk hlawk a. An chelh bet a, Sangtea chu nurse ko turin a chhuak nghal. 

Mazuali chu a mangan hmel kher mai. "Tu nge chu nu chu.. " a lo ti a. Kimi leh Puia chu an in melh ralh. Tei erawh khumah a mu thla leh a, a mit a chhing leh tawh. 

Nurse in a han en vel chuan a that lohna em em a hre lo va, hawnsan tawh turin a thiante chu a hrilh a. 

"U pui, Tu nge u tein a sawi kha le.." Mazuali chuan an chhuah dawn chuan a rawn ti a. An ding chawt hlawm. 

"I hre ve lo vang. A hming chu Lucy a nia" Puia chuan a ti ta a. An chhuak ta nghal a. Mazuali hrilhhai hmel chu tuman an hmu lo. 

"Hman zan Ruthi te in atanga ka hawn khan ka hmu tawh alawm.. Kei pawn. A mak ka ti hle a ni. " Sangtea chuan a ti sup a. Kimi chu a lo îp chawih. 

"A thi tawh alawm.. A thih atangin kum khat dawn a liam tawh a. Thil ni thei a ni lo" Puia chuan a ti tak naa, a ngaih erawh a tha mawlh lo. A bialnu Tei avang pawh a ni pakhat. Kimi erawh a ngawi reng. Johna thihna a la rei lo va, tunah a thiannu a buai leh tawh. A ngaibtuahna a vak thui kher mai. 

"Mazual, zuk haw tawh rawh. I pu khan a damdawi kha a ei theihnghilh ang e aw" Tei nu chuan Mazuali hnenah chuan a ti a. Mazuali pawh a chhuak zui nghal. Apu leh Tei nau Mama te nen chauh chaw an ei a, chaw ei khamah Mama'n chaw a han pe a. Mazuali erawh a roomah a tawm nghal char char. 

Tei nu chu Dar 9 a rik meuh chuan a mut a chhuak ta hle mai. Tei pawh a muhil chiah chiah a. Eng em a ti lo vang chu tiin a muhil ve ta bawrh bawrh a. Zawitea kawngka inhawng ri chu a ni mumamg rama cheng tan chuan hriat ngaihna a awm lo. Tei chuan a chala kut vawt angreng taka rawn dektu chu a nu anih ringin a han melh chho a.. A meng phawk nghal hru mai. "Ti nge a tlai tawh sia" a ti tham tiak a. A mut a la chhuak bawk si. A lungawi vak lo. 

"Tei, ngun takin min en rawh.. " tiin lehlam a hawi a, a hmai chu a chul thuak ni maiin a lang. A rawn hawi leh chuan Tei chu a rak thawt. Mahse, a nu chu a harh eih lo. Rang takin a hmui a rawn hup a, a hmuiah a kutzungchal a dah nghal zat. Tei thlabar hmel chu a dâng nghal sâwp sâwp mai. 

"Ka that dawn che a. Mahse, Johna ai kha chuan a nuam deuh turah ngai ang" tiin Syringe a rawn lek chhuak a, Tei drip khai lai mek, zo lek lek tawhah chuan a kap lut ta a. Tei chet tum chu hneh zetin a chelh bet nghal. Tei chu a thaw hrâwp hrâwp a. A meng pual nghal awrh awrh bawk. Damdawiina a kawchhung a fan chhuah hnu chuan meng kuau chungin a thlarau a thlah ve ta. 

"Pahnihna" a ti sap a. A kawr chu a pawt mar a. Zawi tein a chhuak leh ta nghal a. Ward pakhat atanga mipa patling deuh lek lek rawn chhuak nen an insu thelh a, "Nurse, ka fapa saw a khua asik leh vak a. Khawngaihin min lo ensak lawk mai teh a" a ti a. Nelawm taka nui chungin, "Mi zai lai kan nei a, Doctorin min tir a, saw laiah sawn va kal la, duty an lo awm ang" a ti a. Chupa chuan lawmthu a sawi sap. 

Tei nu tap thawm chu a ring kher mai. Dam tha reng, a taksa chau satliah mai anga ngaih kha a thi ta mai chu a ni si a. Doctor te pawh an hrilhhai kher mai. Tei nu chu a inthiam lo em em a, amah vanga a fanu chu thi niin a ngai a, a tap bang hleithei lo a ni e. Tei thiante pawh an rawn lang a, Ruthi pawh a rawn kal. A thiannu ruang chu a bawh a, a tap zawih zawih mai. Johna a ni a, Tei a ni leh a. Tumah chu an awm a nuam thei tawh lo. Kha hmeichhia kha Sangtea leh Tein an hmu bawk si. Thil tam tak an ngaihtuah a. An ngaih a ngam mawlh lo a ni e. Puia chu a â lek lek mai. Kimi chuan a hnem thei ber. Mipa e ti lo chuan a tap fup fup reng mai. A khawngaihthlak viau. A awm ve bawk e. 

"Inru mai ang.. Kan mualpho vek tawh tho" Sangtea chuan a ti a. Ruthi chu a ngawi reng. A rilru a buai angreng. Dik tak chuan Sangtea hi a hmangaih em pawh a hre chiah lo, an laklawh tawh a, sex an hman tak foah chuan a thlah hleithei bik lo a ni ber. Tunah lah an video vangin an lar em em si. Tuman nupuia an neih duh pawh a ring tawh lo. Kawng dang neiin a inhre ta bik lo a ni ngei ang. Sangtea chu zui mai a hnial ta lo. Sangtea bike chuan an inphur chhuak ta kha a ni a. Tei thihna vang khan an ti hru tawh a ni ber. Sangtea te in an thlen chuan an lo mu tawh a, Sangtea roomah an chhuk nghal a. A room hi in hnuaiah a awm a ni. Inru e ti lo chuan an phur fahran lo hle. Sex hman chakna pawh an nei lo. Sangtea chhungte kaihthawh chu tul kherin an hre lo. Zingah an hre ve mai ang chu. 

"Sang, harh teh. Chu thawm chu i hre ve em? "Ruth chuan a ti sar sar a. Sangtea chu a rum tuah tuah ringawt. Ruthi chuan thinphu dup dup chungin Sangtea room hnunglama an store rooma thawm ri rek rek chu a ngaithla kar a. Sazu mai mai a nih rin a duh kher mai. A lo muhil ve sek aniang, kut vawt thlur hian a ke a rawn khawih a, a harh nghal kâwk!  Sangtea lam a hawi a, a lo awm miah lo. A thu chhuak a. Room lai takah chuan Sangtea chu chair-ah phuar behin a lo thu a. Au chhuah a tum rual chuan a ka chu a rawn hup nghal hmiah. Hlauh nen hamhaih nen, a thaw a rang kher mai. Sangtea chuan a rawn melh a, a mitmenga hlauhna chu a nasa kher mai. A hmui huptu chu thei leh thei lo vin a han melh tawk tawk a. A mitmeng chu a phawk takmeuh a ni. A hlauh ruk ang ngei khan  maw.. 

Ruthi samah chuan thamin, "I au rualin i bialpa saw a thi nghal ang" a ti vawt raih a. Sangtea ke bulah a hnuk thlu tawp. Ruthi thlabar lutuk chuan au nachang a hre kher lo vang. 

"I thi tawh sia" a ti nawk nawk a. 

"Ka thi tawh. Ni e, ka thi tawh alawm" a aw chu a chang rât mai. 

Sakawrbakcheh a rawn lek chhuak a, Ruthi chu hnai taka melh chungin rapawm zetin a nui sáng bawk. 

"Hmeichhia i ni bawk a. Na tuar rei lo turin aw" a ti sap a, Ruthi hamhaih buai lai takin a hrawk hrawlah tak chuan sakawrbakcheh zum lai tak chuan a chhun pâwk mai, thisen a rawn chik zuai zuai mai. Sangtea au chhuak thei lo mangang tal vel chu a ri khat khat a. Engahmah ngai lo niawm takin Ruthi hrawka a chhunna chu a phawi a, a mit dinglamah tak a chhun leh thawih mai. Ruthi chu a chatthla chiang teh e. 

"Tunah chuan nangmah.. "Tiin a rawn melh dur ham a. Sangtea te store room atanga a rawn lak nge hriat ni suh.. Chempui hriam hmel zet chu khum mawng atangin a la chhuak a, Sangtean a mitmenga khawngaih a dil ngawih ngawihna chu ngaipawimawh lo zetin a nghawng chu a theihtawpa nain a sat ta chhawk mai, a lu chu a chhum lo chauh a, vun chhiain a dang der der… 

"Pahnih chauh an bang ta" a ti sap a. A chhuak ta nghal a. 

Nupa tuak thar ti mai ang, inru thar te thih dan rapthlak zet chuan zoram khawvel a deng chhuak leh ta. Zeldin thu hrangnhrang a rawn chhuak bawk. An ruang chu hmuh a hrehawm em vangin an thla laksak pawh an phal lo. Mipui tam zawk chu hlauhnain a tuam a ni ber. An thianho an thih zel avangin phuba lakna a nih ring an tam hle. A la dam chhun Kimi leh Puia lah an ngawi reng si. An â lo chauh zawk a ni. Ruthi te ruang an hmuh lehzel takah chuan Kimi phei chu a sahal a ni ber. 

"Police te bulah engkim sawi mai ang. Chuan min veng thei anga" Kimi chuan a ti a. A tap pur tawh. 

"Jailah kan tang dawn asin" Puia chuan a lo ti hmuk a. Mahse, a ngaihtuahna erawh a kal thui kher mai. Police te pawn an ko ve ve a, thu tam tak an zawt. Hmelma an neih leh neih loh te.. An sawi ngam teuh si lo. Johna thattu Rose bawk kha a nih an rin thu an sawi. Kha nu lah kha a hmel a rawn inlan duh tawh malèk a. Police ho lu pawh a hai mep mep khawp mai. Thil rapthlak tak a thleng mek si a. 

Sangtea leh Ruthi te thih atanga kar thumna chiah a ni. Puia chuan Kimi hnen atangin msg a dawng a. A hmanhmawhthlak viau. 

"Pui, hmanhmawh takin Ruthi te huanah lo kal rawh.. Vat" tih chu. A ringhlel a, kimi number ngei a ni si. Police hrilh te a duh hial a, mahse, thil dang daih te a lo nih chuan tiin a hrilh ta lo. Lo hrilh se a him maithei si a. Ruthi te huanah chuan hmanhmawh takin a tlan thla a. An thianho nawmchenna hmun kha a ni miau a, a kawng pawh a bel viau. 

Huan enkawltu te hmuh tur an awm lo. A reh thap. Kimi chu a call a, a pick up thei miah lo. "Kimi.. Kimi" tia a auh nghek nghek lai chuan, a tukhum a ri dawp. A thim zui vek. Engmah a hre ta lo. A harh leh chuan a malpui chu a lo thler duai mai. Hnuh hrep niawm takin a taksa chu na lo lai reng a awm lo. Huan mawnga tanky nghengin a thu tih a inhria. Khua chu a thim lek lek tawh a, ke pen ri a hre ta. 

A hmaah chuan a rawn thu a. A rim chu hmana a rim ang chiah kha a ni. 

"Nang hi maw.. I thi tawh a ni lawm ni..? " tiin a riak nawk nawk a. 

"Umm ka thi tawh alawm.. I thi ve dawn bawk" a lo ti sak. A hreite ken chu a vaivir a, a malpuiah a rawn rap bawk. A rak thawt. Mahse, a rak rei lo. Vawi leh khatah a hreite ken chu a rawn vir zawk a. A bek ding lamah a bur chat. Puia chu a tlu ta hnawk a. Che zui tur a awm ta lo. 

Kimi chuan mangang takin a phone a zawng a. Vawiina a kalna a ngaihtuah, anu nen an bazar a, Hawn lamah Tei te inah an peng zuai. Tei nuin a lo tah khum leh anih kha.. Rei pawh an awm lo. An chhuak a, an in lam an pan leh nghal mai kha a nia. Tu chuan nge maw lo ru ni. Anu phone atangin a dial leh a, a lo la mial. Phur zetin hello a ti vat a. 

"Ee.. I phone. ani maw.. Lo lam mai ta che.. E lawk khawi venga nge in awm? " lehlam ami chuan a rawn ti a. A sawi a. 

"Ka lo kal dawn alawm.. Ih, Kha taxi stand piaha tuikhur hlui awmnaah khan ka lo awm ang, dar 8 velah aw" a rawn ti a. Kimi pawh a hlim ve leh deuh. A phoneah kha document pawimawh a dah tam si. A ui ve a ni. 

Kha nu sawina hmun kha a pan a, an in thlang lawk a ni bawk a, amahin a kal. A unaute an leng vek sia, hruai tur a nei lo ve bawk a ni. A zuk thlen chuan amah hnungchhawn zawngin hmeichhe pakhat a lo ding a, a aw thian kharh a, a rawn inher a. 

"Ehe, mazual, nangmah maw.. Engtin nge kan hriat loh theih? " tiin Tei te awmpu nula chu a be hlut a. 

"U kim, nangmah i ni tih ka hre lo reng reng. A van mak… kha.. " tiin phone chu a pe a. Kimi chuan lawmthu a sawi a, kal leh mai a tum a. 

"U kim, i thiante thattu hi ka hria sin" a rawn ti sap a. Kimi chu a ding chawt. 

"Tu nge? " tiin a inher nghal a. Mazuali chu a va en a. A tawlh kir dawrh… "keimah" tiin a rawn nuih a. "Nang.. Nangmah hi maw.. Engtin nge.. " a ti bah naawk nawk a. 

A rak tuar a, a hmalamah a tlan nghal. Mahse, a tlai hret. Silai puak ri a hriat rual chuan a tukhum chu thil rit takin a rawn deng dawt.. A bawkkhup ta thlawrh a. Chulai hnaia lo awm ve te chuan chung hmeichhe pahnih te che tla lai chu an hmu vek. Silai hial a puah takah chuan an buai ta nuaih a. Silai kaptu chuan a silai paihin rang takin a tlan nghal. Tlema a fingvar deuhte chuan an umzui a, a tlanchak kher mai. An au ruai ruai hlawm a.. "Kha tualthattu… lo man ru… " tiin an au chul a. Insak lai  lian tak hnuaiah a tlan lut a, an umzui zel. Mahse, an hmu zo tawh miah lo mawle.. A mak hle mai. 

"Mami, he lamah hian hmeichhia rawn tlan i hmu em? " tiin pavalai pahnih chuan thaw hlawp hlawpin, Mazuali chu an bia a. 

"Aw.. Min rawn su thawi thuak lehnghal… eng nge thleng ka pu" a lo ti chul a. 

"Tualthattu a nih kha" ti chungin an tlan zui nghal. 

Mazuali chu an inah a lut a. "Pi, Ukimi kha an that.. A thi" tiin a pi tv en lai chu a zuk hrilh a. Phawk zetin a rawn hawi chhuak. 

"Chuan, naktukah ka chhuak dawn.. Pi, tualthattu khan min hria a ni. Ukimi a that lai ka hmu.. Min thah a tum.. Ka haw dawn.. Ka rawn kir leh ang". ati bah nuaih a. 

"Mazual, hahdam phawt teh.. A that ve lo vang che. An man tep tawh ang. Thil awmzia sawi teh" apu chuan a lo ti a. 

"U kimi kha a phone ka pe a, a kal nghal a, mahse, dawr a pel chiah tihin kha nu khan a kap a ni. Ka hmu chiang lutuk. Mahse, inhnamhnawih ka duh lo. Tunah pawh ka rawn tlanchhe haw a nih hi" mazuali chu a thaw hlawp hlawp a. 

"Va mu hahdam phawt teh.. " api chuan a ti a. 

Zing lam dar 4 a ri chiah. A thawmhnaw chu a pack fel a, a bag lian vak lo chu akin, kawngka chu a hawng a. 

"Tun atang chuan tuman Mazuali an hmu leh tawh lo vang" a ti sap a. 

Thlan lunga hming inziak chu a melh ngawt ngawt a. 

"Lucy Ramthansiami- kum 19" 

"Û, thlamuang takin chawl tawh rawh aw.. " a ti sap a. 

HMANAH CHUAN.. 

"Hey, Sophia, nangmah i ni.. I ropui e" tia a thianpa Lyngdoh in a phone. a rawn entir chuan a phu chiang kher mai. 

"Hey, bro, hei hi khawia mi nge?" A ti a. 

"Mizo porn site pakhata ka hmuh anih kha.. Nangmah tiraw?  " a ti leh a. A thiannu chu a en chîk ngang mai. 

"Ni lo, keimah ka ni lo" a ti zawi raih a. Video chu a in send a. A thianpa biakna pawh ngaihven lem lo vin a kal daih. Inah chuan ngunthluk takim video chu a en tha leh a. Hmeichhia ama hmel ang chiah chiah leh mipa a hmel lang thei lo chet dan a ni. A private part engkim zawng zawng a lang a, nuam ti hmel a pu bawk. Tin, a hlim hmel viau bawk. Amah emaw a inti ve tep. Mahse, a bialpa thi ta Jason chauhin a la khawih. Tin, mizoram lam ami te an nih hmel a. Vawikhatmah Mizoramah a la kal lo. Mahse, mizo erawh a ni. A nu leh pa te chuan amah chiah fa an nei a, duat theihtawpin an duat bawk. Ngaihtuahna mak pui pui a nei a. Kum 18 a tlin kumah apa khan adopted a nih thu a hrilh anih kha. Anih chuan he hmeichhia hi a unaunu a ni thei mai ang em?  A nute a hrilh a ngai tih a hria. 

"Hnuchham in atanga lak che i ni lo. Ka cousin Doctor Ramtea hian urgent takin min lo call a, a rang arangin Mizoramah kan chho nghal. Nu pakhatin fanu phir a hrin thu leh amah chu raicheha a thih nghal thu a lo sawi a. A fate chu a nu û mipa in a enkawl dawn thu te a sawi. Remruatna kan nei ta a, I nu û, i putea chu kan bia a, an khawsak a san bik loh vangin naute pakhat zawk lak chu a lo remti ve mai a. Dan lo ang deuhin kan la ta mai che a ni. I unaunu erawh i putea khan a la awmpui ka ring.. " tia a pain a sawi dap dap lai chuan, thinlung tâwt teuhin a lo inhumruh a. 

Sophia hi a tet lai atanga naupang duhawm chungchuang, vun paw phek mai. Hmel tha em em a ni. An hausa a, a duh duh a nei thei. Shillongah seilianin mizo tawng erawh a hmang thung. A lo thanglian zel a, Jason a tawng a. Khasi a ni. An induh tawn a, sex hial an hmang. Mahse, an rilru thianghlim zet avang chuan thil sual an ti tih pawh an ngaihtuah thiam lo. Kum 3 zet an inzui hnuah Jason chu brain tumor vangin a boral a. Sophia chu a â lo chauh a ni. Nula puitling a la ni lo bawk nen. Ngaihzawng a ngaihsak zui ta lo. Lehkha a thiam a, apa in a line duhzawng lama a kal a phalsak bawk. Mi eng emaw tak nih tumin zirna chauh chu a buaipui ta kha a nia. Mahse, a la ngaihtuah phak ngai reng reng loh boruak danglam takin a rawn nangching ta si a. 

A unaunu chu zawn chhuah ngei a duh tlat!  Ani dinhmun tha leh sang taka a awm laia, mi hur ang maia a unaunu a awm chu a ngaithiam thei lo. Harsatna eng emaw tak a tawk anih a ring a. Unau neih a chak em em pawh a ziaawm tawh ang chu. Apa phalna lain a unaunu a hmuh phawt chuan helama awm tura hruai thlak a tum hial a ni. Mahse, zawn chhuah chu a lo awlai teh chiam lo. Mizoramah a kal mai thei bik si lo. A thian mizo Rini puihna nen social media an hmang tangkai ta a. Rini chuan engtin tin emaw a unaunu biak pawh theih dan a hre ta hlauh mai le.. A va hlim tak. 

"Hello" rawn titu aw chu a thám lek lek,. 

"Ahh. Hello, khawngaihin hun min pe thei ang em? Biak lawk che ka duh a" a ti a. 

"Aw sawi la" a nelawm vak loh. A video vang khan a rilru a hrehawm a ni maithei. 

"Englo ania. Shillong atangin.. Sophia ka nia. I video kha ka lo hmu a, ka thlalak ka rawn thawn anga, ka lo biak chhan che i hre mai ang" a ti ta zawk a. A thlalak chu a va thawn nghal. 

"Eng nge awmzia" a rawn ti hû a. 

"Nang leh kei hi unau phir kan ni. Kei chu tuna ka nute hian kan pian hlimin min la nghal a, nang erawh ka nu u ka putean a enkawl ta che a ni.. A dik em? " 

"Ka putea te bulah chuan ka awm chiang a.. A va mak ve.. Engmah min hrilh ngai si lo va" 

"Nia, kei pawn i video ka hmuh atang chiahin ka hria alawm.. " 

A unaunu hming chu Lucy a ni tih a hre ta. An unau chuan an inbe ta reng a, thil tam tak an sawi dun. Inhmuh an duh a, zirna avangin an la thei mai si lo. Lucy chuan thil zawng zawng sawi lo mah se; a putea te bulah chuan a nuamsa tehchiam lo tih Sophia chuan a hrethiam. Mahse, a zawt lui duh bik lo. 

A video chungchang erawh zawh ngei a duh. Inthlahrung takin a zawt ta nge nge a. 

" Ni e, Sof, ka vanduai a ni. Lo lang lo phei la chuan ka thi tawh ang. Tunah hian thuruk tam tak ka sawi dawn a. Nakinah ka lo thi anih pawhin thudik hi min la hailansak ngei ka beisei. 

Kum 6 vel ka nih atangin ka piteii tihduhdahna ka tawk tawh a, fa pathum an nei a, bawnghnute an chawm laiin dal ka chawm thin. Sa kan hmeh pawn hrang khat bak ka ei ve ngai lo. Putea chu a sual hauh lo, mahse, an nu a hlau. A tirah chuan an fa emaw ka inti ve tho a, mahse, a rei a, ka lian chho ve tial tial a, ka hrethiam chho ta a. Mi chuang mai ka nihna chuan mahni inkhawngaihna min neihtir nasa thin. Kum 12 ka nih lai hian piteii nau pathlawi a lo zin a. A hawn dawn zanah chuan piteii te chu mitthi ralin an kal daih a, naupang ho chauh kan awm. Chutah chuan piteii nau chuan min pawngsual ta a ni. Thanthi ka la nei lo va, ka hlau em em a. Min vau bawk avangin engmah ka sawi ngam lo. A hnua a rawn zin leh pawn min khawih ta fô a, Ka tuar thei ngang lo va, putea ka hrilh ta a. An inhau ta hrep, mahse, FIR erawh kan thehlut lo. Chhungkua kan mualpho zel dawn tiin. Khata tang khan piteii chu a tawrhhlelhawm lehzual ta a. 

"I hurherh vang a nih kha.. Nangman i zir a niang" tih te chu a tawng duh dan a ni. "I nu hian a hriatchian loh fa a pai ngam a nia, nang pawh i nu i chhun a nih hi" a ti thin bawk. Ka nu chu a hmel pawh ka hre lo. Ngaih vak ngaihna pawh ka hre hek lo. 

Kha misualpa min khawihna vang nge ka khawlo chho ta a. Thanthi ka nei chho a, mipat hmeichhiatna lamah ka chak lo ta tlat mai. Ka theihtawpin ka insûm ve thin. Bialpa pawh ka nei ngam lawk lo. Putean sum a thawk chhuak miau a, zirna erawh ka la chhunzawm ve thei zel. Lehkha ka thiam thei a, putea fate aiin ka pass tha zawk ziah a. Putea pawh a lawm ve thin khawp mai. 

Higher ka kal laiin bialpa ka nei ve ta a. Mipat hmeichhiatnaah kan tlu nghal. Ka chak tawk tlat lo a ni. Mahse, rei tak kan inzui ve tho. Kan hman zin deuh vangin ka rai ta hial a. Putean duk vek khawpin min hlap. Piteii pawn chhuatah min hnuk kual a ni. Tah pawh ka tap ngam lo. Putea chuan doctor min pan pui a, ka naupai chu an titla ta a. Class xii pawh ka pass ve leh mai. Mi hur anga ka inngaih tlatna chuan pawisak min neihtir hleithei ta lo va, ngaihzawng ni si lo va mipa in khawihtir mai te chu ka hrat chho ta a. Nau titla tawh ka lo ni bawk nen. Pawisak ka nei ta vak lo. 

College ka kal a. Tihtakzeta hmangaih ka tawng ta a ni. Nula puitling ang ka lo ni ve tawh bawk a, ka piteii pawn min tiduhdah lutuk tawh lo. Ka tha a chhawr ve èm a. Ka tel lo chuan an khawsa thei tawh lo a ni ber. Ka hah hle naa, vui ka duh lo. An ni lo min enkawltu ka nei chuang si lo va. 

Ka hmangaih ka tih kha Sangtea a ni a, kan senior a ni a. A hmel tha a, kan collegeah chuan a lar ve angreng. Ka atchilh a ni ber. Kha pa ka tawn atang khan ka sual pawh ka sim ti mai ang. Han fawr kual vel pawh ka ti ngai tawh lo. Zah pawh dawn lo vin ka va be tawp a. Min chhang tha ve tho mai. Tichuan, kan inhre pawp tan a, Ka lo hmel chhe bik lo nen. Kan ni chho ta a. Mahse, college ah chuan kan inzui ngai lo. Sangtea chu kha video-a mipa kha a ni nghe nghe. Ka inchhir lo va, hmeichhiain mipa a hmangaih theih dan zawng zawngin ka hmangaih a ni tawp. Video kha a ma lak a ni a, a phone a chhiat vangin a siamtir a, chuta tanga lo darh chu a ni. Mahse, ka hmangaih em vangin ka haw lo. Tunah pawh kan la inbe reng. Class ka kal that loh vangin kan inhmu thei ta vak lo zawk a ni" Lucy msg chu vawi 5 lai a chhiar chhuak. A piteii chu a lo ral khat ngei ve kher mai. A u chu a khawngaih takzet. 

"Exam zo i la, ka lo hruai ang che. Hetah awm rawh aw" a ti ta tawp a. 

"Putea hian a phal pawh ka ring lo. Mahse, kei chuan pawi ka ti lo. Sangtea erawh ka ngai viau ang" a rawn ti a. Sangtea thlalak te a rawn thawn a. Sophia hmel tha tih chi a ni ve vak lo. A u chu a vei ta bur mai. Hmuh thuai thuai a chak a, a ngai a. A thlahlel ngawih ngawih. Mal khalh a ni rei tawh a, laizawn neih a chak thin. Thuruk te pawh a nei ve a, a thian te chu a ring zo tak tak si lo. Tunah chuan Lucy vangin dam nuam a ti thar a, exam zawh a chak tawh ngang mai. 

An exam zo va, Mizorama chho mai thei dinhmuna an din lai mekin apa lung tha lo a chhuak ta tlat. AIMS ah an zu hruai leh rih a. Apa chu rin aiin a lo na a, an cham rei ta hle. Lucy nen an la inbe reng tho. An ni pawh exam an zo ve tawh a. 

Apa chu a zia deuh dawna an ngaih laiin a rawn zual leh thut zel a. Rilru a buai hle. Thawhlehni zan a ni a. Apa khum bulah thuin magazine a chhiar a. A phone a rawn ri tlang tlang, Lucy a lo ni. 

"Mate, ka nau, i û hi mihring ka tling zo dawn ta lo. Ka tih loh chuan kawng dang ka nei ta lo. Ka kehsawm vek a ni e. Ka thlarau phuba hi i lo la ngei tur ani. Eng vang nge?  Eng nge a chhan tih chu mizorama i lo kal hunah Ka putea te in sir dinglam Forget me not hnuaiah lei i hai anga, chutah chuan a lo awm ang… min ngai dam ang che. Ka hmangaih che.. " a rawn ti hrâwp hrâwp a. A dah nghal daih. Sophia chiai lutuk chu a ding reng ringawt. A harh chhuak thut a, a call leh nghal. Switch off! 

Chumi hnu darkar khat vel a liam hnuah nula pakhat chu an bathroomah inawkhluma hmuh a nih thu whatsapp news groupah a hmu ta. Lucy chu.. 

A phone a thlauh tawp. A nuin a rawn bawihsawm nghal vat. Tah pawh a tap thei lo. A melh ngai a melh ngawt ngawt ringawt. Vawi tam tak a lo suangtuah thin, a damchhan ang hiala a lo neih tawh a thisen zawmpui awmchhun, a lai zawn neih chhun chu he khawvelah a awm ve ta lo. A kal tawh. Lucy a thi tawh. 

Apa a dam fel a, an haw chho a. A tawng ngai mang lo. Anu te chuan an hrethiam em em. Lainat takin an thlir vawng vawng thin. Shillonga ni 4 an awm hnuah Mizorama chho turin a insiam ta a. Tuman an dang ngam lo. A vawikhat nan Mizoram leilung a rawn rap ta a. Lucy khan Mizoramah a tha lo zawnga vawi hnih a lar hat tawh vangin a hmel chu a thup hram hram a. Hotel fianrial takah innghatin.. Lucy address pek, a putea te in lama kal turin a insiam a. In chu a hlui tawh angreng, an khawsak a sang vak lo tih pawh a hriat. Inah chuan a lut ta lo mai. Lucy sawina hmun forget me not bulah chuan a ding ran a. Zan rei nghah a ngai tih a hria. A chhaka dawr pakhat phenah a nghak ta ngat ngat a. Dar 1 bawr velah a chhuk ta them them a. Lei chu a lai a, thuk vak lo vah, lehkhazial leh saranga intuam thlalak tam vak lo a lo awm a. A la a. A thlenna lam a pan leh ta vang vang a. 

Khumah muangchangin lehkhazial chu a pharh a, a chhiar ta. 

"Sangtea min sawm angin an huana kal turin ka insiam a, a thianteho pawh an tel ve. An huan chu a nuam khawp mai. Zu an rawn phawrh a, ka in lohna a rei tawh viau naa Sangtean min nawr ve nasa sia, ka in ve ta mai. No 2 ka in chuan ka rui ta der mai a. Tuikhuah thlanga in lian pangngai takah chuan kan chhuk thla a. Fiamthu te thawhin kan nui bawk bawk hlawm a. 

Sangtea chuan min rawn kuah thlawp a. Min fawp a, a thiante an awm ve vek si, ka lo nam kiang a, a pawisa der lo. Min khawih lui zel a. Ka lo rui ve deuh tawh nen. Ka dawh ve tawp. Min phelh ruak titih ta mai a. "Sangte, a chi loh.. Hetah chuan" ka tih pawn "A ho lutuk an ti ve vek dawn alawm.. " a ti tlat a. A sawi ang khan a thiante pawh an infawp ve ngawng ngawng hlawm a. Chhuatah min bawh thlu a, a thiante awm lai reng chuan sex min hmanpui ta a ni. A thiante chuan kan thla min lo laksak char char. Ka zak ve lutuk,. Sangtea chu a zo a. A inha tha a. 

"Lucy, tun atang chuan ka nun atangin kal bo tawh ang che. I kal bo lo anih chuan, tuna kan video kha kan tlangzarh leh anga, dam nuam i ti miah lo vang" a ti ta mai a. Thei leh thei lo vin ka tho a, ka thawmhnaw hak ka tum a, a lo awm miah lo. 

Ruthi hi ka hmaah arawn ding a, "Tikhan i mawi zawk.. Sangtea hi ka ta chauh a ni. I ngaihzawn lai pawh khan ka hre vek. Kei man play rawh ka tih vangin a play ve mai mai che anih kha.. Thil danglam, phurna tur thil ka mamawh a.. Haha.. Mak i va ti awm ve" a ti ta a. Ka darh lo chauh. 

Saruaka ka ding chu ka thla an la leh mawlh mawlh a. "Khawngaihin ka thawmhnaw min pe rawh u.. " ka ti a. Ka tap titih. 

. "Phu tawk hriat tur. Kan hriatna che a rei tawh, mi nasa, hur ve thawkhat tak i ni tih chu.. Vawiinah hian i kham khawp hnawk an pe ang che. Kan phal vek" Kimi chuan a lo ti ve bawk a. Tei erawh a tawng ve lo. Tichuan, mipa pathum Sangtea, Johna leh Puia te chuan min rawn hnaih ta a. Zu an in belh leh theuh bawk. 

"Sex i duh maw.. Kan pe ang che" an ti a. Chhuatah min nam thlu a, an pathum chuan min pawngsual ta a ni. Puia chuan ka mawng a zen a, na ka tih vangin ka rak tuar tuar a. Ka tap bawk. Min khawngaih turin ka ngen a, an ngaithla si lo. Puia chuan ka mawngah min pawngsual zui ta a. A na èm a, ka thi mai dawnin ka hria… an zawh fel hnuah min chhuahsan a. 

"Mi bialpa lo ngaizawng ve te chantawk chu kha kha a ni" Ruthi chuan an chhuah hmain a ti a. Ka dulah a rawn chhuih bawk. Min hawnsan nge an thawm ka hre ta lo va. Thei leh thei lonvin ka tho a, ka thawmhna ka hmu zo si lo va, ina puan hlap lo awm chu ka bih ta tawp a. Kein ka haw ta a ni. Zan thim hnuaiah te chuan hlau chung chungin ka kal zel a. Ka vanneih asiamin truck lo tlan hlauh a, kha mizo pa kha a va fel tak em.. Engmah minnzawt lo va, min phur ve tawp. Kan inah ka lut ngam lawk lo va. Mahse, thih leh thih tiin ka lut ta rawih a. 

Putea leh piteii ten min sawisa hrep. Mahse, na ka ti lo. Chung zawng zawng ai chuan ka thian nia ka lo ngaih ten min nghaisakna khan chhungrilah min vilh ngut ngut a. Thih chauh lo chu kawng dang neiin ka in hre ta lo a ni. Mate, ka ngai che. Ka hmu chak takzet che a ni. Min ngaihsaka min ngainatu awmchhun i ni a. Ka tan i hlu takzet a ni. I u ve tehhrep. Hi chu dam reng tlak ka ni tawh lo. Khawvel ka hmachhawn ngam tawh lo vang. Ka damchhungin hlimna tak tak vawi hnih chiah ka tawng ve a. Sangtean min bum tih ka hriat hmaa duat taka min khawih khan ka hlim a. Unaunu nang ka nei che tih ka hriat khan ka hlim bawk. 

Ka nau, i u hian eng thil hlu mah hnutchhiah tur che ka nei lo. Mahse, ka hmangaih che tih erawh i lo hrereng dawn nia aw… " tih thu Lucy kutziak a chhiar lai chuan Sophia mittui chu a luang zung zung a. A khur ngawt ngawt bawk. Mittui tla chungin thlalak ho chu a chap darh a. Sangtea leh a thiante thlalak an ni. 

A mitmeng huatnaa khat chung leh mittui luang chungin, "A mal tetein ka that ang che u" a ti vawt ta raih a. 

Sangtea leh a thiante chu a theihtawpin a zir chiang a. A haw thla leh ta phawt. Phuba lak nana hmanrua a mamawh te a lamkhawm a. A nuten an khap bet thei lo. He hun atang chiah hian Sophia ze dik tak a rawn lang ta a ni. Mi tumruh, huaisen leh nunrawng tel si anihna chu… hmaikawr pahnih a siam tir a. Plan mumal tak neiin Mizoram a rawn chuang chhuak leh ta a ni. Johna a bitum hmasa ber a, a zia a hrechiang tlat a. Rose hmanga bum chhuakin a tum a tihlawhtling a. Ruthi leh Sangtea te video hmangin a vau bawk a, nun nuam lo rawk khawpin a siam hmasa ve ta phawt anih kha. Tei erawh an zinga inhnamhnawih nep ber. anih vangin a nep thei ang bera thih chu phuin a hria a. An awmpui lema changin Mazuali a ni ta anih kha. Thlarau anga rikrap phawtin zawi muangin a nunna a chhat ta kha a nia. Ruthi leh Sangtea erawh a ruala thih kha an phu a ni. Chu pawh a na thei ang berin. Tei a thah dawn khan mutthilhna hlo a kap lut hmasa vek a, chutiang chiahin Sangtea chhungte mutnaah pawh khan a kap lut hmasa phawt. Tumah an harh ta lo reng anih kha. Puia leh kimi erawh an fimkhur tawh a, a tan pawh a harsa chho tan. Mahse, Kimi phone hmanga bum chhuakin A û mawnga pawngsualtu Puia chu na tak tuarin leh thlabar taka siamin a that anih kha. Kimi erawh hun tha a hmuh theih a rin tawh loh vangin mi tamna hmunah a kap hlum ta mai a ni. Mahse, in sak lai hnuaia a tlan luh khan a hmai kawr hlipin Mazuali hmel a lantir leh hman hram a. An ringhlel ta lo a nih kha.. A vanneihna kal tluanzia chu amah pawn mak a ti. 

Shillonga an in a thleng. A lo inkhar thap. Kawngka chu a kik a. Anu in a lo hawng. Hmel ngui tak leh meng sen rám chungin, "I pain thuruk sawi pui tur chein a lo nghak reng che" a ti sap a. 

Thuruk dang bawk maw.. Eng thuruk nge ni leh ta ang… sophia chu a chawl hahdam hman meuh dawn lo em ni?.. 

(Mahse, a tawp.. Aw 😂 in chawh… 😎