ZOBIAKSANGI

ZOBIAKSANGI..

- Toni Râlte

Ka mit a hupna chu ka la thla a, a perfume rim atang chuan tu nge anih ka hre nghal.

"Vawiin tlai chu chaw ka rawn ei dawn a, nu Sangi vawksa rèp vaipaden ka ei châk a" a ti liam puat a. Ka thil khawih lai chu ka khawih chhunzawm a. Ka hma zawnah tak rawn thuin,  "Heii.. Vawiinah Jenny ka hmu ania aw" a rawn ti leh a. Ka dar ka lo san âk ringawt. A laka ka tihtauh changa ka tih thin dan a nia. Nia, ka best friend Zobiaksangi lakah ka titau tlat. A chhan pawh ka thianpa Freddy a lo hnar vangin.  Freddy hian theihtawp chhuahin a ngaizawng a. Care dan chikimin a care ve bawk. Inkawmho vek kan ni a, kan inpawh tlang bawk. Mahse, freddy a lo hnar avang hian kan thianho chu eng emaw chen kan kehdarh phah dawn niin ka hria.

"A mak!  Titau lo teh. Bér búr a che" a ti leh nghat a. Min en reng tih ka hria. Ka melh duh miah lo va.

"A chhan tal i sawi a ngai" nem deuh zawkin a ti leh a.

"Freddy-a hian eng nge tlin lohna a neih? " ka ti ta a. Ka thil khawih lai chu ka dah chhunzawm a. A khabe dawm chungin a han chhing diar diar a. Eng emaw a ngaihtuah chiam ni.

"Thian ngaihzawn ka duh lo alawm. Kan inthen hunah kan inthian thei tawh dawn lo asin" a ti a. Ka lo ner sâwng ringawt.

" Tak tak alawm. An sawi mi paw'n.. Thian tha chu ngaihzawn loh tur, inthen hnuah ahmaa inthianna kha a awm leh thei tawh lo an ti vek" a ti leh niap niap a.

"Thian anih vang ringawt chuan ami i hnar?  Thil dangah chuan i duh ve tho tihna mi?"

"Ih.. Mmm.. Àaa ka duh vak lo hrim hrim. Ninawm. Nge Freddy pawh chu i va tan ve" a ti ta hlak hlak a. A thinchhia a chhuak leh tih ka hai lo.

"Tikhawp hian a duh ve che a. Chhan ve mai tur nia. Kan bulah pawh a awm duh tawh nang" ka ti hmarh hmarh a.

"Awm lo se ni mai lawm, a tel lo pawn kan hlim tho a.. Nge i buai vak"

Huiham.. Mawli hi chu a..

Class v kan zir lai atang tawha inkawma inzui kan ni tawh a. Kan in leh an in chu in 3 chiahin a daidang. Kan pa te ve ve hi nupui an neiha in thian an ni a. Kan hnampui an ni bawk. Chhungkhat ang maiin engkim kan inban tawn thin a. Unau ang chiahin kan inchenchilh bawk. Kei aiin kum khatin a naupang bawk. A tetlai chuan patil ang deuhin a khawsa thin a. A nu hi a mangang thei viau. Unau mipa pathum kara hmeichhe awmchhun a nih vang pawh aniang. Kei erawh unau pathum kan ni a, ka nauah mipa, ka ú hmeichhia a ni thung. A pa hi High School zirtirtu anih laiin ka pa erawh Doctor a ni thung. Middle school atanga college thleng kan kalho a. Tunah hian final year kan zir leh mek a ni. Aniin Education a lak laiin keiin Political Science ka la thung.

Kan thianho hi paruk kan nia, amah leh Freddy tih loh hi chu inngaizawng kan ni. Thianho bikah rau rau pawh ani leh kei chu kan inhnaih zual a, chu chu thiante pawn an hai lem lo. Zobiaksangi chu ngo vir ver, te taktè a ni. A te fel ât kan tih ang chi kha  a nia, a hmel erawh a tha ver vawr hle. Ka palen deuh avang hian kan insan hleih ve khawp mai. Car ka neih hma chuan bikein kan inphur nitin thin a, a lawn dawn apiangin bike tihhniam a ngai ziah bawk.

Zanriah kan ei kham chuan ka roomah kan lut a, khuma thuin laptop ka chawi phei a, movie kan en leh dawn a ni. Kan tih thin dan a nia. Freddy chungchang eraeh ka sawipui duh tawh lo,  a bak hlar reuh sia. Ka ning.

Kimi'n min lo be zuai a. Ka bialnu a nia. Ani erawh Zoi letling a ni. A hleitling a, háng ngaihnobei kan tih ang hi a ni thung. A hmel pawh a tha ka ti. Kan inngaihzawn hnuah a thiante leh ka thiante an ni zui ve a. Tihian kan inkawmho ta vek a ni. Zoi a thu ber thin,  a te ber thung.

"Kimi hi neih i tum em?" A ti sup a. A zawhna kher kher chu..

"Hre lo, kan nih zel chuan neih mai lohin"

"Thianah min hmang dawn em? "

"Tu chuan, kimi chuan maw? "

"Aih, nangman"

"Mawli" kan nui vak vak a. Thianah hman theih nise ka hmang hreh miah lo.

A haw hnuah Freddy chuan min rawn bia a, a rilru a na ve deuh a ni ngei ang. Hnawl a ni miau sia!  A hmelthata an hausak nen. Zoi chu a â ngawt mai. A tuka kan thianho kan han inhmukhawm chu pakhat a kim lo ta phawt. Mak kan ti lem lo va, zawhna pawh kan nei lo. Canteenah kan lut leh dial a.

"Zo, saw pa sawn a en reng che mawle.. " Lucy chuan a ti sar sar a. Kan va hawi rual thup. Thing thei.

A lo ni lah taka, chu pa chu ka la hmuh pawh ka hre lo. Sa ngeht tlet tlawt, mitmeng na deuh mai hi ania. A nelawm loh hmel.

"A chhiat loh saw" Zoi.

" ve a, nang hian tumah i duh tak tak lo. " ka lo ti nghut a. Vawi khatmah ngaihzawng a la nei lo tlat alawm. A zei lo ngawt ang.

"Saw pa saw chuan min bem se ka tlu sa" a ti ve har har a. Kan nui tawp.

Kimi patea, cancerin a tlakbuak mek kan turin Durtlangah Kimi ka kalpui a. Chawhnu class kan kal ta lo. Dar 5 velah in ka thleng a, ka inbual hmain phone ka check phawt a. Zoi msg a lo awm a.

"Ess, enteh, kha pa khan min bem a tum tak takin ka hria. Ka number te a lo dil a" tih hi. Ka nui sak. A duh ve chuan a tha. Ngaihzawng nei lo va hei chen awm hi a ni em em tawh lo.

Zanah an inah ka va phei ve thung a. Chaw an lo ei kham deuh chiah a. An chakai bawppui lian deuh deuh pahnih ka va kheh hman hram kha.. A roomah kan inzui lut a.

"Kha pa kha duh ve tawh la" ka ti a.

"Chu chu lawm.. Enteh,  ka ngaihtuah ve reng anih chu. Mak tawp" laih hmel deuh hian a ti a. Ka lo nuihpui a..

Kar khat a ral a, Zoi paw'n bialpa a nei ta. Ka lawmpui takzet. Bsa pawh kan thian zingah a tal ve tan a, freddy pawh a rawn mawm leh tawh. Tin, bialnu a nei bawk. A bialnu erawh Zoi te ei loh chi tak a nia, kan bulah a awm ve ngai lo. An sual thei siah.

Zoi bialpa nei chu kan inhlat phah deuh. Inkawmho reng mah ila, Bsa a ngaihsaka a kawm tam a lo ngai tawh a. Pawi ka ti hran lo. Bsa chu Kolasib khua a nia, hetah in luahin a khawsa ve a. A felin a changkang ka ti. Kawm a nuam viau bawk. A in luah pawh kan hmang tangkai tan khawp mai. Ni khat chu an pahnihin class an rawn off ve ve a. An leng dun ve anih ka ring.

Zanah min rawn call a, an ina phei lawk turin.

"Ess, vawin khan kan leng a, ih maw, Bsa hi a hur tawp" a ti tawng a. Ka tui in lai ka phuh tep.

"Khatin min melh suh. Kan inti lo hrim hrim. Ka duh teuh lo, mahse, min fight nasa tawp. A zei sia e.. Ka tlu tep a ni" a ti ham ham a. Ka thla a muang ta deuh. Virginity hlutzia te ka sawipui ta chiam a. Kan sawi dun khât nen. Ka nau ang anih vangin hrilh hriat kha tha ka ti hrim hrim.

Exam kan hmachhawn dawn ta reng mai. Engkim a la tha a, kan la kal tluang ve zel e. Kimi nen pawh kan inzawmna a nghet tawh takzet a. Min ngaihsak a, min duat a, a bula awm hi ka kham hleithei thin lo. Ani pawh Lunglei khua daih ania, a nuteii te bulah a rawn khawsa ve a ni. A nuteii hian a duat bawk a, nufa tak tak ang chiah an ni. Ka leng ve fö a, kan inpawh tawh khawp mai.

Exam nan ni 2 chiah hun kan la nei tihin chaw eikhawm an rawt leh tlat pek a!  Hahthlak thei. Bsa inah bawk kan tihtluk leh kha. Ani hi a inhuam thei a, bakah mahnia awm anih vang hian kan free ve bawk nen. Chhunah hmeichheho an bazar a, chawhmeh chi hrang hrang an rawn hawn a. A kawp te tein rawng kan han bawl suau suau a. Nuam ve tak a ni. Roomah a sehhmeh kan va lem zeuh zeuh bawk a. Hmeichhiain beer an dawm far bawk. Zoi erawh mi danglam ngang a nia, "In beer ve hi ka thengthawngah a kal ve lo" a ti mauh mai a. Kan in ang a in ve leh tak mai kha. A tih than dan ania, ngaiah kan nei tawh. A dose a sang reuh zèk! Chaw ei hmain Card kan deng a. Kan bengchheng ve kher mai. Ka thiante hi Hlima leh Lucy, Bena leh Dami te an ni hlawm a. Kei leh Kimi leh Bsa leh Zoi. Mahni tawkah chuan kan hlim ve takzet.

Zanriah ei khamah pawh tumah hawn hrih loh tur tiin chhungte kan be lawk diam tawh a. Zoi phei chu ka bula riak tur angin ka sawi vek tawh. Zu a in miau a. A heti ziah alawm.. Zai kan play bur bur bawk a. Thenkhat kan lo lam thul. Exam hmabak kan ni tih kan theihnghilh hmak.

Hlima leh Lucy te roomah an awm a. Kei leh Kimi erawh bathlar thlang lamah. Bena te chu eitur leiin an chhuak lawk a. Zoi te chu sitting roomah an awm thung. Kan titi mawlh mawlh laiin inhau thawm kan hre ta tlat!  Hlauthawng deuhin kan lut a.

Hmeichhe pakhat kan la hmuh ngai loh hian Bsa te chu a lo dinchilh ran mai a. A hnungah a thiannu niawm tak a lo ding bawk a.

"Hetiang i nih ka rin vang ania ka lo kal. Ka rinhlelhna che hi a rei tawh mai" a ti bawrh bawrh a. A ngaihna ka hre lo angreng. Zoi erawh chuan chu nu chu a en uluk khawp mai.

"Thiannu,  eng nge a awmzia?  Eng nge thleng a? " ka ti ta tawp a.

"Biaksanga bialnu hi ka nia. He lai hmuna in nawmchenna chu tawk tawh rawh se, min hawnsan tawh ru" a ti!

Bsa chu ka va en a. A kun ngal mai. Zoi erawh a zah hmel kher mai.

"Chuan nang hian ka bialpa hi lo be tawh ngai suh. Ka ta a nih hi. I hria maw? " tiin Zoi chu a dinchilh a. Ka chet hmain Kimi a rawn tawngchhuak ta a, "Enteh, thiannu, i bialpa a lo nih pawhin tha takin a sawi theih. Kan thiannu hian thiam lohna engmah a nei lo. I bialpa hian a zar hneh èm a. A bum thlu ta anih kha.. Chuvang chuan khatiang vak vak kha chuan rawn tawng lo teh" a ti ve ta hmiah a. Bena te pawh an rawn thleng tawh a. A ngaihna an hriat loh hmel hle.

Bsa ber a ngawi tlat bawk si. Zoi chu kan kai chhuak a. Ngawi rengin kan chhuak ta dial a. Kan thin a rim tlang angreng. Ngaihzawng nei ngai reng reng lo khan a duh ve em em a tawng a, tha takin an inzui a, tunah exam dawnah lehnghal a bialpa chuan a lo kawp reng tih a hrechhuak ta chu a ni sia. Zoi chu a ngawi tlat reng a. Kan hnem mawlh mawlh bawk. Thla 5 chhung lai an inzui chhung khan Bsa hi rinhlelhawma a awm kan hre ngai lo. Mak tak a ni. Zoi lahin tihtakzetin a lo hmangaih tawh lehnghal.

"Zo, mipa pakhat chauh an awm lo ania. Bsa aia tha leh fel i la tawng dawn chiang lutuk" Dami chuan a ti a. Kan lo e aw tliar tliar bawk a. Ka han en thin, nâ a ti tih a lang reng mai si. Tah èm chu a hreh ve tih ka hria. A mittui erawh a tling piau reng a. Zu a lo in ve kher bawk nen. Kha nu rapthlak deuh lah khan a vin hrep a, zak takin a siam a ni si a.

Kan in kan thleng a, kan ina riak tur anga ka ngaih avangin garageah motor dah ka tum a. "Min thlah haw rawh" a rawn ti tham chhel a. Tap lo turin a insúm nasa tih ka hre thei. Nawrluih chi nia ka hriat loh vangin a thu chu awihin ka thlah haw ta a.

"Zo, sawi dun i duh em? " ka ti a. Car kawngkhar hawn pah chuan min rawn melh sawr sawr a, a mitmenga hliam thúk tak chu hmuh a va hrehawm èm. Nui lui tih hriat zet hian,  "Ka tha alawm.. Ka tha mai ang" a ti sap a. A chhuk ta a. Ka thlir zui vawng vawng mai. Ka thiantha ber tinaa phatsantu Bsa chu ka haw lutuk.

Mut hmunah te chuan Kimi nen whatsappah kan sawizui nasa a. A khawngaih ve ngang aniang, Bsa va biak te  a tum thut thut mai. Ka remti lo thung a. Ka tlaivar thelh a ni, ka thiannu ka khawngaih luatah. Ani lah a online miah lo va, ka call ngam hrih lo. Tuar phawt rawh se, amaha awm a duh rih ka ring.

A tukah chuan zing karah ka va kal a, a lo la mu. Kaihthawh ka va tum chu a khua a lo sik nasa mai a!  A pang a lo sa vûr nia! Rang takin a nute ka hrilh a. Damdawiin lamah kan inphur chho ta a. Thiante ka hrilh kual zung zung a, tukthuan ei khamah chuan an rawn lang sap sap mai. Malaria anih ringin thisen an la a,  an hmu thei bawk si lo. Ani lah a harh hleithei tlat lo mai a. A khua erawh a sik tawh hrih lo. Bsa chu hrilh ve hrim hrim a tha angem tih kan sawiho a. Bena chuan hrilh a phal tlat lo. Tlawmah a la tlat! Bsa hi hmuha hnek a chakzia a sawi chamchi!  Naktuk tuk leh maiah kan exam dawn bawk si. Rilru a va tibuai reuh tak.

Nilengin kan awmpui a, anu te pawh an lawm ve khawp mai. Zan lamah chuan kei leh Lucy nen kan han kal leh a, thian dangte erawh lehkha zir a hun ve tawh bawk nen,  kan phút ngam lo. Lucy hi chu kan venga awm tho anih vang leh lehkha thiam lutuk, pass ngei ngei tur ania. Zoi chu a lo harh ve tawh a. Kan lawm ngei mai. A lo nui ver ver a. A hmel a dáng nghal bai mai. Rilru lam tawrhna hi chu taksa hian a va haw tak em aw.

"A thing rim ka la namin ka hria" a ti sur sur a!  Lucy nen kan nui hawk hawk. Rin aiin a zangkhai ta phian a. Amah leh amah te a insawisa thul, a dam lo ber chuan min tihlim ta phian..

A tukah exam hmabak anih avangin chhuah an dil a. An chhuak thei hram. Exam chu a tum nghet ve bur niin ka hria. Zanah lehkha zir tur nen ka va inchhawp phei a. Kan zir dun ta a. Bsa lam reng reng kan sawi lo. ka haw dawn erawh chuan, "Ess, mi dang ta ka lo duh ve hi chu ka thiam lohna a ni bik lo tiraw? " a ti sap a. A lu-ah ka chul a. "I thiam loh engmah a awm lo, bumin i awm a ni mai. I rin èm vang chauhin alawm a bum theih che" ka ti a. A nui seih a. Kan inmang tha ta a.

Exam zawh ni a thlen meuh chuan kan chau nghuai mai. Exam chhung zawng khan Zoi chu lungngai deuhin a awm ka hre lo. A hlim loh kan hlauh luat vang nge tuar awm lo deuhin ka hmu tlat mawle. Bsa erawh a hmel hmuh tur a awm lo. A zak nge kha nu khan kal a phal tawh lo zawk..

Exam zawh tukah Zoi chu a ni, Lungdaia awm te bulah a zin nghal. A mamawh tih ka hria. Zin khawthawng teh se. Mahse, a khawharthlak. Kimi pawh a haw ve zuai a, kawm tur ka vân, Bena leh Hlima lah kan veng a inhlat hlawm si a.

"Hello, ess, Bsa te kha an inru a mi? " a rawn ti a. Ka call hmasak loh chuan min lo call a tum lo va, ka titau ve deuh a, ka call duh ta bik lo kha  a nia.

"Ka hre lo reng reng. An sawi mi? "

"Aw, hei Adini tehoin an sawi a. Ka zawt mai mai che"

"I thík a mi?  Nge innei mai mai teh se"

"Nia, innei rawh se.. Ho lutuk" ho a ti tak tak lo tih ka hai hauh si lo.

A rawn hawn zan chuan ka va leng nghal a. Thei tui deuh deuh min lo hawn a, chungte chu ei pahin kan titi mai mai a.

"Ih maw, Ess, mi dang chu hrilh chuang lo la, kei chu ngaihzawng neih ka duh tawh miah lo. Na ka ti è mai. Bsa khan engtin nge khatiang kha ka chungah a tihtheih tih hi ka la ngaihtuah thiam lo" a ti ta hlawl a.

"Ka hrethiam alawm.. Mahse, ngaihzawng dang neih loh phah nan chuan a ho ka ti" ka lo ti thung.

"Aa.. Mipa hi ka rin leh theih pawh ka ring lo" ka hrethiam lutuk. Mahse, hun a la ngah a. Engkim a that leh theih ka beisei.

Hun chu a kal liam ve zung zung a. Result a lo chhuak ve ta hial mai. Zoi chiah 2nd div ah a passed. Mi dang chu 1st ah vek. Tuman kan dem lo. A chhungte pawh an lawm hle zawk a. Result chhuah tlaiin an inah chaw kan eikhawm nghe nghe.

MZU ah bawk luh leh kan tum fur a. Mahse, Zoi chuan a duh ve ta tlat lo!  Delhi-a a û te bula awm a tum a ni. Kan dan zawh rual a ni bawk si lo va, kan kim dawn ta lo a ang khawp mai. A tel lo chuan kan thianho hi kan keh darh mai angem ka hre lo. Min huikhawmtu ber a ni si a. A chhuk dawn zanah chuan thlahna hun kan hmang a. Kan inngai dawn lutuk tih chu kan ngui nghiai danah a lang vek mai. Kei phei chuan ka ngai fâl hle ang. Mi bengchheng leh tawng tam ber kha a awm tawh dawn lo miau a.

A chhuk atanga ni 3-naah min rawn be chauh. A buai thu te a sawi luam a. Kei pawh admission te ka la fel ta bawk a. Kimi ka rim tlut tlut ringawt. MA ka pass phawt anga, hna te ka zawng leh te te anga, kimi ka nei ang tih hi ka suangtuahna a ni.

Zoi pawh Delhi University -ah a zir zawm ta a. A lunglen thu ka hre ngai lo chu ka ngei. Kei lahin ka ngai si. Zu te kha a zuk in chiam ang tih ka hlau. A rilru natna kha a la dam fel lo tih ka hrechiang si. Mahse, a û te nupa bulah a awm a, ngaih a tha deuh.

Hun chu a ral ve zel a. Kimi nen pawh kan la tha tluang ve zel ti ila, an inhnuai tlangval Sama hian a rim ngawrh riaua ka hriat vangin ka ringhlel zeuh zeuh. Min phatsan duh chu ka ring miah chuang lo va, a chang chuan inngaihzawnna tluang purh chu nin chang leh ngaia neih chang ka nei fô!  Tihtheih a awm chuang si lo va. Min chawk hlimtu ber a awm bawk si lo. Ka ning.

Thla 5 zet a ral ve ta. Thian tharte pawh kan nei chho leh ta mawlh mawlh a. Bena leh Dampuii an inthen bawk. Kan kehdarh chho mek a ni mai e. Chutihnak alaiin thu thar duhawm lo zet ka hre zui..

"Ess, min hua angem?  Min hua ang tiraw? " a rawn ti a. Zoi a ni.

"Huatna tur chein thil sual i ti mi?  Eng nge sawi vat teh? "Ka ti a. Ka hlauthawng hle bawk.

"Ka virgin tawh lo"

"Maw?!!!"

"Umm.. Chu aia duhawm lo zawk chu, ka virgin killer chu vai a nia! "

Karei.. Ka nau duat, i chhe ta vek mai. Ka na vawng vawng thei mawle. Mizo tlangval rilru a na a, nuta leh thian rilru a na tel bawk. Thinrim takin phone ka dah a. Sawi tur ka hre tawh lo a ni. Tumah erawh ka hrilh lo.

Zanah whatsappah min lo be leh a. Ka reply duh lo. A rilru hrehawmzia hriatpui lek lo vin ka lo tihtauhkhum a. A chhan te pawh zawt ve tur ka nia sin aw.

Khatia ka reply duh tak tlat si lohah chuan a rawn tilui ta sek bik lo va. Zoi mizia a ni. A luhlul zia ka hriat avangin ka biak hmasak loh chuan min biak loh hlen pawh pawi a ti lo tih ka hria. Mahse,  va be turin tunah chuan hma ka la ti hrih. Ka be lo laklawh a, thil dang neuh neuhin min lo tlakbuak bawk nen, kan inbe lo rei ta viau mai. Kan inbe lo tih ka hriatchhuah changa biak ka tum lahin tlawmah ka la leh lawi bawk si. Buaithlak thin mang e. Lo haw phawt mai teh se..

Christmas takngial pawh a rawn hmang lo lehzel chu ka thinrim ta khawp mai. A thiante hi min theihnghilh ta vek anih hmel.. a vai bialpa nen chuan an la ni reng em ni ang?  A û ten an hre lo nge an hriatpui zawk.. Ka ngaihtuah peih tawh lo. A awm awmin awm teh se.

Kimi nen kan boruak pawh a chhe sáwt viau. Sama a ngaihsak mah mah ka tia. An inhnaih bawk si. Lenchhuahpui a harsa tial tial bawk. Chhuanlam a hre bawk si. Vawiinah hian bazarpuiah ka sawm a, nizanah mai kha chuan a tum ve reng sia, zingah a hman leh loh thu leh Durtlang hospitala kal a ngaih thu a rawn sawi leh si. Hruai ka tum lahin a û te nen an nih dawh thu sawiin rem a ti chiah si lo. Ka chhuak peih ta bik lo. Mahse, chawhnu lamah ka nu nen kan chhuak a. Ka tum bûr mai.

Tuikualah pangpar chi kan zuk la a, kan let leh lam Temple thlen hma whole sale dawrah luh leh a duh avangin kan ding a. Motor ka park tur chuan Kimi leh Sama rawn inkai phei ka hmu ta mai!  Ka ding chawt nia! Trafic police an awm hnai lo hlauh. Ka thlir reng a, a inngaih hmel khawp mai. An nui dun heuh heuh a, kut an invawnsak kher chuan min tina takzet. Durtlanga a awm thu kha ka dawng zo chiah a ni lawm ni?  Engtin nge a tihtheih zawk le..

Ka call a, a bag a dap rak rak a. Ner nak pahin a reject nia mawle!  Fuckkkk… ka call leh ngat a. A la ta hram a. Vin lek lek hian, "ka buai ka tih kha.. " a rawn ti ngam. Kimi ngei chu a ni sia le..

"Nia, i buai hmel khawp mai.. Kha.. " ka ti a. Ka off nghal. A hawi kual ruai chu ka en reng a, ka awmna lam a rawn hawi lo hlauh. Min rawn hmu se a hmel landan tur ka hmu chak. Ka sa chhuak vek. Bum ka ni ve reng anih chu. Kum 5 dawn kan inzui tawh a, hetiang mai mai hian min thlahthlam leh si a maw?  Kimi, hmeichhe duhawm leh rintlaka ka ngaih khan min phatsan tih a chiang ta e.

Ka nu chuan min lo chîk deuh nge zawhna min zawt ta thuai a. Ka chhang mumal lo. In thlen vat vata ka khuma mut thlawp ka châk ber. Ka sahal titih nii ka hria. Zanriah pawh ka ei peih ta lo. Ka ngaih ber chu Zoi.. Engkim hrilh ka châk. Mak a ti dawn lutuk. Ka call ta nge nge a.

"Ess… " a rawn ti var a. A aw zang vah chu ka thík lek lek hial!

"Zo, thu mak tawpkhawk a awm. Kimi'n min phatsan"

"Eng a? " mak a ti ve hle mai maw.

"An inhnuai luah nen min kawp. Vawiinah ka man chhuak" tiin ka rinhlelhna zawng zawngte kha ka hrilh fai ta leng a. A chek tlak tlak ri chu ka hre reng. A thawng ve khawp ang le. Kimi hi chu a û en ve deuh a, zah pawh a zah der ve hle thin. Chutiang mi a lo ni ve reng tih a hriat chuan a thawng lo thei nang.

"Ess, lo chhuk ve rawh. Thursdayah ticket lo book la.. " a rawn ti leh ngawt a.

"Class kan kal hi"

"A ho lutuk. Chawl ve hrih mai la.. In exam zawh chiah kha"

"Ka châk khawp mai. Ka lo ngaituah daen nia" ka ti a.

Ka nu ka dil a, ka pa min dilpui leh a. Ka pa phalna ka hmuh chuan ka lawm tawp. Nia, tun dinhmunah chuan class kal turin ka fit tawk tlat lo. Exam kan zawh tirh mai a ni bawk a, test kan nei hnai dawn chuang lovin ka hria. Bakah kar khat bak ka chawl dawn chuang lo bawk a. Kimi chungchang chu tumah mi dang ka la hrilh lo. Tul ka ti vak lo. Mak deuh maiin Kimi chu a reh chhawm ve hmak!  Engtin nge hetiang khawpa awlsama min kalsan theih tij hi ka ngaihtuah chhuak zo miah lo. Hmeichhe mak tak chu a lo ni e.

Zoi chuan Airport-ah min lo hmuak a. Ka hmu chu mak tiin ka meng phawk hle. A lan dan lo danglam ta lutuk chu.. Hmeichhia tak tak a ang ve tawp. Ka sawi awmzia chu a hma kha chuan a thawmhnaw reng reng hi a nu vak ngai lo va, pa over nisi lo hian tom boy rawngkaia inchei thin  a ni. Tunah chuan kawrfual a khup khuh pha mang lo a ha nia mawle! kan inkuah chawt a. Kan inngai ve tawh hle anig dawn hi.

A ú te in (flat)  kan thlen chuan a lo reh dúk a. UMapuia pawh ka hmuh lohna a rei deuh tawh a, ka hmu chak ve reng. Mahse, tumah ka hmu lo. Naupangho pawh.

"Khaw nge an awm duak? "

A nui sen sen a. "Hei vang hian lawm i lo zin ka duh em em. Nimin khan Shimla-ah chawlh hmangin an zin" a ti ta a. Ka lei ka chhuah khum zauh a. Fridge hawngin beer a rawn hum chhuak a. Ka mamawh hei hi. A lum over lo naa a lum.

Eirawng kan bawl peih si lo va, chaw kan order ta mai. Zanah pawh ka chauh deuh vangin ka chhuak peih lo. Zawh ka duh, ka zawh ngam si loh hi ka zawt ang chu..

Wine kan lem karh karh a. Boruak pawh a nuam tan.

"Zo, vai pa kha" ka ti deuh tawp a. A tui in lai phuh thwtin a nui ta uar uar a. Makti zetin ka lo thlir thung.

"Bum i nuam ve ee" a ti ta. Ka thep suai suai maiin ka hria. Vai pa kher chu ka ngaithiam thei thlawt lo a ni e.

"Ka tih der che nih kha. Nau angin min la enin i thian tha ber ka la ni em tih ka hriat duh vangin.. "

"Chuan.. "

"Umm.. Ka lo la ni reng a. Ka lawm asin aw"

"Mahse, min lo be khat ka ti"

"Ka lung a leng zel a. Awii, ka lunglen theihzia chu e" a ti ta duah a.

"mas pawh i rawn hmang lo" ka ti chhum deuh hmak a.

"A ho. Kal leh tho a ngai dawn a. Ka peih lo lawm. Chuan, kimi kha.. " a ti ta a.

Ka rinhlelh dan leh ka man chhuah dan zawng zawng ka sawi ta vek a. A changin a lo chek tlak tlak a. Mak a ti ve hle aniang. Kei pawh hian ka la awih hleithei lo a ni ber. Mahse, a thleng miau si a.

Wine chu kan lem kan lem a. Ka kai deuh riau lehnghal. Mut a hun tak vangin kan intifai a. Naktukah len kual nasat kan tum bawk nen..

Khum khatah kan mu fô a. Tun tumah pawh mut dun leh kan rèl thlu a. Kan muhil leh lawk pawn ka ring lo. Sawi tur a ngah thei si.

"Kimi.. Kim"tiin ka phun sep sep a. A hmui sen hiam chu ka núl thuak thuak a. A nem thlap chuan min tiphur zual. A tal aih aih a, ka lakah demawmin awmin min phatsan mah se ka ngaih hi a la reh chuang si lo va. Delhi ah hial ka zinsan a, min ngai ve thlawt aniang.. Hei a lo kal vang vang chu ania.. A rum tiah tiah a. Dimtèin ka fawp zel a, ka nghawngah a rawn kuah ta chial a, a tawnzau hak chu ka hlim a, a hnute bial mum kerh chu ka hum vaang vang a, a chang leh ka sawk tawn tawn bawk a. Ka benga a thaw lum hiam chuan min tizauthau takzet. A kawr chu ka hlip a, a boxer pawh ka kek thla nghal. Kei pawh ka inhlip ve sawk sawk a. A taksa nal hen chu zut kualin dimtein ka fawp kual dan dan a. A thaw a ran danah min mamawh hle tawh tih ka hre thei.

A kapkar chu ka han zen a, ka ta liau liau anih vanga lawm em em chungin ka chul ner ner a. A thaw hawk a. A huh nasat danah a inpeih tih ka chiang. Ka che ta sawk sawk a. A taksa chhunga ka han lut chu ka phu chiang kher mai!  A na zawk a. Ani pawh a eu awrh nia! Ni looo… kimi a ni lo. Kimi nen chuan vawi tam kan mudun tawh asin.. He nu hi tu nge..?!

Khum bula light chu ka inrin hmain ka on. Sam hnawk niaha mu phelh phang chu ka melh ta reng a. Ka la inzawm reng tho bawk. Ani pawn mitmeng vai riai hian min lo melh let a. Sawi tur ka hre ta lo.

"Chhunzawm rawh" a ti tham chhal a.

"Zo"

"Engmah sawi suh" a ti a. Ka châkna nasa twh lutuk chuan anih nih a ni zo tawh tiin ka thiltih lai chu ka chhunzawm leh ta a. Rilru kil khatah inthiam lohna awm mah se.. Nawmna nasa tak erawh chuan min tuam hlup hlup mai. Kan thaw dun hlawi hlawi a. A virgin miau avangin dim tak leh nawr tho siin chet ka la ve a. A vawrtawp thlen tir ngei ka duh a ni.

Kan zo.

Kan mu. A tho a. A va inbual a. Ka lo mu ngawi kar thung. Ka rui pawh ka harh vekin ka hria. Ka zak chem chem a, engtin nge a thlen theih reng ka hrethiam tawh lo e a. Ka bula a rawn mut chuan.. "Engtin nge.. " ka lo ti ta tawp a…

"Muhil phawt ang. Zingah kan sawi dawn nia" a ti sap a. A maimichhing zui nghal. Kei erawh ka mut a va chhuak lo si èm..

Ka harh chuan a lo awm tawh lo va. Ar tui kan rim chuan ka hnar a verh hle. A rimtui si. Ka tho a, ka inha a.  Choka lamah chuan ka va phei ve a. Awm dan tur ka hre vak lo ee, sawi tur a vâng bawk si.

"Zo, nizan kha ka tihpalh takzet a ni" tiin bul ka tan ta phawt a. A nui saih a. "I thiam loh vek a ni hleinem. Ka tel ve tho alawm. Tihian ka ngaihtuah a, mi dangin ka virgin an hawn ai chuan ka thian tha berin a hawn hi a tha zawk.. " a thusawi chu mahni inthiamchawp tawngkam ni maiin ka hria. Tihtheih kan nei tawh chuang si lo alawm..

Chaw kan ei kham chuan chhuak turin kan insiam ta a. Zan lama thil thleng kha chuan a kap ve miah lo aniang. Amahah danglam engmah ka hmu ve miah lo nia!  Kei erawh min mawlh rún a, ka thian dangten hre ta se mak an tih tur zia te, Kimi'n hre ta se rapthlak a tih dan tur te ka ngaihtuah kai vek. Mahse a sâwt miah chuang hlei lo va.

Shopping Mall pakhata kan awm laiin a thiante niawm tak te nen kan inhmu a. An smart hlawm khawpin ka hria. An inbe nel nual a; an nganat hmel hlawm hle in ka hria.

"Zo, bialpa hi i la nei leh lo tak tak  mi?"

"Nei lo. Neih tumna ka la nei hrih lo. Bsa khan ngaihdam min rawn dil tak asin" a nui hak hak a.

"Mahse, ka pawm thei tawh lo. Ka la haw reng. Huat deuhte bulah chuan ka hlim ka ring si lo va" a tih zawm a.

"Thutlukna dik tak i siam anih chu" ka ti lawng lawng a. Min rawn en hâw a. "Awii, malsawmkim, inla puitling hle suh. I chhia" a ti a. Kan nui dun hawr hawr a.  Nilengin hmun hrang hrang kan tlawh kual a, hah pawh kan hre mang lo. Thla kan la ngun mawlh mawlh khawp mai. Delhi hi chu ka zin ve zeuh zeuh a, thil thar em em ka hmu chuang hlei láw.. Mahse,  a nuam ve hrim hrim a.

Thim hnuah in kan thleng a. Kan ril a tam lem lo bawk nen.. Kan inbual a. Muangmarin eirawng kan bawl dun a. Zoi hi eirawngbawl a thiam zèk!  A bai siam a tui thei tawp, a thak deuh thin naa.. Kei chuan ar tui bak ka kang thiam meuh lo.

"Ih maw, Ess, nizan vel kha i ngaihtuah leh tawh tih ka hre reng. Engtikah emaw sex hi ka la hmang dawn tho tho a. Kei chuan pawi tihna ka nei lo ania. Mahse, sex kan hman avang khan kan inthian thatna a bo tur a ni lo ania. Ka tan chuan thian tha ber leh ka ú kha i ni reng ang. Chuan, i bialnu tur ka hualsak tawh che. Dar 8 velah a rawn kal ang" a ti ta mai. Mawli hi.. Eng rilru nge a put ve ang aw.

Chaw kan ei a. Kan ei kham fel awrh tihin a thiannu a sawite chu an lo kal ta a. Ka bialnu a tana a hual lawk Puiteii a tih mai chu ka hre thei nghal. Kimi nen inanna an nei miau a!  Haha.. A thiannu Salemi chu hmeltha ka ti fe zawk. Nalh tak a ni. Vai leh mizo thlahpawlh anih ka ring. Ka lo melh ru leh zawk zawk zel.

"Min nuih miah suh u aw. Mizo zupui ka ú ta ka ru a. In ang u" hmeli chu leh!  Kan keh tuar nghal a. Ka la in ve miah lo lehnghal. Zupui paw phút chu a thli kerh kerh a. Kan han dawm tlang ta chu ania. A tui lo hran lo. Salemi erawh a va uak tuar tuar a. Ka hrethiam tho mai.

"Zo, thian mipa dang i nei lo mi? Keimah chiah mipa ka nia. A nuam lo ee"

"Nei a, mahse, zu an in ngai lo va; ka peih lo. Anni chu ka khawvel thiante an nia" a ti zawk hlauh a. Puiteii a nui leh nasa.  Nuih heh ve tak chu niin ka hria. Hmelchhia chu a ni lo naa a hâng lek lek a. Kimi aiin.

"Kei chu maw zu hi sual ka ti ve miah lo" Puiteii chuan a ti sar sar a.

"Ve a. Sual ang chu a nia lawm. Piangthar ila zu kan in nang. " zoi chuan a lo ti thung a.

"Hetia enjoy hi a nuam ve a. Kan va sual phah chuan loh chuan eng nge a sualna? " Salemi..

"Anih leh pasal atan zu in mi nge i duh in lo? " Zoi.

"Ka hmangaih leh hmangaih lohah a innghat" chhang fuh leh tlat!  Ka duh tan riau.. Salemi zawk hi.

"Chu pawhnise, kei chu zu hi ka fak thei miah lo. Min tithuanawm a, bakah pawisak kan nei tlem ngei ngei. Sual tih a awlsam bik. Zu hi sual a ni lo tih tanchhana, a ruka kan in kan in tho chuan kan insawithiamna mai mai.. Helaia awm khawmte hi kan sual ve a, zu kan in ani mai. Chutah chuan lungawi ang u. Kan pianthar hunah chuan kan in tawh miah lo vang" a sawi dik ve leh bawk si. Mipa ber chu ka lo ngawi kar.

Kan titi tui chho zel a. Hnam dang ngaihzawnah kan kai chho. Kan Zobiaksangi kai pheng lah chuan sawi hreh a nei tawh mang si lo. Hnam dang hur a tihzia te, an thangkama awh a hlauh zia te a sawi bawrh bawrh a. "Salem, nang pawh Rakesh sawn a nel mah mah che ka ti. A hur hmel zia saw.. " a ti zui! Ka mitmeiin ka khap thin. A ruih hnan tawh laklawh si. A malah ka kheuh thul. Awmzia a nei der lo. Zupui zet zawng a thawk na deuh aniang. Salemi lah a tang ve nasa a, Rakesh fel zia leh thil phal zia a sawi nasa. Ka ei lo hman tep. Puiteii erawh a ngawi reng thung. Zu ruiha ngawi dúk hi kan awm ve hrim hrim.

"Salem, ei tur leiin chhuak lawk ang" a ti leh thut a. Ka remti lo hle mai. An rui tawh si. Mahse, dawr a hnaih tho vangin ka khap ta fun bik lo va. Chance min pek duh vang a ni tih ka hre ve reng. Inhnial hrep e ti lo chuan an inzui chhuak nghawng nghawng a. Salemi te hi an riak nghal dawn a.

An rei viau. An lo let leh hmain Puiteii ka kiss tam hman angreng. Sex èm erawh kan hmang ta lo. Min iai miah lo tih ka chiang ve. Mahse, Salemi ka la ít tho. A khal si, ka hur tan riau lehnghal. Shittt..

An lo let hnu rei vak loah eitur kan ei zo a. Kan intifai a. Mut mai kan tum ta a. Mikhual roomah kei leh Puiteii kan mu anga, an ni Zoi roomah. An tih dan mai mai chu. An tum a hriat si. Puiteii'n a hnial miau loh vangin ka hnial eih lo. Salemi chu hun a la awm tho vang. Vai ho khalh chúl atan ka phal lo, an lo khalh fè tawh maithei bawk a.

Ka ruih deuh vang nge ka che hleithei meuh lo. Puiteii'n min pui viau lo phei se chuan ka mualpho mai thei. Vawi khat chu ka tlingtla ve mai. A bak ka hre zawm vak tawh lo. Ka harh chuan khua a la thim a, mahse, ka tuihal lutuk chu ka tho ta tho a. Tuivawt chu ka in khawlh khawlh a. A manhla ngei mai. Ka kir leh dawn chiah tihin Salemi a lo chhuak ve hlawl mai. A nalh a nalh zia chu.. Kawr banbul var a lai lang a ha a, kekawrbul tawi zet a a ha bwk a. Ka rilru hmul zia chu ka inten lek lek. Puiteii laka ka zawr tehlul nen.

"Muhil thei na nge? " a ti sap a.

"Pentawng" ka lo ti satliah. Ani pawh tuivawt a in khawlh khawlh danah a pentawng ve tih ka hre mai. Lut leh mai lo chuan beer kan in leh rih a. Hahthlak ee.. Balconyah kan va chhuak a, boruak a nuam vei phian.

Engtia thleng nge ka hrethiam tawh bik lo. Salemi nen chuan sex kan hmang ringawt!  Balcony chhuatah lehnghal! Dangdai thei. Kei hi playboyah min hmang tawh anih ber hi a. Ka fit thar thar ngei mai. A lo virgin tawh awzawng lo a, mahse, ka ít èm a, manhla ka ti tho mai.

Zing dar 11 velah kan che chhuak ve tan ta chauh hlawm a. Zan lam thil thleng chu tuman kan sawi chhuak duh hlek lo. Zoi ber chuan eirawng a bawl leh sar sar a. A hmel chu ka ngaihbel nge a túm deuhin ka hria. Min be vak lo bawk. Nizan vel kha  a hria nih ka ring.

Salemi te hawn hnu chuan in kan tifai dun a.  Kan inbe mang lo. Nuam ka ti lo hle. Lunch kan ei lai chuan ka tuar thei ta ngang lo va, "nge i hriat a. Min biak duh miah loh a? " ka ti thawr a.

"I tenawm alawm" a ti hmuk. A hria ni chiang.

"Ka rui èm alawm.. Nge zupui min in tir ni? "

"Sex i la hman theih chuan i la rui tawk lo aniang"

A dik ve reng. Salemi ka duh zawk thu ka sawi ta nge nge a. "Ka hre daih tawh. I melh dan hiam huam atang khan" a ti vin hlar a. "Bialpa a nei mi? " ka lo ti a.

"Nei chiah lo. Rakesh nen khan an inzui nasa angreng. Salemi chu a nalh a, mahse, ka duhpui lo zawk che"

"Puiteii paw'n zu a in ve tho kha.. Eng nge a that bikna? "

"Ani kha chu thunun a awlsam alawm. Thiante leh bialpa te thua awm chi ania.. " a ti liam leh puat a. Ka nui ringawt. Maksak thei si.

Chutianga zu leh sa nena enghelh nei lem lo va hun kan hman tak zel siah chuan, zoi nen pawh vawi thum lai kan mu dun leh a. Kan harhfim ngai lo thung.

"Ess,  a nawmna ka pawh tawh… ka zawngchhang ang tih chu ka hlau deuh" te chu a ka ti zui! Kei pawn ka hlauhthawnpui. A duhnaah pawisak a nei vak bik si lo va.

"Ka awm alawm" ka ti tawp. Thil hrehawm zawk zawk ni hek lo le.. Kan leng chhuak meuh lo. Games te kan khel a, kan tlei ve tho mai. Salemi te bakah a thian dangte an rawn kal zeuh zeuh bawk a. Kan inkawmhlim ve reng mai. Zu kan in nasa erawh tha ka ti vak lo.

Ka hawn hma zanah Kimi'n min lo call teh tlat a!  

"Sawmkim, thu pawimawh tak a awm a. "

"Eng thu nge? "

"Ka rai! " ka zuang lo chauh.. Engtin nge a ngam zawk!

"Oh.. Pawi ve. Tha deuhin i hring dawn nia"

"I fa a nia" zak thei lo em em..

"Ka ring chiah lo. "

" Nia, i tan chuan rin a har khawpin ka ring, mahse, sama nen hian kan la chesual miah lo"

"Ka pawm lo. I duh duh danin ti rawh" ph ka dah. Ka thaw hawk mai. Min lo melh kartu chu ka en a, engkim chu ka hrilh ta a. A hmui a tizum a, chunglam a melh vang vang a.

"Ess, i fa anih theihna chance chu a la awmin ka hria"

"Sawi lo teh. Ka ning. " ka lo ti hluk a. Min phatsanin Mi dang a pawm tawh a. Engah nge min tihbuai talh a la tum ni.

"Kimi chu ka lo be dawn nia"

"Tul lo. "

A be tho tho dawn tih erawh ka chiang. Naktukah ka haw tawh dawn bawk si. Hawn dawn zanah chuan zu in loh kan titlu tawh si. Ka va in chäk leh si eee..

Khum khatah muin kan phone ve ve kan hmet mawlh mawlh a.

"Tunah thla thum a nih tawh chuan, i fa ngei a ni e. In inthenna thla khat leh a chanve chauh a la nia" a ti sep sep a.

"Ka fa pawh nise engtin nge ka tih chuan ang? "

"I nei mai ang chu"

Ka tho chhuak zawt a. Thu chungin,  "Ka nei ang maw? Min phatsana min bumtu kha ka nei ang maw? " ka ti ta chiam a.

"I neih chu a ngai si alawm" a ti dam thlap thung.

"Chuan, kimi hi i hmangaih takzet bawk" a tih zawm a.

"Ka hmangaih tawh lo" ka han ti ngawt tak naa.. Keimah pawn ka inringhlel tho.

"Engpawhnise, muhil phawt ang. Naktuk i haw dawn si.. I chau ang.. Umm" tih pahin min lo kuai mu a. Ka malah min lo khan nghal zat a. Ka muhil thei awzawng lo. Buaina lian deuh ka tawk dawn niin ka hria. Keimah leh keimah te chu ka inten lek lek mai. Mipa hmel tha leh mize tha tak ka ni hran lo va. Mahse, mahni tawkah chuan kan luck ve theuh mai. Min duh der ve tu zingah Kimi hi ka thlang ta kha ania. Mi lepler tak chu ka ni bik lo aniang, kan inngaihzawn chhung zawng khan ka pelhe ngai eih lo. Thík tur pawh a hre ngai lo reng a. Zoi hi a thík lek lek thin tih erawh ka hria. Mahse, Kan inngaihzawn a rin vang ni lovin ka ngaihsak zawk anga a hriat avangin. Ka ngaihsak dan a inchen rengah ka ngai.

Tichuan, ani khan min phatsan hnuah ka fa a pai thu a rawn sawi leh si.. Eng nge ka tih tak ang?  Nei ngawt ila, ka ring leh tawh dawn si lo. Ka fa in ka a pa tih tur a nei lo tur ka ngaingam bawk si lo. Chhungte hmaizah pawh a na ngawt ang le..

Zoi thaw sâk sâk chu ka en reng a. Ani pawh hi a nun chu buaichuar chho ve tak a ni. Mipa a ring tawh lo va, nat leh a hlauh vangin ngaihzawng a nei ngam lo va. Sex eraehin a thunun mèk si. Chutah pawh chuan tel vena ka la nei chèu!  Tu nge maw ka nih chiah ni..

Ka hriat loh karin ka lo muhil ve aniang. Mangpui ka la mang zui!  Va han thing thei tak. Ka harh chuan zoi chu ka lo kherh bet chial a, ka mipatna khawng fúk chuan a dul a hawlg run bawk a. Ka insúm buai peih lo. A muhil lai chu ka va fawp chawt a. Ka khal zui ta mial mial a. A rawn harh hnu chuan min rawn zawm ve nghal zat a. Min hrethiam a ni mahna.. Induhthawh zet hian kan inkeih táwn tâwn a. Tun ni reilote chhung leka a zei tawh zia chu mak ka ti. Zoi buaithlakna erawh chet a la ve duh ngai lo. ka chet char char a ngai. Hmeichhe dangin min sawngbawl an han thiam thin nen.. Mahse, a nawmna erawh a bo chuang lo.

Zoi nen chuan kan inmang tha leh ta phawt chu ania. Hmabak kô zetin ka haw ta phawt. Kimi chuan ka chhungte a lo hrilh ang tih mawlh ka hlau.

In ka thlen rualin a lo hrilh tawh tih ka hre thei. Nizana ka nu nen kan inbiak kha chuan engmah a sawi si lo. Min melh hrek hrek hlawm danah thil thleng a awm tih ka hai bik lo.  Ka intihfai hnuah ka pain min ko ta chat..

"Bawiha, Kimi nen in chungchang chu engtia han tih nge i tum deuh? " a ti thluam a. Min hau vak ang tih ka hlauh nen.

"Aa.. Ka hrethiam bik lo. Neih chu ka hreh khawp mai" ka ti ta tawp a.

Kan inthen kha an hre ve vek a. A chhan diktak eraeh zep then chin ka la nei tho, Kimi an hmuh khaw loh lutuk ka la hlau fan a!  

Ka nu chuan, "A hun lo va sex hman chu in heti reng ang chu.. Eng pawhnise, zaninah Sáwn man an lo dil dawn a, thutlukna siam a har khawp mai. Aneitu tur berin i hreh viau si chuan, intihluih hi a nuam lo va" a ti charh charh a.

Ka pa erawh chuan, "Nei rawh se. Fate tihfahrah a tha ngai lo " a lo ti thung.

Zoi ka zuk bia a, nei turin min nawr nasa ngang mai. Henu hi eng emaw a awmzia le.. Duhtawkin sex ka hmanpui a, min uiin min thlahlel miah lo em ni ang?  Kei hi chuan ngaihven rukna ka nei nasa zual.

Zanah chuan palai an lo kal ta ngei a,  ka pa leh Zoi min nawrna nasa tak avangin neih ka hnial loh thu ka sawi ta hram a. Nep ka inti. Tlawm ka inti hle bawk. Mahse, ka fa a ni ang tih ka chiang ve tlat si a, nu leh pa kar lo va ka fa han seilentir ringawt chu ka ngaingam ngang si lo.

Kimi pawh hian min neih a hreh ve thoin ka ring. Mahse, sâwn pawm ai chuan min neih a thlang hram a niang. Inneihna kan hmachhawn dawn miau avangin inhmuh leh thil sawi dun te a ngai a, ka phur lo thin ngei mai. Ka nu chuan min hrethiam takin ka chet chhuah ai a che chhuak fô a. A daih sen loh tum a awm ve tho bawk thin.

Tlan koh ang mai maia kak kalpui dawn vangin hautak taka inbuatsaih a ngai hranpa lo hlauh zawk a. Kan inneih nan ni 2 a la awm tihin Zoi a rawn haw ve hlawl mai. Ka lawm ngei e. Amah nen Zanah Kimi te inah kan va kal ta nghal a. Kimi nen an inhmu chu an inpawm chuk chuk a, an inngai ve ngawtin ka ring reng a. Thil thleng zawng zawng kha Kimi'n hria se tisawn a kuah awm chai si lo va. Mahse, ani pawn min phatsan miau avangin ka inthiam lo lem lo.

"Kimi, Zoi awm lai ngei hian thil ka zawt ang che aw. Ka la zawt miah lo che a. Sama lakah khan engtin nge min phatsan theih? " ka ti ta hlawl a. Ka chhungril nâ hi la dam thlawt hek lo. Zoi chuan mitmeiin min khap nasa, ka pawisa zo tawh lo. Kimi chu a khap fak fak a, "Khatihlai khan ka raino vang nge ka haw tlat che a!  Sama lah a lo kal ngun si. A lakah khan ka pangchang tlat zel a. Ka hrethiam lo. Pawi ka ti. A lakah pawh ka thiam miah lo" a ti ta a. Mak deuh maiin ka awih thlap. Khatih lai hun khan ka inthlahdah ve deuh bawk nen. Nia, engkim chu a liam tawh a. Sawi fö chuan rilru a thar mai mai e.

kan inneih zanah chuan Zoi duhthusam ang takin Zoi ka dinpui! A hmel hlim tak chu hmuh a nuam takzet. Ka roomah Bena leh Hlima te ho telin kan awm khawm a. Zoi leh Lucy ten khum an siam a. Hlima leh Lucy te pawh kar hmasa mai khan an lo inru ve ringawt a!  Inneih hmabakin kan awm leh anih ber chu. Bena leh Zoi chiah an bang ta.

"Bena leh Zoi hi innei ve daih mai ula" ka ti a. Kan nui dar dar a.

"A thlawn pawn ka duh lo, hetiang hmeichhia nge mipa tih pawh hriat theih loh hi" Bena chuan a ti a. Zoi a meng rum ngang mai. "Ve a. Lian thlawn satliah, zawi si, running chawp ngai ka duh bik lo" a lo ti ve sak. Dami leh Bena te nih lai khan, zan khat an riah dun tumin Bena a che thei miah lo va, Dami'n a sawi chhuak leh sia.. Chu chu Zoi hian kah nan a rawn hmang hmak mai. Bena pawh a nui a nui ringawt.

Kan han mu chu ka za lem lo hle mai. Kimi chu îtna ka nei miah lo. Zoi daihin ka rilru a luah. Mutpui leh ka châk!  Thlamuang deuha ka bân khama a muhil sâk sâk te kha ka mitthla vel a! Ka va nikhua lo tak. Inneih zanah sex kan hmang ta lo.

Chhunah Zoi te nen kan bazar. Naktukah mai a chhuk leh dawn sia. Restaurant-a kan chawlh laiin,  rin loh deuhin Bsa leh hmeichhe pakhat (hman a mi kha a ni lo) an lo lut ve hlawl mai. Min hmu thut chu a tím deuh a. Ka lo be ta zawk a. Huatna ka nei tawh lem lo. A rei ve leh tawh bawk a. Zoi erawh hmuh theih khawpin a danglam nghal.

"In nu mi? " ka ti a.

"Umm, nih hi.. Julie a nia, julie hei ka thiante an nih hi.. " a ti a. Kan hming a sawi dan dan a. Julie chu a fel hmel viau mai. A nui sang reng a. A hmel pawh a chhe hran lo,  Zoi erawh a tluk lo.

Zoi chu a ngawi ngat ngat. Thil a ei mial mial a. Kimi leh Bsa inkawm chu kan lo ngaithla a ni deuh mai,  ka tawng ve zauh zauh bawk a.

Kan chhuah hnu chuan, "Zo, i la hmangaih chiang" ka ti a. Za lo zeta nuiin min rawn sik vâwt a. Kimi a lo nui thung. Zanah chuan Zoi chuan min lo ko a. Ka va phei a. Kimi erawh inleng kan neih vangin a kal ve lo. An bathlar thlang lamah kan thu a. Thli a thaw heuh heuh a, boruak a nuam hle.

"Bsa khan min lo bia a.. " a ngawi dat a. "Ka laka a inthiam loh zia leh a inchhir zia a rawn sawi a'

"Chuan.. "

A nui hawk a. "Ka tan engmah a nih tawh loh thu sawiin ka titawp"

A kut chu ka va la a, ka humsak a. Ngawi rengin kan thu dun ta vang vang a.

"Kim hian a hria nge aw" a rawn ti thut a.

"I sawi loh chuan tuman an hre lo vang" ka lo ti a.

"Roomah awm ila, games khel leh ang" a ti a. Thuawih deuhin ka zui lut ta a. Games chu kan khel leh a. A hmaa nguai em em kha a rak leh ta hlut a. Kimi rawn kal pawh kan lo hre chang lo. A rawn nui lut ve hawk hawk a. Kan pathum chuan Bsa kan han rèl leh thul.. A hlimawm phian e.

Ka phone riin min tiharh a. Meng mang lo vin ka pick up a. Zoi.

"Ess, lo chhuak lawk teh" a rawn ti. Zing dar 3:40 a ri mèk. Peih loh pawh sawi lo vin Kimi tihharh hlau takin ka tho them them a. Ka chhuak ta zal zal a. Garage ah a lo thu a. Min hmuh rual chuan min lo kuah châwih a. Engmah ka sawi hman lo,  min fawp buan buan a ni mai. Ka hamhaih hman lek lek.

'Heii.. Zo, lawkin.. Lawk.. Ti nge hetia i awm? I rui a mi? " ka ti a. A lo hawi chhuak hmel landan kha ka theihnghilh tawh lo vang. A biangah mittui a luang a. A mitmenga khawharna chu hmuh hmaih rual a ni lo.

"Rui lo, ess, Bsa ka hmuh leh khan ka dang lam vek.. Ka hrethiam lo" a ti khur dawt dawt a. Ka tawng leh hmain ka hmui chu a rawn bawhthuah leh zat a. Ka lo chhang let rang kher mai. Kan inkeih buan buan a. Motor rinchhan chuan rem lo zet, rem thlap siin khawvel dangah kan thlawk leh ta vawn vawn mai. Kan thaw hlawi hlawi a. A nawm dan danglam zia chu ka sawifiah thiam lo.

Kan inha fel a, kan innuih tawp. Ka va thlah haw a. Inmangtha nan thúk zetin ka fawp.

Ka ngaihtuah a, kan inngaizawng si lo. Sex slave dik tak a ni. Ka inthiam loh rualin ka hnar phal si lo. Zoi nun chu ka tichhia niin ka hria. Ani lahin Kimi nei turin min nawr et et lawi si!  

Zoi chu a chhuk leh ta phawt a. Ka ngsi reuh khawp mai. Kan intext chamchi a. Bialpa nei turin ka ti nasa, a duh bau si lo. Ka ngai che inti lo mah ila, kan inngai tih chu kan hre tawn ve ve. Kimi dul pawh a puar lang ve tan a. Dik tak chuan kan inkarah hian inpawhna tha tak a awm tawh lo niin ka hria. A hmingin nupa kan ni ve ringawt.

Thla khat a liam hnuah Zoi chungchangah thu thar ka hre leh ta. A ú ten an rawn hawtir dawn. Zu a in nasa lutuk. Mak ka ti. A insumtheih tehlul nen. Chuti taka zu a buaipui chu keimah vang a ni thei angem?  Nge Bsa zún kal zel zawk. Anu phei chu a rilru a nâ tih a lang reng mai. A rawn hawn zanah pawh tumah a hmu duh lo. Roomah a tawm tlat. Kei takngial pawh min hmu duh lo. Zawhna ka ngah asin le..

Kar khat hnu velah kan inbe leh tan a. Kan inhnaih bawk a, ka lut leh zut tawh a. Kimi mitmei pawh ka veng hran lo. Sex kan hmang leh ta lo bawk a.

Zoi chu lehkha a zir zawm ta lo phawt. Kei erawh class ka la kal ve hram hram a. Ka tui tehchiam tawh lo khawp mai. Mahse, chhungkua ka din ve taeh sia, ka mamawh si. A chhuak ngai mang lo va, inkhawm erawh sunday zingah a attend ve hram. A chhungte hian an duat ve bawk a. An hau ngai lem lo.

Tihtakzeta ngaizawngtu a nei ta. KTP ah pawh committee member ni lai a ni. A hming chu Sanga.. Zoi chuan a tirah chuan a ngaihsak lem lo. Kei chuan ngaizawnga nghet taka inzawmna neihpui turin ka mawr thin. Tlangval puitling tak, eizawnna pawh tha tak nei a ni. Zoi chhungte pawn an duhpui khawp mai. Sanga chuan min be tha khawp bawk mai. Kei pawn ka ngaina angreng viau.

"Zo, Bsa hi chu i kaltir a ngai tawh a ni. Sanga hi i tan mi tha tak a ni" tia ka sawipui tum chuan, "Risk ka la ngam angem tih hi ka inzawhna fô a ni' a ti khauh a. Zoi khawvel hi chu a va danglam bik tak, mipa a rin em em leh a hmangaih awmchhunin zahthlak takin a phatsan a. Tihian hawi lam leh âwn lam pawh nei lo vin a then kual vel mai mai a nih hi. Ka khawngaih bawk si, a chang chuan dawihzep ka ti bawk. Ka nawr luih nasat vang te, thian dangten an fuih ve reng bawk nen a vawi hnih nan ngaihzawng a nei ve leh ta a. A lo hawn atang khan zu chu a thlah ta hmiah bawk a, Sanga chuan a kaihhruai that ka ring tlat. Chu chu ka duhsak lutuk. Ka beisei ang ngeiin a thunun tha khawp mai. A inkhawm ve ta fô a. Ka lawmpui takzet a ni.

Mahse, zan khat chu a thiannu melody te ina kalpuiah min sawm a. Aman motor khalh a chuh tlat a, WBR lamah min tlanpui daih!  Zawhna ka nei hran lo. Zoi a ni miau a!

Thla thum chhung zet kan inkhawih tawh loh hnua kan han inchúl leh zet zawng, duhthawh luat a awm thei angem ka hre lo. Kan uar tân tân khawp mai. Kan thawm pawh a bengcheng viau mai. A hnute bial kerh no zet chu a fâwn hlawrh hlawrh a. A chhungril nawmna nasa tak avaga a biang tai tèkte leh a mitmeng phi chiai te chu hmuhnawm ti zetin ka lo thlir a. Kei pawh chumi zan tluk zeta ka phur leh chet nuam ka tih ka la tawng lo. Kan zawh fel hnu chuan ka thu vang vang a. A rawn nui hak a..

"Sanga kher lo mipa dang ka la ngaizawng pawh a ni thei. Sex ka hmanpui lo vang, kan inneih hma chuan. Sex kan hman tawh hnuah min kalsan leh ta si se, thih ka thlang tawh dawn si a. Nang chuan min tina ve ngai lo a" a ti sep sep a. Thla engin a hmai a chhun eng phèt chu ka thlir ngawih ngawih ringawt.

A chang chuan Kimi ka zah ngawih ngawih thin. Ka inten a, ka inhua. Kimi khan min phatsan ngei, mahse, Kimi ka rulhletna hi a nasa tawh mah mah a ni. Hnar tur ka nia, ka thei thlawt si lo. Zoi lah hi a danglam eih bawk si lo. Sanga chu ka zah ru vawng vawng thin. A chang leh thian tha tak ka ni lo ka inti thul. Ka thian anih tak tak chuan a that loh zia hrilha kawng dik zawh turin ka pui ngei awm sia tiin ka inzilh mawlh mawlh thin. Mahse, Zoi tan hian eng pawh tih ka huam lawi si!  Ka ngaizawng miah chuang si lo. Ani lahin a best friend nih min thulhtir chuang si lo. Ka hah thei viau.

Kimi pawh nau neih a hun ve ta tep mai. Kan nupa nun chu zep loh chuan s hlim mawlh lo a ni. A langin kan inngeih der mai mai. Amah pawh hi a hlim hran miah lo tih ka hria. Kan inkara daltu kan thisen avang chauh hian kan la inzawm ve der der a ni zawk. Ka hau ngai lo va, hmana kan inngaihzawn lai kha chu hmaaaanlai tak tak a ni tawh. Inpawh taka titi dun leh nuih dun kan nei khât takzet. A rukin Zoi hi a hnawksak em em naa.. A langah chuan kan nupa tan thiantha ber a tling lawi si.. Khawvel tak hi chu aw..

Kimi'n fapa duhawm zet min hrinsak ta. Pa ka ni ve ta a nih chu!  Ka va hlimin nuam ka va ti tak em. Bawihtea chu ka en ning thei thlawt lo. Ka hmangaih ngawih ngawih a ni ber mai. Kimi pawh ka ngaihsak sâwt viau. Kan fapa chuan min suihnghet a ni ta ber mai. Chhungkua pawh kan hlim e. Bawihtea duat em emtu zingah Zoi chu  alangsar fal leh nalh! Duat tak a ni. A la lawm theih si loh a, a sawp nasa mah mah em aw tih chang pawh ka nei hial thin. A hming pawh a phuah. Vanlalmalsawmpeka tiin.

Bawihtea thla 2 anih kan lawm zan chuan vanduainain kan chungah thla a rawn zar a. Bawihtea chu  a thaw a dik tlat lo, a thaw kâwk kâwk mai. A thinhnun hi a khuar dúk mai a, kan ngaih a tha thei ta lo. A rang arangin Hospital kan panpui a. Doctor chu ka duh aiin a hmanhmawh lo. Ka thin te chu a chhe túk mai. Septicemia a lo nia!  Kan kalpui har mah mah aniang e. Chumi tuk zing dar 6 velah ka en nin theih loh ka fapa chuan min kalsan ta.. A va na em..

Fa sún nat zia chu naupangtèin ka hre ve ta chu a  nia. A na khawp mai. Mu leh mal neih a har lutuk. Mawhchhiat tur ka dap chung a, tuma thiam loh a ni bawk si lo. Kimi phei chuan a tuar takzet.. A cher kâwk kâwk thei. Ka khawngaih ve lehchhawng khawp mai.

"In la naupang a, fa duhawm deuh deuh in nei leh vat dawn alawm.. Hetiang hi chu a dik lo,  Pathian remruat kan dal thei lo"tia min fuiha min hnem tumtu tam tak ai chuan, "Ess, i duhtawkin tap rawh. Hawh tap dun ang. Bawihtea kha ka hmu leh tawh dawn lo.. Ka ui lutuk.. " tia mittui tla zawih zawiha min tah khumtu Zoi chuan min hnem zawk. Ani pawh a tap bang hleithei lo a ni.

Ni e, khuarei te pawh hi a lo awm ve tho a. Bawihtea thih sarhu leh a hnu zela ka khawharna chu Zoi lakah ka hrithla mawlh mawlh mai. Ani lahin zo takin min lo dawl zel si. Sex kan hmang nasa hman khawp mai. Kan mualpho dawn a ni maw tih chang pawh kan nei hman.. Man chhuah kan ni ta em mawni le tih chang pawh a awm. Mahse, kan la him ve zel anih hmel. Tuman engmah an sawi lo. Min ringtawk dun si a. Pathian pawi chu kan sawi nasa khawp mai.

Hun a ral ve zel a. Kimi nen pawh kan la in nupa ve zel chu ania. Bawihtea thihna khan khi a rawn siam leh a. Kan inbe hleithei lo achha chu a ni e. Zu ka in zeuh zeuh bawk nen. Ka pa paw'n min khak ta zeuh zeuh. Insiamthat thut hi a har ve bawk si a. Chutih lai hun chuan Zoi chuan inleng a nei ta a. Sanga chuan neih a tum ta.

Zoi chhungte chuan makpa atan an duh èm vangin hnialna an nei hran lo. Zoi erawh chuan min râwn ve thlap. Kan nun dan ka ngaihtuahin kan la mualpho mai te ka hlau a, pasal tha tak anih ka ring bawk a. Zoi nun a lo nawma a lo hlim ve theih nan kei chuan nei se ka duh. Ka ngaih dan ka hrilh a, ani pawn rem a ti.

10th October-a innei turin thu an titlu ta a. Tupawh chu kan phur em em vek mai. Kimi pawh a inpenparh ve tan ta bawk a, kan pali in kan bazar thin. Sanga pheikhai pawh a zang vah vah hle mai. Hmuh an nuam takzet. Ni khat kan bazar, kawng kan kan tur chu chak zetin motor a rawn tlan a. Kan hmaa kal Kimi leh Zoi te chu a pan ding em em lehnghal. Rang zetin Zoi chu ka va pawt her sawk a!  Ka au tuarh bawk a. Motor pawh a brake tuarh.. Ka khur hlawk hlawk thei mawle.. Zoi chuan fiah zet hian min melh kiau a. Hlauthawng hmel pawh a pu lo. Kimi pawn a hlauh hmel khawp mai. In kan haw Rooma kan lut chu Kimi chu a rawn tawng chhuak ta a. "Tunah chuan tu nge i hmangaih ka hre ta. Zoi hi a ni i hmangaih. Vawiinah khan kei ni lo vin Zoi anih kha i pawh sawn. Kei chu thi mah ila pawi i ti lo" a ti ta a.

"Zoi kha ka hnaih zawk a. Chuvang alawm " ka ti a. A awih lo nasa mai. Ka hnialzui peih tawh lo. Ni lo,  Zoi hi ka hmangaih ka hre lo. Ka thian a ni.

Mahse, chumi zan chuan Zoi ka ngaihtuah ta tlat!  Sanga nen an innei anga, ka ta liau liau ni thin a hmeichhiatna kha Sanga ta a ni tawh dawn. Chutak chu tawrh harsa ka va ti èm.. Ka na zawk zawk a ni ber. Zoi hi ka lo hmangaih tak tak em mawni zawk le.. Ni lo,  ka hmangaihin ka hre lo. Ítna chu ka nei thin, sex kan hman zin èm vangin. Sanga hi thikna ka neih ngai pawh ka hre lo. Ani pawn Kimi ka tihlawm loh hlauin ka dik lohna min hrilh chamchi thin. Kan inkarah sex a tlazep a. Chu zawng chu a ni mai. Ngaihtuah loh hram ka duh a ni.

Zoi ka hmu ta vak lo. A buai ve bawk nen, bakah Kimi mitmei ka veng ta deuh bawk nen. Ka ngaihtuahnaah erawh a lang zing khawp mai. Chu chu duh lo vin kimi tihlawm tumin theihtawp ka chhuah a. Mahse, Kimi hi ka lungawina ber kha a ni tawh si lo va.

Inneih nan kar khat a la awm ang tihah.. Zoi a bo!  Fuckkkk…

Anu chu a tap pur a. Apa lah a sen tul bawk. A room kan dap a. Engmah a hnutchhiah kan hmu lo. A thawmhnaw tlem a zawng a keng a. A bak engmah a keng lo. Kan call thin. Switch off ngat ngat. Ka thinrim bawk si, ka khawngaih bawk si. Engvang nge?  Enga ti nge engmah min hrilh loh? Kei tal chu min hrilh ve ka lo ring asin.. Zoi, i bei fair lo è mai.

Sanga hnenah chuan msg a hnutchhiah a,  "Kan innei thei ta lo tih hi hei aia dawnsawn nuama hrilh theih che ka va châk em.. Min ngaidam rawh aw. Hmangaih ka nei a, amah chauh chu ka hmangaih a ni. I bulah khan ka hlim tak tak dawn lo va, mi tha tak i ni a. I damchhunga i hlim lohna siamtu nih ka duh loh vangin ka kal bo dawn a ni. Mang tha le" tih thu chu.

Zoi leh!.. Eng nge maw i tih tak le.. Khaw nge i awm?  Mawli..

A bo atanga ni 4 a ral hnuah number hriat ngai loh atangin call ka dawng a. Company emaw ka ti a, ka reject a. A lo call nawn zel vangin ka pick up ta a.

"Ess, Dubaiah ka kal dawn a. Ka ruala rawn kal ve i duh anih chuan, Chanmaria  west-a VL Drugs Store

ah khan i mamawh tur zawng zawng ka dah vek e. Ka nawrlui lo che a. Mahse, tu nge i hmangaih tih leh tu nge ka hmangaih tih kan hriat chhuah hun hi tlai deuh tawh mah se.. Ka lo beisei ang che.. " a rawn ti fiah fai kâk a!  Ka phu dawrh mai. Chhanna chang reng reng ka hre lo.

Rei tak ka inngaihtuah a. Hman atanga vawiin thlengin. Kimi ka ngaihtuah a. Hman atanga vawiin thlengin.

Muangchangin lehkhapuan ka la chhuak a.. Tuna i chhiar mèk thu te hi ka ziak tan ta a..

Ka ziah zawh hunah eng nge ka tih i rin le… eng pawhnise.. Hmangaihna hi a awm lo a ni lo. Hriatchhuah a nih loh fô vangin rahbeh a ni fô..

"Zoi… Zobiaksang… "