Hnehna runthlak

“HNEHNA 
RUNTHLAK”

Zinglam dar thum a ri lek lek tawh a, Pi Tluangi chu an sitting room zaupuiah chuan a vei  a vei a, bang a sana inkhai chu a han bih leh zeuh zeuh \hin  a. Thawm ri hlek a hriat chuan a hawi phawk hra zel a, a mu tawh zet a, a \hangharh leh ani tih hriat takin a mit chu a bui deuh lak a, a sam pawh a thur deuh bam a, a hmel hmuh chu a hahdam lem lo hle; vei lianpui nei hmel a pu a; a changa a han hui leh pap pap \hin chuan a rilru hah zia leh mangan ruk zia a pholang chiang hle. An inchhung bungraw manto hmel zet zet leh changkang tak takte chu hnawksak tih hmel zet hian a melh leh rawm rawm \hin a! chu in lianpui leh nghet tlutah chuan a pasal leh a fate pahnih nen an cheng ho a, a pasal chuan a hlawh aia tam pawisa a puanhnuai zauh zauh theih \hin vanga in nuam tak nei thei anni.
Mahse, chhungkaw vanram erawh an tem ve ngailo; pawisa hi hlimna a ni ber lo tih lo hria nise chuan a pasal kha eiru turin a nawr ngai hauh lovang le..mahse, a tlai tawh, an fate pahnih nunah an chhungkaw hrisellohna chu a rawn langchhuak \an a, a fapa neihchhun chu ruihhlo ngai niin, a fanu lah in vawihnih lai nau a lo titla tawh a ni. Phaiah an han dah ve ngial a, welfare ten  mualpho thlak takin an rawn thawn haw leh bawk si, an chhungkaw nun  hahthlak zet chuan a taksaah nghawng  rawn nei chho in a insawisel ta fo a! vawiinah khan a doctor rawn thinin ‘Chhul  Cancer” a nih thu a lo hrilh a!! chu pawh chu tumah ala hrilh lo.
“Ka pi, ti nge iva mengrei ve” an awmpuinu Mangteii chuan  mit nuai chawt chawt chungin  a rawn ti a.  A ngaihtuahna a\angin a harhchhuak nghal a, “i pu a lo la haw lo a, ka lo nghak a nih hi”
An awmpuinu chuan a rilruin, “Zan dangah pawh a nghak ngai tawp silo a, a piangthar a niang” a ti a, mahse, a pi hriatah erawh a sawi chhuak lem lo.
“Min hria em? Min han enchiang  deuh teh” chu  nula aw  tliang ral  chu a hriat tawh hnu chu niin a hria, mahse, a thluak nu but but chu a tifim thei thlawt lo. Zu a lo lem hnem deuh a ni. Kar khatah  vawihnih tal a nupui nilo hmeichhe dang a mutpui loh chuan kimlo riaua inhre tawh Pu  Thakima  hi pa hmelchhe lo tak, sar veng vawng, nui huau huau \hin a ni a, a nelawm lutuk chu a hlauhawm phah zawk hial!  Call girl–ah pawh dawr \han bik a nei thlap a, pawisa a ngah a, a duhdanin khawvel hi a herkual theiah a inngai a niber; a nupui fanaute tan intunnunna khawp aia tam fe a pe chhuak thei a, a bak chu ama hahdam nan ati a ni. A thawhpuite zingah pawh amah ang hi tam tak an awm ve tho tih a hre ve kur a, a inthiamlo lem lo. Kohhran leh khawtlangah a langsar zawngin a inhmang a, sum a thehchhuah tam poh leh pa fel leh thilphal nih a hlawh a, finna pianpui  le lu lo mahse, amah tihlawm nana adera a thurawn latu an kat zut  \hin. Chung chu atan chuan Game mai a ni.

KHAWILAM  LANU  NGE?!
A  hmei ang maia alo dawr \han tawh  Lawmi a zinbo a vangin  zaninah chuan mithar a hmachhawn a ngai ta ani. Lawmi  \hiannu tho a ni naa ala hmu ve lova; he nawmchenna khawvelah hian mi thar a la ni a, a tihlawm tur mihring erawh expert a ni  thung. Ahimsa Hotel  bulah a lo nghak a, car chhunga a rawn luh chuan chutiang khawpa nalh  leh hmel\ha  nen zanin hun an hmang dawn tih chu a awih lo hial zawk. A nui sen sen a, duhawm tak a ni. Tichuan, an Hotel  hman  fo (?) lam panin an tlan a. Manager nen chuan inhrethiam takin an innuih sak a, he hotel hi atan chuan lei Eden a ni miau a lawm!  Pawisaah a buai loh vangin harsatna a tawk ngai lo.
Inbual  phawt a rawt avangin an inbual hmasa te te a, towel  var chhingte nena alam a rawn pan lai chuan a chil a lo lem khalh khalh a! a mit chu laksawn harsa ati kher mai. Kawrhnuai leh  kekawrte nen chauh a awm a, Brandy thlit kerh kerh pah chuan  nelawm takin a\awng siam siam a, Lawmi zinbo chu alawm kher mai; zan dangah pawh he nula hlir hi kawp a tum tawh a, pawisa a neih chhung chuan buaina a awm a ring lo. Zu chu an in a, a in tam ve vak lo, chet theih loh a hlau ni fahmiang, Pu Thakima erawh  a zam deuh a vangin a lem tam hret a.
Khuma nulain a bawh thluk lai chuan alo rum nghut a, a nupui fanaute reng  a hrechang tawh lo! A awm chu a kut nel thep  chuan a rawn zut a, a thaw hiam hiam a, phurna hlira khat mitmeng hian a rawn melh sar sar bawk a. A hmui vam hamah chuan a han fawp  nawk nawk a, a thau dan ngaihtuahin  Pu Thakima hi a fit zek a! chu nula  taksa thianghlim leh nal hen chungah  chuan bawngpa tuai ang maia phur leh thatho takin a che ta buan buan a, vawihnih lai a nawmna vawrtawp chuan a tikhur hial a ni.
“I hming min hrilh ve tawh la”
“Zankhatnaah tumah  ka hming ka hrilh ngailo”
“Chu! Midang nen inlo che  fo tawh ani maw?”
“Ka vawikhatna emaw ilo ti reng reng ami? Lawmi ai pawh khan ka senior zawk” a nui har har a; a tuar thei leh talo, eizawh vek tum  niawm takin a taksa chungah chuan chintawk awm lek lovin a che vawithum leh ta a!
Manager chu  a thil ziahna enfelin a phun bul bul a, amah chauhin a awm lo tih a hriat veleh  a hawichhuak vat a, nula hmel\ha-i  leh  a customer hlun lo ding chu a va nuih a.
Zan dang ai chuan an chhuak tlai hret! vawitam tak nula nena  awmdun nan a hotel chu rawn hmang mah se, riah erawh a riak ngai lova, dan naranin zan dar 11 velah a haw \hin, zanriah pawh an hotel  a mi a chah nghal  mai zel a, zanina a nula rawn hruai hi hmana a nula hruai \hin kha ani ta lo tih pawh a hrechiang khawp mai.
Motor chhung lum nuam takah chuan a hmei thar chu a \awng leh sar sar a, a rawn nek deuh salh salh reng bawk a; a rilru chuan, “Min neih chu duh se, inngaihtuah buai a ngai lovang” a ti hial a ni. Mak tak maiin chu nula chu a bula a \hu reng chung pawn a vei ngut ngut a ni! A ngaihtuahna te chu a hip kang zo vek ni hian a hre thei hial mai.An  in lam nia a sawi  lamah chuan an kual a, thlanmual an tlan tlang a; hmun reh leh biru lai deuhah chuan an ding a, zu  in leh a duh vang a ni, Pu Thakima lahin chance zawn nan a lo hmang tum hrang bawk a! motor chhungah chuan vanram  tlafual an chen dun leh ta nge nge a!
“Min hre tawh lo tak tak maw”
“Ka vawikhat hmuhna che a ni; bawihte,”
“Ok..a \hat chu..haw tawh rawh, i nupui in a lo nghak rei lutuk ang che”
“Ka nupui nih i duh em?”
“Ka la duh mahna”
Thudang a sawi leh hmain a pilbo ta daih a! hrilhhai ru  takin Pu Thakima chu a inkhalh haw ta a. Kha hmeichhe duhawm, a hming a hriat siloh khan  a thinlung a luah khat tlat a ni ber! A chhan niawma lang chu  sex-ah a duhthusam ang thlap hlimna leh phurna neihtir thei tu awmchhun ala nih vang a ni mahna le.

APA, MENG RAWH..
“Bawihte, i nu hi khawnge  a kal le?” apa in  an tukverh a\anga a rawn auh lai chuan, a tea-set tlemte nen  nuamti takin an kawmthlang theihai buk hnuaiah chuan alo inlemtekhual a..
“Ih..ka hre bik lo; api te inah a niang” a lo ti a. Kum  6–na a hmang ve mek a, Zobawm khua ah chuan hmeichhe naupang  duhawm ber pawl a ni a, an khua chu a lian lem lova, in 80 vel emaw lek anni a; a pi leh pu (apa nu leh pa) te hi Zobawm khaw hlun leh an khuaa dawrkai awmchhun anni a, an khuaah chuan an khawsa thei ber hial awm e. Mahse, a pi leh pute chu an tar tawh a, apatea te nupa leh an fa panga lai nen inpui an luah a, apa erawh hi chu  nupui a neih a\anga thla tam a liam hmain an indang  nghal a ni. A patea nupui leh anu chu an inmil vak lo tih chu mite sawi dan a ni. A pa chuan sum \hahnem tak leh in hmun a indan pui ve a, chung sum hmang chuan sumdawnna bul \anin, Eichawp dawr a siam ve a, a patea te khan an dawr kha kharin leilet zau tawk an lei a, chumi avang chuan an khuaah chuan anni chauh chu dawrkai awmchhun anni  ta a ni.
Khawpui chuang chhuak tur chuan ke a thui fe kal angaih vangin,  dawr bungraw lak nan apa chuan sakawr pali lai a lei a, chung hmang chuan bungrua an la thin, mihring an tam lemlo bawk a, an khua chu an chawm hneh ve hle. Anu chu an khaw \henawm Khianghmun  khua a ni a, apa nen hian vawihnih chiah an inrim hman tihah palai tirin an insawirem nghal ta mai a ni. A nu hi nula hmel\ha  tak, mikhual tlangvalte pawn an rim ve ber a ni \hin a, a tha erawh a \ha tehchiam lova, apa ve thung erawh tlangval taima leh chaka sawi hat hat a ni ve thin. Chutiang nupa kara piang a nih vangin ROCHANHLUI  pawh chuan mi lawm a hlawh thei hle a, anau mipa a pian leh chuan anu chuan insiam a duh ta tlat a! apa remti vak loin a insiam ta a ni. Anu in dawr a nghak a, apa erawh dawr bungrua a lak loh ni chuan, leiletah a feh \hin.
“Mama pa, thawh\anni chu keiman bungrua chu ka han la ve tawh ange, bawiha pawh a piten an lo awm ve thei tawh a, Aizawl  ka hmuh lohna pawh a rei leh ta riau mai” zanriah an eilai chuan a nu chuan a ti a.An khua hi Aizawl khaw thlang lama awm a ni a, khaw chengker anga lang si hian Aizawl chu a hla em em hran lova, kea chawhma vel kal hnuah kawngpui chuang chhuakin, Aizawl chu tlai dar 6 bawr velah an thleng thin.
“Mahse, Bawiha hi zan  riahsan atan chuan ala ngaihtuahawm deuh lo maw?”
“Hnute ber a nghei tawh te chuan,  a awm thei em em ang, ka nuteii damlo pawh kan ka duh, ka tlawh hma te hian min boralsan ang tih ka hlau viau asin”  anu hi thinchhe ve tak, ancheh ve deuh ani na a, a pa aiin sumdawn a thiam a, mi ningkhawng a hria a, tupawn an nelin, an ngamtlak em em \hin.
“Nia kan la ngaihtuah \ha dawn nia, vawiin  zirtawpni  chauh a la ni a lawm”
School a kai ve tawh a, lehkhazir chu nuam ati em em \hin, anau hian a school kai tur chu a ngen fo \hin a, hruai ve mai a chak \hin hle, a naupan ang aiin a rilru a puitling a, anau pawh chu a ngaihtuah thiam reuh hle. Apa hian a nu aiin a duat bik a, ngainat pawh angaina zawk, anu awmloh hlek erawh chuan a khawharber ani \hin lawi a! an lo sawi lawk tawh ang khan anu chu Thawh\anni  chuan  bungraw la turin a kal ta poh a! anau kum 3 mi lek chu a tlei hrim a, a awm thei phian. Anu chuan kawr mawi leh Barbie a rawn hawn a, a hlim zia chu sawiin a siak lo hial ang.
Ningani-ah  chuan an khaw kawng laih tur rawn endiktu te an lo  kal a, apa chu VCP anih vangin an inah an innghat a, mikhual an neih khat avangin an unau chuan an zak in an kimki hle a, mahse, chung mite chu an felin an thilphal bawk a, ahnuah phei chuan an innel ta khawp  a. Mikhualho hawn dawn zanah chuan anu nuteii  thih thu an hre  ta thut mai! Anu  \ap hawm hawm chu makti takin an lo thlir reng a, an la hrethiam ve chiah lo a ni. Tichuan, a tukah mikhualho rual chuan anu chu Aizawl lam panin a kal ve ta nghal a, apa pawh kal ve tur tak anih laiin a kawng a herh pek a! kal thei chi ziazang a nilo; anu pawh chuan a hrethiam hle niin alang.
Apa ho chuan an lo khawsa ve naw naw a, apite inlamah an awm tam zawk mah a! anu chu lo haw har a ti tawh hle; apa pawh a dam tawh viau a, zanah a nau nen khawhar takin apa bulah an mu \hin. Kar khat hnuah a nu chu alo haw ve ta mial a! alo hawn a\ang chuan an inchhung boruak chu a danglam \an ta.
“Khawpuiah chuan thiltih a awlsam a, eizawnna pawh a tam a, helai khaw chengker lutuka damchhunga hun hman ka peih lo, pem ila a ni mai” tiin a nu chu a lo ang hlawih hlawih a. Apa erawh chuan  nui huah huah chungin, “Ekhai! Zobawmah ngei hian lu nghah ka tum a sin, i Aizawl han kal chu kan khua i hmu chul zo ta vek ani maw” a lo ti a.
“Kan tana \ha tur ka ngaihtuah vang a lawm maw aww; i khawhawite hi tizau ve rawh”
“Kan khua hian min mamawh alawm, pem chu sawi tawh hlek suh” tih chu apa thutlukna a ni. Mite hian apa hi ‘thaibawih’ rawngkaiin an sawi fo \hin a, anupui a hlau, an nu thu thuin a awm ti te hi an sawi duh dan a ni \hin, alang apau erawh chuan an be\ha em em vek a, thurawn an lakna ber ani lawi si!
A nu leh pate chu engemaw hlekah an inkhak ta fek fek fova, thu hoteah pawh an inbakkaih dawn dawn thin. Mahse, mipa zawk na na na chu a insum thei zawkah a\ang leh thin. Anu chuan an a cheh zual a, an unaute chuan a vin nasa thei ta hle, an inchhung chu a nuamlo tawlh tawlh tih a hai bik lo. Hun a kal ve bek bek zel a, an dawr bungrua pawh anu hlirin ala tawh \hin a, ni thum  hnuah te alo haw chauh \hin, apa chuan a sawisel ngailo a, ngawi rengin a thlir liam mai \hin. An khaw kawng pawh  a zatve dawn chu an lai tawh a, motor kawngin a rawn chhun hunah chuan hma pawh an sawn ve deuh ang chu..
“Hlute, in mikhualpa leh i nu kha dawrah an infawp lai ka hmu asin” a \hiannu la a ve tak Sawmi chuan a ti  ta reuh a! a ngaihna tak pawh a hre bik lo. Mikhual an neih lai chuan anu chu a fel thei em  em a, nuam a ti \hin. Hmana an mikhual te tho kha an lo thleng leh a; pakhat erawh chu ni hnih hnuah a haw a, pakhat erawh chu a cham ta reng a. Chutihlai chuan apa chu leilet lamah an \ul em vangin a mikhualpa pawh chu a \awiawm hman mang lova, mahse, mikhualpa chuan alo hrethiam ve em em a, apa chu VCP nimahse, a chhungkaw intunnunna a ngaihtuah a ngai ve tho bawk si a ni.
Zankhat chu apa chu leiletah a riak a, an unau chuan anuin mu turin a ti a, reiloteah an muhil nghal mai a, mahse, thawm bengchheng tak hian a rawn tiharh a; alo thim vek a, a thil hriat chu che chang lovin a ngaithla kiau a..an mutna khum nghing lawih lawih chu lirnghing emaw tiin anu auh a tum a, mahse, \awngri a hre ta thut a!
“Min zui haw mai rawh, heta awm kumkhua tur chuan i uiawm lutuk, kan inhruai nghal anga ni mai” mikhualpa chu a hah hmel hle! A thaw hrawp hrawp a!
“I nupui i \hen ngam tak tak ang maw?” anu pawh chu a thaw hlawp hlawp a. Vawikhatmah a nu leh pate nupa nun hmang lai ala hmuh leh hriat loh vangin chung thil chu engmah a hrethiam lo, a thim vek bawk si a!
“Ka \hen nghal ang, ka haw phawt anga, ka lo kal leh veleh min zui  turin ilo inbuatsaih dawn nia”
Zan lama thil thleng kha a ngaihtuah zui neuh neuh a, anu chu  a en leh vung vung \hin, apa lo haw veleh  hrilh vek a tum a.
“Hlute, tinge vawiin hi i va nguai ve, i damsam lo a mi?” a nuin a rawn tih chuan a phu zawka !
“Nu..ih, nizan khan..”
“Engmaw nizan chu?” a nu hmelah ngaih\hat lohna alo lang nghal a.
“Apu nen khan..ih..” a kun ta daih a! anu in maktih hmel zeta a en reng lai chu a hmu ve lo. School-ah chuan  rilru nuamlo takin a awm a; a ngaihtuahna kap tlattu  chu a sawichhuak ngam bik silo. A school bang chu a tea-set lachhuakin an kawmthlang theihai buk hnuaiah chuan a inlemtekhual a, inah tumah an awm lova, an dawr pawh a inkhar \hiap a, ngaih\hatlohna a nei lem lo. Tuitaka a inlemtekhual laia apa in a rawn koh khan nizan lama thil thleng kha hrilh tumin a pan chho nghal a. Mahse, apa in an Almirah a hawn lai tak ava nangching a, makti zetin an pafa chuan an inmelh ringawt a! anu thuamhnaw pakhatmah hmuh tur a awm lo!!
Anu leh an mikhualpa chu an tlanbo ta niin a ring nghet hmiah a! a pite ina ava kal chuan a nau alo awm a, a nu erawh a awm ve ta lo. Khatihlaia an awmdan kha chiang takin a hre tawh lo; a hriatchhun chu apa mittui far lai kha a ni.. api leh pute leh apatea te ho an lo kal khawm a, apa chu an titi pui ni mai hian a hria, khang lai hun  kha  atan mangchhia a ni. Mangchhia chu ala tawp mai lo, ala in\an dawn chauh zawk a ni.
Thla tam a liam hmain mi \awngka a\angin anu leh an mikhualpa kha an innei tih a hre  ta a! Aizawlah an awm tih pawh, an khaw kawng laih pawh mikhual dangin a rawn endik tawh a, an pafa thum chuan an khawsa ve naw naw a, apa chu a lungleng thei hlein a hria, leiletah a feh ngai tawh lova; dawr anghak a, a leng chhuak ngai mang lo. Mahse, a hmel chu a lang tar chak kher mai. Zankhat an mu chu anau chuan amumangah a nu alo hmu ni tur a ni, “maa..Amaaa..” tiin a rak ruai ruai a! rang takin apa chuan a kuah a, anau pawm chunga afate hriat hlau taka a mittui luang chu a fanu fing em em chuan a hmuh hmaih hauh lo.
Anu chanchin reng reng an hre ngai tawh lova, Khianghmuna a pi leh pute kha thla zawn deuh thawin an thi a, an unauin aputea’n a rawn hruai ve a, anu hmel hmuh tur a awm chuang lo. A nu chhungte chu an felin an unau chuan an duat em em vek a, mahse, anu chetdan tenawm tak avanga an inthiamloh vang te pawh a ni ve thei tho bawk. Mak ala ti reng a, a nu chetdan kha ala hrethiam chuang lo; lo la haw leh turin angai a, a zinbo ni maiin a hria, mahse, pasal dang a nei bawk si..chutiang thil buai nuaih chu a ngaihtuah thiam lo.
“Hluteii te unau hi aww..an va lainatawm tak em..anu uire kha  keichu mak ka ti vak lo; a mizia khan mipa a lem riau tlat  a!”
A thu hriat chu in a thlen veleh apa a zawt nghal a, “bawihte, ni e, i nu khan min uiresan a, pasal dang min umsan a ni, alo kir tawh  lovang”
Apa khuh riin a tiharh a, a han inlet a, apa chu khum ban vuanin a lo khuh  khek khek a, apa khuh rengna hi a rei ta viau! A pi in thla hmasa khan a boralsan a, anu ang hiala a ngaih leh a mah duattu api awmta lo chuan a khua a tihar \hin hle, a pi boral a\ang khan apa hi a khuh ta fova, a chang chuan thi te akhuh chhuak \hin. An dawr bungrua pawh an lak ngai tawh loh vangin a thawl tawh hle a, an khuaah dawr hawng thar an awm tawh bawk nen, an inhralh \ha  vak ta lo.
“Apa, ti nge i khuh reng zel a?”
“Bawihte, ka khuh lo \ep tawh a lawm”
Chutihlai chuan ani chu kum 9  lai a ni ve tawh a ni. Hun chu a liam zung zung a, anau pawh a ninhlei rual a rawn ni chho a, apa a tibuai \hin hle. Nikhat chu school-a a awm laiin a patea fapa, amah aia upa hlek hi an room-ah chuan a rawn tlanlut a, thaw hlawp hlawp chungin, “Hlute, Lalbawiha thingkung a\angin a tla a, alu a thi nasa lutuk!!” a rawn ti a! engmah ngaihtuah hman lovin a tlanchhuak a, an in lam a pan nghal a, mi an lo zi hut hut a, khumah chuan anau chu a lo mu a, a patea nupui khan a lu a thisen kai chu alo hrufai a, apa pawh a nau banah chelhin ngawi rengin alo \hu a.
“Lalbawih, a na viau ang tiraw?” a ti sap a. A nau chu thei leh theilo hian a rawn meng a, na tih hmel zetin a \hen chak chak a, “A u, Anu ka ngai ee” a rawn ti a, a aw chu a zawi hle, mahse, a bengah chuan \ek tla tluk zeta ring a ni thung. A nau hian khang kum liamta chhung khan anu hi a lam a lam \hin a, anu khan a duat ve em \hin bawk atin ni..amah ang bawkin anau chuan a nu chu a lo kir leh a ring a, beisei takin a nghak a, an examnaa pahnihna a nih \uma a Report Card pawh  “Anu lo haw hunah  ka  entir ang” tiin  thingremah a kalh hnan thlap a ni. Mahse, chu mipa naupang, anu ngaia \ap muhil \hin, anu lo haw hun nghakhlel taka thlir fan fan \hin chuan Anu  hmel hmu hman lovin Famdairial a chang ta!! A nghakchhuak zo ta lo…
Hluteii chu a \hu ngawt ngawt a, a nau hmel chu a en tlawk tlawk ringawt mai a ni. Thihna awmzia chu a hre ve tawh a, anau chu engtikahmah alo kir tawh dawn lo tih a hrechiang ve lutuk; chu chuan nasa takin a thinlung a sawisa mek a ni.
An inchhung ruak leh khawhar takah chuan apa chauh chu a neihchhun a ni ta a. A pa lah chu a nau boral a\ang phei kha chuan  a hrisel lo zual a, inchhungdung bak a pel ngai ta meuh lo! A khuh nasa telh telh a, inentira dotor rawn turin an ti thin, a duh ngailo, mahse, afanu neihchhunin tihtakzeta a ngen takah chuan  Doctor  rawn  chu a tum ve ta a. An khua pawh kawngpuiin a pawh tawh a; a awlsam tawh hle. Ani (Aunt) in apa chu Damdawinah a hruai dawn a ni. Zanah chuan apa thawmhnaw te a siamfel a, ani erawh apa awmloh chhung chu apatea te bulah a khawsa hrih dawn a ni.
“Pa, tho rawh, motor  a ding tawh ania” a tih lai mek chuan ani chu a lo lut a..
“Bawihte, ipa chu a la tho nange?  Kal a hun dawn tawh a sin” a rawn ti lut a.
“Umm..nidanga a thawh hma theih theih nen..pa, ani pawh a lo kal tawh ania, tho rawh”
Apa chu a muttui hmel kher mai, a va sawi a, mengphawk deuhin a sawi leh a, maktiin a tawlhkir a!
“Niii..apa hiii..” \ah aw \iau hian ati a. Ani chu a rawn tlanlut  vat a, apa chu a va sawi nawk nawk a, mahse, alo khawng vek tawh!! Ani chu a au chul a, a \ap hawm hawm bawk a! mipui an lo pungkhawm a, kilkhat a\angin mi chetla chu ngawi rengin alo thlir a, engmah a hre lo, a mang vek..a thim vek..apa a thi maw? dawt a ni..dawt vek a ni..
“I fanu hi i ngaihtuah ve lo em ni? Engati nge hetianga i hnutchhiah tak mai, ka uuu..” a nite pahnih \ap thawm chuan a chhungril a vit tlang a! eng sawi set set lovin a pa an zalhna lam chu a pan ruak ruak a..
“In  vai hian dawt in sawi a ni, apa hi a thi reng reng lo, a muhil anih hi, a thi lo, nakinah a lo harh mai ang, a riltam hunah..” tiin a au tuar tuar a, mahse, chu chuan mi mittui a kochhuak hnem ting si!
“Pa..apaaa, i thi lo tiraw? Tho rawh, pa, apa, meng rawh” tih pahin a pa lu chu a sawi a sawi a. Apa erawh luhlul takin a mit a chhing tlat  si..!! hmeichhe naupang kum 12 mi thinlungah chuan huatna leh phuba lak duhna  hlirin hmun a chang  zo ta…

KA MA A CHE….
“Nizan kha i lova haw har em em ve a? chen chen ana” a nupui ang hmuar hmuar chu khamawm a ti hle. An awmpuinu Mangteii  thingpui  rawn dah in chung chuan Luangliam Chanchinbu a hlam duai duai a..a rilru kilkhatah erawh nula duhawmi kha a cheng reng a, a nupui hmel\ha tak kha a hmu tar ta riau  mai!
“Hmannia ka inentirna result kha a chhuak tawh a”
“A \ha ang chu maw..”
“Ka chhul a cancer a ni!!” an nu chu a va melh kawk a..a beisei loh lam daih a ni. A in sawisel fo a, mahse, cancer em em chu a rin phak loh thil a ni.
“A la tlai chhe lovang, i chhul kan paih tir anga, i \ha leh mai ang”
“Chhete pawn nang hian min ngaihtuah lo a nih hi, ka natna vanga lungngai hmel i put ka lo ring ve asin”
“Aww,,bawiha nu, Pathian a awm a lawm, lungngaih vak a sawt hleinem, vawiinah Pu Liansanga kan va hmu dawn nia” a ti dam thluam a. An nu chu a khawngaih ru ve hle; nu hrisel leh  thothang \ha tak kha a ni \hin a, fa pahnih bak an nei thei lo thung. An fate chu tlai tawkah an rawn tho a, an nu leh pa an chhelo bawk a, an hmel\ha dun hle, tuk\huan an kil lai chuan pa ber phone alo ri ral ral a, ava lak chuan a khi suk a, bath room lamah a luhpui ta hmak a!
“Nu, ka pa hi miin an sawi duh riau a nia aw; nula te nen an fawr \hin anti nia”
“An sawi ve mai mai anih chu..an tluk silo a, sawichhiatna tur an zawng a nih chu..”
“Hmanniah pawh an office bul  step-ah khan nula pakhat nen  kut an invawnsak lai ka hmu, Samu-a nen kan nia, a hmu ve ang tih ka hlauh zia chuuu” an  fapa chuan alo ti ve a! nu ber chu a ngawi reng a. A fate thusawi chu dawt a ni hauh lovang tih a ring; a pasal mizia hi a hrechiang tawh a, a leplerh zia pawh a hrechiang; a thawhchhuah hmanga nuamsa taka awm thei a nih vangin a sawisel ngam lo a ni zawk. Vawikhat erawh a phone a en ruksak \umin  hmeichhia nen an inbiak na a hmu fuh a, a \ap lo chauh a ni. A pasalin a rawn hmu a, a phone chu a chhuhsak nghal a, engmah a sawi hmain, a beng thuai a, vawikhatmah a phone check tawh lo tura thupek a chhuah nghal a nih kha..
A pasal hian hnawtchhuak ta se..rethei takin a nun a hmang dawn tih a hria a, chuvang chuan a nupui ala nih phwt chuan enliam  mai mai a tum ta ringawt mai a ni. A pasalin bathroom-a a luhpui ngai khawpa a biak mek pawh chu  a pasal tawmpuitu a ni ang tih a ringhlel lo. Na ti hle mahse, tih theih neiin a inhre lo a ni.
“Nu-i,  vawiin chu ka kalpui hman lo tlat che, hna chungchangah  pu-in min rawn ko thut a..nangmahin va kal mai ta che”
“In pu chu a zin amaw ka tia”
“Nizanah alo haw a lawm”
“Anih chu..nia, mami ka kalpui mai ang”
A pasal chhuah hnu chuan a phone a hmet a, “Hello” a rawn tih rual chuan, “Pu Sang, Pi Tluangi ka nia, i la zin ta reng em ni?” a ti a, a aw chu a khur deuh a.
“Aw, hei  ka la haw theilo deuh a, eng nge nita? Pawimawh a awm  a mi?”
“Awm lo e, ka lo be lawk mai mai che, nih phawt aw” a dah ta nghal a..Pu Sanga chu a ngaih a \ha hauh lovang le..a pasal dawtsawi a manchhuak ta phawt..a maimichhing a, a taksa na chu a rawn zual  deuh deuh hian a hria a.
“Zanin pawh nuam deuhin aw..eng nge ka lei ang che? Eng nge i duh?’ Pu Thakima chu nelawm zet hian a nui huah huah a. Nula chu a nui sak a, “Ka bula i awm chuan a tawk, engmah dang ka duh lo” a ti ngher ngher a.
Pi Tluangi  inentirzo  pawh  a \hiannu Rosiami te dawr a tlawh kawi a, a \hiannu dinhmun chu a awt ru ngawih ngawih a ni. An chhungkua aiin hausa zawk lo mahse, an hlim a, an fate pawh  kohhran leh khawtlanga inhmang tak tak vek anni. An chhungkuaa Pathian a lal lo lutuk chu ama thiamloh ni in a hria a, Rosiami anga \awng\ai peih  leh  inkhawm  nuamti tak  a ni ve lo chu pawi a ti hnuhnawh hle, tunah chuan anatna in a uairit  bawk nen, bul\an \hat nan a tlai tawh niin a hria a, a beidawngin a ruak takzet a ni.
Taxi changa  adin lai chuan an pa motor a lam pana lo tlan a hmu a, khaw nge maw a kal dawn le..a tih rilruk lai chuan  traffic jam vangin a zawnah chuan an ding det a. A pasal bulah chuan nula hmel\ha tak, la upat loh hmel tak hi a \hu a, a pasal te chuan an rawn hmu ang tih hlauin lehlam a hawi  a, chak zetin a hmazawnah a kal ta hmawk hmawk a. Khawiah nge an kal ang tih a ngaihtuah duh lo. A pasal chu zan reiah chauh a lo haw leh dawn tih a hrethiam nghal vek  mai.
A  natna in a taksa a fan mek tih hriat takin an nupa khumah chuan a tal  a tal a, a taksa natna ai chuan a thinlung na chu tawrh harsa a ti zawk a ni. A tho a, a vei a vei a, a \ah a chhuak lova, mahse, \ah hawm hawm a chak si..
Room-a  a pasal lo lut chu alo thlir mawl tawp a, maktih hmel deuhin an pa chuan, “ i va mengrei ve; min lo nghak tawh suh ka tih kha, hna a laklawh deuh a” a ti satliah a.
“Khawi hotelah nge i hna chu in thawh a?” a chhungril na chu a thup seng tawh bik lo a ni.
“Eng a?!! i tawng duh dan  mai mai chu’h! ka chawm ka hrai i nih hi i hria em?” thinrimna zawng sa hrim hrim a ni bawk a, a pawr kher mai, zu rim a nam huam bawk a, rum zetin a nupui chu a melh bawk a.
“I chawm chu ka ni ngei mai, chumi avang chuan hmei i nei thei tihna a nilo” a ti ve tan gat a! huaisen a inti rilru hle.
A samah a rawn kek bu lawp a, “Nang ve mai mai hian ka awmdan tur hi lo sawi ve duh suh, he ina ila awm thei hi lawm hle la a ni ringawt”
“I nupui ka nih  hi..i fate nu ka ni, hetianga in pal mai mai hi ka duh miah lo a nia” a awki chu a sang ve hrat!
“Eeeee..!! i awki te i san ve ngam e law? Chutianga ka awmdan  i duh loh viau te chuan chhuak la ti nia, chhuak rawh, ka nei peih tawh lo che, bungraw hluihlawn mai i ni tawh, nang hian ka mamawh min phuhruk  zo tawh lo, mai mai che hian, ka ma che, chhuak nghal rawh”
A pasal \awngkam tinte chu na ti em emin alo ngaithla a, ‘bungraw hluihlawn tawh..nupui  hnaisailo, \angkai tawh lo, mamawh pe thei tawh lo’ a thinlung chu chung thute chuan a rawn vit sawk sawk a! a taksa zawi rawih rawih chu tawrh har a ti hle; a maimichhing a, kum tam tak liam hnua a pasal nen an inngaihzawn \an ni kha a chhui kir ta vawng vawng a..

|AWNG RING SUH..
A thawmhnaw fai leh changkang takte chu a hmu duh kher mai. A thau lutuk lova, a palianin a sar vung mai a, a hnar ngul sang vah te chuan a tilang hmel\ha hle a, a pa hliah hliah ni hian a hria a, a lo suangtuah fo leh a duhthusam chu a bula \hu mek hi a ni tih a ring nghet hmak! a lam a rawn hawi a, nelawm takin a rawn nuih saih a, thawk pawh alo thaw \ha ngam lo hial! Zanriah an ei lai te chuan  a lo melh leh veng veng zel a, chupa pawh chuan a rawn en ve zauh zauh a.
Nulat a hre hma a, lehkhazir lam hi a tihchi nilo a a hriat vangin  pawl riat thleng chauh lehkha a zir a; a chhungte puiin ram hna a thawk \hin a, mahse, an unau chu an rual ve deuh bawk a, in nghaktu  a ni ta ber zawk a. A hmel\ha a, a tituai rawn nalh chho chu tlangval leh pathlawite sep nasat ber pawl a ni \hin. Ani pawh chuan nuam a ti ru ve hle \hin.
A  suangtuahnaah chuan, khawpui atangin tlangval hmel\ha  leh hausa takin alo rim a, tichuan kawrfual var mawi em em  hain a lalfapa nen chuan ropui takin anlo innei a, khawpuiah awmin,  a chang changin an khua chu a pasal nen chuan an zuk tlawh \hin a, an khawmite chuan ngaisang takin  an lo  en hrek hrek anga, a fa hmel\ha takte chu  pawm inchuhin naupangho te chu an lo intibuai thul…
A suangtuahna chu mipakhatin a rawn nuaibo ta vek mai!! Chupa chu a hmel\ha em em hran lo a, mahse, a hausa a, a taima hle bawk. Vawikhat a rawn rim a, pangngai takin alo be ve mai a; mahse, a mize pa hrak leh \awngtam lo tak chu danglam alo tiru hle anih kha..vawihnih nan alo leng leh a, a haw dawn chuan an kawt thleng a va thlah a, chupa chuan, “ Palai ka rawn tir ang aw..a rem ang tiraw?” a ti a. A hamhaih vek a, thilthleng chu a rang lutuk in a hria a ni. Mahse, chupa hmel thutak ngak leh ngenngawl tak chu tihnat harsa ati a; a lu a lo buk khum ve ta ringawt a nih kha..!! chutah  a rawn kuah a, a pawm a, a lungphu det  det  ri chu  a ngaithla ta reng a, a thla hi a muang hliah hliah a ni ber e.
A  fa hmasa ber tur a pai laia apasalin a duat \hin zia kha aw.. fa pahnih an neih takah chuan fa neih leh chu a chak tawh lo tlat! Nu taima tak a nilo a, fa enkawl \euh ngai neih chu \ul a tilo, a pasal remti lo chung a insiam anih kha..hlim takin an cheng ho a, a khawvel zimte kha a hlimpui a, khatah khan a duhkhawp a hmu \hin a nih kha..mahse, chu hlimna chu mikhual pakhat avangin a kehchhe zo ta..mikhual  neih hi ninawm a ti \hin a, chet reng ngaite chu a akham hluah hluah \hin. Mahse, tuna an mikhual zinga pakhat a hmuh a\ang chiah khan a nulat laia a suangtuahna kha atakin alo thleng ta niin  a hria a, a duhthusam thlendik tir chu a tum ta bur a nih kha..
Anuteii  thih thu a hriat rual khan a ruk tak chuan a lawm em em, a chhan chu a mikhualpa rualin a kal thei dawn tlat a lawm! A pasal kawngherh te chu pawi a tilo em em, alawm zawk hial. Kawngtluanin a mikhualpa \awng a ngaithla a, midang an awm ve vangin mitmei a hmuh ngam lo. Anuteii te ina a rawn lan ve a\ang chiah khan a pasal fanaute a hre reng  ta lo! Mahse, mitam tak hual vel karah an awm si a, a tan chet lak a har si a ni.
“Aizawlah lo pem daih ruuu, a nuam zawk, chang kan pawh in changkang zawk ang” tia mikhualpa thusawi chu a hawnpui a, a pasal rilru hneh a tum ta reng a nih kha..mahse, a pasal in a hnar  takah  chuan a lungngai a, a duhthusam chu a tipuitling zo dawn talo niin angai a; a chang chuan a rilru tenawm tak chu a hua a, a zak a, a inten ngawih ngawih \hin. A pasal chu a hmangaih ni khan a hre thin si a, tin, a fate pawh a ngaihtuah tho, tichuan  a rilru a siam a, lungawi taka a pasal fanaute bula a damchhung hun hman chu a tum ta zawk a..mahse..
A rawn lang leh ta tlat! Hei pui! A mang ava ang tak  em, mikhualpa lah chu a \hianpain a hawsan a, amah chauhin a ni ta bawk si..chu a chhapah a pasal lah leiletah a riah alo ngai vei  nen..chu hun rangkachak chu bawhpelh tum lo niawm fahranin mikhualpa lah chuan a mitmei ta zeuh zeuh lehnghal! Nu pangngai leh fing tak chu nise chu pa chu hauin mi duhlai ani tih a hrilh ngei ang, mahse, a ti thei tlat lo, a ngam lo a, chutih ahnekin a mamawhna chu a zual zel zawk  a ni.
Ni khat chu dawra a awm laiin alo lut a, mi reh lai tak a ni a, a bulah a rawn \hu a, a nupui nen in\hen an tum thu a rawn sawi ringawt a! fa pathum a nei tawh tih  pawh ahma khan alo hre tawh a ni, a kut a rawn vuan thut  a!
“He khuaa awm hlen tur chuan i uiawm ngawt  mai, i duhawm sia” a ti sap a. A kut chu a sa mum mum  mai!  Chupa hipna chak zia chu mak ati hial zawk! A so bulh bulh ni ber hian a hria. A maimichhing ta ngawt a,  a rawn  fawh chuan amengchhuak a, alo dawh hle hle ringawt. Tlaiah chuan eirawngbawlin a buai hle a, an\am tlak tur a siam mawlh mawlh lai chuan,  “Towel  min lo pe lawk mai” tih ri chuan a ngaihtuahna a\angin a rawn kaiharh a. Towel chu a va la a, bathroom lo inhawng deuh hiai ah chuan a va ban a, a banah chuan lo hmer chatin  rang zetin a hnuk lut a, kawngka chu a kalh nghal bawk a, engmah sawi hman  lovin a rawn fawp  bawrh bawrh a! a chakna a hipkang ta emaw tih turin a zawi  nghuai mai, bangah a nawr bet a, a hrawm nawk nawk a, “He hun hi ka nghak rei tawh lutuk” tih pahin a pawnfen chu a hlim chho pawk a, a fen hnuai  leh kekawrte chu a kek thla nghal a..
Rum ham ham chungin a tihtur  chu  a ti nghal mawlh mawlh a, alo ngawi reng thung, mahse, boruakah chuan a thlawk  delh delh ni in a hria, a pasal hian hetiang ang nawmna hi vawikhatmah ala pe ngailo tih a hrechhuak nghal bawk..an zo a, ngawi rengin a chhuak a, a fanu \awngri a hre nghal a, aw lawi zetin a chhang a, inthunun  a tum hram hram a ni.
Zanah chuan,  a fate mutthilh hnuah pangngai takin an titi dun ta a. Ani chu a han haw leh phawt anga, a nupui a \hen anga, tichuan  a nupui niturin a rawn hruai tawh mai dawn a ni. A pasal fanaute chu a tello pawn an awm thei em em ang, an khua chu damchhunga cham hlen nan a sit thar em em a, chen rengna tlak niin a hre ta lo, nuamsa taka khawpui nute anga  inchei hlarh renga mawn hmeta \hut chu a chak ber a ni, chung zawng zawng chu hepa hian a pe thei tih a hria;  a pasal nena an khumpui lo \awmpuitu chu a pasal angah a ngai nghet tlat tawh a ni.
A fanu  nungchang  danglam riau  chuan a tibuai ru hle, he nau hi a naupan aiin a fing reuh a, engemaw chu hriat a nei niin a ring a ni. A rin ang ngeiin  zan lama thil thleng kha  a hre vek tih  a hai ta lo; a pasal  a lo haw dawn tawh bawk si, a mangang ta, a fanuin a pa bula a sawi vek chuan, a mikhualpa chu  a haw anga, alo kal ngam tawh lovang tih a ring a, chu chu a ngaingam thlawt lo a ni. Engkim a hrilh ta vek a, an dinhmun khirh zet chu chinfel dan kawngkhat chauh a awm, an khua chhuahsan mai chu..mikhualpa chuan a hreh hmel  riau a! chu chuan a ti mangang lehzual a ni, mahse, thiam takin a han thlem a, phur taka  mipa a han nih tir tak hnu chuan arang aranga khua chhuahsan turin a nawr ta sek sek zawk a..hmm..tunah chuan  a duhthusam a thlengdik  dawn  ta e…
Mi nupui luahlantu a ni chu pawi a ti lova, a suangtuahna a thlendik zel avang chuan alawm zawk ani. An khua leh a chhungte chu  a thinlung atangin nawhreh a tum a, mahse, a nawtreh hlen thei bik lo; hriatchhuah chang chu nei fo mah se..a khawvel thar chu nuamti taka chen a tum \ang \ang a! a insiamna an phelhtir leh a, fapa leh fanu a nei leh ta..tunah zet chuan a duhthusam chhungkua a din thei ta..
KUM TE CHU NUMBER MAI MAI ALAWM
A pa thawhchhuah bakah a puanhnuai sum tam takte chu ho mai maiah a tlakral \hin a, nitin mai hian college lam panin a inkhalhchhuak ve \hin a, mahse, class a kal ngai lem lo, a \hiante nen  MC-a  an in tlar zawhah Zemabawk daiah a kawp te tein an kal dial dial \hin. A nu leh paten an hau ngai lova, a tan chuan lei hi vanram a ni hawt e! ei leh in\ha tak nena chawm seilen leh hna rim thawk ngai lo nafam chu a no hluak a! a hmel pawh a \ha reuh zek a..inla pa ve tak anih vangin a thawmhnaw pawh smart zaih ai chuan Rock star ho ang maiin a punk thei hle..
Darthlalang hmaah reife a sam a khawih ki kawi a, a faifuk rat rat a; vawiin chu a phur hle tih a lang reng mai. Thla 1 liamta a\ang khan a nun thlak danglam dawrh thei thil atawng a, class pawh a kal ve ta zeuh zeuh, hmeichhe hrang hrang phurin chak zet zetin a tlan tawh ngai lova, a bike hnunga chuan chak hmeichhe sihhnip fe fe an tam hle laiin hmeichhe pakhat erawh bike telloin ke kham \humin a lenkualpui \hin. An in tawn hmasak ber ni chuan Aizawl Masala  Restaurant-ah a \hiante nen inhnawhpuar turin an lut a, \huthmun a rem fel a hawi chhuak chu amah hmachhawn zawnga lo \hu  hmeichhe  mitmeng cool zet chu a hmu ta a! alo melh reng tih a hriat chuan a melh ve ta reng a..mahse, a \hiannu nen chu nula chu an chhuak  nghal deuh mai a. Jean pawnfen pawl dal chhing fe a feng a, kawr  dum leh vara \ial, ti deuh help hlup a ha a, chapal simple zeta kaih  bunin, a ke\hiah chu avar hai mai a. A chawn ria lam deuh, mam hen  chu a nalh kher mai. A hnute poh lah chu a lian lutuk miah lo; mahse, mawi tawk tak a ni. A sam chu a kir lek lek a, a buang deuh thar a, a kawng thleng vel a sei a ni a, a thlah siau a, a engkim chu a mawi em  em vek a ni.
“Samu, saw nu saw a van khal ve”  a \hianpa a hrilh ta hial a! hmeichhia a en uluk vawikhatna a ni hial awm e.
“Mahse, a naupang vak tawh lovang”
“Ho ee”
A tuka an chawlh leh pawh chuan alo awm leh a; kar khat lai chu chu Restaurant-ah chuan \awng silovin mitmei hmangin an in lem tawn a ni ber. A tawpa tawpah a mipa zawk na na na chu a insum zo ta lo a, a va pan ta nge nge a, inhmu fo tawh siin an han inhmelhriat \ha leh vel a. Thil chu a kaltluang chho zel a, number inpe tawnin  ralkhat a\angin an in sai \an ta..zan rei tak tak thleng an inbia a; an nui dun a, phone sex hial an hmang ta! Phone a\ang ringawt pawha chutiang khawpa phurna tisosang thei hmeichhia chu belhchian a chak telh telh a, an inhmuh ni hmasaberah  a bialnu ni turin a sawm ta nge nge a nih kha..
“Ka upa tawh a, kei chu”
“A pawi ka tilo, kumte chu number mai mai a lawm”
“Mahse, min bum ang tih ka hlau a ni”
“Engvang ngawt chuan maw?”
“A nih kan enchhin dawn  nia”
“Ka lawm e, ROSE,..”  an infawp ta vawng vawng a. Ralkhat a\anga phone kaltlanga  lo inhip tawn  tawh annih vangin insum a har khawp ang. Mahse, Rose chuan sex hman a duh bau lo!! A bialnu chu a duh em vangin a duhna chu a ngaihpawimawhsak a, hmeichhe laka a inthunun vawikhatna a ni hial awm e! a ni telin  a duh telh telh a, Rose chuan Part time in company pakhatah hna a thawk a, a \hiannu nen  in an luah dun a, Rose te inah chuan vawihnih chiah a la leng a ni. A chhan chu Rose chuan len aphalsak ngai lova, Hotelah  inhmuh a duh zawk thin. An inluahna  neitupa a strict em vang niin a sawi. Vawi tam tak a fala an inhmuh hnuah pawh a taksa chu ala chensak thei lova, he hmeichhe lakah hian a tlawm chiang hlein a inhria, amah aia upa nimahse nupui atan a duh a ni. A tihlim thiam a, a duat a, sex tih loh chu a duh ang a tih hlawhtlinsak zel \hin. Zu  erawh in a phal vak lova, mahse, a rukin a in \hin. A \hiante ho nen pawh an inhlat tial tial tawh a; pawi a tilo.
“Nu, vawiin tlai chu aw..lo inring ve ang che u”
“Awle, i pa pawh ka hrilh tawh kha”
Ni e, vawiin tlaiah hian a bialnu Rose chuan znariah a rawn ei dawn a ni. A mitmeng chu phurna hlirin a khat a, a hmelah chuan nui hmel a chambang reng mai. Tlaiah chuan Rose te inah a inkhalh phei a, a lo insiam mek a, a \hiannu chuan alo be luam a, Rose inchei zo lo chhuak chu a nalh kher mai; kawrfual dum fit zet  a ha a, a lang sexy takzet a ni.
“Danny, i chhungte chuan min lo lawm vak in ka ring lo”
“Ngati?”
“Ka upa zawk sia”
“Ninawm, sawi ve ziah suh”
“Bawih, i  nalh tawp” Rose \hiannu chuan  KZP a rawn hmuh va a! a \hiannu va kiai sak pah chuan, “In pa Fapa pawh hian nalh min ti chiang” hmui phunin a va ti a. Inhrethiam tawn zeta innuih chungin  an in vai liam ta a. A \hiannu chu inchhungah  lutin, laptop a on a.
“Rose leh Danny chu zanriah ei turin an chhuak chiah a, keimahin ka awm”  tih thu hi a type mawlh mawlh a..
“DAWT VEK A NI;  DAWT ANI TIH SAWI  RAWH” tiin a au tuar tuar a! heihi eng nge ni ta ngai le? a mitsulh a, a awn ta riai riai a!
A pasal in chhuak tura a nawr zan khan luhlul chhuahin a chhuak duh tlat lova; milem ang maiin an inchhungah chuan a ngawi reng \hin. A pasal nen chuan nupa nun an hmang ngai tawh lova; nupa ni lovin  a pasal  eirawngbawlsaktu  satliah ni maiin a inhria a ni. A fate chuan engmah hre lose a duh a; an hmuhah chuan pangngai tum takin a inthunun \hin. Khawvelah hian a awm rei dawn tawh lo a, a damchhung tawite hi a tihchhiat tawh siam\hat nana hman a duh a, mahse, bul\an dan tur erawh a hre lo, a fapain bialnu amah thununa siam\ha thei a\awng tih a hriat khan a thlamuang deuh a, a taksa leh rilru na pawh a theihnghilh ve deuh.
“Paa, vawiin tlai kha Bawiha bialnu chaw rawn ei zan anih kha aw; lo haw hma ve hram  la” tiin a pasal chu a ngen a.
“Ka lo tum ang” a ti hmuk a; ve teh mial a! Pi Tluangi chu a lawm kher mai.
“Nu, kan lo thleng, hei hi Rose chu a nia, Rose, hei ka nu chu” Danny hlim hmel chu hmuh a nuam hle mai. A nu leh abialnu inchibai  lai chu lungawi takin a lo thlir a, “Nu, khawnge Melo-i  hi?”
“ Dawrah Nail-polish  ava lei lawk anih kha” a tih lai mek chuan Danny farnu Melody chu a rawn lut ve chiah a, Rose nen chuan an inchibai nghal a. Melody  pawh chu a cute reuh hle, hmeichhe nasa ve tak ani tih erawh rin a harsa!  Kum 14 anihin a virginity a hloh tawh a, a nun chu a loose deuh deuh mai a ni.
“Ka pa hi lo haw hma a tum lo mi le?”
“Tum ve kha mawle, lo nghak lawk ang u..tiraw Rose,” nelawm takin alo ti a. Rose chu zah hmel deuh in alo nui sen sen a. Pi Tluangi  chuan a fapa bialnu chu hmeichhe fel tak niin a ring nghal hmiah a, a hmel pawh a \ha takzet a ni. Mahse, khawiah emaw hmu tawh tlata hriatna erawh a nei a, a sawichhuak lem lo. Garage-a  motor rum hlarh hlarh ri a reh a\anga minute reilote-ah  pa ber chu a rawn lut ta a. Sitting room-a a nupui fanaute leh nula pakhat lo \hu \ham a hmuh chuan a mood off chu  thunun a tum hram hram a. Engdang a nilo, a bialnu, a mamawh em em khan midang hmuh tur a neih vangin an inhmu thei lova, a ril a\am huam huam mai, chaw chak ril\am erawh a ni hauh silo.
“Pa, hei Rose chu a nia, Rose, hei ka pa a nih hi” Dany chuan  a bialnu chu chhuang zetin a kutah a vawnsak a, hmeichhia chu  rawn dingchhuakin, a hmai hliahtu a sam chu a han huikiang a,
“Ka pu, ka hmu che chu ka lawm hle mai” tih pahin a kut chu a va phar chhuak a. Pu Thakima mitah tak chuan a han melh a..a bialpa pa tawlhkir dawrh chu nuihzat hmel zet hian a melh a. Pu Thakima chu mitmu pawng zawrh zawrh khawpin a mengphawk hru hru a! Rose chu uluk em em in a han enkual a, a insehruh a, a kut a humruh bawk. A hmai chu a sen awp awp a, a thisen zamte chu a pawng tawlh tawlh thei hial mai! A hamhaih lutuk leh hrihhai lutuk hmel chu fiamthu thawh thiam hmel te pawh a ang thei hial a lawm mawle..
“Nang..nang nu hi…ka..ih..” a kha  achih tlat! A nupui fanauten maktih hmel zeta an lo en \hap a hmuh chuan a harhchhuak nghal a; nui lui hram hramin Rose chu a va chibai  ta a. Roomah lut nghalin khumah a thu hnawk a, a nupuiin a rawn zui tih pawh a hre lo.
“Eng nge thil awmzia? Khanu nen khan in inhria ami?”
“Min kalsan teh, inngaihtuah ka duh”
Zanriah an kil lai chuan  Pu Thakima chu a hawichhuak hlek lova, Rose chuan ava melh hrek hrek a, tupawh mai chu boruak uap churh avang chuan an ngui bur hlawm a, Danny suangtuahna hlimawm tak pawh chu a ral ta riai riai a! apa awmdan mak tak avang chuan amangang takzet a ni. Zanriah eikhamah chuan Danny chuan Rose chu room-ah a hruailut a, an in fawp a, Rose chuan apa avangin hrehawm a ti ang tih a hlau a ni.
“Danny, rawn chhuak vat ruu” apa aw ah chuan thinrimna a lang tlat a ni.
A fapain  a hmeichhe duhber mai kha room-ah luhpuiin vanram tlafual an chen tur chu a ngaingam thlawt lova, hmeichhe tenawm Rose chu a fapa nun a\anga paihchhuah a duh bawk, tunah chuan huatna hlirin a khat tawh  a ni.
“He hmeichhia hi mihur a nih hi, tun atangin in inzawmna hi a chat nghal e”
“Ka pa,..!!”
“Kei hian ka hria a ni, he nu hi KS a nih hiii, mi hurnu, ka in a\ang hian chhuak nghal rawh” a mitmeng rapthlak zet chuan Rose chu a melh kul mai a!
“KS chu ka ni a lawm! Engtin nge i hriat theih a..ka pu,”
Chu zawhna chu  a chhang ngam kher ang em? Mitmeng zamlo leh inringtawk tih hriat zet hian a rawn melh kal mai bawk si..
“I sawi ngam lo nge? i sawi thei lo? Hei hi lo hre rawh, i fapa  nen hian sex kan la hmang hauh lo; pafaa sex hmanpui ka duh loh vang ni lovin i fapa thisenah hian  KA NU thisen a tel ve vang a ni zawk, ka pahrawn chu ka mutpui thei mai a, ka unaupa erawh ka mutpui thei ngai lovang”  a aw chu a chang kher mai. Pi Tluangi lam ava hawi chuan,  rapthlak tih hmel zet hian a lo en a, a rilru a buai hle tih a lang bawk..
“Ka nu, ilo dam thin maw?” a kut chu a pharchhuak a. A vawihnih nan .
“He heh..min chibai duh tawh na nge? A \ha  tho e..\hu teh u, khawngaihin” hamhaih zeta lo ding khawng reng ho chu a namthu hlawm a, a che vel chu a zangkhai vah a! a phur tih hriat zet hian a mitmeng chu a de sar sar a..
“Tu nge i nih? Rose” Danny mitmenga tawrhna lo lang chu a khawngaih ru kher mai, mahse, a zo tep tiin a infuih a.
“I unaunu ka ni, chu chu kan nu in\awm khan a hrilhfiah thei ang che; ka nu, cancerin a eichhe mek che a ni maw? hmm..a na em? A na ngawt ang tiraw? i thih hmaa i fanu duat hmel i hmu hi i lawm em? Ka ti hrilhhai viau che em ni?” Pi Tluangi  lam chu a melh a, a nui sang bawk a, Pu Thakima chuan a chevel chu a lo en tlawk tlawk a! Melody lah a ka hau bawk!
“Rochanhlui i ni maw? ka fanu Rochanhlui kha maw i nih? Dawt vek a ni, thudik a nilo” Pi Tluangi phun mawlh mawlh chu  nuihzat hmel zetin a lo thlir a.
“I fanu Rochanhlui kha ka ni e, kum 6 mi lek anih laia i uiresan, apa rethei tak leh anau kum  4 mi lek te nena i phatsan tak, khawhar taka awm tura i hnutchhiah tak i fanu kha ka ni, hmeichhe naupang leh mipa naupang chavai em em ten zantin an mumanga an hmuh, lo kir leh tura nghakhlel taka an thlir thin  kha nang hi i ni, pa rethei  takin mittui nena  a chulmut thin,  a \hianten nu a neih tawh loh vanga  an diriam \hin, chhantu leh  a mittui hrukhulsaktu nei ve tawh lo..fahrah  ni tura i kalsan tak i fanu  kha ka ni” a  mitah chuan mittui a tling khat vek a! mahse, chu mitmeng pawisawilo tak chu huatna leh thinrimnain a rawn thlak a..
“Kum 4 mi lek anih laia i kalsan tak, i fapa kha maw..ka nu, ka nau neihchhun khan tlaitin ilo haw ringin kawtchhuahah a lo hmuak thin che asin. Mahse, nangmah ngai em em chung leh i hming lam chungin a liam ta anih kha..a thih dawna  a thusawi hnuhnungber i hre duh em? ‘uuu, anuu ka ngai ee”  a ti a sin, mi bawlhhlawhnu,  i beng kha hup suh, ngaithla rawh, ih e, ih maw, i pasal, ka pa, i uiresan tak khan nupui dang nei miah lohin min \ulpui \hak a sin;  kan pafain kan parawl a! a thih dawn thleng khan nangmah demna thu vawikhatmah a chhak chhuak lo a sin, Tenawmnu, i pasal hlui khan  a hmangaih che a, i hmel hmuh chak in rethei takin a thi a sin, tuma dawm hlum lohin  a taksa leh thinlung na kha a thihpui a sin..”
Pi Tluangi bulah chuan ava ding a, Pi Tluangi  chu a khur hlawk hlawk a, a meng a ruai bawk a, midang ho chuan makti em em in an lo thlir a, Pu Thakima chu a indawm kun a, a chek tlak tlak a..
“Ka pa thih hnu chuan ka pate ate bulah ka khawsa a, ka nuna lianber i hre duh em? Tuna i chunga ka thiltih mek hi zantina ka suangtuahna luahkhattu leh ka duhthusam a ni. Kum 18 ka nihin kan in leh lo ka hralh a, zawngchhuak tur chein ka rawn chhuak ta a, mi awmpuiah ka \ang a, ka suangtuahna  tihlawhtling turin engpawh ka thawk thin. I pasal, ka pahrawn tar hura a\ang hian bul ka \an ta anih kha..i pasal chauh hi ka duhkhawp lova, i fapaah ka \uan leh ta anih kha..nia, ani chu  ka unaupa a ni, ka mutpui theilo;  i laka phuba lak dan \ha ber chu i chhungkaw kehdarh tir hi a ni miau a! nang chu i thi tep tawh a lawm! A dik tiraw? i khawvel thar kha ilo hlimpui rei tawk tawh bawk alawm..tunah  thi silovin i nunna hi ka chhahsak tawh  ang che, ka pa i tihnat ang khan nitin i thinlung a na tawh anga, i \ap anga, i tenawm a vanga i zahna chuan i mit a mentir ngam tawh lovang che, i pasal duhtak leh i fanu  chu nupa ang maiin an lo khawsa thin tih i hrechhuak zantin tawh anga, i fapa hmangaihber chu i fanu hi a ni tih pawh i theihnghilh lo bawk anga, ka lawm e, i chantawk a ni, pawm nang che”
“E chuan maw..mi nupui duhlai i luahlanna phuba a ni bawk tih ilo hre dawn nia, kha i luahlan tak hmeichhia khan fa pathum a nei ve bawk tih pawh hi hrereng ang che”
A bag ala a, a chhuak ta a..a reh ta tlawk tlawk mai. Melody  chu a rawn \ap chhuak ta thut a!
“Nuuu, khatiang kha ilo ni tak tak a mi?” chhanna a awm lo.
“Pa,  nang tal chuan min chhang rawh”
“I nu hi ka ka nupui pahnihna a ni, i nu tan pawh a pasal pahnihna ka ni”
Danny chu a room-ah chuan a vei a vei a, awmdan tur a hre lova, tih tur leh tih loh tur pawh a hre lo. A hmangaihber hmeichhia kha a farnu maw a lo nih a?!! a nu chu a hua a, engtin nge khatiang thil rapthlak kha Rose chungah a tih theih le? a farnu a ni tih a hriat hnu pawh chuan,  Rose chu hmeichhe en in a en lo thei chuang lo; a nupui nise ala ti ngawih ngawih tho..mahse, engtikahmah a rem dawn lo tih pawh chiang takin a hria..
Pi Tluangi chu mi a ang maiin a mu chawrh chawrh a, a \awng ngai lova, a \ap ngai lova, a nui hmel hmuh tur a awm hek lo. A fanu phuba chu a tuar ngawt ngawt ringawt mai a ni.
Pu Thakima pawh  thilthleng avang khan a danglam vek! Mahse, a \ha zawngin a ni ta hlauh! Phuba pawh hian tuemaw nun alo siam\ha thei anih dawn hi..a nupui chu a kal har dawn lo tih a hria a, duat takin a enkawl a, a tawrhna nasat dan tur a hriatthiam vangin a damchhung reilote chu a bula atam thei ang bera hman a duh a ni. Rose a ngaihtuah chhuah apiangin a khur thin, a hmei leh a fanu hrawn ni kawp kha hmeichhe satliah a nilo tih a hria, a hlau a ni.
“Ka kal hma ngei hian ka fanu kha ngaihdam dil ka duh  a ni”
“Biak ka lo tum ange”
Thlanlung  tetakte leh a aia lian hret inkarah a ding a, van lam a en a, a maimitchhing a..
“Bawiha, ka pa, thlamuang takin chawl tawh ang che u aw..” tiin a phun sep sep a. Thlanmual chu a chhuahsan a, a phone chu lekkangin tuemaw a bia a, “ Lawmi, keimah ka nia, engkimah khan ka lawm e, tunah chuan call girl ka ni tawh lo tih ka rawn hrilh che”
“Hlute, ka lawmpui che, keipawh ka lawm e, nangmah vangin pawisa tam tak ka nei thei a, i chanchin ka ziah hi tute emaw chuan  mittui nen an chhiar ka ring tlat a ni, mi maknu, in hmu leh ang aw…”
“Pasal ka nei ve  te anih ngai chuan tumah fahrahin ka siam ve lovang tih hi ziak tel la aw” a nui leh sen sen a…